உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

8/31/2015

| |

கம்பியூனிஸ்ட் கட்சி சுயாதீனமாக செயற்படும்

பாராளுமன்ற நடவடிக்கைகளின் போது ஸ்ரீலங்கா கம்பியூனிஸ்ட் கட்சியானது எதிர்க்கட்சியில் சுயாதீனமாக செயற்படப் போவதாக தெரிவித்துள்ளது. 

பாராளுமன்றத்தில் ஐக்கிய மக்கள் சுதந்திர கூட்டமைப்பை பிரதிநிதிப்படுத்தி செயற்படப் போவதில்லை என்று அந்தக் கட்சியின் பொதுச் செயலாளர் டீயூ குணசேகர தெரிவித்துள்ளார். 

ஸ்ரீலங்கா கம்பியூனிஸ்ட் கட்சி சார்பில் சந்தரசிறி கஜதீர இந்த முறை பாராளுமன்றத்திற்கு தெரிவாகியுள்ளார்.
அதன்படி அவர் பாராளுமன்ற நடவடிக்கைகளின் போது சுயாதீனமாக செயற்படுவார் என்று டீயூ குணசேகர தெரிவித்துள்ளார்.
»»  (மேலும்)

| |

மட்டக்களப்பில் TMVP யின்அரசியல் குழுக்கூட்டம்


தமிழ் மக்கள் விடுதலைப்புலிகள் கட்சியின் அரசியல் குழுக்கூட்டம் கட்சித்தலைவர் சி.சந்திரகாந்தன் தலைமையில் கட்சியின் தலைமைச் செயலகத்தில் (30.08.2015)நடைபெற்றது இக்கூட்டத்தில் மட்டக்களப்பு,பட்டிருப்புத்தொகுதியின் கிராமமட்ட அமைப்பாளர்களும்,பிரதேச இனணப்பாளர்களும் கலந்து கொண்டனர்
»»  (மேலும்)

8/18/2015

| |

129 வாக்குகள் வித்தியாசத்தில் முன்னாள் கிழக்கு முதல்வர் சந்திரகாந்தன் வெற்றியை தவறவிட்டார்

Résultat de recherche d'images pour "சந்திரகாந்தன்"
நாட்டின் பல மாவட்டங்களினதும் தேர்தல் முடிவுகள் வெளியான நிலையில் மட்டக்களப்பு மாவட்டத்தின் தேர்தல் முடிவுகள் இன்னும் அறிவிக்கப்படவில்லை.மட்டக்களப்பில் தெரிவாகும் 5 ஆசனங்களில் தமிழ் தேசிய கூட்டமைப்பு வெற்றிபெற்ற இரு ஆசனங்களையும் ,போனஸ் ஆசனம் ஒன்றினையும் சேர்த்து மூன்று  ஆசனங்களை பெற்றுள்ளது.ஏனைய இரு ஆசனங்களில் முஸ்லிம் காங்கிரஸ் ஒரு ஆசனத்தை பெற்றுள்ளதாக அறிய முடிகின்றது. எஞ்சியுள்ள ஒரு ஆசனத்தை பெறுவதில் ஐக்கிய தேசிய கட்சிக்கும் ஐக்கிய மக்கள் சுதந்திர கூட்டமைப்புக்கும் இடையே கடும் போட்டி நிலவுவதாக உள்ளக செய்திகள் தெரிவிக்கிறன.

இவ்விரு கட்சிகளும் தலா 32000 வாக்குகளை பெற்றுக்கொண்டுள்ள நிலையில் முன்னாள் அமைச்சர் அமீர் அலிக்கும் முன்னாள் கிழக்கு முதல்வர் சந்திரகாந்தனுக்கும் இடையில் சில நூறு வாக்கு வித்தியாசங்களே காணப்படுகின்றது. இந்நிலையில் மீண்டும் மீண்டும் வாக்குகள் எண்ணப்படுவதாலேயே மட்டகளப்பு மாவட்டத்தின் தேர்தல் முடிவுகள் அறிவிக்கப்படுவதில் தாமதம் நீடிப்பதாக உத்தியோக பற்றற்ற தகவல்கள் தெரிவிக்கின்றன.இறுதியாக கிடைக்கின்ற தகவல்களின் அடிப்படையில்  32000 வாக்குகளை பெற்றுக்கொண்டுள்ள போதிலும் வெறும் 129 வாக்குகள் வித்தியாசத்தில் முன்னாள் கிழக்கு முதல்வர் சந்திரகாந்தன் வெற்றியை தவறவிட்டார்  என்னும் முடிவு வெளியாகலாம். 




»»  (மேலும்)

8/17/2015

| |

 வாக்களிப்பு நிறைவு

Résultat de recherche d'images pour "வாக்களிப்பு"8ஆவது நாடாளுமன்ற தேர்தல் வாக்களிப்பு நடவடிக்கைகள் இன்று மாலை 4 மணியுடன் நிறைவுக்கு வந்தன.
அதனையடுத்து, வாக்களிப்பு நிலையங்களிலிருந்து வாக்குப்பெட்டிகள், வாக்கென்னும் நிலையங்களுக்கு கொண்டு செல்லும் நடவடிக்கைகள் ஆரம்பிக்கப்பட்டுள்ளன.
2015ஆம் ஆண்டு பொதுத்தேர்தலுக்கான வாக்கு பதிவுகள் இன்று திங்கட்கிழமை (17) காலை 7 மணிக்கு ஆரம்பமாகின.
2015ஆம் ஆண்டுகான பொதுத்தேர்தலுக்காக 35 அரசியல் கட்சிகளிலிருந்தும் 200 சுயேட்சை குழுக்களிலிருந்தும் மொத்தமாக 6,151 வேட்பாளர்கள், 196 நாடாளுமன்ற உறுப்பினர் பதவிகளுக்காக போட்டியிடுகின்றனர்.
இதன்பிரகாரம் நாடளாவிய ரீதியில் 12,314 வாக்களிக்கும் நிலையங்கள் அமைக்கப்பட்டதுடன் இவற்றுள், வட மாகாணத்திலுள்ள 7 சிறுதீவுகளும் உள்ளடங்குகின்றன.
தேர்தல்கள் திணைக்களத்தின் அறிக்கையின் பிரகாரம் 15,440,491 மக்கள் இம்முறை வாக்களிப்புக்கு தகுதிபெற்றிருந்தனர்.
தேர்தல் பாதுகாப்பு பணிகளுக்காக 70,549 பொலிஸ் உத்தியோகஸ்தர்கள் நாடளாவிய ரீதியில் கடமையில் ஈடுபடுத்தப்பட்டதுடன் 4,825 விசேட அதிரடிப்படையினரும் 7,000 சிவில் பாதுகாப்புப் படைப்பிரிவினரும் ஈடுபடுத்தப்பட்டுள்ளனர்.

»»  (மேலும்)

| |

ஆதிவாசிகள் தலைவரும் வாக்களித்தார்

நாடாளுமன்ற தேர்தல் 2015  வாக்களிப்பு நடவடிக்கைகளுக்காக பதுளை மாவட்டத்தில் மஹியங்கனை தொகுதியில் 76 வாக்களிப்பு நிலையங்களில் வாக்களிப்பு நடவடிக்கைகள் இடம்பெற்றன. ஆதிவாசிகளின் தலைவரான ஊருவரிகே வன்னிலா எத்தோ, காலை 10 மணியளவில் தம்பான கனிஷ்ட வித்தியாலயத்தில் தனது வாக்கினை அளித்தார். அவருடன் அவரது மனைவி மற்றும் குழுவினர் சமூகமளித்து  வாக்களித்தனர். 
»»  (மேலும்)

