உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

10/28/2013

| |

மட்டக்களப்பில் பறங்கியர் தின கொண்டாட்டம்!

போர்த்துக்கேச பேகர் நிதியத்தின் ஏற்பாட்டில் பேகர் தினம் மட்டக்களப்பில் உள்ள சின்ன உப்போடை சமூக கலாசார மண்டபத்தில் இடம்பெற்றது.
நிதியத்தின் மட்டக்களப்பு அமைப்பாளர் அருட்தந்தை பிரான்சிஸ் எக்ஸ்விர் டயஸ் விழாவுக்கு தலைமை தாங்கினார்.
பேகர் தினத்தினை முன்னிட்டு கிழக்கு மாகாணத்தின் பிரதான நிகழ்வு மட்டக்களப்பில் இடம்பெற்றது.
சின்ன உப்போடை சமூக கலாசார மண்டபத்தில் இலங்கை பேகர் போர்த்துகீச பேகர் நிதியத்தின் ஏற்பாட்டில் இந்த நிகழ்வு இடம்பெற்றது.

இலங்கை பேகர் போர்த்துகீச பேகர் நிதியத்தின் மட்டக்களப்பு மாவட்ட பணிப்பாளர் அருட்தந்தை பிரான்சிஸ் எக்ஸ்விர் டயஸ் தலைமை தாங்கினார்.
இராணுவத்தின்  மட்டக்களப்பு-அம்பாறை மாவட்ட கட்டளை அதிகாரி பிரிகேடியர் கொடுப்பிலி பிரதம அதிதியாக கலந்துகொண்டார்.

மட்டக்களப்பு மாவட்ட செயலக கலாசார உத்தியோகத்தர் ஜே.மலர்ச்செல்வன்,மட்டக்களப்பு மாவட்ட 231 ஆவது படைப் பிரிவின் கட்டளை அதிகாரி கேணல் சுகத்த திலகரட்ன, கிழக்கு பல்கலைக்கழக விரிவுரையாளர் ராகல் உட்பட பலர் சிறப்பு விருந்தினர்களாக கலந்து கொண்டனர்.

 போர்த்துக்கேயர் நாட்டை ஆண்டபோது மட்டக்களப்பு மாவட்டத்துக்கு ஏராளமான போர்த்துக்கீசர்கள் வந்து தங்கினர். இவர்களின் வாரிசுகள் இன்றும் மட்டக்களப்பில் வாழ்கின்றார்கள்.

இவர்களின் சமூக கட்டமைப்புகள், கலாசார விழுமியங்கள், பண்பாடுகள் போன்றவற்றை எதிர்கால சந்ததிக்கு அறிமுகம் செய்கின்ற வகையில் விழா அமைந்தது.

போர்த்துக்க்கேய பாரம்பரியங்களைக் கொண்ட கலை நிகழ்வுகள் இடம்பெற்றன. விழாவை முன்னிட்டு நடத்தப்பட்ட போட்டிகளில் வெற்றி பெற்ற சாதனையாளர்களுக்கு பரிசில்கள் வழங்கப்பட்டன.
»»  (மேலும்)

| |

பொதுநலவாய மாநாட்டில் நான் கலந்து கொள்வது உறுதி : இந்திய வெளியுறவுத்துறை அமைச்சர் சல்மான் குர்ஷித்!

இலங்கையில் நடைபெற உள்ள பொதுநலவாய மாநாட்டில் இந்தியா கலந்து கொண்டால் தான் தமிழக மீனவர்கள் பிர்ச்சனை குறித்து பேசமுடியும். எனவே இந்தியா கலந்து கொள்வது உறுதி என இன்று இந்திய வெளியுறவுத்துறை அமைச்சர் சல்மான் குர்ஷித் தெரிவித்துள்ளார். இலங்கை அரசு ஈழத் தமிழகளுக்கு எதிராக இனப்படுகொலை, போர்க் குற்றங்கள், மனித உரிமை மீறல் குற்றங்களை செய்துள்ளது.

காமன்வெல்த் மாநாட்டு அமைப்புக்கான கொள்கைகளை இலங்கை நசுக்கியுள்ளது. இந்த நிலையில், இலங்கையில் நடைபெறும் காமன்வெல்த் மாநாட்டில் இந்தியா பங்கேற்றால், அதன் அனைத்துக் குற்றங்களையும் இந்தியா ஏற்றுக் கொண்டதாகவும், பாதிக்கப்பட்ட மக்களுக்கு எதிரான செயலாகவும் ஆகிவிடும்.
இலங்கையில் நடக்க உள்ள காமன்வெல்த் மாநாட்டில் இந்தியா பங்கேற்க கூட்டது என பல்வேறு அரசியல் கட்சிகள் வலியுறுத்தி வருவதோடு மட்டுமல்லாமல் தமிழக சட்டமன்றத்தில் தீர்மானமும் நிறைவேறப்பட்டது. இந்நிலையில் வெளிநாட்டு முதலீடுகளை ஈர்க்க இந்த மாநாடு முக்கியமானதாகும். எனவே, இலங்கையில் நடைபெறவுள்ள காமன்வெல்த் நாடுகளின் மாநாட்டில் இந்தியா பங்கேற்பது அவசியமாகும் என மத்திய வர்த்தகம் மற்றும் தொழில் துறை இணை அமைச்சர் சுதர்சன நாச்சியப்பன் நேற்று தெரிவித்தார்.
இதையடுத்து இலங்கையில் நடக்க உள்ள காமன்வெல்த் மாநாட்டில் இந்தியா கலந்து கொண்டால் தான் தமிழக மீனவர்கள் பிர்ச்சனை குறித்து பேசமுடியும். எனவே இந்தியா கலந்து கொள்வது உறுதி என இன்று இந்திய வெளியுறவுத்துறை அமைச்சர் சல்மான் குர்ஷித் தெரிவித்துள்ளார்.
மேலும் இம்மாநாட்டில் பிரதமர் கலந்து கொள்வது குறித்து இன்னும் முடிவெடுக்கப்படவில்லை, ஆனால் நான் கலந்து கொள்வது உறுதி என்றும் தெரிவித்தார்.
»»  (மேலும்)

| |

திருநங்கைகள் நல்வாழ்வுக்காகவும், எய்ட்ஸ் நோயாளிகளின் மறுவாழ்வுக்காகவும் செவாலியர் கெளரவ விருது

பிரான்ஸ் நாட்டின் உயரிய விருதான செவாலியர் கெளரவ விருது, தமிழரான அஞ்சலி கோபாலனுக்கு வழங்கப்பட்டுள்ளது.
திருநங்கைகள் நல்வாழ்வுக்காகவும், எய்ட்ஸ் நோயாளிகளின் மறுவாழ்வுக்காகவும் அவர் ஆற்றி வரும் தொண்டுக்காக இந்த விருது வழங்கப்பட்டுள்ளது.
வெள்ளிக்கிழமை தில்லியில் நடைபெற்ற விழா ஒன்றில் இந்த விருதை அவருக்கு அளித்துப் பேசிய பிரான்ஸ் நாட்டின் மகளிர் உரிமைத்துறை அமைச்சர் நஜத் வால்லாத்-பேல்காசெம் கூறும்போது, ""அஞ்சலியின் சேவைகள் மிகவும் பாராட்டத்தக்கவை.
நியூயார்க்கில் சமூக சேவகராகத் தன் பணியைத் தொடங்கிய அஞ்சலி கோபாலன், தென்கிழக்கு ஆசிய நாடுகளிலிருந்து வந்திருந்தவர்களுக்கு சேவையாற்றி வந்தார்.
பின்பு இந்தியா திரும்பி அவர் தொடங்கிய நாஜ் அறக்கட்டளை திருநங்கையர்கள், ஓரினச் சேர்க்கையாளர்கள் மற்றும் எய்ட்ஸ் நோயால் பாதிக்கப்பட்டவர்கள் வாழ்க்கையில் மாற்றத்தைக் கொண்டுவந்தது'' எனப் பாராட்டினார்.
அஞ்சலி கோபாலன் பேசும்போது, ""இந்த சேவைகளை நான் தொடர்ந்து செய்துவருவேன். விரைவில் எய்ட்ஸ் நோயாளிகளுக்கான காப்பகம் ஒன்றை அமைக்க திட்டமிட்டுள்ளேன்'' என்று தெரிவித்தார்.
»»  (மேலும்)

10/27/2013

| |

முதன்முறையாக, 'தமிழ் பிராமி' கண்டுபிடிக்கப்பட்ட பாறையை வெடிவைத்து தகர்த்துள்ளனர்.

திருநெல்வேலி: நெல்லை அருகே, 2000 ஆண்டுகள் பழமையான, 'சமணர் படுகை' கள் சேதப்படுத்தப்பட்டுள்ளன. 'கிரானைட்' கற்களுக்காக, பாறையை வெடிவைத்து தகர்த்துள்ளனர்.
திருநெல்வேலி மாவட்டம், சீவலப்பேரி அருகே உள்ளது மருகால்தலை. இங்குள்ள பாறைக் குன்று ஒன்றில், சமணர்கள், 2000 ஆண்டுகளுக்கு முன்பே தங்கியதன் அடையாளமாக, 'சமணர் படுகை' கள் உள்ளன. இதை, 1906ம் ஆண்டில், எல்.ஏ.கேமைட் என்ற ஆங்கிலேய தொல்லியலார் கண்டறிந்தார். தமிழகத்தில் முதன்முறையாக, 'தமிழ் பிராமி' இங்குதான் கண்டுபிடிக்கப்பட்டது.
»»  (மேலும்)

| |

நல்ல பொழுதையெல்லாம் தூங்கி கெடுத்தவர்கள் நாட்டை கெடுத்ததுடன் தானும்கெட்டார்

வட மாகாண சபையின் கன்னி அமர்வு கைதடியில் அமைக்கப்பட்டு உள்ள மாகாண சபையின் புதிய கட்டிட தொகுதியில் நேற்று இடம்பெற்றபோது முதலமைச்சர் சி. வி. விக்னேஸ்வரன்உட்பட மாகாணசபை உறுப்பினர் புளொட் சித்தார்த்தர் ஏனைய உறுப்பினர்கள்  பார்வையாளர் தரப்பிலிருந்த  தமிழ் தேசிய கூட்டமைப்பின் தலைவர் சம்பந்தர் போன்ற  முக்கியஸ்தர்கள் போட்டதூக்கத்தையும் இப்புகைப்படங்களில் காணலாம்.
news (1)

news (2)
news (6)news (3)
»»  (மேலும்)

10/26/2013

| |

யானையிடமிருந்து மயிரிழையில் உயிர் தப்பிய பெண்

அம்பாறை, நாவிதன்வெளி பிரதேச செயலகப் பிரிவிலுள்ள 5ஆம் கிராமம் வீரத்திடலில் யானைகளின் தாக்குதலிலிருந்து பெண்ணொருவர் மயிரிழையில் உயிர் தப்பியுள்ளார்.
இச்சம்வம் நேற்று வியாழக்கிழமை இரவு இடம்பெற்றுள்ளது.
இப்பெண் தனது வீட்டில் உறங்கிக்கொண்டிருந்த போது வீட்டின் சுவர் வீழ்த்தப்பட்டு நெல்மூடைகளை எடுக்கப்படுவதை அவதானித்துள்ளார்.
இது காட்டு யானைகளின் செயற்பாடு என்பதை அறிந்த அப் வீட்டின் பின்கதவால் ஓடி உயிர் தப்பியுள்ளார்.
பின்னர் இச்சம்  தொடர்பாக சவளக்கடை பொலிஸார் மற்றும் நாவிதன்வெளி பிரதேச செயலாளர் ஆகியோரிற்கு அறிவிக்கப்பட்டுள்ளது.
இப்பிரதேசத்தில் தெருமின்விளக்குகள் இன்மையால் இரவு வேளைகளில் ஊருக்குள் நுழையும் யானைகள் எவ்விடத்தில் மறைந்து நிற்கின்றது என்பதை அறியமுடியாதுள்ளதாக பிரதேச பொதுமக்கள் விசனம் தெரிவிக்கின்றனர்.
»»  (மேலும்)

| |

வலையிறவு பாலமும் கிழக்கு மாகாண வீதி அபிவிருத்தி திணைக்கள கட்டடத் தொகுதியும்

கிழக்கு மாகாண வீதி அபிவிருத்தி அமைச்சின் 310 மில்லியன் ரூபா நிதியில் மட்டக்களப்பு மாவட்டத்தில் மேற்கொள்ளப்பட்ட பாலங்களும், வீதி அபிவிருத்தி திணைக்களத்திற்கான கட்டடத் தொகுதியும் எதிர்வரும் 28ம் திகதி மிகவும் கோலாகலமாக திறந்து வைத்து மக்களிடம் கையளிக்கப் படவுள்ளதாக கிழக்கு மாகாண வீதி அபிவிருத்தி அமைச்சர் எம்.எஸ்.உதுமாலெப்பை தெரிவித்தார்.
மட்டக்களப்பு வலையிறவு, ஆயித்திய மலை பிரதேசங்களின் பிரதான வீதியில் அமைக்கபட்டுள்ள இரு பாலங்களும், கிழக்கு மாகாண வீதி அபிவிருத்தி திணைக்களத்தின் மாகாணப்பணிப்பாளர் புதிய கட்டடத் தொகுதியும், மட். மாவட்ட வீதி அபிவிருத்தி திணைக்களத்தின் பிரதம பொறியியலாளர் காரியாலயம் என்பன இதன் பொது வைபரீதியாக திறந்து வைக்கப்படவுள்ளன.
 
