உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

4/30/2013

| |

பிரான்ஸ் தலைநகர் பாரிஸில் நடைபெறவுள்ள மே தின ஊர்வலத்தில் இலங்கையர் ஒருமைப்பாட்டு மையம்

சர்வதேச தொழிலாளர் தினமான எதிர்வரும் மே முதலாம் திகதி
france may dayபிரான்ஸ் தலைநகர் பாரிஸில் நடைபெறவுள்ள மே தின ஊர்வலத்தில் இலங்கையர் ஒருமைப்பாட்டு மையம் பிரான்ஸ் வாழ் புலம்பெயர் தமிழர்களை கலந்து கொள்ளுமாறு அழைப்பு விடுத்துள்ளது. மே மாதம் முதலாம் திகதி புதன்கிழமை மாலை 2 மணியளவில்  பிளேஸ் டு லா பஸ்ற்றில் என்ற முகவரியில் ஒன்று கூடுமாறு அழைப்பு விடுக்கப்பட்டுள்ளது. இந்த மே தின ஊர்வலத்தில் சர்வதேச தொழிலாளர்களுடன் ஒன்றிணைந்து மறுக்கப்படும் எம் தேச மக்களின் உரிமைகளை உரக்கச் சொல்வோம் என்ற சுலோகத்துடன் ஆரம்பித்துள்ள துண்டுப்பிரசுரத்தில்  இலங்கையில் தீர்வு-- இனங்களுக்கு சமஉரிமை , அமைதி வேண்டி- அராஜகம் ஒழிப்போம், வேற்றுமை கடந்து ஐக்கியப்படுவோம், ஒன்றுபட்டு உரிமைகளை வெல்வோம், சுற்றுச்சூழல் மாசுபடுத்தோம் - பூமிக்கு ஆயுள் கொடுப்போம், உலக முற்போக்காளர்களுடன் கைகோர்ப்போம்- உரிமைகளுக்காய் குரல் கொடுப்போம் என்றவாறான கோசங்கள் ஒலிக்கப்படும் எனக் குறிப்பிடப்பட்டுள்ளது. இத்துடன் எம் தேச மக்களின் வாழ்வில் ஓர் மாற்றம் வேண்டி, உங்கள் கரம்பிடித்து, எம் மக்கள் துயர் போக்க உதயமாகியுள்ள இலங்கையர் ஒருமைப்பாட்டு மையம் வரலாற்று சிறப்புமிக்க மே தினத்தில் தனது முதலாவது செயற்திட்டமாக இந்த மே தின பேரணியை ஆரம்பித்துள்ளதாக குறிப்பிடப்பட்டுள்ளது. வழக்கமாக விடுதலைப் புலிகள் அமைப்பினை பிரநிதித்துவப்படுத்தும் தமிழர் ஒருங்கிணைப்புக் குழுவின் ஒருங்கிணைப்பில் புலம்பெயர் தமிழர்கள் இந்த சர்வதேச தொழிலாளர்கள் தின பேரணியில் கலந்து கொள்வார்கள். ஆனால்   இம்முறை இலங்கையர் ஒருமைப்பாட்டு மையமும் தமிழ் மக்களை பிரதிநிதித்துவப்படுத்தும் அமைப்பாக மே தின ஊர்வலத்தில் கலந்து கொள்ளவுள்ளமை குறிப்பிடத்தக்கதாகும்.
»»  (மேலும்)

| |

அரசியல் கலப்பற்ற முஸ்லிம் ஆலோசனை சபை அங்குரார்ப்பணம்

முஸ்லிம் இயக்க பிரதிநிதிகளையும் சமூக ஆர்வலர்களையும் கொண்ட அரசியல் கலப்பற்ற முஸ்லிம் ஆலோசனை சபை ஒன்று உருவாக்கப்பட்டுள்ளது.
சமூகத்தில் ஒரு இணக்கப்பாட்டை ஏற்படுத்தும் முகமாக முஸ்லிம் கவுன்ஸில் ஒப் ஸ்ரீலங்கா, ஏற்பாடு செய்த கூட்டமொன்றில் உலமாக்கள், முஸ்லிம் இயக்கப் பிரதிநிதிகள், வர்த்தகர்கள், கல்விமான்கள் மற்றும் துறைசார் நிபுணர்கள் ஆகியோரைக் கொண்ட ஆலோசனை சபை ஒன்று உருவாக்கப்பட்டுள்ளது.
எழுபத்தைந்துக்கும் அதிகமான முக்கியஸ்தர்களைக் கொண்ட இந்தச் சபை முஸ்லிம்கள் எதிர்நோக்கும் பிரச்சினைகளை அடையாளம் கண்டு அவற்றைத் தீர்ப்பதற்கான குறுகிய கால இடைக்கால, நீண்டகால திட்டங்களை வகுத்து செயல்பட உள்ளதோடு நாட்டில் சமாதான, சகவாழ்வுக்காகவும் பாடுபடும்.
முஸ்லிம் கவுன்ஸிலின் தலைவர் என். எம். அமீன் இக்கூட்டத்தில் உரையாற்றும் போது, தற்போது முஸ்லிம் கள் எதிர்நோக்கியுள்ள சவால்களுக்கு முகம் கொடுக்கும் அதேவேளை, எமது தனித் துவத்தைப் பாதுகாத்துக்கொண்டு, ஏனைய சமூகங்களுடன் இணைந்து நாமும் இலங்கையர் என்ற அடையாளத்தைப் பதிக்க வேண்டிய முக்கியத்துவத்தை வலியுறுத்தினார்.
முஸ்லிம் கவுன்ஸில் ஒப் ஸ்ரீலங்கா என்பது ஐம்பதுக்கும் மேற்பட்ட முஸ்லிம் இயக்கங்களை உள்ளடக்கிய ஒரு சங்க மாகும். கடந்த காலங்களில் முஸ்லிம்கள் எதிர்நோக்கிய பல சவால்களுக்கு முகம் கொடுத்து, நிரந்தர தீர்வை பெறுவதற்காக அரசியல் உயர் மட்டங்களுடனும், மத தலைவர்களுடனும் மற்றும் முக்கிய பிரமுகர்களுடனும் பேச்சுவார்த்தை நடத்தி இனங்களுக்கு மத்தியில் சுமுக உறவினை ஏற்படுத்துவதற்காக பாடுபட்டு வருவது அறிந்ததே என்றார்.
»»  (மேலும்)

| |

புல்லுமலை புதிய சந்தைக்கட்டிடத்தை அமெரிக்கத்தூதுவர் இன்று திறந்துவைத்தார்

மட்டக்களப்பு புல்லுமலை பிரதேசத்தில் யு.எஸ்.எயிட் நிறுவனத்தால் நிர்மானிக்கப்பட்ட சந்தைக்கட்டிடம்,மற்றும் பஸ்தரிப்பு நிலையத்தினை இலங்கைக்கான அமெரிக்கத்தூதுவர் இன்று திறந்துவைத்தார்.
கிழக்கு வடக்கு மாகாணங்களின் மீளிணக்கம் மற்றும் ஸ்திரத்தன்மை அடைதல் எனும் திட்டத்தின் கீழ் செங்கலடி - பதுளை வீதியில் மீள்குடியேற்றப்பட்ட எல்லைக் கிராமமான பெரிய புல்லுமலையில் 50 மில்லியன் ரூபாய் செலவில் யூ.எஸ்.எயிட் நிறுவனத்தினால் நிர்மாணிக்கப்பட்ட கட்டிடத் தொகுதி.சந்தைக்கட்டிடம  இலங்கைக்கான அமெரிக்கத் தூதர் மிச்சேல் ஜே. சிசன் இன்று இன்று திறந்துவைத்தார்..
இன்று (29.04.2013) காலை 10.30மணியளவில் நடைபெற்ற இன்நிகழ்வில்
யூ.எஸ்.எயிட் நிறுவனத்தின் பிராந்திய நிகழ்ச்சித் திட்ட முகாமையாளர் ஆஷா ஹரிஸன், இலங்கைக்கான பிரதிநிதி டம்மி ஹரிஸன்,சர்வோதய அமைப்பின் கிழக்கு மாகாண பணிப்பாளர் ஈ.எல்.ஏ.கரீம்,  செங்கலடி பிரதேச சபையின் முன்னாள் தவிசாளர் எஸ்.வினோத் மற்றும் மூவினத்தைம் சேர்ந்த பொதுமக்களும் கலந்து கொண்டனர்.
»»  (மேலும்)

| |

தேற்றாத்தீவு உதயம் விளையாட்டுக்கழகத்தின் கலை கலாசார விளையாட்டுவிழா

மட்டக்களப்பு தேற்றாத்தீவு உதயம் விளையாட்டுக் கழகத்தின் புதுவருட கலாசார விளையாட்டுப் போட்டியின் முதல் நிகழ்வாக பாரம்பரிய விளையாட்டுக்கள் சார்ந்த போட்டிகள் நேற்று மதியம் முதல் இடம்பெற்றன.கொம்புச்சந்தி பிள்ளையார் ஆலய முன்றலில் கழகத்தின் தலைவர் திரு.கதிரவேற்பிள்ளை அவர்களின் தலைமையில் இந்நிகழ்வுகள் இடம்பெற்றன.
             பாரம்பரிய விளையாட்டுக்களாக கபடி, கிளித்தட்டு ,பாரம் தூக்குதல் ,ஊஞ்சல் ஆட்டம், தொப்பி மாற்றுதல்,  சிறுவர்களுக்கான மாம்பழம் வந்து குட்டுதல், குளம் கரை போன்ற விளையாட்டுக்கள் இடம்பெற்றன இந்நிகழ்வுகளின் தொடர்ச்சியாக மாலை முதல் கலை நிகழ்வுகளும் இடம்பெற்றமை குறிப்பிடத்தக்கது.
»»  (மேலும்)

4/29/2013

| |

தமிழ்த் தேசியக் கூட்டமைப்புக்குள் பிளவு?

இலங்கையில் தமிழ் மக்களின் முக்கிய அரசியல் அணியாக உள்ள தமிழ்த் தேசியக் கூட்டமைப்பை தனியான அரசியல் கட்சியாக பதிவதற்கு இலங்கைத் தமிழரசுக் கட்சி உடன்பட வேண்டும் என்று அந்தக் கூட்டமைப்பில் அங்கம் வகிக்கும் ஏனைய நான்கு தமிழ்க் கட்சிகளும் இரண்டு வார காலக்கெடு விதித்துள்ளன.
அடுத்துவரும் இரண்டு வார காலத்துக்குள் ஐந்து கட்சிகளுக்கும் இடையில் இணக்கப்பாடு எட்டப்படாவிட்டால், தமிழரசுக் கட்சி தவிர்ந்த நான்கு கட்சிகளும் சேர்ந்து தமிழ்த் தேசியக் கூட்டமைப்பாக தம்மைப் பதிவுசெய்துகொள்ள முடிவெடுத்துள்ளதாக நாடாளுமன்ற உறுப்பினர் செல்வம் அடைக்கலநாதன் பிபிசி தமிழோசையிடம் கூறினார்.இதுபற்றி தனது தலைமையிலுள்ள டெலோ எனப்படும் தமிழீழ விடுதலை இயக்கத்தின் மத்திய குழுவிலும் தீர்மானம் எடுக்கப்பட்டுள்ளதாகவும் அடைக்கலநாதன் தெரிவித்தார்.

தமிழ்த் தேசியக் கூட்டமைப்பை தனிக்கட்சியாகப் பதியவேண்டுமென்று கூட்டணிக் கட்சிகள் நீண்டகாலமாக கோரிக்கை விடுத்துவந்தும் அதற்கு தமிழரசுக் கட்சி உடன்படவில்லை என்றும் அவர் கூறினார்.இலங்கைத் தமிழரசுக் கட்சி, ஈபிஆர்எல்எஃப், புளொட், டெலோ, தமிழர் விடுதலைக் கூட்டணி ஆகிய ஐந்துக் கூட்டணிக் கட்சிகளுமே தற்போது தமிழ்த் தேசியக் கூட்டமைப்பு என்ற அடிப்படையில் இயங்கிவருகின்றன.

ஆனால், புரிந்துணர்வு உடன்படிக்கை ஒன்றின் அடிப்படையில் தேர்தல் திணைக்களத்தில் பதிவுசெய்யப்பட்டக் கட்சியாக தமது கூட்டமைப்பு அமைய வேண்டுமென்று மற்றக்கட்சிகள் சம்பந்தன் தலைமையிலான தமிழரசுக் கட்சியுடன் பேச்சுவார்த்தைகளை நடத்திவந்துள்ளன.
தமிழ்க் கூட்டமைப்புத் தலைவர்கள் இந்தியப் பிரதமரை சந்தித்தபோது ( கோப்பு படம்)ஒற்றுமையை வலியுறுத்தியே இதுவரை காலமும் தாம் காத்திருந்ததாகவும் ஆனால், எதிர்வரும் இரண்டு வாரத்துக்குள் தமது கட்சிகளுக்கிடையில் ஒருமித்த கருத்து சாத்தியப்படாவிட்டால் நான்கு கட்சிகள் மட்டும் தனித்து தமிழ்த் தேசியக் கூட்டமைப்பாக பதிவு செய்ய நடவடிக்கை எடுக்கப்படும் என்று டெலோ இயக்கத்தின் தலைவர் கூறினார்.
ஏனைய சக கட்சிகளும் இந்த விடயம் தொடர்பில் தமது மத்திய குழுக்களைக் கூட்டி முடிவெடுத்த பின்னர், பதிவு விடயம் முன்னெடுக்கப்படும் என்றும் அவர் தெரிவித்தார்.

'புரிந்துணர்வுடன் தான் செயற்படுகிறோம்': தமிழரசுக் கட்சி

இதேவேளை, தமிழ்த் தேசியக் கூட்டமைப்பில் அங்கம் வகிக்கும் கட்சிகள் அனைத்தும் ஒரே கட்டமைப்புக்குள் இயங்குவதற்கான பேச்சுவார்த்தைகள் நடந்துள்ளதாகவும் தமக்கிடையில் புரிந்துணர்வு ஏற்பட்டுள்ளதாகவும் இலங்கைத் தமிழரசுக் கட்சியின் பொதுச் செயலாளர் மாவை சேனாதிராஜா தமிழோசையிடம் கூறினார்.


தமிழர் பிரதேசங்களில் தீவிரமடைந்துகொண்டிருக்கும் இராணுவ நில ஆக்கிரமிப்புக்களுக்கு எதிராக போராட வேண்டிய நேரத்தில் தமிழ்த் தேசியக் கூட்டமைப்புக்குள் குழப்பங்களை ஏற்படுத்தும் பிரச்சாரங்களுக்கு இடமளிக்கக்கூடாது என்றும் நாடாளுமன்ற உறுப்பினர் மாவை சேனாதிராஜா கூறினார்.
வட மாகாணசபை தேர்தல் நடந்தால், அதில் தமிழ்த் தேசியக் கூட்டமைப்பு ஒற்றுமையுடன் போட்டியிடும் என்ற நம்பிக்கை தமக்கு இருப்பதாகவும் மாவை சேனாதிராஜா பிபிசி தமிழோசையிடம் தெரிவித்தார்.
»»  (மேலும்)

| |

தோழர் விநோதன் ஒரு தியாகி!



