உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

11/30/2015

இயற்கை அனர்த்தங்களின்போது காலதாமதமின்றி சேவையாற்றுவதற்கு கிழக்கு மாகாணத்தில் உரிய பொறிமுறை உருவாக்கப்படல் வேண்டும் !

Afficher l'image d'origineகிழக்கு மாகாண சபையின் 48வது அமர்வில் முன்னால் அமச்சரும் மாகாண சபை உறுப்பினர் எம்.எஸ். உதுமாலெப்பை அவர்களினால் கொண்டு வரப்பட்ட அனர்த்தங்களினால் பாதிக்கப்பட்ட வீடுகளுக்குரிய நஷ்ட ஈட்டுத் தொகையை அதிகரிப்பதற்கான தனிநபர் பிரேரனையை வழிமொழிந்து மாகாண சபை உறுப்பினரும் ஸ்ரீ.மு.கா.குழுத்தலைவருமான ஆர்.எம்.அன்வர்கள் உரையாற்றும் பொழுது திடீரென ஏற்படும் இயற்கை அனர்த்தங்களின் போது பாதிக்கப்படும் மக்களுக்கு மிக அவசரமாக உதவி செய்யும் நோக்குடன் கிழக்கு மாகாண சமூகசேவை திணைக்களம் எப்பொழுதும் தயார் நிலையில் இருக்க வேண்டிய அவசியம் காணப்படுவதுடன் அதற்கென திட்டமிடப்படப்பட்ட விதத்திலான நிதி முன்னேற்பாடொன்றுடன் கூடிய விஷேட பொறிமுறை ஒன்று காணப்பட வேண்டும் எனவும் அதற்காக கிழக்கு மாகாண சபையின் 2016ம் ஆண்டுக்கான வரவு செலவுத்திட்டத்தில் நிதி ஒதுக்கீடு செய்யப்பட வேண்டும் எனவும் ஆலோசனை முன்வைத்தார்.
தொடர்ந்து உரையாற்றும் பொழுது இவ்வாறான திடீர் அனர்த்த நிலமைகளின் பொழுது உதாரணமாக வெள்ளம் தேங்கி நிற்கின்ற பகுதிகளில் வெள்ள நீரை உடனடியாக வெளியேற்றுவதற்கு உள்ளுராட்சி மன்றங்களின் ஒத்துழைப்புடன் சமூக சேவை திணைக்களமும் இணைந்து செயற்படுவதற்கும் அதே போன்று இடைத்தங்கல் முகாம்களில் தற்காலிகமாக தங்க வைக்கப்படுகின்ற பாதிக்கப்பட்ட மக்களுக்கு உணவு மற்றும் ஏனைய அவசர தேவைகளை நிறைவேற்றிக் கொடுப்பதற்கான நிதியுதவியை மத்தியரசிலிருந்து எதிர்பார்க்கின்ற பொழுது அதிக கால தாமதமும் அதே வேளை மட்டுப்பாடுகளுடனான நிதி உதவியுமே வந்து சேர்கின்றது. இதனால் எமது மக்களுக்கு உடனடியாக உதவுவதற்கு மக்கள் பிரதிநிதிகளாகிய எங்களால் களத்தில் நேரடியாக சென்று பார்வையிட்டும் கூட எந்த வித ஆக்கபூர்வமான நடவடிக்கைகளும் எடுக்க முடியவில்லை.

இதனை சபையில் கௌரவ உறுப்பினர் ஆர்.எம்.அன்வர் விபரித்துதடன் ஏற்கெனவே 2011ம் ஆண்டு வெள்ள அனர்த்தமொன்றின்போது மாகாண சபை உறுப்பினர்களின் பன்முகப்படுத்தப்பட்ட நிதியிலிருந்து குறிப்பிட்ட தொகையொன்று அவசர தேவையின் நிமிர்த்தம் சமூக சேவை திணைக்களத்தினூடாக வழங்கப்பட்டதையும் நினைவு படுத்திய பொழுது இதனை சபையில் அணைத்து உறுப்பினர்களும் ஏகமனதாக வரவேற்றதுடன் மாகாண முதலமைச்சர் கௌரவ நஸீர் அகமட் அவர்களும் சமூக சேவை திணைக்களத்திற்கு பொறுப்பான அமைச்சர் ஏ.எல.எம்.நஸீர் அவர்களும் ஏற்றுக் கொண்டு அதற்கு தேவையான நடவடிக்கைகளை மேற்கொள்வதாக சபையில் உறுதியளித்தனர்.


»»  (மேலும்)

ஜீவமுரளியின் ‘லெனின் சின்னத்தம்பி’ நாவலும், கற்சுறாவின் ‘அல்லது யேசுவில் அறையப்பட்ட சிலுவை’ கவிதை தொகுப்பு நூல்களுக்கான வெளியீடும்-வாசிப்பும் நிகழ்வு

கணிசமான இலக்கிய ஆர்வலர்கள் சமூகமளித்திருந்தனர். கற்சுறாவின் கவிதை தொகுப்பு விமர்சனத்தை விஜியின் அறிமுக உரையை தொடர்ந்து நெற்கொழுதாசன், தர்மினி, சிசிலி தர்சன் என மூவரும், இத் தொகுப்பிலுள்ளவை கவிதையா! புதிர்களா! எனும் வகையில் ஒவ்வொருதரும் தமது வாசிப்பு அனுபவத்தை வெவ்வேறு பார்வையில் முன்வைத்தார்கள்.
‘லெனின் சின்னத்தம்பி’ நாவல் மீதான விமர்சனப்பார்வையை புஸ்பராணியின் அறிமுக உரையை தொடர்ந்து இரயாகரன், தர்மு பிரசாத், தில்லைநடேசன் தங்களது வாசிப்பு அனுபவத்தை பகிர்ந்து கொண்டார்கள். தேவதாசன், மனோ, லக்சுமி, அசுரா, விஜி, காசிலிங்கம், யோகரட்ணம், மாயவர், நெற்கொழுதாசன், இரயாகரன், தில்லை நடேசன் போன்றோர் கவிதை, நாவல் மீதான கலந்துரையாடலில் பங்குபற்றினார்கள். நூல்குறித்த அனைத்து விமர்சனங்களையும் தனது எழுத்து முயற்சிக்கான ஆரோக்கியமான அம்சமாகவே தான் கருதுவதாகவும், மேலும் தனது நூல் குறித்த விமர்சனத்தை மேற்கொண்ட இந்நிகழ்வின் ஏற்பாட்டாளர்களுக்கு தனது நன்றியை தெரிவிப்பதாகவும் தனது ஏற்புரையில் ஜீவமுரளி தெரிவித்தார்.
கணணி தொழில் நுட்பத்தில் ஆர்வமுள்ள சிற்பி எனும் சிறுவன் இந்நிகழ்வின் நேரடி ஒளிபரப்பு பணியில் தனது பங்களிப்பை நல்கினார்.
»»  (மேலும்)

