சுவாமி யோகேஸ்வரனுக்கே பேய்க்கு பயமாம்

மட்டக்களப்பு பாராளுமன்ற உறுப்பினர் யோகேஸ்வரன் முன்னாள் முதல்வர் சந்திரகாந்தனின் நெருங்கிய உறவினர்.  இருவரும் கல்குடா தொகுதியை சேர்ந்தவர்கள்.  யோகேஸ்வரனுட்பட தமிழரசு கட்சியின் செயலாளர் என்று சொல்லப்படுகின்ற துரைராஜசிங்கம் கூட இந்த தொகுதியை சேர்ந்தவர்தான்.

மட்டக்களப்பு மாவட்டத்திலுள்ள ஏனைய இரு தொகுதிகளையும் விட இந்த தொகுதியிலேயே சந்திரகாந்தனுக்காக அதிக செல்வாக்கு காணப்படுகின்றது. கடந்த உள்ளுராட்சி மன்ற தேர்தலில் இந்த கல்குடா தொகுதியிலுள்ள வாகரை வாழைச்சேனை செங்கலடி ஆகிய பிரதேச சபைகளில் தமிழ் மக்கள் விடுதலைப்புலிகளின் வளர்ச்சி தமிழரசு கட்சியை யாரும் எதிர்பாராதவிதமாக ஓரங்கட்டியது. 

இன்றைய நிலையில் சந்திரகாந்தன் போன்ற உறுதியான செயல்திறன் மிக்க தலைமையொன்றின் தேவையை கிழக்குமாகாண மக்கள் அதிகமாகவே உணர்ந்து வருகின்றார்கள். எனவே எதிர்வரும் காலங்களில் கல்குடா தொகுதியில்  தமிழரசு கட்சி வரலாறு காணாத தோல்வியை தழுவுவது நிச்சயமாகி வருகின்றது.

இந்த நிலையில் தமிழரசு கட்சியினருக்கு அதிலும் குறிப்பாக யோகேஸ்வரனுக்கு குலை நடுக்கம் பிடிக்க தொடங்கியுள்ளது. அருகிலிருப்பவன் குசு விட்டாலும் அது பிள்ளையானால்தான் என்று குற்றம் சாட்டுமளவுக்கு அனைவரது மனநிலை வந்து விட்டது. 

கடந்தவாரம்  பிள்ளையானுடைய பெரும் பணிகளில் ஒன்றாகிய பேத்தாளை நூலக ஆய்வு மாணவர்களின்  தேவை கருதி வாழைச்சேனை தவிசாளர் கிழக்கு மாகாண சபை கன்சாட்டின் பிரதிகளை திரட்ட வேண்டிய தேவையேற்றப்பட்டது.

அதன்காரணமாக முன்னாள் மாகாண சபை உறுப்பினரான  திரவியம் ஜெயம் அதனை தருவதற்கு சம்மதித்தார். அதனை பெற்றுக்கொள்ள  நூலகர் பிரகாஸ் தவிசாளரினால் அனுப்பி வைக்கப்பட்டார். திரவியம்   தமிழ் மக்கள் விடுதலை புலிகளின் பிரதித்தலைவர் என்பதனால் அவரது வீட்டிலிருந்து பெரிய கட்டுகளை கொண்ட பிரதிகள் கொண்டுவரப்படுவதை அறிந்த யோகேஸ்வரன் அதனை தமக்கெதிரான துண்டு பிரச்சாரங்கள்  என எண்ணி அவற்றை பறித்து வருமாறு தமது சகாக்களுக்கு   கட்டளையிட்டுள்ளார். அதனை பறிக்க சென்ற இருவர் பிரகாஷையும் அவரது உதவியாளரையும் தாக்கிவிட்டு அவற்றை பறித்து சென்றுள்ளனர். இது குறித்து போலீசாரிடம் முறையீடு செய்யப்பட்டுள்ளது.

யோகேஸ்வரனிடம்    சில கேள்விகள் அது நோட்டீஸாகவே 

இருந்திருந்தாலும் -------

 *ஐயா பிள்ளையானின் ஆட்கள் உங்களுக்கெதிராக நோட்டீஸ் அடித்து விட்டால்த்தால் என்ன? எவருக்கும் அமைதி வழியில் கருத்து சொல்வதற்கான உரிமை உண்டுதானே?

