உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

11/29/2012

| |

இராணுவத்தில் தமிழர்கள்...

இனப்பிரச்சினை குறித்து எப்போதெல்லாம் விவாதம் நடைபெறுகிறதோ, அப்போதெல்லாம், இலங்கை இராணுவத்திலும் காவற்துறையிலும் தமிழ் இளைஞர்கள் சேர்த்துக் கொள்ளப்படுவதில்லை என்ற குற்றச்சாட்டு எழுந்து வந்துள்ளது. 

இந்த குற்றச்சாட்டுகளில் உண்மை இருந்தது. ஆனால், தற்போது இராணுவத்தில் நூற்றுக்கும் அதிகமான தமிழ்ப் பெண்களை சேர்த்துக்கொண்ட போதும் தமிழ் தேசிய கூட்டமைப்பு உட்பட சில கட்சிகள் சர்ச்சையை கிளப்பி உள்ளன. ஆனால், இதனை சரியான கருத்தாகவோ, முடிவாகவோ ஏற்றுக்கொள்ள முடியாது, ஏற்றுக்கொள்ளப்பட கூடாது.

இனப் போரின் அடிப்படையாக இருந்த விடயங்களில், இராணுவம் மற்றும் காவற்துறை உட்பட அரச வேலைவாய்ப்புகளில் தமிழ் சமுதாயத்திற்கு தகுந்த பிரதிநிதித்துவம் கொடுக்கப்படவில்லை என்பதும் ஓரு முக்கிய காரணம். தற்போது இராணுவத்தில் தமிழ் யுவதிகளை சேர்த்துக்கொள்வது குறித்து கவலைப்படும் தலைவர்கள்கூட, அதே இராணுவத்தில் உயர் பதவியில் தமிழர்களுக்கு உரிய பிரதிநிதித்துவம் கொடுக்கப்படவில்லை என்பதையே சுட்டிக்காட்டி உள்ளனர்.

காலம் காலமாக கடலையும் வறண்ட பூமியையும் மட்டுமே நம்பி இருந்த மக்களுக்கு, அதீத கல்வி அறிவும் அதனை ஒட்டிய அரச வேலைவாய்ப்;பும் மட்டுமே பல நூறு ஆண்டுகளில் நம்பிக்கை அளித்த விடயம். 'சிங்களம் மட்டும்' என்ற அரச கொள்கையின் காரணமாக தமிழர்கள் அரசாங்க வேலைவாய்ப்பை இழந்தார்கள. இனப் போரின் காரணமாக அரசின் நம்பிக்கையையும் இழந்தார்கள் என்றே சொல்லத் தோன்றுகிறது. 

அதனால் தானோ என்னவோ, கடந்த முப்பது ஆண்டுகளுக்கும் மேலாக இராணுவம் மற்றும் காவற்துறையில் தமிழர்களின் எண்ணிக்கையும் பிரதிநிதித்துவமும் இல்லை என்றே சொல்லும் அளவிற்கு குறைந்து விட்டது. இதுவே தவறான முன்னுதாரணமாகவும் அமைந்து விட்டது, இனப் பிரச்சினை குறித்து வருத்தப்பட வேண்டியதற்கான மாற்றொரு காரணம். 

இந்த பின்னணியில், இராணுவத்தின் பெண்கள் பிரிவில் தமிழ் யுவதிகளை சேர்த்துக் கொள்வதற்கு தமிழ் சமூகத்தின் உள்ளிருந்தே எதிர்ப்பு கிளம்பி உள்ளது வருத்தப்பட வேண்டிய விடயம். இந்த எதிர்ப்பின் காரணம் தெளிவாக கூறப்படவில்லை. ஆனால், எதிர்ப்பின் வேகத்தை வைத்துப் பார்க்கும் போது, எங்கே தமிழ் இளைஞர்களும் யுவதிகளும் தங்களது அரசியல் கட்டுப்பாட்டை விட்டுப்போய் விடுவார்களோ என்று சில அரசியல் தலைவர்கள் அஞ்சுவது பேர்ன்ற தோற்றம் உருவாகி உள்ளது.

இனப்பிரச்சினை காரணமாக வேலைவாய்ப்பு இல்லாமல் போன பிறகு வசதியுள்ள தமிழ்க் குடும்பங்களைச் சார்ந்தவர்கள், வெளிநாடு சென்று கல்வி கற்று, உயர்மட்ட வேலைகளில் அமர்ந்து தசாப்தங்கள் பல உருண்டு ஓடி விட்டன. பின்னர், இனப் பிரச்சினை போராளி இயக்கமாக மாறி, பின்னர் இனப்போராக உருவெடுத்த காலகட்டங்களில் வசதி இருந்தும் இல்லாத தமிழ் மக்கள் தங்களது இளைய சமுதாயத்தை எந்த தியாகத்தை செய்தாவது வெளிநாடுகளுக்கு உயிர் பாதுகாப்பு கருதி அனுப்ப வேண்டிய கட்டாயம் உருவானது. 

இந்த இரு பிரிவினரையும் சாராதோர் மட்டுமே இன்றளவும் இலங்கையில் தங்கிவிட வேண்டிய கட்டாயம் உருவானது. அதிலும், இனப்போரில் உயிரை இழக்காதவர்கள் மட்டுமே இன்று போர் பகுதிகளில் தங்களது உயிரை கையில் பிடித்துக்கொண்டு வாழ்க்கை நடத்தி வருகிறார்கள். இவர்களுக்கு தங்களுடைய பகுதிகளில் வேலை வாய்ப்பு இல்லை. அதே சமயம் அவர்களில் ஒவ்வொருவரை நம்பியும், ஒரு டஜன் வயோதிபர்களும், சிறார்களும், போரில் கை, கால் மற்றும் உடைமைகளை இழந்த உறவினர்கள் உள்ளனர். 

இலங்கையில் இப்போது தங்கிவிட்ட பல தமிழர்களுக்கு 'மொழி காரணம்' அல்லது இனப் பிரச்சினையின் பிற அலகுகளால் இழப்புகள் ஏற்பட்டதா என்பது ஆய்ந்து அறிவதற்கு முடியாத விடயமாகி விட்டது. அவர்களது நிலங்களை இராணுவம் கையகப்படுத்துவதும் இனப்பிரச்சினை, போராளி குழுக்களுக்கு இடமளித்து, இனப்போராக மாறிய கால கட்டத்திலேயே நிகழ்ந்தது. அவர்களது இளைஞர்களே கடைசி வரை போரில் பங்குபெற்றோ, பிணைக் கைதிகளாகவோ உயிரிழந்தனர். அது காரணமாகவே அரசின் சந்தேகக் கண்களில் இன்னமும் தவறுதலாகவே காட்சி தருகின்றனர்.

இவர்களில் ஒருவருக்கேனும் வேலை வாய்ப்பிற்கோ, மற்ற விதங்களில் பண உதவியோ செய்து தர முன் வராத தமிழ்த் தலைவர்கள், அவர்களுக்கு ஏதோ ஒரு விதத்தில் அரசாங்கம் வேலை வாய்ப்பு பெற்று தருவதை குறை கூறுவது, விந்தையானது, வேதனையானது. தமிழர், சிங்களவர் என்ற இரு இனத்தவரும் பிறரது மொழியை படிக்க முயலாத காலகட்டத்தில், இராணுவம் உட்பட அரச பணிகளில் தமிழ் இளைஞர்கள் சேர்க்கப்பட்டால், அன்றாட அளவளாவல் மூலம் தமிழ் இனத்தின் மீதான தற்போதைய குரோதமும் சந்தேகமும் குறைவதற்கான வாய்ப்புகளும் உள்ளன.

இன்றைய பின்னணியில், எவ்வளவுக்கு எவ்வளவு, இனப் பிரச்சினைக்கான அரசியல் தீர்வில் தமிழ் தலைமைகள் உறுதியாக இருக்கின்றனவோ, அவ்வளவுக்கு அவ்வளவு, இரு இன மக்களின் இடையேயான தொடர்புகளும் உறுதிபட வேண்டும். இன்று இல்லை என்றாலும், என்றாவது ஒரு நாள், சிங்கள மக்களே தங்களது அரசியல் தலைமைகளின் முகத்திரையை கிழித்து தமிழ் மக்களுக்கு சம உரிமை கொடுக்க அவர்களை கட்டாயபடுத்தும் நாள் வரும். வர வேண்டும். எத்தனையோ விதங்களில் முயற்சி செய்த தமிழ் தலைமைகள், இது போன்ற இயற்கையான முயற்சிகளை வெறுத்து ஒதுக்குவதும் தவறாக சித்திகரிப்பதும் தமிழ் மக்களுக்கு பயன்தரும் விடயம் அல்ல.

தற்போது இராணுவத்தில் சேர்த்துக் கொள்ளப்படும் தமிழ் யுவதிகளுக்கு இராணுவப் பயிற்சி கொடுக்கப்படுமே அன்றி, போர் பயிற்சி வழங்கப்பட மாட்டாது என்று அறிவிக்கப்பட்டுள்ளது. இது குறித்தும் இரு வேறு கருத்துகள் தமிழ் மக்களிடையே தோற்றுவிக்கப்பட்டுள்ளன. இது போன்ற பிரச்சினைகளை ஆரம்பிப்பதற்கு முன்னர், தமிழ் இளைஞர்களுக்கு, குறிப்பாக யுவதிகள் வேலைக்கு சென்று குடும்பத்தையும் தங்களை அண்டியுள்ள பிறரையும் காப்பாற்ற வேண்டுமா, அல்லது அனைவருமே தொடர்ந்து பட்டினி கிடக்க வேண்டுமா, என்பதை சமூக தலைமைகள் தீர்மானிக்க வேண்டும்.

பிரச்சினையின் மற்றொரு அலகு, இராணுவத்தில் சேர்த்துக் கொள்ளப்படும் தமிழ் யுவதிகளுக்கு போர்ப் பயிற்சி கொடுக்கப்பட மாட்டாது என்பது. இது விடயத்தில், அந்தந்த பெண்களுக்கு தங்களது குடும்ப சூழ்நிலை மற்றும் தங்களது தன்னம்பிக்கை, விருப்பு - வெறுப்புகளுக்கு ஏற்ப முடிவு எடுப்பதற்கான சுதந்திரம் கொடுக்கப்பட வேண்டுமே தவிர, அதனை அரசியல் ஆக்கி விடக்கூடாது. இதுவே, பின்னர் தமிழ் இளைஞர்களை இராணுவத்தில் சேர்த்துக்கொள்ளும் முடிவை அரசு எடுத்தாலும் கடை பிடிக்கப்பட வேண்டும். 