எரிக்கப்பட்ட யாழ் நூலகத்துக்கு தென்னிலங்கை மக்களின் 10,000 புத்தகங்கள்

இலங்கையின் வடக்கே யாழ்ப்பாணம் பொது நூலகத்திற்கு நாட்டின் தென்பகுதியைச் சேர்ந்த கலைஞர்கள், எழுத்தாளர்கள், பொதுமக்கள் சிலர் இணைந்து 10,000 புத்தகங்களை ஞாயிறன்று அன்பளிப்பு செய்திருக்கின்றார்கள்.
Image captionதென்னிலங்கையைச் சேர்ந்த பலர் இணைந்து யாழ் நூலகத்துக்கு புத்தகங்களை வழங்கும் நிகழ்வில் பங்குபெற்றனர்
கடந்த 1981 ஆம் ஆண்டு மே மாதம் 31 ஆம் திகதி நள்ளிரவு கடந்த நேரத்தில் இடம்பெற்ற அரச வன்முறைச் சம்பவம் ஒன்றில் யாழ்ப்பாணம் நூலகம் எரியூட்டப்பட்டது.
இதன்போது அங்கிருந்த சுமார் ஒரு லட்சம் புத்தகங்கள் எரிந்து சாம்பலாகிப் போயின. இதனையடுத்து, இந்த நூலகம் படிப்படியாக புனரமைக்கப்பட்டு, பின்னர் புதிய கட்டிடம் அமைக்கப்பட்டது.
அதன் பின்னர், முதற் தடவையாக பெருமளவிலான புத்தகங்கள் பொதுமக்கள் தரப்பில் இருந்து இந்த நூலகத்திற்கு இப்போதுதான் வழங்கப்பட்டிருப்பதாகக் கூறப்படுகின்றது.
சிங்கள மொழியில் இருந்து தமிழுக்கு மொழிபெயர்க்கப்பட்ட தென்னிலங்கையைச் சேர்ந்த உப்புல் சாந்த சன்னஸ்கல நாவலாசிரியரின் அம்மா என்ற நாவல், கவிஞரும் எழுத்தாளருமான வ.ஐ.ச.ஜெயபாலனின் மூன்று குறுநாவல்கள் அடங்கிய தொகுப்பு ஆகிய இரண்டு நூல்கள் வெளியிடப்பட்ட நிகழ்வையொட்டி இந்தப் புத்தகங்கள் அன்பளிப்பு செய்யப்பட்டிருக்கின்றன.
Image captionஎழுத்தாளர் உபுல் சாந்த சன்னஸ்கல
யாழ் நூலகத்தை மதவாதிகளும், இனவாதிகளுமே எரியூட்டினர் என இந்த நிகழ்ச்சியில் உரையாற்றிய எழுத்தாளர் உபுல் சாந்த சன்னஸ்கல பிபிசி தமிழோசயிடம் தெரிவித்தார்.
அதன் பாதிப்பை உணர்ந்த தம்மைப் போன்றோருக்கு அதனைக் கட்டியெழுப்ப வேண்டும் என்ற அவா காரணமாகவே இந்த நடவடிக்கை முன்னெடுக்கப்பட்டது எனவும் அவர் கூறுகிறார்.
தமிழ் சிங்களம் ஆங்கிலம் ஆகிய மூன்று மொழிகளிலும், சிறுகதை, நாவல், இலக்கியம், கலை, கலாச்சாரம், அறியியல், சமூகவியல், சுயசரிதை என்று பல்துறை சார்ந்த நூல்களும் இவற்றில் அடங்கியிருக்கின்றன.
யாழ் நூலகம் எரியூட்டப்பட்ட வன்செயலை மூடிமறைப்பதற்கோ அல்லது அந்தப் பாதிப்புக்ககான நிவாரணமாகவே இந்தப் புத்தகங்கள் அன்பளிப்பு செய்யப்படவில்லை என யாழ் பல்கலைக்கழக மொழியியல் பிரிவின் மூத்த விரிவுரையாளர் சுவாமிநாதம் விமல் பிபிசியிடம் தெரிவித்தார்.
இந்த நூலகத்தின் மூலமாக மேற்கொள்ளப்படுகின்ற அறிவுசார்ந்த நடவடிக்கைக்குத் தங்களுடைய பங்களிப்பைச் செய்ய வேண்டும் என்பதற்காகவே இந்த நடவடிக்கை முன்னெடுக்கப்பட்டிருக்கின்றது என்றார்.
இந்த நடவடிக்கையானது கடந்துபோன வரலாற்றை நோக்கிய ஒரு செயற்பாடல்ல. எதிர்காலத்தை நோக்கி மேற்கொள்ளப்பட்ட ஒரு செயற்பாடாகும் என்றும் சுவாமிநாதன் விமல் குறிப்பிட்டார்.
»»  (மேலும்)

11/29/2015

அரசியல் கைதிகளின் விடுதலைக்காக நோர்வேயில் போராட்டத்திற்கு அழைப்பு

இலங்கை கொடுஞ்சிறைகளில் பல வருடக்கணக்காக எந்த நீதி விசாரணைகளுமற்று சர்வதேச மனித உரிமைகளிற்கு மாறாக தடுத்து வைக்கப்பட்டுள்ள, அனைத்து அரசியல் கைதிகளையும் காலதாமதமின்றி உடனடியாக விடுதலை செய்யக்கோரி ஆர்ப்பாட்டம் நோர்வேயில் இடம்பெறவுள்ளது. இந்த ஆர்ப்பாட்ட கண்டன போராட்டத்தினை சமவுரிமை இயக்கத்தின் நோர்வே கிளை ஒழுங்கு செய்திருக்கின்றது.
மனித உரிமையாளர்கள், ஜனநாயகவாதிகள், மக்கள் நலனில் அக்கறை கொண்டோர் அனைவரையும் இந்தப் போராட்டத்தில் கலந்து கொண்டு இலங்கை ஆட்சியாளர்களின் மனித  உரிமை மீறல்களுக்கான எமது கண்டனத்தை ஒன்றுபட்டு தெரிவிக்க  அழைக்கின்றோம். இலங்கை அரசின் மனித உரிமைகளிற்கு எதிரான பதாகைகளுடன் திரண்டு வந்து உங்கள் ஆதரவினை இந்த போராட்டத்திற்கு வழங்குமாறு அழைக்கின்றேம்.
இடம்: நோர்வே பாராளுமன்ற முன்றல்
காலம்: 03.12.2015 வியாழன் மாலை 17:00 மணி முதல்
»»  (மேலும்)

இன்று பாரிஸில் இடம்பெறவுள்ள நூல்களின் வெளியீட்டு நிகழ்வினைநேரடியாக பார்வையிடலாம்.


இன்று பாரிஸில் மாலை 4 மணி தொடக்கம் இடம்பெறவுள்ள ஜீவமுரளியின் முதலாவது நாவலான "லெனின் சின்னத்தம்பி", கற்சுறாவின் முதலாவது கவிதைத்தொகுதியான "அல்லது யேசுவில்  அறையப்பட்ட சிலுவை "போன்ற நூல்களின் வெளியீட்டு நிகழ்வினை எமது வாசகர்கள் கீழ்வரும் தொடர்பு அலை மூலம் நேரடியாக பார்வையிடலாம்.


»»  (மேலும்)

11/28/2015

யாழ்ப்பாணத்து மாற்றுப் பாலினத்தவர்கள் எதிர்கொள்ளும் சிக்கல்கள்

விதை-vithai's photo.விதை-vithai's photo.

1 - அண்ணளவாக 500 க்கும் மேற்பட்டவர்கள் தங்களை மாற்றுப் பாலினத்தவர்களாக உணர்ந்தும் அது தொடர்பில் சிகிச்சைகளுக்கும் உட்பட்டிருக்கின்றனர் .
2 - குடும்ப அலகில் ஏற்படும் அடிப்படையான சிக்கலுக்கே இவர்கள் முதலில் முகம் கொடுக்கின்றனர் . பலரும் இன்றுவரை வீட்டுக்கு பயந்தவர்களாகவும் தங்களது விருப்பங்களை வெளிப்படுத்த முடியாதவர்களாகவும் ஒரு கலாசார தடையை உணருகின்றனர் .
3 - வேலையில்லாப் பிரச்சினை இவர்கள் முன் வைக்கும் பிரதான பிரச்சினை .
4 - மேலும் மருத்துவச் செலவுகளும் அதிகம் . யாழ்ப்பாணத்து பொதுச் சூழலில் பெண்களை விட அதிகம் வன்முறைக்குள்ளாகும் தொகுதியினராகவே இவர்கள் உள்ளனர் , உதாரணமாக , ஒரு பெண்ணை வீதியில் மறித்து சேட்டை செய்வது கடினம் , ஆனால் மாற்றுப் பாலினராக - பெண்ணாக தன்னை உணர்ந்தவரை சேட்டை செய்வது அதிகமாகவே உள்ளது , வீதியில் வருவதே பிரச்சினை !
5 - பின்னர் நிகழ்வில் - அடிப்படையான உளவியல் உடலியல் மாற்றங்கள் பற்றியும் பொதுவான சந்தேகங்கள் பற்றியும் தங்களது அபிப்பிராயங்களை பரிமாறிக் கொண்டனர் .
6 - இந்த பொதுச் சிக்கலை ஓரளவு தீர்த்துக் கொள்வதற்கு அமைப்பு ரீதியான முன் நகர்வு வேண்டும் என்றும் அதற்க்கான தேவையை பின்வருமாறும் கலந்து கொண்டவர்கள் தெரிவித்தனர் .
* பிரதேச ரீதியாக மாற்றுப் பாலினத்தவர்கள் கையாளப்படும் முறை வித்தியாசமானது . அதனால் நமது சூழலின் பிரச்சினைகளை உரையாட முன் வர குழு ரீதியான உரையாடல்கள் அவசியம் .
* வேலை வாய்ப்பு பிரச்சினைகளை தீர்த்துக் கொள்ளவும் அமைப்பு ரீதியான நகர்வுகள் உதவும் . உதாரணமாக , அமைப்பு ரீதியாக இயங்கும் போது பொது தரவுத் தளம் ஒன்றை உருவாக்கினால் , அதில் அணைத்து தரவுகளும் அவர்களின் தகமைகளும் பதிவிடப்படும் , அதன் மூலம் உதவ நினைப்பவர்கள் அமைப்பை தொடர்பு கொண்டாலே விடயனகளை பெற்றுக் கொள்ளலாம் , அல்லது கலந்துரையாடலாம் ,
* மூடப்பட்ட - கட்டிறுக்கமான இந்த சமூக அமைப்பில் மாற்றுப் பாலினமாக தான் எல்லோருமே உள்ளோம் . ஒன்றுக்கு ஒன்று மாற்று ,
* இது ஒரு முன் ஆயத்தம் மட்டுமே , ஒரு பொது உரையாடலுக்கான வெளி இதன் மூலம் திறந்து வைக்கப்பட்டுள்ளதாக நாம் கருதுகிறோம் , மேலும் விரித்தும் வளர்த்தும் செல்லப்பட வேண்டிய விடயமாகவே இதை கருதுகிறோம்
விரிவான தகவல்களை பின்னர் எழுதுகிறோம் ...
விதை குழுமம் .
-
»»  (மேலும்)

நூல் வெளியீடும் வாசிப்பும்- பாரிஸ்

பாரிஸ் நகரில்  நாளை இரு நூல்களின் வெளியீடும் வாசிப்பும் இடம்பெறவுள்ளது. புகலிட இலக்கிய பாரம்பரியத்தில் நீண்டகால அனுபவம்கொண்ட ஜீவமுரளி,கற்சுறா போன்ற தோழர்களின் வெளியீடுகள் இவையாகும்.
ஜீவமுரளியின் முதலாவது நாவலான "லெனின் சின்னத்தம்பி", கற்சுறாவின் முதலாவது கவிதைத்தொகுதியான "அல்லது யேசுவில்  அறையப்பட்ட சிலுவை "போன்ற நூல்களின் வெளியீடுகள் இவை என்பது குறிப்பிடத்தக்கது.
»»  (மேலும்)

