உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

1/06/2016

கல்குடா கல்வி வலய வரலாற்றில் முதன்முறையாக செல்வி.நா.ராஜிதா மருத்துவபீடத்திற்கு தெரிவாகி சாதனை

கல்குடா கல்வி வலயத்திற்குட்பட்ட மட்.ககு.பேத்தாழை விபுலானந்தாக் கல்லூரியின் மாணவி செல்வி.நா.ராஜிதா உயிரியல் பிரிவில் பரீட்சைக்குத் தோற்றி 1ஏ, 2பி பெறுபேற்றினைப் பெற்று (மாவட்டநிலை- 25) கல்லூரியின் வரலாற்றிலும் கல்குடா கல்வி வலயத்தின் வரலாற்றிலும் முதல் தடவையாக மருத்துவபீடத்திற்குத் தெரிவாகி சாதனை படைத்துள்ளார்.


கிழக்கின் முன்னாள் முதலமைச்சர் கௌரவ. சிவநேசதுரை சந்திரகாந்தன் அவர்களின் பாரிய முயற்சியின் பயனாக மட்.ககு.பேத்ததாழை விபுலானந்தாக் கல்லூரி 1000 பாடசாலை அபிவிருத்தித்திட்டத்தின் கீழ் உள்வாங்கப்பட்டு 1ஏபி பாடசாலையாக தரமுயர்த்தப்பட்டு நவீன தொழினுட்ப ஆய்வுகூட வசதிகளும் ஏற்படுத்தப்பட்டு, மிகவும் திறமைமிக்க ஆசிரியர்களையும் நியமித்து அதிபர் திரு டி.சந்திரலிங்கம் அவர்களது வழிகாட்டலின் கீழ் இச்சாதனை படைக்கப்பட்டுள்ளது.

கல்குடா வலயக்கல்விப் பணிப்பாளர் திரு.செ.ஸ்ரீகிருஸ்ணராஜா மற்றும் பிரதிக்கல்விப் பணிப்பாளர் திருமதி.எஸ்.குலேந்திரகுமார் ஆகியோர் நேரில் சென்று மாணவியை வாழ்த்தியதோடு அதிபர் மற்றும் கற்பித்த ஆசிரியர்களையும் பாராட்டினார்கள்.

0 commentaires :

Post a Comment