தோழர் விநோதன் புலிகளால் துரோகி பட்டம் சூட்டப்பட்டு கொல்லப்பட்டவர். 1976 தை மாதம் 12 ம் திகதி சண்டிலிப்பாயில் அவரது வீட்டில் வைத்து விநோதனுக்கு கள்ளக்கடத்தல் புள்ளிகளான குட்டிமனி,தங்கதுரை,ஜெகன் ஆகியோரோல் துப்பாக்கிப் பிரயோகம் செய்யப்பட்டது.விநோதன் மயிரிழையில் உயிர் தப்பினார். பிறிதொரு தடவை அவருடைய வீட்டிற்கு கைக்குண்டும் வீசப்பட்டது. பின்னர் 1999ம் ஆண்டு சித்திரை மாதம் 28ம் திகதி கொழும்பில் அவரது வீட்டில் வைத்து புலிகளின் பிஸ்டல் குழுவைச் சேர்ந்தவனால் சுட்டுக் கொல்லப்பட்டார். அகில உலக கொலைமாமணி பிரபாகரனிடமிருந்து விநோதனால் தப்பிக்க முடியவில்லை.காற்றுப் புக முடியாத இடத்திலும் புகுந்து கொல்லும் வல்லமை படைத்தவன் அல்லவா பிரபாகரன்.
புத்தூரைச் சேர்ந்த இளைஞன் ஒருவன் விநோதனிடம் வெளிநாட்டு வேலை வாய்ப்புத் தேடி செல்வதற்கான உதவி தேடி வந்தான்.இதன் மூலம் வினோதனுக்கு நெருக்கமானான் அந்த இளைஞன். அவன் வீட்டிற்கு வந்தால் விநோதன் குடும்பத்தினர் அவனை வரவேற்று உணவு கொடுத்து அனுப்பி வைப்பார்கள். அந்த இளஞன் விநோதனின் நம்பிக்கைக்குரியவன் ஆகிவிட்டான். அந்த நம்பிக்கை தனக்கு ஆபத்தைக் கொடுக்கப் போகிறது என்று வினோதன் அறிந்திருக்கவில்லை.சிறிது நாட்களின் பின் அந்த இளைஞன் அவரது வீட்டு வாசலில் உள்ள காவல் அதிகாரிகள் தன்னை சோதனை செய்து துன்புறுத்துவதாக முறைப்பாடு செய்தான். அவனைச் சோதனை செய்ய வேண்டாம் என்று தனது காவலதிகாரிகளிடம் கட்டளையிட்டார். அவருடைய கட்டளை காரணமாக காவலதிகாரிகள் அந்த இளைஞனை சோதனை செய்யாமல் உள்ளே செல்ல அனுமதித்தனர்..விநோதன் தனது காவல் அதிகாரிகளுக்கு இட்ட கட்டளை அவருக்கு எமனாகியது.
ஒருநாள் விநோதனை சந்திக்க வந்த அந்த இளைஞன் விநோதனைச் சுட்டுக் கொன்றான். ஆனால் கொலைப்பழி வழக்கம் போல ஈபிடிபி கட்சியினர்மேல் சுமத்தப்பட்டது.நாய்க்கு எங்கு அடித்தாலும் அது காலைத்தான் தூக்கும்.விநோதன் உயிருடன் இருந்தால் தங்கள் கட்சிக்கு செல்வாக்கு இல்லாமல் போய்விடும் என்று ஈபிடிபி கட்சியினர் கொலை செய்தார்கள் என்று செய்தியை பரப்பினார்கள். விநோதனைக் கொலை கொலை செய்தவன் புலி இயக்க உறுப்பினர் என்று புத்தூரைச் சேர்ந்தவர்கள் கூறினார்கள். ஒருவரைக் கொல்ல வேண்டுமென்றால் அவருடைய நம்பிக்கைக்குரியவராகி அவரைக் கொல்வது புலிகளின் பாணி.  அமிர்தலிங்கத்தையும் யோகேஸ்வரனையும் சந்திக்கச் சென்ற புலி உறுப்பினர்களான அறிவு,விசு ஆகியோரைச் சோதனையிட வேண்டாமென்று காவலதிகாரிகளிடம் அமிர்தலிங்கம் சொன்னதால் அறிவும்,விசுவும் துப்பாக்கியுடன் உள்ளே செல்ல முடிந்தது. ராஜீவ்காந்தி,பிரேமதாசா,மகேஸ்வரன் ஆகியோர் இப்படித்தான் புலிகளால் கொல்லப்பட்டனர். இப்படி துரோகி பட்டம் சூட்டிக் கொன்ற புலிகளால் தமிழர்களுக்கு எதையும் பெற்றுக் கொடுக்க முடியவில்லை.புலிகளின் முக்கிய பிரமுகர் இன்று கே.பி, கருணா மற்றும் பலர் அரசங்கத்திற்குப் பாத்திரமானவர்களாக இருக்கின்றனர்.
»»  (மேலும்)

4/27/2013

| |

பல தளங்களைக் கொண்ட இலக்கிய கலாநிதி வித்துவான் சா.இ..கமலநாதனின் பணி மகத்தானது - பேரா. சி. மொனகுரு

இலக்கிய கலாநிதி வித்துவான் சா.இ..கமலநாதனின் தமிழ், சமூக, அரசியல் பண்பாட்டு, ஆய்வுப் பணிகள் வரலாற்றில் என்றும் நிலைத்து நிற்கின்றவை என பேராசிரியர் சி.மௌனகுரு தெரிவித்தார். இலக்கிய கலாநிதி வித்துவான் சா.இ..கமலநாதனின் ஓராண்டு நினைவு கூரல் நிகழ்வு நேற்று வியாழக்கிழமை மட்டக்களப்பு அரங்க ஆய்வுகூடத்தில் பேராசிரியர் சி.மௌனகுரு தலைமையில் நடைபெற்றது. இங்கு உரையாற்றியபோது பேராசிரியர் சி.மௌனகுரு இதனைத் தெரிவித்தார். இங்கு தொடர்ந்து உரையாற்றிய அவர், இலக்கிய கலாநிதி வித்துவான் சா.இ.கமலநாதன் - மட்டக்களப்பின் தமிழ் அறிஞர் வரிசையில் மிகமுக்கியமானவர். மட்டகளப்பு பூர்வ சரித்திரம், பாரத அம்மானை போன்ற மட்டக்களப்பின் சரித்திர ஆவணங்களை ஏட்டிலிருந்து அச்சுக்கு மாற்றி மக்கள் பார்வைக்குக் கொண்டு வந்தவர். அத்துடன், பேராசிரியர் வித்தியானந்தன் மட்டக்களப்புக் கூத்துக்களை வெளியுலகுகின் பார்வைக்குக் கொணர்ந்த போதும், அதனடியாக புதிய நாடகங்களான கர்ணன் போர், நொண்டி நாடகம், இராவணேசன் ஆகிய நாடகங்களைத் தயாரித்த போதும் அவருக்கு வலது கரமாக நின்று செயற்பட்டு மட்டக்களப்பு கூத்துக்கலையை வெளியுலகறிய வைத்தவர் என்பதும் குறிப்பிடத்தக்கது. இவ்வாறான பெருந்தகையை நாம் மட்டக்களப்பு மறந்துவிடக் கூடாது. இலக்கிய கலாநிதி வித்துவான் கமலநாதனின் பணிகளை நாங்கள் அவருடைய அரசியல் வாழ்க்கை, அவருடைய சமூக வாழ்க்கை, கல்வி, கலை, ஆராய்ச்சித் துறைக்கு அவருடைய பங்களிப்பு என பல துறைகளில் ஆராயலாம். அரசியல் துறைக்கு என்ன பங்கு என்று பார்த்தால் மாறுபட்ட அரசியல் போக்கு கொண்டவர்கள் பலருடனும் பழகியவராக இருந்தாலும் முழுக்க முழுக்க தமிழ் தேசிய தன்மையான அரசியலை கொண்டிருந்தவர். மட்டக்களப்பின் அரசியல் 60 களில் நிலப்பிரபுத்துவத் தன்மையானதாக இருந்த போது அதனை எதிர்கொண்டு சாதாரணமானவர்களை வெளிக் கொணர்ந்தவர். சமூக அக்கறைச் செயற்பாடு குறித்துப் பேசுவதாக இருந்தால் பகுத்தறிவுச் சிந்தனை கொண்ட புரட்சிகர சிந்தனை கொண்ட குழுவில் முக்கியஸ்தராக செயற்பட்டிருக்கிறார். தமிழ் பணியின் நோக்கினால், பயிற்றப்பட்ட ஆசிரியர், பேராதனைப் பல்கலைகழகத்தில் வித்துவான் கற்கை கற்று வந்தவர். அத்துடன் மட்டக்களப்பில் பெருந்தொகையான வெளிவாரிப் பட்டங்களைப் பெற்றவர்கள் உருவாவதற்கு காரணமாக இருந்தவர். ஆராய்ச்சித் துறையைப் பார்த்தால் மட்டக்களப்பு பூர்வ சரித்திரம், பாரத அம்மானை உள்ளிட்ட இரண்டு நூல்களை வெளிக் கொணர்ந்தார். அத்துடன் விபுலானந்தரின் எழுத்துக்களை 5 தொகுதிகளாக வெளியிட்டிருக்கிறார். இவை வெளிக்கொண்டுவரும் தகவல்கள் வரலாற்றாளர்களுக்கு முக்கியமானதாக அமைந்திருக்கிறது. கலைத்துறையை நோக்கினால் பேராசிரியர் வித்தியானந்தன் மட்டக்களப்புக்கு வர காணமாக இருந்தவர் வித்துவான் கமலநாதன் தான். வித்தியானந்தனைப் பற்றிய விமர்சனங்கள் இருந்தாலும் அவர் மட்டக்களப்பின் கலைத்துறைக்கு ஆற்றிய பங்களிப்பினை யாரும் மறந்துவிடக்கூடாது. அவர் மட்டக்களப்பின் கூத்துக்கலையாக எவ்வளவு சிரமங்களை அனுபவித்தார் என்பதற்கு பல உதாரணங்கள் இருக்கின்றன. வித்தியானந்தன் தயாரித்த நாடகங்களில் கூட கமலநாதன் நடித்தும் இருக்கிறார். அதேவேளை மட்டக்களப்பின் பிரபல பாடசாலையான புனித மிக்கேல் கல்லூரியின் அதிபராக இருந்திருக்கிறார். அத்துடன் வித்துவான் கமலநாதனின் மனைவியும் அதிபராக இருந்திருக்கிறார். வித்துவான் கமலநாதனின் குடும்பத்தினால் சுமார் 23 வருடங்களுக்கும் மேல் புனித மிக்கேல் கல்லூரி வழிநடத்தப்பட்டிருக்கிறது. அதன் மூலம் பல கல்வியாளர்களை கமலநாதன் உருவாக்கியிருக்கிறார். மட்டக்களப்பு அரங்க ஆய்வு கூடத்தில் நடைபெற்ற இந்நிகழ்வில், பேராசிரியை சித்திரலேகா மௌனகுரு, பேராசிரியர் செ.யோகராசா, சுவாமி விபுராலனந்தர் அழகியல் கற்கைகள் நிறுவகப் பணிப்பாளர் கலாநிதி கே.பிரேமகுமார், கிழக்குப் பல்கலைக்கழக சிரேஸ்ட விரிவுரையாளர் திருமதி ரூபி வலன்ரீனா பிரான்சிஸ், உள்ளிட்ட பலரும் உரையாற்றினர்.
»»  (மேலும்)

4/26/2013

| |

மேதின நிகழ்வகளில் கலந்துகொள்ளுமாறு அனைத்து உழைக்கும் வர்க்கங்களையும் தமிழ் மக்கள் விடுதலைப் புலிகள் கட்சி அன்புடன் அழைக்கின்றது.

தொழிலார்களின் நாளான மேதினத்தினை முன்னிட்டு எதிர்வரும் 01.05.02013 அன்று மாபெரும்மேதின ஊர்வலப் பேரணி ஒன்றினை தமிழ் மக்கள்  விடுதலைப் புலிகள் கட்சி ஏற்பாடு செய்துள்ளது.இப்பேரணியினை தமிழ் மக்கள் விடுதலைப் புலிகள் கட்சியின் ஒருங்கிணைந்த நிறுவனங்களின்  பணிப்பாளர் க.மோகன் அவர்கள் ஏற்பாடு செய்வதுடன், இப்பேரணியினை தமிழ் மக்கள் விடுதலைப் புலிகள் கட்சியின் தேசியத் தலைவர் சிவனேசதுரை  சந்திரகாந்தன் அவர்கள் தலமை தாங்கி நடாத்துகின்றார்.
செங்கலடி சந்தியிலிருந்து வாகனங்களின் பவனியுடன் ஆரம்பமாகும் இப்பேரணியானது, மட்டக்களப்பு தேவநாயகம் மண்டபத்தை அடைந்து, அங்கு மேதினக் கூட்டமும் இடம்பெற இருக்கின்றது.  எனவே அன்றைய தினம் இடம்பெறும் மேதின நிகழ்வகளில் கலந்துகொள்ளுமாறு அனைத்து உழைக்கும் வர்க்கங்களையும் தமிழ் மக்கள் விடுதலைப் புலிகள் கட்சி அன்புடன் அழைக்கின்றது
»»  (மேலும்)

4/25/2013

| |

வட்டவானில் மாதிரி பழத்தோட்டம.; முன்னாள் முதல்வரினால் பழக் கன்றுகள் வழங்கி வைப்பு

முன்னாள் கிழக்கு மாகாண முதலமைச்சர் சிவநேசதுரை சந்திரகாந்தன் அவர்களினது முயற்சியின் பயனால் வாகரைப் பிரதேச செயலாளர் பிரிவில் உள்ள வட்டவான் எனும் கிராமத்தில் மாதிரி பழத் தோட்டம்  ஒன்று அமைக்கப்ட்டு வருகின்றன. சுமார்70 இலட்சம் ரூபாய் செலவில் அமைக்கப்பட்டுள்ள இவ் மாதிரி பழத்தோட்ட கிராமத்திலுள்ள 25 பயனாளிகள் திவிநெகும திட்டத்தின் கீழ் தேர்வு செய்யப்பட்டு அவர்களைக் கொண்டு இப் பழத்தோட்டம் பராமரிக்கபட இருக்கின்றன.
இன்று பிரதேச செயலாளர் ஆர்.ராகுலநாயகி தலைமையில் இப் பழத்தோட்டத்தில் பழ மரக் கன்றுகள் நடும் நிகழ்வு இடம் பெற்றது. இதில் பிரதம அதிதியாக முன்னாள் முதலமைச்சரும் தமிழ் மக்கள் விடுதலைப் புலிகள் கட்சியின் தலைவரும் ஜனாதிபதியின் ஆலோகசருமான சிவநேசதுரை சந்திரகாந்தன் கலந்து கொண்டு பயனாளிகளுக்கு பழக் கன்றுகளை வழங்கி வைத்ததுடன் பழக்கன்றுகளையும் நட்டு வைத்தார். வாழை ,பலா, கொய்யா, மா தோடை மற்றும் மாதுளை போன்ற பழமரக் கன்றுகள் வழங்கி வைக்கப்பட்டன.
இ;ந நிகழ்வில் பிரதேச செயலகத்தின் உதவி திட்டமிடல் பணிப்பாளர், கிராம சேவையாளர்; ,விவசாய போதனாசிரியர்கள், கிரமத் தலைவர் சுரேஸ் உட்பட கிராம மக்கள் மற்றும் பிரதேச செயலகத்தின் உத்தியோகஸ்த்தர்களும் கலந்து கொண்டார்கள்.
»»  (மேலும்)

4/24/2013

| |

சுரேசுக்கு பேபே மண்டையன் குழு தலைவருக்கு முதலமைச்சர் ஆசையா முடியாது என்கிறார் சம்பந்தன்



முன்னாள் இராணுவ குழுக்கள் தமிழ்த் தேசிய கூட்டமைப்பில் இருக்கும்போது அதனை ஓர் அரசியல் கட்சியாக பதிவு செய்யும் சாத்தியம் இல்லை என நாடாளுமன்ற உறுப்பினர் இரா. சம்பந்தன் தலைமையிலான இலங்கை தமிழரசுக் கட்சி கூறியுள்ளதாக செய்திகள் தெரிவிக்கின்றன.

மன்னார் ஆயர் இராயப்பு ஜோஸப்புடன் பேசியபோது இலங்கை தமிழரசுக் கட்சியின் தலைவர்களான இரா.சம்பந்தன் மற்றும் எம்.ஏ.சுமந்திரன் ஆகியோர், முன்னாள் போராட்ட குழுக்கள் தமிழ்த் தேசிய கூட்டமைப்பில் அங்கம் வகிக்கும்போது அதனை பதிவு செய்ய முடியாது என கூறியதாக தெரிவிக்கப்பட்டுள்ளது.

இந்த போராட்ட குழுக்களின் முன்னாள் இழைத்த கொடூரங்கள் பற்றி அரசாங்கம் தகவல்களை சேர்த்துவைத்திருப்பதாக இலங்கை தமிழரசுக் கட்சி கருதுகின்றது. எனவே இப்போது பதிவு செய்ய முற்பட்டால் அரசாங்கம் சட்ட பிரச்சினைகளை கிளப்ப முடியும் என கட்சி நம்புகின்றது. ஆயினும், இலங்கை தமிழரசுக் கட்சி, அவர்களுடன் தேர்தல் ஒப்பந்தத்திற்கு பச்சைக் கொடி காட்டியுள்ளது.

