உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

11/30/2011

மட்/வந்தாறுமூலை மத்திய மகா வித்தியாலயத்தின் வருடார்ந்த பரிசளிப்பு விழா

மட்/ வந்தாறுமூலை மத்திய மகா வித்தியாலயத்தின் 2010ம் ஆண்டிற்கான வருடார்ந்த பரிசளிப்பு விழா இன்று(29.11.2011) வித்தியாலயத்தின் அதிபர் வி.பஞ்சலிங்கம் தலைமையில் இடம்பெற்றது. இந் நிகழ்வில் கிழக்கு மாகாண முதலமைச்சர் சிவநேசதுரை சந்திரகாந்தன் பிரதம அதிதியாக கலந்து கொண்டார். வுpத்தியாலயத்தின் ஸ்த்தாபகர் அமரர் நல்லையா அவர்களின் உருவச் சிலைக்கு முதலமைச்சர் மலர் மாலை அணிவிப்பதனையும் நிகழ்வின் சில காட்சிகளையும் படத்தில் காணலாம்.

»»  (மேலும்)

இறங்குதுறை மக்களின் பாவனைக்காக முதலமைச்சரினால் கையளிப்பு

கிழக்கு மாகாண முதலமைச்சர் செயலகத்தின் 2011ம் ஆண்டிற்கான பிராந்திய அபிவிருத்தி திட்டத்தின் கீழ் கிழக்கு மாகாண முதலமைச்சர் சிவநேசதுரை சந்திரகாந்தன் அவர்களின் நேரடி நிதி ஒதுக்கீடிட்டின் மூலம் வெருகல் பிரதேச செயலாளர் பிரிவிலுள்ள இலங்கத்துறை , இலங்கத்தறை முகத்துவாரம் ஆகிய இரு கிராமங்களுக்குமான ஆற்றுவழிப் போக்குவரத்திற்கான பயணப்பாதை படகுடன் இறங்கு துறைநிர்மானிக்கப்பட்டு முதலமைச்சர் சந்திரகாந்தன் அவர்களினால் மக்களின் பாவனைக்காக மக்களிடம் இன்று(28.11.2011) உத்தியோகபூர்வமாக கையளிக்கப்பட்டன.
இந் நிகழ்வில் வெருகல் பிரதேச செயலாளர், தமிழ் தேசிய கூட்டமைப்பின் வெருகல் பிரதேச சபையின் தவிசாளர் விஜயகாந்த் மற்றும் விவசாய திணைக்கள பிரதி பணி;பாளர், முதலமைச்ர் செயலகத்தின் திட்டமிடல் பணிப்பாளர் கௌரிதரன் உட்பட பலர் கலந்து கொண்டார்கள்.

»»  (மேலும்)

11/29/2011

பாராளுமன்ற தெரிவுக்குழுவை அமைத்து தமிழருக்கு விரைவில் அதிகாரத்தை பரவலாக்க வேண்டும்

இனப் பிரச்சினைத் தீர்வுக்கான பாராளுமன்றத் தெரிவுக்குழுவை உடனடியாக அமைத்து தமிழ் மக்களுக்கு விரைவாக அதிகாரப் பரவலாக்கலைப் பெற்றுக்கொடுக்க வேண்டுமென சிரேஷ்ட அமைச்சர் பேராசிரியர் திஸ்ஸ விதாரண பாராளுமன்றத்தில் தெரிவித்தார்.
பாராளுமன்றத்தில் நேற்று இது தொடர்பில் தெரிவித்த அமைச்சர், இதன் மூலமே தேசிய மற்றும் சர்வதேச ரீதியிலான பிரிவினைவாத சக்திகளை தமிழ் மக்கள் நிராகரிக்கும் நிலையை ஏற்படுத்த முடியும் எனவும் தெரிவித்தார்.
பாராளுமன்றத்தில் நேற்று வரவு செலவுத் திட்டம் மீதான விவாதத்தில் உரையாற்றுகையில் இது தொடர்பில் அமைச்சர் மேலும் தெரிவித்ததாவது; 2033ம் ஆண்டளவில் உலகில் பாரிய பொருளாதார நெருக்கடி ஏற்படுவதற்கான அறிகுறிகள் உள்ளன. இதனைத் தவிர்ப்பதற்கான நடவடிக்கைகளை மேற்குலக நாடுகள் முன்னெடுக்கின்றன.
இதன் ஒரு அம்சமாக பல்வேறு நாடுகளிலும் உள்நாட்டு யுத்தங்களை உருவாக்கி அதன் மூலம் இராணுவத் தளபாடங்களை விற்பனை செய்யும் திட்டத்தை நடைமுறைப்படுத்தி வருகின்றன. இதில் எமது நாடும் உள்ளடக்கப்பட்டுள்ளது.
எனவே எமது நாட்டை இத்தகைய சிக்கல்களிலிருந்து பாதுகாத்துக்கொள்ள எமது பொருளாதாரத்தை மேம்படுத்து வதற்கான திட்டங்களை முன்னெடுப்பது அவசியம். அதற்கு நாட்டில் நல்லாட்சி நடக்க வேண்டும். அதன் மூலம் மட்டுமே அபிவிருத்தி, பொருளாதார மேம்பாடு என்பன சாத்தியமாகும்.
நாம் அபிவிருத்தி பற்றி சிந்திக்கும்போது சில மாற்றங்களை செய்ய வேண்டியுள்ளது. நிர்வாகத்துறை, தேர்தல் முறைமை மற்று சட்டவாக்கம் போன்றவற்றிலேயே அவ்வாறான மாற்றங்கள் ஏற்படுத்தப்படுவது அவசியமானது. அதேவேளை வடக்கின் அபிவிருத்தி மேலும் மேம்படுத்தப்பட வேண்டும். தற்போது இனப் பிரச்சினை தீர்வுக்கான பாராளுமன்றத் தெரிவுக் குழு பற்றி பேசப்படுகின்றது.
இந்த தெரிவுக் குழு உடனடியாக அமைக்கப்பட்டு அத னூடாக தமிழ் மக்களுக்கான அதிகாரப் பரவலாக்கலை விரைவாகப் பெற்றுக் கொடுக்க அரசாங்கம் நடவடிக்கை எடுக்க வேண்டும். மக்களுக்குத் தேவையான நிவாரணங்கள் வழங்கப்பட வேண்டும். வரிச் சுமைகள் அப்பாவி மக்கள் மீது திணிக்கப்படக்கூடாது என்பதே எமது கம்யூனிஸ்ட் கட்சியின் நிலைப்பாடாகும் எனவும் அமைச்சர் மேலும் தெரிவித்தார்.
»»  (மேலும்)

முதலமைச்சரினால் விவசாய உபகரணங்கள் கையளிப்பு

கிழக்கு மாகாண முதலமைச்சர் சிவநேசதுரை சந்திரகாந்தன் அவர்களினது நிதி ஒதுக்கீட்டின் மூலம் திருகோணமலை வெருகல் பிரதேச செயலாளர் பிரிற்குட்பட்ட புதிதாக மீளக்குடியமர்த்தப்பட்டுள்ள வாழைத்தோட்ட விவசாய மக்களின் நன்மை கருதி கிழக்கு மாகாண முதலமைச்சரின் நேரடிப் பார்வையின் கீழ் வருகின்ற கிராமிய அபிவிருத்தி எனும் செயற்றிட்டத்தின் கீழ் இதற்கான நிதி ஒதுக்கப்பட்டு விவசாயத் திணைக்களத்தின் வழிகாட்டுதலின் கீழ் தேர்வு செய்யப்பட்ட விவசாயிகளுக்கு விவசாயக் கிணறு மற்றும் நீர் இறைக்கும் பம்பிகள் முதலமைச்சரினால் வழங்கி வைக்கப்பட்டு அதனை அங்குரார்ப்பணம் செய்து வைப்பதனையும் படத்தில் காணலாம். சுமார் 08 விவசாயக் கிணறுகளும் 22நீர் இறைக்கும் பம்பிகளும் மற்றும் முட் கம்பி பழக் கன்றுகள் என்பன வழங்கி வைக்கப்பட்டன.
இந் நிகழ்வில் தமிழ் மக்கள் விடுதலைப் புலிகள் கட்சியின் வெருகல் பிரதேச சபை உறுப்பினர் திருமதி எஸ் சாந்தமலர் மாகாண விவசாயப்பணிப்பாளர், பிரதி விவசாயப் பணிப்பாளர், முதலமைச்சர் செயலக திட்டமிடல் பணிப்பாளர், முதலமைச்சரின் இணைப்புச் செயலாளர் உட்பட பலர் கலந்து கொண்டார்கள் தெரிவு செய்யப்பட்ட சுமார் 30 விவசாயிகள் மேற்படி விவசாய உபகரணங்களையும் உள்ளீடுகளையும் பெற்றுக்கொண்டார்கள்.
»»  (மேலும்)

கிழக்கு முதல்வருக்கும் பிரான்ஸ் உயர்ஸ்தானிகருக்கும் இடையில் முக்கிய சந்திப்பு

கிழக்கு மாகாண முதலமைச்சர் சிவநேசதுரை சந்திரகாந்தன் அவர்களுக்கும் பிரான்ஸ் உயர்ஸ்தானிகர்     கிறிஸ்ரின் ரொபிகோ அவர்களுக்கும் இடையில் முக்கிய சந்திப்பொன்று இன்று (28.11.2011) காலை திருமலை முதலமைச்சர் அலுவலகத்தில் இடம்பெற்றது. கிழக்கு மாகாணத்தின் பாதுகாப்பு நிலவரம் மற்றும் கிழக்கு மாகாண மக்களின் வாழ்க்கைத் தரம், மாகாணத்தின் அபிவிருத்தி மற்றும் எதிர்காலத்திட்டங்கள் தொடர்பான கலந்துரையாடப்பட்டது. மேற்படி கலந்துரையாடலில் கிழக்கு மாகாண முதலமைச்சரின் பித்தியேக செயலாளர் எம். எம.; எம.; ஹன்ஸீரும் கலந்து கொண்டார்.
»»  (மேலும்)

ஆசிரியை கொலையுடன் சம்பந்தப்பட்ட இரு சந்தேகநபர்கள் கைது

கொலை செய்யப்பட்ட ஆசிரியையின் வீட்டிற்கு முதல்வர் சென்று ஆறுதல் கூறினார்கடந்த 24ந் திகதி கொலை செய்யப்பட்ட ஆசிரியை குருகுலசிங்கம் சிறிவதனி(33) அவர்களின் வீட்டிற்கு கிழக்கு மாகாண முதலமைச்சர் சிவநேசதுரை சந்திரகாந்தன் நேரில் சென்று ஆறுதல் கூறினார். இன்று(28.11.2011) மூதூர் கடi;பறிச்சான் 2ம் வட்டாரத்தில் அமைந்துள்ள குறித்த ஆசிரியையின் வீட்டிற்கு சென்ற முதலமைச்சர் சந்திரகாந்தன் ஆசிரியையின் அம்மா, சகோதரர்கள்,சகோதரி மற்றும் உறவினர்கள் பாடசாலையின் அதிபர் ஆகியோருடன் கலந்துரையாடி உண்மைநிலைமைகளை கேட்டறிந்து கொண்டதோடு அவர்களுக்கு ஆறுதலும் கூறினார்.