8/16/2015

| |

ஜனாதிபதி பரிந்துரைத்த சு.க தலைவர்கள் பிரதமர் பதவியை ஏற்க தயாரில்லை

ஜனாதிபதி பரிந்துரைத்துள்ள ஏழு சிரேஷ்ட சுதந்திரக் கட்சி தலைவர்களும் பிரதமர் பதவியை ஏற்கத் தயாராக இல்லை என ஸ்ரீலங்கா சுதந்திரக் கட்சி சிரேஷ்ட உபதலைவர்களில் ஒருவரான ஜோன் செனவிரத்ன தெரிவித்தார். பிரதமர் பதவிக்கு மஹிந்த ராஜபக்ஷவே தகுதியானவர் எனவும் அவர் குறிப்பிட்டார். ஐ.ம.சு.மு. ஊடகவியலாளர் மாநாடு நேற்று சுதந்திரக் கட்சி மையகத்தில் நடைபெற்றது. ஜனாதிபதி மைத்திரிபால சிறிசேனவினால் முன்னாள் ஜனாதிபதிக்கு அனுப்பியுள்ள கடிதம் தொடர்பாக கருத்துத் தெரிவித்த போதே அவர் மேற்கண்டவாறு கூறினார்.
ஐ.ம.சு.மு. வெற்றி பெற்றால் பிரதமர் பதவிக்கு நியமிக்க நிமல் சிறிபால டி சில்வா, ஜோன் செனவிரத்ன, சமல் ராஜபக்ஷ, அதாவுத செனவிரத்ன, ஏ.எச்.எம். பெளசி, சுசில் பிரேம் ஜயந்த், அநுர பிரியதர்சன யாப்பா ஆகிய கட்சி சிரேஷ்ட தலைவர்களில் ஒருவரே தகுதியானவர் என ஜனாதிபதி தனது கடிதத்தில் குறிப்பிடிருந்தார்.
இது தொடர்பாக கருத்துத் தெரிவித்த ஜோன் செனவிரத்ன,
ஆட்சிக்கு வரும் ஐ.ம.சு.வுடன் இணைந்து செயற்பட தயார் என்பதை ஜனாதிபதி தனது கடிதத்தில் கூறியுள்ளார். ஐ.ம.சு.மு. வெற்றியை அவர் அதில் உறுதி செய்துள்ளார். சுதந்திரக் கட்சி சிரேஷ்ட தலைவர்களில் ஒருவரை பிரதமராக்க ஒத்துழைக்குமாறு 7 பேரின் பேரை அதில் ஜனாதிபதி குறிப்பிட்டுள்ளார். ஆனால் பிரதமர் பதவிக்கு மஹிந்த ராஜபக்ஷவே உகந்தவர். எமது பெயரை பிரதமர் பதவிக்கு உகந்தவர்களாக குறிப்பிட்டது குறித்து நன்றி தெரிவிக்கிறோம். ஆனால் நாம் 7 பேரும் பிரதமர் பதவி ஏற்க தயாரில்லை. மக்கள் மஹிந்த ராஜபக்ஷவை பிரதமராக நியமிக்குமாறு கோருகின்றனர் என்றார்.
இதேவேளை இந்த ஊடகவியலாளர் மாநாட்டில் நிமல் சிறிபால டி சில்வா, ஏ.எச்.எம். பெளசி, சமல் ராஜபக்ஷ மற்றும் பிரியதர்ஷன யாப்பா ஆகியோர் பங்கேற்கவில்லை.

சுசில் பிரேம ஜயந்த்
சுசில் பிரேம் ஜயந்த கூறியதாவது, 113 ற்கும் அதிகமான ஆசனங்கள் எமக்குக் கிடைக்கும் என்ற நம்பிக்கை இருக்கிறது. எமது வெற்றிக்கு மஹிந்த ராஜபக்ஷவின் பங்களிப்பு பிரதான காரணமாக அமைந்தது.
ஐ.ம.சு.மு. வெற்றிக்கு ஜனாதிபதியின் கடிதத்தினால் அணுவளவு பாதிப்பும் ஏற்படாது. முன்னாள் ஜனாதிபதி சந்திரிகாவின் கருத்துக்களினாலும் நாம் தளரவில்லை. சகல இனத்தவர்களுக்கும் நாட்டில் அமைதியை ஏற்படுத்திக் கொடுத்தது மஹிந்த அரசாங்கமே.
எமது தேர்தல் செயற்பாடுகளுக்கு நாம் பாதாள உலகத்தினரின் ஒத்துழைப்பை பெறவில்லை. ஒற்றுமையாக நாம் எமது தேர்தல் பிரசாரங்களை முன்னெடுத்து வருகிறோம். மஹிந்த ராஜபக்ஷ தலைமையில் ஆட்சியமைக்க ஐ.ம.சு.மு.வுக்கு வாக்களிக்குமாறு கோருகிறோம்.

தினேஷ் குணவர்தன
தினேஷ் குணவர்தன கூறியதாவது, தேர்தல் சட்டங்களை மீறும் வகையில் ஐ.தே.க. செயற்படுகிறது. ஐ.ம.சு.மு. வெற்றிக்கு மக்கள் அணிதிரண்டு வருகின்றனர். சந்தையில் அரசி 75 ரூபா முதல் 100 ரூபா வரை விற்கப்படுகிறது. ஆனால் விவசாயிகளிடமிருந்து 30 ரூபாவுக்கும் குறைவாகவே நெல் கொள்வனவு செய்யப்படுகிறது. இலங்கை வரலாற்றில் ஒரு போதும் இல்லாதவாறு வரவு செலவுத் திட்டத்தில் குறிப்பிடப்பட்ட யோசனைகள் தொடர்பான சட்டமூலங்கள் எதனையும் நிறைவேற்ற வில்லை. கடந்த நல்லாட்சி அரசு கின்னஸ் சாதனை படைத்துள்ளது.
மக்கள் ஆணையை ஏற்று அதன்படி பிரதமரை நியமிப்பதை எவருக்கும் நிராகரிக்க முடியாது. சந்திரிகா குமாரதுங்க பாராளுமன்றத்துக்கு தெரிவான போது மக்கள் ஆணையை ஏற்று அவரை பிரதமராக நியமிக்க டீ.பி. விஜேதுங்க நடவடிக்கை எடுத்தார். ரணிலை சந்திரிகா குமாரதுங்க பிரதமராக நியமித்தார். மைத்திரிக்கும் இது தவிர வேறு வழி கிடையாது.

வாசுதேவ நாணயக்கார
வாசுதேவநாணயக்கார கூறியதாவது,
ஐ.ம.சு.மு. இந்த தேர்தலில் வெல்வதற்கான பெரிய சாட்சியமாக மைத்திரிபால ஜனாதிபதியின் கடிதம் விளங்குகிறது. அடுத்த பிரதமராக மஹிந்த ராஜபக்ஷ நியமிக்கப்பட வேண்டும் என ஏகமனதாக சகல ஐ.ம.சு.மு. கட்சிகளும் முடிவு செய்துள்ளன.
இந்த நிலையில் வேறு பெயர்களை சிபார்சு செய்திருப்பது நகைப்புக்குரியதாகும்.
ஆளும் தரப்பு தேர்தல் பிரசாரத்திற்காக பெருமளவு பணம் செலவிடுகிறது. அடுத்த தேர்தலில் துரோகம் காட்டிக் கொடுப்புகளுக்கு மக்கள் உரிய பதில் வழங்குவார்கள்.