வட மாகாண சபை தேர்தலுக்கு முன்னர் தமிழ்த் தேசிய கூட்டமைப்பில் பிளவு ஏற்படுவதை தடுப்பதற்கு மன்னார் ஆயர் மற்றும் சிவில் சமூக அமைப்புக்களும் முயன்று வருகின்றன. எதிர்க்கட்சியான ஐக்கிய தேசிய கட்சியும் ஒற்றுமையாக இருக்க வேண்டும் என அதன் தலைவர்களை கேட்டுள்ளனர்.
»»  (மேலும்)

| |

பாடசாலைகளில் ஆசியரியர்கள், மாணவர்கள் செல்லிடப்பேசி பாவிக்கத்தடை - கல்குடா வலயக் கல்வி பணிப்பாளர்-

செங்கலடியில் கடந்த 07 ஏப்ரல் இடம்பெற்ற இரட்டைக்கொலைச் சம்பவத்தில் குற்றவாளிகளாக செங்கலடி மத்திய கல்லூரி மாணவர்கள் நான்குபேர் கைதுசெய்யப்பட்டுள்ளனர். இந்த நிலையில் இன்றைய தினம் முன்னாள் முதல்வர் சி.சந்திரகாந்தன் அவர்களின் தலைமையில் வலயக்கல்வி பணிப்பாளரினால் பாடசாலை ஆசிரியர்கள், பெற்றோர்கள் மற்றும் தரம் 9 -13 வரையிலான மாணவர்களுக்கான கலந்துரையாடல் இடம்பெற்றது.
பாடசாலை வேளைகளில் ஆசிரியர்கள், மாணவர்கள் செல்போன் பாவிப்பதற்கு தடை விதிக்கப்பட்டுள்ளதுடன், மீறுவோர் மீது சரியான நடவடிக்கை எடுக்கப்படும் எனவும் கல்குடா வலயக் கல்விப் பணிப்பாளர் சிறி கிருஸ்னானந்தராசா அவர்கள் தெரிவித்தார்.
கல்குடா வலயத்திலுள்ள அணைத்து பாடசாலைகளிலும், பாடசாலை வளாகத்திற்குள் மாணவர்கள் செல்போன் கொண்டுவருவது என்பது முற்றாக தடை செய்யப்பட்டுள்ளதுடன், ஆசிரியர்கள் பாடசாலை நேரங்களில் மற்றும் பாடவேனளகளில் பயன்படுத்துவதற்கும் தடைவிதிக்கப்பட்டுள்ளது.
செல்போன் பாவனை மாணவர் மத்தியில் அதிகரித்து வருவதுடன், அத்தகைய பாவனையினால் மாணவர்கள் காதல் மற்றும் கீழ்த்தரமான நடவடிக்கைகளிலும் ஈடுபட்டு வந்தமை அண்மையில் இடம்பெற்ற கொலையில் நிருபணமாகியுள்ளமையும் குறிப்பிடத்தக்கது.
»»  (மேலும்)

| |

மட் செங்கலடி மத்திய கல்லூரி வழமைக்கு திரும்பியது

கடந்த 07ந் திகதி  செங்கலடியில் இடம் பெற்ற இரட்டைக் கொலைச்சம்பவத்துடன் செங்கலடி மத்திய கல்லூரி மாணவர்கள் தொடர்புபட்டிருந்தார்கள். இதனால் பாடசாலை நிருவாகம் முற்றாக சீர்குலைந்திருந்தது. அதிபர், ஆசிரியர்கள், மாணவர்கள், பெற்றோர்கள், மற்றும் நலன் விரும்பிகள் மத்தியில் பல்வேறு கருத்துக்கள் நிலவி வந்தன. அதிபர் மற்றும் சில குறிப்பிட்ட ஆசிரியர்களை இடமாற்றம் செய்யவேண்டும் என ஓர் சாராரும் அவ்வாறு இடம்பெறக்கூடாது என இன்னொரு சாராரும் வாதப் பிரதிவாதங்களை செய்து கொண்டிருந்தார்கள். இதன் வெளிப்பாடாக ஒரு சில துண்டுப் பிரசுரங்களும் வெளிவந்தன.
மேற்குறித்த நிலைமைகளை ஆராய்ந்த முன்னால் முதலமைச்சரும், கிழக்கு மாகாணசபை உறுப்பினரும், ஜனாதிபதி ஆலோசகரும், தமிழ் மக்கள் விடுதலைப் புலிகள் கட்சியின் தலைவருமான திரு.சிவநேசதுரை சந்திரகாந்தன் உடனடியாக இன்று 23.04.2013 கல்குடா வலயக்கல்வி பணிப்பாளர், வித்தியாலயத்தின் அதிபர், ஆசிரியர்கள், மற்றும் மாணவர்கள், பெற்றோர்கள் ஆகியோரிடம் விசேட கலந்துரையாடல் மேற்கொண்டிருந்தார். அக்கலந்துரையாடலானது மூன்று கட்டங்களாக இடம்பெற்றது.
முதலாவது அதிபர், ஆசிரியர்களுக்கும், இரண்டாவது கூட்டம்; 10,11,12,13ம், தரமாணவர்களுக்கும், மூன்றாவது கூட்டமாக பெற்றுறோர்களுக்கும் இடம்பெற்றது. இவ் விசேட கூட்டத்திற்க்கு சுமார் 2000 பெற்றோர்கள் வருகை தந்நிருந்தார்கள். இவர்கள் மத்தியில் உரையாற்றிய முன்னாள் முதலமைச்சர் சி.சந்திரகாந்தன்,
உண்மையில் நடந்நிருக்கின்ற கொலைச்சம்பவமானது ஜீரணிக்க முடியாது ஒன்று. அதேவேளை இதில் செங்கலடி மகாவித்தியாலயத்தின் மாணவர்கள் ஈடுபட்டிருப்பதென்பது மிகவும் அதிர்ச்சியளிக்கின்றது. அதேவேளை இவ்வாறான ஓர் சம்பவம் இடம் பெற்றிருக்கிறது என்பதற்காக முழுமையாக பாடசாலை நிருவாகத்தை குற்றம் கூறுவது சாத்தியமான ஓர் விடயம் அல்ல.
எனவே தவறு நடந்திருப்பது உண்மை. எனவே கல்குடா வலயத்திலேயே அதிகப்படியான பெறுபேறுகளை தந்திருக்கின்ற இப்பாடசாலைக்கு இப்படியொரு நிலமை ஏற்பட்டிருப்பது உண்மையில் கவலைக்குரிய விடயமாகும். எனவே தொடர்ந்து நாங்கள் கல்வியிலே வளர்ச்சி காணவேண்டும். அதற்கு இது போன்ற சம்பவம் ஓர் தடைக்கல்லாக அமைந்து விடக்கூடாது. இன்றிலிருந்து நாம் அனைவரும் இப்பாடசாலையின் நற்பெயருக்கு கலங்கம் ஏற்படாத வண்ணம் செயற்படுவதற்;கு திடசங்கர்ப்பம் பூணவேண்டும்.
அதேவேளை தொடர்ந்து வருகின்ற காலங்களில் இந்தப் பாடசாலை ஏனைய பாடசாலைகளுக்கு ஓர் முன்னுதாரணமான பாடசாலையாகவும், நல்ல பெறுபேறுகளை எங்களது மாவட்டத்திற்க்கு வழங்கி நற்பெயருடன் திகழ பெற்றோர்கள், ஆசிரியர்கள், கல்விமான்கள், பாடசாலை மாணவர்கள் , ஏனையோர்கள் அனைவரும் செயல்படவேண்டும். அதற்கு எனது பூரண ஒத்துழைப்பு என்றும் உண்டு என்பதனைக் குறிப்பிட்டார்.
இந்நிகழ்வில் கல்குடா வலயக்கல்வி பணிப்பாளர் சிறி கிருஸ்ணானந்தராஜா, அதிபர் மு.சிறிதரன் பாடசாலை அபிவிருத்தி சங்க செயலாளர், ஏறாவூர் பொலிஸ் குற்றப்பிரிவு பொறுப்பதிகாரி விக்கிரமநாயக்க உள்ளிட்டோர் கலந்து கொண்டனர்.
 
»»  (மேலும்)

4/23/2013

| |

எழுத்தாளர் ஊக்குவிப்பு மையத்தின் தமிழியல் விருது 2013 விண்ணப்பம் கோரல்

எழுத்தாளர் ஊக்குவிப்பு மையத்தினால் வருடம் தோறும் நடத்தப்படும் தமிழியல் விருது வழங்கலின் 2013ஆம் ஆண்டுக்கான விருதுகளுக்கு விண்ணப்பங்கள் கோரப்பட்டுள்ளன. எழுத்தாளர் ஊக்குவிப்பு மையம் ஆண்டுதோறும் ஈழத்திலும், வெளிநாடுகளிலும் வாழ்கின்ற ஈழத்துத் தமிழ்ப் படைப்பாளிகளை ஊக்குவிக்கும் வண்ணம், தமிழியல் விருது வழங்கி வருகின்றது. இவ்வாண்டும் 5 ஆவது தடவையாக, இவ்விருதினை வழங்குவதற்கு எழுத்தாளர் ஊக்குவிப்பு மையம் செயல்வடிவம் கொண்டுள்ளது. அந்த வகையில், இலக்கிய மேம்பாட்டுக்கு உரமாய் உழைத்த மிகச் சிறந்த மூத்த படைப்பாளி ஒருவருக்கு எழுத்தாளர் ஊக்குவிப்பு மைய ஸ்தாபகர் ஓ.கே.பாக்க்கியநாதன் உயர் தமிழியல் விருது வழங்கிக் கௌரவிக்கும். அதே போல் தமிழ் இலக்கிய மேம்பாட்டுக்கு உரமாய் உழைத்த மூதத் படைப்பாளிகள் 10 பேருக்கு, வவுனியூர் ஸ்ரீராமகிருஷ்ண்ணா கமலநாயகி தமிழியல் விருதுடன் தலா ரூபா 15,000ரூபா வழங்கிக் கௌரவிக்கும். ஈழத்துப் படைப்பாளி அல்லாத அயல் நாட்டு தமிழ்ப்பணியாளர் ஒருவருக்கு கல்விமான் வ.கனகசிங்க்கம் தமிழியல் விருதுடன் ரூபா 25,000ஃ- வழங்கிக் கௌரவிக்கும். அத்துடன், இனநல்லுறவு தமிழியல் விருது, சிறந்த நூலுக்கான தமிழியல் விருதுகளும், 2012 யில் வெளிவந்த சிறந்த 15 நூல்களுக்கு, சுவாமி விபுலாநந்த அடிகளார் தமிழியல் விருது, புலவர்மணி பெரியதம்பிப்பிள்ளை தமிழியல் விருது, புலவர்மணி ஆ.மு.ஷரிபுத்தீன் தமிழியல் விருது, அருட்கலைவாரிதி சு.சண்முகவடிவேல் தமிழியல் விருது, நாவலாசிரியை பவளசுந்தரம்மா தமிழியல் விருது, கலைஞர் ஓ.கே.கணபதிப்பிள்ளை தமிழியல் விருது, கல்விமான் க.முத்துலிங்கம் தமிழியல் விருது, பம்பைமடு நாகலிங்கம் - நல்லம்மா தமிழியல் விருது பதிவாளர்நாயகம் எஸ்.முத்துக்குமாரன் தமிழியல் விருது, வித்தியாகீர்த்தி ந.சந்திரகுமார் தமிழியல் விருது, தகவம் வ.இராசையா தமிழியல் விருது, செந்தமிழ்ச்செல்வர் சு.ஸ்ரீகந்தராஜா தமிழியல் விருது, பம்பைமடு கந்தையா இரஞ்சிதமலர் தமிழியல் விருது, கவிஞர் கல்லாறன் மு.கணபதிப்பிள்ளை தமிழியல் விருது, துறையூர் வே.நாகேந்திரன் தமிழியல் விருதுகளும் வழங்கப்படவுள்ளன. அத்துடன் வருடத்தின் மிகச் சிறந்த ஓவியர் ஒருவருக்கு ஓவியர் கிக்கோ தமிழியல் விருதுடன் ரூபா 10,000ரூபாவும் வழங்கிக் கௌரவிக்கப்படும். அந்த வகையில், 2012ம் ஆண்டுக்க்கான தமிழியல் விருதுக்கான நூல்க்களைத் தேர்வு செய்ய படைப்பாளிகளிடம் இருந்து நூல்களை எழுத்தாளர் ஊக்குவிப'பு மையம் எதிர்ப்பார்க்கின்றது. ஈழத்திலும் வெளிநாடுகளிலும், வாழ்கின்ற ஈழத்து தமிழ்ப் படைப்பாளிகள் நூலுக்கான தமிழியல் விருதுக்காக நூல்களை அனுப்பி வைக்கலாம். நாவல், சிறுகதை, கவிதை, குழந்தை இலக்கியம், சிறுவர் இலக்கியம், விடலை இலக்கியம், நாடகம், அறிவியல், ஆய்வியல், வரலாறு, பழந்தமிழ் இலக்கியம், மொழி பெயர்ப்பு, தொழில்நுட்பம் எனப் பல்துறை சார்ந்த நூல்களை தேர்வுக்காக அனுப்பி வைக்கலாம். நூல்கள் 2012 ஜனவரி 1 முதல் 2012 டிசம்பர் 31 காலப்பகுதியில் பிரசுரிக்கப் பட்ட நூல்களின் 3 படிகள் அனுப்பப் பெறுதல் வேண்டும். நூல்களுடன் 15.05.2013க்கு முன்னர் பெயர், முகவரி, தொலைபேசி இலக்கம், மின்னஞ்சல் முகவரி கொண்ட விபரத்தினை இணைத்து டாக்டர்.கே.குணநாதன் மேலாளர், எழுத்தாளர் ஊக்குவிப்பு மையம், 64, கதிர்காமர் வீதி, அமிர்தகழி, மட்டக்களப்பு, இலங்கை.என்ற விலாசத்திற்கு அனுப்பி வைத்தல் வேண்டும் என அறிவிக்கப்பட்டுள்ளது.
»»  (மேலும்)

| |

கெனடி விளையாட்டுக் கழகத்தின் கலாசார விளையாட்டு விழா

மட்டக்களப்பு களுதாவளை கெனடி விளையாட்டுக் கழகத்தின் 55 வது ஆண்டு நிறைவு  விழாவும் சித்திரைப் புத்தாண்டு கலாசார விழாவும் 21.04.2013 ஞாயிற்றுக் கிழமை பி.ப 02.00 மணிக்கு கழகத் தலைவர் செ.அருள்ராஜா தலைமையில் இடம்பெற்றது இருக்கின்றது. இவ்விழபவிற்கு பிரதம அதிதியாக மட்டக்களப்பு மேலதிக அரசாங்க அதிபர் சி.பாஸ்கரன் அவர்களும், சிறப்பு அதிதியாக மண்முனை தென் எருவில் பற்று பிரதேச செயலாளர் எஸ்.சுதாகர் அவர்களும் இன்னும் பல அதிதிகளும் கலந்து சிறப்பிக்க இருக்கின்றனர்.இவ்விழாவில் தமிழர்களின் கலை கலாசார பாரம்பரியங்களை பிரதிபலிக்கும் பல விளையாட்டுக்கள் இடம்பெற்றன.
»»  (மேலும்)

| |

கிழக்கு மாகாணத்திற்கான ஆட்பதிவு திணைக்களத்தின் அலுவலகம் திறக்க ஏற்பாடு

இலங்கை ஆட்பதிவு திணைக்களத்தின் கிழக்கு மாகாண அலுவலகம் மட்டக்களப்பு மாவட்டத்தின் மண்முனை வடக்கு பிரதேச செயலகத்தில் திறக்கப்படவுள்ளதாக பிரதேச செயலாளர் கே.கிரிதரன் தெரிவித்தார்.
அடுத்த மாத இறுதியளவில் இந்த அலுவலகம் திறக்கப்படவுள்ளதாகவும் அவர் கூறினார். 
பிரதேச செயலக கட்டிடத்  தொகுதியில் இதற்கென ஒருபிரிவு ஏற்படுத்தப்பட்ட நிலையில், இந்த அலுவலகத்திற்கான நிர்மாணப்பணிகள் யாவும் பூர்த்தியடைந்துள்ளதாகவும் பிரதேச செயலாளர் கே.கிரிதரன் தெரிவித்தார்.
»»  (மேலும்)

| |

மட்டக்களப்பு செங்கலடி இரட்டைகொலை நடந்தது என்ன?

