உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

1/31/2012

கிழக்கை ஆள்வது அரசியல்வாதிகளா? அதிகாரிகளா?********மாற்றத்திற்கான மக்கள் அமைப்பு – கிழக்கிலங்கை






மாற்றத்திற்கான மக்கள் அமைப்பு-          


                கிழக்கிலங்கை 







கிழக்குமாகாணத்தில் தற்போது பொதுவாக ஆசிரியர்கள் மத்தியில் காணப்படும் பெரும் குழப்பமான நிலை முன்னொருபோதும் இல்லாத அளவுக்கு எல்லை மீறி சென்றிருக்கின்றது. காரணம் சொல்லவே தேவையில்லை. இடமாற்றப்பிரச்சினைதான். ஆசிரியர்களுக்கான இடமாற்றமானது புள்ளித்திட்ட அடிப்படையில் வரையப்பட்டிருந்தமையானது மிகவும் சிறப்பானதொரு முடிவாகவே எல்லோராலும் நோக்கப்பட்டது.
ஆனால் பிரச்சினை எங்கே வெடித்திருக்கிறதென்றால், கல்வித்திணைக்கள அதிகாரிகளுக்கு வேண்டப்பட்டவர்களின் இடமாற்றத்தில்தான். மாகாண கல்விப்பணிமனையில் இருந்து மட்டக்களப்பு ஆசிரியர் ஒருவருக்கு திருகோணமலை மாவட்டத்திற்கு இடமாற்றம் கிடைத்திருந்தது. ஆனால் அவர் தனக்கு தெரிந்த அதிகாரி ஒருவர் மூலமாக இடமாற்றத்தை இரத்துச்செய்துள்ளார். அதேபோன்று சில ஆசிரியர்கள் இந்த இடமாற்றத்தை வாய்ப்பாக பயன்படுத்தி விரும்பிய இடங்களுக்கு இடமாற்றம் பெற்றுள்ளனர். விடயம் அறிந்த ஆசிரியர்களின் ஒரே புலம்பல் “ வலயக்கல்விப்பணிப்பாளர்களுக்கு வேண்டியவர்கள் விரும்பிய இடத்திற்கு இடமாற்றம் பெற்றுள்ளார்கள். ஆனால் எங்களின் நிலைதான் பரிதாபத்துக்குள்ளாகியுள்ளது” என்பதுதான். முதலமைச்சரிடம் மேன்முறையீட்டுக்கு சென்ற ஆசிரியர்களின் கோரிக்கையை தகுந்த காரணங்களால் நிறைவேற்ற மறுத்தமை பாராட்டுக்குரிய விடயமே.
இதில் என்ன வேடிக்கையென்றால் அவர்கள் அனைவரும் அதிகாரிகள் மூலமாக தங்களது கோரிக்கையை வென்றெடுத்துவிட்டார்கள். இந்தவிடயம் திரிபடைந்து, முதலமைச்சரால் என்னத்துக்கு இயலும்? என்று ஆசிரியர் ஒருவர் ஏளனமாக கேட்கும் நிலைமையும் ஏற்பட்டிருக்கின்றது. இது கிழக்குமாணத்திற்கு ஏற்பட்டுள்ள மிகவும் அபாயகரமான சாபக்கேட்டின் ஆரம்பமாகும். “நியாயமான முறையில் இடமாற்றங்கள் இடம்பெறவேண்டும். அதில் நான் எந்த குறுக்கீடும் செய்யமாட்டேன்” என்று கிழக்கு முதல்வர் கூறியமையையிட்டு நாம் பெருமையடைகிறோம். அதேவேளை அதிகாரிகள் மூலம் முதல்வரின் சிந்தனை சின்னாபின்னமாக்கப்படுவதையிட்டு பெரும் வேதனையடைகிறோம். இது கல்வித்திணைக்களத்தில் மட்டுமல்ல ஏனைய அனைத்து திணைக்களங்களிலும் இந்நிலைமை பரவலாக காணப்படுகிறது.
எனவே இந்த கறைபடிந்த செயற்பாடுகளை தடுப்பதற்கு கிழக்கு முதல்வர் எப்படிப்பட்ட நடவடிக்கை எடுத்தாலும் மக்கள் மனமுவந்து ஏற்றுக்கொள்வார்கள். உண்மையில் இந்த பிரச்சினைக்கு முழுவதுமாக முற்றுப்புள்ளி வைக்கவேண்டுமென்றால் குறிப்பிட்ட அதிகாரிகளின் மனமாற்றத்தினால் மட்டுமே முடியும். ஆனால் அதற்கான சாத்தியப்பாடு கிழக்கு புத்திஜீவிகளிடம் மிகவும் அரிதாகவே காணப்படுவதாக நாம் உணர்கிறோம். விரைவில் இதற்கான தீர்வை முதல்வர் வரையாவிட்டால், அவரது ஆதரவாளர்கள் மத்தியில் ஏற்பட்டுள்ள சலசலப்பையும் தீர்க்க முடியாமல் போகும் என்பதே திண்ணம். ஒரு நிருவாக கட்டமைப்பில் அடிமட்டத்தில் செய்யப்படும் தவறு அதன் தலைமையே தாக்கும் என்பதை கிழக்கின் நிலைமை எடுத்தியம்புகின்றது. ஒரு சில அதிகாரிகளின் தவறு நல்ல அரசியலையும் தலைவர்களையும் சாக்கடைக்குள் தள்ள முனைவது விபரீதத்தின் உச்சமே. “எல்லோரும் சமம்” என்கின்ற கொள்கையே நல்லாட்சியின் அடையாளம். இவ்வடையாளத்தை நிலைநிறுத்த கிழக்கு முதல்வர் என்ன செய்ப்போகின்றார் என்பதை நாம் உன்னிப்பாக அவதானித்துக்கொண்டிருப்போம்.
எம்மக்கள் மத்தியில், மிக நீண்ட காலத்திற்கு பிற்பாடு அரசியல் அறிவுடன் நல்ல பாதையில் பயணிக்கின்ற உணர்வு ஏற்பட்டுள்ளது. இது நிரந்தரமாக இருக்கவேண்டும் என்பதே எங்களது அவாவாகும். அணைக்கட்டு பலமாக இருக்கின்றபோதும் ஏதோ ஒரு மூலையில் ஏற்படும் அரிப்பு முழு அணையையுமே அழித்துவிடும். அதிகாரிகளின் இச்செயற்பாடு அணையின் அரிப்புக்கு ஒப்பானதே. விரைவில் மாற்றம் ஏற்படும் என்ற நம்பிக்கையுடன்…..
மாற்றத்திற்கான மக்கள் அமைப்பு – கிழக்கிலங்கை
»»  (மேலும்)

1/30/2012

கிழக்கின் முதல்வர் சந்திரகாந்தன் ஐரோப்பிய விஜமொன்றை மேற்கொண்டு உள்ளார்

  
ஐரோப்பிய நாடுகளுக்கு விஜயம் செய்துள்ள கிழக்கு மாகாண முதலமைச்சர் சிவநேசதுரை சந்திரகாந்தன் சுவிட்சர்லாந்தில் புலம்பெயர் மக்களை சந்தித்து கலந்துரையாடியுள்ளார்.அந்த சந்திப்பில் பெருந்திரளான மக்களின் மத்தியில் புலம்பெயர் மக்களுடான சந்திப்பு சனியன்று இடம்பெற்றது .

     நேற்றைய தினம் சுவிஸ்லாந்தில் பெருந்திரளான  மக்களின் மத்தியில் 
 கிழக்குமாகாண முதலமைச்சரும் தமிழ் மக்கள் விடுதலை
புலிகள் கட்சியின் தலைவருமாகிய சந்திரகாந்தன் உரையாற்றினர் .
அங்கு புலம்பெயர்ந்த  மக்களின் மத்தியில் முதலமைச்சர் உரையாற்றுகையில் 
கிழக்கில் இடம்பெறும் அபிவிருத்தியும் மற்றும் கட்சியின் கொள்கைகளையும் விளக்கினார் ,
தொடந்து அங்கு சமுகமளித்திருந்த சுவிஸ் வாழ் புலம்பெயர் மக்களும் 
கல்விமான்களும் ,,புத்திஜீவிகளும் கிழக்கு மாகாண முதலமைச்சருக்கு 
பாராட்டுகளையும் ,முதலமைசரினால் மேற்க்கொள்ள படும்  சகல அபிவிருத்திக்கும் ,தமிழ் மக்கள் விடுதலைப்புகள் கட்சியின் வளர்ச்சிக்கும்   சுவிஸ் வாழ் கிழக்கு புலம் பெயர் மக்களால்  சகல பங்களிப்பையும் தருவதாகவும் உறுதியளித்தனர் என்பது குறிப்பிடத்தக்கது.


»»  (மேலும்)

1/29/2012

முதலமைச்சர் வேட்பாளர் யார்? UPFA சார்பில் டக்ளஸ் உறுதி: TNA சார்பில் மாவை, சுரேஸ், மனோ?

பேச்சுவார்த்தையில் வ/கி இணைப்பில் தீவிரம்: தேர்தலை தனித்து நடத்த தொடர் கோரிக்கை

வடமாகாண சபை தேர்தல் நடந்தால் முதலமைச்சர் வேட்பாளர் யார்?
UPFA சார்பில் டக்ளஸ் உறுதி: TNA சார்பில் மாவை, சுரேஸ், மனோ?