இனப்போர் முடிந்த காலகட்டத்தில், காவற்துறையில் ஆயிரம் தமிழ் இளைஞர்கள் சேர்த்துக் கொள்ளப்பட்டனர். தற்போது, இராணுவத்தில் 109 தமிழ் யுவதிகள் சேர்ந்துள்ளனர். ஆனால், தமிழர்கள் யாருமே இரு துறைகளிலும் உயர் பதவிகளில் அமர்த்தப்படவில்லை என்ற குற்றச்சாட்டும் எழுந்துள்ளது. எந்த நாடாக இருந்தாலும், எந்த அரசு பதவியில் இருந்தாலும், இன்றைய சூழ்நிலையில், உயர் பதவிகளில் தமிழர்கள் அதிக எண்ணிக்கையில் இருப்பது நடைமுறைக்கு ஒவ்வாத ஒரு கோரிக்கை.
 
அரசியல் தவிர எல்லா துறைகளிலும் கீழிருந்து மேலே ஒவ்வொரு அடியாக பதவி உயர்வு பெறுவதே முறையாக உள்ளது. எனவே, இராணுவம் மற்றும் காவற்துறையில் அதிக எண்ணிக்கையிலான தமிழ் இளைஞர்களையும் யுவதிகளையும் எல்லா பகுதிகளிலும் சேர்த்துக்கொள்ள வேண்டும் என்றே தமிழ் அரசியல் தலைமை முறையீடு வைக்க வேண்டும். அவ்வாறு நடந்தால் மட்டுமே, அடுத்த 10 - 15 ஆண்டுகளில் இரு துறைகளிலும் உயர் பதவிகளில் தமிழர்கள் மீண்டும் அமர்வதற்கான வாய்ப்பு தோன்றும்.

இந்த ஒரு காரணத்தினால், தமிழ் இளைஞர்களையும் யுவதிகளையும் இராணுவ தலைமை முழுவதுமாக நம்பாததினால் தான், அவர்களை உயர் பதவியில் அமர்த்தவில்லை என்பதில் உண்மை இருக்க முடியாது. ஆனால் அதனால் மட்டுமே அவர்களுக்கு போர் பயிற்சி அளிப்பதற்கு அரசு தற்போது தயக்கம் காட்டுகிறது என்பதில் உண்மை இல்லாமல் இல்லை எனலாம்.  

ஓவ்வொரு தமிழ் இளைஞனையும் யுவதியையும் விடுதலைப் புலிகள் இயக்கத்தின் தற்கொலை படையினராக சித்தரித்து பெருமைப்பட்ட தமிழ் அரசியல் தலைமைகள், தற்போது, அரசு, அவர்களை அப்பாவி தமிழ் மக்களாக ஏற்றுக்கொள்ள வேண்டும் என்று எதிர்பார்ப்பது நடைபெறாத விடயம். அது மட்டுமல்ல. தங்களை ஒத்த பிற தமிழ் அரசியல் தலைவர்களையும் அவர்களது கட்சிகளையும் இன்னமும் தங்களில் ஒரு பகுதியனராக ஏற்றுக்கொள்ளாத இந்த கட்சிகள், எப்படி தமிழ் இளைஞர்களை மட்டும் இராணுவம் சாமானியர்களாகவே பார்க்க வேண்டும் என்று எதிர்பார்க்கிறது?

எது எப்படியோ? இன்று இராணுவம் மற்றும் காவற்துறை அல்லது அரசின் பிற துறைகளில் சேர்த்துக் கொள்ளப்படும் தமிழர்கள் எந்த சமுதாயத்தையோ அல்லது அரசியல் பின்புலத்தைச்  சார்ந்தவர்களாகவோ இருந்தாலும் அவர்களும் தமிழர்களே. இனப் போருக்கு பின்னர் இலங்கையில் தொண்ணூறாயிரத்திற்கும் அதிகமான தமிழ் விதவைகள் உள்ளனர் என்று அரசே ஏற்றுக்கொண்டுள்ள பின்னணியில், அவர்களில் நூறு பேர் மாதத்திற்கு தலா 50,000 ரூபாய் சம்பளமாக பெறுவர் என்று இராணுவம் அவர்களுக்கு வேலை வாய்ப்பு அளித்தால், அதனை போற்றி பாராட்டவிட்டாலும், தூற்றி, குறை கூறாமலாவது இருக்கலாம்!
»»  (மேலும்)

| |

அரசாங்கத்துடனான பேச்சில் முஸ்லிம் தரப்பை உள்வாங்க த.தே.கூ. விரும்பவில்லை: ஹக்கீம்

அரசாங்கத்துடனான பேச்சுவார்த்தையில் முஸ்லிம் தரப்பை உள்வாங்க தமிழ் தேசிய கூட்டமைப்பு விரும்பவில்லை என நீதி அமைச்சரும் ஸ்ரீலங்கா முஸ்லிம் காங்கிரஸ் தலைவருமான ரவூப் ஹக்கீம் தெரிவித்தார்.

நாட்டில் நீண்ட காலமாக நிலவி வரும் இனப்பிரச்சினைக்கு நாடாளுமன்ற தெரிவு குழுவின் ஊடாக உரிய தீர்வை காண்பதே சிறந்த வழியாகும். தமிழ் தேசிய கூட்டமைப்பினர் இதில் தாமதமின்றி பங்குபற்ற முன்வர வேண்டும் எனவும் அவர் குறிப்பிட்டார்.

பாராளுமன்ற தெரிவுக்குழுக்களிற்கு நீண்ட வரலாறு உண்டு. சிக்கலான பிரச்சினைகளுக்கு உகந்த முறையில் தீர்வு காண்பதற்கு அவை பெரிதும் உதவுகின்றன. எனக்கும் அவ்வாறான குழுக்களில் ஈடுபட்ட நீண்ட அனுபவம் உண்டு அமைச்சர் ஹக்கீம் தெரிவித்தார்.. 

இலங்கைக்கு விஜயம் மேற்கொண்டுள்ள ஐக்கிய நாடுகளின் ஆசிய மற்றும் பசுபிக் பிராந்திய சிரேஷ்ட அரசியல் விவகார அதிகாரி ஹிடோகி டெனுடனான சந்திப்பு இன்று வியாழக்கிழமை காலை நீதி அமைச்சில் இடம்பெற்றது.

இதன்போதே அமைச்சர் மேற்கண்டவாறு குறிப்பிட்டார். இந்த சந்திப்பில் தொடர்ந்து கருத்து தெரிவித்த அமைச்சர்,

"பல கட்சிகளை சார்ந்தவர்கள் அங்கம் வகிக்கும் இந்த அரசாங்கத்தில் வித்தியாசமான சிந்தனை போக்குள்ளவர்களும் இருப்பதால் தமிழ் தேசிய கூட்டமைப்பினரின் கால தாமதம் நிலைமையை சிக்கலாக்கும். இதன் காரணமாக இனங்களுக்கு இடையிலான விரிசல் அதிகரித்து துருவப்படுத்தல் தீவிரமடைய கூடும். இதனால் இனப்பிரச்சினைக்கு உரிய தீர்வை காண்பதுவே சிறந்த வழியாகும். 

அதனால் நாடாளுமன்ற தெரிவு குழுவில் கலந்துகொள்வதற்கு தமிழ் தேசிய கூட்டமைப்பிற்கு விடுக்கப்பட்டுள்ள அழைப்பை காலதாமதம் இன்றி ஏற்றுக்கொள்வதே உசிதமானது. அதற்கு இணங்காமல் விடுவது நிலைமையை மேலும் சிக்கலாக்க கூடும். தமிழ் தேசியக் கூட்டமைப்பினர் சில நிபந்தனைகளை விதிக்க முன்வந்தனர். 

ஏற்கெனவே அரசாங்கத்துடன் இடம்பெற்ற இருதரப்பு பேச்சுவார்த்தையை விட்ட இடத்திலிருந்தே தொடரவே தமிழ் தேசிய கூட்டமைப்பினர் விரும்பினர். முஸ்லிம் தரப்பையும் இந்த பேச்சுவார்த்தையில் உள்வாங்க அவர்கள் இணங்கவில்லை. அரசாங்கத்தோடு அவர்கள் பேச்சுவார்த்தை நடாத்துவதால்  முஸ்லிம்கள் தமிழ் தேசிய கூட்டமைப்பு பேசிக்கொள்ளலாம் என்கின்றனர்.

இனப்பிரச்சினையை தீர்வை நோக்கிய எத்தகைய பேச்சுவார்த்தைகளிலும் மூன்றாம் தரப்பாக முஸ்லிம்களின் பரிமாணமும் கவனத்தில் கொள்ளப்பட வேண்டும் என்பதை இந்த நாட்டு முஸ்லிம்களின் அதிகபட்ச ஆணையை பெற்றுள்ள எனது தலைமையிலான ஸ்ரீலங்கா முஸ்லிம் காங்கிரஸ் தொடர்ந்தும் வலியுறுத்தி வருகின்றது. 

பொதுவாக நாடு முழுவதிலும் பரந்தும் குறிப்பாக நாட்டின் வடக்கு மற்றும் கிழக்கு மாகாணங்களில் செறிந்தும் வாழும் முஸ்லிம்களின் பரிமாணத்தை புறந்தள்ளிவிட்டு இந்த நாட்டின் இனப்பிரச்சினைக்கு நிலைத்து நிற்கக் கூடியதும் நிரந்தரமானதுமான தீர்வை காண இயலாது. 

அத்துடன் இனப்பிரச்சினையுடன் தொடர்பான முன் அனுபவமுடைய தென் ஆபிரிக்கா போன்ற நாடொன்றின்  மத்தியஸ்தமும் பெரிதும் வரவேற்கத்தக்கதாக கருதப்படுகின்றது. 

கற்றுக்கொண்ட பாடங்கள் மற்றும் நல்லிணக்கத்துக்கான ஆணைக்குழுவின் விதந்துரைகளை செயல்படுத்துவதற்கான செயல்திட்டத்தையும் வழிமுறையையும் அதற்கான கால அட்டவணையையும் ஜனாதிபதி விஷேட செயலணி இனங்கண்டுள்ளது. 

அதனடிப்படையில் முக்கிய விதந்துரைகள் காலக்கிரமத்தில் படிப்படியாக செயல்படுத்தப்படவுள்ளன. இரு வகையினரான தமிழ் சிறைக் கைதிகள் உள்ளனர். வெவ்வேறு குற்றங்களுக்காக நீதிமன்றங்களின் மூலம் தண்டனை விதிக்கப்பட்டவர்களும் போதிய சாட்சியங்களும் சான்றுகளும் அற்ற நிலையில் சிறைச்சாலையில் தடுத்து வைக்கப்பட்டவர்களும் உள்ளனர். 