விமல் வீரவங்ச
விமல் வீரவங்ச கூறியதாவது,
தோல்வியில் இருந்து மீள அரசாங்கம் பல்வேறு முயற்சிகள் மேற்கொள்கின்றது. ரணில் - மைத்திரி திருமணம் ஒகஸ்ட் 17ம் திகதி விவகாரத்தானது. ஆனால் ஒகஸ்ட் 17ம் திகதி தமது அரசாங்கமொன்று உருவாகும். அவருக்கு இலகுவாக அதன்போது பணி புரிய முடியுமாகும். வாக்கில் வெல்லாமல் ரணிலுக்கு பிரதமர் பதவி வழங்க முடியும் என்றால் மக்கள் ஆணையுடன் வரும் மஹிந்த ராஜபக்ஷவுக்கு ஏன் பிரதமர் பதவி வழங்க முடியாது? மஹிந்தவை பிரதமராக்குவதை தவிர அவருக்கு வேறு வழி கிடையாது. ஐ.ம.சு.மு. வெல்வது உறுதியானதாலே பிரதமர் பதவி குறித்து ஜனாதிபதி ஆராய்கிறார்.
த.தே.கூ. ஆட்டுவிக்கும் அரசாங்கமே ஐ.தே.க. ஆட்சிக்கு வந்தால் உருவாகும்.
ஊழியர் சேமலாபநிதி மற்றும் நம்பிக்கை நிதியம் என்பவற்றை தனியார் மயப்படுத்துவதற்கு எதிராக தனியார் துறை ஊழியர்கள் அனைவரும் தமது வாக்குகளை அளிக்க வேண்டும். தேர்தலில் வெல்வது ஐ.தே.க. அல்ல ஐ.ம.சு.மு என தேர்தலுக்கு முன் அறிவித்தது குறித்து ஜனாதிபதிக்கு நன்றி தெரிவிக்கின்றேன். 

»»  (மேலும்)

| |

மட்டக்களப்பில் மண்ணை கவ்வப்போகும் யாழ்மேலாதிக்கம்

TNA-madoor-01நாளை நடைபெற இருக்கும் பாராளுமன்றத் தேர்தலில் மட்டக்களப்பு மாவட்டத்தின் தேர்தல் முடிவுகள் சொல்லப்போகும் செய்தியானது எம்மை காலம் காலமாக முட்டாள்கள் என்றும், தங்களை அறிவாளிகள் என்று எண்ணிக் கொண்டிருக்கும் யாழ் மேலாதிக்க சிந்தனையாளர்களுக்கும், அவர்களின் சூழ்ச்சி நன்கு தெரிந்திருந்தும் அதை கொஞ்சம் கூட சிந்திக்காமல் தங்களின் சுயநல அரசியலுக்காக எமது மாவட்டத்தை அடகு வைத்த்துக்கொண்டிருக்கும் தமிழ் தேசியக் கூட்டமைப்பு கூத்தாடிகளுக்கும் சேறுபூசுவதுபோல் அமையப்போகின்றது என்பது திண்ணம்.
நாளைய தேர்தல் முடிவின் பின் எம் மக்கள் யாழ் மேலாதிக்கத்திற்கு அடிபணியாதவர்கள் என்பதனையும். எமது மண்ணிற்க்கு என்று ஒரு தலைமை உருவாகியுள்ளது என்பதனையும் இந்த உலகிற்கு பறைசாற்றவுள்ளனர்.
காலம் காலமாக அரசியல் அநாதைகளாக கிடந்த ஒரு சமூகம் தமக்கான அரசியல் தலைமையினையும், அதற்கான அங்கீகாரத்தையும் தமிழ் மக்கள் விடுதலைப் புலிகள் கட்சியின் தலைவர் சி.சந்திரகாந்தனிடம் ஒப்படைக்கவுள்ளது.
மட்டக்களப்பு மாவட்டத்தின் களநிலவரப்படி கிட்டத்தட்ட 29,000 ஆயிரம் விருப்பு வாக்குகளை சி.சந்திரகாந்தன் பெறுவார் என்பது ஊர்ஜீதமாகவுள்ளபோதும் தமிழர்களின் வாக்களிப்பு வீதம் அதிகரிக்கும் பட்சத்தில் இவ் எண்ணிக்கை இன்னும் அதிகரிக்கலாம் என்றே எதிர்பார்க்கப்படுகின்றது.
மட்டக்களப்பில் சந்திரகாந்தனின் வெற்றி உறுதிப்படுத்தப்பட்ட நிலையிலும் கூட பிள்ளையானை அரசியலிலிருந்து ஓரம்கட்ட வேண்டும் என்று கங்கணம் கட்டி அலையும் ஒரு கூட்டம் தாங்கள் 4 ஆசனங்களைப் பெறுவோம் என்று மார்தட்டி சொல்லிக்கொண்டு திரிகின்றார்கள்.
இத் தேர்தலில் மட்டக்களப்பான் மடையன் என்று கூறும் யாழ்மேலாதிக்கவாதிகளுக்கு நாம் கூறப்போகும் செய்தியானது வீரம் விளைநிலத்தில் விளைந்த விருட்சங்கள் நாங்கள் என்பதோடு, தமிழ் தேசியக் கூட்டமைப்பு கூத்தாடிகளின் வாய்ச் சவாடல்களுக்கு ஒரு முற்றுப்புள்ளி வைத்து அவர்களை எமது மாவட்டத்திலிருந்து துரத்தியடிப்போம்.
»»  (மேலும்)

8/14/2015

| |

கல்குடா அரசியல் களநிலவரம் - 2015-*எஸ்.எல்.எம் ஹனிபா

கல்குடா அரசியல் களநிலவரம் - 2015 இரண்டாம் கட்டம்
மாற்றம் வேண்டிப் பயணிக்கும் மாற்று அணியினரும், கடந்த 15 வருடங்களாக கல்குடாவின் அரசியல் தலைமைத்துவத்தை அலங்கரித்து தானே முடிசூடா மன்னனென்று பிரகடனப்படுத்தும் பழம் பெரும் அரசியல்வாதி அமீர் அலி அவர்களும் இந்த அரசியல் சமரில் தங்களது பலத்தை நிரூபிப்பதற்காக பல்வேறு பிரயத்தனங்களை மேற்கொண்டு வருவதை மக்களாகிய நாம் அறிவோம்.
இவ்விரு பகுதியினரையும் சாராது கடந்த 50 வருட கால கல்குடாவின் அரசியல் வரலாற்றை அறிந்தவன், அனுபவித்தவன் என்ற வகையில், இன்றைய கள நிலவரத்தை அதன் உண்மைத் தன்மையை வெளிப்படுத்த வேண்டிய தேவை ஏற்பட்டுள்ளது.
உண்மை கசப்பாக இருந்தாலும் பேச வேண்டும் என நபி (ஸல்) அவர்கள் கூறியுள்ளார்கள்.
கல்குடாவில் நமது வாக்குகள் ஏறத்தாழ 34,000. இவற்றில் நாட்டை விட்டும் புலம்பெயர்ந்தோர் 7,500. தேர்தல் தினத்தன்று அளிக்கப்படாமல் போகும் வாக்குகள் 4,500 ஆகும்.
இன்ஷா அல்லாஹ் அளிக்கப்படக்கூடிய மொத்த வாக்குகள் 22,000 எனக் கொள்வோம்.
பிரதான கட்சிகள் தவிர பிற கட்சிகளுக்கு அளிக்கப்படலாம் என எதிர்பார்க்கப்படுவது ஆயிரம் வாக்குகள் மாத்திரமே.
இதில், 63 வீதமான வாக்குகளைப் பெறக்கூடிய வாய்ப்பு அமீர் அலிக்கே உள்ளது. அவர் தனது அனுபவம், காய் நகர்த்தல், பண பலம், தான் இழைத்த பிழைகளுக்கான கண்ணீர் வடித்தல், மன்னிப்புக்கோரல் இன்னோரன்ன ஆளுமைகளால் இதனைப் பெற முடியும். 63 வீத வாக்குகள் என்பது சுமார் 13,500 வாக்குகளாகும்.
அமைச்சர் அமீர் அலிக்கெதிராக SLMC தலைமையின் தனிப்பட்ட முடிவாக களம் இறக்கப்பட்ட அறிமுக வேட்பாளர் சகோ. றியால் அவர்கள், அரசியலில் முன்னனுபவமற்ற தன்மை, கல்குடா தொடர்பில் SLMCயின் அரசியல் புறக்கணிப்பு, களத்திற்கு அவசர அவசரமாக அறிமுகப்படுத்தப்பட்டமை மற்றும் களநிலவரங்களை சமாளிக்க முடியாமை போன்ற காரணங்களினால், 37 வீதமான வாக்குகளை மாத்திரமே பெறக்கூடிய சாத்தியமுண்டு. 37 வீதமான வாக்குகள் என்பது சுமார் 7,500 வாக்குகளாகும்.
கட்சிக்கென இருந்த வாக்குகளைத் தவிர, சொற்பளவேனும் அதிகரிக்க முடியாத திண்டாட்டம். கட்சியின் வாக்கு வங்கியை அதிகரிக்க வேண்டி பழைய போராளிகளையே மீண்டும் மாற்றத்திற்கான முன்னணி வேண்டி நிற்பது பரிதாபமானது.
எதிர்வரும் காலங்களில் அடுத்தடுத்த அரசியல் நிலைகளில் தலைமையும் மூத்த போராளிகளும் சேர்ந்து எடுக்கும் முடிவே எதிர்காலத்தில் இந்தக் கட்சியின் வளர்ச்சிக்கும் பிரதிநிதித்துவத்திற்கும் வழிவகுக்கும் என்பதில் எவ்வித ஐயமுமில்லை.
கல்குடாவில் SLMC தோல்வியைத் தழுவினாலும் மாவட்டத்தில் ஒரு ஆசனத்தைப் பெறுவது உறுதியானது.
இந்தக் குறிப்பு எனது சிற்றறிவுக்கு உட்பட்டது. இறைவனின் நாட்டம் எவ்வாறு இருக்கும் என்பதை எம்மால் ஊகிக்க முடியாது.
அவர்களும் சதி செய்கிறார்கள். அல்லாஹ்வும் சதி செய்கிறான். அல்லாஹ், சதிகாரர்களிலெல்லாம் மிகச் சிறந்தவன்.
»»  (மேலும்)