எதிர்க்கட்சியையாவது இழந்துவிடக் கூடாது என்பதால் புதிய முகங்களை புறக்கணிக்க TNA முடிவு!
அரசாங்கம் வட மாகாண சபைத் தேர்தலை நடத்தினால் கூட்டமைப்பின் சார்பில் முதலமைச்சர் வேட்பாளராகப் போட்டியிட கட்சி யின் சிரேஷ்ட உறுப்பினர்கள் பலரும் விருப்பம் தெரிவித்துள் ளதுடன் தம்மைத்தான் நிறுத்த வேண்டும் எனவும் போர்க்கொடி தூக்கி யுள்ளனர். இதற்காக பலர் தமது பாராளு மன்றப் பதவியைத் துறக்கவும் தயாரெனத் தெரிவித்துள்ளனர்.
இதனால் கட்சியின் தலைமைக்குப் பெரும் நெருக்கடி நிலை எழுந்துள்ளது. வட மாகாண சபைத் தேர்தலை அரசு நடத்தாமல் விட்டாலே இப்போதைக்கு நல்லது என எண்ணு மளவிற்கு தலைமை தள்ளப்பட்டுள்ளதாக கட்சி வட்டாரங்கள் தெரிவித்துள்ளன.
மக்கள் ஐக்கிய முன்னணியின் சார்பில் அமைச்சர் டக்ளஸ் தேவானந்தா முதலமைச்சர் வேட்பாளராக நிற்பதாக தெரிவிக்கப்படுகின்றமையால் அரசியலில் புதிய முகங்களை நிறுத்தி எதிர்க்கட்சியாக வரும் நிலையையும் இழந்துவிடக் கூடாது என்பதில் தமிழ்க் கூட்டமைப்பின் தலைமை கவனம் செலுத்தியுள்ளதாகவும் தெரிவிக்கப்படுகின்றது.
இதேவேளை அத்தகையதொரு நிலை வரும் பட்சத்தில் மாவை சேனாதிராஜாவை அல்லது சுரேஷ் பிரேமச்சந்திரனை முதலமைச்சர் வேட்பாளராக நிறுத்துவது குறித்தும் கட்சியின் தலைமை ஆராய்ந்து வருவதாகவும் தெரிவிக்கப்படுகிறது. கட்சிக்குள் இணக்கப்பாடு காணப்படா விட்டால் மனோ கணேசனை முதலமைச்சர் வேட்பாளராக நிறுத்துவதே பொருத்தமானது எனக் கட்சியின் சிரேஷ்ட உறுப்பினர்கள் பலரால் கருத்து வெளியிடப்பட்டுள்ளது.
அரசாங்கத்துடன் தமிழ்த் தேசியக் கூட்டமைப்பு நடத்திவரும் பேச்சுவார்த்தைகளில் காணி, பொலிஸ் அதிகாரக் கோரிக்கை போன்றே வடக்கும் கிழக்கும் இணைக்கப்பட வேண்டும் எனும் கோரிக்கை கூட்டமைப்பினரால் வலுவாக முன்வைக்கப்பட்டுள்ளமை அனைவருக்கும் தெரிந்த விடயம்.
ஆனால் அதே தமிழ்க் கூட்டமைப்பு வட மாகாண சபைத் தேர்தலை நடத்துமாறு ஜனநாயக மக்கள் முன்னணியின் தலைவர் மூலமாக காரசாரமான அறிக்கைகளை விட்டு வருவது வேடிக்கையாக உள்ளது. மனோ கணேசன் இதனைத் தெரிந்துதான் செய்கிறாரா அல்லது அவரது நோக்கம் தேர்தலை நடத்தக் கோரி கூட்டமைப்பு போட்டியிடாவிட்டால் தனக்கு அச்சந்தர்ப்பம் கிடைக்கும் என்பது அவரது உள் நோக்கமாக எனவும் சந்தேகம் எழும் பியுள்ளது.
»»  (மேலும்)

விவாத அரங்கு

 அர்விந்த் அப்பாத்துரையின் கவிதைகள் நாவல்கள் மீதான விவாத அரங்கு இன்று ஞாயிறு மாலை பாரிஸ் நகரில் இடம் பெற உள்ளது 
»»  (மேலும்)

கூட்டமைப்புக்கு தகுந்த பாடம் புகட்டுவோம்

                                         கிழக்கிலங்கை மாற்றத்தை நோக்கிய மக்கள் அமைப்பு 
                                                                   
                                                                                         28.01.2012 


எமது கிழக்கு மாகாண மக்கள் அன்றுதொட்டு இன்றுவரை அரசியல்தலைவர்களினால் ஏமாற்றப்பட்டு வருகின்றனர். கிழக்கு மாகாண மக்கள் தொடர்ந்தும் ஏமாறும் சமூகமாக இருக்க முடியாது. கடந்த காலங்களில்தான் எமது மக்கள் ஏமாற்றப்பட்டு வந்தார்கள் தொடர்ந்தும் எமது மக்களை தமிழ் தேசியக் கூட்டமைப்பினர் ஏமாற்ற நினைத்துக் கொண்டிருக்கின்றனர். தமிழ் தேசியக் கூட்டமைப்பின் பாராளுமன்ற உறுப்பினர் இரா.சம்பந்தன் போன்றவர்கள் கிழக்கு மக்களை தொடர்ந்தும் ஏமாற்ற முடியும் என்று நினைத்துக் கொண்டிருக்கின்றனர்.

இதற்கு அண்மையில் நடைபெற்ற பல விடயங்களைச் சுட்டிக்காட்ட மூடியும். அதிலும் தற்போது பரவலாகப் பேசப்படுகின்ற விடயம் தமிழ் தேசியக் கூட்டமைப்பின் தலைவர் இரா. சம்பந்தனுக்கு கிழக்கு மாகாண முதலமைச்சர் எழுதிய கடிதமாகும். இக் கடிதத்தில் குறிப்பிடப்பட்ட விடயம் என்ன? அரசுக்கும் கூட்டமைப்புக்கும் இடையிலான பேச்சுவார்த்தைகளின்போது வடக்கு கிழக்கு இணைப்பு தவிர்ந்த பொலிஸ் காணி அதிகாரங்கள் பேசப்படுகின்றபோது அதற்கு தான் ஆதரவு வழங்குவதாகவும் இவ்விடயங்கள் தொடர்பில் கூட்டமைப்புடன் தான் மனந்திறந்து பேசத்தயாராக இருப்பதாகவும் குறிப்பிட்டு இருக்கின்றார்.

அத்துடன் 15.01.2012 க்குள் தகுந்த பதிலை எதிர்பார்ப்பதாகவும் குறிப்பிட்டிருந்தார். ஆனாலும் முதலமைச்சருக்கு எந்த விதமான பதிலும் அனுப்பப்படவில்லை. மாறாக கிழக்கு மாகாணத்தில் இல்லாத அமைப்புக்களின் பெயரில் போலி அறிக்கைகளை தமிழ்வின் இணையத்தளம் வெளியிட்டு வருகின்றது. பதில் சொல்ல வேண்டிய சம்பந்தன் அவர்கள் பதில் சொல்லாமல் போலி அமைப்புக்களின் பெயரில் வெளியிடப்படும் அறிக்கைகள் கிழக்கு மாகாண முதலமைச்சரையும் கிழக்கு மக்களையும் அவமதிக்கும் செயலாகும்.

கிழக்கு மாகாண மக்கள்மீது தமிழ் தேசியக் கூட்டமைப்புக்கோ அல்லது சம்பந்தனுக்கோ அக்கறை இருக்குமாக இருந்திருந்தால் போலியான அமைப்புக்களின் பெயரில் அறிக்கைகளை வெளியிடுவதனை தவிர்த்து முதலமைச்சருக்கு பதில் கடிதத்தினை அனுப்பி இருக்க முடியும். முதலமைச்சர் அவர்கள் முதலமைச்சர் பதவியினை பொறுப்பேற்ற நாள் முதல் மாகாணசபைக்கு பொலிஸ் காணி அதிகாரங்கள் வேண்டும் என்று குரல் கொடுத்து வருகின்றார். கூட்டமைப்பினர் தமிழீழமே இறுதி மூச்சு என்றிருந்தவர்கள் முப்பது வருடமாக இடம்பெற்ற யுத்தத்தில்; பல உயிரிழப்புக்களின் பின்னர் முதலமைச்சர் எதைக் கேட்கின்றாரோ அதனை பெறத்தயாராக இருக்கின்றனர்.

முதலமைச்சர் அவர்கள் அனுப்பிய கடிதத்தினை கூட்டமைப்பினர் அவமதித்த செயலானது கிழக்கு மக்களை அவமதித்தமைக்கு சமமானது. கிழக்கு மக்களால் தெரிவு செய்யப்பட்ட கிழக்கை பிரதிநிதிப் படுத்துகின்ற ஒரு முதலமைச்சரின் கடிதத்தினை அவமதித்தமையை கிழக்கு மக்கள் சார்பாக வண்மையாகக் கண்டிக்கின்றோம். கூட்டமைப்பினர் முதலமைச்சர் அவர்களை அவமதிப்பது இது முதல் தடவையல்ல முன்னர் ஒரு தடவை மாகாணசபை என்று ஒன்று இல்லை. முதலமைச்சரும் இல்லை என்று கிழக்கு மக்களையும் கிழக்கு மாகாண முதலமைச்சரையும் அவமதித்தார்கள். இன்று மாகாணசபை அதிகாரங்கள் தொடர்பில் பேசுகின்றனர்.

கிழக்கு மாகாணம் துரிதமாக அபிவிருத்தி அடைந்து வருவது யாவரும் அறிந்ததே. கிழக்கு மாகாண சபை உருவாக்கத்தின் மூலமாகத்தான் இத் துரித அபிவிருத்தி இடம்பெறுகின்றது என்பதனை அனைவரும் உணர்ந்து கொள்ள வேண்டும். 

தமிழ்வின் இணையத்தளத்தினால் போலி அமைப்புக்களின் பெயரில் வெளியிடப்படுகின்ற அறிக்கைகளின் நோக்கம் என்ன? தமிழ் மக்கள் நிம்மதியாக வாழக்கூடாது என்று தமிழ்வின் இணையத்தளம் நினைக்கின்றதா? தமிழ் மக்கள் மத்தியில் பிரச்சினைகள் இருக்கின்றபோதுதான் தாம் பிரச்சினைகளை எழுதி தமது இணையத்தளத்தை வளர்க்கலாம் என்று நினைக்கின்றனரா? அல்லது கிழக்கு மக்களை தொடர்ந்தும் ஏமாற்ற நினைக்கின்றனரா? அல்லது கிழக்கு மக்களை மடையர்கள் என்று நினைத்துவிட்டனரா?

இவ்வாறு தமிழ் தேசியக் கூட்டமைப்பினர் கிழக்கு மக்களை ஏமாற்ற நினைக்கும் செயற்பாடுகளுக்கு துணைபோகும் மட்டக்களப்பு மாவட்ட கூட்டமைப்பு பாராளுமன்ற உறுப்பினர்களுக்கும் கிழக்கு மாகாண மக்கள் தகுந்த பாடம் புகட்ட வேண்டும். 

தொடர்ந்தும் கிழக்கு மக்களை ஏமாற்ற நினைப்பார்களாக இருந்தால் கிழக்கு மக்கள் கூட்டமைப்பிற்கு தகுந்த பாடம் புகட்ட வேண்டும். கிழக்கு மக்களுக்காக குரல் கொடுப்பார்கள் என்பதற்காகவே மூன்று பாராளுமன்ற உறுப்பினர்களையும் மக்கள் பாராளுமன்றத்திற்கு அனுப்பினார்கள் ஆனால் அவர்கள் கிழக்கு மக்களுக்காக என்ன செய்கின்றனர். சம்பந்தன் போன்றவர்கள் கிழக்கு மக்களை ஏமாற்ற நினைக்கும் செயற்பாடுகளுக்கு துணைபுரிகின்றனர்.