*ஒரு  நோட்டிஸுக்கே இப்படி நீங்கள் பதற  வேண்டிய அவசியம் என்ன? உங்கள் கையாலாகாத்தனங்கள் வெளிவரக்கூடாது என்கின்ற முன்னெச்சரிக்கையா? 

*இப்பவே இப்படி பயப்பட்டால் எதிர்வரும்  தேர்தல் காலத்தை எப்படி சமாளிக்க போகின்றீர்கள்?

*அதுசரி நீங்கள் மாது கூட  ஏதுமில்லாத பூசாரி ஆயிற்றே உங்கள் கையாட்கள் எப்போதும் நல்ல மது போதையில்தான் தயாராக இருப்பார்களா?

*அடிதடி என்பது மனித உரிமை மீறல் அல்லவா அதை ஒரு பாராளுமன்ற உறுப்பினரே ஊக்குவித்தால் அடுத்தவர்கள் என்ன செய்வார்கள்?

 *ஒரு பூசாரிக்கே இருண்டதெல்லாம் பேயாக தெரிகிறதென்றால் சுவாமி யோகேஸ்வரனுக்கே பேய்க்கு பயமாம் என்று ஊரல்லவா சிரிக்கும்?

»»  (மேலும்)

யோகேஸ்வரன் எம்பியால் நூலக உத்தியோகஸ்தர் தாக்கப்பட்டார்

பாராளுமன்ற உறுப்பினர் யோகேஸ்வரனால் அனுப்பி வைக்கப்பட்டவர்களினால் வாழைச்சேனை பேத்தாளை பொது நூலக உத்தியோகத்தர் தாக்கப்பட்டு ஆவணங்கள் எடுத்துச் செல்லப்பட்டுள்ளது.

இவ்விடயம் தொடர்பில் தெரியவருவதாவது.

தேசிய ரீதியில் சிறந்த நூலகமாக விளங்கிக்கொண்டிருக்கும் பேத்தாளை பொது நூலகமானது பல தகவல்களை சேகரித்து ஆவணப்படுத்தும் செயற்றிட்டத்தினை வாசகர் வட்டத்துடன் இணைந்து செயற்படுத்தி வருகின்றது.

அதனடிப்படையில் கிழக்கு மாகாணசபையின் அதிகாரபூர்வ அறிக்கையானது (ஹன்சாட்) குறித்த நூலகத்தில் 2008 தொடக்கம் 2012 வரை உள்ளதுடன் அதன் பின்னரானவை இல்லாததனால் அதனை கிழக்கு மாகாணசபை முன்னாள் உறுப்பினர் திரவியம் அவர்களிடம் பெற்றுக்கொள்வதற்கு நூலக உத்தியோகத்தர் ம.பிரகாஸ் அவர்களும், வாசகர் வட்ட உறுப்பினர் தஹிவரன் அவர்களும் கோறளைப்பற்று பிரதேசசபை தவிசாளர் திருமதி சோபா ஜெயரஞ்சித் அவர்களின் அனுமதியுடன் 05.06.2019 அன்று சென்றுள்ளனர்.

ஹன்சாட் அறிக்கைகளை திரவியம் அவர்களிடமிருந்து பெற்றுக்கொண்டு வரும்போது குறித்த பிரதேசத்தில் ஊடகவியலாளராக செயற்பட்டுபவரும் கோறளைப்பற்று மத்தி பிரதேச சபையின் கீழ் இயங்கும் பொது நூலகத்தின் நூலகரான கைலாயப்பிள்ளை ருத்திரன் என்பவரும் கோறளைப்பற்றுறு பிரதேதச செயலகத்தில் அபிவிருத்தி உத்தியோகத்தராக பணிபுரியும் வெற்றிவேல் மோகன்ராஜ் என்பவரும் ஹன்சாட் ஆவனங்களுடன் வந்த பிரகாஸ் அவர்களை தாக்கிவிட்டு ஆவணங்களை எடுத்துச் சென்றுள்ளனர்.

இவ்விடயம் தொடர்பில் கல்குகுடா பொலிஸ் நிலையத்தில் முறைப்பாடு செய்யப்பட்டுள்ளது.