8/13/2015

| |

தமிழரை தெரிவு செய்ய வேண்டும்: அரசரெத்தினம்

மட்டக்களப்பு மாவட்டத்தில் ஆளுங்கட்சியிலிருந்து தமிழர் ஒருவரை அபிவிருத்தி குழுத்தலைவராக தெரிவு செய்யும் வாய்ப்பை ஏற்படுத்துவதனால் இம் மாவட்டத்தில் பல அபிவிருத்தி பணிகளை முன்னெடுக்க முடியும் என மட்டக்களப்பு மாவட்ட வேட்பாளர் செ.அரசரெத்தினம் தெரிவித்தார். மட்டக்களப்பு, தாழங்குடவில் செவ்வாய்கிழமை (11) இரவு இடம்பெற்ற தேர்தல் பிரசார கூட்டத்தில் கலந்துகொண்டு பேசுகையிலேயே அவர் மேற்கண்டவாறு தெரிவித்தார். அவர் தொடர்ந்து பேசுகையில், மட்டக்களப்பு மாவட்டத்தில் அபிவிருத்தி குழுத் தலைவராக தமிழர்கள் தெரிவு செய்யப்படவில்லை. தமிழ்த் தேசியக் கூட்டமைப்பு உரிமையைப் பெறவேண்டும் என்று பேசிக் கொண்டு எதிர்க்கட்சி வரிசையில் இருந்து வருகின்றனர்.
இதனால் முஸ்லிம் தலைமைகள் ஆளும் அரசாங்கத்துடன் இணைந்து கொண்டு அமைச்சுப் பதவியையும் பெற்று அபிவிருத்திக்குழுத் தலைவராகவும் இருந்து பல அபிவிருத்திகளை செய்து வருகின்றனர். இதனால் 74 சதவீதத்துக்கும் மேல் வாழும் தழிழர்கள் கல்வி,பொருளாதாரம், கட்டுமானம் அனைத்திலும் பின்னடைவைச் சந்தித்துவருகின்றோம். இந்நிலை மாற்றப்பட்டு நடைபெறும் பொதுத் தேர்தலில் ஐக்கிய மக்கள் சுதந்திர கூட்டமைப்பில் தமிழர் ஒருவர் தெரிவுசெய்யப்பட்டு அபிவிருத்திகளை செய்ய வேண்டும் இதற்காக தமிழ் மக்கள் வாக்களிக்க வேண்டும் என்றார்
»»  (மேலும்)

8/11/2015

| |

திருகோணலையில் தமிழ் பிரதிநிதித்துவத்தை பாதுகாக்கும் தூர நோக்குடனே தமிழ் மக்கள் விடுதலைப்புலிகள் கட்சி திருமலையில் பங்கு பற்றவில்லை

 Nalinakanthan Kumarasamyதிருகோணமலை மாவட்டத்தின் தமிழருக்கு கிடைக்கக் கூடிய ஒரு பிரதிநிதித்துவத்தினை பாதுகாக்கும் தூர நோக்குடனே தமிழ் மக்கள் விடுதலைப்புலிகள் கட்சி திருமலையில தேர்தலில் பங்கு பற்றுவதில்லை என்ற முடிவினை மேற்கொண்டது என்று திருகோணமலை மாவட்ட தமிழ் மக்கள்  விடுதலைப்புலிகள் அமைப்பாளர் திரு கு நளினகாந்தன் தெரிவித்துள்ளார் 2015 பாராளுமன்றத் தேர்தலில் மேற்படி கட்சி பங்கு பற்றாமைக்கான காரணம் பற்றி கட்சி தொண்டர்கள் ஆதரவாளர்களிடையே விளக்கமளிக்கையில் மேற் கண்டவாறு குறிப்பிட்ட அவர் கட்சியின் தலைமை சாணக்கிய மான முறையில் முடிவுகளை மேற்கொண்டு உள்ளதாலேயே நான்கு பிரதி நிதித்துவம் பெறக்கூடிய மட்டக்களப்பு மாவட்டத்தில் போட்டி இட்டு ஒரு பிரதி நிதித்துவத்தை பெற தீர்மானித்து உள்ளது.மேலும் இன்று  தமிழ் தேசிய கூட்டமைப்பின் நம்பிக்கை நட்சத்திரமான ஐனாதிபதி மைத்திரிபால அவர்களின் தலைமையிலான வெற்றிலை சின்னத்தில் நிபந்தனையுடன் தேர்தலில் பங்கு பற்றுவதால் ஒரு பிரதிநிதித்துவ வாய்ப்பு உறுதிசெய்யப்பட்டுள்ளமை  தமிழ் மக்கள் விடுதலை புலிகள் கட்சியின் தலைமையினது தந்திரோபாய நகர்வு என்றும் கூறிய அவர் மட்டக்களப்பு மாவட்டத்தில் மக்கள் சின்னத்தை கவனத்தில் கொள்ளாது வேட்பாளரை கவனத்தில் கொண்டு வாக்களிக்க வேண்டும். அந்தவகையில் மாவட்டத்தில் அதிக வேலை வாய்ப்புகளையும் அபிவிருத்திளையும் மேற்கொண்ட  கிழக்கி;ன் முதல் முதலமைச்சரும் வேட்;பாளரும் ஆன திரு சந்திரகாந்தன் அவர்களுக்கு வாக்களித்து வெற்றி பெறச்செய்வதன் மூலம் கிழக்கில் தமிழர்கள் உரிமை அபிவிருத்தியென்ற சமாந்தரப்பாதையில் பயணம் செய்ய வழிவகுக்கும் என்று கூறினார்.


»»  (மேலும்)

| |

'போருக்கு வெளியே பேசுதல்' என்னும் தொனிப்பொருளில் 45வது இலக்கிய சந்திப்பு

வாழ்வின் எல்லா பரிமாணங்களையும் கட்டியாண்ட 'போருக்கு வெளியே பேசுதல்' என்னும் தொனிப்பொருளில் 45வது இலக்கிய சந்திப்பு மட்டக்களப்பு பட்டினத்தில் இடம்பெறவுள்ளது.
»»  (மேலும்)

8/09/2015

| |

ஐந்து ஆண்டு மக்கள் நல திட்டத்தில் பிள்ளையானின் வெற்றி உறுதிசெய்யப்பட்டுள்ளது.