யுத்தம் முடிவுற்றதன் பின்னர் ஜனாபதி அவர்களின் மஹிந்த சிந்தனை வழிகாட்டளின் கீழ் கிழக்கு மாகாணத்தில் மேற்கொள்ளப்பட்டு வரும் துரித அபிவிருத்திப்பணிகளில் இதுவும் வரலாற்று முக்கியத்துவம்வாய்ந்த ஒரு நிகழ்வாகும்.
பயங்கரவாதத்தினால் மிகவும் பாதிக்கபட்டிருந்த தமிழ் பிரதேசங்களான வலையிறவு, ஆயித்திமலை மக்களுக்கு இப்பாலங்கள் அமையப்பெற்றிருப்பது வரப்பிரசாதமாகும். இதனால் இம்மக்களின் போக்குவரத்து மற்றும் கல்வி, கலாசார பொருளாதார வளர்ச்சி என்பனவற்றை மேம்படுத்த முடியும் என எதிர்பார்க்கப்படுகின்றது.
 
மேலும் கிழக்கு மாகாண வீதி அபிவிருத்தி திணைக்களத்தின் மாகாணப் பணிப்பாளரின் புதிய நவீன காரியாலயம் மட்டக்களப்பு மாவட்ட பிரதம பொறியியலாளர் காரியாலயம் என்பன அமைக்கப்பட்டுள்ளமை வரலாற்று நிகழ்வாகும்.
இதேவேளை மட். வலையறவு, ஆயித்திமலை பிரதேசங்களில் கிழக்கு மாகாண வீதி அபிவிருத்தி அமைச்சினால் சுமார் 404 மில்லியன் ரூபா நிதியொதுக்கீட்டில் அமைக்கப்பட்டு வரும் கொங்ரீட், காபட் வீதிகளும் விரைவில் மக்கள் பாவனைக்காக கையளித்து வைக்கபடவுள்ளன.
 
இந்த நிகழ்வு கிழக்கு மாகாண வீதி அபிவிருத்தி அமைச்சர் எம்.எஸ்.உதுமாலெப்பையின் அழைப்பின் பேரில் பிரதம அதிதிகளாக உள்ளுராட்சி மாகாண சபைகள் அமைச்சர் ஏ.எல்.எம்.அதாஉல்லா, கிழக்கு மாகாண முதலமைச்சர் நஜீப் அப்துல் மஜீட் ஆகியோருடன் கிழக்கு மாகாண அமைச்சர்கள், கிழக்கு மாகாண சபை உறுப்பினரும், ஜனாபதி ஆலோசகருமான எஸ்.சந்திரக்காந்தன், கிழக்கு மாகாண சபை உறுப்பினர்கள், வீதி அபிவிருத்தி திணைக்களத்தின் உயரதிகாரிகள், ஆசிய அபிவிருத்தி வங்கியின் இலங்கைக்கான பிரதிநிதி உள்ளிட்ட பலர் கலந்து கொள்ளவுள்ளனர்.
»»  (மேலும்)

| |

முதலமைச்சருக்கு வரலாறு தெரியாதாம்: கேட்டு தெரிந்து கொள்ளச் சொல்கிறார்! அரியம் எம்.பி

வரலாறு தெரியா விட்டால் யாழ் பாராளுமன்ற உறுப் பினரிடம் கேட்டு முதலமைச்சர் தெரிந்திருக்க வேண்டும் என அரியநேந்திரன் எம்.பி தெரிவித்துள்ளார்.

வடமாகாணசபையின் கன்னி அமர்வு இன்று இடம்பெற்ற போது அங்கு உரையாற்றிய முதலமைச்சர் விக்கினேஸ் வரன் வடக்கில் இருந்து வெளியேற்றப்பட்ட முஸ்லிம்கள் மீள குடியமர்த்தப்படுவார்கள் எனத் தெரிவித்தது தொடர்பில் தனது முகப்புத்தக நண்பர்கள் தமிழ் மக்கள் பல பிரதேசங்களில் குடியமர்தப்படவில்லை, நிலம் அபகரிக்கப்படுகிறது முதலமைச்சர் இதற்கு முக்கியத்துவம் கொடுக்கவில்லையே எனக் கேட்டதற்கு பதில் அளிக்கையிலேயே தெரிவித்துள்ளார். 

இது தொடர்பில் அவர் தெரிவித்துள்ளதாவது,

வெளியேற்றப்பட்ட முஸ்லிம் மக்களை குடியமர்த்தப்படாமைக்கான காரணம் அரசாங்கமும் அரசில் ஒட்டியிருக்கும் றிசாட்பதியூதீன் அமைச்சருமேயன்றி வேறுயாருமில்லை. வடமாகாண சபை ஆரமபிக்கப்படும்வரை அரசாங்கம் ஏன் முஸ்லிம் மக்களை ஏற்கனவே குடியமர்த்த வில்லை என்பதை வடமாகாண முதலமைச்சர் தனது உரையில் சுட்டிக்காட்டி இருக்க வேண்டும். 

சிலவேளை முதலமைச்சருக்கு வரலாறு தெரியாவிட்டால் வரலாறு தெரிந்த யாழ்மாவட்ட பாராளுமன்ற உறுப்பினர்களை கேட்டு அறியலாம். வடமாகாண தமிழ் மக்கள் பல இடங்களில் இடம்பெயர்ந்து சொல்லொண்ணா துன்பத்தில் மரநிழலிலும் கூடாரங்களிலும் அவல வாழ்கையை வாழ்கின்றனர். இவர்களின் கண்ணீரையும் போக்கவும் உரிமை கிடைப்பதற்கான இராயதந்திர வழி முறை யையும் வடமாகாணசபை ஆற்றுப்படுத்தவேண்டும் எனவும் தெரிவித்துள்ளார்
»»  (மேலும்)

| |

வட மாகாண புதிய கட்டிடத் திறப்பு விழா எம். பிக்களான மாவை, சுரேஷ், சரவணபவன் ஊர்வலத்தில் பங்கேற்காது ஒதுங்கினர்

வட மாகாணசபை கன்னி அமர்வில் முதலமைச்சர் விக்னேஸ்வரன் உரை
முதலமர்வு கலாசார வைபவங்களுடன் கோலாகலம்
அவை தவிசாளர் - சி.வி.கே.சிவஞானம்
உப தவிசாளர் - அன்ரனி ஜெகநாதன்
எதிர்க்கட்சி தலைவர் - க.கமலேந்திரன்
போருக்கு பிந்திய வட மாகாணத்தை தமிழ்த் தேசிய கூட்டமைப்பும் அரசாங்கமும் இணைந்து அபிவிருத்திகளை மேற்கொள்ள வேண்டிய தேவையுள்ளதென வட மாகாண சபை முதலமைச்சர் சீ.வி. விக்னேஸ்வரன் தெரிவித்தார்.
வட மாகாண சபையின் கன்னி அமர்வு நேற்று, கைதடியிலுள்ள மாகாண சபைக் கட்டடத்தில் இடம்பெற்றது. இங்கு சபை தவிசாளர், உப தவிசாளர் தெரிவின் பின்னர் கன்னியுரையாற்றிய அவர் மேலும் கூறியதாவது, சர்வதேச சமூகம் வடபகுதி மக்களுக்கு தொழில் சார்ந்த நடவடிக்கைகளுக்கான உதவிகளை வழங்க வேண்டும்.
வடமாகாண சபையானது மக்களுக்கான தேவைகளை பெற்றுக்கொள்ளக்கூடிய வகையில் சட்டவரையறைக்குள் செயற்படவுள்ளது. 13 ஆவது திருத்தச் சட்டத்தில் சில குறைபாடுகள் காணப்பட்டாலும் அதனை ஏற்றுக்கொள்ள வேண்டிய தேவை எமக்கு இருக்கிறது” என்றும் முதலமைச்சர் விக்னேஸ்வரன் கூறினார்.
வட மாகாண சபையின் கன்னி அமர்வு நேற்று காலை, கைதடியில் அமைக்கப்பட்டுள்ள புதிய மாகாண சபை கட்டடத்தில் சிறப்பாக நடைபெற்றது. இதன் போது சபைத் தவிசாளராக கந்தையா சிவஞானமும் உப தவிசாளராக அன்ரனி ஜெகநாதனும் ஏகமனதாக தெரிவு செய்யப்பட்டனர்.
வட மாகாண சபையின் முதல் அமர்வு நேற்று காலை 9.30 மணிக்கு வட மாகாண செயலாளர் கிருஷ்ண மூர்த்தியின் தலைமையில் நடைபெற்றது. சபையின் தவிசாளரையும், உப தவிசாளரையும் தெரிவு செய்யுமாறு அவர் முதலமைச்சரை கோரினார். இதன்படி தமிழரசுக் கட்சி சார்பாக யாழ். மாவட்டத்தில் போட்டியிட்ட சி.வி.கே. சிவஞானம் இந்தப் பதவிக்காக பரிந்துரைக்கப்பட்டார்.
இவரின் பெயரை மாகாண அமைச்சர் தம்பிராஜா குருகுலராஜா முன்மொழிய மாகாண அமைச்சர் பொன்னையா ஐங்கரநேசன் வழிமொழிந்தார். இதன் பின்பு உப தவிசாளர் தெரிவு இடம்பெற்றது. இதற்கு அன்ரனி ஜெகநாதனின் பெயர் பரிந்துரை செய்யப்பட்டது. மாகாண அமைச்சர் பத்மநாதன் சத்தியமூர்த்தி பெயரை முன்மொழிய மாகாண அமைச்சர் டெனீஸ்வரன் வழிமொழிந்தார்.
இதனைத் தொடர்ந்து தவிசாளர் சிவஞானத்தின் தலைமையில் நடவடிக்கைகள் இடம்பெற்றதோடு முதல் நிகழ்வாக வட மாகாண முதலமைச்சர் சீ.வி. விக்னேஸ்வரன் உரைநிகழ்த்தினார். அவரது உரையைத் தொடர்ந்து எதிர்க் கட்சித் தலைவராகத் தேர்ந்தெடுக்கப்பட்ட கந்தசாமி கமலேந்தின் (ஈ.பி.டி.பி) உரையாற்றினார். அதனைத் தொடர்ந்து கட்சிகளைப் பிரதிநிதித்துவப்படுத்தும் வகையில் உறுப்பினர்கள் உரையாற்றினர்.
முஸ்லிம்கள் சார்பாக த.தே.கூ. உறுப்பினர் அஸ்மினும் அரசாங்கத்தின் சார்பாக ஐ.ம.சு.மு. உறுப்பினர் ஜெயதிலகவும் உரைநிகழ்த்தினர். சபை நடவடிக்கைகள் எதுவித சச்சரவுகளுமின்றி பிற்பகல் 12.15 மணியளவில் நிறைவடைந்ததாக அறிய வருகிறது. அடுத்த அமர்வு நவம்பர் 11 ஆம் திகதி நடைபெறும் என சபை தவிசாளர் கந்தையா சிவஞானம் இங்கு அறிவித்தார்.
அன்றைய தினம் வட மாகாண ஆளுநர் ஜீ.ஏ. சந்திரசிறியினால் கொள்கைப் பிரகடனம் வெளியிடப்படவுள்ளது. வட மாகாணத்தின் கன்னி அமர்வில் தமிழ்த் தேசிய கூட்டமைப்பு தலைவர் இரா சம்பந்தன், த.தே.கூ. பாராளுமன்ற உறுப்பினர்கள் உட்பட பலரும் கலந்து கொண்டிருந்தனர். இதேவேளை வட மாகாண ஆரம்ப அமர்விற்கு முன்னதாக வட மாகாண சபை புதிய கட்டடத் திறப்பு விழா நடைபெற்றது.
வட மாகாண ஆளுநர், முதலமைச்சர், த.தே.கூ. உறுப்பினர்கள் ஆகியோர் ஊர்வலமாக கைதடியிலுள்ள புதிய கட்டடத்திற்கு அழைத்து வரப்பட்டனர். ஆனால் இந்த ஊர்வலத்தில் சில த.தே.கூ. உறுப்பினர்கள் பங்கேற்காது ஒதுங்கி நின்றதாக அறியவருகிறது. கடந்த செப்டெம்பர் 21ம் திகதி நடைபெற்ற வட மாகாண சபைத் தேர்தலில் த.தே. கூட்டமைப்பு 30 ஆசனங்களையும் ஐ.ம.சு.மு. 7 ஆசனங்களையும் ஸ்ரீலங்கா மு.கா. ஒரு ஆசனத்தையும் வெற்றியீட்டியது.
இந்த நிலையில் தேசிய மட்டத்தில் மட்டுமன்றி சர்வதேச மட்டத்திலும் வட மாகாண சபை அமர்வு தொடர்பில் கூடுதல் கவனம் செலுத்தப்பட்டிருந்தது. பாரிய எதிர்பார்ப்புகளுக்கு மத்தியில் கன்னி அமர்வு சிறப்பாக நடைபெற்றதாக அறியவருகிறது.
»»  (மேலும்)

| |

கால்நடை மேச்சல்தரை நிலங்களை ஆக்கிரம்பு மற்றும் காடுகளை அழிப்பதற்கு எதிர்ப்பு தெரிவித்து ஆர்ப்பாட்டம்