தாக்கியவர்களை பொலிசார் விசாரித்தபோது இவ் ஆவணங்களை பறித்து வரும்படி யோகேஸ்வரன் அவர்கள் அனுப்பியதாக பொலிசில் வாக்குமூலம் அளித்துள்ளனர்.

இவ்விடயம் தொடர்பாக பாராளுமன்ற உறுப்பினர் யோகேஸ்வவரனிடம் தவிசாளர் திருமதி சோபா ஜெயரஞ்சித் தொடர்புகொண்டு கேட்டபோது தான்தான் அவ் ஆவணங்களை பறித்துவரும்படி குறியதாக யோகேஸ்வரன் அவர்கள் கூறியுள்ளார்.

»»  (மேலும்)

ரஞ்சித் சொன்னது உண்மையைத் தவிர வேறில்லை.

சங்க காலத்தில் தமிழ்நாட்டின் பல  பகுதிகளை சோழர்கள் ஆண்டனர். ஆனாலும் பிற்கால சோழராட்சி  எனப்படுவது தொடர்ச்சியான சுமார் 430 ஆண்டுகால வரலாற்றை கொண்டது. சோழ மன்னர்கள் 850ஆம் ஆண்டு தொடங்கி 1279 வரை கொடி கட்டி பறந்தனர். 

இவர்களில் இராஜ  இராஜ சோழனது ஆட்சிக்காலம் 985-1014 வரையானதாகும்.  இவனே சேர,பாண்டிய,மற்றும் இலங்கை போன்றவற்றை வென்று கொடிநாட்டினான். வடக்கு நோக்கி பல் பகுதிகளை வென்றான்.

இலங்கையில் பொலன்னறுவையை தலைநகராக கொண்டு ஆட்சி  செய்தான். இவனது காலத்தில் போர்களில் கைதிகளாக்கப்பட்ட  அடிமைகளை கொண்டே பிரமாண்டமான  தஞ்சை பெருங்கோவில் கட்டப்பட்டது. அதில் ஈழத்திலிருந்து சிறை பிடிக்கப்பட்ட கைதிகளும் அடங்கும். 

ஆலய வழிபாடுகள் வைதீக முறைமைக்குள் உள்வாங்கப்பட்டு பிராமணர்கள் சமூகத்தின் பிரதான பாத்திரம் வகிப்பவர்களாக முன்னிறுத்தப்பட்டனர். இராஜராஜ சோழன் எங்கிருந்தோ வந்த பிராமணர்களுக்கு கோவில் நிலங்கள் என்கின்ற பெயரில் ஏராளமான  பிரமதேயங்களை  வழங்கினான்.   ஆலயங்கள் அரசனது நிலவுடமை,பொருளாதார மையங்களாக மாறியது. 

அதுவரை காலமும் இந்நிலங்களை வைத்திருந்த   பூர்வீக குடிகள் நிலமற்றவர்களாக மாற்றப்பட்டனர். சாதிமுறைமைகள் வலுவாக்கப்பட்டு பூர்வகுடிகள் சூத்திரர்களாக, தலித்துகளாக ஏதுமற்றவர்க்ளாக ஒடுக்கப்படும் வரலாறு தொடங்கியது. 

»»  (மேலும்)

ஈழத்தமிழரின் கலைமுகம் - பிறந்தநாள் வாழ்த்துக்கள்

ஒரு கல்வியாளனாக, ஒரு நடிகனாக,ஒரு கவிஞனாக,ஒரு எழுத்தாளனாக,ஒரு நாடகக்காரனாக, ஒரு தமிழிசை ஆய்வாளனாக வியாபித்து நிற்கும் மகத்தான மனிதர் பேராசிரியர்.மெளனகுரு அவர்கள்.

தள்ளாத வயதிலும் அவரது உயிர்ப்பிலும் துடிப்பிலும் கலந்துவிட்ட தமிழிசையின் மகத்துவமே அவரை இன்றுவரை இயக்குகின்றது எனலாம்.