மட்டக்களப்பு – செங்கலடி நகரில் கடந்த வாரம் இடம்பெற்ற இரட்டைக் கொலைச் சம்பவத்தில் ஈடுபட்ட கொலையாளிகள் மேலும் பல தகவல்களை தெரிவித்துள்ளனர்.  குருவி மற்றும் அயன் போன்ற சினிமா படங்களைப் பார்த்து இந்த கொலைக்கான முன்மாதிரியை அறிந்துகொண்டதாக கைது செய்யப்பட்ட செங்கலடி மத்திய மகாவித்தியாலய மாணவர்கள் தெரிவித்துள்ளனர்.
ரகு தம்பதியினரை மர்மமான முறையில் கொலை செய்வதற்கு ஏற்கனவே இவர்கள் திட்டமிட்டிருந்ததாகவும் தெரியவந்துள்ளது. கடந்த மார்ச் 27 ஆந் திகதி தூக்க மாத்திரையை உட்கொள்ளச்செய்துவிட்டு தலையணையால் அமுக்கி கொலை செய்த பின்னர் தகப்பனை கிணற்றுக்குள் போட்டு கொலை செய்வதாக திட்டம் ஒன்றை அவர்களது மகள் தக்ஸிகா மேற்கொண்டிருந்தார்.
அப்போது ரகு தனது மனைவியைக் கொன்றுவிட்டு தான் தற்கொலை செய்துவிட்டார் என தகவல் வெளியாகும் இதன் மூலம் தாம் தப்பிக்கொள்ளலாம். தமது காதலும் சிரமமின்றி நிறைவேறும் என இவர்கள் எண்ணியிருந்ததாக தெரிவிக்கப்படுகிறது.
எனினும் அத்திட்டம் வெற்றியளிக்காததால் அவர்களை வெட்டி கொலை செய்வதென காதலர்கள் இருவரும் முடிவு செய்ததாக விசாரணைகளிலிருந்து தெரியவந்திருக்கிறது.
தற்போது இடம்பெற்றுள்ள திட்டங்கள் செங்கலடி மத்திய கல்லூரி மற்றும் பிரைட் ரியுசன் சென்றரிலும் வகுக்கப்பட்டது. கொலை செய்வதற்கான நுட்பத்தை அறிந்து கொள்வதற்காக இணையத்தளங்களை பயன்படுத்தியுள்ளதாக கைதுசெய்யப்பட்டுள்ள மாணவர்கள் தெரிவித்துள்ளனர்.
 
அன்று சித்திரை மாதம் 7 ஆந் திகதி நள்ளிரவு செங்கலடி – பதுளை வீதியில் இடம்பெற்ற இரட்டைக் கொலைச் சம்பவம் வர்த்தகர்களையும் அந்த பிரதேசத்தையும் சோகத்துக்குள்ளாக்கியதோடு பெரும் அதிர்ச்சியையும் ஏற்படுத்தியுள்ளது
தனது சுய முயற்சியினால் வர்த்தகத்தில் முன்னேற்றமடைந்து வந்த 47 வயதான சிவகுரு ரகு மற்றும் 41 வயதுடைய அவரது மனைவி சுந்தரமூர்த்தி விப்ரா கூரிய ஆயுதங்களினால் படுக்கையறையில் வெட்டியும் குத்தியும் மிகக் கொடூரமான முறையில் கொலை செய்யப்பட்டுள்ளார்கள்.
 செங்கலடி நகரைப் பொறுத்தவரை 24 மணி நேரமும் பொலிஸாரின் ரோந்து கண்காணிப்புக்குரிய நகர் என்று கூறமுடியும். அப்படியிருந்தும் இந்த படுகொலைச் சம்பவம் பாதுகாப்புத் தரப்பினரின் கண்களுக்குப் புலப்படாமல் இடம்பெற்றுள்ளது.
படுகொலை செய்யப்பட்ட வர்த்தகரான சிவகுரு ரகு கிரான் பிரதேசத்தைச் சேர்ந்தவர். செங்கலடியைச் சேர்ந்த விப்ராவை திருமணம் செய்தவர். இவர்களுக்கு வைஷ்னவி (வயது 21) தலக்ஷனா (வயது 16) என இரு புதல்விகள் உள்ளனர். இந்த இரு பிள்ளைகளையும் மிகவும் அன்போடு வளர்த்து வந்தார்கள்.
ஆரம்பத்தில் சிறியளவில் வர்த்தகத்தை ஆரம்பித்த அவர் தனது மனைவியின் பக்கபலத்துடன் பொருளாதரத்தை வளப்படுத்திக் கொண்டார். இவரது குடும்பத்தைப் பொறுத்தவரை ஒரு மகிழ்ச்சிகரமான சூழலைக் கொண்டது.
வர்த்தகரும் மனைவியும் படுக்கையறையில் கொடூரமாக கொல்லப்பட்டனர். பொலிஸார் சற்று நேரத்திலேயே இவ்விடத்திற்கு விரைந்த போதிலும் கொலையாளிகள் தொடர்பான எந்தவொறு தடயங்களும் கண்டெடுக்கப்படவில்லை. இதனால் இக்கொலைகள் முன்மாதிரியைப் பின்பற்றி நன்கு திட்டமிடப்பட்ட முறையில் இடம்பெற்றிருப்பதை உணரமுடிந்தது.
எனினும் குடும்ப உறவினர்களில் ஒத்துழைப்பின்றி இக்கொலைகள் செய்திருக்க முடியாது என்ற ஒரேயோரு துடுப்பு மாத்திரமே புலனாய்வுத் துறையினருக்கு எஞ்சியிருந்தது. அந்த அடிப்படையில் விசாரணைகள் ஆரம்பிக்கப்பட்டன.
கிழக்குப் பிராந்திய பிரதி பொலிஸ் மா அதிபர் பூஜித ஜெயசுந்தர உள்ளிட்ட அதிகாரிகள் அதிகாலை வேளையிலேயே அவ்விடத்திற்கு வந்தனர். அதையடுத்து இராணுவம் மற்றும் பொலிஸ் பலனாய்வுப் பிரிவினரும் மோப்ப நாய்கள் சகிதம் சம்பவ இடத்திற்கு விரைந்தனர்.
கொலையாளிகளின் தடயங்களைத் தேடினார்கள் தடயங்கள் கிடைக்கவில்லை நாய்களை மோப்பம் பிடிக்க விட்டார்கள் அந்த நாய்கள் கொலையாளிகளைத் தேடி ஓடின ஆனாலும் சம்பவ இடத்திலிருந்து 250 மீற்றரைக் கூட தாண்டவில்லை மோப்ப நாய்களால் கூட கொலையாளிகள் சென்ற பாதை மற்றும் மறைந்துள்ள இடத்தை கூட துல்லியமாக அறிய முடியவில்லை.
எவ்வாறிருப்பினும் பொலிஸார் முதலில் குடும்ப உறுப்பினரர்களது வாக்குமூலங்களைப் பதிவு செய்தனர் அதன் மூலமேனும் பொலிஸாருக்கு துப்புத் துலங்கவில்லை. பின்னர் பொலிஸ் மா அதிபரின் பணிப்புரைக்கு அமைய பொலிஸ் சிஐடி யினர் கொழும்பிலிருந்து வருகை தந்து புலனாய்வுப் பணிகளை முடுக்கிவிட்டார்கள். ஏறாவூர் பொலிஸ் நிலைய பொறுப்பதிகாரி கஞ்சன கொடகொம்பர தலைமையில் பொலிஸ் பரிசோதகர் கிரான் செனவிரெடன, சார்ஜனட்களான நஜிமுடீன், சறுக், ரபிக் மற்றும் பொலிஸ் உத்தியோகத்தர்களான தாஹிர், அனுராத, புருசோத்மன், நலிம், வன்னிநாயக, கிஸ்ஸானாயக்க மற்றும் விதான ஆகியோரைக் கொண்ட விஷேட பொலிஸ் குழுவொன்றும் விசாரணையில் ஈடுபட்டது அதனையடுத்து ஓரிரு நாட்கள் கடந்த பின்னர் இளய மகளின் காதல் விவகாரம் கசியத் தொடங்கியது.
இதையடுத்து சந்தேகப்பட்ட காதலனின் தொலைபேசி அழைப்புகள் கண்கணிக்கப்படன அதன் மூலமாக கித்துள் பிரதேசத்தைச் சேர்ந்த மாணவனொருவன் கைது செய்யப்படார். அதனைத் தொடர்ந்து காதலன் மற்றும் அவரது நண்பரும் கைதுசெய்யப்பட்டனர். இர்கள் அனைவரும் செங்கலடி மத்திய கல்லூரியில் க.பொ.த சாதாரண தரத்தில் கல்விபயிலும் 16 வயதுடைய மாணவர்கள் என்பது மக்களுக்கு வியப்பை ஏற்படுத்தியது.
கொல்லப்பட்டவர்களது இளய மகள் ரகு தலக்ஷனா அவரது காதலன் சிவநேசராசா அஜந் அவரது நண்பர்களான புவனேந்திரன் சுமன் மற்றும் குமாரசிங்கம் நிலக்சன் ஆகியோரே சந்தேக நபர்களாக கைது செய்யப்பட்டு பொலிஸாரினால் விசாரிக்கப்பட்டனர்

பொலிஸ் விசாரணையையடுத்து ஏறாவூர் சுற்றுலா நீதி மன்ற நீதிபதி ரி.கருணாகரன் முன்னிலையில் ஆஜர்படுத்தப்பட்டனர். நீதிபதியின் உத்தரவின் பேரில் எதிர்வரும் 24 ஆம் திகதி வரை மட்டக்களப்பு சிறைச் சாலையில் (பாடசாலை மாணவர்கள் என்ற காரணத்தினால்) தனியான அறையில் விளக்க மறியலில் வைக்கப்பட்டுள்ளார்கள்.
இக்கொலைச் சம்பவம் தொடர்பாக பொலிஸ் விசாரணைகள் மூலம் பல்வேறு திகிலூட்டும் தகவல்கள் வெளியாகியுள்ளன.
மகளின் காதல் விவகாரத்தை விரும்பாத தந்தை ரகு பலமுறை எச்சரிக்கை செய்ததுடன் காதலனை தாக்கியுள்ளார். இதையடுத்து காதலுக்கு பெற்றோர் இடையூறாகவேயிருப்பார்கள் என்று முடிவு செய்த இவர்கள் வஞ்சந்தீர்க்கும் எண்ணத்துடன் செயற்பட்டு வந்துள்ளனர். பாடசாலையிலும் ரியுசன் வகுப்பறையிலும் பழிதீர்க்கும் திட்டத்தைத் தீட்டியுள்ளனர்.
கடந்த சித்திரை மாதம் 7 ஆந் திகதி மாலை ரகு தனது மனைவி மக்களுடன் புத்தாண்டு உடு துணிகள் வாங்குவதற்காக மட்டக்களப்பு நகருக்குச் சென்றனர் அந்த நேரம் தொடக்கம் இளைய மகள் தனது கையடக்கத் தொலைபேசி ஊடாக எஸ்எம்எஸ் மூலம் தனது காதலனுடன் தொடர்பில் இருந்துள்ளார்.
காதலனும் நண்பர்களும் அருகிலுள்ள வைத்தியசாலைகளுக்குச் சென்று தங்களுக்கு தூக்கம் குறைவாக இருப்பதாகக் கூறி பெரும் எண்ணிக்கையிலான தூக்க மாத்திரைகளைப் பெற்று இடித்துத் தூளாக்கி கைவசம் வைத்திருந்தனர்.
ரகு தனது குடும்பத்தாருடன் புத்தாண்டுக்குத் தேவையான உடு துணிகள் வாங்கவதற்குச் சென்ற பின்னர் மகள் தலக்ஷனா காதலனுடன் தொலைபேசியில் தொடர்பு கொண்டு விடயத்தை அறிவித்திருக்கிறார்.
வீட்டின் திறப்பு சமையலறை யன்னல் ஓரத்தில் உள்ளது நீங்கள் வீட்டிற்குச் சென்று குசினியில் மீன்கறி கட்டியில் தூக்க மாத்திரைத் தூளைக் கலந்துவிடுமாறு கூறியிருக்கிறாள். காரியம் கச்சிதமாக மூடிந்திருக்கிறது.
அன்றிரவு 7 மணிக்குப் பின்னர் வீடு ரகுவின் குடும்பத்தினர் திரும்பியிருக்கிறார்கள்;. வழமை போல் மகிழ்ச்சியுடன் காணப்பட்டார்கள். ஆனால் தங்களின் இளைய மகள் காதலனுடன் சேர்ந்து தங்களுக்கு எதிராக செய்திருந்த சூழ்ச்சிணை அறிந்திருக்க வில்லை.
சம்பவ தினம் இரவு ரகுவின் மூத்த மகள் வைஷ்னவி வழக்கம் போல அம்மம்மாவின் வீட்டிற்குச் தூங்கியிருக்கிறாள் தாய் விப்ரா மூத்த மகளுக்கு இரவு சாப்பாடு எடுத்துச் சென்றிருக்கிறார்;. மூத்த மகள் அதில் ஒரு கவளத்தை வாயில் வைத்து விட்டு’கசக்கிறது அம்மா’ என்று உணவைத் துப்பியுள்;ளார். தாயார் ‘உனக்கு சாப்பிட விருப்பம் இல்லாட்டி இப்படித்தான் சொல்ர’என்று கடிந்து கொண்டதாக கூறப்படுகிறது. பின்னர் தந்தை ரகுவும் உணவை உண்ட போது ஏதோ ஒரு கசப்பு தன்மை காணப்படுவதை உணர்ந்தார்.
அன்றிரவு ரகுவும் மனைவியும் வழமை போல்; ஓர் அறையிலும் இளைய மகள் மற்றைய அறையிலும் உறக்கத்திற்குச் சென்று விட்டார்கள். அத்தினம் நள்ளிரவுக்கு சற்று முன்னதாக அளைய மகள் தொலைபேசி மூலம் தனது காதலனுடன் தொடர்பில் இருந்திருக்கிறார். அவர்களை அழைத்து வீட்டின் முன் கதவை திறந்து ஒத்துழைப்பு வழங்கியிருக்கிறாள் கொலையாளிகளி உள்ளே நுழைந்து படுக்கையறைக்குள் சென்று கைத்தொலைபேசி வெளிச்சத்தின் உதவியுடன் கட்டிலில் படுத்துக்கொண்டிருந்த விப்ராவை அடையாளங்கண்டு தாக்கி கழுத்தை அறுத்துள்ளனர். இச்சமயம் அருகில் படுத்திருந்த ரகு எழுந்து கொலையாளிகளுடன் போராடியுள்ளார். கொலையாளியிலாருவர் ரகுவின் வாயை பொத்தியுள்ளார் அந்தநேரம் ரகு கொலையாளியின் கையைக்கடித்து காயப்படுத்தியுள்ளார். கொலையாளிகள் ரகுவை பொல்லால் கடுமையாகத் தாக்கி கழுத்தையும் அறுத்துள்ளார்கள். அச்சமயம்; தாக்கும் சத்தம்கேட்டு விப்ராவின் தந்தை சுந்தரமூர்த்தி மகளின் வீட்டிற்கு வந்தபோது படுக்கையறையில் மின்விளக்கு வெளிச்சத்தில் ரகுவை பொல்லால் அடிப்பதை அவதானித்தார்.
அதனைக் கண்டதும் அவருக்கு இரத்த அழுத்தம் அதிகரித்துவிட்டது மூச்சுத் திணறல் ஏற்பட்டது. செய்வதறியாது தடுமாறினார் உடனடியாக திரும்பி தனது வீட்டிற்குச் சென்று மருந்து உட்கொண்டுவிட்டு மீணடும் வந்தபோது நபரொருவர் ஒடுவதை அவதானித்திருக்கிறார். அப்போது மகளின் வீட்டுக்கதவின் குறுக்குப் பொல்லு விழுந்த சத்தமும் கேட்டது. அவ்வேளை வீட்டில் படுத்திருந்த தலக்ஷனா ‘அம்மா அம்மா’ என்று கூப்பிடும் சத்தம் கேட்டதும் சுந்தரமூர்த்தி ‘சத்தம் போட வேண்டாம் மகள் வந்து குசினி பக்க கதவ திற’ என்றார் உள்ளே வந்து பார்த்தபோது மகளும் மருமகனும் இரத்த வெள்ளத்தில் கிடப்பதைக் கண்ணுற்றார்.