11/27/2015

கசப்பான அனுபவங்களை மறந்து முஸ்லிம்களும் அஞ்சலி செலுத்துங்கள்

தமிழ் மக்களின் விடுதலைப் போராட்டம் தொடர்பான முக்கியமான இந்நாளில் இருந்து தமிழ்-முஸ்லிம் ஒற்றுமைக்கான சபதம் மேற்கொள்ளப்பட வேண்டுமென்று கலாநிதி றியாஸ் வலியுறுத்தியுள்ளார்.
தென்கிழக்குப் பல்கலைக்கழகப் பேரவையின் முன்னாள் உறுப்பினரும், சமாதானக் கற்கை நெறிகளுக்கான நிலையத்தின் நிறைவேற்றுப் பணிப்பாளருமான கலாநிதி றியாஸ் இது தொடர்பில் அறிக்கையொன்றை வெளியிட்டுள்ளார். 
தமிழ் மக்கள் இன்று தங்கள் விடுதலைப் போராட்டத்தில் உயிர்த்தியாகம் செய்த உறவுகளுக்கு உலகெங்கும் அஞ்சலி செலுத்திக் கொண்டிருக்கின்றனர்.
உண்மையில் இந்த நிகழ்வில் தமிழ் பேசும் இன்னோர் சமூகமான முஸ்லிம்களும் கலந்து கொண்டிருந்தால் அரசுக்கு பாரிய அழுத்தங்களும், தமிழ்பேசும் மக்களின் உரிமைகள் தொடர்பான போராட்டத்திற்கு பலமும் கிட்டியிருக்கும்.
எனினும் நமக்கிடையில் கடந்த காலத்தில் நிகழ்ந்த கசப்பான சம்பவங்களின் காரணமாக ஏற்பட்டுள்ள இடைவெளி அதனைத் தடுத்து நிற்கின்றது.
காத்தான்குடிப் படுகொலைகள், வடக்கின் பலவந்த வெளியேற்றம், கிண்ணியாவின் குரங்குபாஞ்சான் பள்ளிவாசல் ஆக்கிரமிப்பு என கடந்த காலத்தின் கசப்பான அனுபவங்களை மறந்து எமது இனத்தின் எதிர்கால நலனுக்காய் ஒற்றுமைப்பட வேண்டிய தருணத்தில் அதற்கான முயற்சிகளில் நேர்மையான முன்னெடுப்புகள் காணப்படாமை துரதிருஷ்டவசமானதாகும்.
ஆனால் விடுதலைப் புலிகளின் இயக்கத்தில் இணைந்திருந்த மேஜர் அன்பு என்ற பெயரில் அறியப்பட்ட எம் முஸ்லிம் சகோதரி மற்றும் ஏராளமான முஸ்லிம் சகோதரர்கள் எல்லாம் தமிழ் இன விடுதலைக்கான போராட்டத்தில் தங்கள் இன்னுயிரை இழந்துள்ளார்கள்.
ஏனைய விடுதலை இயக்கங்களிலும் முஸ்லிம் இளைஞர்களின் பங்களிப்பு குறைத்து மதிப்பிட முடியாதது.
ஆயினும் தமிழ் பேசும் மக்களிற்கான போராட்டத்தை ஒரு சில தமிழ் அரசியல்வாதிகள் தமிழ் மக்களுக்கு மட்டுமான போராட்டமாக வரையறைத்துக் கொண்ட காரணத்தினால் இந்தப் பங்களிப்புகள் குறித்தோ, உயிரிழந்த எமது உறவுகளுக்கு அஞ்சலி செலுத்துவதற்கோ முஸ்லிம் சமூகம் பின்னிற்கின்றது.
மறுபுறத்தில் இந்தளவு பங்களிப்புகளை வழங்கியுள்ள நிலையிலும் தமிழ் தலைவர்களின் ஏற்பாடுகளில் நடைபெறும் முக்கிய நிகழ்வுகளில் முஸ்லிம் சமூகம் தள்ளிவைக்கப்படுவது வேதனையானது.
எனவே எமது மக்களின் ஒற்றுமை விடயத்தில் இனியும் தாமதிக்கக் கூடாது. தமிழ் பேசும் மக்களின் இனவிடுதலைப் போராட்டத்தின் முக்கிய நாளொன்றை நினைவு கூரும் இந்த வேளையில் தமிழ் பேசும் மக்களின் ஒற்றுமைக்கான முயற்சிகளும் இன்று தொடக்கம் இதயசுத்தியுடன் முன்னெடுக்க அனைவரும் சபதம் ஏற்க வேண்டும்.
தமிழ் அரசியல் கைதிகளின் விடுதலை உள்ளிட்ட விடயங்களில் தமிழ் மக்களோடு தோளோடு தோள் நின்று அரசுக்கு அழுத்தம் கொடுக்க முஸ்லிம்களும் முன்வரவேண்டும். எமது பிரச்சினைகளின்போது தமிழ்தரப்பின் நேசக்கரமும் நீட்டப்பட வேண்டும்.
இதன் மூலமாக மட்டுமே எமக்கிடையிலான வேற்றுமைகள் புறந்தள்ளப்பட்டு ஒற்றுமைக்கான வழி செப்பனிடப்படும்.
தமிழ் மக்களின் இழப்புகள் தொடர்பாக சகோதர இனம் என்ற வகையில் எங்கள் ஆழ்ந்த வேதனைகளையும் இந்தத் தருணத்தில் நேசமுடன் பகிர்ந்து கொள்கின்றோம் என்றும் கலாநிதி றியாஸ் தனது அறிக்கையில் தொடர்ந்தும் தெரிவித்துள்ளார்.
thks **batti natham
»»  (மேலும்)

நவம்பர் 27 - வி.பி.சிங் நினைவு நாள்

Afficher l'image d'origine"எங்களால் மனிதர்களை
மந்திரிகளாக்க முடிந்தது.
மந்திரிகளைத்தான் மறுபடியும்
மனிதர்களாக்க முடிந்ததில்லை"
என்கிற கவிதையை
பொய்யாக்கிய மாமனிதர்.
அண்ணல் அம்பேத்கரையும்
தந்தை பெரியாரையும் சமூகநீதியின் இருகண்களாய் உருவகப்படுத்திய உவமைக் கவிஞர்.
"தன்னோடு கலந்த எந்த வண்ணத்திலும் தன் ஆளுமையை இழக்காத கருப்பு வண்ணமே தனக்குப்பிடித்தவண்ணம்"
என வெள்ளை நோய்ப்பிடித்த பார்ப்பன மீடியாக்களுக்கு முன் பகிரங்கமாக வெளிப்படுத்திக்கொண்ட ஓவியர்.
»»  (மேலும்)

குமாருக்கு விளக்கமறியல் மீண்டும் நீடிப்பு

Afficher l'image d'origineவிசா சட்டத்தை மீறி நாட்டில் தங்கியிருந்த குற்றச்சாட்டில் கைது செய்யப்பட்ட முன்னிலை சோஷலிஸ கட்சியின் செயற்பாட்டாளரான குமார் குணரத்னம் என்றழைக்கப்படும் பிரேமகுமார் குணரத்னத்தை எதிர்வரும் ஜனவரி மாதம் 8ஆம் திகதி வரையிலும் விளக்கமறியலில் வைக்குமாறு கேகாலை நீதிமன்ற நீதவான் பிரசன்ன அல்விஸ், இன்று உத்தரவிட்டுள்ளார். 
»»  (மேலும்)

முன்னாள் பிரதி பொலிஸ் மா அதிபர் வாஸ் குணவர்தனவுக்கு மரணதண்டனை

கோடீஸ்வர வர்த்தகரான மொஹமட் சியாம் கொலை வழக்கில் குற்றவாளிகளாக இனங்காணப்பட்ட முன்னாள் பிரதி பொலிஸ் மா அதிபர் வாஸ் குணவர்தன, அவருடைய மகன் மற்றும் ஏனைய நால்வருக்கும் கொழும்பு மேல் நீதிமன்றம் சற்று முன்னர் மரண தண்டனை விதித்து தீர்ப்பளித்துள்ளது.
»»  (மேலும்)

குமார் குணரத்னத்தை விடுதலை செய்யக்கோரி பதுளையில் ஆர்ப்பாட்டம்!

badulla-protestமுன்னிலை சோஷலிச கட்சியின்  மத்திய குழு உறுப்பினர் குமார் குணரத்னத்தை விடுதலை செய்யுமாறும், நாட்டில் சுதந்திரமாக அரசியலில் ஈடுபடுவதற்கு இடமளிக்குமாறு  கோரி பதுளையில் இன்று ஆர்ப்பாட்டமொன்று மேற்கொள்ளப்பட்டுள்ளது.
பதுளை பஸ் நிலையத்திற்கு முன்பாக இந்த ஆர்ப்பாட்டம் முன்னெடுக்கப்பட்டிருந்தது.
முன்னிலை சோஷலிச கட்சியின் பதுளை மாவட்ட  செயற்பாட்டாளர்களால் இந்த ஆர்ப்பாட்டத்தை ஏற்பாடு செய்திருந்தமை குறிப்பிடத்தக்கது.
»»  (மேலும்)