ஈழத்து புலமையாளர் வரிசையில்  பேராசிரியர்கள் வித்தியானந்தன்,கைலாசபதி,சிவத்தம்பி ஆகியோரின் தொடர்ச்சியாக  இன்றும் எம்முடன் வாழ்பவர்  பேராசிரியர் மெளனகுரு அவர்கள். 

தமிழர்களின் முதுசமான நாட்டுக்கூத்து செல்நெறி மரபின் சிறப்புகளை நவீன நாடக அரங்குடன் பின்னிப்பிணைப்பதில் பெரு வெற்றி கண்டவர்.

*1969ம் ஆண்டு இடம்பெற்ற தீண்டாமைஒழிப்பு வெகுஜன இயக்கத்தின் முதலாவது மாநாட்டில் அரங்கேற்றப்பட்ட "சங்காரம்" எனும் சமூகநீதிக்கான நாடகம் இந்த மெளனகுருவினுடையது.

*நாடகமென்பது சினிமா "போலச்செய்வது" என்றிருந்த குண்டுசட்டிக்குள் குதிரைஒட்டிய அந்த காலங்களில் நாடகத்துறைக்கு அதிர்ச்சி வைத்தியம் அளித்தது யாழ்ப்பாண பல்கலைகழகத்தில் அவர் மேடையேற்றிய "புதியதொர்வீடு" நாடகம் ஆகும்.

*என்.கே.ரகுநாதனுடைய கந்தன்கருணையில் நடிகராகவும் சிதம்பரநாதனின் மண்சுமந்த மேனியார் நாடகத்தின் ஆட்டகோலங்களின் வடிவமைப்பாளராகவும் மெளனகுரு அவர்கள்  பங்கு வகித்தார்.

* ஈழத்து தமிழிசை,நடன மரபுகளை அடையாளப்படுத்தும் இவரது முயற்சியில் உருவான தமிழிசையணி  இன்று மட்டக்களப்பு கிராமங்களில் காலூன்ற வழிவகுத்தமை ஈழத்தமிழரின் வரலாற்றில் ஒரு மைல்  கல்லாகும். 

*இழிகுலத்தோர் இசை என்று ஒதுக்கப்பட்ட பறையொலியை  பல்கலைகழகத்துக்குள் நுழைத்து உலக நாடக விழா,பட்டமளிப்பு விழா போன்ற விழாக்களின் முன்னணி இசையாக முழங்க வைத்தவர் 

*சுமார் 25 நூல்கள் 250 ஆய்வு கட்டுரைகள்,பல்வேறு நாடகங்கள்,பல  பத்து சிறுவர் நாடகங்கள் என நீளும்  அவரது எழுத்தியக்கம் இன்னும் தொடர்ந்துகொண்டேயிருக்கிறது. 

ஆம் அவர் ஈழத்தமிழரின் கலைமுகம்.  அவருக்கு எமது உண்மைகள் இணையத்தளம் சார்பில் இனிய பிறந்தநாள் வாழ்த்துக்கள்.

»»  (மேலும்)

‘ஞாயிறன்று மோடி வருகிறார்’

இந்தியப் பிரதமர் நரேந்திர மோடி ஒரு நாள் விஜயத்தை  மேற்கொண்டு ஞாயிற்றுக்கிழமையன்று (09) இலங்கை வருகைதரவுள்ளார்.
அவரை வரவேற்கும்  உத்தியோகப்பூர்வ நிகழ்வுஇ ஜனாதிபதி செயலகத்தில் இடம்பெறவுள்ளமை குறிப்படத்தக்கது.

அயல்நாடுகளுக்குள்ளான நட்புறவை வெளிபடுத்துவதே இவ்விஜயத்தின் நோக்கம் என இந்திய வெளிவிவகார அமைச்சு தெரிவித்துள்ளது.

»»  (மேலும்)

முஸ்லிம் பாதுகாப்புக்கு அச்சுறுத்தல்: இலங்கை கிழக்கு மாகாண ஆளுநர் ராஜிநாமா

முஸ்லிம்களின் பாதுகாப்புக்கு மிகக் கடுமையான அச்சுறுத்தல் ஏற்பட்டுள்ளமை காரணமாக, கிழக்கு மாகாண ஆளுநர் பதவியை தான் ராஜிநாமா செய்துள்ளதாக எம்.எல்.ஏ.எம். ஹிஸ்புல்லா பிபிசிக்கு தெரிவித்துள்ளார்.