கிழக்கு மக்களே சிந்தியுங்கள் எமது இன்றைய தேவை என்ன? இன்று கிழக்கில் என்ன நடக்கின்றது? கடந்த 30 வருட போராட்டத்தில் பல உயிர்களையும் உடமைகளையும் இழந்திருக்கின்றோம். தொடர்ந்தும் இவ்வாறான இழப்புக்கள் இடம்பெற வேண்டுமா? அல்லது நலிவடைந்த எமது பிரதேசத்தை கட்டியெழுப்ப வேண்டுமா என்பதனை தீர்மானியுங்கள். இன்று மக்களுக்காக சேவை செய்துகொண்டிரப்பவர்கள் யார் என்பதனை தீர்மானியுங்கள். தமிழ் தேசியம் என்று மீண்டும் ஓர் அழிவினை நோக்கிச் செல்ல நீங்கள் தயாரா? அல்லது துரித அபிவிருத்தி மூலம் எமது பிரதேசத்தை கட்டியெழுப்ப வேண்டும் என்பதனை நீங்கள் விரும்புகின்றீர்களா? சிந்தித்து செயற்படுங்கள். கூட்டமைப்பினரின் போலி முகங்களை நம்பிவிடாதீர்கள். மக்களுக்காக சேவை செய்பவர்கள் யார் என்பதை தீர்மானியுங்கள்.

மறு புறத்திலே கூட்டமைப்பினர் கிழக்கு மாகாண முதலமைச்சரையும் கிழக்கு மாகாண மக்களையும் அவமதிப்பதனை வண்மையாகக் கண்டிப்பதோடு முதலமைச்சர் அவர்கள் கூட்டமைப்பினருக்கு இனிமேலும் மரியாதை கொடுக்க வேண்டாம் எனவும் கேட்டுக் கொள்கின்றோம். காரணம் முதலமைச்சரின் கடிதத்தினை அவமதித்த ஒரு தலைவரையும் கட்சியையும் முதலமைச்சர் அவர்கள் மரியாதை கொடுக்க வேண்டிய அவசியமில்லை.

கிழக்கு மாகாண மக்கள் கிழக்குத் தலைமைத்தவத்தின்கீழ் கிழக்கு மக்களாகவே இருக்கட்டும்.

     பா.ஜேசுதாஸ்                           வை.தர்சன்
     தலைவர்                                  செயலாளர்
மாற்றத்தை நோக்கிய மக்கள் அமைப்பு கிழக்கிலங்கை
»»  (மேலும்)

1/27/2012

கிழக்கு மாகாணத்தை அவமதிக்கும் வகையில் செய்திகளை வெளியிடும் தமிழ்வின் இணையத்தளத்திற்கு கிழக்கு பல்கலைக்கழக பழைய மாணவர் ஒன்றியம் எச்சரிக்கை

அண்மையில் கிழக்கு மாகாண முதலமைச்சரை சம்பந்தப்படுத்தி இழிவான செய்தி ஒன்றை தமிழ்வின் இணையத்தளம் வெளியிட்டிருந்தது. இதனைக் கண்டிக்கும் வகையில் கிழக்கு பல்கலைக் கழக பழைய மாணவர் ஒன்றியம் தமிழ் வின் இணையத்தளத்தின் உரிமையாளருக்கு ஓர் எச்சரிக்கை கடிதத்தினை எழுதியிருந்தது.
அக் கடிதம் வருமாறு.
அன்பின் தமிழ்வின் இணையத்தள நிர்வாகிக்கு.
உங்கள் இணையத்தளத்தில் 26.01.2012 அன்று கூட்டமைப்பு தமிழ் சமூகத்தின் ஆணையை மீறி கிழக்கு முதல்வரை சந்தித்தால் அன்று கிழக்கின் துக்க தினம்!- கிழக்கு பல்கலை பழைய மாணவர்கள் எனும் தலைப்பில் செய்தி வெளியாகி இருந்ததை அறிந்து அதிர்ச்சியும் கவலையும் அடைகின்றோம்.
எமது கிழக்குப் பல்கலைக் கழகத்தின் பமைய மாணவர் சங்கத்தால் தமிழ்வின் இணையத்தளத்திற்கோ அல்லது வேறு இணையத்தளங்களிற்கோ ஊடகங்களுக்கோ எந்தவிதமான அறிக்கையும் அனுப்பப்படவில்லை இருந்தபோதும் உங்கள் இணையத்தளத்தில் எமது பெயரினைப் பயன்படுத்தி மக்களை குழப்பமடையச் செய்யும் வகையில் செய்திகளை வெளியிட்டமையை இட்டு கடுமையான கண்டனங்களை தெரிவித்துக் கொள்கின்றோம்.
இவ்வாறான போலி அறிக்கைகளை வெளியிடுவதன் மூலம் எமது பழைய மாணவர் சங்கத்தின் நற் பெயருக்கு பாதிப்பை ஏற்படுத்தி இருப்பதுடன் எமது சங்கத்தின் பெயரையும் தவறான முறையில் பயன்படத்தி இருக்கின்றீர்கள். எங்கள் பழைய மாணவர் சங்கத்தின் பெயரில் அறிக்கைகளை வெளியிட உங்களுக்கு யார் அனுமதி தந்தது என்பதனை சொல்ல முடியுமா?
ஒரு ஊடகத்தினை நடாத்திக் கொண்டிருக்கும் நீங்கள் பொய்யான அறிக்கைகள் மூலம் மக்களை குழப்பமடையச் செய்வதன் நோக்கம் என்ன? எதற்காக போலி அறிக்கைகளை தயாரிக்கின்றீர்கள். உங்களுடைய இவ்வாறான செயல்களைப் பார்க்கின்றபோது தமிழ் மக்கள் நிம்மதியாக வாழ விரும்பாதவர்கள் போன்று உங்கள் செயற்பாடுகள் இருக்கின்றன.
தமிழ் தேசியக் கூட்டமைப்பினர் கிழக்கு மாகாண முதலமைச்சரை சந்தித்தால் அந்த நாளை துக்க நாளாக எமது கிழக்கு பல்கலைக்கழக பழைய மாணவர்சங்கம் பிரகடனப் படுத்தவில்லை. எமது மக்கள் நிம்மதியாக வாழ்ந்துகொண்டிருக்கின்றனர். மீண்டும் மீண்டும் எமது மக்களை போலிப் பிரச்சாரங்களும் போலி அறிக்கைகள் மூலமும் குழப்பமடையச் செய்து அரசியல் இலாபம் தேட நினைக்காதீர்கள்.
உங்களால் வெளியிடப் படுகி்ற அறிக்கைகள் அனைத்தும் எமது சங்கத்தின் பெயரில் வெளியிடப்பட்ட போலி அறிக்கை போன்று போலியான அறிக்கைகள்தானா? இனிமேலாவது இவ்வாறான கீழ்த்தரமான வேலைகளைச் செய்யாதீர்கள். எதற்காக எமது சங்கத்தின் பெயரில் போலி அறிக்கையினை வெளியிட்டடீர்கள் என்பதனை சொல்ல முடியுமா?
ஊடகம் எனும் போர்வையில் இனிமேலாவது கீழ்த்தரமான வேலைகளை செய்ய வேண்டாம்.
செயலாளர்
வி.குணாளன்
பழைய மாணவர்சங்கம்
கிழக்கு பல்கலைக்கழகம்
»»  (மேலும்)

1/25/2012

முதலமைச்சரின் கடிதமும் தமிழ் தேசியக் கூட்டமைப்பின் அணுகுமுறையும். ஆரோக்கியமானதொரு விவாதத்திற்காக...