ஐக்கிய மக்கள் சுதந்திரக் கூட்டமைப்புடன் சேர்ந்து மட்டக்களப்பு மாவட்டத்தில் போட்டியிடும் தமிழ் மக்கள் விடுதலைப்புலிகள் கட்சியின் ஐந்தாண்டு மக்கள் நலத்திட்டம் அக்கட்சியின் தலைவரும், முன்னாள் கிழக்கு மாகாண முதலமைச்சருமாகிய சி. சந்திரகாந்தன் தலைமையில் 07.08.2015 அன்று மு.ப 10.00 மணிக்கு செங்கலடி சீனித்தம்பி ஞாபகார்த்த மண்டபத்தில் வெளியீடப்பட்டுள்ளது. இன் நிகழ்வில் ஆயிரத்திற்கும் அதிகமானவர்கள் கலந்து கொண்டனர்.
தமிழ் மக்கள் விடுதலைப் புலிகள் கடசியின்  பொதுச் செயலாளர் பூ.பிரசாந்தன் தலைமையில் ஏற்பாடு செய்யப்பட்ட இன் நிகழ்வில் அக் கட்சியின் தலைவாரும் முன்னாள் கிழக்கு மாகாணசபை முதலமச்சர் சி. சந்திரகாந்தன் அவர்கள் வெளியிட்ட ஐந்தாண்டு மக்கள் நலத்திட்டம்
அறிமுகம்
மாகாணங்களுக்கான பிராந்திய அரசியல் அதிகாரப் பகிர்வில் தேவைப்பாடும், நம்பிக்கையும் கொண்ட நாம் இம்முறை பாராளுமன்றப் பொதுத் தேர்தலில் போட்டியிடுகின்றோம். எமது இறுதி அரசியல் இலட்சியம் பாராளுமன்ற அதிகாரமயல்ல, எமது மக்களின் சுயநிர்ணயம் அங்கீகரிக்கப்பட்ட முழுமையான அதிகாரப் பகிர்வையே நாம் வேண்டிநிற்கின்றோம். அத்துடன் எமது பிரதேசங்களில் நிலையான அமைதியும், நீடித்த அபிவிருத்தியும் இடம் பெறவேண்டும்.
ஆறு தசாப்த கால அரசியல் பாதையில் பாராளுமன்ற அரசியல் அதிகாரத்தினூடாக தமிழினம் எவ்வித குறிப்பிடத்தக்க உரிமைகளையும் பெறவில்லை. காலத்திற்கு காலம் அரசியல் ரீதியான கொள்கைகளும், இலக்குகளும் மாற்றம் பெற்று அவைகளை அடைய மக்களிடம் ஆணை வேண்டி நின்ற கட்சிகளும், தலைவர்களும் எதனையும் பெற்றத் தரவில்லை.
1940-1949 காலப்பகுதியில் 50:50 கோரிக்கை, பின்னர் 1949ல் சமஸ்டி, 1976ல் தனி நாடு, 1981ல் சுயநிர்ணயம், 1987ல் மாகாண சபை என கொள்கைகளும், கோட்பாடுகளும் மாற்றம் பெற்று வந்தது. இந்த பாதையில் சிலர் தியாகிகளாகவும், தேசப் பற்றார்களாகவும் வேறு சிலர் துரோகிகளாகவும் வகைப்படுத்தப்பட்டனர். இதில் தியாகிகள் துரோகிகளாகவும், துரோகிகள் தியாகிகளாகவும் பரிணாமம் அடைந்ததையும் கண்டோம். இதனால் ஏற்பட்ட சகோதரப்படுகொலை, காட்டிக் கொடுப்புகள், இடம் பெயர்வுகள், புலம் பெயர்வுகள் என தமிழினம் அழிவுகளையே  தன் தடமாகக் கொண்டது. இதன் காரணமாக எமது மக்கள் அபிவிருத்தி, உட்கட்டுமானம், வாழ்வாதார முன்னேற்றம் போன்ற அனைத்தையும் இழந்து நிற்கும் நிலை எற்பட்டது.
ஆயுதப் போராட்டம் தோற்கடிக்கப்பட்டு,  அமைதி திரும்பி உள்ள நிலையில் பாரம்பரியமாக பின்பற்றப்பட்டு வந்த அரசியல் கலாச்சாரத்திலும் மாற்றம் ஏற்படவேண்டிய தேவை எழுந்து வருகின்றது. எமது மக்களின் சிந்தனைகளில் மாற்றம் தென்படுகின்றது. 
புதிய சிந்தனைகளும், கருத்துக்களும், விமர்சனங்களும் வரவேற்க்கப்படுகின்றன. அடைய முடியாத போலியான, அரசியல் இலக்குகள் நிராகரிக்கப்பட்டு புதிய பாதைகளை மக்கள் தேடத்தொடங்கியுள்ளனர். இந்த அனுகுமுறை மாற்றத்தில் யதார்த்த பூர்வமான, நடைமுறைச் சாத்தியமான கொள்கைகளையும், புதிய மாற்றீடான தலைமைகளையும் மக்கள் ஏற்றுக்கொள்ளத் தொடங்கியுள்ளனர். இம்மாற்றத்தின் வித்தாகவும், ஆரம்பப்புள்ளியாகவும் தமிழ் மக்கள் விடுதலைப்புலிகள் கட்சியாகிய நாமே இருக்கின்றோம் என்பதை யாரும் மறுக்க முடியாது.
மாகாணத்திற்கான அதிகாரப் பகிர்வு.
     தற்போது நடைமுறையிலுள்ள ஒற்றை ஆட்சி அரசியலமைப்பின் மூலம் முழுமையான அதிகாரப் பகிர்வையோ, இனங்களுக்கிடையே சம அந்தஸ்த்தையோ அடைய முடியாது. ஆனால் எம் அரசியல் இலக்கை அடைவதற்கான ஆரம்பப் புள்ளியாக 13வது அரசியலமைப்புச் சீர்திருத்தத்தை நாம் ஏற்றுக்கொள்கின்றோம். மாகாணசபைகளுக்கான காணி, காவற்துறை அதிகாரங்கள் முழுமையாக அமுல்படுத்தப்படவேண்டும். மாகாண சபைகளில் அங்கீகாரமின்றி முதலீடுகளுக்காகவும், பாதுகாப்புத் தேவைகளுக்காகவும் சுவீகரிக்கப்பட்ட காணிகள் மீள ஒப்படைக்கப்படல் வேண்டும். இதற்காக நாம் பாராளுமன்றத்தினூடாக போராடுவோம்.
அனைவரும் ஏற்றுக் கொள்ளக் கூடிய நிலையான அரசியல் தீர்வு, நீடித்த அமைதி.
எமது மக்களின் அரசியல் அபிலாசைகளையும், அடிப்படை உரிமைகளையும், உறுதிப்படுத்தக்கூடிய நிலையான அரசியல் தீர்வு அமையப் போகும் பாராளுமன்றத்தின் மூலம் வழங்கப்பட வேண்டும். அதில் வடக்குத் தமிழர்களின் அரசியல் எதிர்பார்ப்புக்கள், அபிலாசைகள் மாத்திரமின்றி கிழக்கு தமிழ் மக்கள், முஸ்லீம்கள், இந்திய வம்சாவழி தமிழர்கள் மற்றும் அதிகாரம் வேண்டி நிற்கின்றன தென்னிலங்கை மக்களின் எதிர்பார்ப்புகளுக்கும் ஏற்ற வகையிலும் பிரிக்கப்படாத இலங்கைக்குள் பல்லினங்களுக்கான சமஅந்தஸ்தும், சம உரிமையும், உறுதிப்படுத்தப்பட்ட அரசியல் தீர்வை காண்பதற்கான களமாக நாம் பாராளுமன்றத்தை பயன்படுத்துவோம். இதற்காக எம்முடன் ஒரே கருத்துள்ள, முற்போக்கான அரசியல் கட்சிகளுடனும்;, இடதுசாரி அமைப்புகளுடனும் இணைந்து பணியாற்றுவோம். இனவாத, மதவாத, பிரிவினைவாத அரசியலை முற்றாக ஒழித்து செயற்படுவோம். இன, மத, சமுக நல்லிணக்கத்தின் முன்மாதிரியாக கிழக்கு மாகாணத்தை மாற்றுவோம். இவைகளின் ஊடாகவே நீடித்த அமைதியையும், சக வாழ்வையும் அடைந்து கொள்ள முடியும்.
அரசியல் கைதிகளின் விடுதலை.
       பயங்கரவாதத் தடைச்சட்டம் முற்றாக நீக்கப்படுவதுடன் நீண்ட காலமாக தடுத்து வைக்கப்பட்டுள்ள அரசியல் கைதிகளின்; வழக்குகளை விசாரிப்பதற்கு சிறப்பு, துரித நீதிமன்றங்கள் அமைக்கப்பட வேண்டும். ஜனாதிபதியின் பொது மன்னிப்பின் கீழ் அரசியல் கைதிகளை விடுதலை செய்வதற்கு பாராளுமன்றத்தின் ஊடாக அழுத்தம் கொடுப்போம்.
வாழ்வாதார மேம்பாடும், வறுமை ஒழிப்பும்.