திருக்கோவில் வட்டமடு பிரதேசத்தில்  கால்நடைகளுக்காக ஒதுக்கப்பட்ட மேச்சல்தரை பிரதேசத்தில் அத்துமீறி சட்டவிரோதமாக காடுகளை அழிப்பது மற்றும் மேச்சல்தரைக்கு சொந்தமான  நிலங்களை பெரும்போக நெல் வேளாண்மைக்கு செய்கைக்கு  முற்படவதற்கு எதிர்ப்பு தெரிவித்து கால்நடை வளர்பாளர்கள் நேற்று வியாழக்கிழமை  மாலை ஆர்ப்பாட்டத்தில் ஈடுபட்டனர்.
அம்பாரை மாவட்டத்தில் பால்உற்பத்தியை பெருக்குவதற்காக 1976 ம் ஆண்டு வர்த்தமானியில் வட்டமடு பிரதேசம் 4 ஆயிரம் ஏக்கர் நிலப்பரப்பு கொண்ட நிலப்பரப்பு கால்நடைகளுக்கான மேச்சல்; தரைக்காக  அறிவிக்கப்பட்டு பிரசுரம் செய்யப்பட்டது இந் நிலையில் கடந்த கால யுத்த சூழ்நிலையில் இப்பிரதேசத்திற்கு கால்நடையாளர்கள் செல்லமுடியாத நிலை ஏற்பட்டதை பயன்படுத்தி சட்டத்திற்கு விரோதமாக இவ் மேச்சல் தரைக்கு ஒதுக்கப்பட்ட நிலங்களை சட்டரீதியற்ற காணிப்பத்திரங்களை அரசியல் செல்வாக்கு மூலம் வழங்கப்பட்டு இவ் நிலங்களை ஆக்கிரம்பு செய்துவருவது காடுகளை அழித்துவருகின்றனர் .
இவ் ஆக்கிரமிப்புக்கு எதிர்பு தெரிவித்து கால் நடை பால் பண்ணையாளர்கள் நேற்று வியாழக்கிழமை மாலை 4.00 மணிக்கு வட்டமடு பிரதேசத்தில் அர்ப்பாட்டத்தில் ஈடுபட்டனர் இதில் அரசாங்கமே கால்நடைகளுக்கு 1976 ம் ஆண்டு ஒதுக்கிய மேச்சல் தரையை மீட்டுத்தாருங்கள், சட்டவிரோதமாக காடுகளை அழிப்பவர்களுக்கு எதிராக நடவடிக்கை எடுக்கவேண்டும், பொலிசார் பக்கசார்பற்று நீதியாக செயற்படவேண்டும், அரசாங்கமே கால் நடைகளுக்கு ஓதுக்கிய மேச்சல் தரையை ஆக்கிரமிப்பவர்களை வேளியேற்று, கால்நடைகளுக்கு ஒதுக்கிய மேச்சல்தரையை  பெற்றுத்தராவிடில் கால்நடைகளை பெறுப்பேற்கவும், என சுலோகங்கள் தாங்கியவாறு கேசங்கள் எழுப்பியவாறு 100 க்கு மேற்பட்டோர் ஆர்பாட்டத்தில் ஈடுபட்டனர்ஃ.
இதனை தொடர்ந்து ஆர்பாட்டக்காரர்கள் தங்களுக்கு மேச்சல்தரையில் ஒர ஏக்கர் நிலப்பரப்பை கூட வழங்கக் கூடாது இதனையும் மீறி வழங்கப்படுமாயில் இவ்விடத்தில் சாகும்வரை உண்ணாவிரதம் குடும்பங்களுடன் இருப்பபோவதாக தெரிவித்த்து சுமார் 30 நிமிடங்கள் ஆர்பாட்டத்தில் ஈடுபட்டு பின்னர் கலைந்து சென்;றனர்.
இதேவேளை கடந்த மாதம் இப்பிரதேசத்தில் ஆர்பாட்டத்தில் கால்நடையாளர்கள் ஈடுபட்டதுடன் காடுகளை அழித்த 31 பேih பிடித்து பொலிசாருடன் ஓப்படைத்ததுடன் இப் பிரதேசம் 1976 ம் ஆண்டு மேச்சல் தரைக்கு ஒதுக்கப்பட்டதுடன் 2010ம் ஆண்டு இப்பிரதேசம் அடங்கலாக வனப்பகுதியாக வர்த்தமானி மூலம் அறிவிக்கப்பட்டுள்ளது என்பது குறிப்பிடத்தக்கது
»»  (மேலும்)

10/25/2013

| |

கல்முனை மேயர் விவகாரம்; அமைச்சர் ஹக்கீம் தலைமையில் பாராளுமன்றில் அவசர கூட்டம்

தலைமையின் முடிவை ஏற்பதாக மாநகர சபை உறுப்பினர்கள் உறுதி
கல்முனை மேயர் விவகாரம் தொடர்பில் கட்சி தலைமைத்துவம் மேற்கொள்ளும் எந்தவொரு முடிவையும் ஏற்றுக் கொள்வதாக கல்முனை மாநகரசபை முஸ்லிம் காங்கிரஸ் உறுப்பினர்கள் உறுதியளித்தனர்.
கல்முனை நகரபிதா விவகாரம் தொடர்பில் எழுந்துள்ள பிரச்சினைக்கு தீர்வு காணும் முகமாக நேற்று பிற்பகல் பாராளுமன்றத்தில் அமைச்சர் ரவூப்ஹக்கீமின் தலைமையில் அவரது அறையில் முக்கிய கூட்டமொன்று நடைபெற்றது.
இக்கூட்டத்தில் கட்சியின் செயலாளர் நாயகம், பாராளுமன்ற உறுப்பினர் எம்.ரி.ஹசனலி, பராளுமன்ற உறுப்பினர்களான எம்.எஸ். தெளபீக், பைசல் காசிம் ஆகியோருடன் பிரதி மேயர் சட்டத்தரணி நிஷாம் காரியப்பர் மற்றும் கல்முனை மாநகரசபை முஸ்லிம் காங்கிரஸ் உறுப்பினர்களான அமீர், நிஸார்தீன், பிர்தெளஸ், பசீர், பரக்கத், முஸ்தபா, உமர் அலி ஆகியோர் கலந்து கொண்டனர்.
இந்தக் கூட்டத்தில் கல்முனை பாராளுமன்ற உறுப்பினர் எச்.எம்.எம்.ஹரிஸ் பாராளுமன்றத்திற்கு வருகை தந்திருந்த போதிலும் இந்தக் கூட்டத்தில் கலந்து கொள்ளாதையிட்டு அமைச்சர் ரவூப்ஹக்கீம் தனது கவலையையும் கண்டனத்தையும் தெரிவித்தார். இது தொடர்பாக மேலும் கருத்து தெரிவிக்கையில், கல்முனை நகரபிதா ஷிராஸ் மிரா சாஹிப் முதல் இரண்டு வருடங்களுக்கு மேயர் பதவி வகிப்பதாகவும் அடுத்த இரண்டு வருடங்களுக்கு சட்டத்தரணி நிசாம் காரியப்பருக்கு பதவியை விட்டுக் கொடுப்பதற்கு ஆரம்பத்திலேயே இணக்கம் தெரிவித்திருந்தார். இந்த கனவான் ஒப்பந்தத்தின் அடிப்படையில் தான் இந்தப் பதவி ஷிராஸ் மீரா சாஹிப்புக்கு வழங்கப்பட்டது.
கட்சிக்கு கட்டுப்பட்டு, கட்சிக்கு விசுவாசமாக நடந்து கொண்டு தனது மேயர் பதவியில் இருந்து இராஜினாமா செய்வார் என்று தாமும் கட்சியும் எதிர்பார்ப்பதாக அமைச்சர் ஹக்கீம் தெரிவித்தார். ஆனால் இது சம்பந்தமாக ஒரு வார கால அவகாசம் கேட்டிருந்த கல்முனை மாநகர மேயர் இன்றைய கூட்டத்திற்கு வருகை தரவில்லை. எனினும் இந்த விடயம் தொடர்பில் கல்முனை மாநகர சபை உறுப்பினர்களுடன் கலந்துரை யாடப்பட்ட போது கட்சி தலைமைத்துவம் எடுக்கும் முடிவுக்கு தாங்கள் கட்டுப்படுவதாக மாநகர சபை உறுப்பினர்கள் தம்மிடம் உறுதியளித்ததாக அமைச்சர் ஹக்கீம் மேலும் தெரிவித்தார்.
»»  (மேலும்)

| |

கிராமத்திற்கு பெருமை சேர்த்த மாணவர்களை வாழ்த்துகின்றோம்

வந்தாறுமூலை மத்திய மகா வித்தியாலயத்தைச் சேர்ந்த மாணவர்கள் அண்மையில் நடைபெற்ற தேசியமட்ட கணித நாடகப் போட்டியில் பங்குபற்றி முதலாமிடத்தைப் பெற்றிருந்தனர்.  ஒரு கிராமத்திலிருந்து பங்குபற்றி எமது கிராமத்திற்கு பெருமையீட்டியமைக்காக வெற்றியீட்டிய மாணவர்களுக்கு எமது வாழ்த்துக்களைத் தெரிவித்துக்கொள்வதுடன், வழிநடாத்திய அதிபர் அவர்களுக்கும்,  பயிற்றுவித்த ஆசிரியர்களுக்கும் மற்றும் உறுதுணையாக நின்ற ஏணையோருக்கும் எமது பாராட்டுக்களையும் எமது இணையத்தளம் சார்பாகத் தெரிவித்துக்கொள்கின்றோம்.
 
மாணவர்களின் இந்தச் சாதனை முயற்சியானது அதிபர் மற்றும் கணித பாட குழு, மற்றும் பிற பாட ஆசிரியர்கள் மற்றும் பலரது கூட்டுமுயற்சியினால் கிடைத்ததொன்றாகும்.
 
அந்தவகையில் ஆலோசனைகளையும், ஊக்கப்படுத்தல்களையும் வழங்கிய  பாடசாலை அதிபர் தினகரன் ரவி அவர்களும்,  நாடகத்தின் கதாசிரியரும் உதவி நெறிப்படுத்துனருமான திருமதி கலாயினி தயாபரன் (கணித பாட ஆசிரியர்) , நாடகத்தின் நெறிப்படுத்துனரான ஆறுமுகம் சிறிதரன் (நாடகமும் அரங்கியலும் ஆசிரியர்), நாடகத்தின் பிரதான ஒழுங்கமைப்பாளர்களான கு.தவராசா (கணித பாட இணைப்பாளர்) , க.தேவராசா (கணிதபாட ஆசிரியர்), தே.லிங்கேஸ்வரன் (கணித பாட ஆசிரியர்) முதலியோரும், நாடக உதவியாளர்களான செல்வி ம.சர்மினி (கர்நாடக சங்கீத பாட ஆசிரியர்), செல்வி பா.ஜெயராணி (நாடகமும் அரரங்கியலும் பாட ஆசிரியர்), செல்வி க.சௌந்தரி (பரத நாட்டிய பாட ஆசிரியர்), தாளவாத்திய உதவி புரிந்த தெ.டினேஸ்வரன், தங்குமிட உதவி புரிந்த கல்குடா கல்வி வலய கணித பாட சேவைக்கால ஆசிரிய ஆலோசகர் பொ.குகதாசன் , மாணவர் நலன்புரி நடவடிக்கையில் உதவிய ஆசிரியர் பு.தயாபரன் முதலியோரும், பாடசாலையின் பல்வேறு பாடத்துறை சார்ந்த பல ஆசிரியர்களும், பாடசாலையின் மாணவர்களும்  இந்த சாதனை முயற்சியில் தம்மை அர்ப்பணித்திருந்தனர்.
 
கணித நாடகப் போட்டியில் பங்குபற்றி சாதனையை பெற்றுத் தந்த மாணவர்கள்
 
  செல்வி.  சிவகுமார் இந்துஜா
 செல்வி.  செல்வநாயகம் தூபிகா
  செல்வி. சிவகுமார் குலோச்சனா
 செல்வி.  மனோகரன் சோஜிதா
 செல்வி.  மோகனதாஸ் டயனிக்கா
 செல்வி.  அழகேந்திரன் பவதாரணி
 செல்வி.  சுந்தரமூர்த்தி சுதர்ஜினி
 செல்வி.  சகாதேவன் இந்துஜா
 செல்வி.  சுதாகர் சன்சில்கா
 செல்வன். குமார் கவிதர்சன்
 செல்வன். சண்முகநாதன் சுரணிதரன்
 செல்வன். இராமச்சந்திரன் டிலக்சன்
 செல்வன். சத்தியசீலன் பேசாந்
 செல்வன். அருமத்துரை குகலக்க்ஷன்
 செல்வன். குழந்தைவடிவேல் டிலக்சன்
 செல்வி.  சண்முகநாதன் கேதுஜா
 செல்வி.  ரவிச்சந்திரன் விதுர்ஷனா
 செல்வி.  கோபாலன் ஜதுஷிக்கா
 செல்வி.  குமாரசாமி வக்சலா
 செல்வி.  சிறி கௌசல்யா
 செல்வி. ரவிநாதன் லக்க்ஷனா
 செல்வி. ஆசைத்தம்பி ஜெனனி
»»  (மேலும்)