தமிழ் காங்கிரஷ் , தமிழரசுக் கட்சி, தமிழர் விடுதலைக்கூட்டணி என்ற வரலாற்றுத் தொடர்ச்சியின் இன்றைய வடிவமே தமிழ் தேசியக் கூட்டமைப்பாகும். பிரபல மேதாவி பொன் அருணாச்சலம் தொடங்கி அமிர்தலிங்கம் வரையிலான மிகப்பெரும் தலைமைகள் வழிநடாத்திய அரசியலையே இன்றைய தமிழ் கூட்டமைப்பும் அதன் தலைமையும் பிரதிபலிக்கின்றன.
தமிழ்த் தேசியக் கூட்டமைப்பின் தலைவர் சம்பந்தன் கூட ஐம்பது வருட அரசியல் அனுபவம் மிக்க பழுத்த அரசியல்வாதி என்று போற்றப்படுகின்றார். தலைமை என்பது வல்லமை வாய்ந்ததாக இருப்பது மட்டும் அல்ல நல்லெண்ணம் கொண்டதாகவும் இருப்பது அவசியம். ஏனெனில் ஒரு மக்கள் கூட்டத்தை, ஒரு இனத்தை, ஏன் ஒரு நாட்டினையே வழிநடத்தும் பொறுப்பினை இந்த அரசியல் தலைமைகளே கையகப்படுத்தி இருக்கின்றனர். அப்படியானதொரு பொறுப்பு வாய்ந்த ஷ்தானத்தில் அமர்ந்திருப்பவர்தான் தமிழ் தேசியக் கூட்டமைப்பின் தலைவர் சம்பந்தனாகும்.
அதேபோன்றுதான் கிழக்கு மாகாணத்தின் அரசியல் வரலாறு என்பதும் காலாகாலமாக யாழ் மேலாதிக்கத் தலைமைகளால் வஞ்சிக்கப்பட்டு வந்திருக்கின்றது. நல்லையா இராசதுரை, தங்கதுரை, அஷ்;ரப் என்று கிழக்கு மாகாணத்தின் தனித்துவங்களுக்காக தமது அரசியல் வாழ்வையே அர்ப்பணித்தவர்கள் பலர். அவர்களின் அந்த ஒடுக்கப்பட்ட கிழக்கு மாகாண மக்களின் பிரதிபலிப்புகளில் இருந்து அந்த ஆளுமைகளின் தொடர்ச்சியாக உருவானதே தமிழ் மக்கள் விடுதலைப்புலிகளும் அதன் தலைவர் பொறுப்பில் இருக்கும் சந்திரகாந்தன் அவர்களுமாகும். அதற்கு மேலாக கிழக்கு மாகாணத்தின் முதலாவது முதலமைச்சர் என்கின்ற வரலாற்றுக் கடமையை ஏற்றிருப்பவர் சந்திரகாந்தன்.
கடந்த மூன்று தசாப்பதங்களாக இடம்பெற்ற உள்நாட்டு யுத்தம் முடிவுக்கு கொண்டுவரப்பட்டிருக்கின்றது. விரும்பியோ விரும்பாமலோ தமிழரின் அரசியல் அபிலாசைகள் பேச்சுவார்த்தைகள் ஊடாக மட்டுமே தீர்க்கப்பட்டாகவேண்டும் என்பதே புலிகளின் அழிவுக்குப்பின்னரான இன்றைய யதார்தமாகும். இதனை புரிந்துகொண்டதனால்தான் புலிகளின் தாகம் தமிழீழ தாயகம் என்றிருந்த நிலையில் பிரபாகரனை தமிழ் மக்களின் ஏகதலைவனாக ஏற்றுக்கொண்டிருந்த தமிழ் தேசியக் கூட்டமைப்பினர் இன்று அரசுடன் மாகாணசபைகளுக்கான காணி, பொலிஷ் அதிகாரங்கள் பற்றி பேச்சுவார்த்தைகளில் ஈடுபட்டு வருகின்றன. ஆனால் கடந்த மூன்று வருடங்களுக்கு முன்னர் கிழக்கு மாகாணசபை உருவாக்கப்பட்டபோது தமிழீழத்தை தவிர மற்ற எதையும் ஏற்றுக்கொள்வது தமிழ்தேசியத் துரோகம் என்று இதே கூட்டமைப்பினரே சர்வதேசம் எங்கும் பறந்து பறந்து  பிரச்சாரம் செய்துவந்தனர்.
கிழக்கு மாகாணசபை உருவாக்கப்பட்டபோது அதை ஏற்றுக்கொள்ளமாட்டோம் என்று பங்கெடுக்காமல்
புறக்கணித்தவர்கள் இன்று வடமாகாணசபை ஒன்றை உருவாக்குவதற்காக அரசிடம் தவம் கிடக்கின்றனர். இந்த நிலையில்தான் கிழக்கு மாகாணசபை முதலமைச்சராக கடமையேற்ற காலத்தில் இ;ருந்து மாகாணசபைகளுக்கான காணி மற்றும் பொலிஷ் அதிகாரங்கள் வழங்கப்பட்டாக வேண்டும் என்று சந்திரகாந்தன் தனித்து நின்று குரலெழுப்பி வருகின்றார். தாம் இல்லாத மாகாணசபைக்கு தமது ஆளுகைக்குள் கொண்டுவரமுடியாமல் போன கிழக்கு மாகாணத்திற்கு, அதிகாரங்கள் வழங்கப்பட்டால் என்ன? வழங்கப்படாவிட்டால் என்ன? என்கின்ற மாற்றாந்தாய் மனப்பாங்கிலேயே அனைத்து தமிழ் தலைமைகளும் இதுவரை மௌனம் காத்துவந்திருக்கின்றன.
இன்றைய நிலையில் தமிழ் பேசும் மக்களின் சார்பில் அரசுடன் பேச்சுவார்தையில் ஈடுபடுகின்றோம் என்று சொல்லிக்கொள்ளும் கூட்டமைப்பினர், வடக்கு கிழக்கு இணைப்பு, மாகாணசபைக்கான காணி மற்றும் பொலிஷ் அதிகாரங்கள் என்பவற்றை அடிப்படையாகக் கொண்டே அரசுடனான பேச்சுகளை முன்னெடுத்து வருகின்றனர். அரசு கூட வட கிழக்கு மாகாண இணைப்பு என்பதைத் தவிர காணி பொலிஷ் அதிகாரங்கள் பகிர்வு விடயத்தில் தனது இறுக்கத்தைத் தளர்த்தக்கூடிய வாய்ப்புகள் அதிகமாகக் காணப்படுகின்றன. இந்தியாவும் எதிர்பார்ப்பது போல இக்கோரிக்கைகளை தமிழ் கட்சிகள் ஒருமித்து முன்வைக்கின்ற வேளைகளில் 13 வது திருத்தச்சட்;டத்தை முழுமையாக அமூல்படுத்தக்கூடிய சந்தர்ப்பங்கள் புலப்படுகின்றன. அதேவேளை மாகாணசபைகளுக்கான அதிகாரங்கள் பற்றிய எந்தவொரு கோரிக்கைகளுக்கும் இயங்கிக்கொண்டிருக்கும் மாகாணசபைகளுக்குள் இருந்து வெளிப்படுத்தப்படுகின்ற  குரல்களே மேலும் வலுச்சேர்க்க முடியும். எனவேதான் யுத்தத்திற்கு பின்னரான சமாதான முயற்சிகளில் முக்கியமானதொரு காலகட்டமாக இன்றைய காலகட்டம் அமைந்திருக்கின்றது. இந்த சந்தர்ப்பங்களை தமிழ் கட்சிகள் அனைத்தும் இணைந்து சாணக்கியமாக பயன்படுத்துகின்ற பட்சத்தில் அதிகாரப் பகிர்வு விடயங்களில் தமிழ் மக்களின் நீண்டகாலப் பிரச்சனைகள் மாகாணசபைகளை அடிப்படையாகக் கொண்டேனும் தீர்த்து வைக்கக்கூடிய வாய்ப்பு உண்டு.
இதனடிப்படையில்தான் தமிழ் மக்களின் நீண்டகாலப்பிரச்சனைகளுக்கு தீர்வுகிடைக்கின்ற சந்தர்ப்பத்தினை சாத்தியப்படுத்துவதற்கான  எத்தனங்களில் ஒன்றாகவே கிழக்கு மாகாண முதலமைச்சர் தமிழ் தேசியக் கூட்டமைப்பின் தலைமைக்கு எழுதியிருக்கின்ற கடிதம் அமைந்திருக்கின்றது. அக்கடிதத்தில்  அவரும் அவரது கட்சியும் கொண்டிருக்கும் கொள்கையின் அடிப்படையில் வடக்குடன் கிழக்கு மாகாணத்தினை இணைப்பதற்கான கூட்டமைப்பினரின் கோரிக்கையை தாம் ஏற்றுக்கொள்ளாத போதும் மற்றைய காணி பொலிஷ் அதிகாரங்களை கோரும் விடயத்தில் தாம் முழுமையாக உடன்படுவதாக தெரிவித்திருக்கின்றார். அதேவேளை  வடக்கு கிழக்கு இணைப்பின் சாத்தியமின்மை  பற்றிய விடயம் பற்றி கூட்டமைப்பினருடன் தாம் பேசத் தயாராய் இருப்பதாகவும் அக்கடிதம் குறிப்பிடுகின்றது.
தமிழ் சமூகத்துள் காணப்படும் ஏற்றத்தாழ்வுகள், ஆதிக்கங்கள், ஒடுக்கமுறைகள் போன்ற அகமுரண்பாடுகள் பற்றி நமக்குள்ளேயே ஆழமான உரையாடல்களும், புரிந்துணர்வுகளும் தேவை என்பதன் அவசியத்தை முதலமைச்சரின் இக்கோரிக்கை விளம்பிநிற்கின்றது. அதனை ஏற்றுக்கொள்வதோ அல்லது மறுப்பதோ கூட்டமைப்பின் சுதந்திரத்தின் பாற்பட்டது. ஆனால் கிழக்கு மாகாண மக்களின் பெரும்பான்மையான ஆதரவைப் பெற்ற முதலமைச்சர் பதவி வகிக்கின்ற ஒருவரிடமிருந்து எழுதப்பட்ட முக்கியத்துவம் வாய்ந்த இக்கடிதத்தை தமிழ் தேசியக்கூட்டமைப்பின் தலைமை அணுகிய விதம்  ஆரோக்கியமானதொன்றல்ல. இதுபோன்றதொரு கடிதத்திற்கு நேடியாக பதிலிறுப்பதுதான் அரசியல் பண்பாடாக இருக்கமுடியும். ஆனால் சம்பந்தன் அவர்களோ பினாமி பெயர்களில் ஒழிந்துகொண்டு அக்கடிதத்தினை திரித்து துரோகக்குற்றச்சாட்டுகளுடன் பதிலளித்திருக்கின்றார். ஐம்பது வருட அனுபவங்கள் கொண்ட அரசியல்வாதி, மூத்த அரசியல் தலைவர் யாருக்குமே தெரியாத அநாமதேய அமைப்பொன்றின் பெயரில் பதிலளித்திருப்பதானது ஒரு பண்பட்ட அரசியல்வாதியின் செயற்பாடாக இருக்க முடியாது. தீவிரவாத அமைப்புகளும், பயங்கரவாத அமைப்புகளுமே இப்படியான அநாமதேய பிரசுரங்க@டாக தமது கருத்துகளை வெளிப்படுத்துவதுண்டு. கடந்த காலங்களில் புலிகள் அதனையே செய்துவந்தனர். எல்லாளன் படை, சங்கிலியன் படை என்று தேவையான தருணங்களில் எல்லாம் துரோகக் குற்றச்சாட்டுகளுக்கும் மிரட்டல்களுக்கும் பினாமிப் பெயர்கள் பயன்படுத்தப்பட்டன. ஆனால் அகிம்சை போதித்த தந்தை செல்வாவின் பெயரை வைத்து அரசியல் செய்கின்ற சம்பந்தன் அவர்கள் பயங்கரவாதிகளின் பாணியில் ஒரு முதலமைச்சரின் கடிதத்திற்கு பதிலளித்திருக்கின்றமையானது  இன்னும் இன்னும் புலம்பெயர் வாழ் புலிப்பினாமிகளின் கைப்பொம்மையாக கூட்டமைப்பினர் செயற்பட்டு வருவதையே காட்டுகிறது. சம்பந்தன் அவர்கள் காடுகளுக்கும் மறைந்திருந்து அரசியல் செய்பவர் அல்ல. பினாமி பெயர்களில் உலாவரவேண்டிய அவசியம் ஏன்? உள்ளத்தில் நேர்மையும், நாவினிலே வாய்மையும் இருந்தால் முதலமைச்சரின் கடிதத்திற்கு அவர் நேர்மையாக பதிலளித்திருக்க வேண்டும். ஒரு முக்கியமானதொரு வரலாற்றுச் சூழலில் கிழக்கு மாகாண மக்களின் சுயாட்சி இறைமை பாராதீனப்படுத்தப்பட்டிருக்கும் முதலமைச்சர் சந்திரகாந்தன் அவர்களின் கடிதத்தினை தமிழ் தேசியக் கூட்டமைப்பு அணுகியுள்ள விதம் கடுமையான கண்டத்திற்கு உரியது.


மீன்பாடும் தேனாடான்
25-01-2012

»»  (மேலும்)

கிழக்கு மாகாணத்தின் ஜனநாயத்தின் திறவு கோல் ரி.எம்.வி.பி. என்ற அடிப்படையை ஏற்றே ஆகவேண்டும்.