பிரபாகரன் இறந்து விட்டார் அடித்து சொல்லும் ஆசாத் சாலி

Afficher l'image d'origineRésultat de recherche d'images pour "பிரபாகரன் இறந்து விட்டார் அடித்து சொல்லும் ஆசாத் சாலி"









தமிழீழ விடுதலைப் புலிகளின் தலைவர் வேலுப்பிள்ளை பிரபாகரனுக்கும், ஜே.வி.பி.யின் தலைவர் ரோஹன விஜேவீரவிற்கும் இடையில் வித்தியாசம் கிடையாது என மத்திய மாகாண உறுப்பினர் அசாத் சாலி தெரிவித்துள்ளார்.
விஜேவீரவின் மரணத்தை நினைவு கூர்ந்து அஞ்சலி செலுத்த முடியுமாயின் ஏன், பிரபாகரனுக்கு அஞ்சலி செலுத்த முடியாது என அவர் கேள்வி எழுப்பியுள்ளார்.
யுத்தத்தில் உயிரிழந்தவர்களுக்கு அஞ்சலி செலுத்த அரசாங்கம் அனுமதிக்க வேண்டும் எனவும், அவர்கள் புலி உறுப்பினர்களாக இருந்தாலும் அஞ்சலிக்கு அனுமதிக்க வேண்டுமென தெரிவித்துள்ளார்.


»»  (மேலும்)

11/26/2015

தாக்குதலில் காயமடைந்தவர் உயிரிழப்பு

Afficher l'image d'origineமட்டக்களப்பு பொலிஸ் பிரிவுக்குட்பட்ட புதூர்ப் பகுதியில் சகோதரர்கள் இருவருக்கிடையில் இடம்பெற்ற கைகலப்பின்போது, படுகாயமடைந்த நிலையில் மட்டக்களப்பு போதனா வைத்தியசாலையில் அனுமதிக்கப்பட்டு சிகிச்சை பெற்றுவந்த அப்பகுதியைச் சேர்ந்த இ.பாலேந்திரன் (வயது 44) இன்று வியாழக்கிழமை உயிரிழந்துள்ளார்.
மேற்படி சகோதரர்கள் இருவருக்குமிடையில் புதன்கிழமை (25) ஏற்பட்ட வாய்த்தர்க்கம் கைகலப்பாக மாறியதில்  பொல்லினால் தாக்கப்பட்ட நிலையில் குறித்த நபர் காயமடைந்துள்ளார். இந்த நபரை தாக்கியதாகக் கூறப்படும் அவரது சகோதரரை கைதுசெய்துள்ளதாகவும்  இத்தாக்குதல் சம்பவம் தொடர்பில் விசாரணை மேற்கொண்டு வருவதாகவும் பொலிஸார் தெரிவித்தனர்.
»»  (மேலும்)

குப்பைமேடாகும் களுதாவளை கடற்கரை

Afficher l'image d'origineமட்டக்களப்பு களுதாவளை  கடற்கரைப் பிரதேசத்தில்  மன்முனை தென்எருவில்  பற்று பிரதேச சபைக்கு உட்பட்ட  அனைத்து கிராமங்களினதும் கழிவுப்பொருட்கள் இக்  குறிப்பிட்ட கடற்கரைப் பிரதேசத்தில் சில வருடங்களாக கொட்டப்பட்டு வருகின்றது.
இன்று  கழிவுப்பொருட்கள் அனைத்தும்  பெரும் குப்பை மேடுகள் போல் இன்று காட்சியளிக்கின்றன. இக் கழிவுகள் சரியான முறையில் ஒழுங்கு செய்யப்பட்டு கழிவுகள் இடப்படவில்லை எனவும் மக்கள் விசனம் தெரிவித்தனர்.
குறிப்பாக இக் கழிவுகள் இங்கு கொட்டப்படுவதனால் அருகில் இருக்கும் வீட்டுத்திட்ட மக்கள் நிம்மதியான உணவு உண்பதற்கு கூட முடியாத அளவிற்கு துர்நாற்றம் வீசுவதாக குறிப்பிடுகினறனர்.
மீனவர்கள் கடற்கரையோரங்களில் நின்று தங்களது தொழிலை செய்ய முடியாத அளவு இருப்பதாக  குறிப்பிடுகின்றனர்.  மீனவர்கள் தங்களது காலை உணவுகளை கடற்கரை பிரதேசத்தில்  வைத்தே உண்ணவேண்டிய சந்தர்பங்கள் அதிகமாக காணப்படுகிறது. அதுமட்டுமன்றி இந்த வீதியினூக தாங்கள் செல்லவேண்டி இருக்கின்றது ஆனால்   இன்று செல்முடியாத ஒரு நிலை ஏற்பட்டிருப்பதாகவும் குறிப்பிடுகின்றனர்.
இக் குப்பை மேடுகளில் அதிகமாக  மாடுகளும்  நாய்களும் நிறைந்து காணப்படுகிறது. இப் பிராணிகள்  கழிவுப்பொருட்களை அருகில் இருக்கும் விவசாயம் செய்யப்படுகின்ற பயிர்களுக்குள்ளும் வீடுகள் காணப்படுகின்ற  பகுதிகளிற்குள் இழுத்துச் செல்கின்றன.
இவ்வாறு பல பிரச்சினைகள் காரணமாக  இங்கு காணப்படுகின்ற கிராம அபிவிருத்தி சங்கம்  மற்றும் ஆலயம் , மீனவர் சங்கம் இளைஞர் கழகம் ஆகிய அமைப்புக்கள் இனைந்து  களுதாவளை  மன்முனை தென்எருவில்  பற்று பிரதேச சபை செயலாளரிடம் நேரடியா சென்று  இங்கு குப்பை கொட்டுவதனை உடனடியா நிறுத்துமாறு  மனு ஒன்றினை இன்று வழங்கியிருந்தனர்.
இதனை  இளைஞர் கழக ஆலோசகர்  மனோகரன் மதன் மன்முனை தென்எருவில்  பற்று பிரதேச சபை செயலாளர் திரு.யா . வசந்தகுமார் அவர்களிடம் கையளித்திருந்தார்.
இதற்கான தீர்வினை பிரதேச செயலாளரிடம் தொடர்பு கொண்டு அதற்கான தீர்வினை  மிக விரைவாக எடுப்பதாகவும் திரு.யா . வசந்தகுமார்  குறிப்பிட்டார்.
இவ்விடயம் பற்றி   இளைஞர் கழக ஆலோசகர்  மனோகரன் மதன் குறிப்பிடுகையில் இக் கழிவுகள் சம்மந்தமான   பிரதிகளை  பிரதேச செயலாளருக்கும்  மற்றும்  அரசியல் சார்ந்த சிலருக்கும் சுகாதார அதிகாரிகளுக்கும் அனுப்பப்பட்டிருப்பதாகவும் குறிப்பிட்டார்

»»  (மேலும்)

11/25/2015

கார்த்திகை விளக்கீடு பெளத்த பாரம்பரியமா?

     