10/23/2013

| |

வட மாகாண சபைக்கு ரூ. 1733 கோடி ஒதுக்கீடு

2014 நிதியாண்டிற்காக அரசாங்கம் 154,252 கோடி 25 இலட்சத்து 18 ஆயிரம் ரூபா (1,542,522,518,000) நிதி ஒதுக்கியுள்ளது. அடுத்த வருடத்திற்கான வரவு செலவுத் திட்ட மதிப்பீட்டு சட்ட மூலம், சபை முதல்வர் நிமல் சிரிபால டி சில்வாவினால் நேற்று பாராளுமன்றத்தில் சமர்ப்பிக்கப்பட்டது.
பிரதமர் தி.மு. ஜயரத்னவின் சார்பாக அமைச்சர் நிமல் சிரிபால டி சில்வா இதனை சமர்ப்பித்தார். இதன்படி இம்முறையும் பாதுகாப்பு, நகர அபிவிருத்தி அமைச்சிற்கே கூடுதல் நிதி ஒதுக்கப்பட்டுள்ளது. பாதுகாப்பு நகர அபிவிருத்தி அமைச்சிற்கு 25,390 கோடி 29 இலட்சத்து 10 ஆயிரம் ரூபா (253,902,910,000) ஒதுக்கீடு செய்யப்பட்டுள்ளது.
அடுத்ததாக நிதி, திட்டமிடல் அமைச் சிற்கு 16,434 கோடி 407 இலட்சத்து 80 ஆயிரம் ரூபாவும் பொருளாதார அபிவிருத்தி அமைச்சிற்கு 10,601 கோடி 2 இலட்சத்து 50 ஆயிரம் ரூபாவும் ஒதுக்கப்பட்டுள்ளது.
ஜனாதிபதி பிரதமரின் அலுவலகம், அடங்கலான 22 விடயங்களுக்காக 1630 கோடி 93 இலட்சத்து 10 ஆயிரம் ரூபா ஒதுக்கப்பட்டுள்ளது. துறைமுகங்கள், நெடுஞ்சாலைகள் அமைச்சிற்காக 14499 கோடி 83 இலட்சத்து 76 ஆயிரம் ரூபாவும், பொது நிர்வாக உள்நாட்டலுவல்கள் அமைச்சிற்கு 13,820 கோடி 86 இலட்சம் ரூபாவும் கல்வி அமைச்சிற்கு 3884 கோடி 79 இலட்சத்து 7 ஆயிரம் ரூபாவும் உயர் கல்வி அமைச்சிற்கு 2950 கோடி 69 இலட்சத்து 40 ஆயிரம் ரூபாவும் ஒதுக்கப்பட்டுள்ளதாக நிதி ஒதுக்கீட்டுச் சட்ட மூலத்தில் குறிப்பிடப்பட்டுள்ளது. வெகுஜன ஊடக தகவல் அமைச்சிற்காக இம்முறை 268 கோடி 26 இலட்சத்து 50 ஆயிரம் ரூபா ஒதுக்கப்பட்டுள்ள அதேவேளை, நிர்மாண பொறியியல் சேவைகள் வீடமைப்பு, பொது வசதிகள் அமைச்சிற்காக 402 கோடி 977 இலட்சத்து 8 ஆயிரம் ரூபாவும் உள்ளூராட்சி, மாகாண சபைகள் அமைச்சிற்கு 14884 கோடி 96 இலட்சத்து 97 ஆயிரம் ரூபாவும் ஒதுக்கப்பட்டுள்ளது. இதேவேளை கடற்றொழில் நீரியல் வள அமைச்சிற்காக 443 கோடி 68 இலட்சத்து 72 ஆயிரம் ரூபாவும் மீள்குடியேற்ற அமைச்சிற்காக 35 கோடி 79 இலட்சத்து 5 ஆயிரம் ரூபாவும் ஒதுக்கப்பட்டுள்ளதோடு புனர்வாழ்வு, சிறைச்சாலை மறுசீரமைப்பு அமைச்சிற்காக 571 கோடி 84 இலட்சத்து 15 ஆயிரம் ரூபா ஒதுக்கீடு செய்யப்பட்டுள்ளது. சிவில் விமானப் போக்குவரத்து அமைச்சிற்காக 1367 கோடி 87 இலட்சத்து 80 ஆயிரம் ரூபா ஒதுக்கப்பட்டுள்ளது. சட்டமும் ஒழுங்குகள் அமைச்சிற்கு 5234 கோடி 33 இலட்சம் ரூபா ஒதுக்கப்பட்டிருப்பதோடு கல்விச் சேவைகள் அமைச்சிற்காக 768 கோடி 46 இலட்சத்து 5 ஆயிரம் ரூபா ஒதுக்க நடவடிக்கை எடுக்கப்பட்டுள்ளது.
விவசாய அமைச்சிற்கு 4447 கோடியும் கூட்டுறவு உள்நாட்டு வர்த்தக அமைச்சிற்கு 172 கோடி 69 இலட்சத்து 30 ஆயிரம் ரூபாவும் போக்குவரத்து அமைச்சிற்கு 5856 கோடி 45 இலட்சம் ரூபாவும் வெளிவிவகார அமைச்சிற்கு 930 கோடி ரூபாவும் சுகாதார அமைச்சிற்கு 11,768 கோடி 899 இலட்சத்து 98 ஆயிரம் ரூபாவும் ஒதுக்கப்பட்டுள்ளது குறிப்பிடத்தக்கது. 2014 ஆம் ஆண்டிற்கான வரவு செலவுத் திட்டம் நவம்பர் 21ம் திகதி ஜனாதிபதி மஹிந்த ராஜபக்ஷவினால் பாராளுமன்றத்தில் சமர்ப்பிக்கப்படவுள்ளது. 22 ஆம் திகதி முதல் 29 ஆம் திகதி வரை இரண்டாம் வாசிப்பு மீதான விவாதம் நடைபெற்று இரண்டாம் வாசிப்பு மீதான வாக்கெடுப்பு இடம்பெறும் குழுநிலை விவாதம் டிசம்பர் 2ம் திகதி முதல் 20 ஆம் திகதி வரை நடைபெற்று அன்றைய தினம் இறுதி வாக்கெடுப்பு நடைபெறவுள்ளது.வரவு செலவுத்திட்டத்திற்காக பாராளுமன்றம் காலை 9.30 மணி முதல் மாலை 6.30 மணி வரை கூட உள்ளது. மாலை 6.30 முதல் மாலை 7.00 மணி வரை ஒத்திவைப்பு வேளை விவாதங்கள் நடத்தப்படும்.

வட மாகாண சபைக்கு ரூ. 1733 கோடி ஒதுக்கீடு

கடந்த ஆண்டில் 1396 கோடி 29 இலட்சத்து 95000 ரூபா ஒதுக்கப்பட்டிருந்தது
2014 வரவு செலவுத் திட்டத்தினூ டாக வடமாகாண சபைக்காக 1733 கோடி பத்து இலட்சம் ரூபா ஒதுக்க பரிந்து ரைக்கப்பட்டுள்ளது.
பாராளுமன்றத்தில் நேற்று சமர் ப்பிக்கப்பட்ட வரவு செலவுத் திட்ட மதிப்பீட்டு சட்டமூலத்தின் பிரகாரம் வடமாகாண சபையின் மீண்டு வரும் செலவினமாக 11,500,000,000 ரூபாவும் மூலதன செலவினமாக 5,831,000,000 ரூபாவும் ஒதுக்கப்பட்டுள்ளது. கடந்த ஆண்டில் 1396 கோடி 29 இலட்சத்து 95000 ரூபா ஒதுக்கப்பட்டிருந்தது அதேவேளை, கிழக்கு மாகாண சபைக்காக 2014 இல் 1604 கோடி 6 இலட்சம் ரூபா ஒதுக்கப்பட்டுள்ளது.
வடமாகாண சபைக்கு அண்மையில் தேர்தல் நடைபெற்றதோடு முதல் தடவையாகவே வட மாகாண சபையில் மக்களால் தெரிவு செய்யப்பட்ட தமிழ்த் தேசிய கூட்டமைப்பினால் நிர்வகிக்கப்பட உள்ளது தெரிந்ததே.
»»  (மேலும்)

| |

பொய் சாட்சி சொல்லும் சம்பந்தர் *காமன்வெல்த் மாநாட்டில் இந்தியப் பிரதமர் கலந்துகொள்வதை இலங்கைத் தமிழர்கள் விரும்பவில்லை

தமிழ்த் தேசியக் கூட்டமைப்பின் தலைவர் இரா. சம்பந்தன் இன்று (அக்டோபர் 22,2013) செவ்வாய்க்கிழமை காலை தமிழக பாரதீய ஜனதா கட்சியின் தலைவர்களை சென்னையில் சந்தித்து இலங்கைத் தமிழர் நிலை தொடர்பில் பேச்சுவார்த்தைகள் நடத்தினார். பாஜகவின் தலைமையகமான கமலாலயத்தில் இந்த ஆலோசனை நடைபெற்றது.
இந்த சந்திப்புக்கு பிறகு செய்தியாளர்களிடம் பேசிய சம்பந்தன், இலங்கையில் நடக்கும் காமன்வெல்த் மாநாட்டில் இந்தியப் பிரதமர் கலந்துகொள்வதை இலங்கைத் தமிழர்கள் விரும்பவில்லை என்று தெரிவித்துள்ளார். "இந்தியா வேண்டுமானால் அங்கு கலந்து கொள்வதன் வழியே அந்நாட்டுத் தமிழர்கள் வாழ்வில் முன்னேற்றம் ஏற்படக்கூடும் என நினைக்கலாம், ஆனால் இலங்கை தமிழர்கள் பலர் அப்படிக்கருதவில்லை", என்று கூறிய சம்பந்தன், இந்திய உதவியுடன் நிறைவேற்றப்படும் திட்டங்கள் முழுவதுமாக இலங்கை தமிழர்களை சென்றடையவில்லை என்றும் கூறினார்.
இலங்கைத் தமிழர்கள் எதிர்கொள்ளும் பிரச்சினைகள் குறித்து பாரதீய ஜனதா தலைவர்களிடம் தாம் விரிவாக எடுத்துக்கூறியதாகவும், இதே போன்று அனைத்து மாநிலங்களிலும் சுற்றுப் பயணம் மேற்கொண்டு அங்கங்குள்ள கட்சித் தலைவர்களிடம் இலங்கைத் தமிழர் நலனை மேம்படுத்த இந்தியா ஆக்கபூர்வ நடவடிக்கைகள் மேற்கொள்ளவேண்டுமென வலியுறுத்தவிருப்பதாகவும் சம்பந்தன் கூறினார். இலங்கை அரசியல் சட்டத்தின் 13வது சட்டத் திருத்தத்தினை நீர்த்துப்போகாமல் பார்த்துக்கொண்டது இந்தியத் தலையீடே என்று கூறிய சம்பந்தன், அத்தகைய பங்களிப்பு தொடர்ந்தும் தேவைப்படுவதாகவும் தெரிவித்தார்.
பாஜகவின், தமிழ்நாடு மாநில தலைவர் பொன். ராதாகிருஷ்ணன், பாஜகவின் தேசிய செயற்குழு உறுப்பினர் இல.கணேசன் மற்றும் தமிழிசை சௌந்தர்ராஜன், வானதி சீனிவாசன் ஆகியோர், தமிழ்த் தேசியக் கூட்டமைப்பின் தலைவர் இரா.சம்பந்தனுடனான சந்திப்பில் கலந்து கொண்டுள்ளனர். ஏறத்தாழ இரண்டுமணிநேரம் இப்பேச்சுவார்த்தைகள் நடந்திருக்கின்றன.
பாஜகவின் இராதாகிருஷ்ணன் பேச்சுவார்த்தை விவரங்களை தங்கள் கட்சித் தலைமையிடம், குறிப்பாக பிரதமர் வேட்பாளர் நரேந்திர மோடியிடம் தெரிவித்து இலங்கைத் தமிழர் வாழ்வு சிறக்க தங்களாலியன்றது அனைத்தையும் செய்யவிருப்பதாகக் கூறினார்.
பாஜகவின் சார்பில் பிரதமர் பதவிக்கான வேட்பாளராக அறிவிக்கப்பட்டிருக்கும் நரேந்திர மோடி சமீபத்தில் சென்னையில் பேசும்போது, இலங்கை தமிழர்களின் கனவு விரைவில் நிறைவேறும் என்று பேசியிருந்த பின்னணியில், தமிழ்தேசிய கூட்டமைப்பின் தலைமை பாஜகவின் தலைவர்களை நேரில் சந்தித்து பேசியிருப்பது குறிப்பிடத்தக்கது.
»»  (மேலும்)

| |

மாகாண சபை அமர்வுக்கு முன்னர் ததேகூ உயர்குழுவைக் கூட்டக் கோரிக்கை

இலங்கையின் வடமாகாண சபை தனது முதலாவது அமர்வை வரும் 25 ஆம் திகதி வெள்ளிக்கிழமை நடத்தவுள்ள நிலையில், தமிழ்த் தேசியக் கூட்டமைப்பின் உயர் குழுவாகிய ஒருங்கிணைப்பு குழுவைக் கூட்ட வேண்டும் என்று நாடாளுமன்ற உறுப்பினர் சிவசக்தி ஆனந்தன் கூட்டமைப்பின் தலைவர் ஆர்.சம்பந்தனிடம் கோரிக்கை விடுத்திருக்கின்றார்.
வடமாகாண சபையின் முதலாவது அமர்வில் சம்பிரதாயபூர்வமாக ஆற்றப்படவுள்ள முதலமைச்சரின் கொள்கைப் பிரகடன உரை தயாரிக்கப்படுவதற்கு முன்னதாக இந்தக்குழு கூட்டப்பட வேண்டும் என்று அவர் கோரியிருக்கின்றார்.
வரும் ஐந்து வருடங்களுக்குச் செயற்படவுள்ள வடமாகாண சபையின் செயற்பாடுகள் எப்படி இருக்க வேண்டும், எப்படிச் செயற்படப் போகின்றது என்பதை ஆராய்வதற்காகவும், அதன் அடிப்படையில் முதலமைச்சரின் கொள்கைப் பிரகடன உரை தயாரிக்கப்பட வேண்டும் என்பதற்காகவே இந்தக் கோரிக்கை முன்வைக்கப்பட்டிருப்பதாகவும் நாடாளுமன்ற உறுப்பினர் ஆனந்தன் தெரிவித்தார்.
வடமாகாண சபையின் பதவிக் காலத்தில் எப்படி நடந்து கொள்ள வேண்டும், தமிழ் மக்கள் எதிர்நோக்கியுள்ள பிரச்சினைகளில் குறிப்பாக அரசியல் தீர்வு தொடர்பில் எந்த வகையில் செயற்பட வேண்டும் என்பதைத் தமிழ்த் தேசியக் கூட்டமைப்பின் கட்சிகளோடு கூடி, முதலமைச்சர் ஆராய வேண்டும் என்றும் அவர் கூறினார்.
ஐந்து கட்சிகள் ஒன்றிணைந்து விடுத்த வேண்டுகோளை ஏற்று முதலமைச்சராகியுள்ள அவர், எந்த ஒரு கட்சியையும் சார்ந்து செயற்படுவதில்லை என தெரிவித்திருந்த போதிலும் தேர்தலில் வெற்றி பெற்றதன் பின்னர் அவர் ஒரு கட்சியைச் சார்ந்து செயற்படுகின்றாரோ என்ற சந்தேகம் எழுந்திருப்பதையடுத்தே கூட்டமைப்பின் ஒருங்கிணைப்புக் குழு கூடி வடமாகாண சபையின் பதவிக்கால நடவடிக்கை குறித்து ஆராய வேண்டிய தேவை எழுந்துள்ளது என்றும் சிவசக்தி ஆனந்தன் தெரிவித்தார்.
»»  (மேலும்)