தமிழ் கைதிகள் தொடர்பான விசாரணைகளை முன்னெடுப்பதற்கு நான்கு விஷேட மேல் நீதிமன்றங்கள் நிறுவப்பட்டுள்ளன. அவற்றில் மேல் நீதிமன்ற நீதிபதிகள் நால்வர் விசாரணைகளை மேற்கொள்கின்றனர்.தற்பொழுது கடமையாற்றும் மேல் நீதிமன்ற நீதிபதிகளின் நியமனத்தை நூறு பேர் வரை அதிகரிப்பது பற்றி நீதிச் சேவைகள் ஆணைக்குழு கவனம் செலுத்துகின்றது.

நீண்ட காலமாக தேங்கிக் கிடக்கும் வழக்குகளை துரிதமாக விசாரித்து அவற்றுக்கான தீர்ப்புகளை வழங்குவதற்குரிய நடவடிக்கையும் மேற்கொள்ளப்பட்டு வருகின்றது. நீதித்துறையை பொறுத்தவரை புதிய சட்டங்கள் இயற்றப்படுவதோடு சட்டத் திருத்தங்களும் மேற்கொள்ளப்பட்டு வருகின்றன" என்றார்.

இந்த சந்திப்பில் ஐக்கிய நாடுகளின் ஆசிய மற்றும் பசுபிக் பிராந்திய அரசியல் அதிகாரி ஜூங் ஹூவான் லீ, நீதி அமைச்சின் செயலாளர் கமலினி டி சில்வா மற்றும் அமைச்சரின் இணைப்புச் செயலாளர் ரஹ்மத் மன்சூர் ஆகியோர் இந்த சந்திப்பில் கலநதுகொண்டனர்.

2013ஆம் அடுத்த ஆண்டு இலங்கை வரவுள்ள ஐக்கிய நாடுகளின் அரசியல் விவகார திணைக்கள உப செயலாளர் நாயகம் ஜெப்ரி பெல்ட்மெனின் விஜயத்திற்கு முன்னோடியாகவே இவர்களது வருகை இடம்பெற்றமை குறிப்பிடத்தக்கதாகும்.
»»  (மேலும்)

| |

கிழக்கு மாகாணத்தை மையப்படுத்தி கிழக்கு மண் செய்திப்பத்திரிகை வெளீயீடு

கிழக்கு மாகாணத்தை மையப்படுத்தி  கிழக்கு மண் என்ற பெயரில்  வாராந்த செய்திப்பத்திரிகை ஒன்று நேற்று மாலை(27.11.2012) செவ்வாய்க்கிழமை காத்தான்குடி ஹிஸ்புல்லாஹ் மண்டபத்தில்  வெகுவிமர்சையாக வெளீயீட்டு வைக்கப்பட்டது.
கிழக்கு மண் ஊடக உலகம் எனும் அமைப்பினால் சிரேஷ்ட்ட ஊடகவியலாளர் ஏ.எல்.எம்.பளுள்ளாஹ் தலைமையில் நடைபெற்ற இவ்வெளியீட்டு விழாவில் சிறுவர் அபிவிருத்தி மகளிர் விவகார பிரதியமைச்சர் எம்.எல்.ஏ.எம்.ஹிஸ்புல்லாஹ்  கிழக்கு மாகாண சபை உறுப்பினர்களான சிப்லி பாறூக், கிருஸ்னப்பிள்ளை(வெள்ளிமலை) மற்றும் மட்டக்களப்பு மாவட்ட மேலதிக அரசாங்க அதிபர் கே.விமலநாதன், காத்தான்குடி நகர சபை தவிசாளர் எஸ்.எச்.எம்.அஸ்பர், காத்தான்குடி நகர சபை உறுப்பினர்களான எச்.எம்.எம்.பாக்கீர், எம்.எம்.எம்.அலிசப்ரி,  சல்மா ஹம்சா  காத்தான்குடி போலிஸ் நிலைய சிவில் பாதுகாப்பு அதிகாரி டிங்கிரி பண்டார ஆகியோரும்  காத்தான்குடி ஜம்மியத்துல் உலமா தலைவர் எஸ்.எம்.அலியார் (பலாஹி), மட்டக்களப்பு மன்கலாராம விகாரையின் விகாராதிபதி அம்பிட்டிய ஸ்ரீ சுமங்கல தேரர் ஆகியோர் உட்பட அரச சார்பற்ற நிறுவனங்களின் பிரதிநிதிகள், உயர் அரச அதிகாரிகள், ஊடகவியலாளர்கள்,  இலக்கியவாதிகள் உட்பட பலரும் கலந்து கொண்டனர்
இந் நிகழ்வின் வரவேற்புரையை ‘கிழக்குமண்’ பத்திரிகையின் பிரதம ஆசிரியரும் கவிஞரும் பிரபல ஊடகவியலாளருமான ரீ.எல். ஜவ்பர்கான் நிகழ்த்தினார். கிழக்கு மண் பத்திரிகையின் முதற்பிரதியும் இதன் போது வெளியீட்டு வைக்கப்பட்டது.
»»  (மேலும்)