Afficher l'image d'origineநெடுங்காலத்திற்கும் முன் மலாடபுரம் என்னும் ஊரில் இருந்த பௌத்த சங்க அறிஞர்கள் ஆமணக்கு (ரிசினஸ் கம்யூனிஸ்) தாவரங்களான பேராமணக்கு, சிற்றாமணக்கு விதைகளைக் கொண்டு அதிலிருந்து எண்ணெய் எடுத்து அதை மருந்துகளுடன் இணைத்து ஆராய்ந்தும், அதன் மூலம் ஏற்றப்படும் தீபம் வெப்பம் இன்றி குளிர்ச்சியான சூழலைக் கொடுப்பதை அறிந்தும் அவற்றை மக்களுக்கும் பயன்படும் நோக்கத்தில் அரசனிடம் சமர்ப்பித்தனர். பௌத்த ஆராய்ச்சியாளர்களின் படி ஆமணக்கு விதைகளைச்  சேகரித்து எண்ணெய் எடுத்து தனது அரசாட்சிக்குட்பட்ட பெரும் மலை ஒன்றில் பெரிதாக பள்ளம் வெட்டி அதில் ஆமணக்கு எண்ணெய் ஊற்றி, பருத்தியினால் பெருந்திரிகளை தயாரித்து அதிலிட்டு தீபமேற்றிட ஆனையிட்ட அரசன், விடியும் வரை தீபம் எரிவதைக் கண்டு பிறகு காலையில் அம்மலையில் இருக்கும் பறவைகளுக்கும் உயிர்களுக்கும் ஏதேனும் அதனால் தீங்கு ஏற்பட்டதா என்பதை ஆராய்ந்தார். எவ்வுயிர்களுக்கும் அதனால் எத்தீங்கும் ஏற்படவில்லை என்பதை அறிந்த அரசன் மக்களின் பயன்பாட்டுக்கு ஆமணக்கு எண்ணெயை அறிமுகப்படுத்தினார். ஆனாலும் இதுவரை பயன்படுத்திராத அவ்வெண்ணெயை பயன்படுத்த மக்களுக்கு சிறிது அச்சமாக இருந்தது. அதனால் மூன்று நாட்களுக்கு ஆமணக்கு எண்ணெய் இட்ட தீபத்தை வீட்டு வாசல்களிலும், மாடங்களிலும் ஏற்றி சோதித்தனர். அப்போதும் எந்தக் கெடுதலும் வராததைக் கண்டு மகிழ்வுற்ற மக்கள் ஆமணக்கு எண்ணெயை பயன்படுத்தத் துவங்கினர். அச்சம்பவங்களை நினைவுக் கூறவே கார்த்திகை தீபம் என்னும் கார்த்துல தீபம் கொண்டாடப்பட்டது. அதாவது, பௌத்த அறிஞர்கள் கருமேகம் சூழும் மாதத்தை கார்திகை என்று பெயரிட்டனர். காரிருளை அகற்றும்-துலக்கும்- தீபத்தை கார்த்துல தீபம் என்று குறிப்பிட்டனர். கார்த்துல தீபத்தை கார்த்திகையில் ஏற்றி மக்கள் கொண்டாடினார்கள். முதன் முதலில் பெருந்தீபம் ஏற்றப்பட்ட மலையை மக்கள் அண்ணாந்து பார்க்கும் மலை என்றனர். பிறகு அதுவே அண்ணாமலை என்றும் திருவண்ணாமலை என்றும் ஆனது. அம்மலையில் அமைக்கப்பட்ட பௌத்த விஹாரைக் கைப்பற்றிய பார்ப்பனிய மதம் கார்த்திகை மாத பௌர்ணமியில் கொண்டாடப்பட்ட கார்த்துல தீபத்தையும் கைப்பற்றி கட்டுக்கதைகளைத் திரித்துக்கொண்டது.
சீனாவிலிருந்து வந்த யாத்ரீகன் யுவாங் சுவாங் சீனாவுக்கும் இப்பண்டிகையை பரபப்பச்செய்தார். நாம் கார்த்திகைக் கொண்டாடும் இதே காலத்தில் சீனாவில் தீபங்கள் ஏற்றுவதும் பட்டாசு வெடிப்பதும் கொண்டாடப்படுகிறது. உலக அளவில் ஆமணக்கு உற்பத்தியில் இந்திவுக்கு முதலிடம், சீனாவுக்கு இரண்டாமிடம் என்பதையும் இங்கே கவனம் கொள்ளவேண்டும்.  

நன்றி *மக்கள் குடியரசு  *தி.ஸ்டாலின்   
»»  (மேலும்)

முன்னாள் முதலமைச்சர் சிவநேசதுரை சந்திரகாந்தனுக்கு 3 மாத விடுமுறை

Afficher l'image d'origineகொழும்பிலுள்ள குற்றப் புலனாய்வுத்துறை தலைமையகத்தில் பயங்கரவாத தடைச்சட்டத்தின் கீழ், தடுத்துவைக்கப்பட்டு விசாரிக்கப்பட்டுவரும் கிழக்கு மாகாணத்தின் முன்னாள் முதலமைச்சரும் மாகாணசபையின் தற்போதைய உறுப்பினருமான சிவநேசதுரை சந்திரகாந்தனுக்கு 03 மாத காலம் விடுமுறை வழங்குவதற்கு கிழக்கு மாகாணசபை அனுமதியளித்துள்ளது. இம்மாத அமர்வுக்காக பிரதித்  தவிசாளர்; பிரசன்னா இந்திரகுமார் தலைமையில் கிழக்கு மாகாணசபை செவ்வாய்க்கிழமை (24)  கூடியபோது, ஐ.ம.சு.முன்னணி உறுப்பினரான கே.புஸ்பகுமார்; (இனியபாரதி) இந்தப் பிரேரணையைக் கொண்டுவந்தார். இந்தப் பிரேரணை  தொடர்பில் மாகாணசபை உறுப்பினர் நாகலிங்கம் திரவியம் (ஜெயம்) வழிமொழிந்ததுடன், அது மாகாணசபையால் ஏற்றுக்கொள்ளப்பட்டு தடுப்புக்காவல் விசாரணையிலுள்ள சிவநேசதுரை சந்திரகாந்தனுக்கு 03 மாதகால விடுமுறை  அளிக்கவும் சபை அனுமதியளித்ததாக கே.புஸ்பகுமார்; (இனியபாரதி) தெரிவித்தார். தமிழ்த் தேசியக் கூட்டமைப்பின் முன்னாள் நாடாளுமன்ற உறுப்பினர் ஜோசப் பரராஜசிங்கம் படுகொலை தொடர்;பாக சிவநேசதுரை சந்திரகாந்தன், கடந்த ஒக்டோபர் 04ஆம் திகதி குற்றப்புலனாய்வுப் பிரிவினரால்  விசாரணைக்காக அழைப்பட்ட நிலையில் கைதுசெய்யப்பட்டு, கடந்த ஒரு மாதத்துக்கும் மேலாக தடுத்துவைக்கப்பட்டு விசாரிக்கப்பட்டு வருகின்றமை குறிப்பிடத்தக்கது. 
»»  (மேலும்)

11/24/2015

கிழக்கு மாகாண சபையின் அமர்வு அமளி துமளி

Afficher l'image d'origineகிழக்கு மாகாண சபை அமர்வில் ஏற்பட்ட அமளி துமளியினால் சபை அமர்வு அரை மணி நேரம்  ஒத்தி வைக்கப்பட்டது. கிழக்கு மாகாண சபை அமர்வு இன்று செவ்வாய்க்கிழமை காலை பிரதி தவிசாளர் பிரசன்னா இந்திரகுமார் தலைமையில் கூடியது. இதன்போது,கிழக்கு மாகாண சபை உறுப்பினர்களுக்கு வழங்கப்பட்டிருந்த பொலிஸ் பாதுகாப்பு அகற்றப்பட்டமை தொடர்பில் முன்வைக்கப்பட்ட அவசர பிரேரணை தொடர்பில் சபையின் எதிர்க்கட்சி உறுப்பினர் மஞ்சுள பெர்ணான்டோ உரையாற்றிக் கொண்டிருந்தபோது சபையில் அமளி துமளி ஏற்பட்டது. இதன்போது, பாதுகாப்பு உறுதிப்படுத்தப்படல் வேண்டும் என தெரிவித்து சபை நடவடிக்கைகளை பகிஸ்கரித்து சபையின் எதிர்க்கட்சி உறுப்பினர்கள் சபையை விட்டு வெளியேறினர். இதையடுத்து, கிழக்கு மாகாண முதலமைச்சரின் கேட்போர் கூடத்தில் நடைபெற்ற சமரசக் கூட்டத்தைத் தொடர்ந்து,  கிழக்கு மாகாண சபையின் அமர்வு மீண்டும் கூடப்பட்டது.
»»  (மேலும்)

பேத்தாழை நூலகம் தனது சேவையை விஸ்தரிக்கின்றது.

வாச‌க‌ர்க‌ளினதும், பாட‌சாலை மாணவ‌ர்க‌ளின‌‌தும் ந‌ன்மை க‌ருதி பேத்தாழை பொது நூல‌க‌ம் காலை 8 ம‌ணி தொட‌க்க‌ம் இர‌வு 8 ம‌ணி வ‌ரை திற‌க்க‌ப்ப‌டுகிறது.

இது முன்னாள் முதல்வர் சந்திரகாந்தனின் சாதனைகளில் ஒன்று. தேசிய ரீதியில் சிறந்த நூலகமாக கடந்த ஆண்டு தெரிவானது என்பதும் குறிப்பிடத்தக்கது.  23.11.2015இல் இருந்து காலை 8 மணி முதல் இரவு 8 மணி வரை திறக்கப் படுகிறது. டிசம்பர் 10 புதிய நூலகம் திறக்கப்பட்டு 4 வருடங்கள் நிறைவு பெறுகிறது.
»»  (மேலும்)

11/23/2015

இலங்கை தேசியத்துக்குள் மலையக தமிழர்கள் உள்வாங்க பட வேண்டும் -திலகராஜ்

"மலையக மக்களும் இலங்கைத் தேசியத்திற்குல் உள்வாங்கப்பட்டு அவர்களின் பிரச்சினைகள் தொடர்பில் ஆராய விசேட ஜனாதிபதி ஆணைக்குழுவொன்று ஸ்தாபிக்கப்பட வேண்டும்.
இலங்கை சுதந்திரமடைந்து இத்தனை ஆண்டுகள் கடந்தும் இவர்கள் தனியார் துறையின் கீழ் அந்நியர்களாகவே வாழ்ந்து வருகின்றனர். இந்த நாட்டில் இனப்பிரச்சிணைக்குத் தீர்வுகாணும் போது மலையக மக்களின் அபிலாஷைகளும் உள்வாங்கப்பட்டு அனைத்து மக்களும் இந்த நாட்டின் பிரஜைகளாக வாழவும், நிலையான சமாதானத்தை ஏற்படுத்தவும் கூடிய அரசமைப்பையும், அபிவிருத்தித் திட்டங்களையும் ஏற்படுத்த வேண்டும்'' இவ்வாறு தொழிலாளர் தேசிய சங்கத்தின் செயலாளரும், நாடாளுமன்ற உறுப்பினருமான திலகராஜ் தெரிவித்தார்.
புதிய கிராமங்கள் மற்றும் சமூக அபிவித்தி அமைச்சில் இடம்பெற்ற நேர்காணலின் போதே அவர் ""சுடர் ஒளிக்கு'' இவ்வாறு கூறினார்.
அவருடைய முழுமையான செவ்வி பின்வருமாறு:

கேள்வி:நாடாளுமன்றத்திற்கு முதன் முறையாகத் தெரிவாகியுள்ளீர்கள். மலையகத்தில் எத்தகைய மாற்றத்தை ஏற்படுத்த வேண்டுமென்ற துடிப்புடன் உள்ளீர்கள்?

