உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

2/08/2015

| |

முன்னாள் விடுதலைப்புலிகளை இணைத்து புதிய கட்சியை ஆரம்பிக்கும் ஊடவியலாளர் வித்தி

முன்னாள் விடுதலைப்புலிகளை இணைத்து புதிய கட்சியை ஆரம்பிக்கும் ஊடவியலாளர் வித்தி
தமிழ்த் தேசியக் கொள்கைகளை அரசியல் ரீதியாக முன்னெடுப்பதில் ஏற்பட்டுள்ள வெற்றிடத்தை நிரப்புவதற்காக முன்னாள் ‘உதயன்’ மற்றும் ‘சுடரொளி’ பத்திரிகைகளின் பிரதம ஆசிரியரும், தமிழ் ஊடகத்துறையின் ஜாம்பவான்களில் ஒருவருமான நடேசபிள்ளை வித்தியாதரன் வழிகாட்டலில் புதிய அரசியல் கட்சியொன்று உதயமாக இருக்கிறது.
முன்னாள் போராளிகளாக இருந்து தமிழ்த் தேசிய உரிமைகளுக்காகப் போராடிப் பின்னர் அரசின் புனர்வாழ்விற்கு உட்படுத்தப்பட்ட முக்கிய உறுப்பினர்கள், புலிகளின் ஆதரவாளர்கள், புத்திஜீவிகள், அரசியல் மற்றும் மனித உரிமை செயற்பாட்டாளர்கள் போன்ற பலர் உள்வாங்கப்பட்டு இந்தக் கட்சி ஆரம்பிக்கப்படவிருப்பதாகவும், இதற்கான முன்னேற்பாட்டு நடவடிக்கைகளில் தற்போது வித்தியாதரன் தீவிரமாக இறங்கியிருப்பதாகவும் தெரியவருகிறது.
தமிழரின் தாயகம் மற்றும் தனித்துவத்தைக் காப்பதற்காக பற்றுறுதியோடும், திடசங்கத்தோடும் தம்மையே அர்ப்பணிக்க முன்வந்தோரும், ஆதரவாளர்களும் தமிழர்களின் ஐக்கிய அரசியல் கட்டமைப்பிற்குள் உள்வாங்கப்படாத புறக்கணிப்பு வேண்டுமென்றே நீடிக்கப்படுவதால், அவர்கள் அனைவரையும் அரசியல் ரீதியாக ஒரு புதிய ஜனநாயகக் கட்டமைப்பிற்குள் ஒன்றிணைத்து, அதன் மூலம் தமிழர் தம் ஐக்கியத்தையும், ஜனநாயக அரசியல் எழுச்சியையும் வலுப்படுத்தும் ஒர் அவசர தேவை எழுந்திருப்பதன் பின்னணியிலேயே இந்தக் அரசியல் கட்சி ஆரம்பிக்கப்படவிருப்பதாக வித்தியாதரன் தெரிவித்தார்.
இது குறித்த விடயங்கள் தமிழ்த் தேசிய கூட்டமைப்பின் தலைவர் இரா சம்பந்தன் உள்ளிட்ட அனைவருக்கும் தெரியப்படுத்தியிருப்பதாகவும், தற்போது மக்களின் கருத்துக்களையும், ஆலோசனைகளையும் உள்வாங்கும் இறுதிக்கட்டத்திற்கு நகர்ந்திருப்பதாகவும், தனது இந்த முயற்சி மக்கள் மத்தியில் நல்ல வரவேற்பைப் பெற்றிருப்பதாகவும் அவர் வித்தியாதரன் தெரிவித்தார்.
எதிர்வரும் தேர்தலில் உங்கள் கட்சி போட்டியிடுமா என வித்தியாதரனிடம் கேட்ட போது தேர்தலை இலக்காக கொண்டு இக்கட்சி ஆரம்பிக்கப்படவில்லை என்றும் இது எந்தவகையிலும் தமிழ்த் தேசியக் கூட்டமைப்பினைப் பலவீனப்படுத்தும் ஒரு முயற்சி அல்ல என்றும், உண்மையாகவே மக்களுடன் நின்றவர்களுக்கு அரசியல் அங்கீகாரம் வழங்கும் ஒரு நடவடிக்கை மட்டுமே என்று வித்தியாதரன் தெரிவித்தார்.   

நன்றி முகனூல்