| |

உலக மக்களின் மனசாட்சி பாலஸ்தீன ஒருமைப்பாட்டு தினம்

நீதி, நியாயம் ஆகியவற்றை நேசிக்கும் உலக மக்கள் வரு டந்தோறும் நவம்பர் 29 ஆம் திகதியை சுதந்திர, சுயாதீனமான நாட்டில் வாழும் உரிமையை இழந்த பாலஸ்தீன மக்கள் மீதான ஒத்து ழைப்பை வெளியிடவும் அந்த வர லாற்றுத் தவறை சரிசெய்யவும் பெரும் எதிர்பார்ப்புடன் நினைவு கூருகின்றனர்.
இருந்தாலும் 64 வருடங்களுக்கும் மேல் கடந்தபோதும் உலக மக்களின் பெயரால் பலம்மிக்க அரசாங்கங்களின் தேவைகளுக்காக செய்யப்பட்ட தவறு திருத்தப்படவில்லை, திருத் தப்படுவதாகவும் தெரியவில்லை.
நீண்ட காலம் கொண்ட பெருமை மிக்க வரலாற்றுக்கு உரிமை கோரும் பாலஸ்தீன மக்களுக்கு நாட்டுக்கும், தேசியத்துக்கும் உள்ள உரிமை 1947 நவம்பர் 29 ஆம் திகதி இழக்கப்பட்டது.
ஐக்கிய நாடுகள் பொதுச் சபை பாலஸ்தீன தேசம் யூத நாடாகவும், அரபு நாடாகவும் இரண்டாக ஆக்கு வதற்கு இல 181 (11) பிரேரணைக்கு சார்பாக 33 வாக்குகளும், எதிராக 13 வாக்குகளாலும் நிறைவேறியது.
இப்பிரேரணைப்படி பாலஸ்தீன நிலப் பிரதேசத்தில் 55 வீதம் அவ்வேளை அங்கு குடியேறி இருந்த 30 வீத யூதர்களுக்கு சுவீகரிக்கப்பட்டது.
1949 ஆம் ஆண்டாகும் போது யூதர்கள் பாலஸ்தீன் பகுதியில் 77 வீதத்துக்கு மேல் 600,000 க்கும் மேற் பட்ட பாலஸ்தீன மக்களை இருந்த இடங்களில் இருந்து விரட்டி அடித்து கைப்பற்றிக்கொண்டனர்.
1967 யுத்தத்துக்குப் பின்னர் எஞ்சிய நிலப் பரப்பிலிருந்தும் அதிக பகுதியைக் கைப்பற்றிய யூத ராஜ்யம் மக்களை தற்போது பாலஸ்தீன மேற்கு பகுதியின் காஸா பகுதியில் சிறிய பகுதிக்குள் அடைத்து வைத்துள்ளது.
தம்முடைய நிர்வாகத்தின் கீழ் சுதந்திர இணமாக வாழும் உரிமை இழக்கச் செய்யப்பட்ட பாலஸ்தீன் மக்களின் பெரும்பான்மையானோர் அரபு உலகில் ஒவ்வோர் இடங்களி லுள்ள அகதிகள் முகாம்களிலேயே இன்று வாழ்கின்றனர்.
மூன்று தலைமுறையினராக அகதி முகாம்களில் நிர்க்கதியாகி, அவ தூறுகளுக்கும் உள்ளாகி வாழும் இந்த மக்களிடம் தமது நாடு பற்றிய கனவு இன்னும் மறையவில்லை.
தமது நிஜபூமியைக் குறித்து அவர்கள் இன்னும் கனா காண்கின்றனர்.
மிகவும் தீவிரமானோர் ஆயுதங்களால் போராட்டம் நடத்துகின்றனர். முழு மத்திய கிழக்கையும் நிலையற்ற தன்மைக்கு ஆளாக்கியுள்ள இந்தப் பிரச்சினை இன்று உண்மையாகவே நீதிக்கும், நியாயத்துக்குமான மனித வர்க்கத்துக்கு செய்யப்படும் நிந்த னையாகும்.
உலக சக்திகள் திரையின் பின்னால் செய்த நிர்ப்பந்தங்கள் காரணமாக 1947 ல் பாலஸ்தீனத்தை இரண்டாக்கும் பிரேரணை ஐக்கிய நாடுகள் பொதுச் சபையில் நிறைவேற்றப்பட்டதுடன், அதனைத் திருத்தும் முயற்சியும் மேற்கொள்ளப்பட்டது.
இஸ்ரேலினால் பெயரளவில் பிரகடனம் செய்யப்பட்ட அந்த யூத ராஜ்யம் ஐக்கிய நாடுகள் சபையின் பிரேரணையை கருத்திற் கொள் ளாது பாலஸ்தீன மக்களின் உரிமைகளை மீறியதால் பாதுகாப்புச் சபை அவற்றைச் சரிசெய்ய பல பிரேரணைகளை நிறைவேற்றியது.
1948 ஆம் ஆண்டில் மட்டும் பாலஸ்தீன பிரச்சினை தொடர்பாக பாதுகாப்புச் சபை 16 பிரேரணை களைக் கொண்டு அமைந்தது.
2012 ல் மத்திய கிழக்கு நிலைமை தொடர்பாக நிறைவேற்றிய 2064 ஆம் இலக்க பிரேரணையுடன் நிறைவேற்றப்பட்ட பிரேரணைகள் 165 ஆகும்.
இரண்டாம் உலக யுத்தத்தின் பின் உருவான ஐக்கிய நாடுகள் சங்கம் வேறு எந்த விடயம் தொடர்பாகவும் இத்தனை எண்ணிக்கையில் பிரேரணைகளை நிறைவேற்றி உள்ளதாக நான் கருதவில்லை.
அணுசக்தி பலம் உட்பட மட்டற்ற யுத்தப் பலத்தையும் கட்டி எழுப்பியுள்ள இஸ்ரேல் இந்த யோசனைகளைக் கருத்திற் கொள்ளவில்லை.
இதனை கருத்திற் கொள்ளாததால் உலகின் மற்றைய நாடுகளுக்குப் போன்று இஸ்ரேலுக்கும் எதிராக ஐக்கிய நாடுகளின் தடைகள் பிறப் பிக்கப்படவில்லை.
1947 ல் ஐக்கிய நாடுகள் பொதுச் சபையில் நிறைவேற்றப்பட்ட 181 (11) பிரேரணை கவலைக்குரியது.
இப்பிரேரணையின் பிரகாரம் உருவாக்கப்பட உள்ள அரபு ராஜ்யம் உண்மையிலேயே பாலஸ்தீன நிர்வாகம் தற்போது நடத்தும் ஐக்கிய நாடுகளின் மகா சபைக்கு மேற்கு பகுதியிலும், காஸா பகுதியிலும் மிகச் சிறிய நிலப் பரப்பில் ராஜ்யம் ஒன்றை ஏற்றுக் கொள்ளும் பிரேரணையாகும். ஏற்றுக் கொள்ளும் பிரேரணை இப்பகுதியில் அமைதிக்கும், பாதுகாப்புக்கும் சவா லாக அமைவதாகக் கருதி அதனை அகற்றுவதற்கு இஸ்ரேலும் அதற்கு உதவி ஆதரவு நல்கும் மேற்குலக நாடுகளும் முயற்சிக்கின்றன.
பாலஸ்தீன அரசை உருவாக்குவது இஸ்ரேலுடன் பேச்சுவார்த்தை நடத்தி தீர்த்துக்கொள்ள வேண்டிய பிரச்சினை இனம்கண்டுள்ள இந்த ராஜ்யங்கள் அதற்கு மாற்றமாகச் செயற்படுவதென் றால் பாலஸ்தீனத்துக்கு எதிராக பலதரப்பட்ட தடைகளை பிறப்பி ப்பதற்கும் தயாராகவே உள்ளது.
பாலஸ்தீன நிர்வாகத்துக்கு யுனெ ஸ்கோ அமைப்பின் அங்கத்துவத்தை வழங்க தீர்மானிக்கப்பட்டதோடு பலம்வாய்ந்த நாடுகள் அந்த நிறுவனத்துக்கு வழங்கப்படும். நிதிகளை நிறுத்தத் தீர்மானித்தது.
மனிதாபிமானமற்ற நடவடிக்கை களுக்குப் பலியாகி தமது தாயகத்தையும் இழந்துள்ள பாலஸ்தீனர்கள் ஆக்கிரமிப்பாளர்களுடன் பேச்சுவார்த்தை நடத்த அவர்களிடமிருந்து தீர்வைப் பெற்றுக் கொள்ள வேண்டுமென நிர்ப்பந்திக்கும் மேற்குலக சக்திகளின் நிலைப்பாடானது வெறுக்கத்தக்க ஒன்றாகும்.
தமது நிலைப்பாட்டுக்காக பெரும் அச்சுறுத்தல் இருப்பதாக எப்போதும் கூறும் இஸ்ரேல் சமாதானத்துக்கு விருப்பமில்லை என்பதற்கு புதிய உதாரணம்; ஹமாஸ் அமைப்பின் இராணுவத் தலைவரான அஹமட் ஜபாரியின் கொலையாகும்.
பல வருடங்களாக ஹமாஸ் அமைப்பினால் கைது செய்யப் பட்டிருந்த இஸ்ரேல் இராணுவ வீரரான கிலாட் ஹலிட்டை விடுதலை செய்து கொள்வதற்கு தலையீடு செய்த இஸ்ரேலின் சமாதான செயற்பாட்டாளரான கர்ஷோ பென்சின் இஸ்ரேலில் பிரசுரமாகும் 'ஹாரெட்ஸ்' பத்திரிகைக்கு தெரி வித்துள்ளது ஜபாரியின் கொலையானது, இஸ்ரேலுடன் நிலையான யுத்த தவிர்ப்பு ஒப்பந்தத்துக்கான சட்ட வரைவை அவரிடம் கையளித்து சில நிமிட நேரங்களுக்குப் பின்னரேயே நடந்தது.
ஆயிரக்கணக்கான அப்பாவி உயிர்களைப் பலிகொள்ளும் குண்டுமாரி பொழிவதன் மற்றுமொரு ஆரம்பமே அதுவாகும்.
இந்த நவம்பர் 29 ஆம் திகதியை பாலஸ்தீன ஒருமைப்பாட்டு தின மாக இத்தகைய ஒரு கால கட்டத்திலேயே நாம் நினைவு கூருகிறோம்.
தேசிய அடையாளத்துவம், மானிட கெளரவம் ஆகியவற்றுக்காக பலஸ்தீன மக்கள் உச்ச மட்டத்தில் கொண்டு சென்ற இப் போராட்டம் ஒருமுறை வன்முறையானது.
இருப்பினும் சுதந்திர, ஒழுக்க விழுமியங்களைக் கெளரவம் செய்யும் மனிதர்கள் என்ற வகையில் அதனை பயங்கரவாதம் என்று அகற்றுவது மட்டும் நாம் செய்ய வேண்டியதல்ல.
எந்த வகையிலாவது மனித உயிர்களை போக்குவது பயங்கரவாதமாகும்.
பயங்கரவாதத்துக்கு அவர்கள் செல்லக் காரணமான அநீதியைக் களைய நடவடிக்கை எடுப்பதாகும்.
அநீதி அசாதாரணம் ஆகியவற் றைக் கொண்டுள்ளவர்கள் எவ்வித மான சக்தி கொண்டிருந்த போதும் வெறுக்கப்படுவார்கள்.
மற்றுமொரு தொகுதி மக்களின் வாழும் உரிமையைப் பறித்து, அவர் கள் மீது வன்முறையை மட்டற்ற விதத் தில் கட்டவிழ்த்து விடுவித்துள்ள நிர் வாகிகளையும் நிர்வாக முறைகளையும் நாம் நிராகரிக்க வேண்டும்.
நியாயமான, சாதாரணமான நபர் களாக நாம் அப்போதே ஆகுவோம்.
பாலஸ்தீனம் தொடர்பாக நெல்சன் மண்டேலா கூறிய ஒரு கருத்துடன் இக் குறிப்புரையை நிறைவு செய்யலாமென நினைக்கிறேன்.
'அடிமைத் தனத்திலும், இன ரீதியாகவும் பலியாகியுள்ள பாலஸ் தீன மக்கள் அவற்றில் இருந்து சுதந்திரம் பெறும் வரை, தென் ஆபிரிக்காவில் நாம் பெற்ற சுதந் திரம் முழுமையான சுதந்திரம் ஆக மாட்டாது'
»»  (மேலும்)

11/28/2012

| |

கொழும்பு கச்சேரி தீ முக்கிய ஆவணங்கள் எரிந்து நாசம் பல கோடி ரூபா சொத்துக்கள் சேதம் 154 வருடம் பழைமையான கட்டடம்