ஆசிரியை கொலையுடன் சம்பந்தப்பட்ட இரு சந்தேகநபர்கள் கைது

மூதூர் கிழக்கு பாட்டாளிபுரம் ஆசிரியை கொலை சம்பந்தமாகசம்பூர் பொலிஸார் இரண்டு சந்தேக நபர்களைக் கைது செய்து காவலில் வைத்துள்ளனர்.

நகுலேஸ்வரன்,பாலன் என்ற இருவரே இவ்வாறு சந்தேகத்தின் பேரில் கைது செய்யப்பட்டுள்ளனர். ஆசிரியையிடம் இருந்து தங்க நகைகளை அபகரிக்கவே தாங்கள் இக் கொலையை புரிந்ததாக பிரதான சந்தேக நபர் நகுலேஸ்வரன் பொலிஸாருக்கு வாக்கு மூலம் கொடுத்துள்ளார்.
»»  (மேலும்)

11/28/2011

பிரிட்டன் தூதுவரை வெளியேற்ற ஈரான் பாராளுமன்றத்தில் அங்கீகாரம்

ஈரானுக்கான பிரிட்டன் தூதுவரை வெளியேற்றி அந்நாட்டுடனான இராஜதந்திர, பொருளாதார உறவுகளை குறைத்துக் கொள்ள ஈரான் பாராளுமன்றம் அங்கீகாரம் அளித்துள்ளது.
அணு ஆயுத விவகாரம் தொடர்பில் ஈரான் மீது பிரிட்டன் பொருளாதாரத் தடை விதித்ததற்கு பதிலடி கொடுக்கும் வகையிலேயே ஈரான் இந்த நடவடிக்கையை எடுத்துள்ளது. இது தொடர்பில் ஈரான் பாராளுமன்றத்தில் நேற்று நடந்த வாக்கெடுப்பில் பிரிட்டனுடனான உறவுகளை குறைத்துக்கொள்வதற்கு ஆதரவாக 179 வாக்குகள் கிடைத்ததோடு எதிராக 4 வாக்குகள் மாத்திரமே பதிவானது.

»»  (மேலும்)

கொழும்பு - யாழ் அதிவேக நெடுஞ்சாலை அமைப்புக்கான ஆரம்பப் பணிகள் பூர்த்தி

விந்தையின் நுழைவாயில் திறப்பு விழாவில் ஜனாதிபதி
  • கொழும்பிலிருந்து 3 மணி நேரத்தில் யாழ். செல்ல முடியும்
  • எல்லைகள் சுருங்க பிரிவினைவாதம் இல்லாதொழியும்
  • நவம்பர் 27: இருண்ட யுகத்துக்கு முற்றுப்புள்ளி
  • மனங்கள் இணையும் போது பிரிவினைக்கு தீர்வு கிட்டும்
கொழும்புக்கும் யாழ்ப்பாணத்திற்கும் இடையில் அதிவேக நெடுஞ்சாலை அமைப்பதற்கான ஆரம்பகட்ட வேலைகள் பூர்த்தியடைந்திருப்பதாக ஜனாதிபதி மஹிந்த ராஜபக்ஷ அவர்கள் நேற்று கரந்தெனியவில் தெரிவித்தார். இந்த நெடுஞ்சாலை அமைக்கப்பட்டதும் மூன்று, நான்கு மணித்தியாலங்களில் கொழும்பில் இருந்து யாழ்ப்பாணத்திற்கு பயணம் செய்யக்கூடிய வாய்ப்பு கிடைக்குமென்றும் ஜனாதிபதி அவர்கள் கூறினார். இந்த நெடுஞ்சாலை வடக்கும், கொழும்பும் ஒன்றிணைவதற்கும் அவற்றுக்கிடையிலான பயணத்தூரம் சுருங்குவதற்கும் வழிவகுக்கும். அப்போது பிரிவினை என்ற சிந்தனையே எழாது என்றும் ஜனாதிபதி குறிப்பிட்டார்.
நவீன பாதைகள் அமைக்கப்பட்டு பிரதேசங்களுக்கான எல்லைகள் சுருக்கப்படும் போது நாட்டில் பிரிவினை வாதமும் பிரதேச வாதமும் இல்லாதொழியுமென ஜனாதிபதி மஹிந்த ராஜபக்ஷ அவர்கள் தெரிவித்தார். கொழும்பிலிருந்து யாழ்ப்பாணத்திற்குச் செல்லும் பாதை நவீனமயப்படுத்தப்பட்டு மூன்று மணித்தியாலமாகப் பயணம் சுருங்கும் போது எல்லைகள் என்பதற்கே இடமில்லை.
இடைவெளிகள் குறைந்து மனங்கள் இணையும் போது பிரிவினைக்குத் தீர்வு இயல்பாகவே கிட்டிவிடும் எனவும் ஜனாதிபதி தெரிவித்தார்.
வரலாற்றுச் சிறப்புமிக்க விந்தையின் நுழைவாயிலாக இருக்கும் கொழும்பு - காலி அதிவேக நெடுஞ்சாலை நேற்று ஜனாதிபதி மஹிந்த ராஜபக்ஷ அவர்களினால் உத்தியோகபூர்வமாகத் திறந்து வைக்கப்பட்டது.
இதனையடுத்து காலி கரந்தெனியவில் நடைபெற்ற மக்கள் பேரணிக் கூட்டத்தில் கலந்து கொண்டு நாட்டு மக்களுக்கு உரையாற்றும் போதே ஜனாதிபதி இவ்வாறு தெரிவித்தார்.
பிரதமர் டி. எம். ஜயரட்ன, ஜனாதிபதியின் செயலாளர் லலித் வீரதுங்க மற்றும் அமைச்சர்கள், ராஜதந்திரிகள், முக்கியஸ்தர்கள் பலரும் கலந்து கொண்ட இந் நிகழ்வில் ஜனாதிபதி மேலும் உரையாற்றுகையில், நவீன உலகிற்கு இலங்கையை அறிமுகப்படுத்தும் சிறந்த வாயிலாக தென்னிலங்கைக்கான அதிவேக நெடுஞ்சாலை அமையுமென ஜனாதிபதி மஹிந்த ராஜபக்ஷ அவர்கள் தெரிவித்தார்.
பிரதமர் ஒருவருக்குக் கூட ‘ஏ9’ பாதையில் புலிகளின் அனுமதியின்றி பிரவேசிக்க முடியாதிருந்த யுகத்தை மாற்றி இன்று எவரும் சுதந்திரமாக பயணிக்கக் கூடிய அதிவேக நெடுஞ் சாலையை அமைக்க வழிவகுத்துள்ளோம் என குறிப்பிட்ட ஜனாதிபதி, சுபீட்சமான எதிர்காலத்தில் வெற்றிகரமாகப் பயணிப் பதற்கு புதிய தலைமுறையினர் தம்மைத் தயார்படுத்திக் கொள்வது அவசியம் எனத் தெரிவித்தார். நவீன நாடு, வளர்ச்சி யடைந்த மக்கள் என பேசுகின்றோம். நமது நாடு அத்தகைய வளர்ச்சிப் போக் கில் பயணிக்கிறது என்பதற்கு இந்த அதிவேக நெடுஞ்சாலை சிறந்த உதாரணம்.
நாம் நல்ல நோக்கோடு செயற்படுகின் றோம். அதனால் அதன் பிரதிபலனை முழு நாடும் அனுபவிக்கும். இதன் ஆரம்பப் படியே இதுவாகும்.
நாட்டின் பிரதமராக ஒரு வீதியில் பயணிக்க முடியாத சூழ்நிலை இருந்தபோது நான் அந்த நிலையை மாற்றுவதற்கு உறுதி பூண்டேன். நாட்டு மக்கள் கனவு காணும் காலம் கடந்துவிட்டது. இது கனவுகள் நனவாகும் காலம்.
எமது இளைய தலை முறையினர் ஏனைய நாடுகளைப் பார்த்து இனி ஏங்க வேண்டிய அவசியமில்லை. இலங்கையும் நவீன நாடாக மாறிக் கொண்டிருக்கிறது.
நாட்டில் அபிவிருத்தி நடைபெறுகிறது. சகல கிராமங்களும் முன்னேற்றம் கண்டு வருகின்றன. நகரத்தைப் போன்றே தொழில்நுட்ப அறிவில் கிராமத்தையும் முன்னேற்றும் செயற் திட்டம் நடைபெறு கிறது. நாட்டில் வறுமை முற்றாக ஒழிக்கப்படவில்லை.
எனினும் விரைவில் வறுமை ஒழிக்கப்பட்டுவிடும். சுதந்திரத்தின் பின்னரான நாட்டின் வரலாற்றில் முத லாவது விமான நிலையம் மத்தளையில் நிர்மாணிக்கப்படுகிறது. இது தெற்கை தேசிய உற்பத்தியின் கேந்திரமாகவும், உல்லாசத்துறையின் கேந்திர நிலையமாகவும் மாற்றுவது உறுதி. நாட்டின் முன்னெடுக் கப்படும் சிறப்பான செயற்றிட்டங்களால் உற்பத்தித்துறையைப் போன்றே உல் லாசத்துறையும் முன்னேற்றம் கண்டு வருகிறது. இந்த வருடத்தில் 7,50,000 உல் லாசப் பிரயாணிகள் நாட்டிற்கு வருகை தந்துள் ளமை இதற்கு சிறந்த உதாரணம்.
நவீன இலங்கையை நாம் கட்டி யெழுப்புவோம் என்ற வாக்குறுதி தற் போது நிறைவேறுகிறது. எமது வம்ச வரலாற்று ஏட்டின் புதிய அத்தியாயம் இந்த நெடுஞ்சாலை மூலம் புரட்டப் பட்டுள்ளது. இன்று போல் ஒரு 27 ம் திகதி நாட்டு மக்கள் மறக்க முடியாதது. மாவீரர்கள் தினத்துக்காக இன்றைய தினம் ஒதுக்கப்பட்டு அதற்குப் பயந்து வாழ்ந்த யுகம் அது.
எமது பிள்ளைகளை ஒரு வாரத்திற்கு பாடசாலைக்கு அனுப்ப முடியாது நாம் கவலைப்பட்டோம். அன்று வானொலிகள் மூலம் கூட இதற்கான அறிவிப்பு வழங்கப்பட்டது. இன்று அந்த யுகம் மாற்றமடைந்துள்ளது. அண்மைக் காலமாக நாம் மேற்கொண்ட சிறந்த வெற்றிகரமான செயற்பாடுகளுக்குக் கிடைத்த வெற்றியாக இதனைக் குறிப்பிட முடியும். நாட்டில் காணியின் விலை உயர்ந்து செல்கிறது என்றால் அது தாய் நாட்டின் பெறுமதி உயர்கிறது என்பதே பொருள்.
கொழும்பு - மாத்தறை அதிவேக நெடுஞ்சாலையோடு கட்டுநாயக்கா - கொழும்பு, கண்டி - கொழும்பு, திரு கோணமலை - கொழும்பு, யாழ்ப்பாணம் - கொழும்பு என சகல நெடுஞ்சாலைகளும் நவீனமயப்படுத்தப்படும்.
கொழும்பிலிருந்து யாழ்ப்பாணத்துக்கு செல்ல 8 மணித்தியாலம் செலவாவதால் தான் பிரிவினை கோருகின்றனர். நவீன பாதை மூலம் 3 மணித்தியாலங்களில் யாழ்ப்பாணம் செல்ல முடியுமானால் பிரிவினை தேவையில்லை. அப்போது எல்லைகளும் இருக்காது. நாட்டு மக்க ளின் மனங்களும் இணைக்கப்பட்டு பிரச்சினைகளுக்குத் தீர்வாகிவிடும். பிரிவினை வாதம், பிரதேச வாதத்திற்கு சிறந்த தீர்வு இதுவே எனவும் ஜனாதிபதி தெரிவித்தார்.
நாட்டில் பல வீதிகள் பெருந்தொகை நிதி செலவில் புனரமைக்கப்பட்டு வருகின்றன. 2012 ஆம் ஆண்டுக்காக 78 பில்லியன் ரூபாவை நாம் ஒதுக்கியுள்ளோம் எனவும் ஜனாதிபதி மேலும் தெரிவித்தார்.
»»  (மேலும்)