10/22/2013

| |

சுவிஸில்முனைப்பின்கதம்பமாலை

Download munaippu_event.jpg (907.1 KB)சுவிஸில்முனைப்பின்கதம்பமாலை
இலங்கையின்வறுமைக்கோட்டின்கீழ்வாழும்மக்களின்வாழ்க்கைத்தரத்தைமேம்படுத்தும்நோக்கில்சுவிஸ்ட்ஸர்லாந்தில்இயங்கிவரும்முனைப்புநிறுவனத்தின்கதம்பமாலை; நிகழ்வுஎதிர்வரும் 27.10.2013அன்று ஞாயிற்றுக்கிழமைமுற்பகல் 11மணியளவில்

இந்நிகழ்வில்சிறப்புநடனங்கள்உட்படநம்மவர்களின்பல்வேறுபட்டகலைநிகழ்வுகளும்இடம்பெறவுள்ளன. இந்நிகழ்வுக்கானஅனுமதிஇலவசம்எனவும்முனைப்புநிறுவனத்தினர்அறிவித்துள்ளனர்.
நாட்டில்பல்வேறுஅனர்த்தங்களினால்பாதிக்கப்பட்டகுடும்பத்துக்குதலைமைதாங்கும்பெண்களுக்கானசுயதொழில்திட்டம் இஅங்கவீனர்களைசமுகத்துடன்இணைத்தல்இபல்கலைக்கழகமாணவர்களுக்கானமாதாந்தகொடுப்பனவுஇவறுமைக்கோட்டின்கீழ்வாழும்இடைநிலைமாணவர்களுக்கானமாதாந்தகொடுப்பனவுஇஅனர்த்ததின்போதுஉதவுதல்இமருத்துவஉதவிபோன்றபல்வேறுதிட்டங்களைமுனைப்புநிறுவனத்தினர்நாட்டில்நடைமுறைப்படுத்திவருகின்றமைகுறிப்பிடத்தக்கதாகும்.

»»  (மேலும்)

| |

ஸ்ரீதரன் என்பவன் ஒரு முட்டாள். -ஆனந்த சங்கரி

தமிழ் தேசியக் கூட்டமைப்பின் பாராளுமன்ற உறுப்பினரான ஸ்ரீதரன் என்பவர் நிகழ்கால பிரபாகரனே! என தமிழர் ஐக்கிய விடுதலை முன்னணியின் தலைவர் ஆநந்த சங்கரி குறிப்பிடுகிறார்.

வார இறுதிச் செய்திப் பத்திரிகையொன்றின் நேர்காணலிலேயே அவர் இவ்வாறு தெரிவித்துள்ளார். அவர் தெரிவித்திருப்பதாவது:

'தற்போது ஸ்ரீதரன்தான் தமிழ் மக்களின் தலைவராக இருக்கின்றார். அவர்தான் நிகழ்கால பிரபாகரன். அந்த முட்டாளின் செய்தியை நான் கேட்கத் தயாராக இல்லை. ஸ்ரீதரன் என்பவன் ஒரு முட்டாள். அவரது இலக்குகளை அடைய அவர் இலகு வழிகளைத் தேடிவருகின்றார்' 
»»  (மேலும்)

| |

பொதுநலவாய உச்சி மாநாடு: கனடா பகிஷ்கரிக்க கூடாது

முன்னாள் பிரதமர் பிரைன் மல்ரோனி பிரதமர் ஸ்டீபன் ஹார்பருக்கு அழுத்தம்
மாநாட்டைப் புறக்கணித்தால் 146 வருட ஜனநாயகப் பண்புகளை பகிர்ந்து கொள்வது எவ்வாறு?
இலங்கையில் நடைபெறும் பொதுநலவாய அரச தலைவர்கள் மாநாட்டினை கனடா பகிஷ்கரிக்கக் கூடாதென கனேடிய முன்னாள் பிரதமர் பிரைன் மல்ரொனி வலியுறுத்தியுள்ளார்.
பொதுநலவாய அமைப்பில் அங்கத்துவம் வகிக்கும் உறுப்புரிமை நாடுகளின் அரசாங்கம் மற்றும் அதன் செயற்பாடுகளில் திருப்தி காணவில்லை என்பதற்காக உச்சி மாநாட்டை பகிஷ்கரிப்பதன் மூலம் இறுதியில் பொதுநலவாயத்தில் ஒன்றாக அமர்ந்து தேநீர் அருந்துவதற்கு கூட போதுமானளவு உறுப்பினர்கள் இருக்க மாட்டார்களெனவும் அவர் கூட்டிக் ¡ட்டியுள்ளார்.
சி.ரீ.வி. () கேள்வி பதில் நேரத்தில் கலந்துகொண்டபோதே அவர் இந்தக் கருத்துக்களை தெரிவித்திருந்தார்.
பிரச்சினைகளை எதிர்நோக்கும் பல அபிவிருத்தியடைந்து வரும் நாடுகள் இந்த அமைப்பில் அங்கம் வகிக்கின்றன. எனவே இந்த மாநாட்டினை பகிஷ்கரிப்பது இதற்குரிய தீர்வு ஆகாது.
அதற்குப் பதிலாக மாநாட்டில் கலந்துகொண்டு ஒருநாடு என்ற வகையில் 146 வருடங்களாக தாம் கற்றுக்கொண்ட அனுபவங்கள் எமது ஜனநாயக முறைமை ஆகியவற்றை வெளியுலகுக்கு தெரியப்படுத்த வேண்டும் எனவும் அவர் இச்சந்தர்ப்பத்தில் கூறியுள்ளார்.
53 தேசங்களின் கூட்டமைப்பான பொதுநலவாயம் மிகவும் சக்தி வாய்ந்ததொரு அமைப்பாகுமென சுட்டிக்காட்டியுள்ள கனடாவின் முன்னாள் பிரதமர் மல்ரொனி, கனடா தன்னுடைய நிலைப்பாட்டினை அறிவிக்க வேண்டுமாயின் மாநாட்டுடன் இணைந்து செயற்படுவது அவசியமெனவும் தெரிவித்துள்ளார்.
பொதுநலவாயத்திற்கு வெளியிலிருந்து செயற்படுவதனைவிட அதற்குள்ளிலிருந்து இயங்குவதன் மூலமே பல சவால்களை சாதிக்க கூடியதாகவிருக்கு மெனவும் அவர் குறிப்பிட்டார்.
அதற்குரிய எடுத்துக்காட் டாக, 1961 ஆம் ஆண்டு பொதுநலவாய நாடுகளின் மாநாட்டில் பங்கேற்ற அன்றைய கனேடிய பிரதமர் ஜோன் டைபென் பேக்கர் தென்னாபிரிக்காவின் நிறவெறிக்கு எதிராக பிரேரணை ஒன்றை முன்வைத்து அதனை நிறைவேற்றியதை கனேடிய முன்னாள் பிரதமர் பிரைன் மல்ரொனி நினைவுபடுத்தியுள்ளார்.
இதன் காரணமாக தென்னாபிரிக்கா பொதுநலவாய நாடுகளிலிருந்து விலகி, நிறவெறிக் கொள்கை 1990ம் ஆண்டு முடிவுக்கு வந்த பின்னரே மீண்டும் பொதுநலவாய நடுகள் அமைப்பில் இணைந்துகொண்டதாக அவர் சுட்டிக் காட்டியுள்ளார்.
கனேடிய பிரதமர் ஸ்டீபன் ஹார்பர் இம்மாத தொடக்கத்தில், தான் இலங்கையில் நடைபெறவுள்ள பொதுநலவாய உச்சிமாநாட்டினை பகிஷ்கரிக்கப்போவதாக அறிவித்திருந்தார். இருப்பினும், இவர் சார்பில் கனேடிய வெளிவிவகார அமைச்சருக்கான பாராளுமன்றச் செயலாளர் தீபக் சப்ராய் தலைமையிலான பிரதிநிதிகள் குழு வொன்று பொதுநலவாய மாநாடு தொடர்பிலான கூட்டங்களில் கலந்து கொள்ளவுள்ளது.
»»  (மேலும்)