  • 154 வருடம் பழைமையான கட்டடம்
  • நிர்வாகம், கணக்காளர், திட்டமிடல் பிரிவுகள் முற்றாக தீக்கிரை
  • 5 மணி நேர போராட்டம்: 1½ இலட்சம் லீற்றர் நீர் பீச்சியடிப்பு
புறக்கோட்டை, டாம் வீதியிலுள்ள கொழும்பு மாவட்ட செயலகத்தில் ஏற்பட்ட பாரிய தீ விபத்தில் அந்தச் செயலகத்தின் மூன்று முக்கிய பிரிவுகள் தீக்கிரையாகியுள்ளதுடன் பல கோடி ரூபா சொத்துக்களுக்கு சேதம் ஏற்பட்டுள்ளன.
மாவட்ட செயலகத்தின் பிரதான கட்டடத்தில் அமைந்திருந்த மாவட்ட செயலாளர் அலுவலகம் உட்பட நிர்வாகம், திட்டமிடல் மற்றும் கணக்காளர் ஆகிய மூன்று முக்கிய பிரிவுகள் தீக்கிரையாகியுள்ளதுடன் அதிலிருந்து பல்வேறு பெறுமதியான ஆவணங்கள், உபகரணங்கள், இயந்திரங்கள் முற்றாக எரிந்து நாசமாகியுள்ளன.
சுமார் ஐந்து மணி நேர பாரிய போராட்டத்திற்குப் பின்னர் தீயணைப்புப் பிரிவினர் தீயை கட்டுப்பாட்டுக்குள் கொண்டு வந்துள்ளதுடன் தற்பொழுது அந்தப் பிரதேசம் விசாரணைகளுக்காக கொழும்பு குற்றத்தடுப்புப் பிரிவினருக்கு ஒப்படைக்கப்பட்டுள்ளது.
டாம் வீதி பொலிஸாருடன் பொலிஸ் குற்றத்தடுப்புப் பிரிவினர், அரசாங்க இரசாயன பகுப்பாய்வாளர்கள், இலங்கை மின்சார சபை ஆகியன விசாரணைகளை ஆரம்பித்துள்ளனர்.
இந்தச் சம்பவம் தொடர்பாக மேலும் தெரிய வருவதாவது:
கொழும்பு மாவட்ட செயலகத்தின் பிரதான கட்டடத்தில் நேற்று முன்தினம் இரவு 7.50 மணியளவில் திடீரென பாரிய தீ ஏற்பட்டுள்ளது.
தீ ஏற்பட்டுள்ளமை தொடர்பாக மாவட்ட செயலகத்தில் கடமையில் இருந்த பாதுகாப்பு உத்தியோகத்தர் உடனடியாக கொழும்பு மாவட்ட செயலகத்தின் அனர்த்த முகாமைத்துவ நிலையத்திற்கு தெரியபடுத்தியுள்ளார்.
அனர்த்த முகாமை நிலையத்தின் உதவி இணைப்பு அதிகாரி ஏ.ஆர்.என். மென்டிஸ் அருகிலுள்ள டாம் வீதி பொலிஸாருக்கும் தீயணைப்புப் படையி னருக்கும் உடனடியாக அறிவித்துள்ளார்.
தீயணைப்புப் பிரிவும், பொலிஸாரும் டாம் வீதி பொலிஸ் நிலைய பொறுப்பதிகாரி நலின் வீரவர்தன தலைமையிலான குழுவினரும், உடனடியாக ஸ்தலத்திற்கு வருகை தந்ததுடன் சுமார் 10 நிமிடத்திற்குள் தீயணைப்புப் படையினர் வருகைதந்து தீயை அணைக்கும் நடவடிக்கையில் ஈடுபட்டனர்.
கச்சேரி கட்டடத்திலிருந்து பாரிய தீப் பிழம்புகள் எழுந்து சென்றதையும், தீ பொறிகள் வானை நோக்கி வேகமாக பரந்ததையும் அடுத்து அந்தப் பிரதேசத்தில் பெரும் பதற்ற நிலை காணப்பட்டதுடன் பாரிய போக்குவரத்து நெரிசல் ஏற்பட்டன.
ஒரு மாடியைக் கொண்ட சுமார் 154 வருடங்கள் பழைமை வாய்ந்த மேற்படி மாவட்ட செயலகத்தின் மாடி கணத்த பலகையினால் அமைக்கப்பட்டிருந்ததால் குறுகிய நேரத்தில் தீ வேகமாக பரவத் தொடங்கின.
தீயணைப்புப் படையினரின் ஒன்பது பவுசர்கள் அழைக்கப்பட்டிருந்த போதிலும் தீயை கட்டுப்படுத்த முடியாது போனதை அடுத்து மேலும் 10 பவுசர்கள் வெளி இடங்களில் இருந்து அழைக்கப்பட்டுள்ளன.
தெஹிவளையிலிருந்து 2, கோட்டே யிலிருந்து - 01, விமானப்படையின் 2, இராணுவத்தின் 3, கடற்படையின் 02, கொழும்பு துறைமுகத்தின் 2 பவுசர்கள் என்ற அடிப்படையில் 10 பவுசர்கள் மேலதிகமாக அழைக்கப்பட்டதுடன் ஒரு இலட்சம் லீட்டருக்கும் அதிகமான நீர் தீயணைப்புக்கு பயன்படுத்தப்பட்டதாக தீயணைப்புப் படையின் பயிற்சிகளுக்கு பொறுப்பான நிலைய அதிகாரி ஆர்.ஜி. விஜேசூரிய தெரிவித்தார்.
நேற்ற முன்தினம் இரவு 8.00 மணி முதல் நேற்று அதிகாலை 1.00 மணி வரையாக ஐந்து மணித்தியால போராட்டத்திற்கு பின்னரே பாரிய தீ கட்டுப்பாட்டுக்கு கொண்டு வரப்பட்டதாக அவர் மேலும் தெரிவித்தார்.
எனினும் நேற்று நண்பகல் வரை அந்தக் கட்டடத்தின் பல பிரசேங்களில் தீ எரிந்து கொண்டிருப்பதைக் காண முடிந்ததுடன் தீயணைக்கும் படையினர் அதனை மேலும் பரவ விடாமல் தடுக்கும் நடவடிக்கையில் ஈடுபட்டிருந்தனர்.
அமைச்சர்கள், அதிகாரிகள் விரைவு
தீ ஏற்பட்டு சுமார் 15 நிமிடங்களுக்குள் மாவட்ட செயலாளர் கமல் பத்மசிறி, பிரதேசத்திற்கு பொறுப்பான சிரேஷ்ட பொலிஸ் அத்தியட்சகர்கள் நேற்று முன்தினம் இரவு உடனடியாக வருகைதந்தனர்.
தீயினால் ஏற்பட்ட சேத விபரங்களை கண்டறியும் பொருட்டு நேற்றுக் காலை பொது நிர்வாக உள்நாட்டு அலுவல்கள் அமைச்சர் ஜோன் செனவிரத்ன, பிரதியமைச்சர் கீதாஞ்சன குணவர்தன, ஆகியோர் நேரில் வந்து பார்வையிட்டதுடன் தேவையான ஆலோசனைகளை அதிகாரிகளுக்கு வழங்கினார்கள்.
கட்டடத்தின் பல பகுதிகளில் தொடர்ந்தும் தீ பற்றிக் கொண்டிருந்ததை கருத்திற் கொண்டு அமைச்சர்கள் அதிகாரிகள் கட்டடத்திற்குள் சென்று பார்வையிடுவதற்கு தீயணைப்புப் படையினர் அனுமதிக்க வில்லை. அத்துடன் கொழும்பு மாவட்ட எம்.பி ரவி கருணாநாயக்க கொழும்பு மாநகர மேயர் ஏ.ஜே.எம். முஸம்மில், மேல் மாகாண சபை உறுப்பினர் நெளசர் பவுஸி ஆகியோரும் வருகை தந்திருந்தனர்.
விசாரணைகள்
இந்த தீ விபத்துக்கு மின்சார ஒழுக்கே காரணமாக இருக்கலாம்என நம்பப்படுகின்ற போதிலும் பல்வேறு தரப்பினர்களிடம் விசாரணைகள் ஒப்படைக்கப்பட்டுள்ளன.
தீ விபத்து ஏற்பட்ட பிரதேசத்தின் பாதுகாப்பு நடவடிக்கைகள் கொழும்பு குற்றத்தடுப்புப் பிரிவு (சி.சி.டி)டன் ஒப்படைக்கப்பட்டதால் விசாரணைக்காக மாவட்ட செயலக பிரதேசம் சி.சி.டியினரின் கட்டுப்பாட்டின் கீழ் தற்காலிகமாக கொண்டு வரப்பட்டுள்ளது. மின் ஒழுக்குக் காரணமா என்பது தொடர்பாக ஆராயும் பொறுப்பு இலங்கை மின்சார சபைக்கு ஒப்படைக்கப்பட்டுள்ள நிலையில் மின்சார சபை பொறியியலாளர்கள் பரிசோதனைகளை மேற்கொண்டனர். இதேவேளை, அரசாங்க இரசாயன பகுப்பாய்வு பிரிவினர் பகுப்பாய்வு நடவடிக்கைகளை நேற்று மாலை மேற்கொண்டனர்.
பாதுகாப்பு
மேற்படி பிரதேசத்தின் பாதுகாப்பு நடவடிக்கை மேலும் பலப்படுத்தப்பட்டு ள்ளதுடன், பொலிஸாருக்கு ‘திளிதிகமாக விசேட அதிரடிப்படையினரும், இராணுவத்தினரும், அனர்த்த முகாமைத்துவ அதிகாரிகளும் ஈடுபடுத்தப்பட்டுள்ளனர்.
சேத விபரங்கள், மதிப்பீடு
முக்கிய தகவல்கள் உள்ளடக்கப்பட்ட கணனி இயந்திரங்கள் உபகரணங்களுடன் பொருளாதார அபிவிருத்தி அமைச்சின் ஊடாக முன்னெடுக்கப்பட்ட பல்வேறு அபிவிருத்தி வேலைத்திட்டங்கள், கொழும்பு மாவட்ட பாராளுமன்ற உறுப்பினர்களின் பன்முகப்படுத்தப்பட்ட நிதி ஒதுக்கீட்டின் மூலம் முன் னெடுக்கப்பட்டு வரும் செயற்பாடுகள் தொடர்பான மிக முக்கிய ஆவணங்கள்.
திட்டமிடல், நிதி தொடர்பான ஆவணங்கள் போன்றன இதில் எரிந்து சாம்பலாகியுள்ளன. பகுப்பாய்வாளர்களின் விசாரணைகளுக்கு பின்னரே முழுமையான சேத விபரங்கள் சொத்துக்கள் தொடர்பில் மதிப்பீடு செய்ய முடியும் என்று மாவட்ட செயலாளர் கமல் பத்மசிறி தெரிவித்தார்.
தீக்கிரையான கட்டடம்
தீக்கிரையான மாவட்ட செயலகம் அமையப் பெற்றிருந்த கட்டடம் 1858 ஆம் ஆண்டு ஒல்லாந்தர் காலத்தில் கட்டப்பட்ட கட்டடமாகும். 154 வருடங்கள் பழமை வாய்ந்த இந்தக் கட்டடத்தில் ஆரம்ப காலம் தொடக்கம் கொழும்பு கச்சேரி இயங்கி வருகின்றது.
»»  (மேலும்)

| |

மட்டக்களப்ப கலைஞர்களால் "மட்டு மண்ணே வாவி கண்ட மீன் மகளே" பாடல் வெளயீடு

மட்டக்களைப்பைச் சேர்ந்த கலைஞர்கள் இணைந்து Friends Media வின் வெளியீடாக  "மட்டு மண்ணே வாவி கண்ட மீன் மகளே" என்ற  பாடல் இன்று வெளியிடப்பட்டுள்ளது.

 கிழக்கின்  இளம் படைப்பாளிகளை கொண்டு இசையமைத்து பாடிய பாடலும் Friends  Media  என்ற குழுவின் முதலாவது தொகுப்பு என்பதும் குறிப்பிட தக்கது.
பாடல் வரிகள்:வி.விஜய் {மட்டு நகர் இளையதாரகை}
இசையமைப்பு :  K.Newniyas
குரல் :G.Hary Praveen
»»  (மேலும்)

| |

13ஆவது திருத்தத்தை நீக்க முஸ்லிம் காங்கிரஸ் ஏற்றுக்கொள்ளாது : ஹக்கீம்

இந்த அரசாங்கத்தில் அமைச்சர்களாக இருக்கும் சம்பிக்க ரணவக்க, விமல் வீரவங்ச போன்றோர் கூறிவருவதைப் போல, அரசியல் அமைப்பின் 13 ஆவது திருத்தத்தை நீக்க வேண்டுமென்பதை ஸ்ரீ லங்கா முஸ்லிம் காங்கிரஸ் ஏற்றுக்கொள்ளா தெனவும் அவர்களது நிலைப்பாட்டிற்கு எதிரான அபிப்பிராயத்தைக் கொண்டுள்ள அரசாங்கத்தில் உள்ள கட்சித் தலைவர்கள் சிலர் இதற்கு கைகோர்த்துவருவதாகவும் கட்சியின் தலைவரும், நீதியமைச்சருமான ரவூப் ஹக்கீம் தெரிவித்தார்.

காலியில், இஸ்லாமிய புத்தாண்டையொட்டி நடத்தப்பட்ட முஹர்ரம் போட்டி நிகழ்வுகளில் வெற்றிபெற்ற அலிப் மத்ரஸா மாணவர்களுக்கான பரிசளிப்பு வைபவத்தில் நேற்று செவ்வாய்க்கிழமை கலந்துகொண்டு பேசுகையிலேயே அவர் இதனைத் தெரிவித்துள்ளார்.

இது குறித்து அவர் மேலும் தெரிவிக்கையில்,

அமைச்சர்களான சம்பிக்க ரணவக்க, விமல் வீரவங்ச ஆகியோர் கூறிவருவதைப் போல அரசியல் அமைப்பின் 13 ஆவது திருத்தத்தை நீக்க வேண்டுமென்பதை நாம் ஏற்றுக்கொள்ளப்போவதில்லை. அதற்கு நாங்கள் கையுயர்த்தப் போவதுமில்லை. அதிகாரம் பன்முகப்படுத்தப்பட வேண்டும். அதிகாரப் பரவலாக்கத்திற்கும், பகிர்வுக்கும் ஊடாக கொழும்புக்கு மட்டும் மட்டுப்படுத்தப்பட்டிருந்த அதிகாரம், மாநிலங்களுக்கும் பகிர்ந்தளிக்கப்பட வேண்டிய செயல்பாடு இந் நாட்டின் சிறுபான்மை மக்களுக்கு பயனளிக்கக் கூடியவாறு 13 ஆவது திருத்தத்தில் உள்ளடக்கப்பட்டிருந்த போதிலும், அது இந்தியாவின் தலையீட்டுடன் ஏற்படுத்தப்பட்டது என்ற காரணத்தினால் அதற்கு வேறு விமர்சனப் பார்வை இருந்து வருகின்றது.