அயல் வீட்டாரை அழைத்தார் எவருமே வரவில்லை வீட்டின் முன்னால் இருந்த செங்கலடி பிரதேச வைத்திய சாலைக்குச் சென்று நிலைமையைக் கூறினார். அங்கு செங்கலடி சந்தியில் பொலிஸாரிடம் கூறுமாறு ஆலோசனை தெரிவிக்கப்பட்டுள்ளது. அதன்பின்னர் பொலிஸார் வந்து பார்வையிடடனர்.;
இந்த இரட்டைக் கொலைச் சம்பவம் தொடர்பாக மக்கள் மத்தில் பல்வேறு ஊகங்கள உலாவின. முன்னாள் ஆயுதக்குழுக்களுடன் தொடர்புடையவர்கள் யாராவது சம்மந்தப்பட்டிருக்கலாம்? குடுத்பத்தில் யாராவது பின்னணியிலிருந்திருக்கலாம்? வர்த்தகப் போட்டியாக இருக்கலாம் என்று சந்தேகம் நிலவின. இருந்தபோதிலும் தற்போது கைதுசெய்யப்பட்டுள்ள சந்தேக நபரான இளைய மகள் தலக்ஷனாவின் நடவடிக்கைகள் முகபாவங்களைக் கண்டு மரணச் சடங்கிற்கு வந்த பலரும் அவளின் மீது சந்தேகப்பட்டு கண்புருவங்களைச் சுருக்கிப் பார்த்தனர். ஏதேதோ பேசிக்கொண்டனர்.
இது தொடர்பான மரண விசாரணை ஏறாவூர் சுற்றுலா நீதிமன்ற நீதிபதி ரி.கருணாகரன் முன்னிலையில் நடைபெற்றது.
கொல்லப்பட்டவர்களின் இரண்டாவது மகள் தலக்ஷனா (தற்போது சந்தேக நபர்களில் ஒருவர்) சாட்சியமளிக்கையில்,
‘ஞாயிற்றுக் கிழமை மாலை 4.30 மணியளவில் நான், அப்பா, அம்மா, அக்கா அனைவரும் சித்திரரைப் புத்தாண்டிற்காக உடுப்பு எடுக்க மட்டக்களப்பிற்குச் சென்று அன்றிரவு 7 மணிக்கு பின்பு வீட்டிற்கு வந்தோம்.
அக்கா அம்மம்மாவின் வீட்டில் உறங்கச் சென்றார். எங்கள் அம்மா அக்காவுக்கு இரவுச் சாப்பாடு எடுத்துச் சென்றார். அக்கா கொஞ்சம் சாப்பிட்டுப் பார்த்துவிட்டு கறி கசக்கிறது என்றார். அதற்கு அம்மா ‘உனக்கு இதுதான் கத’ என்று சொன்னார். அப்பாவும் கறியைச் சாப்பிட்டுவிட்டு ‘ஓம் கசக்கிறதுதான்’ என்றதும் அக்கறியை வீசிவிட்டோம். அதன் பிறகு அம்மம்மாவின் வீட்டில் சமைத்த ஆட்டிறைச்சி கறியை சாப்பிட்டோம்.
அத்தினம் நள்ளிரவு வேளையில் அலரல் சத்தம் கேட்டது நுளம்பு வலைக்குளிருந்தவாறு அம்மாவைக் கூப்பிடடேன் அப்போது வாசலில் நின்று அம்மப்பா என்னைக் கூப்பிட்டு குசினி கதவை திறக்குமாறு கேட்டார் திறந்தேன் அதன் பின்னர் படுக்கையறையை அவதானித்தேன் அம்மா கட்டிலிலும் அப்பா நிலத்திலும் இரத்த வெள்ளத்தில் காணப்பட்டனர்’ என்றார்.
 
இது தொடர்பான மரண விசாரணை ஏறாவூர் சுற்றுலா நீதிமன்ற நீதிபதி ரி.கருணாகரன் முன்னிலையில் கொலை செய்யப்பட்ட பெண்ணின் தந்தை பொன்னுத்துரை சுந்தரமூர்த்தி சாட்சியமளிக்கையில்
‘சம்பவ தினம் நள்ளிரவு வேளையில் அடிக்கும் சத்தம் கேட்டது எழுந்து முன்னால் இருந்த மகளின் வீட்டைப் பார்த்தேன். ஆள் அலரும் சத்தமும் வந்தது உடனே குசினி பக்கம் சென்றேன் கதவுகள் மூடிய நிலையிலேயே இருந்தன. யுன்னல் ஊடாக படுக்கையறையைப் பார்த்தேன். மருமகனுக்கு ஒருவன் அடித்துக் கொண்டிருந்தான். மின்விளக்கு எரிந்த போதிலும் யன்னலின் சிறிய துவாரத்தினால் அங்கு அடித்துக்கொண்டிருந்த நபரை அடையாளங்காண முடியவில்லை நான் அதிர்த்தியடைந்து செய்வதறியாது அங்குமிங்கும் ஓடினேன். அப்படியிருக்க கதவு மூடும் பொல் தடியொன்று விழும் சத்தம் கேட்டது அதையடுத்து ஒரு நபர் ஓடிச் செல்வதை காண முடிந்தது.
நான் மகளின் வீட்டிற்குச் சென்று தம்பி தம்பி என்று மருமகனைக் கூப்பிட்டேன் எந்த பதிலம் கிடைக்கவில்லை பின்னர் மகள் மகள் என்று கூப்பிடடேன் பதில் எதுவும் இல்லை அப்படியிருக்க அவ்வீட்டில் உறங்கிய பேத்தி எழுந்து வந்து கூப்பிட்டாள். நான் சத்தமிட்டு குசினிப் பக்கக் கதவைத் திறக்கச் சொன்னேன. திறந்து ‘ என்ன அம்மப்பா’ என்று கேட்டாள் ஒன்றுமில்லை ஒன்றுமில்லை என்று கூறிவிட்டு மகளின் படுக்கையறைக்குச் சென்றேன் அங்கு மகளும் மருமகனும் இரத்த வெள்ளத்தில் கிடந்தனர்.
உடனே அக்கம் பக்கத்தவர்களை அழைத்தேன். எவரும் எழுந்துவரவிலலை முன்னால் உள்ள ஆஸ்பித்திரிக்குச் சென்று நிலைமையைக் கூறினேன். ஆங்கு பொலிஸாருக்கு அறிவிக்கும்படி தெரிவித்தார்களள் ஓடோடிச் சென்று செங்கலடி சந்தியில் கடமையிலிருந்த பொலிஸாரிடம் சம்பவத்தைக் கூறினேன் விரைந்து வந்து பார்த்தார்கள் இவ்வளவுதான் என்னால் கூற முடியும்’என்றார்
மரண விசாரணை சாட்சியங்கள் மற்றும் பிரேதப் பரிசோதனை அறிக்கiயின் படி இரண்டு மரணங்களும் கொலை என தீர்ப்பளிக்கப்பட்டது.
இந்த இரட்டைக் கொலை தொடர்பாக பொலிஸார் உறவினர்கள், அயலவர்கள் பாடசாலை சமூகம் மற்றும் சக மாணவர்கள் என பலரையும் விசாரணைக்குட்படுத்தியதாகவும் இருவர் இரகசியப் பொலிஸாரினால் விசாரணைக்கென கொழும்புக்கு அழைத்துச் செல்லப்பட்டதாகவும் அறிய முடிகிறது.
இந்த விசாரணைகளின் படி பொலிஸாருக்கு கிடைத்த இரசிய தகவலின் பிரகாரம் புத்தாண்டிற்கு முதல் நாள்; 13 ஆந் திகதி குமாரசிங்கம் நிலக்சன் என்பவர் செங்கலடி – பதுளை வீதியிலுள்ள கித்துள் பிரதேசத்தில் அவரது வீட்டிலிருந்த நிலையில் பொலிஸாரினால் கைது செய்யப்பட்டார்.
இவரிடம் மேற்கொண்ட விசாரணைகளையடுத்து படுகொலை செய்யப்பட்டவர்களின் இளைய மகள் அவரது காதலன் மற்றும் நண்பர் என சந்தேக நபர்கள் புதுவருட தினமன்று கைது செய்யப்பட்hர்கள். இவர்களிடம் விசாரணை மேற்கொண்டபோது திடுக்கிடும் பல தகவல்கள் வெளியாகியதாக பொலிஸார் கூறினர்.
இக்கொலை தொடர்பாக பொலிஸ் தரப்பு தகவல்கள் மூலம் தெரிய வருவதாவது:
கொலையாளிகள் அஜந்தின் வீட்டிலிருந்த கத்திகள் மற்றும் கோடரிப்பிடி முகமூடி கையுறை காலுறை தூக்கமாத்திரை மற்றும் மிளகாய்த்தூள் போன்றவற்றை பாடசாலை பையில் எடுத்துக் கொண்டு செங்கலடி பிள்ளையார் கோவில் பகுதியில் மறைத்து வைத்துள்ளனர். அதன் பின்னர் சந்தை வீதியிலுள்ள சுமனின் வீட்டிற்குச் சென்று பிறந்தநாள் வைபவ வீடொன்றில் சோடனை செய்வதற்காக செல்வதாக கூறி அவரையும் அழைத்துக் கொண்டு பிள்ளையார் கோவில் மதில் பகுதியில் பதுங்கியிருந்து தக்ஷனாவுடன் எஸ்எம்எஸ் மூலம் தொடர்பு கொண்டுள்ளனர்.
‘பெற்றோர் உறங்கிவிட்டனர் வரலாம்’ என எஸ்எம்எஸ் வந்தவுடன் இவர்கள் மூவரும் ஆயுதங்களுடன் வீட்டில் முன் மதிலால் பாய்ந்து வளவிற்குள் சென்றதும் தலக்ஷனா முன் வாசல் கதவை திறந்து உள்ளே வரவழைத்து பெற்றோரின படுக்கையறையை திறந்து விட்டுள்ளார். இந்த நேரம் ரகுவின் வீட்டு நாய் குசினி கதவருகில் நின்று குரைத்துக் கொண்டிருந்தது. தலக்ஷனா நாயை கட்டுப்படுத்தியுள்ளார்.
கொலையாளிகள் வெளியேறிய பின்னர் கையுறைகள் முகமூடிகள் கொலை சம்பவத்தின் போது இவர்கள் அணிந்திருந்த ஆடைகள் அம்மன்புரம் ஆற்றோரம் பிரம்பு புதருக்குள் புதைக்;கப்பட்டிருந்தன.
இவர்களிடம் தொடர்ந்து மேற்கொள்ளப்பட்ட விசாரணைகளின் போது வர்த்தகரின் மகள் ஒன்றுக்கு மேற்பட்ட சிம்களை பயன்படுத்தி வெள்வேறு இலக்கங்களில் தொடர்புகளை ஏற்படுத்தியிருந்ததாக அறிய முடிகிறது.
தலக்ஷனா சந்தேகத்தின் பேரில் கைதுசெய்யப்பட்ட பின்பு பொலிஸாருக்கு வழங்கிய வாக்குமூலத்தில்
நான் அஜந் என்பவரை காதலித்தது உண்மை. முகமூடி அணிந்து அவர்களை மிரட்;டுவதற்காகவே அவர்களை வர சொன்னனே தவிர கொலை செய்யும் நோக்கத்திற்காக அல்ல. இவர்களது நடமாட்டத்தை கண்டு நாய் குரைத்ததும் வெளியே வந்து நாயைக் கலைத்து விட்டு மீண்டும் வீட்டிற்குள் வந்து பார்த்த போது அம்மா இறந்து கிடந்தார் அப்பாவை அஜந் அடித்துக் கொண்டிருந்தார் சத்தம் கேட்டு பக்கத்து வீட்டில் வசிக்கும் பாட்டனார் வந்த வேளை மூவரையும் அனுப்பிவிட்டு நான் பயத்தினால் எனது அறையை பூட்டிவிட்டு தூங்கிவிட்டேன். என தெரிவித்துள்ளார்.
»»  (மேலும்)

4/22/2013

| |

வட மாகாணம் மூவின மக்களுக்கும் உரியதாக கட்டி எழுப்பப்படவேண்டும்

வட மாகாணம் தமிழ், சிங்களம், முஸ்லிம்களென மூவின மக்களும் வாழும் மாகாணமாகக் கட்டியெழுப் பப்படவேண்டுமென அமைச்சர் ரிசாட் பதியுதீன் தெரிவித்தார்.
அத்தகைய சூழலை உருவாக்கி அதற்குத் தலைமைத்துவம் வழங்க வேண்டுமென ஜனாதிபதியைக் கேட்டுக்கொண்ட அமைச்சர்; அதற்கான பூரண ஒத்துழைப்பை வழங்கத் தயாராகவுள்ளதாகவும் தெரிவித்தார்.
வெலிஓயா மகாவலி வலய மக்களுக்கு காணி உறுதிப்பத்திரம் வழங்கும் வைபவம் வெலிஓயா மகாவலி விளையாட்டரங்கில் நடைபெற்றது. இந்நிகழ்வில் கலந்துகொண்டு உரையாற்றிய போதே அமைச்சர் இவ்வாறு தெரிவித்தார். அவர் தமதுரையில் மேலும் தெரிவித்ததாவது;
வெலிஓயா பிரதேச மக்கள் புலிகளின் தாக்குதலினால் பெரிதும் பாதிக்கப்பட்ட வர்கள் இப்பகுதி பெளத்த தேரர்களே அவர்களைப் பாதுகாத்தனர். பலர் இறந் தனர். பெருமளவிலானோர் அகதிகளாகினர்.
அக்காலத்தில் நான் புனர்வாழ்வு அமைச்சராக இருந்து மக்களின் துன்பங்களைக் கண்டு முடிந்தளவில் அவர்களுக்கு உதவினேன்.
ஜனாதிபதியின் தலைமைத்துவத்தில் அமைச்சர் நிமல் சிறிபால டி சில்வாவின் அமைச்சின் மூலம் இந்த மக்களுக்கு காணி உறுதிப் பத்திரம் வழங்கப்படுவது மகிழ்ச்சியளிக்கிறது. இது இம்மக்களுக்கான பெரும் வரப்பிரசாதமாகும். இப்பகுதி பாராளுமன்ற பிரதிநிதி என்ற வகையில் இதற்காக நான் எனது நன்றியைத் தெரிவித்துக்கொள்ள விரும்புகிறேன்.
இந்தப் பிரதேசத்தில் 2000 குடும்பங்கள் உள்ளனர். அவர்களின் குடியிருப்புப் பிரச்சினை இது வரை தீர்க்கப்படவில்லை. காணிப் பிரச்சினைகளும் அவர்களுக்கு உள்ளன. அந்த மக்களைப் பாதுகாப்பதும் அவர்களின் தேவைகளைப் பெற்றுக்கொடுப்பதும் எமது பொறுப்பு. அவர்களின் தேவைகளைப் பெற்றுக்கொடுக்குமாறு நான் ஜனாதிபதியிடம் கேட்டுக் கொள்கிறேன்.
சிங்கள மக்களை மட்டுமன்றி மெனிக் பாமில் தங்கவைக்கப்பட்டிருந்த மூன்று இலட்சம் தமிழ் மக்களை மீளக் குடியமர்த்தியதுடன் அவர்களுக்கு சகல வசதிகளையும் ஜனாதிபதியவர்கள் பெற்றுக்கொடுத்துள்ளார். அதேபோல புலிகளினால் விரட்டப்பட்ட முஸ்லிம் மக்களை மீளக்குடியமர்த்த நடவடிக்கை எடுத்து வருகின்றார். அதேபோன்று வடக்கிலிருந்து இடம்பெயர்ந்த சகல சிங்கள மக்களையும் மீளக்குடியமர்த்த வேண்டும். வடக்கு சிங்களம், தமிழ், முஸ்லிம் மக்கள் இணைந்து வாழும் மாகாணமாக வேண்டும். அதனை நிறைவேற்றி அதற்கான தலைமைத்துவத்தை ஜனாதிபதி வழங்க வேண்டும். அதற்கான உச்சளவு ஒத்துழைப்பை வழங்க நாம் தயார் எனவும் அமைச்சர் மேலும் தெரிவித்தார்.
»»  (மேலும்)

| |

சீனாவின் சிச்சுவான் மாகாண பூகம்பம்:

சீனாவின் சிச்சுவான் மாகாணத்தில் ஏற்பட்ட நிலநடுக்கத்தில் பலியானோர் எண்ணிக்கை 203 ஆக உயர்ந்துள்ளதோடு, 11,500 பேரளவில் காயமடைந்து ள்ளனர்.
எனினும், மீட்புப் பணியாளர்கள் பாதிக்கப்பட்ட பகுதிகளை அடைவதில் தொடர்ந்து சிரமத்தை எதிர்நோக்குவதாக அங்கிருந்து வரும் செய்திகள் தெரிவிக்கின்றன. பின்தங்கிய கிராமப்பகுதிகளை மையம் கொண்டு கடந்த சனிக்கிழமை இடம்பெற்ற 7.01 ரிச்டர் அளவான நிலநடுக்கத்தில் பாதிக்கப்பட்ட வீதிகள் சேதமடைந்துள்ளன. இதனால் அவசர பணியாளர்கள் நடைபாதையாகவே குறித்த பகுதிகளை அடைந்து வருகின்றனர்.
பாதிக்கப்பட்ட பகுதிகளுக்கு சென்றுள்ள இராணுவத்தினர் இரவு முழுவதும் மீட்புப் பணியில் ஈடுபட்டனர். பாதிக்கப்பட்ட பகுதி மக்கள் தற்காலிக கூடாரங்கள் மற்றும் வாகனங்களிலேயே இரவை கழித்தனர். நிலநடுக்கத்தால் காயமடைந்தோரில் 960 பேர் கவலைக்கிடமான நிலையில் உள்ளனர்.
மீட்பு நடவடிக்கைகளை கண்காணிப் பதற்காக பிரதமர் லீ கெக்கியாங் அங்கு விரைந்துள்ளார். மீட்பு நடவடிக்கையே தமது முதல் இலக்கு என அவர் ஊடகங்களுக்கு குறிப்பிட்டுள்ளார்.
இந்த நிலநடுக்கத்தால் திபத்திய பீடாபூமியின் அடிவாரத்தில் இருக்கும் கிராமம் ஒன்று முழுவதுமாக அழிந்துவிட்டது போல் காட்சியளிப்பதாக சீன அரச ஊடகம் கூறியுள்ளது. மற்ற பல பகுதிகளில் வீடுகள் தரைமட்டமாகியுள்ளன. மிக மோசமாக பாதிக்கப்பட்டுள்ள மேற்கு செங்க்டூ பிராந்தியத்திற்கு படையினர் சுமார் 6000 பேர் அனுப்பப்பட்டுள்ளனர்.
இடிபாடுகளுக்குள் சிக்கியிருந்த பலரை மீட்புப் பணியாளர்கள் மீட்டு வருவதை தொலைக்காட்சிகள் காண்பிக்கின்றன.
கடும் நிலநடுக்கத்தைத் தொடர்ந்து 30க்கும் மேற்பட்ட முறை பின்னதிர்வுகள் ஏற்பட்டதால் கட்டடத்திற்குள் செல்லாமல் மக்கள் அனைவரும் அச்சத்துடன் சாலையிலேயே பல மணி நேரம் காத்திருந்தனர்.
பாதைகள் சேதமடைந்திருப்பதால் அம்புலன்ஸ் வண்டிகள், தீயணைப்பு மற்றும் இராணுவ லொறிகள் பாதிக்கப்பட்ட பகுதிகளுக்கு செல்ல முடியாமல் நேற்றைய தினத்தில் வீதியெங்கும் நெரிசலில் சிக்கியிருந்தன.
பொக்சிஸ் பிராந்தியத்தின் லொங்மன் கிராமத்தில் இருக்கும் அனைத்து கட்டடங்களும் தரைமட்டமாகி இருப்பதாக செய்தி வெளியாகியுள்ளது. உடைந்து விழுந்த கட்டடங்களில் பெரும்பாலானவை பாடசாலைகள் மற்றும் பாலர் பாடசாலை கட்டடங்களாகும். இதனையடுத்து உள்ளூர் நிர்வாகம் குறித்து பெரும் அதிருப்தி வெளியாகியுள்ளது.
இதே சிச்சுவான் மாகாணத்தில் 2008 ஆம் ஆண்டு ஏற்பட்ட நிலநடுக்கத்தில் ஆயிரக்கணக்கானோர் கொல்லப்பட்டதோடு, 5 மில்லியன் பேர் தமது வீடுகளை இழந்தனர்.
»»  (மேலும்)

4/21/2013

| |

இலங்கையில் இலக்கிய சந்திப்பை நடத்தவிடாதுசண்டித்தனம் பண்ணி தடுக்கும் சீமான்கள் யார்? அம்பலபடுத்துகிறார் ராகவன்

siva  





இலண்டன் இலக்கியச் சந்திப்புக் குறித்து இறுதியாகச் சில சொற்கள்:
- ராகவன்

பல்தரப்பட்ட பிரச்சாரங்களினூடான நியாயப்படுத்தலினால் தவறுகள் சத்தியமாகாது, யாரும் கவனிக்காமல் போனாலும் சத்தியம் தவறாவதில்லை.
- காந்தி 

கடந்த ஏப்ரல் 6 - 7 ம் தேதிகளில் லண்டனில் நடந்து முடிந்த 40வது இலக்கிய சந்திப்பின் பின், நேர்மையற்ற பொய் தகவல்களையும் புரட்டுகளையும் நண்பர்கள் சிவலிங்கம் - சுசீந்திரன் இருவரும் தங்களது இணைய அறிக்கைகளில் அவிழ்த்து விட்டிருப்பது வேதனைக்குரியது. இவ்வறிக்கைகள் இவர்களது அரசியற் பண்பாடு, நேர்மை, ஜனநாயகம் ஆகியவற்றை கேள்விக்குள்ளாக்கியிருக்கின்றன.

இலக்கியச் சந்திப்பு நிகழ்ந்து முடிந்து, பொதுசபையில் இலங்கையில் நடத்துவதாக முடிவும் எடுக்கப்பட்ட பின்பு, அந்த முடிவை சுசீந்திரனும் சிவலிங்கமும் கொச்சைபடுத்தி பொறுப்பற்றதனமாக அறிக்கைகளை வெளியிட்ட செயல் இலண்டன் இலக்கிய சந்திப்புக் குழுவினரையும் இலக்கிய சந்திப்பில் கலந்து கொண்டவர்களையும் மட்டுமல்லாமல் ஜனநாயக நெறியையும் கேவலப்படுத்துவதாகும்.

இலண்டன் இலக்கிய சந்திப்பு நிகழ்வு நடந்து முடிந்தவுடன் நான் ஒரு சிறு குறிப்பை எழுதி நண்பர் பௌசருக்கு அனுப்பி அவரது கருத்தைக் கேட்டேன். அவர் எனது குறிப்புகளில் சில மேலதிக விடயங்களை சேர்க்குமாறு கோரினார். தனக்கு எனது குறிப்புகளில் கருத்து வேறுபாடு இல்லை என்றார். முக்கியமாக இலண்டன் சந்திப்பின் நோக்கமே இந்தப் பிரச்சனைகளை பொதுசபையில் வாதித்து ஜனநாயகரீதியான முடிவொன்றை எட்டுவதே என்றார். எனது குறிப்பு ஏப்ரல் 13ம் தேதி மின்னஞ்சல் சுற்றுக்கு அனுப்பப்பட்டு அதற்கு நல்ல வரவேற்பும் இருந்தது. 

நான் சிவலிங்கத்திடமும் இது குறித்துப் பேசி நமக்கிடையேயான சிறு சிறு முரண்பாடுகளை பெரிதாக்குவது நல்ல விடயமாகாது என்றேன். அதற்கு அவர் சில பிரச்சனைகளை எனது மின்னஞ்சல் குறிப்பில் நான் சொல்லவில்லை என்றும் தான் ஒரு பதிவை எழுதப் போவதாகவும் கூறினார். நான் நல்ல விடயம் என்றேன். சுசீந்திரனுக்கும் ஒரு மின்னஞ்சல் அனுப்பி தோழமைரீதியாகப் பிரச்சினைகளை அணுகுமாறும் நான் கேட்டேன். ஆனால் சிவலிங்கமும் சுசீந்திரனும் இவ்வாறு முன்னுக்கு பின் முரணாகவும் அயோக்கியதனமாகவும் அறிக்கைகளை வெளியிடுவார்கள் என நான் எதிர்பார்த்திருக்கவில்லை. 

நான் எழுதிய சிறு குறிப்பு பலருக்கும் எனது மின்னஞ்சல் ஊடாகவே அனுப்பப்பட்டது. ஆனால் சிவலிங்கம் எழுதிய குறிப்பு 40வது இலக்கிய சந்திப்பின் பிரத்தியேக மின்னஞ்சல் ஊடாக அனுப்பப்பட்டது தற்செயலானதா எனக் கேள்வி எழுப்ப விரும்புகின்றேன். இலண்டன் இலக்கிய சந்திப்பு குழுவினர் அனைவரதும் அனுமதியைப் பெற்று இலக்கியச் சந்திப்பின் மின்னஞ்சல் முகவரியைப் பயன்படுத்தி சிவலிங்கத்தின் அறிக்கை அனுப்பப்படவில்லை. நான் பௌசரிடம் சிவலிங்கத்தின் தனிப்பட்ட கருத்து இலக்கிய சந்திப்பு மின்னஞ்சலால் அனுப்பப்பட முடியுமெனில் எனது கருத்தும் அவ்வாறே அனுப்பபடவேண்டும், நானும் இலண்டன் இலக்கியச் சந்திப்புக் குழுவில் இருந்தேன் என்றேன் . அது குறித்துப் பேசுவதாகச் சொன்ன பௌஸரிடமிருந்து இதுவரை ஒரு பதிலும் இல்லை. ஆனால் சிவலிங்கத்தினது நியாயமற்ற பொய் அறிக்கை இலக்கியச் சந்திப்பு மின்னஞ்சல் ஊடாகப் பரப்பப்படுகிறது. தனிப்பட்ட சுற்றுக்கு விடப்பட்ட அந்த அறிக்கை இணயதளங்களிலும் அரங்கேறுகிறது. இதனைத் தொடர்ந்து நண்பர் சுசீந்திரன், இலண்டன் இலக்கியச் சந்திப்பு பற்றிய குறிப்பொன்றை 'சித்தன் கொட்டில்' என்ற தனது வலைப்பதிவில் எழுதி அது முகப் புத்தகங்களிலும் மின்னஞ்சலிலும் சுற்றுக்கு விடப்பட்டிருக்கிறது.

இவர்கள் இருவரதும் அறிக்கைகளினது சாரம்சம்:
1. சிவலிங்கம் ‘இலங்கையில் நடத்துவதா இல்லையா என்பதை வாக்களிப்பு மூலம் தீர்மானிக்க முடியாது .வாக்களிப்பவருக்கான அடிப்படை தகுதி வரையறுக்கப்படாத நிலையில் வாக்கெடுப்பு என்ற அம்சம் பொருத்தமற்ற தேர்வாகிறது’ என்கிறார்.
சுசீந்திரன் இன்னுமொருபடி மேலே போய் ‘அடுத்த இலக்கியச் சந்திப்பு எங்கே நடாத்துவது என்ற முடிவெடுக்கின்ற தருணம் பார்த்து அந் நிகழ்வுக்குத் தலைமைவகுத்து, இலக்கியச் சந்திப்பின் நீண்ட 25 வருட வரலாற்றில் இதுநாள்வரை எவ்வித சம்பந்தமுமேயில்லாத பார்வையாளர்களை திட்டமிட்டுக் கொண்டுவந்து கையுயர்த்தக் கோரி, இனிமேலும் பொருத்த முடியாதபடி இலக்கியச் சந்திப்பினை உடைத்து, உற்சாகமாக இயங்கும் பலரது அரசியல் சமூக அக்கறைகளைத் தகர்த்தெறிந்து மகிழ்கின்றவர்களாக சிலரைக் காணமுடிகிறது’ என்கிறார்.
2. "லண்டன் இலக்கியச் சந்திப்பு குழுவினரின் தீர்மானப்படி சாத்திரி பேச அழைக்கப்பட்டிருந்தார். லண்டன் சந்திப்பு குழுவில் அங்கம் வகித்த ராகவன் அக்குழுவின் ஜனநாயக முடிவை மதிக்காமல் தானும் இணைந்து எடுத்த முடிவை எதிர்த்து அங்கு நடந்து கொண்ட முறை அவரது ஜனநாயகம் பற்றிய புரிதல்களை கேள்விக்குட்படுத்துகிறது" என்றும் சொல்கிறார் சிவலிங்கம். 

இலக்கிய சந்திப்பு பற்றிய சர்ச்சைகள் இருந்த போது இப்பிரச்சனைகளை சுமுகமாகத் தீர்க்க நான் ஒரு பரிந்துரையை லண்டன் சந்திப்பு குழுவினருக்கும் இலங்கை இலக்கியச் சந்திப்புக் குழுவினருக்கும் பொதுவாக முன்வைத்தேன் ‘இருதரப்பினரும் புரிந்துணர்வுடன் 40வது சந்திப்பை ஏப்ரலில் லண்டனிலும், 41வது சந்திப்பை யூலையில் இலங்கையிலும் நடத்துவதாக ஓர் உடன்பாட்டுக்கு வந்து அதைக் கூட்டறிக்கையின் மூலம் பொதுவில் அறிவிப்பது". என்பதே எனது பரிந்துரையாக இருந்தது. இதனை இலங்கையில் நடத்த விரும்பியவர்கள் ஆதரித்து பெப்ரவரி 2013 இலண்டன் இலக்கிய சந்திப்பு குழுவினருக்கு ஒரு மடலை அனுப்பியதோடு அதைப் பகிரங்கமாக வெளியிடவும் செய்தார்கள். அதற்கு லண்டன் குழுவினர் அளித்த பதில்: நண்பர் ராகவன் அவர்களின் முன்மொழிவு "இருதரப்பினரும் புரிந்துணர்வுடன் 40வது சந்திப்பை ஏப்ரலில் லண்டனிலும், 41வது சந்திப்பை யூலையில் இலங்கையிலும் நடத்துவதாக ஓர் உடன்பாட்டுக்கு வந்து அதைக் கூட்டறிக்கையின் மூலம் பொதுவில் அறிவிப்பது" : இந்த விடயத்தில் முடிவெடுத்து அறிவிக்கும் பொறுப்பு எமக்கு இல்லை என தெளிவாகவே உணர்கிறோம். இலக்கிய சந்திப்பு பொது அரங்கிலேயே இந்த விடயம் பேசப்பட்டு தீர்மானிக்கப்படல் வேண்டும் என்றே கருதுகிறோம்" என இருந்தது.

இதற்கு முன் டிசம்பர் 2012 அளவில் சிவலிங்கம் தனது கருத்தை மின்னஞ்சலில் இவ்வாறு தெரிவித்தார்: "இலக்கிய சந்திப்பு எங்கு நிகழ்த்தப்படவேண்டுமென்ற தீர்மானம் ஜனநாயக அடிப்படையில் ஏகோபித்த ஆதரவோடும் அத ன் வளர்ச்சியில் தமது தொடர்ச்சியான பங்களிப்பை வழங்கி வரும் இலக்கிய ஆர்வலர்களின் அனுசரணையோடும் அம் முடிவுகள் எடுக்கப்படுவது வழமையானதாகும். இதற்கான பிரதான காரணம் இதற்கென தனியான அமைப்பு வடிவம் இல்லாமையே ஆகும். அமைப்பு வடிவம் இல்லாமல் சகலரின் ஒப்புதலோடு எடுக்கப்படும் முடிவே உயர்ந்த ஜனநாயக வழிமுறை எனக் கருதப்படுகிறது. இதனையே கிரேக்க நாட்டில் ஆரம்பித்த ஜனநாயக கோட்பாடு கூறுகிறது. இவ் வழிமுறையை பலவீனம் எனக் கருதி எடுப்பார் கை பிள்ளை போல யாரும் உரிமை கொண்டாடலாம் எனக் கருதும் போக்கு மிகவும் விசனிக்கத் தக்கது".

எனவே பொதுவெளியில் தீர்மானிக்கப்பட வேண்டுமென்றும், ஜனநாயகரீதியாக தீர்மானிக்கப்பட வேண்டுமென்றும், பொதுச்சபை அங்கீகாரம் வேண்டுமென்றும் விடாப்பிடியாக நின்றவர்கள் சிவலிங்கம் உட்பட்ட லண்டன் சந்திப்பு குழுவினரே. இப்பொழுது சிவலிங்கம் தடம் புரண்டு கூறுகிறார்; "வாக்களிப்பவருக்கான அடிப்படை தகுதி தீர்மானிக்கப்படாதவரை வாக்களிப்பு பொருத்தமற்றது". 

ஆதி கிரேக்க ஜனநாயகத்தில் அடிமை, அன்னியர், பெண்கள் தவிர்ந்த கிரேக்க பிரஜைகளே பொதுசபையில் பங்கு பற்றி வாக்களிக்கத் தகுதி கொண்டவர்கள். அவர்களது பெரும்பான்மை முடிவே கிரேக்க ஜன நாயகம். இலங்கையில் பொதுவாக்களிப்பு குறித்த விவாதம் வந்தபோது சாதிப் பற்றாளர் பொன்னம்பலம் இராமநாதனும் கிரேக்க வழியைப் பின்பற்றி பொது சனவாக்களிப்பை நிராகரித்து இது தலித்துகளினதும் படிப்பறிவற்றவர்களதும் பெரும்பான்மைக்கு வழிவகுக்கும் எனக் கூறியிருந்தார். ஒருவேளை இலக்கியச் சந்திப்பிலும் பொன்னம்பலம் இராமநாதனின் பரிந்துரையைக் கடைப்பிடிக்க வேண்டும் என்கிறாரா சிவலிங்கம்?

இதில் முக்கியமான விடயம் எதுவெனில் இலக்கிய சந்திப்பு குழு ஏற்பாட்டுக் கூட்டங்களில் பொது சபை தீர்மானம் பற்றிய எவ்வித ‘தகுதி’ பிரச்சனைகளையும் சிவலிங்கம் எழுப்பவில்லை. அத்துடன் நடந்து முடிந்த இலக்கிய சந்திப்பின் இரு நாட்களிலும் எவ்வித கருத்தும் சிவலிங்கத்திடமிருந்து எழவில்லை. இறுதி நாள் மாலை அரங்கில் 2 மணி நேரம் அடுத்த இலக்கிய சந்திப்பு குறித்த விவாதத்திற்காக ஒதுக்கப்பட்டு பலர் விவாதத்தில் பங்கு பற்றினர். சிவலிங்கம் 'சிவலிங்கமாகவே' மூச்சுப்பேச்சில்லாமல் இருந்தார். ஒருமித்த கருத்து ஏற்படாத போது வாக்களிப்பு தவிர்ந்த வேறு வழி கிரேக்க ஜனநாயகத்திலும் இருக்கவில்லை என்பது சிவலிங்கத்திற்கு தெரிந்து அமைதிகாத்தார் என்பதே உண்மை. 