| |

தமிழ்ப் பெண்களை நாம் துன்புறுத்தவில்லை என்கிறார் இராணுவப் பேச்சாளர்

ஜெனீவா மனித உரிமைப் பேரவையில் இலங்கை பற்றிய விவாதம் வருடத்தில் ஓரிரு தடவை நடைபெறும் போதும் இலங்கையில் ஏதாவது சர்வதேச நிகழ்வுகள் நடைபெறும் போதும் புலம்பெயர்ந்த அமைப்புகளும் இலங்கைக்கு எதிரான சதிகாரக் கும்பல்களும் ஒன்றிணைந்து எமது நாட்டை சர்வதேச அரங்கில் இழிவுபடுத்தக்கூடிய வகையில் போலியான வதந்திகளை ஜோடித்து பிரசாரங்களை செய்வதுண்டு.
இந்த நிகழ்வுகள் முடிவடைந்த பின்னர் புலம்பெயர்ந்த கும்பல்களும் இலங்கைக்கு எதிரான சதிகாரர்களும் அமைதியாகி மெளனம் சாதிப்பதுண்டு. இந்த சதிகார கும்பல் எப்போதும் இராணுவ ஆக்கிரமிப்பு, யுத்தக்குற்றச்சாட்டுகள், மனித உரிமை மீறல்கள் போன்ற குற்றச்சாட்டுகளையே முன்வைத்து இலங்கைக்கு எதிரான பிரசாரங்களை டொலர்களை சம்பாதிப்பதற்காக மேற்கொள்வதுண்டு.
பொதுநலவாய நாடுகளின் அரசாங்கத் தலைவர்களின் உச்சிமாநாடு இலங்கையில் நடைபெறுவதற்கு இன்னும் 24 நாட்களே இருக்கின்ற இவ்வேளையில், இந்த சதிகார கும்பல்கள் இராணுவத்தை குறி பார்த்து இராணுவத்தினர் வடபகுதியில் உள்ள தமிழ்ப் பெண்களை யும், சிறுமிகளையும் பாலியல் ரீதியில் துன்புறுத்தல்களை மேற் கொண்டு வருகிறார்கள். இதனால், தமிழ்ப் பெண்கள் அவமானம் தாங்க முடியாத நிலையில் தற்கொலை செய்ய வேண்டிய நிலைக்கு தள்ளப்பட்டிருப்பதாக போலிப் பிரசாரம் செய்கிறார்கள்.
இது மட்டுமல்ல, அப்பாவி வடபகுதி தமிழ் மக்களின் விலை மதிப்பற்ற காணியையும் இராணுவத்தினர் அபகரித்து அவற்றை மக்களுக்கு யுத்தம் முடிவடைந்து நான்கு ஆண்டுகளாகியும் திரும்பிக் கொடுக்க வில்லை என்றும் சர்வதேச ரீதியில் போலிப் பிரசாரங்கள் செய்யப் படுகின்றன. இந்தப் போலிப் பிரசாரங்களுக்கு அரசியல்வாதிகள் பதிலளிப்பதைவிட இராணுவமே பதிலளிப்பது சிறந்ததென்ற நோக்குடன் இராணுவத்தளபதியின் அங்கீகாரத்துடன் இராணுவப் பேச்சாளர் பிரிகேடியர் ருவன் வணிகசூரிய, புலம்பெயர்ந்த குழுக்க ளுக்கும் இலங்கைக்கு எதிராக செயற்படும் தேசத்துரோக சதிகார கும்பல்களுக்கும் பதிலடி கொடுப்பது போன்று உண்மை நிலையை எடுத்துரைத்துள்ளார்.
உலகில் எந்தவொரு நாட்டிலும் பிராந்திய நிர்வாக அமைப்புக்கு ஆயுதப்படைகளுக்கு ஆளணி சேர்க்கும் மற்றும் படைகளை பயன்படுத்தும் அதிகாரம் கொடுக்கப்படவில்லை என்று சுட்டிக் காட்டியுள்ள இராணுவப் பேச்சாளர், முப்படைகளின் பிரதம தளபதி என்ற முறையில் ஜனாதிபதி அவர்களுக்கும் மத்திய அரசாங்கத் திற்குமே இந்த அதிகாரம் இருக்கிறதென்று குறிப்பிட்டுள்ளார்.
யுத்தம் முடிவடைந்த பின்னரும் ஆயுதப் படையினர் பெருமளவில் வடபகுதியில் நிலைகொண்டிருப்பதாக பரப்பப்படும் வதந்தி அப்பட்டமான பொய்யானதென்றும் யுத்தத்தின் போது யாழ்குடா நாட்டில் 45ஆயிரம் படையினர் இருந்த போதிலும் இப்போது படையினரின எண்ணிக்கை 15ஆயிரமாக குறைந்துள்ளது.
இராணுவத்தினர் பெருமளவில் வடபகுதியில் நிலைகொண்டிருப்பதாக பரப்பப்படும் இன்னுமொரு வதந்தியில் 5 பொதுமக்களுக்கு ஒருவர் என்ற முறையில் இராணுவத்தினர் வடபகுதியில் இருப்பதாக பரப்ப ப்படும் வதந்தியும் பொய்யானதென்றும் அந்தளவில் இராணுவத்தி னரை வைக்க வேண்டுமாயின் இராணுவத்தில் இலட்சக்கணக்கான வீரர்கள் இருக்க வேண்டுமென்றும் எடுத்துரைத்துள்ளார்.
தாய்நாட்டின் இறைமையையும், ஒருமைப்பாட்டையும் பாதுகாக்கும் பணிக்கு தேவையான அத்தியாவசியமான காணிகளை மாத்திரமே இராணுவத்தினர் இப்போது வைத்திருக்கிறார்கள் என்றும் மற்றவை அனைத்தும் திரும்ப கொடுக்கப்படுகிறதென்றும் அவர் கூறினார்.
2009ல் இராணுவத்தினர் வசமிருந்த 26ஆயிரத்து 700 ஏக்கர் காணி இப்போது 7000 ஆயிரம் ஏக்கராக குறைந்துள்ளது என்றும் பிரிகேடியர் ருவன் வணிகசூரிய தெரிவித்தார். வடபகுதியில் தமிழ்ப் பெண்கள் இராணுவத்தினரின் பாலியல் துன்புறுத்தல்களுக்கு இலக்காகியிருக்கிறார்கள் என்ற குற்றச்சாட்டுக்கு பதிலளித்த அவர், 2007ம் ஆண்டு முதல் 2012ம் ஆண்டு வரையில் 494 பாலியல் துன்புறுத்தல்களும் இடம்பெற்றிருக்கிறது. அதில் 18 பாலியல் துன்புறுத்தல்களில் மாத்திரமே முப்படையினர் சம்பந்தப்பட்டிருப்பது தெரியவந்திருப்பதாகவும் அவர்களுக்கு எதிராக கடும் சட்ட நடவடிக்கை எடுக்கப்பட்டிருப்பதாகவும் தெரிவித்தார்.
வடமாகாணத்தில் இடம்பெறும் பெண்கள் மீதான பாலியல் துன்புறுத்தல் களை அங்குள்ள சமூக விரோதிகளே மேற்கொள்கிறார்கள். அதனை சாதகமாக வைத்து இலங்கைக்கு எதிரான சக்திகள் அந்தக் குற்றங்களையும் இராணுவத்தினர் மீது சுமத்துவது நியாயம்தானா என்று பிரிகேடியர் ருவன் வணிகசூரிய தெரிவித்தார். இராணு வத்தின் ஆதாரபூர்வமான இப்பதில் பொதுநலவாய நாடுகளின் உச்சிமாநாட்டில் கலந்து கொள்ளும் வெளிநாட்டு தலைவர்களுக்கு உண்மை நிலையை புரிந்து கொள்ள பேருதவியாக அமையுமென்று நாம் நம்புகிறோம்.
பயங்கரவாதத்தை தோற்கடித்ததன் மூலம் நேரடி ஆயுத வன்முறையை நாம் ஒழித்துக் கட்டிவிட்டோம். ஆயினும் பிரிவினைவாத சித்தாந்தம் இன்றும் வடபகுதியில் நிலை கொண்டுள்ளது. இது தேசிய பாதுகாப்புக்கு ஒரு பாரிய அச்சுறுத்தலாகும். இதே வேளையில், ஆயிரக்கணக்கான முன்னாள் போராளிகள் புனர்வாழ்வு பெறுவதை தவிர்த்துக் கொண்டு சமூகத்தில் இன்று இருக்கிறார்கள். அவர்களில் சிலர் இன்னும் பிரிவினைவாத கொள்கையை மனதில் வைத்திருக்கலாம்.
இளைஞர்கள் மீண்டும் ஆயுதம் தூக்கினால் அது நாட்டுக்கும் தமிழ் மக்களுக்கும் பேராபத்தை ஏற்படுத்தும்.
»»  (மேலும்)