மட்டக்களப்பு, அம்பாறை பகுதியில் வானம் வெளுத்தது; மழை ஓய்ந்தது நிலைமை வழமைக்கு திரும்பியது

 மட்டக்களப்பு, அம்பாறை மாவட்டங்க ளில் நேற்று மழை பெய்யாததால் இரு மாவட்டங்களிலும் இயல்பு நிலை வழமைக்குத் திரும்பியிருந்தன. நேற்று ஞாயிற்றுக்கிழமை மக்கள் தமது அன்றாடப் பணிகளில் ஈடுபட்டனர்.
மட்டக்களப்பு, அம்பாறை மாவட்டங்களில் கடந்த சில தினங்களாக ஏற்பட்டிருந்த வெள்ளம் வடிய ஆரம்பித்துள்ளது.
மேற்படி இரு மாவட்டங்களிலும் ஆயிரக்கணக்கான ஏக்கர் நெல் வயல்கள் நீரில் மூழ்கி இருந்தன.
ஆயினும் நேற்று மழை பெய்யாததனால் வெள்ளம் வடிந்தோடி வருவதாக அங் கிருந்து கிடைக்கும் செய்திகள் தெரிவித்தன.
பெரும்போக நெற் செய்கை மேற்கொள் ளப்படாத காணிகளில் வெள்ளம் தேங்கி யுள்ளதனால், விதைப்புப் பணிகளை மேற்கொள்ள முடியாத நிலையேற்பட் டுள்ளது. இம்முறை பெரும் போகத்தில் 94 ஆயிரம் ஹெக்டயர் நிலப்பரப்பில் நெற் செய்கையை மேற்கொள்வதற்கு அனுமதி வழங்கப்பட்ட போதிலும் இத் தொகையில் குறைவேற்படலாம் என நம்பப்படுகின்றது.
சீரற்ற கால நிலை காரணமாக கடற் றொழிலாளர்கள் எவரும் கடலுக்குச் செல்ல வில்லை.
இதனால் மாவட்டத்தில் கடல் மீனுக்குத் தட்டுப்பாடு ஏற்பட்டுள்ளது. கடல் கொந்தளிப்பாக உள்ளதாகவும், கடுங்காற்று வீசுவதாகவும் மீனவர்கள் குறிப்பிடுகின்றனர்.
வெள்ள நீரை வெளியேற்றுவதில் பொது மக்கள் ஆர்வங் காட்டி வருகின்றனர்.
»»  (மேலும்)