"இன ரீதியாக முஸ்லிம்களுக்கு கடும் அச்சுறுத்தல் ஏற்பட்டுள்ளது. இதனால் நாட்டு மக்களுக்கும் கடுமையான பாதிப்பு ஏற்படும். ஏற்கனவே, முஸ்லிம்களின் சொத்துக்கள் வன்முறையின் மூலம் அழிக்கப்பட்டுள்ளன. இந்த நிலையில் மீண்டும் முஸ்லிம் சமூகத்துக்கு ஒரு அழிவு ஏற்படக் கூடாது என்பதில் நான் கவனமாக உள்ளேன்.

எனவே, முஸ்லிம் சமூகத்தின் பாதுகாப்பை கருத்தில் கொண்டும், அந்த சமூகத்தின் பாதுகாப்பை உறுதிப்படுத்துவதற்காக வேண்டியும் நான் ராஜிநாமா செய்துள்ளேன்" என்றும் ஆளுநர் ஹிஸ்புல்லா கூறினார்.

இதேவேளை, முஸ்லிம் சமூகத்தின் பாதுகாப்பை உறுதிப்படுத்துமாறு ஜனாதிபதியிடம், இந்த ராஜிநாமா மூலம் கோரிக்கை விடுத்துள்ளதாகவும் பிபிசியிடம் ஹிஸ்புல்லா மேலும் தெரிவித்தார்.

»»  (மேலும்)

அரசாங்கத்திற்கு எதிரான நம்பிக்கை இல்லாப் பிரேரணை

மக்கள் விடுதலை முன்னணி கொண்டுவந்துள்ள அரசாங்கத்திற்கு எதிரான நம்பிக்கை இல்லாப் பிரேரணையின் முக்கிய அம்சங்கள்.

1. 2019 ஏப்ரல் 21ஆம் திகதி உயிர்த்த ஞாயிறு தினத்தில் கொழும்பு , நீர்கொழும்பு , மட்டக்களப்பு ஆகிய பிரதேசங்களில் இடம்பெற்ற பயங்கரவாதிகளின் தற்கொலை குண்டுத்தாக்குதல் சம்பவங்களில் இலங்கையர்கள் உள்ளிட்ட 250ற்கும் மேற்பட்டவர்கள் கொல்லப்பட்டதுடன் மேலும் 500 பேர் வரையிலானோர் காயமடைந்திருந்தனர். இது தொடர்பாக பிரதமர் , அமைச்சரவை மற்றும் அரசாங்கத்திற்கு உத்தியோகபூர்வமாக தகவல்கள் கிடைத்திருந்த போது அது தொடர்பான அக்கறையின்றி கீழ் வரும் செயற்பாடுகளை மேற்கொண்டும் , மேற்கொள்ளாமலும் இருந்துள்ளனர். அதில்,

அ) 2019.05.08 அன்று பிரதமர் பாராளுமன்றத்தில் கூறியதன்படி 2014ஆம் ஆண்டு முதல் ஐ.எஸ் சர்வதேச பயங்கரவாத இஸ்லாமிய அடிப்படைவாத அமைப்புடன் இலங்கையிலுள்ள சிலர் தொடர்புகளை பேணியதாகவும் , பல்வேறு செயற்பாடுகளின் ஈடுபட்டதாகவும் அறிந்திருந்திருந்துள்ளனர். எனினும் அது தொடர்பாக சரியான நடவடிக்கைகளை முன்னெடுக்கப்படவில்லை,

ஆ) பல்வேறு இஸ்லாமிய மத அடிப்படைவாத அமைப்புகள் முஸ்லிம் சமூகத்தினரிடையே செயற்படுவதாக முஸ்லிம் சமூகத்தினராலேயே அரசாங்கம் மற்றும் பொறுப்பு வாய்ந்த நிறுவனங்களுக்கு அறிவித்திருந்த போதும் அது தொடர்பாக செயற்படாமை,