       மட்டக்களப்பு மாவட்டத்தின் வாழ்வாதார மேம்பாட்டிற்கு அதிக முன்னுரிமை கொடுப்பதுடன், அதனூடாக தனிநபர் வருமானத்தை அதிகரித்து வறுமையை முற்றாக ஒழிப்பதற்கான 5 ஆண்டு கால திட்டங்களை வகுத்துச் செயற்படுத்துவோம். விவசாயம், மீன்பிடி, கால்நடை வளர்ப்பை பிரதான வாழ்வாதாரமாக  கொண்ட மட்டக்களப்பு மாவட்டத்தில் நவீன தொழில்நுட்பத்தினூடாக, புதிய சந்தை வாய்ப்புகள் ஏற்படுத்துவதன் மூலமும் விவசாயிகளின் வாழ்வாதாரத்தை முன்னேற்றுவோம். நெல்லுக்கு உறுதியான உத்தரவாத விலையை நிர்ணயிப்பதுடன் அதனை அரசாங்கமே கொள்வனவு செய்ய வேண்டும். ஏனைய வேளாண் பொருட்களுக்கான சந்தைகளை விஸ்தரிப்பதுடன், விவசாயப் பொருட்களின் வெளிநாட்டு இறக்குமதியை மட்டுப்படுத்தி உள்நாட்டு உற்பத்திக்கு உரிய விலை கிடைக்கும் வகையில் பாராளுமன்றத்தில் செயற்படுவோம்.  நன்னீர், கடல்நீர், மீன்பிடித்துறைகளில் அதிக கவனம் செலுத்துவதுடன், மீன்களைப் பதப்படுத்தும் தொழிற்சாலைகளை மட்டக்களப்பு மாவட்டத்தின் பல கரையோர கிராமங்களில் அமைப்பதுடன் அதற்கான சந்தை வாய்ப்பினையும் ஏற்படுத்துவோம்.
கால்நடை வளர்ப்பில் புதிய பயிற்சிகளையும், தொழிநுட்ப வசதிகளையும் அறிமுகம் செய்வதுடன் புதிய பண்ணைகளை அமைக்க நடவடிக்கை எடுப்போம். மட்டக்களப்பு மாவட்டத்தில் சேகரிக்கப்படும் பாலை வீண்விரயமாக்காமல் அதற்குரிய விலையை பெற்றுக் கொடுப்பதுடன், அதன் முழுப்பயனும் கால்நடை வளர்ப்பாளர்களை சென்றடைவதை உறுதிப்படுத்துவோம்.
மட்டக்களப்பு மாவட்டத்தில் பல்லாயிரம்  கால்நடைகள் உள்ளன. இவற்றுக்கான மேய்ச்சல் தரைக் காணிகள் அடையாளம் காணப்பட்டுள்ளதாயினும், அது உத்தியோகப் பூர்வமாக வர்த்தமானியில் பிரசுரிக்கப்படாமையினால் அறுவடைக்காலங்களில் கால்நடை உரிமையாளர்களும், விவசாயிகளும் பெரும் சிரமத்தையும், நட்டத்தையும் எதிர்நோக்குகின்றனர். எமது கட்சித் தலைவர் கிழக்கு மாகாண முதலமைச்சராக பணியாற்றிய காலத்தில் மேய்ச்சல் தரை பிரச்சனைக்கு தற்காலிக தீர்வுகளை அமுல்படுத்தினோம். மேய்ச்சல் தரைக்காக அடையாளங் காணப்பட்ட காணிகளை மாவட்ட அபிவிருத்திக் குழு கூட்டத்தின்; ஊடாக சட்ட பூர்வமாக்க முயற்சியை மேற்கொண்ட போதும் அரசியல் தலையீடுகள், அத்துமீறிய குடியேற்றம் காரணமாக அவை நடைமுறைப்படுத்தப்படவில்லை. அதனால் இம்முறை பாராளுமன்றம் ஊடாக உறுதியான நடவடிக்கை மூலம் மேய்ச்சல் தரைக் காணிப் பிரச்சினையை தீர்த்து வைப்போம்.
சுய தொழில் வாய்ப்புகளை அதிகரிப்பற்கு நடவடிக்கை எடுப்பதுடன் மட்டக்களப்பு மாவட்டத்திற்கு புதிய முதலீட்டாளர்களை வரவேற்று கைத்தொழில் பேட்டைகளை அமைத்து வேலை வாய்ப்புகளை அதிகரிக்க  நடவடிக்கை எடுப்போம். எமது கரையோரப் பிரதேசங்களில் இனங்காணப்பட்டுள்ள விலையுயர்ந்த தாதுப் பொருட்களை உரிய முறையில் பயன்படுத்துவதன் மூலம் நேரடி, மறைமுக வேலைவாய்ப்புகளை ஏற்படுத்த முடியும். 
தொழிற்பயிற்சியும், வேலைவாய்ப்பும்
பாடசாலைக் கல்வியை இடையில் கைவிட நேர்ந்த சாதாரண தரம், உயர் தரம் கல்வி பயின்ற இளைஞர், யுவதிகளுக்கு அவர்களின் தகுதிக்கும், தகைமைக்கும் ஏற்ப தொழிற் பயிற்சியை வழங்குவதுடன், அவர்களுக்கான வேலை வாய்ப்புக்களை உறுதிப்படுத்த நடவடிக்கை மேற்கொள்ளப்படும்.
மட்டக்களப்பில் வேலையற்ற உள்வாரி, வெளிவாரி பட்டதாரிகளை அரச துறைகளில் 5 வருடங்களில் முழுமையாக இணைத்துக் கொள்வதற்கான உத்தரவாதத்தையும் வழங்குகின்றோம்.
மீள் குடியேற்றம், வீடமைப்பு, புனருத்தானம்.
     கிழக்கு மாகாணத்தில் மீள்குடியேற்றத்தை முழுமைப்படுத்;துவதுடன், மட்டக்களப்பு மாவட்டத்தை குடிசைகள் அற்ற மாவட்டமாக 5 வருடங்களில் மாற்றுவதற்கான வேலைத் திட்டங்களை முன்னெடுப்போம்.
பெண்கள் தலைமை தாங்கும் குடும்பங்கள், விதவைகளுக்கான விN~ட வேலைத்திட்டம்.
இதற்கென கிழக்கு மாகாணசபையுடனும், சர்வதேச தொண்டு நிறுவனங்களுடனும் இணைந்து 5 வருட வேலைத்திட்டத்தின் மூலம் அவர்களின் வாழ்வாதாரத்தினை உறுதிப்படுத்துவதுடன் அவர்களின் பிள்ளைகளுக்கு முறையான கல்வி வழங்களை உறுதி செய்வோம். இவர்களின் சமூகபாதுகாப்பை நிச்சயப்படுத்துவதுடன்;, இவர்களுக்கான வட்டியில்லா கடன் திட்டமொன்றையும் பாராளுமன்றத்தில் பிரேரிப்போம். இவர்களில் காணி இல்லாதவர்களுக்கு அரச காணிகள் பகிர்ந்தளிக்கப்படுவதுடன் அரச வீடமைப்புத் திட்டத்தில் முன்னுரிமை வழங்கப்படுவதையும் பாராளுமன்றத்தின் ஊடாக உறுதி செய்வோம். 
நீர்ப்பாசன திட்ட அபிவிருத்தி 
மட்டக்களப்பு மாவட்டத்தின் விவசாய, கால்நடை வளர்ப்பை அபிவிருத்தி செய்ய நீர்ப்பாசன அபிவிருத்தித் திட்டமொன்றை முன்மொழிந்து முன்னெடுப்போம். இதற்காக தூர்ந்துபோன குளங்களை அபிவிருத்தி செய்வதுடன், புதிய 5 வருட நீர்ப்பாசனத் திட்டங்களை முன்னெடுப்போம். கால்நடைகளின் குடிநீர் தேவைகளை பூர்த்தி செய்வதற்காக மேய்ச்சல் தரைக் காணிகளை அண்டியதாக சிறிய, நடுத்தர நீர்பாசன திட்டமொன்;றையும் பாராளுமன்றத்தில் முன்மொழிந்தும் குறித்த அமைச்சின் ஊடாக நடைமுறைப்படுத்துவோம்.
மட்டக்களப்பு மாவட்ட எல்லைப் பிரச்சனைக்கும், காணிப்பிரச்சனைக்கும் அத்து மீறிய குடியேற்றங்களுக்கும்  நிரந்தரத் தீர்வு காணல்.
மட்டக்களப்பு மாவட்டத்தில் நீண்ட காலமாக நிலவிவருகின்ற எல்லைப்பிரச்சனை, அத்துமீறிய குடியேற்றங்கள், நில ஆக்கிரமிப்பு போன்றவற்றினால் தமிழ், முஸ்லிம் சமூகங்களினுடைய பகையுணர்வும், வெறுப்புணர்வும் ஏற்படுகின்றது. சில அரசியல்வாதிகளும், அமைப்புக்களும் தனிப்பட்ட நலனுக்காக இவைகளை தூபமிட்டு வருகின்றன. இதனால் எமது மாவட்டத்தின் ஸ்திரத்தன்மையும், இயல்புநிலையும், சகவாழ்வும் சவாலுக்குட்படுத்தப்பட்டுள்ளது.