11/27/2011

கிழக்கு மாகாண முதலமைச்சரின் வரவு செலவுத் திட்ட உரை

கௌரவ தவிசாளர் அவர்களே,
கிழக்கு மாகாண சபையின் 2012ஆம் ஆண்டிற்கான வரவு செலவுத்திட்டத்தினை இன்று இச்சபையின் முன் சமர்ப்பிப்பதில் நான் மிக்க மகிழ்ச்சி அடைகின்றேன்.
கிழக்கு மாகாண சபையானது உத்வேகத்துடன் இயங்க ஆரம்பித்த நாள் முதல் தேசிய கொள்கைகளுடன் இணைந்த வகையில் துறைசார் உபாயங்கள் மற்றும்புதிய இலக்குகளுடன் கூடியஅபிவிருத்தி திட்டங்களுடன் எமது மாகாணமானது பல ஆக்கப+ர்வமான அபிவிருத்திகளை அடைந்து கொண்டிருக்கின்றது. பயனுறுதிமிக்க வழிகாட்டல்களுடன் இம் மாகாணத்தில் அடுத்து வரும் ஆண்டுகளில் பிராந்திய அபிவிருத்தியுடனான உயர் பொருளாதார வளர்ச்சியை அடைவதற்கு ஒருபலமான அடித்தளமும் உருவாக்கப்பட்டிருக்கிறது என்பதை நான் இச்சபையில் பெருமிதத்துடன் தெரிவித்துக்கொள்கின்றேன்.
முன்னேற்றப் போக்கு
இத்தகைய பின்னணியில், இலங்கையின் மொத்த தேசிய உற்பத்தியில் கிழக்கு மாகாணத்தின்பங்களிப்பானது கணிசமான அளவில் அதிகரித்து2010 ஆம் ஆண்டில் 5.9 வீதத்தை அடைந்திருந்தது.இதன் மூலம் மாகாண ரீதியில் 7ஆம் இடத்தில் இருந்த எமது மாகாணம் 6ஆம் இடத்திற்கு முன்னேறியிருப்பது குறிப்பிடத்தக்கது. இதுமட்டுமன்றி 2007 ஆம் ஆண்டு 185,000மில்லியன் ரூபாவாக இருந்த எமது மாகாண மொத்த உள்நாட்டு உற்பத்தியானது 2010 ஆம் ஆண்டில் 332,000மில்லியன் ரூபாவாக அதிகரித்திருந்ததுடன் இது எமது மாகாணத்தின் வருடாந்த தனிநபர் வருமானத்தினை 212,000 ரூபாவாக அதிகரிக்கச்செய்திருந்தது என்பதும்குறிப்பிடத்தக்கதொரு அம்சமாகும்.
இப்பெறுபேறுகளை அடைவதற்கு கௌரவ ஆளுநர், மாகாண சபை உத்தியோகத்தர்கள் மற்றும் மாவட்ட, பிரதேச மட்ட நிறுவனங்கள் எம்முடன் கைகோர்த்து இயங்கியதுடன் அவர்களின் ஆலோசனைகளையும் ஒத்துழைப்பையும் வழங்கியிருந்தனர். மேலும்,எதிர்வரும் ஆண்டுகளிலும் எமது சாதனைப் பயணம் தொடர, இவர்களது ஒத்துழைப்பு என்றென்றும் எமக்கு கிடைக்குமென எதிர்பார்க்கின்றேன்.
கிழக்கு மாகாண அபிவிருத்தி திட்டம்
“மகிந்த சிந்தனை – எதிர்காலத்திற்கான தொலைநோக்கு”என்ற அபிவிருத்திக் கொள்கையில்குறிப்பிடப்பட்டுள்ள பல்வகைத்தன்மையுடைய சமநிலையான பிராந்திய அபிவிருத்திஎன்பதுடன் எமது மாகாணத்திற்குரித்தான பிரத்தியேக தேவைகள், வளங்கள் ஆற்றல்கள் என்பவை உள்வாங்கப்பட்ட கிழக்கு மாகாண அபிவிருத்திச் செயற்பாடுகள் மேலும் புதுவேகத்துடன் தொடரப்படவுள்ளன.  இந்த வகையில் “மனித விழுமியங்கள், நல்லாட்சி மற்றும் வாழ்க்கைத்தரம் என்வற்றில் மிகச் சிறந்த பிரதேசமாக கிழக்கு மாகாணம் உருவாகும்” என்றதொலை நோக்கினை அடிப்படையாகக் கொண்டு தயாரிக்கப்பட்ட கிழக்கு மாகாண அபிவிருத்தித்திட்டம் என்ற ஐந்து ஆண்டு திட்ட ஆவணத்தினை உங்கள் முன்னிலையில் இன்று வெளியிட்டு வைப்பதில் மிகவும் பெருமிதம் அடைகின்றேன்.
இத்திட்டத்தில்; 06 பிரதான அபிவிருத்தித் துறைகளின் கீழ் சுமார் 378,000மில்லியன் ரூபா பெறுமதியான முதலீட்டுத் தேவைகள் இனங்காணப்பட்டுள்ளதுடன் இவற்றுக்கான நிதியீட்டமானது மத்திய அரசிலிருந்தும், கொடை வழங்கும் நிறுவனங்கள் மற்றும் தன்னார்வ தொண்டு நிறுவனங்கள் மூலமும் பெறத் திட்டமிடப்பட்டுள்ளது.
அடுத்துவரும் ஐந்து ஆண்டுகளில்; கிழக்கு மாகாணத்தின் ஒவ்வொரு துறைக்குமான இலக்குகள்  நிர்ணயிக்கப்பட்டு அவற்றினை அடைவதற்கான உபாயங்களும் வரிசைப்படுத்தப்பட்ட கருத்திட்ட சுருக்கங்களும் இதில்உள்ளடக்கப்பட்டுள்ளது. அடுத்துவரும் ஆண்டுகளில்இவற்றை அடையப்பெறும் வகையில் எமது மாகாண அபிவிருத்திச் செயற்பாடுகள் ஒருங்கிணைக்கப்படவுள்ளன.
கிழக்கு மாகாணத்திலுள்ள மக்கள் அனைவருக்கும் வேண்டிய நன்மைகளை  உறுதிப்படுத்தி தயாரிக்கப்பட்டுள்ளஇத்திட்டங்களுக்கு தேவையான முதலீடுகளை தேடிப்பெறுவதிலும் அவை நல்ல முறையில் அமுலாக்கப்படுவதிலும் இந்த மாகாணசபை ஒன்றிணைந்து செயற்படுவதற்குநாம் உறுதிப+ணுவதுடன் இதனுடன் தொடர்புடைய சகல அபிவிருத்தி பங்குதாரர்களினதுஒத்துழைப்பையும்வேண்டுகின்றேன்.
மாகாணசபைக்கான நிதி ஒதுக்கீடு
2012 ஆம் ஆண்டிற்கென நிதி ஆணைக்குழுவினால் கிழக்கு மாகாண சபைக்கு மீண்டெழும் செலவினங்களிற்கென 11,385 மில்லியன் ரூபாவும்மூலதனச்செலவினங்களிற்கென 1,192 மில்லியன் ரூபாவும் வெளிநாட்டு உள்நாட்டு நிதியளிப்புகளுடனான விசேட கருத்திட்டங்களிற்கென 4,455 மில்லியன் ரூபாவும் ஒதுக்கப்பட்டிருக்கின்றது.
மீண்டெழும் செலவின ஒதுக்கீட்டிற்கு மேலதிகமாக, அரச வருமான சேகரிப்பு என்றவகையில் மத்திய அரசாங்க வருமான சேகரிப்பிலிருந்து 1,600 மில்லியன் ரூபாவும் மாகாண சபை வருமான சேகரிப்பிலிருந்து 636 மில்லியன் ரூபாவும் கிடைக்கும் என எதிர்பார்க்கப்படுகிறது. இவ்வாறாக மொத்தம் 13,621 மில்லியன் ரூபா மாகாண சபையின்மீண்டெழும் செலவினங்களிற்காக அடுத்த ஆண்டில் பயன்படுத்தப்படும். இதில் 80 வீதமான நிதி மாகாண அரச ஊழியர்களின் சம்பளக்கொடுப்பனவுகளிற்காக ஒதுக்கப்பட்டுள்ளது.
மொத்த மூலதனச்செலவினத்தில் 74 மில்லியன் ரூபா கௌரவ மாகாணசபை உறுப்பினர்களின் அபிவிருத்திச்செயற்பாடுகளுக்கு நேரடியாக ஒதுக்கப்பட்டுள்ளது. மேலும் 193 மில்லியன் ரூபா மாகாண நிறுவனங்களின் அபிவிருத்திக்கும் சேவை வழங்கல் மேம்பாட்டிற்கும் ஒதுக்கப்பட்டுள்ளது. இவற்றுடன் விசேட கருத்திட்டங்களிற்கு மேலதிகமாக, துறைசார் அபிவிருத்தி என்ற வகையில் மாகாண சபைக்கு வழங்கப்பட்ட 925 மில்லியன் ரூபா உட்கட்டமைப்பு அபிவிருத்தி மற்றும் உற்பத்திதுறைகளிடையேசிறிய நடுத்தர திட்டங்களிற்கென முன்னுரிமை அடிப்படையில் பகிரப்பட்டுள்ளன.
கிழக்கு மாகாணசபையின் அபிவிருத்தி நிதிப்பாவனையின்போது தேசிய, மாவட்ட, உள்@ர் மட்ட நிறுவனங்களுடன்ஆக்க பூர்வமான தொடர்புகளைப்பேணி, தேவை ஏற்படுமிடத்து அரச துறையுடன் தனியார் துறையையும் இணைத்;து பயன்மிக்க திட்டங்களை செயற்படுத்துவதில்  நாம் கவனம் செலுத்துவோம்.
மேலும், முன்வைக்கப்படுகின்ற நிதி ஒதுக்கீடுகளினால் மாகாண மக்கள் யாவரினதும் முன்னேற்றத்திற்காக பயனுள்ள தரமான பெறுபேறுகள் அடையப்படுவதை நாம் கூடிய கவனத்துடன் உறுதிசெய்வோம். இது குறிப்பாக மக்களைஆரோக்கியமுள்ளவர்களாக வைத்திருத்தல், அவர்களின் அறிவையும் சிறப்புத்திறமைகளையும் விருத்தி செய்தல், உற்பத்தி தொழில்வாய்ப்பு மற்றும்; வருமானங்களில் அதிகரிப்பை ஏற்படுத்துதல்,பொது வசதிகளை ஏற்படுத்தல் என்பவற்றினூடாக மக்களின் வாழ்க்கைத்தரத்தினை மேம்படுத்துவதை அடிப்படையாக கொண்டமையும்.
சமமான பிராந்திய அபிவிருத்தி நோக்கிய இடைக்கால திட்டம்
பொருளாதார அபிவிருத்தியில் ஒவ்வொரு குடும்பங்களும் சமமான நன்மைகள் பெற்றுக்கொள்வதனை உறுதிப்படுத்துதல் என்ற கொள்கைக்கு அமைவாக எமது மாகாணத்திலும் சமமான அபிவிருத்தியை முன்னிலைப்படுத்தி பின்தங்கிய பிரதேசங்களில் தனித்துவமான அபிவிருத்தி முதலீடுகளை மேற்கொண்டு வருகின்றோம்.இதன் கீழ் உற்பத்தி, தொழில் துறைகளை விருத்தி செய்து வேலைவாய்ப்புகளை உருவாக்கி பின்தங்கிய பிரதேச மக்களின் வருமானத்தை அதிகரிப்பதனூடாக அவர்களின் வாழ்க்கைத்தரத்தை மேம்படுத்த வழியமைக்கப்படுகிறது. வறிய மக்களின் ஆற்றல், பிரதேச பௌதீக வளங்களை நிலைபேறான அபிவிருத்திக்காக சிறப்பாக உபயோகப்படுத்துதல் என்பது இதன் விசேட அம்சமாகும்.
இவ்விசேட நோக்கில், 2012 ஆம் ஆண்டில் 03 மாவட்டங்ளிலும் சகல இனங்களையும் உள்ளடக்கிய வகையில் பொருத்தமான படிமுறைகளின் மூலம் 09 பின்தங்கிய கிராமங்கள் தெரிவு செய்யப்பட்டு மொத்தமாக 120 மில்லியன் ரூபா பெறுமதியான சிறு அபிவிருத்தி வேலைத்திட்டங்கள் நடைமுறைப்படுத்தப்படவுள்ளன.
உற்பத்தித்துறை
கிழக்கு மாகாண மொத்த தேசிய உற்பத்தியில் 29 சதவீத பங்களிப்பினை விவசாயத்துறைகொண்டிருக்கின்றது.