இதேவேளை, ஸ்ரீ லங்கா முஸ்லிம் காங்கிரஸைப் பொறுத்தவரை, பாராளுமன்றத்திற்கு உள்ளும் புறமும், 13ஆவது திருத்தத்தின் ஊடாக மாகாண சபைகளுக்கு வழங்கப்பட வேண்டிய அதிகாரம் அதிகரிக்கப்பட வேண்டும் என்ற நிலைப்பாட்டிலேயே இருக்கிறது. அதற்கான போராட்டத்தில் நாம் அரச தரப்பிலும் கட்சித் தலைவர்கள் சிலருடன் ஓர் உடன்பாட்டுடன் உள்ளோம்.

13ஆவது திருத்தம் மேலும் வலுவூட்டப்பட வேண்டும் என்ற அபிப்பிராயம் அரசாங்கத்தில் அங்கம் வகிக்கும் கட்சித் தலைவர்கள் சிலரிடம் காணப்படுகின்றது. சம்பிக்க ரணவக்க, விமல் வீரவங்ச போன்றவர்கள் மட்டும் தான் இந்த அரசாங்கத்தில் உள்ள கட்சித் தலைவர்கள் அல்லர். அவர்களின் போக்கிற்கு மாற்றான நிலைப்பாட்டை உடைய கட்சித் தலைவர்களும் அரசாங்கத்தில் இடம்பெற்றுள்ளனர். நாங்கள் அரசாங்கத்துக்குள்ளேயே அவ்வாறான ஒரு கூட்டை ஏற்படுத்திக்கொண்டிருக்கின்றோமென ஹக்கீம் மேலும் தெரிவித்துள்ளார்.
»»  (மேலும்)

| |

கறை படிந்தவர்களை இணைத்தால் தமிழரசுக்கட்சியின் குணாம்சம் மாசு படுத்தப்படும் :

பேராசிரியர் ரத்னஜீவன் ஹூல் !  
  அமைச்சர் டக்ளஸ் தேவனந்தா அவர்கள் வரவுசெலவு திட்ட உரையின் போது, தமிழ் தேசிய கூட்டமைபினரின் பொய்த்தனத்தை  சபையிலே அம்பலப்படுத்தினார். அவர் தனது உரையில், “தமிழ் தேசிய கூட்டமைபினர்  தமிழ் பத்திரிகைகளில் பிரசுரமாகுவதற்காகவே இங்கு உரையாற்றுகின்றனர். அவர்கள் அக்கிராசனத்தை நோக்கி உயையாற்றினாலும் அவர்களின் முழுக்கவனமும் பார்வையாளர் கூடத்திலுள்ள தமிழ் ஊடகங்களியே நோக்கி இருப்பதுடன் தமது தப்பான அரசியல் பிரச்சாரத்தை மேற்கொள்வதையே அவர்கள் மையப்படுத்திக்கொண்டுள்ளனர். தமிழ் தேசிய கூட்டமைப்பு  பாராளுமன்ற உறுப்பினர்கள் உலகம் பூராகவும் பொய் உரைப்பது போல் இச்சபையிலும் பொய் பேசுகின்றனர். அண்மையில் திரு சுமந்திரன் அவர்கள் உரையாற்றும்போது இரு குற்றவாளிகள் பற்றி குறிப்பிட்டிருந்தார். அவரினால் குறிப்பிடப்பட்ட குற்றவாளிகளில் ஒருவர் சப்ரா  பினான்ஸ்   என்ற பெயரில் மக்களை ஏமாற்றிய நிதி நிறுவனமொன்றுடன் தொடர்புடையவர்.
பல தசாப்தங்களுக்கு முன்னர் அப்பாவி மக்களின் பணத்தை மோசடி செய்தவர். அந்த நிறுவனத்தின் மோசடி செயற்பாட்டால் தமது வாழ் நாள் சேமிப்புக்களை வைப்பிலிட்ட அநேக மக்கள் இறுதியாக தற்கொலை செய்து கொண்டனர். பெருமளவு அப்பாவி மக்களின் தற்கொலைக்கு காரணமாக இருந்த இவர் ஒரு கொலையாளியாக கணிக்கபடவேண்டியவர். இவர் இன்று மனித உரிமைகளின் இரட்சகரை போல இந்த சபையில் பேசுகின்றார். இவ்வாறு மோசடி செய்த பணத்தின் மூலம் யாழ்ப்பாணத்தில் இவர்கள் ஆரம்பித்த தினசரிப் பத்திரிகை இன்றும் ஊத்தயன் வேலையை செய்துகொண்டிருக்கிறது. இப்பத்திரிகை தமிழ்மக்களின் சாபக்கேடாகும். தமது சொந்த தலைவர்களான அமிர்தலிங்கம், நீலன் திருச்செல்வம் ,தங்கத்துரை, பத்மநாபா, ஸ்ரீசபாரத்தினம் மற்றும் ஏனையோர் புலிகளினால்  கொலைசெய்யப்பட்டபோது கூட அவர்கள் கண்டனம் தெரிவிக்கவில்லை. அவர்களுக்கு தைரியம் இருக்குமானால் புலிகளே தமது தலைவர்களை கொலைசெய்தார்கள் என்று எழுந்து நின்று கூறட்டும்.கௌரவ சுமந்திரன் அவர்களால் குறித்துரைக்கபட்ட மற்றைய குற்றவாளி எனது ஊகத்தின்படி ,தற்போதைய மனித உரிமைகளின் பாதுகாவலனும் முன்னாள் மண்டயன்குழுவின் தலைவருமாக இருந்த நபராக இருக்க வேண்டும் .
2009  ஆம் ஆண்டின் ஆரம்பத்தில், நடைபெற்ற இறுதிக்கட்ட யுத்தத்தின்போது பிரபாகரனை பாதுகாப்பதற்காக அப்பாவி பொதுமக்களை மனித  கேடயமாக பாவிப்பதற்கு பொறுப்பாக இருந்தவர்  இன்னுமொரு தமிழ் தேசிய கூட்டமைப்பின் பாராளுமன்ற உறுப்பினர்  ஆவர் .அவர் தனது  தலைவரை  பாதுகாக்கும் பொருட்டு பொதுமக்களை முள்ளிவாய்க்கால் வரை வலுக்கட்டாயமாக நகரச்செய்து  ஈற்றில் அவர்களை பலிகொடுத்தவர் .ஆனால் அவர் தனது குடும்பத்தினரை செஞ்சிலுவை சங்க வாகனத்தில் மூலம் நேரகாலத்தில் வன்னி பிரதேசத்தை விட்டு வெளியேற்றி விட்டார் .அதன் பின்பு அவரும் செஞ்சிலுவை சங்க வாகனத்தில் தப்பி சென்றுவிட்டார் .அவ்வாறு இரகசியமாக தப்பி செல்லும்போது பெருமளவான களவெடுத்த பணத்தை எடுத்து சென்றது மட்டுமல்லாமல் அப்பணத்தை மீண்டும் தமிழ் மக்களை அழிவுப்பாதைக்கு இட்டு செல்லும் ஊடகப்பிரச்சாரத்துக்காக செலவழித்து வருகிறார். அவர்கள் மற்றவர்களை கஷ்டத்துக்குள்ளாக்கி தாம் வாழ பழகிக்கொண்டவர்கள் “ என குறிப்பிட்டிருந்தார்.
இதற்கு பதிலளிக்கும் முகமாக பேராசிரியர் ரத்னஜீவன் ஹூல் அவர்கள் இலங்கையிலிருந்து வெளியாகும் ஆங்கில பத்திரிகை ஒன்றிற்கு கட்டுரை ஒன்று வரைந்திருந்தார் .அக்கட்டுரையில்,” சமாதானப்பிரியர் SJV செல்வநாயகம் அவர்களின் தமிழரசுக்கட்சி ஆனது புலிகளினால் ஸ்தாபிக்கப்பட்ட தமிழ் தேசிய கூட்டமைப்பில் மூத்த பங்ககாளியாகவும், தமிழரசுக்கட்சியை சேர்ந்த சம்மந்தன் தமிழ் தேசிய கூட்டமைப்பை தலைமை தாங்குகிறார். தமிழ் தேசிய கூட்டமைப்பு பாராளுமன்ற உறுப்பினர்கள் தமிழரசுக்கட்சியிலேயே தேர்தலில் போட்டி இட்டார்கள் ஏனென்றால் தமிழ் தேசிய கூட்டமைப்பு பதிவு செய்யப்படாத ஒன்றாகும்.
ஏனைய பங்காளிக்கட்சிகள் தமிழ் தேசிய கூட்டமைப்பு பதிவு செய்யப்படவேண்டுமென கோருகின்றனர். ஆனால் தமிழரசுக்கட்சியினர் அதை எதிர்க்கின்றனர். இது தமிழ் தேசிய கூட்டமைப்பிற்குள் பெரிய பிணக்கை உருவாக்கியுள்ளது. ஏனைய பங்காளிக்கட்சிகள் தமிழ் தேசிய கூட்டமைப்பை கணிசமாக பிரதிநிதித்துவப்படுத்திய போதிலும் அடிமட்டத்தில் தமிழரசுக்கட்சி பலமாகவுள்ளது .தமிழ் தேசிய கூட்டமைப்பு பதிவு செய்யப்பட வேண்டுமென தீர்மானம் நிறைவேற்றப்பட்ட போதிலும், தக்க காரணத்துடன் சம்மந்தன் பதிவு செய்ய மறுத்து வருகின்றார். டக்லஸ் தேவானந்தாவின் பேச்சு சம்மந்தனின் விருப்பமின்மைக்கான காரணத்தை கோடிட்டு காட்டுகின்றது. டக்ளஸ்  தேவானந்தா அவர்கள் தமிழ் தேசிய கூட்டமைப்பு பாராளுமன்ற உறுப்பினகள் மூவரை விமர்சித்திருந்தார். சரியாக கூறுவதாயின் தமிழரசுக்கட்சியின் பாரம்பரியத்திற்கும் இவர்களது செயற்பாட்டிட்கும் சம்மந்தமில்லை. புலிகளின் காலத்தில் இவர்களது கறை படிந்த செயற்பாடுகளால்  இவர்களை இணைத்துக்கொள்வதன்மூலம் தமிழரசுக்கட்சியின்  தனித்துவமான குணாம்சம் மாசுபடுத்தப்படும் என தமிழரசுக்கட்சியின்  எண்ணுகிறார்கள்.
டக்ளஸ்  தேவானந்தா குறிப்பிடும் பாராளுமன்ற உறுப்பினரின்  (சரவணபவான் ஆக இருக்கலாம் ) சப்ரா முதலீட்டு நிறுவனம் எத்தனையோ பேர்களது சேமிப்புக்களை சுருட்டியதுடன் இதனால் பலர் தற்கொலை செய்தும் கொண்டனர். இப்பணத்திலேயே உதயன் பத்திரிக்கை ஸ்தாபிக்கப்பட்டது .உதயன் பத்திரிகையானது. ஊடக ஒழுக்க ரீதியில் கீழ்த்தரமான தரத்தையுடைய பத்திரிகை ஆகும் .அரசாங்கமானது ஊடகங்களை கட்டுப்படுத்தும் நிலையிலே  உதயன் பத்திரிகையானது பலமுள்ள மாற்று குரலாயுள்ளது .ஆனால் அது தனது எதிரிகளை அழிக்கக்கூடியது .அதனால் தான் தமிழ் தேசிய கூட்டமைப்பு சரவணபவானுக்கு தேர்தலில் போட்டியிட அனுமதித்தது. டக்ளஸ்  குறிப்பிடும் மற்ற தமிழ் தேசிய கூட்டமைப்பு பாராளுமன்ற உறுப்பினர் சுரேஷ் பிரேமச்சந்திரன் ஆக இருக்கலாம். இவர் ஒரு காலத்தில் ஈழ மக்கள் புரட்சிகர முன்னணியின்  கொலைகளிற்கு பொறுப்பாக இருந்த மண்டையன் குழுவிற்கு தலைமை தாங்கியவர். இவர் இப்போ மனித உரிமை  செயற்பாட்டாளர் என்கிறார் டக்ளஸ்  தேவானந்தா. டக்ளஸ்  தேவானந்தா குறிப்பிடும் நான்காவது பாராளுமன்ற உறுப்பினர் புலிகள் மனித கேடயங்களாக பயன்படுத்துவதற்கு 2009 ஆம் ஆண்டு ஆட்களை சேர்த்து கொடுத்தவர். ஆனால் இவர் கொள்ளையடித்த பணத்துடன் செஞ்சிலுவை சங்க வாகனத்தில் தப்பி சென்றதுடன் அப்பணத்தை தனது சொந்த ஊடக தேவைகளிற்கு பயன்படுத்துகின்றார் அவர் TamilWin.com  ஸ்ரீதரனையே குறிப்பிடுகிறார் என்று நான் யூகிக்கின்றேன்.