கிழக்கு மாகாணத்தில் ஏற்பட்ட அமைதி நிலை மற்றும் ஜனநாகவழி என்பவற்றிற்கு முதலில் வழி கோலியது தமிழ் மக்கள் விடுதலைப் புலிகள் கட்சிதான் என்ற உண்மையை ஏற்றே ஆக வேண்டும். அந்த அடிப்படையிலே தமிழ் மக்களின் குறிப்பாக மக்களின் எதிர்காலத்திலும் அவர்களது நலன்களிலும் அதிக அக்கறை கொண்ட கட்சி என்ற அடிப்படையிலேயே தான் தமிழ் தேசிய கூட்டைப்பின் தலைவர் இரா சம்பந்தனுக்கு தமிழ் மக்னகள் விடுதலைப் புலிகள் கட்சியின் தலைவரும் கிழக்கு மாகாண முதலமைச்சருமான சிவநேசதுரை சந்திரகாந்தன் அவர்கள் கடிதம் எழுதியிருந்தார். ஆனால் இதனைப் சகித்துக் கொள்ள முடியாத ஒருசிலர் பொங்கல் விழாக்களிலே கொக்கரிக்கின்றார்கள். வேதனை அளிக்கின்றது பொறுத்திருந்;து பார்ப்போம் காலம் பதில் சொல்லும்.
தமிழ் மக்கள் விடுதலைப் புலிகள் கட்சியின் தலைவர் மற்றும் கிழக்கு மாகாண முதலமைச்சருமான சிவநேசதுரை சந்திரகாந்தனினால் 01.01.2012ம் திகதி இடப்பட்டு தமிழ் தேசிய கூட்டமைப்பின் பாராளுமன்ற குழுத்தலைவர் இரா.சம்மந்தன் அவர்களுக்கு எழுதிய மடலுக்கு இன்று வரை அவரால் பதில் வழங்க முடியவில்லை என்றால் எப்படி தமிழ் பேசும் மக்களின் பிரச்சினையை தீர்க்க முன்வரப் போகிறார்கள் என்று தெரியவில்லை.
கிழக்கு மாகாண சபை அமைக்கப்பட்டதிலிருந்து ஒவ்வொரு சபை அமர்வுகளிலும் மற்றும் மத்திய அரசிடமும் 13வது திருத்தச் சட்டத்தின் காணி காவல் துறை அதிகாரங்களை வழங்குவது தொடர்பில் மாற்று கருத்து இல்லாமல் தமிழ் மக்கள் விடுதலைப் புலிகள் கட்சியும், அதன் தலைமையும், கிழக்கு மாகாண சபை உறுப்பினர்களும் கோரிய வண்ணமே உள்ளனர். ஆனால் தமிழ் சுயநிர்ணய உரிமை வடக்கு கிழக்கு இணைப்பு என்று பலதரப்பட்ட கருத்துக்களை கூறி வந்த தமிழ் தேசிய கூட்டமைப்பு,3 1ஃ2 வருடங்களாக ஆட்சி புரியும் தமிழ் மக்கள் விடுதலைப் புலிகள் கட்சியின் கோரிக்கையினை பழம் பெரும் கட்சி இன்றுதான் புரிந்திருக்கின்றது. யதார்த்தத்தினை இன்றாவது புரிந்து கொண்டமைக்கு தமிழ் மக்கள் சார்பில் நன்றி சொல்ல வேண்டும். ஆனால் உண்மையை உணர்ந்தாலும் வறட்டு பிடிவாதங்கள் குறைந்ததாக தெரியவில்லை. யார் விரும்பியோ விரும்பாமலோ கிழக்கு தமிழ் மக்களின் அதிகூடிய விருப்பு வாக்குகளைப் பெற்று இத் தமிழ் மக்கள் விடுதலைப் புலிகள் கட்சி தலைவர், கிழக்கு மாகாண முதலமைச்சராகவும், கட்சியின் பிரதிநிதிகள் மாகாண சபை உறுப்பினர்களாகவும் தெரிவு செய்யப்பட்டு கிழக்கில் மக்கள் பலம் பொருந்திய கட்சியாக தமிழ் மக்கள் விடுதலைப் புலிகள் கட்சி ஆட்சி புரிந்து வருகின்றது.
இந்நிலையில் தூரநோக்குடனான சிந்தனையுடன் செயற்பட வேண்டியது தமிழ் அரசியல் தலைமைத்துவங்களின் பொறுப்பாகும். யுத்தத்தின் கொடுரத்தினால் பாரிய இழப்புக்களை சந்தித்த தமிழ் சமூகம் இன்று அடுத்த கட்டத்திற்கு காலடி எடுத்து வைப்பதற்கு பல தேவைப்பாடு பூர்த்தி செய்ய வேண்டிய பொறுப்பு உள்ளது. கணவனை இழந்த பெண்கள், அங்கங்களை இழந்த இளம் சமூகம், குடும்பத்தினை தொலைத்த சிறுவர்கள், கல்வியினை தொலைத்த ஒரு தலைமுறை, வாழ்வாதாரம் இழந்து எதிர்பார்ப்புடன் ஏங்கித்தவிக்கும் சமூகத்தினர் என்று தமிழ் பேசும் மக்களின் உடனடி பூர்த்தி தேவைகள் பல இருக்கின்றது. இவற்றை நிவர்த்தி செய்ய வேண்டியது அரசியல் தலைமைகளின் பொறுப்பு.
3 1/2 வருடங்களாக ஆட்சிக்கு வந்தாலும் தமிழ் பேசும் மக்களின் தேவைகளை உணர்ந்து மிகத்துரிதமாக அனைத்து சமூக பொருளாதார, உட்கட்டமைப்பு வசதிகளை, இருக்கும் அதிகாரத்துக்குள் வருவித்து துரித வளர்ச்சியை அடையச் செய்த தமிழ் மக்கள் விடுதலைப் புலிகள் கட்சியின் தலைவர் சிவநேசதுரை சந்திரகாந்தனின் தீர்க்க தரிசனமான அரசியல் சிந்தனையுடன் மாகாண சபைக்கான அதிகாரங்களை கேட்பதற்கு ஒருமித்த கருத்துடன் உள்ளனர்.
இது சம்பந்தமாக தனித்து தனித்து இருந்து செயற்பட்டதால் ஏற்பட்ட கடந்த கால அழிவுகளைக் கருத்தில் கொண்டு பேச்சு வார்த்தைக்கு அழைப்பு விடுக்கப்பட்ட போதும் அதற்கான பதில் கடிதம் கூட எழுத முடியாது கிழக்கு வெகுஜன அமைப்பு ஒன்றியம் என்ற பெயரில் மீண்டும் தமிழர்களை குழிதோண்டி புதைக்கும் அரசியல் நாடகம் நடாத்துவது ஏற்புடையதல்ல என்பதை தமிழ் தேசிய கூட்டமைப்பு விளங்கிக் கொள்ள வேண்டும். தாம் சார்ந்த இனத்துக்கும் தமக்கு வாக்களித்த மக்களுக்கும் சேவை செய்ய வேண்டிய பொறுப்பு உள்ளதென்பதை இவர்கள் நன்கு உணர்ந்து கொள்ள வேண்டும்.இலங்கை ஜனநாயக சோசலிச குடியரசின் எழுத்து மூலமாக இருக்கின்ற மாகாண சபை முறைமையினை பலப்படுத்துவதே இன்றைய தேவை என்பதை மக்களும் மக்கள் நலம் சார்ந்து சிந்திக்கும் தலைவர்களும் உணர்ந்துள்ள நிலையில் தமிழ் தேசிய கூட்டமைப்பு உணர்ந்திருந்தால் முதலமைச்சருடைய கடிதத்திற்கு நிச்சயம் பதில் அனுப்பியிருப்பார்கள். இன்றுவரை பதில் அனுப்பாததும் அதனை தாங்கள் அரசியல் ரீதியாக கையாள முற்படுவதும் போலித்தனமானது என்று தெரிந்தும் தங்களை தாங்களே ஏமாற்ற முற்படுகிறார்கள் என்பதை விளங்கிக் கொள்ள வேண்டும்.
»»  (மேலும்)

அரியநேந்திரனின் அரசியல் பிரவேசத்திற்கு முன்னரே அதிகாரத்திற்காக போராடியவர் பிள்ளையான்




கிழக்கு மாகாண முதலமைச்சரும் தமிழ் மக்கள் விடுதலைப் புலிகள் கட்சியின் தலைவருமான சிவநேசதுரை சந்திரகாந்தன் கடந்த 01.01.2012 அன்று தமிழ் தேசிய கூட்டமைப்பின் தலைவர் இரா சம்பந்தன் அவர்களுக்கு  மடல் ஒன்றினை அனுப்பி இருந்தார். அதன் சாராம்சம் வடக்கு கிழக்கு இணைப்பு தவிர்ந்த ஏனைய அதிகாரங்கள் தொடர்பில் தான் பேசத் தயார் என்பதே அதுவாகும்.
இன்றைய(24.01.2012) தகவல்களின்படி தமிழ் தேசிய கூட்டமைப்பு முதலமைச்சர் சந்திரகாந்தனின் கடித்திற்கு சாதகமான பதிலை ஓரிரு தினங்களில் அனுப்பி இரா சம்பந்தனுக்கும் சிவநேசதுரை சந்திரகாந்தனுக்குமிடையில் முக்கிய சந்திப்பொன்றும் இடம்பெற உள்ளதாக பத்திரிகைகள் செய்தி வெளியிட்டுள்ளன.
இந்த வேளையிலே தமிழ் தேசிய கூட்டமைப்பின் மட்டக்களப்பு மாவட்ட பாராளுமன்ற உறுப்பினரும் அறிக்கை அரசனுமான அரியநேந்திரன் கடந்த 22.01.2012 பளுகாமத்தில் இடம்பெற்ற பொங்கல் நிகழ்விலே அன்று காணி, பொலிஸ் அதிகாரம் வேண்டாம் என்றவர்கள் இன்று தமிழ் தேசிய கூட்டடைப்பிற்கு கடிதம் எழுதுகின்றனர்.”என பேசியிருந்தார். நான் அவரிடம் ஒன்றை கேட்க விரும்புகின்றேன். அதாவது தங்களது தமிழ் தேசிய கூட்டமைப்பானது புலிகளின் ஆயுதப் போராட்டம் முடிவுற்ற பின்னர்தான் அதிகாராம் பற்றி பேச ஆரம்பித்தார்கள். பிள்ளையான் அவ்வாறல்ல என்று முதலமைச்சராக பதவி ஏற்றாரோ அன்றிலிருந்து அதிகாரம் தொடர்பில் பேசத் தொடங்கி விட்டார். ஏன் தாங்கள் கூட அரசியிலில் பிரவேசித்த காலத்திலே என்றாவது இது தொடர்பில் சிந்தித்து இருப்பீர்களோ? அல்லது விடுதலைப் போராட்டத்திற்காக தங்களது குடும்பத்திலோ அல்லது தாங்களோ நேரடி பங்களிப்பு ஏதும் செய்தவரோ? என்று சிந்திக்க வேண்டும். ஆனால் தாங்கள் சொல்கின்ற அந்த பிள்ளையான் தனது 15ஆவது வயதிலே விடுதலைப் போராட்டத்தில் இணைந்து தமிழ் மக்களின் உரிமைக்காக சுமார் பதினைந்து வருடம் போராடி விழுப்புண் அடைந்த வரலாறு தங்களுக்கு தெமரியுமோ என்ன? அதெல்லாம் தெரியாமலா என்ன. தங்களுக்கு ஏதாவது ஒரு நாள் பேசி அது சுடரொளி பத்திரிகையிலும் தமிழ் வின் இணையத்தளத்திலும் வரவேண்டும் அப்படி இருந்தால் போதும் ஐயாவுக்கு.
நான் உண்மையான மட்டக்களப்பானுக்கு பிறந்தவன் என்ற வகையில் நினைக்கின்றேன் தற்போது பிள்ளையானின் கடிதம் தங்களுக்கு புளிகரைக்குது போல ஏன் என்றால் பிள்ளையானுடன் தமிழ் தேசிய கூட்டமைப்பு பேசினால் தனது வண்டவாளங்கள் உண்மை நிலை தலைமைக்கு தெரிய வந்தால் தான் ஓரங்கட்டப்பட்டுவிடுவேனோ என்ற பயம் இருக்குப்போல அதுதான் ஐயா கொக்கரிக்கிறார்.