10/21/2013

| |

30வது பெண்கள் சந்திப்பு- ஒரு பார்வை

12.10.13 penkal santhippu
-உமா (ஜேர்மனி )-

இச்சந்திப்பின் ஆரம்பவுரையை நிகழ்த்திய விஜி,  1990 களில் ஜேர்ம னி கேர்ண நகரில் தொடங்கிய இப்பெண்கள் சந்திப்பு, 30 வது  சந்திப்பு வரை பல ஐரோப்பிய நாடுகளிலும், கனடாவிலும் தொடர்ந்து நடைபெற்றுவருவது குறிப்பிடக்கூடியது.  இதற்கு முதல் மூன்று சந்திப்புகள் பிரான்சில் நடைபெற்றுள்ளதாகவும், எல்லாச் சந்திப்புகளுமே காத்திரமான சந்திப்புகளாக அமைந்தனவென்றும், 2000ம் ஆண்டு நிகழ்த்தப்பட்ட பெண்கள் சந்திப்பில் தலித் சிந்தனையாளரும் பெண்ணியவாதியுமான சிவகாமி கலந்து கொண்டு ஆழமான கருத்துகளை வழங்கியதோடு பங்குபற்றியஅனைத்துப் பெண்களையும் மனந்திறந்து பேசவைத்தார் என்பதையும் பதிவுசெய்தார்.
 சந்திப்பின் முதல்நிகழ்வாக,
ஈழவிடுதலைப் போராளியான புஸ்பராணியின் ‘அகாலம்’ என்ற ஈழப்போராட்ட வாழ்க்கை அனுபவங்களையடக்கிய நூலை தர்மினி விமர்சனம் செய்து வைத்தார். இதுவரைகாலமும் தமிழ்விடுதலைபோராட்டத்தின் தமது அனுபவங்களை ஆண்களே பதிவு செய்திருக்கிறார்களென்றும் பெண்ணால் வெளியிடப்பட்ட முதற்பதிவு என்ற சிறப்பு இந்நூலிற்கு உள்ளதென்றும் ஒரு பெண்ணாகவும் தலித்தாகவும் தனது வாழ்க்கையனுபவங்களையும் சிறையில் தான் அனுபவித்த வேதனைகளையும் பதிவு செய்திருப்பதாகவும், தனது கதையைச் சொல்வதற்கு அவர் சுவாராஸியமான மொழியைக் கையாண்டுள்ளதாகவும் புத்தகத்தை வாசிக்கும் போது அருகிலிருந்து தனது கதையை ஒருவர் சொல்வது போன்ற உணர்வே ஏற்படுகிறது எனக் குறிப்பிட்டார்.
207 பக்கங்களுடைய இப்புத்தகத்தில் கருணாகரன் 17 பக்கங்களுக்குச் சிறந்ததொரு முன்னுரையை எழுதியிருக்கிறார். எல்லாப் பெண்களுக்கும் உள்ளதைப் போல வீட்டுச்சுமைகள் அன்றாடம் அழுத்தும் போது தமக்கெனச் சற்று நேரம் ஒதுக்குவது பெரும் கடினம். புஸ்பராணி அவர்கள் தனது குடும்பப் பொறுப்புகளுக்கிடையில் பழைய நினைவுகளை மீட்டுப்பார்த்து வரிசைப்படுத்தி , வகைப்படுத்தி எழுதி அதற்கான புகைப்படங்கள் பத்திரிகைச் செய்திகளைத் தேடியெடுத்து எவ்விதக் குறிப்புகளும் இல்லாமல் தன் ஞாபகத்திலிருந்து பல்வேறு சம்பவங்களையும் நபர்கள் பற்றியும் எவ்விதத் தடுமாற்றமும் இல்லாமல் எழுதியது பாராட்டுக்குரியது எனவும் இறுதியில் தாம் நம்பிய இலட்சியம் ஒன்றுமில்லாமல் போனபோது ஏற்பட்ட துயர் அதிலே தமது பங்கென்ன? சகோதரப்படுகொலைகள், தப்பித்தல்கள், சுயவிசாரணைகள் என்று அகாலம் பதிவுசெய்திருப்பதாகவும் தர்மினி குறிப்பிட்டார்.
போராட்டக்காலங்களில் தான் சார்ந்த இளைஞர் பேரவை மற்றும் தமிழீழ விடுதலை இயக்கத்தில் தம்மால் முன்னெடுக்கப்பட்ட போராட்ட முறையை சுயவிமர்சனம் செய்யும்  அதே தருணம் அவ்வியக்கத்தைச் சார்ந்தவர்கள் மீதான தனது தார்மீக கோபத்தையும் வெளிப்படையாக முன்வைத்துள்ளார் என்றும் குறிப்பிட்டார்.
அரசியல் கைதியான தனது சிறைவாழ்வின் துன்பங்களுக்கிடையில் தான் சந்தித்த இனிய தோழிகள் என ஏனைய குற்றங்களைப் புரிந்த பெண் கைதிகள், ஜே.வி.பி தோழிகளுடனான உரையாடல்கள் பற்றிய பல தகவல்களையும் இப்புத்தகத்தில் எழுதியிருப்பது இவர் மனிதாபிமான பெண்ணியநோக்கோடு சிறையிலும் வாழ்ந்திருப்பதைக் காட்டுகிறது. மேலும் அப்புத்தகத்தில் ‘தமிழ்ப்பிரதேசங்களில் ஓரளவு செல்வாக்குப் பெற்றிருந்த இடதுசாரிகளோ தமிழர்களுடைய தேசியஇனப்பிரச்சனை குறித்துப் பேசவே மறுத்தார்கள்’ என்ற புஸ்பராணியின் குற்றச்சாட்டுப் பற்றியும் தர்மினி மேலதிக விபரங்களைக் கூறமுடியுமா எனக்கேட்டார். இது அரங்கில் விவாதத்தை ஏற்படுத்தியது.
அதைத் தொடர்ந்து கருத்துத் தெரிவித்தவர்கள்,
pushparani12.10
தமிழீழம் என்ற இலட்சியத்துடன் முனைப்பாகச் செயற்பட்டு, போராட்டம் தோல்வியுற்ற நிலையில் தனது போராட்டக்காலங்களில் ஒரு பெண்ணாக எதிர்கொண்ட துயரங்களின் சாட்சியங்களையும், தமிழ்த் தேசியவாதத்தை முன்னிறுத்தி நிகழ்த்தப்பட்ட போராட்டத்தில் ஈடுபட்டவர்களில் மறைந்திருந்த சாதியக் கூறுகளைச்  சம்பவங்களினுடாக வெளிப்படுத்தியிருப்பதாகவும், சிறையில் பெண்கள் அனுபவித்த சித்திரவதைகளையும் , தடுப்புக்காவலில் இருந்த ஆண் கைதிகள் பொலிஸ்காவலர்கள் போன்றோரால் மேற்கொள்ளப்பட்ட பாலியல் சேட்டைகளையும் சைகைகளையும் எதிர்கொண்டது, குறிப்பாக மாதவிடாய் காலத்தில் தாம் பாவிப்பதற்கு துணியில்லாது தவித்த வேளையில் கிடைத்த அழுக்குத் துணியைப் பெண்கள் மாறி மாறி உபயோகித்தது போன்ற சம்பவங்கள் மூலம் சிறை வாழ்வின் கொடூரங்களை உணரக் கூடியதாகவிருந்ததாகவும் இந்நூல் மூலம் தாம் அறியாத பல விடயங்களை அறியக் கூடியதாகவிருந்ததாகவும், சரித்திர ஆவணமான இந்நூல் நிச்சயமாக ஆங்கிலம், பிரெஞ்சு போன்ற மொழிகளில் வெளியிடப்படவெண்டுமெனவும் கருத்துக்கள் தெரிவிக்கப்படப்பட்டன.
அந்நிகழ்வின் இறுதியாக  உரையாற்றிய புஸ்பராணி, பல பெண்கள் தனது அனுபங்களை பகிர்ந்து கொள்வதும் மிகுந்த ஈடுபாட்டுடன் கருத்துக்களைத் தெரிவிப்பதும் தனக்கு சந்தோசத்தை அளிப்பதாகவும் இப்புத்தகத்தை எழுதிய போது தான், தனது வாழ்வில் மிகவும் மகத்தானவர்களுடன் பழகக் கூடிய வாய்ப்பு தனக்குக் கிடைத்ததையிட்டுத்  பெருமை கொண்டதாகவும் இன்னும் தனது அனுபவங்களையும் தான் வாழ்வில் சந்தித்த மனிதர்களையும் பதிவு செய்ய விரும்புவதாகவும் அதை ஒரு புத்தகமாக்க வேண்டுமென ஆர்வமுடன் இருப்பதாகவும் குறிப்பிட்டார். மேலும் தான் சிறையில் வாழ்ந்த காலங்களில்  பழகிய சிங்கள நண்பிகளை ஒரு நாளாவது தனது வாழ்நாளில் சந்திக்கவேண்டும் எனும் தனது பெரும் அவாவையும் தெரிவித்தார்.
Nirmala
அடுத்த நிகழ்ச்சியான ‘பாலியல், வன்முறை, தேசியவாதம், பெண்ணியம்’ என்ற தலைப்பில் பேசவிருந்த நிர்மலா தவிர்க்க முடியாத காரணங்களால் நேரடியாக நிகழ்ச்சியில் கலந்து கொள்ள முடியாவிட்டாலும் தொலைபேசி மூலம் தனதுரையை நீண்ட நேரம் வழங்கினார்.
பெண்கள் மீதான பாலியல் வன்முறைகள் வெளியில் வராது தணிக்கை செய்யப்பட்டும் தகவல்கள் குறைக்கப்பட்டும், திரிக்கப்பட்டுமே வெளிவருவதாகவும், அண்மையில் நடைபெற்ற மாத்தளையைச் சேர்ந்த சிறுமி மீதான பாலியல் வன்முறைச் சம்பவத்தைக் குறிப்பிட்டு, நாடளவில் அண்மைக்காலமாக 3500 பாலியல் வன்முறைச் சம்பவங்கள் பதிவு செய்யப்பட்டிருப்பதாகத் தெரிவித்தார். கடந்த டிசம்பரில் டெல்லியில் நடைபெற்றமருத்துவமாணவியை வன்கொடுமை செய்த  சம்பவத்தைத் தொடர்ந்து தென்ஆசியாவெங்கும் Anti-Rapeபாலியல் வன்கொடுமைக் கெதிரான எதிர்ப்பியக்கங்கள் எழுந்துள்ளதாகவும், இவ்வியக்கங்கள் மக்கள் மத்தியில் பெண்களிற்கெதிராக மேற்கொள்ளப்படும் பாலியல் வன்முறைகள் பற்றிய அறிதலையும், எதிர்ப்புணர்வையும் ஏற்படுத்தியிருக்கிறது. இதனைத்தொடர்ந்து பெண்கள் ஆடைகள் அணியும் முறையைக் கண்டித்து வலதுசாரிகளினால் மேற்கொள்ளப்பட்ட பிரச்சாரங்களை மறுதலித்து ‘நாம் எவ்வாறு ஆடைகள் அணிய வேண்டுமென்பதை எமக்கு கற்பிக்காதே, உனது மகனிற்கு பாலியல் வன்கொடுமை(rape)யில் ஈடுபாடாமல் இருக்க கற்று கொடு’ , ’ அச்சமில்லாமல் நடமாடுவதற்கு சுதந்திரம் வேண்டும்’என்னும் சுலோகங்களை முன்வைத்துச் செயற்பாடுகள் முன்னெடுக்கப்பட்டு வருவது குறிப்பிடத்தக்கது. இந்த இந்தியாவில் எழுந்த பெண்களின்   பாலியல் வன்முறைக்கு எதிரான போராட்ட எழுச்சியை தொடர்ந்தே இலண்டனை மையமாகக் கொண்டுFreedom Without Fear Plattform என்ற அமைப்பு ஆரம்பிக்கப்பட்டது. இந்த அமைப்பு ஆசிய, ஆபிரிக்க சிறுபான்மையினப் பெண்கள் சிறுமிகளுக்கெதிராக இழைக்கப்படும் ஒடுக்குமுறைக்கெதிராகக் குரல் கொடுப்பதாகத் குறிப்பிட்டதுடன், அதன் செயற்பாடுகள் பற்றியும் விளக்கினார்.
அவர் மேலும், தந்தைவழிச் சமுதாயத்தில் பெண்களின் பாலியல்சுதந்திரம் கட்டுப்படுத்தப்பட்டுள்ளதுடன், ஆண்களின் அதிகாரக்கட்டமைப்பில் வேரூன்றியுள்ள அனைத்து நிறுவனங்களிலும் பெண்கள் சுரண்டப்படுகிறார்கள். பெண்கள் மீது பாலியல் மற்றும் உளவியல் ரீதியாக மேற்கொள்ளப்படும் வன்முறை வடிவங்கள், பண்டைக்காலந்தொட்டு பெண்கள் எவ்வாறு ஆண்களின் உடமைகளாக்கப்பட்டிருந்தார்கள், தற்போது நவதாராளவாத பொருளாதாரமுறைமையால் பெண் வெறும் பண்டமாகக் கணிக்கப்படுதல் என்பவற்றையும் குறிப்பிட்டார். யுத்த காலங்களிலும், இனப்பிரச்சினைகளின் போதும் இராணுவத்தினரால் பெண்கள் பாலியல் வதைக்கு இலக்காகிறார்கள். அதேசமயம் தேசியவாதமும் தமது பிரச்சாரங்களிற்கும் பெண்களின் உடலையே உபயோகிக்கிறார்கள். இலங்கை மற்றும் ஏனைய நாடுகளில் இடம் பெற்ற யுத்தங்களின் போது  நிகழ்ந்தவற்றை உதாரணம் காட்டியதுடன், தான் இலங்கையில் இருந்தபோது பாதிக்கப்பட்ட பல பெண்களைச் சந்தித்தது, அவர்கள் தமது வாழ்வை மீளமைத்துக் கொள்ளும் முகமான முயற்சிகளிற்காக இணைந்து செயற்படுவதாகவும்,அதன் அவசியத்தையும் எடுத்தரைத்தார்.
மேலும் தேசியவாதிகள், வலதுசாரிகள், இடதுசாரிகள், ஆன்மீகவாதிகள், கலாசார காப்பாளர்கள் போன்ற எல்லோரும் இந்த பாலியல் பலாத்காரத்தை எதிர்க்கிறார்கள். ஆனால் இவர்களுக்கும் பெண்ணியவாதிகளுக்கும் இடையில் ஒரு பெரிய வித்தியாசம் இருக்கின்றது.  உதாரணமாக, தேசியவாதிகளை எடுத்துக் கொண்டால் தேசியம் என்பது தாய்க்கு ஒரு பெண்ணுக்கு சமமானதாக கட்டமைக்கப்படுவதும், அப்பெண் வன்முறைக்கு உட்படுத்தப்படும்போது தேசியம் மாசுபடுத்தப்படுவதாக உணரப்பட்டே இதற்கெதிராகக் குரல்கொடுப்பார்கள். மாறாக அதற்குள், அத்தேசியத்துக்குள் நடக்கின்ற பெண்களுக்கு எதிரான பாலியல் வன்முறைகள் (சீதனம், குடும்ப பாலியல் வன்முறை…)குறித்து இத்தேசியவாதிகள் எந்த அக்கறையும் கொண்டவர்களாக இருக்கமாட்டார்கள். ஆனால் பெண்ணியவாதிகள் அவ்வாறில்லை. அவர்கள் இனம், பால்நிலை, வர்க்கம், சாதி கடந்த பெண்கள்மீதான வன்முறைகள் அனைத்துக்கும் எதிராக குரல்கொடுப்பவர்களாக இருப்பர். ஆகவே, நாம் தான் இப்போராட்டத்தை முன்னெடுக்கவேண்டும் எனவும் கூறினார்.
நிர்மலா நேரில் கலந்து கொள்ளாத நிலையிலும் பலர்  ஆர்வமாகத் தமது கருத்துகளை பரிமாறியதுடன்  அக்கலந்துரையாடலை ஒரு காத்திரமான நிகழ்வாக்கினார்கள்.
navajothi12.10
புகலிடத்தில் பெற்றோரும் குழந்தைகளும்’ என்ற தலைப்பில் உரையாற்றிய நவாஜோதி, தமிழ்மக்கள் ஐரோப்பாவிற்குப் புலம்பெயர்ந்த காலகட்டங்களை மூன்று பிரிவுகளாகப் பிரித்து , அக்காலகட்டங்களில் அவர்கள் வெவ்வேறுவிதமான சூழலில் வாழ நேர்ந்தமையால் பிள்ளைகளின் வாழ்வியலை அவர்களது  அக மற்றும் புறச்சூழலே தீர்மானித்தது, பெற்றோர் பிள்ளைகளின் கைகாட்டி மரம் போல அவர்களைச் சரியான பாதையில் நடத்திச் செல்லல் வேண்டும், புகலிடத்தில் வாழும் பிள்ளைகள் வீட்டிலும் பாடசாலையிலும் வெவ்வேறு விதமான சூழல்களிற்குள் வாழநேரிடுகிறது, குழந்தைகளைப் புரிந்து கொள்வதற்கு அவர்களின் உலகத்திற்குள் புகுந்து, அவர்காளகவே  மாறுதல் அவசியம், அதை நமது பெற்றொர் செய்யத் தவறுவதோடு, பிள்ளைகளின் தேடுதல்களைப் புறக்கணித்து அலட்சியம் செய்கிறார்கள், அவர்களுடன் குறைந்த நேரத்தை செலவளிப்பதுடன் அவர்களது கல்வி மற்றும் ஏனைய நடவடிக்கைகளில் போதியளவு கவனம் செலுத்தாதவர்களாகவே காணப்படுகிறார்கள், பெண் பிள்ளைகளின் அபிப்பிராயம் கேட்காது பாரிய செலவில் பூப்புனித நீராட்டுவிழாக்களை நடாத்தி, அப்பிள்ளைகளை அவமானப்படுத்தி துன்புறுத்துகிறார்கள்,  பெற்றோர்கள் பிள்ளைகளிற்கு சிறுவயது முதற் கொண்டு மற்றவர்களின் சாதிகளைச் சொல்லிக்கொடுத்து வேற்றுமையுணர்வோடு வாழப் பழக்குகிறார்கள், தாம் சார்ந்த மதத்தை குழந்தைகளின் புரிதலின்றி அவர்களிற்குள் புகுத்தி மூளைச்சலவை செய்து அவர்களின் சுயமான தெரிவுகளைக் கட்டுப்படுத்துகிறார்கள், முக்கியமாக  பெற்றோரின் விருப்பத்திற்கே  திருமணம் செய்துவைப்பதால் புரிதல் இன்றி குடும்ப வாழ்வில் பிரச்சனைகள், குழந்தைக்கு முன்னால் பெற்றோரின் நடைமுறை போன்றவையும் பிள்ளைகளை மிகவும் தாக்குகின்றன. மற்றும் பிள்ளைகள் தாய்மொழியை தெரிந்திருக்க வேண்டியதன் அவசியத்தினை  தனிப்பட்ட அனுபவங்களினுடாகவும், உதாரணங்களுடனும் விளக்கினார்.