»»  (மேலும்)

| |

'தமிழோசை செவ்வி குறித்து சிஐடி விசாரணை'- சிறிதரன் எம்பி

தமிழோசைக்கு வழங்கிய செவ்வி குறித்து தான் இலங்கை குற்றப்புலனாய்வு பிரிவினரால் விசாரிக்கப்பட்டதாக தமிழ் தேசியக் கூட்டமைப்பு நாடாளுமன்ற உறுப்பினர் சிறிதரன் தெரிவித்துள்ளார்.
கொழும்பில் உள்ள இலங்கை குற்றப்புலனாய்வு திணைக்களத்தின் 4 ஆம் மாடி அலுவலகத்தில் அந்த திணைக்களத்தின் பொலிஸ் அதிகாரிகளால் தான் சுமார் இரு மணித்தியாலங்கள் விசாரணைக்கு உட்படுத்தப்பட்டதாக சிறிதரன் எம்பி கூறியுள்ளார்.
இலங்கை இராணுவத்துக்கு தமிழ் பெண்கள் சேர்க்கப்படுவது குறித்து நாடாளுமன்றத்தில் தான் பேசிய உரை தொடர்பாகவும், இது தொடர்பாக பிபிசி தமிழோசைக்கு வழங்கிய செவ்வி குறித்தும் தான் விசாரிக்கப்பட்டதாக சிறிதரன் கூறியுள்ளார்.பிசி செவ்வியில் தமிழ் பெண்கள் பாலியல் தொல்லைகள் காரணமாக இராணுவத்தில் இருந்து தப்பி ஓடியதாக தான் கூறியதாக தன்னை விசாரித்தவர்கள் தன்னைக் கேட்டதாகவும், ஆனால் தான் அப்படி அந்தச் செவ்வியில் இடம்பெறவில்லை என்று அவர்களுக்கு விளக்கியதாகவும் அவர் கூறினார்.
அத்துடன் இது ஒரு இனச் சுத்திகரிப்பு நடவடிக்கை என்று தான் கூறிய கருத்து குறித்தும் தன்னை அவர்கள் விசாரித்ததாகவும் சிறிதரன் கூறினார்.
தான் நாடாளுமன்றத்தில் பேசிய விடயங்கள் தொடர்பில் தன்னை குற்றப் புலனாய்வு பிரிவினர் இதுவரை இருதடவைகள் விசாரித்திருப்பதாக கூறிய சிறிதரன், அது நாடாளுமன்ற சிறப்புரிமையை மீறும் செயல் என்றும் கூறினார்.
இவை குறித்த அவரது முழுமையான செவ்வியை நேயர்கள் இங்கு கேட்கலாம்.
»»  (மேலும்)

11/27/2012

| |

சிங்களம், தமிழ், முஸ்லிம் என பாடசாலைகள் பிரிக்கப்படுவதை உடனடியாக நிறுத்த வேண்டும் - வாசுதேவ

VasuDeva

சிங்களம், தமிழ், முஸ்லிம் என பாடசாலைகள் பிரிக்கப்படுவதை உடனடியாக நிறுத்த வேண்டும் என அமைச்சர் வாசுதேவ நாணயக்கார தெரிவித்துள்ளார். 

பல மொழி அறிவுடன், சகோதர இனங்களுடன் ஐக்கியத்தை ஏற்படுத்தும் பணிகளை பாடசாலைகளில் இருந்தே ஆரம்பிக்க வேண்டும் என்பதால், பாடசாலைகளை இனரீதியாக பிரிக்கக் கூடாது எனவும் அமைச்சர் சுட்டிக்காட்டியுள்ளார்.

நாடு ஒன்றின் இருப்புக்கு நல்லிணக்கம் என்பது முக்கியமானது. மூன்று மொழிகளின் பணியாற்றுவதன் மூலம் இந்த நல்லிணக்கத்தை ஏற்படுத்த முடியும். இலங்கையின் பிரதான மொழிகள் சிங்களமும், தமிழுமாகும்.
இந்த இரண்டு மொழிகளை கற்பதன் மூலம் நாட்டின் ஒருமைப்பாட்டை கட்டியெழுப்ப முடியும் எனவும் வாசுதேவ நாணயக்கார கூறியுள்ளார்.
»»  (மேலும்)

11/26/2012

| |

மட்டக்களப்பு மேய்ச்சல் தரை பிரச்சனை: சந்திரகாந்தன் கடிதம்

மட்டக்களப்பு மாவட்ட கால்நடை பண்ணையாளர்களின் கால்நடைகளுக்காக ஒதுக்கீடு செய்யப்பட்ட மேய்ச்சல் தரை காணியில் அம்பாறை மாவட்டத்தை சேர்ந்த பெரும்பான்மை இன விவசாயிகள் அத்துமீறி பயிர்ச்செய்கையில் தொடர்ந்தும் ஈடுபடுவதை அனுமதிக்க வேண்டாம் என கிழக்கு மாகாண முன்னாள் முதமைச்சரும் ஜனாதிபதியின் ஆலோசகருமான சிவநேசதுரை சந்திரகாந்தன் மட்டக்களப்பு, அம்பாறை மாவட்டங்களின் அரசாங்க அதிபர்களை கேட்டுள்ளார்.
மட்டக்களப்பு- அம்பாறை மாவட்டங்களின் எல்லை பிரதேசத்திலே ஒதுக்கீடு செய்யப்பட்டுள்ள மேய்ச்சல் தரைக்கான காணி பல வருடங்கள் கடந்தும் இதுவரை வர்த்தமானியில் பிரகடனப்படுத்தப்படவில்லை.
கிழக்கில் போர் ஒய்ந்து பல வருடங்கள் கடந்த நிலையிலும் தீர்வு இல்லாத பிரச்சனையாக இது தொடர்வது குறித்து தமிழோசைக்கு கருத்து தெரிவித்த கிழக்கு மாகாண முன்னாள் முதமைச்சரான சந்திரகாந்தன் எதிர்வரும் ஆண்டுக்கு முன்னர் நிர்வாக ரீதியாக சுமுகமான முறையில் தீர்வு காணவேண்டும் என தான் இரண்டு மாவட்ட அரசாங்க அதிபர்களையும் எழுத்து மூலமும் தொலைபேசி ஊடாகவும் கேட்டுள்ளதாக கூறினார்.
மட்டக்களப்பு கால்நடை பண்ணையாளர்களின் பிரச்சனை பல ஆண்டுகளாக நீடிக்கிறது.
மட்டக்களப்பு கால்நடை பண்ணையாளர்களின் பிரச்சனை பல ஆண்டுகளாக நீடிக்கிறது.
சில வாரங்களுக்கு முன்னர் அந்த பகுதிக்கு உரிய அதிகாரிகளுடன் நேரில் சென்றபோது, சுமார் 500 ஏக்கரில் தானிய செய்கையில் குறித்த செய்கையாளர்கள் ஈடுபட்டுள்ளதை காணமுடிந்ததாகவும் இந்த ஆண்டு பருவ மழைக் காலத்தில் பயிர் செய்கையில் ஈடுபட வேண்டாம் என அவர்களை கேட்டுக்கொண்டதாகவும் அவர் தெரிவித்தார்.
மட்டக்களப்பு மாவட்ட கால்நடை பண்ணையாளர்களுக்கு 20 மைல்களுக்கு அப்பாலும் அம்பாறை மாவட்ட தெகியத்தகண்டிய பிரதேச சிங்கள விவசாயிகளுக்கு 2-3 மைல்கள் தூரத்திலும் இந்த காணி இருப்பதே இந்த பிரச்சனைக்கு காரணம் என்றும் ஜனாதிபதியின் ஆலோசகர் சிவநேசதுரை சந்திரகாந்தன் கூறினார்.
பயிர்செய்கையாளர்களுக்கும் கால்நடை பண்ணையாளர்களுக்கும் இடையில் பிரச்சினைகள் ஏற்படுவதை தடுப்பதற்காக இருதரப்பையும் உள்ளடக்கிய குழுவொன்று நியமிக்கப்ப்டடுள்ளதாகவும் அவர் மேலும் குறிப்பிட்டார்.
»»  (மேலும்)