அறிக்கை மன்னன் அவர்களே பி;ளளையான் தங்களது தலைமைக்கு எழுதிய கடித்ததை முதலில் முழுமையாக படியுங்கள் அதன் மேடைகளில் விமர்சியுங்கள். கிழக்கு மாகாண சபை ஒன்று இல்லை அதற்கு ஒரு முதலமைச்சர் இல்லை என்று கிழக்கு மானகாண மக்களின் மனதை புண்படுத்திய தங்களது தலைமைக்கு கடிதம் எழுதியிருக்கின்றார் என்றால் அது அவரது பெரிய மனதை எங்களுக்கு காட்டுகின்றது. தனது குறுகிய அரசியல் நோக்கங்கள் அதிலே எதுவும் இல்லை என்பதனை அவர் தெளிவாக குறிப்பிடட்டிருந்தார். ஒட்டுமொத்த தமிழ் மக்னகளின் நலனுக்காக செயற்படுபவன் என்ற வகையிலே அதனை எழுதி இருந்தார் என்பதனை தாங்கள் முதலில் புரிந்து கொள்ள வேண்டும்.
இவ்வளவு பெருமனதுடன் ஒரு மட்டக்களப்பான் எழுதிய கடித்திற்கு இன்னொரு மட்டக்களப்பான் விமர்சிப்பதென்பது உண்மையில் வேதனையளிக்கிறது. எது எப்படியோ இப்படியான மட்டக்களப்பானும் இன்றும் இருக்கத்தான் செய்கின்றான். மக்கள் பதில் சொல்வார்கள் .
நன்றி
மட்டு நரசிம்மன்.
»»  (மேலும்)

இலங்கை இஸ்லாமிய ஆசிரியர் சங்கத்தின் திருகோணமலை மாவட்டத் தலைவராக அஸார் தெரிவு

View pps.jpg in slide show

இலங்கை இஸ்லாமிய ஆசிரியர் சங்கத்தின் திருகோணமலை மாவட்டதிற்கான பொதுக்கூட்டம் அதன் தேசியத் தலைவர் அல்-ஹாஜ் அனஸ் தலைமையில் மூதூர் அந்-நஹார் மகளிர் மகா வித்தியாலயத்தில் 22.01.2012ம் திகதி இடம் பெற்றது. இதன்போது இடம் பெற்ற நிர்வாகத் தெரிவில் மாவட்டத்திற்கான புதிய தலைவராக பிரபல சமூக சேவையாளரும் கந்தளாய் பேராற்றுவெளி முஸ்லிம் மகா வித்தியாலயத்தின் பிரதி அதிபருமான  ஜெய்னுலாப்தீன் முகம்மது அஸார் ஏகமனதாகத் தெரிவு செய்யப்பட்டுள்ளார்.
இவரின் தெரிவினைத் தொடர்ந்து இவரது வருடத்திற்கான செயற்பாடுகள் பற்றி நாம் தொடர்பு கொண்டு கேட்ட போது, திருகோணமலை மாவட்டத்தில் செயல்படாமல் உள்ள வலயரீதியிலான இலங்கை இஸ்லாமிய ஆசிரியர் சங்கத்தின் நிர்வாகக் குழுக்களை புதிய வேகத்துடனும் புதிய சிந்தணையுடனும் முதலில் இயங்கவைக்க வேண்டும் இதற்காக புல்மோட்டை தொடக்கம் மூதூர் தோப்பூர் வரையிலான புதிய வருடத்திற்கான பிராந்திய நிரவாகங்களைத் தெரிவு செய்ய வேண்டும் இதில் சில இடங்ளில் நிரவாகங்கள் சிறப்பாகச் செயற்படுகின்றன. அடுத்தாக ஆசிரியர்களின் குழந்தைகக்கான புலமைப்பரிசில்களைப் பெற்றுக்கொடுத்தல், ஆசிரியர்களின் நாளாந்தப் பிரச்சிணைகளுக்குத் தீர்வுகளைப் பெற்றுக் கொடுத்தல், இன்னும் இலங்கை இஸ்லாமிய ஆசிரியர் சங்கத்தின் மூலம் திருகோணமலை மாவட்டத்தில் வளவாளர்களின் ஒன்றியம் ஒ;றை அமைத்து அதன் மூலம் கருத்தரங்குகளை மேற்கொள்ளல் போன்ற பல்வேறு திட்டங்கள் உள்ளதாகக் குறிப்பிட்டார்.
ஆ.து.அன்வர் அலி
ஆ.ளு.ஆ. இர்பான்
யு.ளு.ஆ. தானீஸ்

»»  (மேலும்)

1/24/2012

குருகுலத்தை அரசியலுக்கு பயன்படுத்தி வரும் செயலுக்கு களுதாவளை பொது அமைப்புக்களின் ஒன்றியம் கண்டனம்

பாராளுமன்ற உறுப்பினர் பொன் செல்வராஜா களுதாவளை திருஞானசம்பந்தர் குருகுலத்தை அரசியலுக்கு பயன்படுத்தி வரும் செயலுக்கு களுதாவளை பொது அமைப்புக்களின் ஒன்றியம் கண்டனம்

மட்டக்களப்பு களுதாவளையில் தாய் தந்தையரை இழந்த சிறுவர்களின் நலனுக்காக உருவாக்கப்பட்ட திருஞானசம்பந்தர் குருகுலம் தற்போது அரசியல் நடாத்தும் இடமாக மாறியிருக்கின்றது. அண்மைக் காலமாக களுதாவளை திருஞானசம்பந்தர் குருகுலத்திலிருந்து அனுப்பப்படுகின்ற கடிதங்கள் அனைத்தம் அனுப்புனர் முகவரி பொன் செல்வராஜா பாராளுமன்ற உறுப்பினர் என்று அனுப்பப்படுகின்றது.

நேற்று இடம்பெற்ற நிர்வாக சபை பொதுக் கூட்டத்திற்கான அழைப்பினையும் செல்வராஜாவின்முகவரி இட்டே அனுப்பப்பட்டிருக்கின்றன். 500 பேருக்கு மேற்பட்ட உறுப்பினர்கள் இருக்கின்றனர். அனைவருக்கும் அனுப்பப்பட்ட கடிதங்களிலும் அனுப்புனர் முகவரி பொன் செல்வராஜாவின் முகவரி இடப்பட்டிருக்கின்றது. இவ் விடயம் தொடர்பில் பாரிய எதிர்ப்பலைகள் உருவாகி இருக்கின்றன.

இவ்விடயம் தொடர்பில் களுதாவளை பொது அமைப்புக்களின் ஒன்றியம் அறிக்கை ஒன்றினை வெளியிட்டிருக்கின்றது. அவ் அறிக்கை எமக்கும் மின்னஞ்சல் அனுப்பப்பட்டிருக்கின்றது அதனை தருகின்றோம்.

களுதாவளை திருஞானசம்பந்தர் குருகுலத்தை அரசியலுக்கு பயன்படுத்துவதை வண்மையாகக் கண்டிக்கின்றேம் எனும் தலைப்பில் அறிக்கை அமைந்திருக்கின்றது. 

மேலும் அவ் அறிக்கையில் களுதாவளை திருஞானசம்பந்தர் குருகுலத்தில் தாய் தந்தையரை இழந்த பல சிறுவர்கள் தங்கியிருந்து தமது கல்வி நடவடிக்கைகளை மேற்கொண்டு வருகின்றனர். இக் குருகுலம் ஆரம்பிக்கப்பட்டு பல தசாப்தங்கள் ஆகின்றன இக் குருகுலம் மூலம் கஸ்ரத்தின் மத்தியில் தமது கல்வியைத் தொடர முடியாமல் இருந்த பல சிறார்கள் நல்ல நிலைக்கு வந்திருக்கின்றனர். இக் குருகுலத்தினால் உருவாக்கப்பட்ட பல மாணவர்கள் இன்று பல உயர் பதவிகளில் இருக்கின்றனர்.

ஆனாலும் தற்போது இக் குருகுலத்தில் இடம் பெறுகின்ற செயற்பாடுகள் இங்கு தற்போது இருக்கின்ற சிறார்களின் எதிர்காலத்தை கேள்விக்குறியாக்கியுள்ளதுடன். இக் குருகுலம் ஆரம்பிக்கப்பட்டதன் நோக்கத்திலிருந்து விலகிச் செல்வதாக அமைந்திருக்கின்றது.