இவ் எல்லைப் பிரச்சினையையும், அத்துமீறிய குடியேற்றங்களையும் தடுத்து சமூகங்களுக்கிடையே சுமுகமான நிலைமையை ஏற்படுத்த பிரதேச, கிராம எல்லைகளை பழைய ஏற்பாடுகளின்படி நிரந்தரமாக நிர்ணயம் செய்ய நாம் உறுதியான நடவடிக்கை எடுப்போம். அதற்கென எல்லை நிர்ணயக் குழுவை சட்டபூர்வமாக அமைத்து நடவடிக்கை மேற்கொள்ள பாராளுமன்றத்தைக் களமாகப் பயன்படுத்துவோம்.
அரச காணிகளை ஆக்கிரமிப்பு செய்வோரையும், அதில் அத்துமீறிய குடியேற்றங்கள் அமைத்திருப்பவர்களையும் கண்டறிந்து சட்ட நடவடிக்கை எடுப்போம். அக்காணிகளை மீளப்பெற காணி அமைச்சும், மாவட்ட அரச அதிபர் பணிமனையும் இணைந்ததான வேலைத்திட்டம் ஒன்றை முன்னெடுப்பதற்கான செயற்பாடுகளை பரிந்துரைப்போம்;.  மட்டக்களப்பு மாவட்ட நகர்புறங்கள், கிராமப்புறங்களிலுள்ள காணியற்றவர்களுக்கு மிகப் பொருத்தமான,  அனைத்து அடிப்பை வசதிகளையும் கொண்ட இடங்களில் குடியிருப்பிற்காக தலா 20 பேர்ச் வீதம் அரச காணிகளைப் பெற்றுதர உத்தரவாதம் அளிக்கின்றோம். அரச,தொண்டு நிறுவனங்களின் வீடமைப்புத் திட்டத்தில் முன்னுரிமை அடிப்படையில் வீடுகளை அமைப்பதற்கு சிபாரிசுகளை மேற்கொள்வோம்.
மட்டக்களப்பு மாவட்ட வெள்ள அனர்த்த பாதுகாப்பு, வடிகாலமைப்புத் திட்டம். 
மட்டக்களப்பு மாவட்டம் தாழ்ந்த நிலப்பகுதியாக உள்ளதால் தொடர்மழை காலங்களில் வெள்ள அனர்த்தம் ஏற்படும் பகுதியாகவுள்ளது. எனவே மட்டக்களப்பு மாவட்டத்தை வெள்ள அனர்த்த அபாயமுள்ள பகுதியாக பிரகடனம் செய்து, விN~ட நிதியைப் பெற்று அதன் மூலம் நிலையான விN~ட வெள்ள அனர்த்த பாதுகாப்பு திட்டமொன்றை முன்னெடுப்போம். மட்டக்களப்பின் தாழ்நிலப் பகுதிகளில் தேங்குகின்ற மழைநீரை உடனடியாக வடிந்தோடும் வண்ணம் பரந்த வடிகால் அமைப்புத் திட்டத்தையும் நடைமுறைப்படுத்துவோம்.
வாழைச்சேனை, சித்தாண்டி, வந்தாறுமூலை போன்ற பகுதியில் தேங்குகின்ற வெள்ளநீர் வடிந்தோடுவதற்கு ஏதுவாக கிரான் பாலத்தை உயர்த்தும் நடவடிக்கையினை மேற்கொள்வோம். கால்வாய்களையும் சுத்தம் செய்வதற்கான திட்டமொன்றை முன்னெடுப்போம். குறிப்பாக வாழைச்சேனைக் கால்வாய், கொம்மாதுறை, வந்தாறுமூலையிலுள்ள சாவாறு ஆற்றையும் சுத்தம் செய்து அச் சூழலை அழகிய இடமாக மாற்றுவோம்.
அத்துடன் வெள்ள அனர்த்த காலப்பகுதியில் கிரான் பாலத்தில்  வெள்ளம் தேங்குவதனால் ஏற்படும் போக்குவரத்துத்  தடையை நிவர்த்தி செய்ய சந்திவெளி தொடக்கம் திகிலிவட்டையை இணைக்கும் பாலமொன்றை அமைப்பதற்கான நடவடிக்கையினை மேற்கொள்வோம். இதன் மூலம் வெள்ளக்காலப்பகுதியில் மக்களின் இயல்பு வாழ்க்கை பாதிக்கப்படாமல் இருப்பது உத்தரவாதப்படுத்துவதுடன், ஏனைய காலங்களிலும் இதன் மூலம் போக்குவரத்தினை இலகுபடுத்தலாம். 
நன்னீர், வாவிகள் அழகுபடுத்தல், பாதுகாப்புத் திட்டம்
மட்டக்களப்பு மாவட்டம் அதிகமாக நன்னீர் நிலைகளையும்,வாவிகளையும் கொண்ட பகுதியாகும். இவ் வாவிகளையும், நன்னீர் நிலைகளையும் அதிலுள்ள உயிரினங்களையும் பாதுகாக்கவும்,பராமரிக்கவும் அதிகாரசபை அஸ்தஸ்துள்ள விN~ட அரச முகவர் அமைப்பை நிறுவ பாராளுமன்றத்தில் பிரேரிப்பதுடன் அது தொடர்பான அமைச்சுடன் கலந்துரையாடி நடவடிக்கை மேற்கொள்வோம்.
நன்னீர், வாவிகளைச் சூழவுள்ள பகுதிகளை அழகு படுத்தும் திட்டமொன்றையும் முன்னெடுப்போம்.
சுகாதார மேம்பாடு
மட்டக்களப்பு மாவட்ட போதனா வைத்தியசாலையில் நவீன ஆய்வுகூடங்கள், ஆசுஐ ளஉயn இயந்திரம் நிறுவ நடவடிக்கை மேற்கொள்வதுடன்  வைத்தியர்களுக்கான நவீன வசதிகள் கொண்ட வதிவிடம், தாதியர்கள் விடுதியினையும் அமைப்பதுடன் அதனை பராமரிக்கும் திட்டத்தையும் முன்னெடுப்போம்.
கிராமப்புற மருத்துவமனைகள், சுற்றியற்கூறு மருத்துவ நிலையங்கள் போன்றவற்றை நவீன மயப்படுத்துவதுடன் போதுமான நிதியை ஒதுக்கி புதிய கட்;டடங்களையும் அமைப்போம். அத்துடன் பின்தங்கிய எல்லைப்புற கிராமங்களில் புதிய சுற்றியற்கூறு மருத்துவ நிலையங்களை அமைக்க நடவடிக்கை எடுப்போம். 
கல்வி, உயர்கல்வி, கலை இலக்கிய, பண்பாடு அபிவிருத்தி
மட்டக்களப்பின் அடையாளமாகவுள்ள கிழக்குப் பல்கலைக் கழகத்தை அபிவிருத்தி செய்வதுடன் பொறியியல்பீடம், நீரியல், கடல்சார் பொறியியல் பீடம் அமைப்பதற்கு நடவடிக்கை எடுப்போம். அத்துடன் திணைக்களகமாகவுள்ள இந்துநாகரிகத்தை தனியான பீடமாக மாற்றுவதற்கு நடவடிக்கை எடுப்போம்;. இதன் மூலம் கலைத்துறையை அடிப்படையாககொண்ட தமிழ் மாணவர்கள் பயன் பெறுவதுடன் எமது கலாச்சார மரபுகளையும் பேணிப் பாதுகாக்க முடியும். கிழக்கு மாகாணத்தின் வாழ்வாதாரமாகவுள்ள விவசாயம், மீன்பிடி, கால்நடை துறைகளை நவீன முறைகளின் ஊடாக அபிவிருத்தி செய்வதற்கான களமாக கிழக்குப் பல்கலைக் கழகத்தை பயன்படுத்த நடவடிக்கை எடுப்போம்.  இவை தொடர்பில் புதிய ஆய்வுகளையும், கண்டுபிடிப்புக்களையும் மேற்கொள்ள தேவையான உந்துசக்திகளாக செயற்படுவோம். அத்துடன் உயர் தொழிநுட்ப கல்வி நிறுவனங்களை மட்டக்களப்பில் மேம்படுத்த நடவடிக்கை எடுப்பதுடன் அவற்றில் சர்வதேச தரம் மிக்க நவீன தொழிநுட்ப பயிற்சிகளையும் வழங்க நடவடிக்கை எடுப்போம்.
பாடசாலைக்கல்வி அபிவிருத்தியில் அதிக ஆர்வம் காட்டுவதுடன், பாடசாலையில் நிலவும் ஆளணி பற்றாக்குறையை நீக்க போதுமான நிதியை ஒதுக்குவதுடன் அவை தொடர்பில் கிழக்கு மாகாண சபையுடன் இணைந்து விN~ட செயற்திட்ட மொன்றை முன்னெடுப்போம். வறுமைக் கோட்டின் கீழுள்ள மாணவர்களின் கல்வியையும் வருகையினையும் ஊக்கப்படுத்த  விN~ட திட்டத்தையும்  செயற்படுத்துவோம்.
எழுத்தாளர்களையும் கலை இலக்கிய செயற்பாட்டாளர்களையும் ஊக்குவிக்கும் முகமாக உதவித்திட்டங்களை செயற்படுத்துவோம்.வாசிப்புகள், நூல் வெளியீடுகள் போன்றவற்றை ஊக்கப்படுத்துவதனுடாக தமது மக்களின் அறிவு வளர்ச்சிக்கு உருதுணைபுரிவோம்  
முன்னாள் போராளிகளுக்கான மறுவாழ்வும், சமூகமயப்படுத்தலும் விN~ட தேவையுடையோருக்கான செயற்திட்டம்.
 