11/24/2012

| |

கன்னன்குடா மகா வித்தியாலயத்தின் ஆய்வுகூடத்துக்கான அடிக்கல் நடும் நிகழ்வு

ஆயிரம் இடை நிலைப்பாடசாலைகளை அபிவிருத்திசெய்யும் திட்டத்தின் கீழ் மட்டக்களப்பு மேற்கு கல்வி வலயத்துக்குட்பட்ட கன்னன்குடா மகா வித்தியாலயத்தின் ஆய்வுகூடத்துக்கான அடிக்கல் நடும் நிகழ்வு நேற்று (23.11.2012) இடம்பெற்றது.
பாடசாலை அதிபர் புலேந்திரகுமார் தலைமையில் இடம்பெற்ற இந்நிகழ்வில் கிழக்கு மாகாண முன்னாள் முதலமைச்சரும் ஜனாதிபதியின் ஆலோசகருமான சிவநேசதுரை சந்திரகாந்தன் பிரதம அதிதியாக கலந்துகொண்டார்.
சிறப்பு அதிதியாக முன்னாள் மாகாணசபை உறுப்பினர் பூ.பிரசாந்தன், மட்டக்களப்பு மேற்கு கல்வி வலய கல்விப்பணிப்பாளர் கே.பாஸ்கரன், உதவிக்கல்விப்பணிப்பாளர் சிறிநேசன்,கோட்டக்கல்விப்பணிப்பாளர், உட்பட பலர் கலந்துகொண்டனர்.
சுமார் 80 இலட்சம் ரூபா செலவில் ஆய்வுகூடம்,தகவல் தொழில்நுட்ப கூடம் உட்பட பல வசதிகளைக்கொண்டதாகவும் இரு மாடிக்களைக்கொண்டதாகவும் இது அமைக்கப்படவுள்ளது.
»»  (மேலும்)

| |

வாசிப்பு மனநிலை விவாதம் -பாரிஸ்

வாசிப்பு மனநிலை விவாதம் -பாரிஸ் 
Photo


»»  (மேலும்)

| |

தமிழ்ப் பெண்களை இராணுவத்தில் சேர்ப்பதனால் இன ஐக்கியம் வலுப்பெறும்

இலங்கையில் உண்மையான இன ஐக்கியத்தை ஏற்படுத்த வேண்டுமாயின் எமது நாட்டு இராணுவத்திலும், பாதுகாப்புப் படைகளிலும், பொலிஸ் திணைக்களத்திலும் அனைத்து இன மக்களும் சேர்ந்து கொள்வதற்கு சம சந்தர்ப்பம் அளிக்க வேண் டும் என்ற சித்தாந்தம் இப்போது நடைமுறைப்படுத்தப்படுவது அனை வருக்கும் மகிழ்ச்சியை உண்டாக்கும் ஓர் உன்னதமான செயற் பாடாகும்.
30 ஆண்டுகால யுத்தத்தின் போதும் அதற்கு முன்னரும் தமிழ் மக்கள் தங்கள் உரிமைகளைக் கோரி சாத்வீகப் போராட்டங்களை நடத்திய போதும் அவை கடந்த காலத்தில் நம் நாட்டில் ஆட்சி செலுத்திய அரசாங்கங்களினால் இராணுவத்தினரையும் பொலிஸா ரையும் பயன்படுத்தி கடுமையான முறையில் அவற்றை அடக்கிய நிகழ்வுகள் மக்களின் மனதில் இன்றும் நிலை கொண்டிருக்கின்றன.
1956 ஆம் ஆண்டில் எஸ். டபிள்யு. ஆர். டி. பண்டாரநாயக்காவின் மக்கள் ஐக்கிய முன்னணி கூட்டரசாங்கம் தனிச் சிங்களச் சட்ட த்தை அமுலாக்கியது முதல், தமிழ் மக்கள் இந்நாட்டவர்கள் அல்ல இரண்டாந்தரப் பிரஜைகள் என்ற உணர்வு அவர்கள் மனதில் வலு ப்பெற ஆரம்பித்தது.
அதையடுத்து அன்று எதிர்க் கட்சியில் வீற்றிருந்த ஐக்கிய தேசியக் கட்சியினர் ஜே. ஆர். ஜயவர்தன தலைமையில் கண்டிக்குப் பாத யாத்திரை மேற்கொண்டதனால் ஆரம்பித்த தமிழர்களுக்கு எதி ரான எதிர்ப்பு, விஸ்வரூபம் எடுத்து ஸ்ரீ எழுத்தின் அறிமுகத்து டன் பொது இடங்களில் உள்ள தமிழ் அறிவிப்புகள் மீது தார்பூசி இழிவுபடுத்தப்பட்டன.
இவ்வாறான இனவாதத்தைத் தூண்டும் நடவடிக்கைகளினால் 1958 ஆம் ஆண்டில் இலங்கையில் என்றும் நடைபெறாத தமிழர்களு க்கு எதிரான இனக் கலவரம் ஏற்பட்டது. இதில் 100க் கணக்கான தமிழர்கள் கொல்லப்பட்டார்கள். அவர்களின் உடமைகள் அழிக் கப்பட்டன.
இவ்வித அடக்குமுறைகளை அன்றைய அரசாங்கங்கள் மேற்கொள் வதற்கு இராணுவத்தினர் பெரும்பாலும் பயன்படுத்தப்பட்டனர். அது போன்று 1974 ஆம் ஆண்டு அனைத்துலக தமிழ் ஆராய் ச்சி மன்றத்தின் தோற்றுனர் வணக்கத்துக்குரிய சேவியர் அடிகளா ரால் நான்காவது அனைத்துலக தமிழ் ஆராய்ச்சி மாநாடு யாழ்ப் பாணத்தில் நடைபெற்ற போதும் பொலிஸாரின் தவறான தலையீட் டினால் அங்கு பலர் கொல்லப்பட்டனர்.
இதுபோன்ற சம்பவங்களினால் பயங்கரவாதம் 1980 களில் தலைதூக்கு வதற்கு முன்னரே தமிழர்கள் இலங்கை இராணுவத்தைக் கண்டு அஞ்சி நடுங்கினார்கள். அதனால் தமிழர்கள் அன்று இது சிங்கள இராணுவம் என்று பிரிவுபடுத்தி அதனை அழைக்கும் அளவுக்கு இலங்கை இராணுவத்தின் மீது தமிழ் மக்கள் வெறுப்படைந்திருந் தார்கள்.
இந்தப் பின்னணியிலேயே எல். ரி. ரி. ஈ. பயங்கரவாதம் முளைவிட்டு தழைத்தோங்க ஆரம்பித்தது. இலங்கையின் முன்னைய அரசாங் கங்கள் ஒரு பூனைக்குட்டி, கரப்பான் பூச்சி ஒன்றை பிடித்து விளை யாடி அதனைத் துன்புறுத்துவதைப் போன்று பயங்கரவாதத்தை பலவீனப்படுத்தாமல் அதனை தனது அரசியல் அதிகாரத்தைப் பலப்படுத்துவதற்கு பயன்படுத்தி வந்தன.
ஆயினும் 2005 ஆம் ஆண்டு தென் இலங்கையின் மண் வாசனை யுடன் தோன்றிய தேசத் தலைவரான ஜனாதிபதி மஹிந்த ராஜ பக்ஷ அவர்கள் வெளிநாட்டு அழுத்தங்களையும் உதாசீனம் செய்து, இந்நாட்டு மக்களை ஐக்கியப்படுத்த வேண்டுமாயின், முதலில் பயங்கரவாதத்தை இலங்கையில் இருந்து ஒழித்துக்கட்ட வேண்டும் என்ற திடமான நோக்குடன் 2009 ஆம் ஆண்டு மே மாதம் 18 ஆம் திகதியன்று எல். ரி. ரி. ஈ. பயங்கரவாதத்தை இலங்கை மண் ணில் இருந்து துவம்சம் செய்து தமிழர்கள், முஸ்லிம்கள், சிங்கள வர்கள் என்ற சகல இன மக்களையும் பயங்கரவாதப் பிடியில் இருந்து விடுவித்தார்.
அதையடுத்து ஜனாதிபதி அவர்கள் கற்றறிந்த பாடங்கள் மற்றும் நல் லிணக்க ஆணைக் குழுவின் ஊடாக தமிழர் பிரச்சினைக்கு நிரந் தர அரசியல் தீர்வை ஏற்படுத்தும் மகத்தான பணியை இன்று வெற்றிகரமான முறையில் மேற்கொண்டு வருகின்றார்.
தமிழ் மக்களின் மனதில் ஆழமாகப் பதிந்திருக்கும் சிங்கள இராணு வம் என்ற வெறுப்புணர்வை முற்றாக அகற்றிவிட வேண்டுமா யின், தமிழர்களும் இலங்கை இராணுவம் எங்களுக்கும் சொந்தமா னது என்ற உணர்வை மானசீகமாக ஏற்றுக்கொள்ள வேண்டும் என் பதை நன்கு புரிந்திருந்த ஜனாதிபதி அவர்கள், தமிழர்களை ஆயு தப் படைகளிலும் பொலிஸ் படைகளிலும் அதிகமாகச் சேர்த்துக் கொள்ளும் ஒரு புதிய யுகத்தை இன்று ஆரம்பித்துள்ளார்.
எல். ரி. ரி. ஈ.யின் முன்னாள் ஆண், பெண் போராளிகளை மன்னித்து அவர்களுக்கு புனர்வாழ்வு அளித்த பின்னர் அந்தப் போராளி களை பொலிஸிலும் இராணுவத்திலும் சேர்த்துக்கொள்ளும் நற் பணி இன்று இடம்பெற்று வருகின்றது.
கிளிநொச்சியில் கடந்தவார இறுதியில் 109 தமிழ்ப் பெண்கள் இராணு வத்தில் சேர்த்துக்கொள்ளப்பட்டது இராணுவத்தை மக்கள் மயமாக் கும் திட்டமாக அமைந்திருக்கின்றது என்று பலரும் பாராட்டுத் தெரிவித்துள்ளார்கள்.
இந்த நற்பணி தொடர்ந்து, தமிழர்களும் முஸ்லிம்களும் இராணுவத்திலும் ஏனைய ஆயுதப் படைகளிலும் பொலிஸிலும் சேர்த்துக்கொள்ளப்பட வேண்டும். இவ்விதம் செய் தால் எதிர்காலத்தில் சிறுபான்மை மக்கள் எங்கள் இராணுவத்தை சந்தேகக் கண்ணோடு பார்த்து இது சிங்கள இராணுவம் என்று அழைக்கும் நடைமுறை மறைந்துவிடுவது திண்ணம்.
thinakaran
»»  (மேலும்)