இந்நாட்டின் மொத்த நெல் உற்பத்தியில் 24 வீத பங்களிப்பினை எமது மாகாணம்கொண்டிருப்பதுடன் 2006 ஆம் ஆண்டில் 07 இலட்சம் மெற்ரிக் தொன்னாக இருந்த நெல்லுற்பத்தி 2009ஆம் ஆண்டு 11 இலட்சம் மெற்ரிக் தொன்னாக அதிகரித்தமையை  எமது மாகாணத்தின் சாதனையாக நான் குறிப்பிட விரும்புகின்றேன். எனினும், இவ்வருட ஆரம்பத்தில் ஏற்பட்ட வெள்ளப் பேரழிவினால் கிழக்கு மாகாண நெற்செய்கை பெரும் பாதிப்புக்குள்ளானது துரதிஸ்டமானதாகும். மேலும் ஏனைய உணவுப் பயிர்கள் உற்பத்தி நடவடிக்கைகளில்இம்மாகாணமானது கடந்த காலங்களில் அதிகரித்த உற்பத்தி இலக்குகளை எய்தியுள்ளதையிட்டும் நான் மகிழ்வடைகின்றேன்.
நாட்டின் கால்நடை வளத்தில் 30 வீதத்தினை கொண்டுள்ள எமதுமாகாணம், மொத்த பாலுற்பத்தியில் 17 வீத பங்களிப்பினையும் வழங்குகின்றது. 2006 ஆம் ஆண்டு ஒரு இலட்சத்து நாற்பதாயிரம் லீற்றர் ஆக இருந்த நாளாந்த பாலுற்பத்தி 2010 ஆம் ஆண்டில்ஒரு இலட்சத்து எழுபத்து ஏழாயிரம் லீற்றர் ஆக அதிகரித்தது விசேடஅம்சமாகும். மேலும் இக்காலப் பகுதியில் கால்நடைத் துறையைவிருத்தி செய்யும் நோக்கில் புதிதாக 21 கால்நடை வைத்திய நிலையங்கள், 7 பால் பதனிடும் நிலையங்கள், 14 பால் சேகரிப்பு நிலையங்கள் மற்றும் 2 விலங்கு நோய் ஆய்வு நிலையங்கள் கிழக்கு மாகாணத்தில் ஸ்தாபிக்கப்பட்டிருக்கின்றன.
கடந்த 3 ஆண்டுகளில்; நன்னீர் மீன் உற்பத்தியானது அதிகரித்து இத் துறையானது சிறந்த வளர்ச்சியினை எய்தியுள்ளது. கிழக்கு மாகாணத்தில் நன்னீர் மீன்பிடித்துறையை மேம்படுத்தும் நோக்கில் புதிதாக ஓர் மீன்பிடி அபிவிருத்திப்பிரிவு விவசாய அமைச்சில் ஸ்தாபிக்கப்பட்டு  இதன் சேவைகள்3 மாவட்டங்களுக்கும் விஸ்தரிக்கப்பட்டுள்ளதை இங்குகுறிப்பிடவிரும்புகின்றேன்.
கைத்தொழில் துறையானது அண்மைக்காலமாக கிழக்கு மாகாணத்தின் பிரதான தொழிற்துறையாக விருத்தியடைந்து வருகின்றது. புடவைக்கைத்தொழில், தும்புக் கைத்தொழில் மற்றும் கைப்பணிப் பொருட்கள் உற்பத்தி போன்ற துறைகளில் சந்தைப்படுத்தல் வசதிகள் மேம்படுத்தப்பட்டும் உயர் உற்பத்தி தொழில்நுட்பங்கள் அறிமுகப்படுத்தப்பட்டும் வருகின்றன.
உற்பத்தித்துறை அபிவிருத்தியில் கிழக்கு மாகாண சபையானது உயர் தொழில்நுட்ப பயிற்சிகள், இயந்திரமயமாக்கல்,உற்பத்தி; பெருக்கம், விரிவாக்கல் சேவை விஸ்தரிப்பு, உறுதியான உணவுப் பாதுகாப்பு,பெறுமதி சேர்க்கை,சுயதொழில் ஊக்குவிப்பு,உற்பத்தி திறன், முகாமைத்துவ பயிற்சி,அதிகரித்த வருமானம்; என்பவற்றில் அதீத கவனம் செலுத்திவருகின்றது.  இதற்கமைய கிராமிய உட்கட்டமைப்பு அபிவிருத்தி, விவசாய அபிவிருத்தி,கிராம அபிவிருத்தி மற்றும்; உல்லாச பயண கைத்தொழில் அபிவிருத்தி போன்ற துறைகளில் 2012 ஆம் ஆண்டில் கூடுதல் கவனம் செலுத்துவோம்.
இயற்கைப்பசளைப் பாவனை,தரமான உற்பத்தி;, அறுவடைக்குப் பின்னரான சேதங்களை குறைத்தல் போன்றவற்றிற்குஉரிய ஆலோசனைகளுடன் பொருத்தமான நடவடிக்கைகள் எமது நடைமுறை திட்டங்களில் உள்வாங்கப்படும். பயிர்ச்செய்கைக்கு அவசியமான நீர்வசதி போதியளவில் கிடைப்பதை நீர்ப்பாசனத்துறையினூடாக உறுதிப்படுத்த வேண்டிய அவசியம் எமக்கு ஏற்படுகிறது என்பதை நான் இங்கு வலியுத்திக்கூறவிரும்புகின்றேன்.
கிராமிய கைத்தொழில்களை இலகுவாக மேற்கொள்ளவும் விசேட கைத்தொழில்கள் சம்பந்தமாக விழிப்புணர்வுகளை ஏற்படுத்தி பயிற்சிகளை வழங்கவும் பொருத்தமான திட்டங்களை எமது மாகாண சபை எதிர்வரும் ஆண்டுகளில்; நடைமுறைப்படுத்தவுள்ளது.
இச்சந்தர்ப்பத்தில், மூன்றாம் நிலைக்கல்வி தொழிற்பயிற்சி ஆணைக்குழு கிழக்கு மாகாணசபையுடன் இணைந்து கிழக்கு மாகாணத்திற்கென தொழிற்கல்வி பயிற்சித் திட்டம் (ஏநுவு Pடயn) ஒன்றினை தயார் செய்துள்ளது என்பதை இங்கு கூறுவது பொருத்தமானதென நான் நினைக்கின்றேன்.
இத்திட்டத்தின்கீழ் கிழக்கு மாகாணத்தின் ஒவ்வொரு பிரதேச செயலாளர் பிரிவிலும் ஆகக் குறைந்தது ஒரு தொழிற்கல்வி நிலையமேனும் அமையும் வகையில் ஏற்பாடுகள் செய்யப்பட்டுள்ளன. இதனூடாக பாடசாலை இடை விலகியோருக்கும் தொழிலற்ற இளைஞர் யுவதிகளுக்கும் பொருத்தமான தொழிற்பயிற்சி மற்றும் திறன் விருத்தி மேற்கொள்ளப்பட்டு அவர்களை தொழிற்சந்தைக்கு தயார் செய்வதோடு புதிய தொழில் முயற்சிகள் ஏற்படுத்தப்பட்டு வேலையற்றோர் வீதம் 5மூஇற்குக் குறைக்கப்படும் என எதிர்பார்க்கப்படுகிறது.
சுற்றுலாத்துறை விருத்திக்கு பொருத்தமான வளங்கள் நிறைந்துள்ள எமது மாகாணத்தில் இத்துறையின் தேசிய கொள்கைக்கு அமைவாக எமது மாகாண சபை சாத்தியமானதும் அடையாளங்காணப்பட்ட இடங்களில் சிறிய நடுத்தர உட்கட்டமைப்பு வேலைத்திட்டங்களை மாகாண நிதியினூடாகவும் அரச தனியார் துறை ஒத்துழைப்புடனூடாகவும் நடைமுறைப்படுத்தி வருகின்றோம். மேலும், சுற்றுலா கைத்தொழில் விருத்திக்கு தேவையான தொழில் தகைமையுடன் கூடிய மனித வளங்களை மேம்படுத்தும் நடவடிக்கைகளும் மேற்கொள்ளப்;பட்டு வருகின்றன. அடுத்து வரும் ஆண்டுகளிலும் இத்துறையில் அதிக கவனம் செலுத்துவதுடன் வேலைவாய்ப்புக்களை உருவாக்குவதும் எமது நோக்கமாகும்.
பொருளாதார உட்கட்டமைப்பு வசதிகள்
பாரிய அளவிலான பொருளாதார உட்கட்டமைப்பு வேலைத்திட்டங்கள் மத்திய அரச நிறுவனங்களினால் எமது மாகாணத்தையும் உள்ளடக்கி நாடளாவிய ரீதியில் முன்னெடுக்கப்படுகின்றன. தேசிய கொள்கைக்கு அமைவாகவும் கிழக்கு மாகாணத்தில் நடைமுறையிலுள்ள தேசியத்திட்டங்களுடன் இணைந்த வகையிலும் கிழக்கு மாகாண சபை பல்வேறு உட்கட்டமைப்புத்துறை நிகழ்ச்சித் திட்டங்களை தயாரித்து நடைமுறைப்படுத்தி வருகின்றது.
2009 ஆம் ஆண்டு தொடக்கம் இற்றைவரை 218 மில்லியன் ரூபா மாகாண நிதி ஒதுக்கீட்டில் சுமார் 172 கிலோ மீற்றர் நீளமான வீதிகள் செப்பனிடப்பட்டுள்ள அதேவேளையில் இவற்றுக்கு மேலதிகமாக வெளிநாட்டு நிதியுதவியுடன்;; 315 கிலோ மீற்றர்நீளமான கிராமிய வீதிகளும் 202 கிலோ மீற்றர்நீளமான மாகாண வீதிகளும் புனரமைப்பு செய்யப்பட்டுள்ளன.
இக்காலப்பகுதியில் வீடமைப்புக்கென 44 மில்லியன் ரூபா மாகாண நிதி ஒதுக்கீட்டில் 203 வீடுகள்; நிர்மாணிக்கப்பட்டு பயனாளிகளுக்கு கையளிக்கப்பட்டுள்ளன. அத்துடன் 3 மாவட்டங்களிலும் 443 குடிநீர்க் கிணறுகள் நிர்மாணிக்கப்பட்டு கிராமப்புறங்களில்; குடிநீர் தேவைகள் ஓரளவிற்கு நிறைவேற்றப்பட்டுள்ளன.
கிராமிய மின்சாரத்திற்கென 21.8 மில்லியன் ரூபா செலவில் 76 சிறிய வேலைத்திட்டங்கள் நிறைவேற்றப்பட்டுள்ளன.
சமூக உட்கட்டமைப்பு வசதிகளும் சேவைகளும்
கிழக்கு மாகாண சபை பதவியேற்ற காலத்தின் பின்னர் பல்வேறு கல்வி அபிவிருத்தி நடவடிக்கைகள் எம்மால் முன்னெடுத்து செல்லப்பட்டதன் விளைவாகவும் கிராமப் புறப் பாடசாலைகளில் காணப்படுகின்ற ஆசிரியர், வள பற்றாக்குறைகளை நிவர்த்தி செய்ததாலும் எமது மாகாணத்தில் பொதுப் பரீட்சை பெறுபேறுகள் படிப்படியாக முன்னேற்றத்தினை அடைந்திருக்கின்றது என்பதை பெருமிதத்துடன் தெரிவித்துக்கொள்கின்றேன்.
கடந்த மூன்று ஆண்டு காலப்பகுதியில் புதிதாக 04 கல்வி வலயங்கள் ஆரம்பிக்கப்பட்ட அதேவேளை 02 கோட்டக்கல்வி அலுவலகங்களும் திறந்துவைக்கப்பட்டன. இக்காலப்பகுதியில் புதிதாக 39 பாடசாலைகள் ஆரம்பிக்கப்பட்டதுடன் இதுவரை இயங்காமலிருந்த 45 பாடசாலைகள் மீள் திறந்துவைக்கப்பட்டன. அத்துடன் 135 பாடசாலைகள் தரமுயர்த்தப்பட்டன.
கல்வி பெறுபேறுகளை எடுத்து நோக்குமிடத்து இக்காலப்பகுதியில் 5 ஆம் ஆண்டு புலமைப் பரிசில் பரீட்சையில் 100 புள்ளிகளிற்கு மேல் பெற்ற மாணவர்களின் வீதமானது முறையே 18, 35, 41 என தொடர்ந்து வளர்ச்சியடைந்து வந்துள்ளதை இங்கு குறிப்பிடவிரும்புகின்றேன். இவ்வாறே  எமது மாகாணத்தில் க.பொ.த உயர்தர வகுப்பிற்கு தகுதி பெறும் மாணவர்கள் வீதமானது பல்Nறு சவால்களின்மத்தியிலும் 2008 ஆம் ஆண்டில் 40.6மூஇல்  இருந்து 2011 ஆம் ஆண்டு 54.7மூ ஆக வளர்ச்சி அடைந்துள்ளது.