தற்பொழுது குருகுலத்திலிருந்து அனுப்பப்படுகின்ற கடிதங்களில் அனுப்புனர் முகவரியில் பாராளுமன்ற உறுப்பினர் பொன் செல்வராஜாவின் முகவரி இட்டு அனுப்பப்படுகின்றமை வருந்தத்தக்க விடயம். பல தசாப்தங்களாக இயங்கிவரும் இக் குருகுலம் இதுவரை ஒருபோதும் அரசியல் தலையீடு இன்றி செயற்பட்டு வந்தது. ஆனால் தற்போது அரசியல் தலையீடும் அரசியல் இலாபம் தேட முற்படுபவர்களின் செயற்பாடும் கண்டிக்கத்தக்க விடயம்.

சமூக சேவை நோக்கத்துடன் இயங்கி வந்த இக் குருகுலம் இப்பொழுது செல்வராஜாவிற்கு ஒப்படைக்கப்பட்டு விட்டதா? குருகுல நிர்வாகசபை எங்கே போய்விட்டது? உங்கள் அரசியல் இருப்புக்காக வெறுமனே அனாதரவற்ற சிறார்களின் வாழ்க்கையில் விளையாடாதீர்கள்.
இவ்விடயம் தொடர்பில் உரிய அதிகாரிகள் நடவடிக்கை எடுக்க வேண்டும் எனவும். இவ் விடயம் தொடர்பாக கிழக்குமாகாண முதலமைச்சருக்கும் சமூக சேவைகள் அமைச்சு உட்பட உரிய அதிகாரிகளுக்கும் கடிதங்கள் அனுப்பப்பட்டுள்ளதாகவும் குறிப்பிடப்பட்டுள்ளது.
»»  (மேலும்)

1/23/2012

பிள்ளையான் அவர்கள் தனது பெருமனதின் அடிப்படையிலே சம்பந்தனுக்கு அக்கடித்தினை எழுதியிருந்தார்.

 தமிழ் மக்கள் விடுதலைப் புலிகள் கட்சியினை வழிநடாத்துகின்றவருமான சிவநேசதுரை சந்திரகாந்தன் தமிழ் தேசிய கூட்டமைப்பின் தலைவரான இரா சம்பந்தன் அவர்களுக்கு புதிய ஆண்டின் முதல் நாளிலே ஓர் பகிரங்க மடலை எழுதி இருந்தார்.
உண்மையில் அந்த கடிதத்தை பிள்ளையான் எழுதியதன் நோக்கம் தமிழ் மக்களின் அதிகாரப் பகிர்வின் வெளிப்படைத்த தன்மையுடன் கூடிய உண்மை நிலையினை மக்களுக்கு தெரியப்படுத்துவதாக நான் கருதுகின்றேன். அதாவது அரசியல் கட்சிகளுக்குள் ஒருபோதும் ஒருமித்த கருத்துக்கள் நிலவப் பொவது இல்லை என்பது அனைவரும் அறிந்ததே. அப்படி இருந்தும்கூட பிள்ளையான் அவர்கள் தனது பெருமனதின் அடிப்படையிலே சம்பந்தனுக்கு அக்கடித்தினை எழுதியிருந்தார். அதற்கு 15நாட்களுக்குள் பதில் எழுதும்படியும் கேட்டிருந்தார். அதனையும் இந்த தமிழ் தேசிய கூட்டைப்பு செய்யவில்லை.ஆனால் புலிகளுக்கு துதிபாடும் இணையத்தளங்களுக்கு பொய்யான அதுவும் திரிவுபடுத்தப்படட் செய்தியினை அதவாவது பிள்ளையான் அனுப்பிய கடிதம் தொடர்பில் தெரிவித்திருந்தார்கள்.அதுவும் மட்டக்களப்பிலே இல்லாத ஓர் அமைப்பினை உருவாக்கி அதன் பெயரிலே செய்தியினை வெளியிட்டிருந்தார்கள்.
பாருங்கள் கிழக்கு மாகாண மக்களே ஓர் பொறுப்புமிக்க மக்கள் கட்சி என்று சொல்கின்ற தமிழ் தேசிய கூட்டமைப்பு கிழக்கு மாகாணத்தையே ஆட்சி செய்து கிழக்கு மாகாணத்தினை பலவழிகளிலும் அபிவிருத்தி காணச் செய்தவரும் முதலமைச்சர் கிழக்கு மாகாணத்தின் தமிழ் மக்களுக்கான தனிப்பெருங்கட்சியின் வழிநடாத்தகின்றவருமான பிள்ளையான் அவர்களுக்கு ஓர் பதில் கூட எழுதாமால் நாகரிகம் அற்ற முறையிலே தமிழ் தேசிய கூடட்மைப்பு நடந்திருப்பதானது. கிழக்கு மாகாணத்தின் ஒட்டுமொத்த தமிழ் மக்களையும்  அவமானப்படுத்தும் செயலாகும்.
 அந்த கடித்திலே உண்மையிலே குறிப்பிடப்பட்டுள்ளதாவது. பிள்ளiயான் சார்ந்த தனிப்பட்ட பிரச்சினைகள் அல்ல ஒட்டுமொத் தமிழ் மக்களின் அதிகாரம் எதிர்காலம் பற்றிய விடங்களாகும். இதற்கு மதிப்பளித்து பதில் அனுப்பாத தேசிய கூத்தமைப்பு எமது மாகாண மக்களுக்கு என்ன பண்ணிப் படைக்கப்போகுது.
இன்றிலிருந்து எமது மட்டக்களப்பு மாவட்ட தமிழ் மக்களிடம் நான் உரிமையோடு கேட்டுக் கொள்வது என்னவென்றால், எமது மட்டக்களப்பானை வடக்கான் ஏமாற்றியதும் அவர்களது கருத்துக்களுக்கு மதிப்பளிக்காமையும்தான் இன்றைய இந்த நிலைக்கு முக்கிய 1வதுகாரணம் என்பது இந்தச் செயலூடாக ஒருகணம் மீண்டும் புலப்பட்டிருக்கிறது.
காலங் கலமாக எம்மக்களையும் எமது மாவட்ட அரசியல் தலைமைகளையும் ஏமாற்றி வரலாறு, அன்று ராஜதுரை முதல் இன்று மட்டக்களப்பு மாவட்டத்திலே அதிகப் படியான வாக்களைப் பெற்று தமிழ் தேசிய கூத்தமைப்பின மானத்தை காப்பாற்றிய யோகேஸ்வரனுக்கு  தேசிய பட்டியலில் தேர்வான வடக்கான் சுமந்திரன் பச்ச தூசனத்தால் பேசி அனைத்து பத்திரிகைகளிலும் இணையத்தளங்களிலும் வெளியாகி இருந்ததது. இவ்வாறு எம்மை மட்டம் தட்டுவதுதான் இவர்களின் வேலை.
பிள்ளயான் என்று மாகாண சபையை பொறுப்பேற்றாரோ அன்றிலிருந்து அதிகாரம் பற்றி பேசி பல தடவைகள் அரசுடன் முரண்பட்ட சம்பவங்களும் எமக்கு தெரிந்ததே. அதே நேரம் பிரபாகரனின் வாலைப் பிடித்து தொங்கிகொண்டிருந்த தமிழ் தேசிய கூத்தைமைப்பு இன்று பிரபாகரன் இல்லாது போன பின்னர் அதிகாரம் பற்றி பேசுகின்றார்கள். அன்று பிரபாகரன் உயிருடன் இருக்கும்போது தமிழீழம் என்றவர்கள் இன்று மாகாண சபை அதிகாரம் என்கின்றார்கள்.
இவர்கள் என்னதான் பேசினாலும் எமது மட்டக்களப்பிலே ஓர் பழமொழி இருக்கு அயலூர் அழகனை விட உள்ளுர் முடவன் மேலானவன் என்று. அப்டித்தான் காலங்காலமாக ஏமாற்றயி இந்த கூட்டைமைப்பக்குள் சிக்குண்ட எமது மாவட்ட தமிழ் தசிய கூட்டைப்பு எம்பிக்களை நாம் எப்படியாவது பிhரித்தெடுத்து எமது மாகாணத்தை நாமே ஆளுவோம். இதற்கு பிறகாவது நாம் அனைவரும் சிந்தித்து ஒன்றிணைவோம்.
நன்றி
மட்டு நரசிம்மன்
»»  (மேலும்)

முதலமைச்சரின் கடிதத்திற்கு பதிலிறுக்க முடியாத கோழை சம்பந்தன் புலிப்பாணியில் பினாமி அமைப்புகள் மூலம் துரோக குற்றம் சாட்டுகிறார்