பதில்: நடைமுறையில் உள்ள தேர்தல் முறை மூலமே தற்போது குறிப்பிட்டளவு பிரதிநிதித்துவங்கள் கிடைந்துள்ளன. ஆனால், எமது மக்களின் விகிதாசாரத்துக்கு ஏற்ப கிடைக்கப்பெற்ற பிரதிநிதித்துவங்கள் அல்ல. விகிதாசாரத் தேர்தல் முறை மாற்றப்பட்டால் தற்போதுள்ள பிரதிநிதித்துவம் கிடைக்குமா கிடைக்காதா என்பது தொடர்பில் தெளிவில்லாமல் உள்ளது. மாவட்ட பிரதிநிதித்துவம் இருந்தும் கூட மலையக மக்கள் வாழும் ஏனைய பகுதிகளில் எமது பிரதிநிதித்துவத்தை பெற்றுக்கொள்ள முடியாமல் உள்ளது. குறிப்பாக, கேகாலை, பதுளை, இரத்தினபுரி, கம்பஹா, கண்டி போன்ற இடங்களைக் குறிப்பிடலாம். எனவே, இதை முதலில் சரிசெய்ய வேண்டும்.

என்னுடைய பிரதான இலக்கு என்பது அரசமைப்பு அல்லது தேர்தல் முறை மாற்றத்தின் போது தற்போது உள்ள பிரதிநிதித்துவத்தை தக்கவைப்பதுடன், எமது மக்களின் விகிதாசாரத்திற்கு ஏற்ப பிரதிநிதித்துவங்களை உறுதிச்செய்வதாகும். தற்போது கிடைக்கப் பெற்றுள்ள பிரதிநிதித்துவங்கள் மூலமே குறைந்த பட்ச அபிவிருத்தியாவது எமது சமூகத்தை நோக்கி நகர்கின்றது. எனவே, உள்ளூராட்சி, மாகாண சபை, நாடாளுமன்றம் ஆகிய அனைத்திலும் எமது விகிதாசாரத்திற்கு ஏற்ப பிரதிநிதித்துவத்தை உறுதிப்படுத்துவது எனது முதலாவது இலக்கு.

இரண்டாவது மக்கள் தனியார்துறையினர் மூலம் நிர்வகிக்கப்படும் முறை மாற்றப்பட்டு ஏனைய சமூகங்கள் போல் அரச பொது நிர்வாகத்தின் கீழ் கொண்டுவரப்பட வேண்டும். ஏனென்றால், மலையயக மக்களின் பின்னடைவுக்கு இவ்விடயம் பிரதான காரணமாகக் காணப்படுகின்றது. இதனை நான் என்னுடைய உரைகளில் தற்போது வலியுறுத்தி வருகின்றேன். சர்வக்கட்சிக் கூட்டத்திலும் எடுத்துரைத்துள்ளேன்.

இனப்பிரச்சினைக்குத் தீர்வு தொடர்பில் தற்போது பேச்சுகள் முன்னெடுக்கப்பட்டு வருகின்றன. ஆனால், மலையக மக்கள் இன்னமும் இந்த நாட்டின் முழுமையான நிர்வாகக் கட்டமைப்புகுள் வரவில்லை. எனவே, இலங்கை அரச பொது நிர்வாகத்தின் கீழ் மலையக மக்களும் உள்வாங்கப்பட்டு அவர்களின் உரிமைகளும் ஏனையக சமூகத்திற்கு நிகராக உறுதிப்படுத்த வேண்டும்.

முன்றாவது  அபிவிருத்தி சம்பந்தப்பட்ட விடயங்கள். இதுவரை மலையகத்தில் அபிவிருத்தி நடைபெறவில்லையென்று சொல்லவில்லை. ஆனால், ஆங்கிலேயக் காலனித்துவ காலத்தில் குடியமர்த்தப்பட்டது முதல் இன்றுவரை ஏனைய மட்டத்தில் மேற்கொள்ளப்பட்ட அபிவிருத்திகளைவிட மலையக மக்களுக்காக மேற்கொள்ளப்பட்ட அபிவிருத்தி என்பது மிகவும் பின்தங்கிய நிலையில் காணப்படுகிறது.

குறிப்பாக கல்வித்துறை தவிர ஏனைய அனைத்துத் துறைகளும் அரச நிர்வாகத்தின் கீழ் இல்லை. சுகாதாரத் துறையில் தோட்ட வைத்தியர் என்று ஒருவர் உள்ளார். இதற்கு அடையாளம் நாங்கள் இன்னமும் அரசின் தேசிய வைத்திய முறைக்கு உள்வாகப்பட வில்லை என்பதுதான். குடிநீர் திட்டமும் அவ்வாறுதான்  இவை வெறும் உதாரணம்தான் இதுபோன்ற பல்வேறு விடயங்கள் இன்னமும் பாரபட்சமாகவே நடைபெறுகின்றன.

இதன் காரணமாகக் குறிப்பிட்ட கால எல்லை நிர்ணயிக்கப்பட்டு எமது மக்களின் அடிப்டை பிரச்சினைகளுக்குத் தீர்வுகாண வேண்டும். கடந்த அமைச்சரவையில் இருந்த அமைச்சர்கள் கவனம் செலுத்தாததால் ஐ.நாவின் பத்தாண்டு அபிவிருத்தித் திட்டம் எமக்கு கிடைக்காமல் போனது தற்போது அதனை மீண்டும் கொண்டுவந்துள்ளோம். இதை துரித 5ஆண்டு அபிவிருத்தித் திட்டமாக மேற்கொள்ளும் படி பிரதமரும், ஜனாதிபதியும் தெரிவித்துள்ளனர். இது எமக்கு கிடைத்த வெற்றியாக கருதமுடியும். கடந்த காலங்களில் எமது தலைவர்கள் விணைத்திறனாகச் செயற்பட்டிருந்தால் மலையக மக்களின் அவலநிலை இத்தணையாண்டுகள் நீடித்திருக்காது. எனவே, ஒரு கால எல்லையை நிர்ணயித்தது மக்களின் அபிவிருத்தியை முன்னெடுக்கும் போதுதான் அதன் பிரதிபலனை அடைய முடியும். 

கேள்வி: கடந்த செவ்வாய்க்கிழமை நடைபெற்ற சர்வகட்சிக் கூட்டத்தில் இலங்கையில் அரசைப்பும் உருவாக்கப்படும் போதும், தேர்தல் முறை மாற்றம் மேற்கொள்ளும் போதும் மலையகத்திற்கு தனியான அதிகாரப் பகிர்வு அவசியமென வலியுறுத்தியுள்ளீர்கள். எனவே, மலையத்திற்கு எவ்வாறான அதிகாரப் பகிர்வு அவசியமானது எனக் கருதுகின்றீர்கள்?

பதில்: எம்மை இன்னமும் இந்தியத் தமிழர்கள் என்று கூறும் போது இலங்கையில் நாங்கள் அந்நிய படுத்தப்படுகின்றோம். இலங்கைத் தேசியத்துக்குள் மலையக மக்களும் உள்வாங்கப்பட வேண்டும். நாங்களும் இந்த நாட்டின் பிரஜைகளாக சமவுரிமையுடன் வாழவே இத்தகைய கோரிக்கைகளை முன்வைக்கின்றோம். இலங்கைத் தேசியத்திற்குள் மலையக மக்கள் உள்வாங்கப்படாமையும் இவர்கள் எதிர்நோக்குகின்ற பிரச்சினைகளுக்கு பிரதான காரணமாக உள்ளது. எமக்கும் அந்த உணர்வு வரவேண்டும் அப்போதுதான் நாங்களும் இந்த நாட்டின் பிரஜை என்ற அந்தஸ்து கிடைக்கும்.