தேசியமட்டத்துடன் ஒப்பிடும்போது மட்டக்களப்பு மத்தி, கல்முனை, அக்கரைப்பற்று, திருகோணமலை, திருக்கோவில் ஆகிய வலயங்களின் கல்வி வளர்ச்சி அண்மைக் காலங்களில் தேசிய மட்ட சராசரியைவிட அதிகமாகக் காணப்படுவதையும் இவ்விடத்தில் சுட்டிக்காட்டவிரும்புகின்றேன். எமது மொத்த மாகாணத்தின் நிலைதேசியமட்டத்துடன் ஒப்பிடும்பொழுது குறைவான நிலையில் இருப்பினும், இம்மாகாணத்தில் கல்வி நிலை படிப்படியாக உயர்ந்து செல்வதால் எதிர்காலத்தில் தேசியமட்ட சராசரியினை நாங்கள் அடையக்கூடியதாக இருக்குமென நம்பிக்கையுடன் எதிர்பார்க்கின்றேன். இத்துடன் பல்கலைக்கழகம் செல்வதற்குத் தகுதியானோர் வீதமானது 60மூ இற்கு மேலாக காணப்படுவதும் ஒரு சிறந்த பெறுபேறாகவே நான் கருதுகின்றேன்.
எமது மாகாணத்தில் பொதுவாக சுகாதார, மனித நல குறிகாட்டிகள் தேசிய மட்டத்துடன் ஒப்பிடும் அளவிற்கு சிறப்பாக காணப்படுகின்றன. சுகாதாரத்துறையில்;; 2008 ஆம் ஆண்டு முதல் இற்றைவரை உட்கட்டமைப்பு வசதிகளை மேம்;படுத்தும் பொருட்டு 03 வெளி நோயாளர்கள் பிரிவு கட்டிடங்களும், 26 வைத்திய, சத்திர சிகிச்சை மற்றும் மகப்பேற்று விடுதிகளும் 29 சுகாதார உத்தியோகத்தருக்கான விடுதிகளும், 10 சுகாதார வைத்திய அதிகாரி பணிமனையும் புதிதாக கட்டப்பட்டு சிறப்பாக இயங்குவதுடன் மேலும் சுகாதார சேவையை மேம்படுத்துவதற்கு பாரிய உட்கட்டமைப்பு வசதிகள் மேற்கொள்ளப்பட்டு வருகின்றன.
இக்காலப்பகுதியில் 35 அம்புலன்ஸ் வண்டிகளும் 48 வெளிக்கள வாகனங்களும் 32 அலுவலக வாகனங்களும் பெற்றுக்கொள்ளப்பட்டு மாகாணத்தில் சுகாதார, மருத்துவ சேவைகள் மேம்படுத்தப்பட்டுள்ளதை பெருமையுடன் அறிவிக்கின்றேன். மேலும்; 52 வைத்தியசாலைகளில் அவசர சிகிச்சைப்பிரிவுக்கான மருத்துவ உபகரணங்களும் 27 வைத்தியசாலைகளுக்கு ஆய்வுகூட உபகரணங்களும் மற்றும்; 80 வீதமான சிகிச்சை நிலையங்களிற்கு அத்தியவசிய மருத்துவ உபகரணங்கள் வழங்கப்பட்டு எமது மாகாண வைத்தியசேவைகள் சிறப்பான முன்னேற்றத்தினை கண்டுள்ளது.
கடந்த 3 ஆண்டுகளில் புதிதாக கட்டப்பட்ட 6 வைத்தியசாலைகளுடன் மேலும் 8 வைத்தியசாலைகள் புனர்நிர்மாணம் செய்யப்பட்டதோடு 100 க்கு மேற்பட்ட வைத்திய உத்தியோகத்தர்கள் உட்பட ஏறக்குறைய 700 நியமனங்களும் வழங்கப்பட்டிருந்தன. இக்காலப்பகுதியில் 4 வைத்தியசாலைகள் ஆதார வைத்தியசாலையாக தரம் உயர்த்தப்பட்டும் உள்ளன.
சுதேச மருத்துவத்துறையில் 3 பஞ்சகர்ம வைத்தியசாலைகள், 27 ஆயுர்வேத மத்திய மருந்தகங்கள் கட்டப்பட்டும் சுதேச மருந்து உற்பத்திப்பிரிவுகள் ஏற்படுத்தப்பட்டும் இவற்றிற்கான போதிய ஆளணிகள் வழங்கப்பட்டு; இயங்கி வருகின்றதையும் நான் இங்கு மகிழ்ச்சியுடன் குறிப்பிட விரும்புகின்றேன்.
மொத்தமாக கிழக்கு மாகாணத்தில் சுகாதாரத்துறையிலும் வைத்திய சேவையிலும் ஏற்பட்ட முன்னேற்றமானது மக்களின் சுகாதாரஆரோக்கிய நிலைகளில் கணிசமான முன்னேற்றத்தை காட்டியதுடன் மருத்துவ சிகிச்சைக்காக வெளிமாவட்டங்களிற்கு செல்ல வேண்டிய நிலை மாறி உள்ளுர் வைத்தியசாலைகளில் சிகிச்சை பெறுகின்ற சூழ்நிலைகளை அதிகரித்திருந்தது.
சமூக உட்கட்டமைப்பு வசதிகளில் காணப்படும் இத்தகைய பின்னணியுடன் மேலும் கிழக்கு மாகாண சபையானது மாகாண மாணவர்களின் கல்வியை உயர்ந்த தரத்திற்கு கொண்டு செல்லவும் ஆரோக்கியமான பிரஜைகளை உருவாக்கவும் அனாதைகள் ஆதரவற்றோர்களைபராமரிக்கவும் வயதானவர்களின் சமூக பாதுகாப்;பு மற்றும் நலிவுற்றோர் நலன்புரி நடவடிக்கைகள் என்பவற்றிற்கும் பொருத்தமான செயற்திட்டங்களை வடிவமைத்து 2012 இல் அமுலாக்க நடவடிக்கைகளை எடுக்கும்.
விரைவான சமூக பொருளாதார அபிவிருத்திக்கு அவசியமான திறமைகளையும் தொழில்நுட்ப அறிவையும் கல்வி முறைக்கூடாக நிறுவுதல் என்ற கொள்கைக்கேற்ப மொழி மற்றும் தகவல் தொழில்நுட்ப கல்வி,மாணவர்களை தொழில் சந்தைக்கு தயார்ப்படுத்தல், ஆசிரியர்களின் ஆற்றல் மற்றும் தரம் என்பவற்றில் கூடுதல் கவனம் செலுத்தப்படும். அவ்வாறே நோயற்ற சமூகத்தை உருவாக்கும் நோக்குடன் சுதேச மற்றும்; மேலைத்தேய வைத்தியப் பிரிவுகளினது ஒன்றிணைந்த சேவை வழங்கல், நோய்களிலிருந்து மக்களுக்கு பாதுகாப்பளித்து அவர்களின் ஆரோக்கியத்தைப் பேணுதல், விளையாட்டு மற்றும் உடற்;பயிற்சிகள்; என்பவற்றிலும் கவனம் செலுத்தப்படும்.
விசேட செயற்திட்டங்கள்
மாகாண சபை நிதியீட்டத்துடனான நிகழ்ச்சிதிட்டங்களிற்கு புறம்பாக மத்திய அரச நிறுவனங்களினால் முன்னெடுக்கப்படும் வேலைத்திட்டங்கள் பற்றியும் மற்றும் மாகாண சபை நிறுவனங்களினால் நடைமுறைப்படுத்தப்படும் வெளிநாட்டு நிதியுதவியுடனான விசேட கருத்திட்டங்கள் பற்றியும் இங்கு குறிப்பிடுவது பொருத்தமானது என நான் நம்;புகின்றேன்.
பல புதிய கருத்திட்டங்கள் எமது பிரதேச சமகால அரசியல் மற்றும் ஜனநாயக சூழ்நிலைகளின் அடிப்படையில் உருவானவையாகும். இவற்றில் பாலங்கள் உட்பட நெடுஞ்சாலைகள் அபிவிருத்தி, குளங்கள் புனரமைப்புடனான நீர்ப்பாசன திட்டங்கள், நீர்;வழங்கல் போன்ற பாரிய திட்டங்களுடன் மாகாண கிராமிய வீதிகள் அபிவிருத்தி, கிராமிய நீர்வழங்கல்,உள்ளுராட்சி சேவை வழங்கல்; மற்றும் சிறு உட்கட்டமைப்பு வசதிகள் மற்றும் மாகாண, உள்ளுராட்சி நிறுவனங்களின் சேவைகளை பலப்படுத்தும் தொழில்நுட்ப உதவிகளையும் இங்கு குறிப்பிட்டு கூற விரும்புகின்றேன்.
இவற்றின் பலாபலன்களை கிழக்குமாகாண மக்கள் தற்போது அனுபவித்துக் கொண்டிருப்பது மிகவும் மகிழ்ச்சிக்குரியதொன்றாகும். இவ்வாறே இவ்வாண்டின் ஆரம்பத்தில் கிழக்கு மாகாணத்தில் ஏற்பட்ட வெள்ள அனர்த்தம் காரணமாக பாதிக்கப்பட்ட வீதிகள் குளங்கள் நீர்ப்பாசன கட்டமைப்புக்கள்; என்பவற்றை  புனர்நிர்மாணம் செய்வதனூடாக மக்களின் பொருளாதாரத்தை மறுசீரமைப்பதை நோக்காக கொண்ட கருத்திட்டம்; விரைவில் ஆரம்பிக்கப்படவுள்ளது என்பதனையும் மகிழ்ச்சியுடன் தெரிவிக்க விரும்புகின்றேன்.
நல்லாட்சி
இத்திட்டங்கள் தவிர கிழக்கு மாகாணசபையினால் முன்னெடுக்கப்படும் மற்றும் முன்மொழியப்படும்; ஏற்பாடுகளுக்கு செயல்வடிவம் கொடுக்க ஏதுவாக பல்வேறு சட்டமூலங்கள் தயார்  செய்யப்பட்டு வருகின்றன. அத்துடன் ஏனைய மாகாணங்களில் நடைமுறையிலுள்ள பொருத்தமான சட்டமூலங்களை பெற்று எமது மாகாணத்திற்கு ஏதுவான முறையில் மாற்றியமைக்கும் செயற்பாடுகளும்; மேற்கொள்ளப்பட்டு வருகின்றன.
மாகாண வளங்களை அடிப்படையாக கொண்ட பிரதேச அபிவிருத்தி மற்றும் மக்களின் தேவைகளை நிறைவு செய்யும் சேவைகள் என்பவற்றை முன்னிறுத்தி மாகாண, உள்ளுராட்சி நிர்வாக கட்டமைப்பில் சீர்திருத்தங்களை மேற்கொண்டு அது மேலும் செயற்திறன் மிக்கதாகவும் உத்வேகமுடையதாகவும் அமைய முயற்சிகள் மேற்கொள்ளப்பட்டு வருகின்றன.
பல இன மக்கள் ஒற்றுமையாக வாழ்கின்ற பிரதேசம் எமது கிழக்கு மாகாணம். இன நல்லுறவை மென்மேலும் வளர்த்து கொள்ளும் வகையிலேயே மாகாண சபையின் கொள்கைகள், நடைமுறைகள் அமையும். இவற்றில் வெளிப்படைத்தன்மை மற்றும் பொறுப்புக்கூறும் கடப்பாடு, சமத்துவம் என்பவற்றை எமது சபை உறுதிசெய்யும். நிர்வாக, அபிவிருத்தி நடைமுறைகளின் ஒவ்வொரு கட்டத்திலும் இவற்றை கருத்தில் கொண்டு இக்கொள்கையை சமூகத்தின் அடிமட்டம் வரை எடுத்துச்செல்வதற்கு எல்லோரும் கைகோர்த்து செயற்பட அனைவருக்கும் அன்புடன் அழைப்பு விடுக்கின்றேன்.
கௌரவ தவிசாளர் அவர்களே!
கிழக்கு மாகாண சபைக்கென 2012 ஆம் ஆண்டுக்கு ஒதுக்கப்பட்ட நிதியினைக் கொண்டு மீண்டெழும் மற்றும் மூலதன செலவுகளை மேற்கொள்ளும் முகமாக தயாரிக்கப்பட்ட இவ் வரவு செலவுத்திட்ட யோசனைகளை கிழக்கு மாகாண மக்களின் வளர்ச்சியிலும் நலனிலும் கூடிய கவனம் செலுத்தி வெற்றிகரமாகவும் பயனுறுதிமிக்கதாகவும் நிறைவேற்ற கௌரவ உறுப்பினர்களினதும் உத்தியோகத்தர்கள் அனைவரினதும் ஒருமுகமான ஒத்துழைப்பையும் ஆதரவையும் வேண்டிக்கொண்டு இவ்வுரையை செவிமடுத்த தங்கள் எல்லோருக்கும் நன்றி; கூறி எனது உரையை நிறைவு செய்கின்றேன்.
நன்றி
வணக்கம்
சிவநேசதுரை சந்திரகாந்தன்
முதலமைச்சர்
»»  (மேலும்)

