உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

12/28/2012

| |

இலங்கைத் தலித் சமூக மேம்பாட்டு முன்னணியின் துயர் பகிர்வு


1948 இல் இருந்து மிக அண்மைக்காலம் வரை அகில இலங்கைத் தமிழ் பெளத்த காங்கிரசின் தலைவராகவும், அகில இலங்கை சிறுபான்மைத் தமிழர் மாகாசபையின் முன்னணி உறுப்பினராகவும் செயல்பட்ட வைரமுத்து (ஐயாத்துரை) மாஸ்டர் 26-12-2012 நேற்று மாலை மானிப்பாயில் காலமானார். 1918 ஆகஸ்ட் மாதம் 20ஆம் திகதி பிறந்த வைரமுத்து மாஸ்டர் அவர்கள் 94 வயது வரை  தனது தேவைகளை தானே மேற்கொண்டு  மிக ஆரோக்கியமாகவே  வாழ்ந்து வந்தார்.
1967 இல் யாழ்மேலாதிக்க சமூகத்தால் உயர் கல்வி மறுக்கப்பட்டு வேலையில்லாத 100தலித் இளைஞர்களை   பெளத்த மத மாற்றத்திற்காக 1967 ஏப்ரல் மாதம் தென்இலங்கைக்கு அழைத்துச் சென்றவர்.
“நான் எனது ‘இனத்துக்கு’ நல்லது செய்ய வேணும் என்ற நல்ல நோக்கத்தோடு பணியாற்றினேன். தீண்டாமை ஒழியவேணும்,எமக்குள் நாம் சரிநிகராக வாழவேணும், நமது மக்களும் உத்தியோகம் பெறவேணும் என்றதே எனது முழுநோக்கமாகவும் இருந்தது. அதற்கு அன்றைய சிங்கள அரசும், பிக்குமாரும் மிகப்பெரிய ஆதரவைத் தந்தார்கள்” :  – வைரமுத்து-
(“தீண்டாமைக் கொடுமைகளும் தீ மூண்ட நாட்களும்”எனும் யோகரட்ணம் அவர்களின் நூலுக்கான அணிந்துரையில் )