இதற்காண தீர்வு என்னவென்றால் இலங்கையின் நிர்வாகக் கட்டமைப்பில் நாங்களும் பங்குதாரராக எமது பிரதிநித்துவங்கள் உறுதிப்படுத்தப்பட வேண்டும். சமஷ்டி முறையோ அல்லது அதிகாரப் பகிர்வோ கோருவதற்கு மலையகத் தமிழர்கள் எல்லைப்படுத்தப்பட்ட கட்டமைப்பில் வாழ வில்லை. முஸ்லிம், சிங்கள மக்களோடு இரண்டறக் கலந்துதான் வாழ்கின்றோம். எமக்குச் சாத்தியமான விடயமாக விகிதாசாரத்துக்கு ஏற்ற பிரதிநிதித்துவத்தை உறுதிப்படுத்த வேண்டும். எமக்கான கிராம சேவையாளர் பிரிவுகள் உருவாக்க வேண்டும்.   எப்போதுதான் எமது உரிமைகளை நிலைநாட்ட முடியும். ஆகவே, சாத்தியமான அதிகாரப் பகிர்வுகளை நாங்கள் கோரி வென்றெடுப்பதே எமக்கான இலக்காகும். இன்று பரவலாக பேசப்படும் விடயம்தான் உள்நாட்டு பொறிமுறைக்கு சர்வதேச ஒத்துழைப்பை பெற்றுகொள்வதா இல்லையா என்பது. உள்நாட்டு விசாரணையின் மீது நம்பிக்கை இல்லாமையினால்தான்   சர்வதேச மத்தியஸ்தம் கோரப்படுகிறது.  இலங்கை           சுதந்திரமடைவதற்கு முன்பிருந்தே மலையக மக்களுக்கு பாரிய பிரச்சினைகள் இருக்கின்றன. இதனை தீர்க்க எந்தவிதமான விசாரணையும் இதுவரை நடைபெற வில்லை. எமது வாக்குரிமை பறிக்கப்பட்டது. சிறிமா  சாஸ்திரி ஒப்பந்தம் மூலம் நாடுகடத்தப்பட்டோம். பிரதேச சபை சட்டங்கள் கொண்டுவரப்பட்ட போது மலையக மக்கள் உள்வாங்கப்பட வில்லை. இன்னமும் தனியாரின் கட்டமைப்பில் கீழ் இருக்கின்றோம். எல்லை நிர்ணயத்தில் பாகுபாடு. தேசிய ரீதியில் எமது மக்களின் பிரச்சினையை இன்னமும் புரிந்துகொள்ளப்படவில்லை. முதலில் மலையக மக்களின் பிரச்சினைகளை  தீர்க ஜனாதிபதி ஆணைக்குழுவை நியமிக்க வேண்டும்.  அப்போதுதான் அனைத்து மக்களும் ஏற்றுக்கொள்ள கூடிய அரசியல் தீர்வுக்கும், நிலையான அபிவிருத்திக்கும் செல்ல முடியும்.

கேள்வி: தோட்டத் தொழிலாளர்களின் சம்பளப் பிரச்சினை விடயம் தொடர்பில் எவ்வாறான இணக்கப்பாடுகள் எட்டப்பட்டுள்ளன?

பதில்: முதலாளிமார் சம்மேளனம் 770 ரூபாவை கொடுப்பதாக ஏற்றுக்கொண்டுள்ளது.  அதனை நாங்கள் மறுக்கவில்லை. இலங்கைத் தொழிலாளர் காங்கிரஸ் 1,000 ரூபா கோரிக்கையை முன்வைத்தது. அதனை எந்த அடிப்படையில் அவர்கள் முன்வைத்தார்கள் எனத் தெரியவில்லை. எங்களைப் பொறுத்தமட்டில் குறைந்த பட்சம் 800ரூபா என நிர்ணயித்துள்ளோம். 1,000 ரூபா என்பது ஒரு விதந்தாத வாதத் தொகை. நாங்கள் பேசி தீர்மானிக்கும் தொகையில் கையொழுத்திட வேண்டிய பொறுப்பு அவர்கள் கையில்தான் உள்ளது. எனவே, தொழிலாளர்களுக்கு ஏற்றுக்கொள்ள கூடிய நியாயமான சம்பளத்தை பெற்றுக்கொடுக்க தொழிற்சங்கங்கள் முன்வர வேண்டும்.

கேள்வி: கடந்த காலங்களில் 60வீதம் மக்கள் பலமுடைய தொழிற்சங்கங்கள் தோட்டத் தொழிலாளர்களின் சம்பளப் பிரச்சினையைத் தீர்க்கும் தொழிற்சங்கங்களாக உருவாகின. அந்தவகையில் தற்போது தமிழ் முற்போக்குக் கூட்டணிக்கு மக்கள் பலம் காணப்படுகின்றது. எனவே,  தொழிலாளர்களின் சம்பளப் பிரச்சினையை தீர்க்கும் தொழிற்சங்கமாக உங்களால் உருவெடுக்க முடியாதா?

பதில்: வாக்களிப்பு என்பது வேறு. தொழிற்சங்கம்  என்பது வேறு.  அரசியல் ரீதியாக மக்கள் சந்தா தாரர்கள் அல்ல. ஒட்டு மொத்த வாக்காளர்களும் தொழிலாளிகள் அல்ல.   சம்பளப் பிரச்சினை என்பதும் வேறு. சம்பளம் தொடர்பிலான விடயங்கள் தொழிற்சங்கங்களுக்கும் முதலாளிமார் சம்மேளனத்திற்கு இடையில் கைச்சாத்திடப்படுவது. தொழிற்சங்க உறுப்புரிமையை மக்கள் இதுவரை காலமும் இலங்கைத் தொழிலாளர் காங்கிரஸிடம்தான் வைத்துள்ளனர். தற்போதைய சூழலில் எங்களால் சவால் விட முடியும். ஆனால், உள்ள பிரச்சினைகளை முதலில் தீர்க்க வேண்டும். இல்லாமல் சவால் விட்டால் தொழிலாளர்களுக்கு மேலும் பிரச்சினைகளைதான் தோற்றுவிக்கும்.

கேள்வி:அடுத்த ஆண்டு நடைபெறவுள்ள உள்ளூராட்சிமன்றத் தேர்தலில் தமிழ் முற்போக்குக் கூட்டணி ஒரு பதிவுசெய்யப்பட்ட அரசியல் கட்சியாக போட்டியிடுமா அல்லது கூட்டணியில் அங்கம் வகிக்கும் கட்சிகள் தனித்தனியாகப் போட்டியிடுமா?

பதில்: அது பற்றி இன்னமும் தீர்மானிக்கப்பட வில்லை. தேர்தல் முறை மாற்றம் தொடர்பில் பேச்சுகள் நடைபெற்று வருகின்றன. அடிப்படையில் புதிய முறையை நாங்கள் எதிர்க்கின்றோம். காரணம் எல்லை நிர்ணய விடயத்தில் முறைகேடு நடந்துள்ளமை தெரியவந்துள்ளது. கடந்த அரசின் ஆட்சியாளர்கள்  அவர்களின் ஆட்சியைதக்க வைத்துகொள்ளும் வகையில் வேலைத்திட்டங்களை மேற்கொண்டனர். புதிய முறை என்ற காரணத்தினால் பல்வேறு விடயங்கள்  ஆராயப்பட வேண்டியுள்ளது. தேர்தல் முறைக்கு ஏற்ப பிரதிநிதித்துவத்தை தக்கவைத்துகொள்ளும் வகையில் எங்களது வியூகங்கள் அமையும் அத்துடன், தமிழ் முற்போக்குக் கூட்டணி எப்போதும் ஓர் அணியாகதான் போட்டியிடும். தற்போது பொது சின்னமொன்று தொடர்பிலும் ஆராப்படுகிறது. 

கேள்வி: புதிய கிராமங்கள் மற்றும் சமூக அபிவிருத்தி அமைச்சர் பழனி திகாம்பரத்தால் பசுமை பூமி திட்டத்தின் கீழ் தனி வீடுகள் வழங்கப்பட்டு வருகின்றன. நீங்கள் கூறுவது போல் இன்னும் ஐந்து ஆண்டுகளில் மலையக மக்களின் லயன் வாழ்க்கை முறைமை ஒழிக்கப்படுமா?

பதில்:சாத்தியபடுமா என்பது ஒரு புறம் இருக்க மக்களின் மனங்களில் நாங்கள் தனி வீட்டுத்திட்டத்திற்குல் போக வேண்டுமென்ற ஒரு நம்பிக்கையை ஏற்படுத்த வேண்டும். முதலாவது வெற்றிதான் அமைச்சின் பெயர் மாற்றப்பட்டமை. ஐந்து வருடத்தில் சாத்தியப்படுமா என்பது நிதி சம்பந்தகப்பட்ட விடயம். லயன் அறைகள் உடைக்கப்பட்டு ஒரு கிராமமாக உருவாக்கப்பட வேண்டும். நாங்கள் அமைச்சில் இருக்கும் போது ஒரு நிலையான கட்டமை உருவாக்கி வைத்து சென்றால் அடுத்து வருபவர்களும் அதே வழியில் செல்வார்கள். அதற்கான அத்திவாரத்தை தான் நாங்கள் இட்டுவருகின்றோம்.

கேள்வி: வரும் 20ஆம் திகதி வரவு  செலவுத் திட்டம் சமர்பிக்கப்பட உள்ளது. கடந்த காலங்களில் சமர்பிக்கப்பட்ட வரவு  செலவுத் திட்டங்களின் போது மலையக மக்கள் சார்ந்த முன்மொழிவுகள் பெரும்பாலும் குறைந்தளவே காணப்பட்டன. இம்முறை இரண்டுமுறை ஆட்சி மாற்றத்திற்கும் மலையக மக்களின் பங்கு என்பது அளப்பரியது. எனவே, இவர்களுக்காக எத்தகைய நன்மை உள்வாங்கப்பட்டுள்ளன?