இ) காத்தான்குடி பிரதேசத்தில் வாழும் மக்களுக்கு பல்வேறு சந்தர்ப்பங்களில் மேற்கொள்ளப்பட்ட அச்சுறுத்தல் மற்றும் தாக்குதல்கள் தெதாடர்பாக 2019 ஏப்ரல் 21ஆம் திகதி குண்டை வெடிக்க வைத்து உயிரிழந்த சஹரான் ஹசீம் மற்றும் 2019 ஏப்ரல் 26ஆம் திகதி சாய்ந்தமருதில் குண்டை வெடிக்க வைத்து உயிரிழந்த ஏ.எல்.எம்.நியாஸ் உள்ளிட்டோருக்கு எதிராக நீதிமன்றத்தினால் பிடியாணை பிறப்பிக்கப்பட்டிருந்த போதும் அவர்களை கைது செய்வதற்கு முறையாக சட்டத்தை செயற்படுத்தாமை

ஈ) 2018ஆம் ஆண்டு டிசம்பர் 24ஆம் திகதி மாவனெல்லையில் புத்தர் சிலைக்கு சேதம் விளைவித்தமையுடன் சஹரான் ஹசீம் உள்ளிட்ட குழுவினர் தொடர்புபட்டிருப்பதாக இலங்கை முஸ்லிம் சபையினால் தேசிய புலனாய்வு பிரிவுக்கு 2018 டிசம்பர் 28ஆம் திகதி அறிவிக்கப்பட்டிருந்த போதும் மற்றும் இந்த தாக்குதல் சம்பவம் தொடர்பாக சந்தேகத்தில் சிலர் கைது செய்யப்பட்டிருந்த போதும் அது தொடர்பான விசாரணகளை முன்னெடுத்து செல்வதனை தடுக்கப்பட்டு அதில் தலையிடுகள் காணப்பட்டதாக அரசாங்கத்தின் அமைச்சர் ஒருவர் கருத்து தெரிவித்துள்ளமை

உ) இந்த தாக்குதல் இடம்றுவதற்கு முன்பிருந்து குறிப்பிடத்தக்களவு இலங்கையர்கள் ஐ.எஸ் இஸ்லாமிய பயங்கரவாத அமைப்புடன் இணைந்து செயற்படுவது தொடர்பான தகவல்கள் தொடர்பாக சட்ட நடவடிக்கைகள் மற்றும் பாதுகாப்பு நடவடிக்கைகளை முன்னெடுக்காமை
ஊ) பாதுகாப்பு சபையின் உறுப்பினரான பிரதமர் பாதுகாப்பு சபை அமர்வுகளில் கலந்துகொள்ளாது நாட்டு மக்களுக்காக அவர் செய்ய வேண்டிய அடிப்படை பொறுப்பை செய்ய தவறியமை,

எ) வெளிநாட்டு உளவு பிரிவினால் இலங்கைக்குள் கத்தோலிக்க தேவாலயங்கள் மற்றும் ஹோட்டல்களை இலக்கு வைத்து தற்கொலை தாக்குதல்களை நடத்தவுள்ளதாகவும் அதனுடன் தொடர்புடைய நபர்கள் மற்றும் அவர்களின் தொலைபேசி இலக்கங்கள் , தேசிய அடையாள அட்டை இலக்கம் உள்ளிட்ட சரியான தகவல்களை வழங்கியிருந்த போதும் அந்த தகவல்களின்படி நடவடிக்கையெடுக்க தவறியமை மற்றும் 2019.4.21 ஆம் திகதி அந்த தாக்குதலுக்கு முன்னரும் உளவுப்பிரிவினால் மீண்டும் எச்சரிக்கை விடுத்திருந்த போதும் அது தொடர்பான நடவடிக்கையெடுக்காமை

ஏ) 2019.04.11 அன்று பிரதி பொலிஸ்மா அதிபர் விசேட பாதுகாப்புக்கு பொறுப்பான பிரியலால் தசநாயக்கவினால் ஏப்ரல் 21 தாக்குதல் தொடர்பாக அனுப்பியிருந்த கடிதத்தில் குறிப்பிடப்பட்டுள்ள விடயங்கள் தொடர்பாக நடவடிக்கையெடுக்காமை உள்ளிட்ட விடங்களுக்கமைய 2019.4.21ஆம் திகதி சிவில் மக்களை இலக்கு வைத்து மேற்கொள்ளப்பட்ட பயங்கரவாத தாக்குதலை தடுப்பதற்கும் மற்றும் சேதங்களை கட்டுப்படுத்துவதற்கும் முடியுமாக இருந்தபோதிலும்