Jeya 12.10
‘பெண்ணியவாதிகளும் அவர்களது செயற்பாடுகளும்’ என்ற தலைப்பில் ஜெயா பத்மநாதன்  பெண்கள் வீட்டிலும், வெளியிலும் எதிர்கொள்ளும் பாலியல் வன்முறைகள், சமூகவலைப்பின்னல்கள் மூலம் பெண்கள் மீது தொடரப்படும் அச்சுறுத்தல்கள், அவற்றிலிருந்து மீள்வதற்கு அவர்கள் மேற்கொள்ளக் கூடிய எதிர்நடவடிக்கைகள்  என்பவற்றைத் தெரிவித்ததுடன், எழுத்துலகில் முற்போக்கான கருத்துக்களை வெளியிடும் ஆண்கள் தமது சொந்த வாழ்வில் பெண்களைத் துன்புறுத்துபவர்களாகவே உள்ளனர் என்றும் இவர்களது நடவடிக்கைகளை புகலிடத்திலுள்ள பெண் எழுத்தாளர்களோ பெண்கள் சந்திப்போ கண்டனத்துக்குள்ளாக்கவில்லை எனவும் குற்றஞ்சாட்டினார். இப்பெண்கள் வாழ்வில் விரக்தியடைந்து சோர்வுறாமல் தமக்கொரு வாழ்க்கைத் துணையைத் தேடி வாழ்ந்து காட்ட வேண்டுமென்றும் கருத்துத் தெரிவித்தார். மேலும் பெண்கள் சந்திப்பு தனித்து பெண்களிற்காக நடாத்தப்படாமல் ஆண்களையும் இணைத்து, பெண்கள் சந்திக்கும் ஒடுக்குமுறைகளை அவர்களுடன் கலந்தரையாடுவதன் மூலம் தான் ஒரு தீர்வைக் காணலாமென்றும் தெவிவித்ததுடன், பெண்கள் சந்திப்பு இதுவரை சாதித்தது என்னவென்றும், பெண்கள் சந்திப்பில் கலந்து கொண்ட பெண்கள்  விலகியதன் காரணம் என்ன? போன்ற கேள்விகளையும் எழுப்பினார்.
அதைத்தெடர்ந்து நடைபெற்ற கலந்தரையாடலில், நீங்கள்  ஆரம்பத்திலிருந்த  கருத்தோட்டத்திற்கும், சந்திப்பில் கலந்து கொண்டதன் பிற்பாடும் மாற்றமேற்பட்டுள்ளதாவென்று  எழுப்பப்பட்ட கேள்விக்கு அவர், ஆம் மாற்றம் இருக்கிறது என்று பதிலளித்தார். பெண்கள் அவர்கள் விரும்பும் பட்சத்தில் மாத்திரமே  ஒரு ஆணுடன்டன் சேர்ந்து வாழவேண்மென்றும், சமூகத்திறகாக  ஒரு உறவைத்தேடிக் கொள்ளத் தெவையில்லையென்றும்,  உடலுறவின் அவசியத்திற்கு திருமணம் செய்து கொள்ளவெண்டுமென்ற அவசியமில்லையென்றும், குடும்ப வாழ்வு பெண்களின் செயற்பாடுகளை முடக்கி அவர்களது முன்னேற்றத்திற்கு தடையாக  இருப்பதாகவும்  பெண்களிடமிருந்து கருத்துக்கள் தெரிவிக்கப்பட்டன.
பெண்கள் சந்திப்பு பற்றி ஜெயாபத்மநாதனால் வைக்கப்பட்ட கருத்துகளிற்கு, பெண்கள் இதை ஆரம்பித்தன் நோக்கம், அதன் தனித்துவம், அதன் கடந்கால நடவடிக்கைகள் பற்றிக் கூறப்பட்டதுடன், பெண்கள் சந்திப்பானது ஒரு அமைப்பு வடிவத்திற்குள் நின்று இயங்காத பட்சத்தில்  அதற்குரிய கூறுகளை அது கொண்டிராது எனவும், அதில் கலந்து கொள்வதும், விலகுவதும் அவரவர் சுதந்திரத்திற்கு உட்பட்டதெனவும் கருத்துக்கள் முன்வைக்கப்பட்டன.
tharmini 12.10
 ’சுனிலா அபயசேகர மானுடத்திற்கான ஒரு குரல்’ என்ற நிகழ்வினை ஜேர்மனியில் இருந்து கலந்துகொண்ட உமா அவர்கள் நிகழ்த்தினார்கள்.  சமீபத்தில் தனது 61 வயதில் புற்றுநோயினால் பீடிக்கப்பட்டு மரணித்த மனிவுரிமைவாதியும் , பெண்ணியவாதியுமான சுனிலா அபயசேகரவினால் இலங்கையிலும், சர்வசேவ ரீதியாகவும்  மேற்கொள்ளப்பட்ட அரசியல் மற்றும் கலைச் செயற்பாடுகள் பற்றியும், குறிப்பாக Global campaign for human rights, Women and Media, INFORM,  Centre for Women Global Leadership ஆகிய அமைப்புகளுடன் இணைந்து அவரால் மேற்கொள்ளப்பட்ட செயற்பாடுகள் பற்றியும், இனப்பிரச்சினைகளிற்கு தீர்வு காணும் முகமான சமாதான உடன்படிக்கைககளின்போது பெண்களின் சமபங்களிப்பு, யுத்தங்களின்போது பெண்கள் எதிர்கொள்ளும் ஒடுக்குமுறைகளை சர்வதேச நீதிமன்றத்திற்கு முன் நிறுத்துவதை வலியுறுத்தும் 13.25வது பிரேரணையை ஐ.நாவின் பாதுகாப்புச் சம்மேளனத்தில் அமுலாக்குவதில்  முன்னுழைத்தவர்களில் சுனிலாவின் பங்கு முக்கியமானது எனக் குறிப்பிடப்பட்டது. இலங்கையில் கிராமிய மட்டங்களிலுள்ள பெண்களிடம் சென்று  அவர்களின் பிரச்சினைகளிற்கு செவிமடுத்து, அவர்களை அமைப்பாக்குவதிலும், அரசியல் மயப்படுத்துவதிலும் கூடிய அக்கறை செலுத்தியதோடு, 1980களின் இறுதிக்காலகட்டங்களில் இலங்கையில் அரசினாலும், ஜே.வி.பியினராலும் இழைக்கப்பட்ட மனிவுரிமை மீறல்களிற்கு எதிராகவும், அவற்றைச் சர்வதேச ரீதியாக அம்பலப்படுத்துவதற்கும் சுனிலா கொலை மிரட்டல்களையும் மீறி செயற்பட்டார் என்றும் குறிப்பிட்டார். மேலும்  அண்மைக் காலம் வரை தற்போதைய மகிந்த ராஜபக்சவின் ஜனநாயக விரோத அரசின் மனிவுரிமை மீறல்கள், ஊடகவியலாளர்கள் மீதான தாக்குதல்கள், போர் குற்றங்கள், கொலை  என்பவற்றை கண்டித்து ஐ.நாவின் மனிதவுரிமை சம்மேளனத்திலும், சர்வதேச ரீதியாகவும் பிரச்சாரங்களை மேற்கொண்டதுடன், இலங்கையில் தொடர்ச்சியாக காணாமல் சென்றவர்களின் தகவல்களை  நாடெங்கும் சென்று திரட்டி அவற்றை ஆவணப்படுத்தியதோடு அவர்களிற்காகச் சர்வதேச ரீதியாக குரல் கொடுத்தாரெனவும், அதுமாத்திரமின்றி சமூகத்தின் விளிம்புநிலையில் இருக்கக்கூடிய பாலியல் தொழிலாளர்கள், திருநங்கைகள், எய்ட்ஸ் நோயினால் பாதிக்கப்பட்டவர்கள், ஓரினச்சேர்கையாளர்கள் போன்றவர்களின் உரிமைகளிற்காகவும் குரல் கொடுத்தாரெனவும் பதிவுசெய்தார்.
பெண்ணியவாதியும் செயற்பாட்டாளருமான சுனிலா அபயசேகர அவர்கட்கு ஐ.நா. சபையின் மனிதவுரிமைவாதிகளுக்கான விருது 1998 இலும், 2007 இலும்  கிடைக்கப்பட்டது எனவும் சுட்டிக்காட்டினார்.
malika 12.10
அந்நிகழ்வின் நிறைவாக மல்லிகா, சுனிலா அபயசேகர  பற்றித் தான் எழுதிய ஆங்கில மொழிக் கவிதையை வாசித்தார்.
archuni12.10
பெண்களின் இறுதிநிகழ்வாக நாம் எதிர்கொள்ளும் இரட்டைக் கலாச்சார சூழல் என்ற நிகழ்வில் புகலிடத்தில் இரண்டாவது தலைமுறையைச் சேர்ந்த அர்ச்சுனி, பிருந்தா, சிந்து, மது, வேர்ஜினி மற்றும் வேறு சிலரும் தமது கருத்துக்களை வெளிப்படையாக முன்வைத்தனர். முதலில் கருத்துத் தெரிவித்த அர்ச்சுனி பிரான்சில் வாழும் தமிழ்ப் பிள்ளைகள் இரட்டைக் கலாசாரங்களிற்கிடையில் சிக்கித் தவிர்க்க வேண்டியவர்களாகவே உள்ளனரென்றும், வீடுகளில் புறச்சூழலிருந்து அந்நியப்பட்டு தமிழ்ச் சூழலிற்குள் வாழ்வதால் பாடசாலையில் ‘பிரான்ஸ்’ சம்பந்தமான விடயங்கள் கலந்துரையாடப்படும் போதோ அல்லது நண்பர்களுடன் கதைக்கும் போதோ தமிழ்ப் பிள்ளைகளால் அவர்களுடன் இணைந்து கலந்துரையாடுவதற்கான தகவல்கள் போதமையினால் அவர்களின் உரையாடல்களில் கலந்து கொள்ள முடிவதில்லை. பெண் பிள்ளைகளிற்குப் பெரியளவில் செலவளித்துப் பூப்புனித நீராட்டுவிழாக்களைக் கொண்டாடுவது, பிள்ளைகளை மன ரீதியாக பாதிக்கின்றது, அதன்பிறகு சிறுவயதில் அணிந்த மாதிரி ஆடைகளை அணியவிடாது கட்டுபடுத்தப்படுவதோடு, சமையலறையில் உதவிகள் செய்வதற்காக விட்டு விடுவார்களெனவும், வகுப்பில் ஒன்றாகப் படிக்கும் பிரெஞ்சுத் தோழிகளுடன் வெளியிடங்களிற்கு செல்லும் வேளைகளில் பெற்றோர்கள் தொடர்ச்சியாக தொலைபெசி மூலம் தொடர்பு கொள்வது  நண்பர்கள் மத்தியில் சங்கடத்தை ஏற்படுத்துகிறது, காதலிக்கும் போது காதலர்களுடன் சுற்றுலா அல்லது விடுமுறையை கழிப்பதற்குப் பெற்றோர்கள் அனுமதிப்பதில்லை, தாலி கட்டித் திருமணம் செய்த பின்புதான்  அதற்கு அனுமதி வழங்கப்படுமெனவும், திருமணங்களின் போது சாதிவேறுபாடு பேணப்படுவதோடு மற்றும் சீதனம் போன்ற பிரச்சினைகளிற்கும் முகம் கொடுக்க வேண்டியவர்களாக இருக்கின்றார்கள் எனவும், சில பெற்றோரே வலிந்து பணம், வீடு போன்றவற்றை தமது கௌரவத்தை பேணுவதற்காக வழங்கி, சீதனத்தைப் புலம்பெயர்ந்த சமூகங்களிலும் பேணுகிறார்களெனவும்  கருத்துகளைத் தெரிவித்தார்.
பிரான்சில பிறந்து வளர்ந்தவர்களாக  இருந்தாலும் காதல் அல்லது திருமணம் என்று வரும் போது தமிழ் இளைஞர்களைத் தெரிவு செய்வதேன்? என்ற கேள்விக்குப் பதிலளித்த பிருந்தா, தாம் இரட்டை அடையாளங்களுடன் வாழ்வதாகவும் ,இங்கு வேலை செய்யும் இடங்களில் தம்மை இலங்கையராகவே பார்ப்பதாகவும், அதே வேளையில் இலங்கைக்குச் செல்லும் போது பிரான்ஸ் அடையாளத்தை தம்மேல் பொருத்திப் பார்க்கிறார்களென்றார். ஆனால் குடும்ப வளர்ப்புமுறை,தமிழர்கள் சுற்றியமைந்த சூழல், உணவுமுறை, இரசனைகள் தமிழ் இளைஞர்களுடன் ஒன்றிப்போகின்றன எனத் தெரிவித்தார்.
மது அவர்கள் தமது கருத்தைத் தெரிவிக்கையில், நாங்கள் பெரிய பெண்கள் ஆகியவுடன் நாங்கள் எங்கு போகின்றோம், யாருடன் கதைக்கின்றோம், என்ன செய்கின்றோம் என்பவற்றை எல்லாம் வேவுபார்க்கின்றார்கள், அதைவிட எல்லாவற்றையும் சந்தேகத்துடனேயே பார்க்கின்றார்கள். எங்களுடன் படிக்கின்ற ஏனையவர்கள் தங்கள் குடும்பத்துடன் எங்காவது சந்தோசமாக விடுமுறையை கழித்துக்கொண்டிருக்கும் அதேநேரத்தில் எமது பெற்றோர் அந்த விடுமுறைக்கால வேலையையும் சேர்த்து எடுத்து வேலை செய்துகொண்டிருப்பார்கள். அவ்விடுமுறைக் காலத்தை நாம் பூட்டிய வீடுகளினுள்ளே கழிக்கிறோம் எனக் கூறி, தமிழ்ப் பெற்றோரின் வேலை வேலை என்று அலையும் போக்கை மனவருத்தத்துடன் பதிவு செய்தார்.
வேர்ஜினி  அவர்கள் தமது கருத்தைக் கூறும்போது, நான் பூப்புனித நீராட்டு விழாவை மிகவும் விரும்பினேன், ஏனெனில் அப்போது தான் உறவினர்கள் எல்லோரும் வீட்டுக்கு வருவார்கள், அழகழகான உடைகள் அணிவதையும் நான் விரும்பினேன். ஆனால் போட்டோக்கள் விதம் விதமாய் செயற்கைத் தனத்துடன் எடுக்கும் போதுதான் கொஞ்சம் அவமானமாய் உணர்ந்தேன் என்று மிகவும் வெளிப்படையாகப் பேசிய அவர் சில விடயங்களைப் பெற்றோர் திணிப்பதில்லை, அதை நாங்களாகவே ஏற்றுக்கொள்கின்றோம். உதாரணத்துக்கு பொட்டுவைப்பது எனக்கு விருப்பமானது எனவும் கூறினார்.
மேலும் சிந்து அவர்கள் பேசும்போது, ஒவ்வொரு வீட்டுப்பின்னணிதான் இந்த ஒடுக்குமுறைக்கு காரணமாகிறது. உதாரணமாக எனக்கு எவ்விதமான கட்டுப்பாடுகளையும் எனது அம்மா விதித்ததில்லை. அது அவரது வாழ்க்கையில் இருந்து அவர் எடுத்த முடிவாக இருக்கலாம்.
vanaja 12.10
கலந்து கொண்ட ஏனையோரும் தமது அனுபவங்களை வெளிப்படையாகப் பகிர்ந்து கொண்டனர்.  புகலிட வாழ்வின் இரண்டாந் தலைமுறைத் தமிழ்ப் பிள்ளைகள் பெண்கள் சந்திப்பில் இணைந்து கொண்டது  இச்சந்திப்பு தொடர்ந்து நிகழ்வதற்கு வலு சேர்க்கும் காரணியாகவே கொள்ளவேண்டும்.
அடுத்த பெண்கள் சந்திப்பு நிர்மலாவின் வேண்டுதலுக்கிணங்க லண்டனில்  நடைபெறுமெனத் தீர்மானிக்கப்பட்டது.
நன்றி *தூமை
»»  (மேலும்)