பதில்: எல்லோரும் வரவு செலவுத் திட்டத்திற்குப் பின்னர்தான் அதைப் பற்றி பேசுவார்கள். ஆனால், நான் எனது கன்னி உரையிலேயே வரவு  செலவுத் திட்டத்தில் மலையக மக்களுக்கு ஏற்படுத்த வேண்டிய விடயங்கள் தொடர்பில் தெரிவித்தேன். சம்பள அதிகரிப்புத் தொடர்பில் வரவு செலவுத் திட்டத்தில் ஏதும் ஏற்பாடுகள் முன்மொழியப்பட மாட்டாது. சம்பளப் பிரச்சினை முதலாளிமார் சம்மேளனத்துடன், ஏற்படுத்தப்படும் விடயமாகும். நாடாளுமன்றத்தில் வீடமைப்புத் திட்டம் தொடர்பில் பிரேரணையொன்றை முன்வைத்து விவாதம் நடத்தினோம். அதனை ஏற்றுக்கொண்டுள்ளனர். மலையக மக்களின் அபிவிருத்தி, வீடமைப்புத் திட்டம் தொடர்பில் விசேட ஏற்பாடுகள் இருக்கும்  என்றார்.

நன்றி - சுடரொளி 
»»  (மேலும்)

11/22/2015

வட மாகாணத்திலுள்ள இராணுவ பிரசனத்தை குறைக்க நடவடிக்கை எடுக்க வேண்டும்


வட மாகாணத்திலுள்ள இராணுவ பிரசனத்தை குறைக்க நடவடிக்கை எடுக்க வேண்டும் என வட மாகாண முதலமைச்சர் சீ.வி.விக்னேஸ்வரன், ஐக்கிய நாடுகள் சபைக்கான அமெரிக்காவின் நிரந்தர வதிவிட பிரதிநிதி சமந்தா பவரிடம் கோரிக்கை விடுத்துள்ளார்.
இந்நிலையில் நாம் வடகிழக்கு மாகாணங்களில் தமிழ் மக்களுக்குச் சொந்தமான வீடுகளையும், காணிகளையும் வலிந்து பறித்து வைத்திருக்கும் படையினர் எங்கள் வாழ்வாதாரத்தையும் அழித்துள்ளதுடன் தமிழ் மக்களை தொடர்ந்தும் பயங்கரவாதிகள் என்ற கண்னோட்டத்துடன் பார்த்துக் கொண்டிருக்கின்றார்கள் என்பதையும்,
ஆட்சி மாற்றம் ஒன்று உருவாக்கப்பட்டதன் பின்னர் படையினரின் கடந்தகால செயற்பாடுகள் முடக்கப்பட்டு அவர்கள் படைமுகாம்களுக்குள் இருக்கிறார்கள் என்பதல்ல உண்மை, அவர்கள் தற்போதும் கடந்தகால செயற்பாடுகளை செய்து கொண்டிருக்கின்றார்கள் என்பதே உண்மையானது என்பதையும் நாம் சுட்டிக்காட்டியுள்ளார் 
»»  (மேலும்)

சுவீஸ் உதயத்தின் நிதி உதவிமூலம் கணவனை இழந்த பெண் வியாபார நடவடிக்கையினை ஆரம்பித்துள்ளார்

கணவனை இழந்து வறுமைக்கோட்டின் கீழ்வாழ்ந்து கொண்டிருக்கும் முனைத்தீவுக்கிராமத்தில் வசிக்கும்  கிருஷ்ணவேணியின் வாழ்வாதாரத்தினை மேம்படுத்துவதற்காக சுவிஸ்உதயம் அமைப்பு  50000 ஆயிரம் நிதி வழங்கியள்ளதுடன் அந்நிதியின் மூலம் சிறியதோர் கடையினைத் திறந்து வியாபார நடவடிக்கையினை ஆரம்பித்துள்ளார்

வியாபார நடவடிக்கை ஆரம்பிக்கப்பட்டதும் அதனை நேரடியகச் சென்று சுவீஸ் உதயம் அமைப்பின் கிழக்குமாகாண தலைவர் மு.விமலநாதன் பிரதித்தலைவர் பாவாணர் அக்கரைப்பாக்கியன் உள்ளிட்டோர் நெரடியாக அப் பெண்ணின் இல்லத்திற்குச்சென்று வியாபார நடவடிக்கையினைப் பார்வையிட்டுள்ளனர்
இதுதொடர்பாக கிருஷ்ணவேணி கருத்துத்தெரிவிக்கையில் நாட்டில் ஏற்பட்ட யுத்த சூழ்நிலையினால் எனது கணவர் இறந்திருந்தார் அதனால் எனது பிள்ளைகளின் கல்வி நடவடிக்கை உட்பட குடும்பத்தை தலைமைதாங்குவதில் பல சிக்கல் ஏற்பட்டது இந்நிலையில் சுவீஸ் உதயத்திடம் இக்கோரிக்கையினை முன்வைத்தேன் அதன் நிமிர்த்தம் எனது வீட்டிற்கு சுவீஸ் உதயத்தின் பொருளாளர் கே.துரைநாயகம் நேரில்வந்து நிலைமையினை அவதானித்ததுடன் எனக்கான உதவியினை வழங்கிவைத்துள்ளனர் இதனால் நாளாந்தம் எனது குடும்பம் கஸ்ரம் இல்லாது வாழ்ந்துகொண்டிருக்கின்றது.
 அதற்காக சுவீஸ் உதயத்தின் தலைவர் சுதர்சன் செயலாளர் ஜெயக்குமார் பொருளாளர் துரைநாயகம் மற்றும் அவ் அமைப்பினர் அனைவருக்கும் நன்றி தெரிவிக்கின்றேன் என்றார்.

 
»»  (மேலும்)

11/21/2015

தமிழகத்தில் சிறப்பு முகாம்கள் வெளியீடு

இந்திய அரச வஞ்சனையால் கொடிய மனித உரிமை மீறல்களோடு தமிழகத்தில் சிறப்பு முகாம்கள் என்ற பெயரில் இயங்கும் சித்திரவதை முகாம்களில் வஞ்சிக்கப்படும் ஈழ தமிழ் அகதிகளை விடுவித்து சிறப்பு முகாம்களை மூட நடத்தி வரும் தொடர் கவனஈர்ப்பு போராட்டங்கள் வரிசையில் கனடிய மண்ணில் இருந்தும் தமிழ் மக்களின் ஒருமித்த குரலிலான கண்டன நிகழ்வு எதிர்வரும் நவம்பர் 29 அன்று ஸ்கார்புரோ நகரில் நடைபெறவுள்ளது.
இந்நிகழ்வில் சிறப்பு முகாம்களின் சித்திரவதைகளை சுமார் 8 ஆண்டுகள் தமிழகத்தில் சிறைகளிலும் சிறப்பு முகாம்களிலும் வாழ்ந்து அனுபவித்த கண்கண்ட சாட்சியான ஈழத்து போராளி பாலன் தோழர் அவர்களின் "சிறப்பு முகாம் என்னும் சித்திரவதை முகாம்" என்ற நூலின் அறிமுகமும், பல மனித உரிமைக்காக குரல் கொடுத்து வரும் செயற்பாட்டாளர்களின் கண்டன உரைகளும் மக்கள் கருத்தரங்கமும் இடம்பெறவுள்ளன.
இந்த நூலுக்கான வெளியீட்டு உரிமையினை அனைத்து மக்களிடமும் பாலன் தோழர் விடுத்துள்ளதோடு இந்த நூல் அறிமுக நிகழ்வை வழமைக்கு மாறாக மக்கள் கவன ஈர்ப்பு கருத்தரங்காக செயல்வடிவம் கொடுக்குமாறு பாலன் தோழர் அவர்கள் வேண்டியதற்கிணங்க முன்மாதிரி செயல்வடிவ கண்டன மக்கள் கருத்தரங்கு கூட்டமாக இந்நிகழ்வு நடைபெறவுள்ளது.
பொய் வாக்குறுதிகளை கடந்து இன்னமும் மூடப்படாத சிறப்பு முகாம்கள் தமிழர்களை கொல்லும் கொலைக் களங்கள்.
இன்னமுமே பல தமிழ் மக்களுக்கு சிறப்பு முகாம் பற்றிய உண்மைகள் தெரியவில்லை என்பது கொடிய வலி தரும் செய்தியாகும்.
உயிரை உருக்கும் உண்மைகள்.. கொடும் வலிகளை இந்த நூற்றாண்டில் மனித உரிமை மீறலோடு அனுபவித்து வருகின்றார்கள் எம் ஈழத்தமிழர்கள் அன்னை தமிழகத்தில் என்பது உண்மையில் ஒவ்வொரு தமிழர் நெஞ்சங்களையும் உலுக்கி உணர்வேற்றி பொங்கி எழ வைக்க வேண்டிய செய்தி.
ஆனால் இன்னமும் மூடி மறைக்கும் கொடிய உண்மைகளாக இந்த அநீதிகள்.
தமிழினம் உலகப் பரப்பெங்கும் வலிமையாக குரல் எழுப்பி எதிர்த்து போராடி இந்த சிறப்பு முகாம்களை மூட வேண்டும். அதற்கு இது போன்ற கவன ஈர்ப்பு கண்டன நிகழ்வுகள் காலத்தின் தேவையாகும்.
இந்த மக்கள் போராட்டத்திற்கான அழைப்பை அனைத்து மனித உரிமையை மதிக்கும் மக்களுக்கும் மக்கள் விடுத்துள்ளார்கள் என்பதால் அனைவரும் அனைவரையும் ஒருங்கிணைத்து பங்கேற்போம்.
மக்களுக்காக எவர் போராடினாலும் நமக்குள் இருக்கும் முரண்கள் கடந்து ஒன்றுபட்ட மக்களாக குரல் கொடுப்போம்.

நன்றி முகனூல்

»»  (மேலும்)