உன்னிச்சை குளத்தின் மூன்று வான் கதவுகளும் உறுகாமம் குளத்தின் இரண்டு வான் கதவுகளும் தற்போது திறந்து விடப்பட்டுள்ளன

மட்டு. மாவட்டத்திலுள்ள  பிரதான நீர்ப்பாசன குளங்கள் அனைத்தும்  திறந்து விடப்பட்டுள்ளதாக நீர்ப்பாசன பிரிவுகளுக்கு பொறுப்பான பிரதம பொறியியலாளர் என்.கிருஷாந்தன் தெரிவித்தார்.
இதனடிப்படையில் உன்னிச்சை குளத்தின் மூன்று வான் கதவுகளும் உறுகாமம் குளத்தின் இரண்டு வான் கதவுகளும் தற்போது திறந்து விடப்பட்டுள்ளதாக அவர் குறிப்பிட்டார்.
இதன் காரணமாக சித்தாண்டி மற்றும் கிரான் பிரதேசங்களிலுள்ள ஆறுகளில் நீர்மட்டம் உயர்வடையும். எனினும்இ இதனால் பொதுமக்கள் அச்சமடைய தேவையில்லை என அவர் தெரிவித்தார்.
இதேவேளைஇ மாவட்டம் முழுவதும் தொடர்ச்சியாக காற்றுடன் கூடிய மழை பெய்த வண்ணமே உள்ளது. இதனால் இயல்பு நிலை பாதிக்கப்பட்டுள்ளதுடன் பல வீதிகள் வெள்ளத்தில் மூழ்கியுள்ளன. இதனால் சில வீதிகளில் போக்குவரத்துக்களும் தடைப்பட்டள்ளன.
இன்று வெள்ளிக்கிழமை காலை 8.30 மணியுடன் முடிவடைந்த 24 மணித்தியாலத்தில் மட்டக்களப்பு மாவட்டத்தில் 66.3 மில்லி மீற்றர் மழை பெய்துள்ளது என மட்டக்களப்பு வானிலை அவதான நிலைய கடமை நேர அதிகாரி எஸ்.ரமேஸ் தெரிவித்தார்.
கடந்த 7 நாட்களில் 305.8 மில்லி மீற்றர் மழை பெய்துள்ளது. மட்டக்களப்பு மாவட்டத்தின் வருடாந்த சராசரி மழை வீழ்ச்சி 1இ 600 மில்லி மீற்றராக உள்ள நிலையில் இவ்வருடத்தில் இன்று வரை 3இ016 மில்லி மீற்றர் மழை பெய்துள்ளதாக அவர் சுட்டிக்காட்டினார்.
மண்டூர் வெல்லாவெளி வீதி தற்போது வெள்ளத்தில் மூழ்கியுள்ளதால் அப்பகுதிக்குரிய போக்குவரத்துக்கள் முற்றாகத் தடைப்பட்டுள்ளன. இதனால் இவ்வீதியை பயன்படுத்துபவர்கள் குருமன்வெளி – மண்டூர் ஓடத்துறையை பயன்படுத்தி வருகின்றமை  குறிப்பிடத்தது.
கிரான் புலி பாய்ந்தகல் வீதியூடனான போக்குவரத்திற்கு கடற் படையினர் தொடர்ந்து இயந்திர படகுகளை  பயன்படுத்தி வருகின்றமை குறிப்பிடத்தக்கதாகும்.
»»  (மேலும்)

11/25/2011

திருமலையில் ஆசிரியை சடலமாக மீட்பு

திருகோணமலை மாவட்டத்தின் மூதூர் கல்வி லயத்திற்குட்பட்ட தி/பாட்டாளிபுரம் அரசினர் தமிழ் கலவன் பாடசாலையில் கல்வி கற்பிக்கும் ஆசிரியையான செல்வி குருகுலசிங்கம் சிறிவதனி (33) என்பவரே இன்று காலை பாடசாலைக்கு செல்லும் வழியில் சடலமாக கண்டெடுக்கப்பட்டடுள்ளார். தான் வழமைபோல் இன்று காலை பாடசாலைக்கு செல்லும்போதே இவ்வாறு சடலமாக மீட்கப்பட்டுள்ளnர்.
குறித்த ஆசிரியர் மூதூர் கட்டை பறிச்சான் 2ம் வட்டாரம் சேர்ந்தவராவார். குறித்த ஆசிரியர் மட்டக்களப்பு ஆசிரியர் பயிற்சி கலாசாலையில் இருந்து 2006ம் ஆண்டு ஆசிரியராக நியமனம் பெற்ற காலத்திலிருந்து குறித்த பாடசாலையில் வரலாறு பாடம் கற்பித்து வந்திருந்தமை குறிப்பிடத் தக்கது. தற்போது பிரேத பரிசோதனைக்காக திருகோணமலை வைத்திய சாலையில் சடலம் ஒப்படைக்கப்பட்டிருக்றது. மேலதிக விசாரணைகளை சம்பூர் பொலிஸார் மேற்கொண்டு வருகின்றார்கள்.
»»  (மேலும்)

பிரித்தானிய உயர்ஸ்தானிகர் கிழக்கு முதல்வருடன் சந்திப்பு

பிரித்தானிய உயர்ஸ்தானிகர் ஜோன் ரான்கின் அவர்களுக்கும் கிழக்கு மாகாண முதலமைச்சர் சிவநேசதுரை சந்திரகாந்தன் அவர்களுக்கும் இடையில் இன்று(24.11.2011) முக்கிய சந்திப்பொன்று இடம் பெற்றது. மேற்படி சந்திப்பானது திருகோணமலை அமைந்துள்ள  முதலமைச்சர் செயலகத்தில் மேற்படி சந்திப்பானது இடம்பெற்றது. மேற்படி சந்திப்பானது சிநேகபூர்வ கலந்துரையாடலாக அமைந்திருந்தது. கிழக்கு மாகாணத்தின் தற்போதைய நிலைமை அபிவிருத்தி முன்னெடுப்புக்கள் மற்றும் 2012ம் ஆண்டில் நடைமுறைப்படுத்தப்படவுள்ள அபிவிருத்தி திட்டங்கள் மற்றும் பாதுகாப்பு தொடர்பாகவும் விரிவாக கலந்துரையாடப்பட்டுள்ளது. கிழக்கு மாகாணத்தில் இருக்கின்ற விதவைகளின் வாழ்வாதார மேம்பாடு, மற்றும் சிறுவர் கல்வி அபிவிருத்தி என்பன தொடர்பாக எதிர்காலத்தில் கிழக்கு மாகாணத்தில் குறித்த சில உதவிகள் வழங்குவது தொடர்பாகவும் உயர்ஸ்த்தானிகர் தெரிவித்தார்.
»»  (மேலும்)