2. 2019.04.21ஆம் திகதி இடம்பெற்ற தாக்குதல்களின் பின்னர் பிரதமர் மற்றும் அமைச்சர்களினால் அந்த தாக்குதல்கள் தொடர்பாக பொறுப்பு கூறாது அந்த பொறுப்புகளை வேறு தரப்பினர் மீது சுமத்துவதற்கு முயற்சித்துள்ளதுடன் அமைச்சர்கள் பொறுப்பற்ற வகையில் பொய்யான கருத்துக்களை வெளியிட்டு நாட்டை பாதுகாப்பற்ற நிலைமைக்கு கொண்டு செல்லும் வகையில் நடந்துக்கொண்டுள்ளனர்.

3. 2019.04.21ஆம் திகதி உயிர்த்த ஞாயிறு தாக்குதல் தொடர்பாக கைது செய்யப்பட்டுள்ள சந்தேக நபர்கள் தொடர்பான விசாரணை செயற்பாடுகளுக்கு இடையூறுகளை ஏற்படுத்தி அந்த குற்றச் செயல்கள் தொடர்பாக சட்டத்தை செயற்படுத்துவதற்கு இடையூறுகளை மேற்கொண்டோ அல்லது தடுத்து நிறுத்தியோ அரசாங்கத்தின் சில அமைச்சர்கள் செயற்பட்டுள்ளனர்.

4. 2019.04.21ஆம் திகதி பயங்கரவாத தாக்குதல்களின் பின்னர் மேலும் அவ்வாறான தாக்குதல்கள் மற்றும் வன்முறை செயற்பாடுகளை கட்டுப்படுத்துவதற்கான சட்ட திட்டங்கள் அரசாங்கத்திடம் இருக்கின்ற போதும் 2019.05.13ஆம் திகதி கம்பஹா பிரதேசத்திலும் வடமேல் மாகாணத்திலும் இடம்பெற்ற அடிப்படையாவத வன்முறை செயற்பாடுகளால் கொலை , சொத்து சேதங்கள் ஏற்பட்டுள்ளன. இவ்வாறான சம்பவங்கள் இடம்பெறுவதை தடுக்க தவறியமை ,

5. உயிர்த்த ஞாயிறு தாக்குதல் இடம்பெற்று ஒரு மாதமாகியுள்ள போதும் நாட்டில் பொருளாதாரத்தை மீள கட்டியெழுப்ப முடியாது போயுள்ளதாகவும் நாட்டில் பாடசாலைகள் மற்றும் பல்கலைக்கழக கல்வி செயற்பாடுகளை மீள கட்டியெழுப்ப முடியாது போயுள்ளதாகவும் அரச மற்றும் தனியார் துறைகளை மீண்டும் இயல்பு நிலைக்கு கொண்டு வர தவறியுள்ளதாகவும் அரசாங்கம் என்ற வகையில் நாட்டு மக்களுக்கு நிறைவேற்ற வேண்டிய பொறுப்புகளிலிருந்து விலகி செயற்பட்டுள்ளதாகவும் ,

6. 2019.04.21ஆம் திகதி தாக்குதல்களை தடுக்க முடியாமையினாலும் அதன் பின்னர் நாட்டில் பாதுகாப்பு நிலைமை மற்றும் சிவில் வாழ்க்கையை இயல்பு நிலைக்கு கொண்டு வராமையினாலும் ஏற்பட்டுள்ள பாதுகாப்பற்ற தன்மையால் நாட்டின் உள்ளக நடவடிக்கைகளில் தலையிடுவதற்கு வெளிநாடுகளுக்கு இடமளித்து செயற்படுவதாகவும் இலங்கை ஜனநாயக சோஷலிச அரசாங்கம் தொடர்பாக மேலும் நம்பிக்கை கொள்ள முடியாது போயுள்ளதாக பாராளுமன்றத்தில் யோசனையை முன்வைக்கின்றோம் என குறிப்பிடப்பட்டுள்ளது.

»»  (மேலும்)