எம் சமூகத்திற்காக தம்மை அர்ப்பணித்து, தியாத்துடன் பணியாற்றிய முன்னாள் போராளிகளுக்கு இன்னும் உரிய சமூக அந்தஸ்தும், உரிய இடமும் வழங்கப்படாமை வேதனைக்குரியது. இதனால் அவர்களை உரிய முறையில் சமூக மயப்படுத்தவும், உரிய இடம் வழங்கவும் தகுதியான நடவடிக்கை மேற்கொள்வோம். அத்துடன் இயற்கையாகவும் யுத்ததினால் பாதிக்கப்பட்டும் விN~ட தேவையுடையவர்களுக்காகவும் அவர்களின் சுய தொழில் வாழ்வாதார, குடும்பநல திட்டங்களுக்கான அதிக நிதி ஒதுக்க ஆவன செய்வோம். அவர்களுக்கு உரிய தொழிற்பயிற்சிகளை வழங்கவும், கொடுப்பனவு வழங்கவும் முன்னுரிமை அடிப்படையில் செயற்படுவோம். 
உங்களுடன்...
 
நாம் கடந்து வந்த நீண்ட கால அரசியல் பயணத்தில் எமது இனத்திற்கு தோல்விகளும் துயரங்களும் மட்டுமே எஞ்சிக்கிடக்கின்றன. எதிர்க்கட்சி அரசியல் பாரம்பரியமே இதற்கான காரணமாகும். பாராளுமன்ற பிரதிநிதிகளின் எண்ணிக்கை  அதிகரிப்புகளினால் மட்டும் நாம் எதையுமே சாதித்து விட முடியவில்லை. உரிமைகளுக்காகப் போராடிய எம்மினம் சலுகைகள் வேண்டாம் என்கின்ற வரட்டு தனமான கோ~ங்களினால் எமது அடிப்படை உரிமைகளையும் இழந்து வந்திருக்கின்றோhம்.
காலாவதியாகிப்போன கடந்த நூற்றாண்டு சிந்தனைகள் கொள்கைகள், தேசியம் எனும் பெயரில் எமது இளைய சந்ததியினரையும், எதிர்காலத்தினையும் ஆக்கிரமித்து சீரழிப்பதை நாம் தொடந்தும் அனுமதிக்க முடியாது.
எனவே எமது மக்களை புதியதொரு, யதார்த்தபூர்வமான அரசியல் கலாச்சாரமொன்றினுள் அழைத்துச் செல்ல வேண்டிய வரலாற்றுக் கடமையில் இருந்து நாம் தவற முடியாது. வேகமாக நவீன உலகில் புதிய பாதைகளை நோக்கி நமது இளைஞர் யுவதிகள் பயணிக்க வேண்டும். அந்த மாற்றத்திற்கான தருணம் இப்போது வந்துள்ளது. 
எம் இனத்திற்கான அரசியல் உரிமைகள், சம அந்தஸ்த்து, பாதுகாப்பு, பூரணமான அதிகாரப்பகிர்வு இவற்றுடன் எம் இளைஞர், யுவதிகளுக்கான வேலைவாய்ப்புக்கள், உட்கட்டுமான அபிவிருத்தி, பொருளாதார முன்னேற்றம், வாழ்வாதார மேம்பாடு தரமான கல்வி, சுகாதார வசதிகள் என்பவற்றை பேரம்பேசி பெற்றுத்தரக்கூடிய மாற்றீடானதும் துடிப்பானதுமான தலைமைக்கான   பொறுப்பை தமிழ் மக்கள் விடுதலைப் புலிகள் கட்சியினராகிய நாம் ஏற்கின்றோம்.
எனவே எமக்கு ஆணை தந்து பாராளுமன்றப் பிரதிநிதிதுவத்தின் ஊடாக இவைகளை சாதித்துக் காட்ட எமக்கொரு வாய்ப்பு தருமாறு அன்புடன் வேண்டிநிற்கின்றோம்.
தமிழ் மக்கள் விடுதலைப் புலிகள் கட்சி.
»»  (மேலும்)