11/24/2011

தாய் மொழியில் தேசிய கீதத்தை பாடும் உரிமை தமிழர்களுக்கு உண்டு அரசியல் அமைப்பு உறுதிப்படுத்தி உள்ளது

இலங்கையின் தேசிய கீதத்தை சிங்கள மொழியில் மட்டும் தான் பாடவேண்டும் என நிர்ப்பந்திப்பதோ அல்லது கட்டாயப்படுத்துவதோ சட்டவிரோதமான செயலாகவே கருதப்படும். தமிழ் மக்கள் தமது தாய் மொழியில் தேசிய கீதத்தை பாடும் உரிமை அரசியலமைப்பின் மூலம் உறுதிப்படுத்தப்பட்டுள்ளது என தேசிய மொழிகள் மற்றும் சமூக ஒருமைப்பாட்டு அமைச்சர் வாசுதேவ நாணயக்கார தெரிவித்தார்.
தேசிய கீதத்தை சிங்கள மொழியில் மாத்திரம் இசைக்கப்படல் வேண்டும் என சட்டம் தயாரிக்க எந்தவித நடவடிக்கை களும் மேற்கொள்ளப்படவில்லை எனவும் அமைச்சர் வாசுதேவ நாணயக்கார தெரிவித்தார்.
ஐ.தே.க. பாராளுமன்ற உறுப்பினர் தயாசிறி ஜயசேக்கராவின் வாய்மொழிமூல விடைக்கான கேள்வியொன்றுக்கு பதிலளிக்கும் போதே அமைச்சர் மேற்கண்ட வாறு தெரிவித்தார். இலங்கைத் தேசிய கீதம் சிங்கள மொழியில் மாத்திரம் இசைக் கப்படல் வேண்டுமென சட்டம் தயாரிக்க நடவடிக்கைகள் மேற்கொள்ளப்ப டுகின்ற தால் அவ்வாறாயின் இத்தகைய சட்டம் தயாரிக்க ஏதுவான விடயங்கள் எவை?
தான் விரும்பிய மொழியைப் பாவிக்க அரசியலமைப்பினால் பிரஜைகளுக்கு வழங்கப்பட்டுள்ள உரிமை மேற்படி நிலைமையின் கீழ் மீறப்படுவதில்லையா?
இதன் காரணமாக சிங்கள மக்களுக்கும் நாட்டின் ஏனைய இனங்களுக்கும் இடையில் உள்ள பரஸ்வர ஈடுபாட்டுக்குத் தாக்கம் ஏற்படுமா? இது குறித்து அவர் இச்சபைக்கு அறிவிப்பாரா என தயாசிறி ஜயசேகர எம்.பி. கேட்டிருந்தார்.
இந்தக் கேள்விகளுக்கு பதிலளித்த அமைச்சர் வாசுதேவ நாணயக்கார தனிச்சிங்களத்தில் மட்டும்தான் தேசிய கீதம் பாடவேண்டும் என்ற சட்டம் கொண்டு வர வேண்டிய அவசியம் இல்லை என்றார்.
அப்படியானால் யாழ்ப்பாணத்தில் நடைபெறுகின்ற பொது மற்றும் அரச நிகழ்வுகளில் தமிழ் மொழியில் தேசிய கீதம் பாடுவதற்கு தடை விதிக்கப்படுகிறது. அது ஏன் என தயாசிரி ஜயசேக்கர மற்றுமொரு கேள்வியை எழுப்பினார்.
யாழ்ப்பாணத்தில் சில அதிகாரிகள் தன்னிச்சையாக இவ்வாறு செயற்பட்ட தாலேயே அங்கு பிரச்சினை ஏற்பட்டது.
இப்போது அந்த நிலைமை இல்லை. தமிழ் மொழியிலேயே தேசிய கீதம் பாடப்படுகிறது என அமைச்சர் வாசுதேவ நாணயக்கார பதிலளித்தார்.
»»  (மேலும்)

மக்களின் தனித்துவம், ஐக்கியத்தை அரசியலமைப்பு ஊடாக உறுதிப்படுத்தல்' பாராளுமன்ற தெரிவுக்குழு அமைக்க ஆளும் தரப்பு சபையில் பிரேரணை

இலங்கையிலுள்ள சகல மக்களும் தமது தனித்துவங்களைப் பாதுகாப்பதையும் ஒரே தேசமக்களாக வாழ்வதை அரசியலமைப்பினூடாக உறுதிப்படுத்தும் வகையில் பரிந்துரைகளை வழங்க பாராளுமன்றத் தெரிவுக்குழுவொன்று நியமிக்கப்பட வேண்டுமென்ற பிரேரணை நேற்று சபையில் சமர்ப்பிக்கப்பட்டது.
சபை முதல்வரும் அமைச்சருமான நிமல் சிறிபால டி சில்வா இதனை நேற்று மாலை சபையில் சமர்ப்பித்தார்.
ஆளும் தரப்பின் சிரேஷ்ட அமைச்சர்கள் உள்ளிட்ட 14 உறுப்பினர்கள் இந்தப் பிரேரணையில் கையெழுத்திட்டுள்ளனர். இது தொடர்பான பிரேரணை முன்னறிவித்தல்கள் நேற்றைய பாராளுமன்ற ஒழுங்குப்பத்திரத்தில் சேர்க்கப்பட்டிருந்தன.
அமைச்சர்களான மைத்திரிபால சிறிசேன வாசுதேவ நாணக்கார, டியூ குணசேகர, பேராசிரியர் திஸ்ஸ விதாரண, பசில் ராஜபக்ஷ, ஆறுமுகன் தொண்டமான், பாட்டளி சம்பிக ரணவக்க, டக்ளஸ் தேவானந்தா, அநுர பிரியதர்ஷன யாப்பா, ரி. பி. ஏக்கநாயக்கா, ரவூப் ஹக்கீம் மற்றும் பாராளுமன்ற உறுப்பினர்களான ரஜீவ விஜேசிங்க பொ. பியசேன, ஏ.எச்.எம். அஸ்வர் ஆகியோரே இந்த பிரேரணையை சமர்ப்பித்துள்ளனர்.
இலங்கை மக்களுக்கு ஒரே தேச மக்களாக வாழ்வதற்கு அதிகாரமளிப்பதற்கான அரசியல் மற்றும் அரசியலமைப்பு நடவடிக்கைகள் பற்றி பரிந்துரை செய்து அறிக்கை செய்வதற்கான பாராளுமன்ற தெரிவுக்குழு என்ற பெயரில் இந் தெரிவு குழு அமையவுள்ளது.
மக்களின் இத்தகைய ஐக்கியம் எல்லா மக்களினதும் நாட்டினதும் சமூக, பொருளாதார, அரசியல் மற்றும் கலாசார அபிவிருத்தியை மேம்படுத்தும் என்பதாலும், அத்துடன் பாராளுமன்ற தெரிவுக்குழுவொன்று மக்களால் தெரிவு செய்யப்பட்ட பிரதிநிதிகளின் குரலாக இருப்பதனால், மேலே சொல்லப்பட்ட விடயங்களை நடைமுறைபடுத்துவதற்கு மேற்கொள்ளப்பட வேண்டிய நடவடிக்கைகளின் செயற்பாட்டை நிர்ணயிப்பதற்கு மிகவும் பொருத்தமாக இருக்கும்.
எல்லா மக்களினதும் தனித்துவத்தை பாதுகாப்பதையும், மேம்படுத்துவதையும், கண்ணியமாகவும், பாதுகாப்பாகவும் ஒரே தேச மக்களாக வாழ்வதையும் உறுதிப்படுத்துவதற்கு இலங்கை மக்களின் ஐக்கியத்தை உறுதிப்படுத்துவதற்கும், சமூக பொருளாதார அரசியல் மற்றும் கலாசார அபிவிருத்திகளை மேம்படுத்துவதற்கு மக்களுக்கும் நாட்டுக்கும் அதிகாரமளிக்கவும் தகுந்த அரசியல் மற்றும் அரசியலமைப்பு நடவடிக்கைகள் ஆறு மாத காலத்தினுள் பரிந்துரைப்பதற்கு இந்த பாராளுமன்ற தெரிவுக்குழு நியமிக்கப்படுதல் வேண்டும் எனவும் இந்த பிரேரணையில் குறித்துரைக்கப்பட்டுள்ளது.
இந்த தெரிவுக்குழுவும் அதன் தலைவரும் சபாநாயகராலேயே பெயர் குறிப்பிடல் வேண்டும் என குறிப்பிடப்பட்டுள்ளது.
மேலும் நிலையியற் கட்டளைச் சட்டத்தின் 95 இன் ஏற்பாடுகள் எவ்வாறிருப்பினும் இப்பாராளுமன்ற தெரிவுக்குழு 31 க்கு மேற்படாத எண்ணிக்கையிலான உறுப்பினர்களை கொண்டிருத்தல் வேண்டும் எனவும் குறித்துரைக்கப்பட்டுள்ளது. தெரிவுக்குழுவின் அதிகாரங்கள் மேற்படி பாராளுமன்ற தெரிவுக்குழு அதன் கூட்ட நடப்பெண்ணை நிர்ணயிப்பதற்கும், அது அவசியமென கருதும் எவரேனும் அத்தகைய ஆளை, அல்லது ஆவணங்களை வரவழைப்பதற்கும், அல்லது வரவழைக்கப்படும் எவரையும் சத்தியப் பிரமாணம் அல்லது உறுதி மொழியின் பேரில் விசாரணை செல்வதற்கும் அதிகாரம் கொண்டிருத்தல் வேண்டும் எனவும் குறிப்பிடப்பட்டுள்ளது.
அத்துடன் இக்குழுவுக்கு துணை புரியும் பொருட்டு உரிய துறைகளிலுள்ள வல்லுநர்களினதும் நிபுணர்களினதும், சேவையைப் பெற்றுக் கொள்வதற்கும்.
காலத்திற்கு காலம் பாராளுமன்றம் ஒத்திவைக்கப்படுவதால் தடைப்படாது தொடர்வதற்கும் காலத்திற்கு காலம் இடைக்கால அறிக்கையை சமர்ப்பிப்பதற்கும் இப்பாராளுமன்றம் தெரிவுக்குழு அதிகாரத்தை கொண்டிருந்தல் வேண்டும் எனவும் குறிப்பிடப்பட்டுள்ளது
»»  (மேலும்)