தமிழ் தேசியத்தையும் தமிழ் மக்களையும் சிங்களத்திடம் விற்றவர்களை தமிழ் தேசியக் கூட்டமைப்பு அனுமதிக்கக் கூடாது!- கிழக்கு வெகுஜன அமைப்புக்களின் ஒன்றியம் வேண்டுகோள் எனும் தலைப்பில் தமிழ்வின் இணையத்தளத்தில் செய்தி ஒன்று வெளியாகி இருக்கின்றது. இச் செய்தியில் குறிப்பிடப்படுகின்ற விடயங்கள் உண்மைக்குப் புறம்பான விடயமாக இருக்கின்றது.
கிழக்கு வெகுஜன அமைப்பு என்று ஒன்று இருக்கின்றதா? அப்படி ஒன்று இருப்பதாகத் தெரியவில்லை. அப்படி ஒரு அமைப்பு இருந்தால் அவர்கள் யார்? கடந்த 01.01.2012 அன்று கிழக்கு மாகாண முதலமைச்சர் அவர்களினால் இரா சம்பந்தன் அவர்களுக்கு கடிதம் அனுப்பப்பட்டிருக்கின்றது. சம்பந்தனால் முதலமைச்சருக்கு இதுவரை எந்த பதிலும் அனுப்பப்படவில்லை. ஆனால் அக் கடிதம் தொடர்பில் கிழக்கு வெகுஜன ஒன்றியம் அறிக்கை வெளியிட்டிருக்கின்றது.
கிழக்கு வெகுஜன ஒன்றியம் யார்? சம்பந்தன் அவர்களுக்கு முதலமைச்சர் அனுப்பிய கடிதத்திற்கு வெகுஜன ஒன்றியம் அறிக்கை விட்டிருக்கின்றது. இரா. சம்பந்தனும் கிழக்கு வெகுஜன ஒன்றியமும் ஒன்றா? முதலமைச்சர் அவர்கள் கடிதத்தில் குறிப்பிட்டிருக்கின்ற விடயங்களை திரிவுபடுத்தி அவர்களின் அறிக்கை அமைந்திருக்கின்றன.
மக்களின் ஆதரவு கூட்டமைப்புக்குத்தான் இருக்கின்றது என்பதனை உணர்ந்த முதலமைச்சர் அக் கடிதத்தில் தான் கூட்டமைப்புடன் இணைந்து செயற்பட விருப்பம் தெரிவிப்பதாக குறிப்பிடப்பட்டிருப்பதாகவும் செய்தி வெளியிடப்பட்டிருக்கின்றது. உண்மையில் கடிதத்தில் குறிப்பிடப்பட்ட விடயங்கள் கடிதத்தின் பிரதியுடன் வெளியிட்டிருக்க வேண்டும்.
அக் கடிதத்தில் அரசுக்கும் கூட்டமைப்பினருக்கும் இடையிலான சந்திப்புக்களின்போது வடக்கு கிழக்கு இணைப்பு தவிர்ந்த பொலிஸ் காணி விடயங்கள் பற்றி பேசுகின்றபோது தமிழ் மக்களின் நலனுக்காக செயற்படும் கட்சி என்ற ரீதியில் ஆதரவு வழங்குவதாகவும். குறிப்பிடப்பட்டிருக்கின்றது.
கிழக்கு மாகாண முதலமைச்சர் முதலமைச்சர் பதவியினை பொறுப்பேற்ற நாள் முதல் மாகாண சபைக்கு பொலில் காணி அதிகாரங்கள் வேண்டும் என்று கேட்டுவருகின்றார். ஒருபோதும் பொலிஸ் காணி அதிகாரங்களை மாகாணசபைக்கு வழங்கக்கூடாது என்று சொல்லவில்லை.
தமிழ் தேசியக் கூட்டமைப்பினர் தமிழீழம் தான் தமது இறுதி தீர்வு என்று இருந்தவர்கள் இன்று அரசுடன் மாகாணசபை பொலிஸ் காணி அதிகாரங்கள் தொடர்பில் பேச்சுவார்த்தை நடத்தும் நிலைக்கு வந்திருக்கின்றனர். முதலமைச்சர் அவர்கள் வடக்கு கிழக்கு தவிர்ந்த மாகாணசபை முறமை மற்றும் மாகாணசபைக்கான பொலிஸ் காணி அதிகாரங்கள் தொடர்பில் ஆரம்பம்முதலே பேசி வருகின்றார்.
தமது மக்கள் சார்ந்த மக்களின் நலன்சார்ந்த எந்தவொரு விடயமாக இருந்தாலும் கட்சி வேறுபாடுகளை மறந்து அதற்கு ஆதரவு வழங்க வேண்டியது மக்களின் நலனின் அக்கறையுள்ள தலைவரின் பொறுப்பாகும். அரசு – கூட்டமைப்பு பேச்சுவார்த்தைகளில் எதிர்காலத்தில் பொலிஸ் காணி அதிகாரங்கள் பற்றியும் பேசப்படும் என்று எதிர்பார்க்கப்படும் இவ் வேளையில் பொலிஸ் காணி அதிகாரங்கள் தொடர்பில் ஆதரவு வழங்குவதாக கடிதம் அனுப்பும் பொழுது அதனை தவறாக திரிவுபடுத்தி செய்தி வெளியிடப்பட்டிருப்பது வருந்தத்தக்க விடயம்.  
»»  (மேலும்)

கிழக்கு மாகாண முதலமைச்சர் கெளரவ சந்திரகாந்தன் அவர்களால் தமிழ் தேசிய கூட்டமைப்பின் தலைவர் சம்பந்தன் அவர்களுக்கு அனுப்பப்பட்ட கடிதத்தின் நகல்



 


»»  (மேலும்)

1/22/2012

அநாதை குழந்தைகளை வைத்து அரசியல் செய்ய முனையும் மாஜி எம்பி கனகசபை

இன்று மட்டக்களப்பு மாவட்டத்தில் களுதாவளைக் கிராமத்தில் இருக்கின்ற திருஞானசம்பந்தர் குருகுலத்தில் குருகுல நிர்வாகசபை அங்கத்தவர்களுக்கான பொதுக்கூட்டம் ஒன்று இடம்பெற்றது. இப் பொதுக்கூட்டத்திற்கு வந்தவர்கள் பலர் இக் குருகுலத்தின் நிர்வாக சபையின் தேவையற்ற செயற்பாடுகள் தொடர்பாக விமர்சித்ததுடன். ஒரு சிலரின் சுய நலத்திற்காக சமூக நோக்கத்துடன் செயற்படும் குருகுலத்தை அரசியலிற்கு பயன்படுத்துவதாக குற்றம் சாட்டினார். 

இக் குருகுலத்தின் நிர்வாக சபை உறுப்பினர்கள் 500 பேருக்கு மேல் இருக்கின்றனர். இவர்களுக்கு குருகுலத்தின் நிர்வாக சபைக் கூட்டத்திற்கான அழைப்பு பாராளுமன்ற உறுப்பினர் பொன் . செல்வராஜா அவர்களால் அனுப்பப்பட்டிருக்கின்றது. 

இதனால் கூட்டத்திற்கு வருகை தந்த பலர் இக்கூட்டம் அரசியல் கூட்டமா? அல்லது குருகுலத்தின் பொதுக்கூட்டமா எனக் கேள்வி எழுப்பியதுடன் எதற்காக பொன் செல்வராஜா அவர்கள் இக் கூட்டத்திற்கு அழைப்பு விடுக்க வேண்டும். குருகுலத்தின் நிர்வாகசபைக் கூட்டம் நிர்வாகசபைதானே அழைப்பு விடுக்க வேண்டும் என்று கேட்கப்பட்டபோது. அங்கே வந்த பதில்கள் சிரிப்பை ஏற்படுத்தியது.

கொடுக்கப்பட்ட பதில் பாராளுமன்ற உறுப்பினர் செல்வராஜா அவர்கள் எங்களுக்கு கடித உறைகளை அன்பளிப்பு செய்திருக்கின்றார் என்பதாகும். குருகுலத்திற்கு பொன் செல்வராஜா அவர்களால்  கொடுக்கப்பட்ட கடித உறைகள் அனைத்திற்கு அனுப்புனர் பகுதியில் தனது பதவி முத்திரையினை பதித்திருக்கின்றார். குருகுலத்தினால் அனுப்பப்படும் அனைத்துக் கடிதங்களும் அனுப்புனரின் முகவரி பொன் செல்வராஜா பாராளுமன்ற உறுப்பினர் எனும் முகவரியுடன் அனுப்பப்படுகின்றது. 

தாய் தந்தையர்களை இழந்த சிறுவர்கள் இருக்கும் சமூக சேவை நோக்கம் கொண்ட இக் குருகுலத்தில் அரசியலை பயன்படுத்துவது சரியானதா? தேர்தல் காலத்தில் குருகுல மாணவர்களை தேர்தல் பிரச்சாரங்களுக்கு பயன்படுத்திய வரலாறுகளும் உண்டு.

குருகுலத்தின் கடிதங்கள் அனுப்புனர் முகவரி பொன் செல்வராஜாவின்  இட்டு அனுப்பப்படுவது தொடர்பில் களுதாவளைக் கிராமத்தின் பொது அமைப்புக்கள் கண்டனங்களை தெரிவித்திருப்பதுடன் இவ் விடயம் தொடர்பாக தமது அதிருப்தியினையும் வெளியிட்டிருக்கின்றனர். காரணம் அண்மைக் காலமாக களுதாவளைக் கிராமத்திற்கு வருகின்ற அபிவிருத்தித் திட்டங்களை முடக்குவதில் பொன் செல்வராஜா அவர்கள் ஈடுபட்டு வருவதாகவும் தெரிவிக்கப்பட்டதுடன் குருகுலத்தில் இடம்பெற்ற கூட்டத்திற்கு பொன் செல்வராஜா அவர்கள் வருகை தருவார் அவரை களுதாவளைக்கு வர விடாமல் தடுக்க எதிர்ப்பைத் தெரிவிக்க என்று பொது அமைப்புக்களின் பிரதிநிதிகள் பலர் வந்திருந்தனர். பொன் செல்வராஜா அவர்களை ஒருபோதும் களுதாவளைக் கிராமத்தில் கால் வைக்க விடமாட்டோம் என்று அவர்கள் குறிப்பிட்டனர்.

குருகுலத்தின் நிர்வாக சபையில் இருந்து குருகுலத்தை வைத்து அரசியல் நடாத்த நினைக்கும் நிர்வாக சபையினர் வேறு யாருமல்ல சென்ற இடமெல்லாம் தனது கதையைச் சொல்லி அழுது புலம்பும் முன்னாள் தமிழ் தேசியக் கூட்டமைப்புப் பாராளுமன்ற உறுப்பினர் த. கனகசபை அவர்களும். இக் கனகசபையின் மறு பக்கங்கள் விரைவில் புரட்டப்படும். மீண்டும் அரசியலுக்கு வர கனவு கண்டுகொண்டிருக்கின்றார் இவர் மக்களுக்கு என்ன செய்தார் ? தனது மகனையும் உறவினர்களையும் வெளிநாடுகளுக்கு அனுப்பியதுடன் தனது குடும்த்தினருக்கும் உறவினர்களுக்கும் வேலைவாய்ப்பைப் பெற்றதுடன் 50 இலட்சம் பெறுமதியான பல வீடுகளை தனது சொந்தக்காரர்களுக்கு கொடுத்ததுடன் இன்னும் பல அனைத்தும் விரைவில் புரட்டப்படும் விபரங்களுடன். இவர் கிழக்கு மாகாண முதலமைச்சரின் பின்னால் திரிந்த காலமும் இருக்கின்றது.

மற்றவர் ப. குணசேகரம் இவர் அரசியலுக்கு வர பல ஆண்டுகளாக கனவுகண்டு சென்ற பொதுத் தேர்தலில் கூட்டமைப்பிடம் தேர்தலில் போட்டியிட இடம் கேட்டு கூட்டமைப்பு இடம்  கொடுக்காததால்  கருணாவின் காலைப்பிடித்து பொதுஜன ஐக்கிய முன்னணியில் போட்டியிட்டு தனது கிராம மக்களே வாக்களிக்காது படு தோல்வியை சந்தித்தவர் . இப்போது கூட்டமைப்பின் காலைப்பிடித்து திரிகின்றார்.

இவர்களுக்கு அரசியல் ஆசை வந்துவிட்டது இதனால் இக் குருகுலத்தயும் பயன்படுத்த நினைக்கின்றனர்.

அது ஒரு புறமிருக்க இந்த பொன் செல்வராஜாவிற்கு புத்தி இல்லையா? குருகுலத்திலிருந்து அனுப்பப்படும் கடிதங்களில் அனுப்புனர் முகவரியில் தனது முகவரி இட்ட கடித உறைகளை அனுப்பபச் சொல்லி இருக்கின்றாரே. 
»»  (மேலும்)