இதற்கு இன்னுமொரு படி மேலேபோகும் சுசீந்திரன் அடுத்த இலக்கியச் சந்திப்பு எங்கே நடாத்துவது என்ற முடிவெடுக்கின்ற தருணம் பார்த்து அந் நிகழ்வுக்குத் தலைமைவகுத்து, இலக்கியச் சந்திப்பின் நீண்ட 25 வருட வரலாற்றில் இதுநாள்வரை எவ்வித சம்பந்தமுமேயில்லாத பார்வையாளர்களை திட்டமிட்டுக் கொண்டுவந்து கையுயர்த்தக் கோரியதாக ஓர் அபாண்டமான குற்றச்சாட்டைக் கூறுகிறார். சிவலிங்கம் 'தகுதி'க்குள் ஒளிந்து கொண்டு இலக்கியச் சந்திப்பின் பெரும்பான்மை முடிவை நிராகரிப்பதும், ஆட்களை திட்டமிட்டு அழைத்துவந்து வாக்களிக்க வைத்ததாக சுசீந்திரன் கபடத்தனமாக அவதூறு சொல்வதும் எவ்வகையில் நியாயமென்பதற்கு பதில் சொல்ல வேண்டியவர்கள் லண்டன் இலக்கியச் சந்திப்புக் குழுவின் முதன்மையாளர்களாகச் செயல்பட்ட ராஜாவும் பௌசருமே. ஏனெனில் அவர்களே பொதுசபை தீர்மானத்தைத் தொடந்து வலியுறுத்தியவர்கள். அவர்களது கள்ள மௌனமும் 40வது இலக்கிய சந்திப்பு மின்னஞ்சலை சிவலிங்கத்தின் ‘தனிப்பட்ட கருத்துக்கு ‘ பயன்படுத்த அனுமதித்ததும் அவர்களது நேர்மையின் மீது சந்தேகத்தை எழுப்புவதால் நான் இந்த அவதூறுகளிற்குப் பதிலளிக்க நிர்ப்பந்திக்கப்பட்டுள்ளேன். அதேபோன்று இவை குறித்தெல்லாம் பதிலளிக்க வேண்டிய அறம்சார்ந்த கட்டாயம் அவர்களிற்குமுண்டு.

ஆட்களை கூட்டி வந்து வாக்கு போட வைத்தது என்ற சுசீந்திரன் கூற்று மிகவும் அபத்தமானதும் உண்மைக்கு புறம்பானதும் காழ்ப்புணர்வின் உச்சக்கட்ட வெளிப்பாடுமாகும். நான் ஏதோ திட்டமிட்டு திடீரென்று அவ்வமர்வுக்குத் தலைமை தாங்கினேன் என சுசீந்திரன் புலம்புவதோ இன்னும் வேடிக்கை. இறுதி அமர்வை ராஜாவும் நானும் வழிப்படுத்துவதென்பது லண்டன் இலக்கிய குழு எடுத்த தீர்மானம். நான் இறுதி அமர்வில் வழிப்படுத்துனர்களில் ஒருவராக இருக்க விரும்பியது உண்மையெனினும் இது குழுக்கூட்டத்தில் முடிவெடுக்கப் பட்ட சங்கதி. இது இலக்கிய சந்திப்பு அழைப்பிதழில் வெளிப்படையாக பதிவாகிய விடயம். அதைவிடுத்து நான் திடீரென தலைமை தாங்கியதாகவும் இலக்கிய சந்திப்பில் இதுவரை கலந்து கொள்ளாதவர்களை அழைத்ததாகவும் இவர் கூறுவது அபத்தம். இதற்கு பதிலாக இறுதி நாளன்று கலந்து கொண்டவர்களின் பட்டியலை நான் ஒரளவுக்கு எனது ஞாபகத்திலிருந்து தருகிறேன். ஒருசிலர் தவற விடப்பட்டிருக்கலாம். மிஞ்சினால் இரண்டு மூன்று பேர்கள் தவற விடப்பட்டிருக்கலாம். 
1. சந்தூஸ்- இலக்கிய சந்திப்பில் நீண்டகாலம் பங்கு பற்றியவர். 
2. உமா - இலக்கிய சந்திப்பில் நீண்டகாலம் பங்கு பற்றியவர்
3. முரளி- இலக்கிய சந்திப்பில் நீண்டகாலம் பங்கு பற்றியவர்
4. சுசீந்திரன் - இலக்கிய சந்திப்பில் நீண்டகாலம் பங்கு பற்றியவர்
5. தேவதாஸ்- இலக்கிய சந்திப்பில் நீண்டகாலம் பங்கு பற்றியவர்
6. அசுரா- இலக்கிய சந்திப்பில் நீண்டகாலம் பங்கு பற்றியவர்
7. லக்ஸ்மி- இலக்கிய சந்திப்பில் நீண்டகாலம் பங்கு பற்றியவர்
8. ராஜா- இலக்கிய சந்திப்பில் நீண்டகாலம் பங்கு பற்றியவர்
9. ராகவன் – 5 இலக்கிய சந்திப்பில் பங்கு பற்றியவர்
10. ராசனாயகம் – 4-5 இலக்கிய சந்திப்பில் பங்கு பற்றியவர்
11. ஜெயபூர்ண பாலா- 2-3 இலக்கிய சந்திப்பில் பங்கு பற்றியவர்
12. கீரன் - பல இலக்கிய சந்திப்பில் பங்கு பற்றியவர்
13. காண்டீபன் – 4-5 இலக்கிய சந்திப்பில் பங்கு பற்றியவர்
14. சேனன் - இலக்கிய சந்திப்பில் முன்னர் பங்கு பற்றியவர்
15. போல் சத்திய நேசன் - லண்டன் இலக்கிய சந்திப்பில் 2006 இல் பங்கு பற்றியவர்
16. சத்தியசீலன் – தமிழ் சமூகங்களின் செயற்பாட்டக கூட்டங்களுக்கு தவறாமல் வருபவர்.
17. சலீம் – இலங்கை
18. சல்மா- இந்தியா
19. சிவலிங்கம் – சில இலக்கிய சந்திப்புகளில் பங்கு பற்றியவர். தமிழ் சமூகங்களின் செயற்பாட்டக கூட்டங்களுக்கு தவறாமல் வருபவர்
20. சாள்ஸ்- தமிழ் சமூகங்களின் செயற்பாட்டக கூட்டங்களுக்கு வருபவர். முன்னர் இலக்கிய சந்திப்பில் கண்டதாக தெரியவில்லை.
21. ஜெயன் தேவா- தமிழ் சமூகங்களின் செயற்பாட்டக கூட்டங்களுக்கு வருபவர். முன்னர் இலக்கிய சந்திப்பில் கண்டதாக தெரியவில்லை
22. முத்து – ஒரு சில இலக்கிய சந்திப்பு கூட்டங்களில் கலந்து கொண்டிருக்கலாம் . தமிழ் சமூகங்களின் செயற்பாட்டக கூட்டங்களுக்கு வருபவர்
23. வண்ணன் - . தமிழ் சமூகங்களின் செயற்பாட்டக கூட்டங்களுக்கு வருபவர். சலீமின் நண்பர்
24. புதியவன்- . தமிழ் சமூகங்களின் செயற்பாட்டக கூட்டங்களுக்கு வருபவர். இலக்கிய சந்திப்புகளிலும் கலந்து கொண்டவர்.
25. ஜூட்- . தமிழ் சமூகங்களின் செயற்பாட்டக கூட்டங்களுக்கு வருபவர். அரசியல் கூடங்களில் கலந்து கொள்பவர். சலீமின் நண்பர். 
26. சசீவன்- . தமிழ் சமூகங்களின் செயற்பாட்டக கூட்டங்களுக்கு வந்திருக்கிறார். நூலக நிருவனர்களில் ஒருவர். 
27. கெங்கா- . தமிழ் சமூகங்களின் செயற்பாட்டக கூட்டங்களுக்கு வருபவர். லண்டன் இலக்கிய சந்திப்புகளில் பங்கு பற்றியவர்.
28. சபேசன் - . தமிழ் சமூகங்களின் செயல்ப்பாட்டக கூட்டங்களுக்கு வருபவர். இதற்கு முன் 1994 இல் லண்டனில் நடந்த இலக்கிய சந்திப்பின் பொறுப்பளர்களில் ஒருவர். 
29. பௌசர் - . தமிழ் சமூகங்களின் செயற்பாட்டக கூட்டங்களுக்கு வருபவர். ஏற்பாட்டளர். இலக்கிய சந்திப்பு கூட்டங்களில் கலந்து கொண்டவர்.
30. சுகுணசபேசன் - . தமிழ் சமூகங்களின் செயற்பாட்டக கூட்டங்களுக்கு வருபவர்
31. மாலி – அரசியல் கூட்டங்களில் பங்கு பெற்றவர். பத்திரிகை துறை.
32. ரஞ்சி- இலக்கிய பெண்கள் சந்திப்புகளில் பங்கு பற்றுபவர். 
33. நவஜோதி - . தமிழ் சமூகங்ககளின் செயற்பாட்டக கூட்டங்களுக்கு வருபவர்
34. சரவணன் - இலக்கிய சந்திப்பில் நீண்டகாலம் பங்கு பற்றியவர்
35. கலையரசன்- இலக்கிய சந்திப்பில் நீண்டகாலம் பங்கு பற்றியவர்
36. ரயாகரன் – அரசியல் கூட்டங்கள். முன்னர் இலக்கிய சந்திப்பில் பங்கு பற்றியவர்
37. ராஜ் கவுதமன்- இந்தியா 
38. திருமதி ராஜ் கவுதமன் – இந்தியா
39. ஜமுனா ராஜேந்திரன் - எழுத்தாளர். இலக்கிய சந்திப்பில் பங்கு பற்றியவர்
40. இன்பா- இலக்கிய சந்திப்பில் நீண்டகாலம் பங்கு பற்றியவர்
41. பாலன் - தமிழ் சமூகங்களின் செயற்பாட்டக கூட்டங்களுக்கு வருபவர்
42. சிவராசா- இலக்கிய சந்திப்பில் நீண்டகாலம் பங்கு பற்றியவர்
43. விஜயன்- தமிழ் சமூகங்ககளின் செயற்பாட்டக கூட்டங்களுக்கு வருபவர். சலீமின் நண்பர்.
44. விக்டர் செருபிம்- தமிழ் சமூகங்ககளின் செயற்பாட்டக கூட்டங்களுக்கு வருபவர்
45. சின்ரா- இலக்கிய சந்திப்புகள் அரசியல் கருத்தரங்குகளில் பங்கு பற்றியவர்
46. வனஜா- இலக்கிய சந்திப்புகள் அரசியல் கருத்தரங்குகளில் பங்கு பற்றியவர்
47. தங்கவடிவேல் மாஸ்டர்- அரசியல் கருத்தரங்குகளில் பங்கு பற்றியவர்
48. பாலசுகுமார்- இலக்கிய சந்திப்புகள் அரசியல் கருத்தரங்குகளில் பங்கு பற்றியவர் 
49. ராமமூர்த்தி - தமிழ் சமூகங்ககளின் செயற்பாட்டக கூட்டங்களுக்கு வருபவர்

இதில் கிரேக்க ஜனநாயக முறைப்படி தகுதியற்றவர் யார் என்பதற்கு சிவலிங்கம் பதில் சொல்லட்டும்! இதில் யார் வாக்களிக்க அழைத்துவரப்பட்டவர்கள் என்பதற்கு சுசீந்திரன் பதில் சொல்லட்டும்!! இந்த கூட்டத்தின் புகைப்படங்களும் வீடியோக்களும் லண்டன் இலக்கிய சந்திப்பு குழுவினரிடம் இருக்கிறது. அவர்களும் அதனை பரிசீலித்து யார் கூட்டி வரப்பட்டவர்கள் என ஒரு பட்டியலைப் போடலாம். 
நான் ஆட்களை கூட்டிவந்தேன் என்று அவதூறு செய்கிறார் சுசீந்திரன். அவ்வாறு ஆள் கொண்டு வர நினைக்கும் அற்ப புத்தி எனக்கு இல்லை. லண்டனில் நடக்கும் இலக்கியச் சந்திப்புக்கு லண்டனில் உள்ளவர்கள் பெரும்பாலோர் வருவது இயற்கையே. அது தவிர பௌசரும் ராஜாவும் இலக்கிய சந்திப்பை இம்முறை வித்தியாசமாக நடத்தவேண்டும் என்று சொல்லிகொண்டிருந்தார்கள். தொடர்ந்த மின்னஞ்சல்கள், தீபம் தொலைக்காட்சி பேட்டி, தொலைபேசி அழைப்புகள் எனப் பரப்புரை செய்து அதிகப்பேரை வரவழைக்க அவர்கள் முயற்சி செய்தனர். அப்படியிருந்தும் லண்டனில் தமிழ் பேசும் சமூகங்களின் செயற்பாட்டக கூட்டங்களுக்கு வருபவர்களே பெரும்பான்மையாகச் சந்திப்பில் கலந்து கொண்டனர். 

உண்மையில் லண்டன் இலக்கிய சந்திப்பு குழுவில் அங்கம் வகித்தவர்களில் சிலர் முன்னைய இலக்கியச் சந்திப்புகளில் பங்கு பற்றாதவர்கள். வித்தியாசமாக இலக்கியச் சந்திப்பை இம்முறை செய்வோம் என்று சொன்ன ராஜாவும் பௌசரும் நியமித்த இந்த குழுவுக்கு இருக்கிற தகுதி கூட இரண்டு நாள் கலந்து கொண்டவர்களுக்கு இல்லை என்பது வந்தவர்களை அவமானப்படுத்தும் செயல். அவர்கள் வாக்களிக்க திட்டமிட்டு அழைக்கப்பட்டவர்கள் என்பது அவர்கள் சுயமாக சிந்திக்க தெரியாதவர்கள் என வந்தவர்கள் மேல் வைக்கும் அவதூறாகும். 
இரண்டாவது நாள் இறுதி அமர்வின் போது எனக்கருகில் இருந்த ராஜாவின் அவமதிப்பையும் பொருட்படுத்தாமல் இலக்கிய சந்திப்பு எங்கு நடத்தப்படவேண்டும் என்ற விவாதம் தொடர நான் வழி செய்தேன். வாக்கெடுப்பு ஏதோ உடனடியாக அறிவிக்க பட்டதென்ற தொனியில் சுசீந்திரன் சொல்வது உண்மைக்குப் புறம்பானது. அதே தொனியில் "இதே போன்று, 41வது இலக்கியச் சந்திப்பு தொடர்பான விவாதத்தில் தலைமை வகித்த நிலையில், தன்னிச்சையான பக்கச்சார்புடன் எவ்வித ஆலோசனையுமின்றி வாக்கெடுப்பிற்கு விட்டிருந்ததும் சந்தேகத்தை தருகிறது. குறிப்பில் கொடுத்த விளக்கங்களை விட அவரது செயற்பாடுகள் அதிக விளக்கங்களை பார்வையாளர்களுக்கு வழங்கியது என்பதே யதார்த்தம் " என அலம்புகிறார் சிவலிங்கம்.

விவாத நேரத்தில் 12 பேருக்கு மேல் கருத்து தெரிவித்தனர். இலங்கையில் அடுத்த சந்திப்புக்கு ஆதரவாக வாக்களித்த ராசநாயகம் கூட இலங்கையில் வைப்பது பற்றிய கேள்விகளை எழுப்பி அங்கு வைப்பது இப்போது அவசியமல்ல எனக் கருத்து தெரிவித்தவர் தான் . ஜெயபூர்ணபாலாவும் இலங்கையில் நடத்துவதற்கு எதிராகவே ஆரம்பத்தில் பேசினார். நான் அனைவரும் சேர்ந்து ஒருமித்த கருத்துக்கு வரவேண்டும் என்றே வலியுறுத்தினேன். அதற்கு வாய்ப்பில்லை என்ற நிலையில் ராஜாவும் நானும் சேர்ந்தே வாக்களிப்பை நடத்தினோம். இலங்கையில் சந்திப்பை நடத்துவதற்கு எதிர்க் கருத்து சொன்ன ராஜநாயகம் , ஜெயபூர்ணபாலா உட்பட பெரும்பாலோர் இலங்கையில் சந்திப்பை நடத்துவததற்கு ஆதரவு கொடுத்ததைக் கண்ட சுசீந்திரன் அதனைக் குழப்ப முயன்று ஆத்திரத்துடன் கத்தி கூச்சல் போட்டதே நிகழ்ந்த உண்மை. இதன் பின் பலர் குறுக்கிடுவதும் கூச்சலிடுவதாகவும் நிலைமை கட்டுக்கடங்காமல் போனது. பின்னர் ஒரு மாதிரியாக அமைதிக்கு வந்து மீண்டும் வாக்கெடுப்பு வைக்கப்பட்டு இலங்கையில் சந்திப்பை நடத்துவதற்கான முடிவு இலண்டன் இலக்கிய சந்திப்பின் சார்பில் பௌசரால் அறிவிக்கப்பட்டது. இது தான் உண்மை. சுசீந்திரன் நேர்மையானவராக இருந்தால் 'ஆட்களை கூட்டி கொண்டு வந்திருக்கலாம்' என்ற சந்தேகத்தை அங்கு சொல்லியிருக்கலாம். அதனை விடுத்து சபை முடிவை அவமதித்து அபாண்டம் சொல்வது போக்கிரித்தனம் நண்பரே. 

சிவலிங்கம் ! ராஜா எனக்குப் பக்கத்தில் இருந்தது உங்களது கண்ணில் படவில்லையா, ராஜாவே வாக்கெடுப்புக்கு விட வேண்டும் என முன்மொழிந்தது உங்களது காதில் விழவில்லையா? அது என்ன தன்னிச்சையான பக்கசார்பு? பொதுசபையில் பொது வெளியில் முடிவுக்கு விடப்படவேண்டும் , இலங்கையில் சந்திப்பை நடத்துவது குறித்து முடிவெடுக்க லண்டன் குழுவுக்கு அதிகாரமில்லை என்று கடந்த 6 மாதங்களுக்கு மேலாக உபதேசம் செய்தவரின் கயிறு திரிப்பு இது. நீங்கள் அந்த அமர்வில் இருந்திருந்தால் என்ன செய்திருப்பீர்கள்? வாக்கெடுப்புக்கு விடும் வழியைத் தவிர்த்து வேறென்ன செய்திருப்பீர்கள்?வாக்களிப்புத் தகுதி என்ற உங்களது உதிர்ப்புக்கு என்னதான் பொருள் ? தகுதிகாண் சுற்றில் பெண்களும் தலித்துகளும் நிராகரிக்க ப்பட்டிருப்பார்களோ? தகுதியைத் தீர்மானிக்கும் உங்களுக்கு என்ன தகுதி இருக்கிறது என்றும் நீங்கள் ஒருகணம் சிந்தித்துப் பார்க்க வேண்டும்.
சுசீந்திரன் தனது புலம்பலில் நான் நடு நிலைமை தவறினேன் எனவும் வெற்றி எமதே என்று கூறினேன் என்றும் எழுதியிருக்கிறார். இது கபடத்தனம். ராஜா சபைமுன் என்னை இரு முறை அவமதித்ததற்குப் பதிலாக காந்தியின் கூற்றொன்றை சொல்லி எனது பேச்சை ஆரம்பித்தேன். 'முதலில் அவர்கள் எம்மை உதாசீனம் செய்வார்கள். பின்னர் எம்மை பார்த்து நகைப்பார்கள். அதன் பின் எம்முடன் சண்டைக்கு வருவார்கள். ஆனால் வெல்வது நாங்களே' என்று எனது பேச்சில் குறிப்பிட்டேன். இதன் அர்த்தத்தைப் புரிந்து கொள்ளாமல் காந்தியின் கூற்றின் கடைசி வசனத்தை மட்டும் பிய்த்தெடுத்து சுசீந்திரன் எழுதியிருப்பது யோக்கியமான செயல் அல்ல.

சாத்திரியை அழைக்க இலக்கிய சந்திப்புக் குழு தீர்மானித்தது. அதனை மீறி ராகவன் அகோரமாக நடந்து விட்டார், துண்டு பிரசுரம் விநியோகித்தார், சாத்திரி பேசும் போது குறுக்கிட்டார், அது ஜனநாயகம் பற்றிய அவரது புரிந்துணர்வை கேள்விக்குள்ளாக்கிறது என்று சுசீந்திரனும் சிவலிங்கமும் இரட்டை நாயனம் வாசிப்பது அபசுரமே. ஒரு புறம் 7 பேர் கொண்ட இலக்கிய குழுவின் முடிவுக்கு கட்டுப்படாத ராகவனுக்கு கிரேக்க ஜனநாயகம் போதிக்கும் சிவலிங்கம் மறுபுறம் 40 பேர் கொண்ட பொதுசபை எடுத்த ஜன நாயக முடிவை எதிர்த்து 'தகுதி தராதரம்' என்றெல்லாம் பேசுவது முரண் நகை. 

சாத்திரி விடுதலை புலிகளின் ஆதரவாளர் என்ற காரணத்தால் மட்டும் அவர் பேசும் போது குறுக்கிட்டிருந்தால் அது நியாயமற்றது. ஆனால் சாத்திரி அவதூறு செய்தவர். அவர் தனது கடந்த கால அவதூறுகளுக்கு மன்னிப்பு கேட்டு விட்டு பேச்சை தொடரலாம் என்பதே எனது வாதமாக அங்கே முன்வைக்கப்பட்டது. அப்படியிருந்தும் சபையினர் கேட்டுக்கொண்டதற்கிணங்க நான் பின்னர் குறுக்கிடவில்லை. அவர் பேசினார். அவர் பேசி முடிந்த பின் நான் அவரிடம் 'நீங்கள் இங்கு வந்தது மகிழ்ச்சி. ஆனால் நீங்கள் கடந்தகாலங்களில் இவ்வாறான அவதூறுகளை செய்ததற்கு தார்மீக பொறுப்பு எடுக்க வேண்டும்' என்றேன். அவர் இரண்டாம் நாள் காலை நிகழ்ச்சிக்கும் வந்தார். தனது இணையத்தளத்தில் பின்னர் சாத்திரி 'நான் சந்திப்பில் கலந்து கொள்ளவே கேட்டேன். பௌசர் தான் என்னை பேச கேட்டார். தலைப்பும் தந்தார்' எனக் குறிப்பிட்டிருந்தார். ஆனால் முன்னைய ஏற்பாட்டுக் குழுக் கூட்டத்தில் 'சாத்திரி தானும் பேச விரும்புகிறார்' என்றே எங்களுக்கு பௌசரால் சொல்லப்பட்டது. இதையும் பௌஸர் விளக்கியாக வேண்டும். சாத்திரியை நிகழ்வில் பேச அழைப்பதற்கான அரசியல் என்னவென்பதைப் பௌஸரிடமிருந்து தெரிந்துகொள்ள விரும்புகிறேன்.
சாத்திரியை பேச அழைப்பது பற்றிய விவாதம் சந்திப்பு குழுவில் எழுந்த போது நானும் நிர்மலாவும் சாத்திரி இலக்கிய சந்திப்பில் கலந்து கொள்வது பற்றி எமக்கு பிரச்சனை இல்லை. ஆனால் அவர் இந்த சந்திப்பு கூட்டத்தில் பேசுவது பற்றி நாம் எதிர்த்தோம். “இதை யோசிக்க வேண்டும். அவருக்கு கொஞ்சம் கால அவகாசம் கொடுக்க வேண்டும். அவர் 'ஒரு பேப்பர்' போன்ற பத்திரிகைகளில் மிக மோசமான அவதூறுகளை எழுதி வந்தவர். எனவே அவர் கலந்து கொள்ளட்டும், ஆனால் அங்கு அவர் உரை நிகழ்த்த நாம் மேடையமைத்துக் கொடுப்பது சரியல்ல” என்றோம். ஏற்பாட்டுக் குழுவில் உடனடியாக இந்தப் பிரச்சினை வாக்கெடுப்புக்கு விடப்பட்டபோது எம்மிருவரை தவிர சிவலிங்கம் உட்பட அனைவரதும் கைகளும் உயர்ந்தன. எனது மறுப்பை நான் குழுவில் தெரிவித்தேன். அந்த மறுப்பை எழுத்திலும் பேச்சிலும் இலக்கிய சந்திப்பு நிகழ்வில் பதிவு செய்வதற்கு எனக்கு உரிமை இருக்கிறது. நிகழ்வுக்கு பின்னால் அல்லாமல் நிகழ்விலேயே அதைப் பேச எனக்கு உரிமையுண்டு. அது இலக்கியச் சந்திப்பின் மரபுமாகும். நான் குறுக்கிட்டதைத் தொடர்ந்து, ரஞ்சி உட்பட பலர் 'அவதூறுகளுக்கு மன்னிப்புகேட்ட பின் சாத்திரி பேசுவதே சரியானது' எனச் சபையில் கருத்துக் கூறினார்கள். ஆனாலும் சபையினரின் விருப்பப்படி சாத்திரி பேச அனுமதிக்கப்பட்டார். சபையிலுள்ள பெரும்பான்மை நான் குறுக்கிட்டது தவறு என்று கூறும் பட்சத்தில் அந்தத் தவறை ஏற்றுக்கொள்ள எனக்கு எந்தத் தயக்கமும் இல்லை. நான் சாத்திரியின் பேச்சில் குறுக்கிட்டதற்கான இன்னொரு காரணம், சாத்திரியின் அமர்வை வழிப்படுத்திய சபேசன் மண்டபம் 5 மணிக்கு காலிசெய்யப்படவேண்டுமென்பதால் கலந்துரையாடல் இன்னொரு மண்டபத்தில் நிகழும் என அறிவித்த போது எங்களது கேள்விகளுக்கு சாத்திரி பதில் சொல்லாமலே போய்விடுவாரோ என்ற ஐயம் எழுந்தது. எனவே நான் குறுக்கிட வேண்டிய நிலை. 
சிவலிங்கம் அவர்களே எனக்கு ஒன்று புரியவில்லை ! இலக்கிய சந்திப்பினையும் மாற்று கருத்தாளரையும் அவதூறுக்குள்ளாக்கி, மாற்று இயக்கங்களை ஒழித்தது தர்மயுத்தம் என்றும் கம்யூனிஸ்டுகள் கொல்லப்படவேண்டும் என்றும் சொன்ன ஒருவருக்கு நீங்கள் மேடையமைத்து கொடுத்தது அவமானமாக உங்களுக்குத் தெரியவில்லையா? உங்கள் தோழரான விஜயானந்தனின் படுகொலையை கைத்தட்டி மகிழ்ந்து எழுதிய ஒருவரைப் பேச அழைத்து கைகட்டி வாய் பொத்தி இருந்த உங்களை ஒரு இடது சாரி என்றழைக்க உங்களுக்கு வெட்கமாக இல்லையா? அவதூறுகளுக்கு மன்னிப்பு கேட்டுவிட்டு பேசலாம் என நான் குறுக்கிட்டபோது ரஞ்சி உட்பட பலர் எனக்கு ஆதரவாக இருந்தனர். குகதாசன் போன்ற இடது சாரிகள் ஆத்திரமடைந்திருந்தனர். சல்மா என்னிடம் வந்து ஏன் இவரை பேச அழைத்தனர் என வினவினார். இது பற்றி உங்கள் கிரேக்க ஜன நாயகம் என்ன சொல்கிறது ? 

'இலக்கியச் சந்திப்பை புலம் பெயர்ந்தவன் ஒருவன் இருக்கும் வரை இலங்கைக்குக் கொண்டு செல்ல அனுமதிக்கமாட்டேன்' என்று காலை நிகழ்வில் வீராப்புப் பேசி இறுதியில் வாக்கெடுப்பு மூலம் இலங்கைக்கு கொண்டு செல்ல தீர்மானம் நிறைவேற்றப்பட்டபோது மேசையில் குத்தி இலக்கிய சந்திப்பின் ஆன்மா இறந்து விட்டதெனக் கதறிய சுசீந்திரனும், இலக்கிய சந்திப்பு இலங்கையில் நடப்பதை பார்ப்போம் என்று சவால் விட்டு வெளியேறிய இன்பாவும், பரா சொன்னவர் இலக்கிய சந்திப்பு ஒரு முறை வெளியில் நடந்தால் திரும்பவும் ஜேர்மனிக்கு போகவேண்டுமென எனது கையிலிருந்த ஒலிவாங்கியைப் பறித்தெடுத்து மூடத்தனமாக விதண்டாவாதம் புரிந்த லஷ்மியுமா இலக்கிய சந்திப்பு எங்கு நடக்கவேண்டும் என தீர்மானிக்கும் கிரேக்க ஜனநாயகக் காவலர்கள்? இந்த மூவருடைய பிரச்சனையும் இலக்கியச் சந்திப்பு இலங்கைக்குப் போவது பற்றியதல்ல . இவர்கள் யார் எங்களை மீறி இலக்கிய சந்திப்பு செய்பவர்கள் என்ற தடிப்பும் திமிருமே இவர்களுக்கு . இது வரை காலமும் பலர் இது தான் பிரச்சனை, உனக்கு விளங்கவில்லை. கனடாவில் லண்டன் சந்திப்பு குழுவை வைத்து அவசர அவசரமாக அடுத்த சந்திப்பை கேட்க வைத்தவர்கள் இவர்கள் தான், நீ சமரசம் என்று மூக்குடையப்போகிறாய் என்று எச்சரித்தும் நான் ஒரு நம்பிக்கையில் தொடர்ந்தும் பிரச்சனையை சுமுகமாகத் தீர்க்க முயன்றேன். ஆனால் இந்த இலக்கிய சந்திப்பின் வெற்றி இவர்களது உண்மை முகங்களைத் தெருவுக்கு கொண்டுவந்தது தான். 

உண்மையிலேயே இலங்கையில் இலக்கியச் சந்திப்பை நடத்துவதைக் குறித்த பிரச்சினை கனடா இலக்கியச் சந்திப்பிலேயே முடிந்திருக்க வேண்டியது. அது தவறியிருப்பின் கூட இலங்கை ஏற்பாட்டுக் குழுவினருடன் நடத்திய பலசுற்றுப் பேச்சுவார்த்தைகளில் இது முடிந்திருக்க வேண்டியது. இறுதி வாய்ப்பாக '40வது சந்திப்பை இலண்டனிலும் 41வது சந்திப்பை இலங்கையில் நடத்துவதுமாக ஓர் உடன்பாட்டுக்கு நாம் வரவேண்டும்' என்ற எனது பரிந்துரையை இலண்டன் குழு ஏற்றிருந்தால் கூட இவ்வளவு குழப்பங்களும் தலைகுனிவுகளும் கதறல்களும் ஏற்பட்டிருக்காது. 

சுசீந்திரன், லஷ்மி ஆகியோரே இவ்வாறான இணக்கப்பாடு இருதரப்புக்குமிடையே ஏற்படாது பல்வேறு சதிகளாலும் கபடங்களாலும் முட்டுக்கட்டை போட்டு இலக்கியச் சந்திப்பின் தார்மீகத்தைக் குலைத்தவர்கள். அவர்களது திட்டமும் 'கடின உழைப்பு'ம் இலண்டன் இலக்கியச் சந்திப்பில் பெரும்பான்மையால் தோற்கடிக்கப்பட்டபோது அவர்கள் மூர்க்கத்துடன் அவதூறுகளைச் சொரிய ஆரம்பித்துள்ளார்கள்.அவர்களது சொற்களைக் கேட்டு பொதுச்சபை, இரகசிய வாக்கெடுப்பு, பொதுவாக்கெடுப்பு என்றெல்லாம் விடாப்பிடியாக நின்ற இலண்டன் இலக்கியச் சந்திப்புக் குழுவினருக்கு முன் ஒரு பெரிய பொறுப்பு இருக்கிறது. இலண்டன் இலக்கிய சந்திப்பின் இறுதி நாளில் பொதுசபை எடுத்த முடிவு ஜனநாயகமானது, அது ஆட்சேர்ப்பால் நடக்கவில்லை என அவர்கள் அறிக்கை விடுவதே அரசியல் அறம். 

இதற்குமேல் இந்த சர்ச்சையில் ஈடு படுவதில்லை எனத் தீர்மானித்துள்ளேன். இப்பேச்சுவார்தைகளில் கடந்த ஒரு வருடமாக ஈடுபட்டு நான் களைத்து விட்டேன். இனி எனது முழுப் பிரயத்தனமும் இலங்கை இலக்கியச் சந்திப்பைக் காத்திரமாக நடத்துவதற்காக உழைப்பதிலேயே இருக்கும்.** நன்றி -பேஸ் புக் 

நன்றி
21.04.2013
»»  (மேலும்)