உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

2/27/2016

நாம் வன்மையாக கண்டிக்கின்றோம்”

இலங்கை தலித் சமூக மேம்பாட்டு முன்னணி-பிரான்ஸ் ravikumar





இராமசாமி துரைரட்ணத்திற்கும் ரவிக்குமார் அவர்களுக்கும் இடையில் நிகழ்ந்த முகநூல் உரையாடலின்போது இராமசாமி துரைரட்ணம் அவர்கள் ரவிக்குமாரை சாதிப்பெயர் கூறி இழிவுபடுத்திய செயலை நாம் வன்மையாக கண்டிக்கின்றோம்.

அவர்கள் இருவருக்கும் இடையில் நிகழ்ந்த உரையாடல் எதுவாகவும் இருக்காலம். ஈழத் தமிழ் சமூகம் உருத்தரிரமூர்த்தி சேரன் போன்றவர்களைத்தான் நம்பி இருக்கின்றது எனும் தேசியவாதக் கருத்து நிலையில் தோழர் ரவிக்குமார் நம்பிக்கை வைத்திருப்பதற்கான காரணங்களும் எதுவாகவும் இருக்கலாம். அவை வெறும் கருத்தியல் சார்ந்த ஒரு நிலைப்பாடு.

ஆனால் இவ்வாறு வெழிப்படையாக, பகிரங்கமா பொதுவெளியில்  சாதிப் பெயர் கூறி  இழிவுபடுத்தும் துணிவு இராமசாமி துரைரட்ணத்திற்கு வருகிறது என்றால் இதுதானா இவரது ‘சமூக சிந்தனை’! இந்த சாதிய மனநிலையை பாதுகாக்கும் இவரது சமூகப் பணிக்காகவா “வாழ்நாள் சாதனையாளர்” எனும் விருது வழங்கப்பட இருக்கிறது.  சாதியப் பெயர் சொல்லி இழிவுபடுத்துவதென்பது தூசண வார்த்தைப் பிரயோகத்தை மிஞ்சிய வல்லாதிக்கக் குறியீடாக சாதிய மேலாதிக்க மனநிலைகள் கருதிவருகின்றது.
இப்படியான  சாதிய மேலாதிக் மனிநிலை கொண்ட இராமசாமி துரைரட்ணம் மேற்கொண்ட பணிகள் எதுவாக இருப்பினும் அவை கேள்விக்குட்படுத்தப்பட வேண்டியவையாகும். இச்செயலை அலட்சியப்படுத்தி ஐ.பி.சி. ஊடக நிறுவனம் இவருக்கு வாழ்நாள் விருது வழங்குமாயின் எதிர்காலத்தில் ஐ.பி.சி. ஊடக நிறுவனத்தின் மீதான சமூக அக்கறைகளும் கேள்விக்குட்படுத்த நேரிடும் என்பதை நாம் வலியுறுத்த வரும்புகின்றோம்.
இந்த சம்பவமும், இதற்கான கண்டனங்களும் எமக்கு புதிதல்ல. எமது தமிழ் பேசும் மக்களின் விடிவிற்காகவும், அம்மக்களின் சுயநிர்ணய உரிமைக்காகவும் போராடுவதாகவும், அவர்களது வாழ்க்கை மேம்பாட்டிற்காகவும் அயராது வியர்வை சிந்தி உழைத்து வருவதாக கூறும் அரசியல்-சமூக செயல்பாட்டாளர்களில் சிலர் தொடர்ச்சியாக இவ்வாறு பிறரை சாதிப் பெயர் கூறி இழிவு படுத்துவதை நாம் அறிந்திருக்கிறோம்.
இலங்கை தலித் சமூக மேம்பாட்டு முன்னணியாகிய நாம் தொடர்ந்து கண்டித்தும் வருகின்றோம்.
27-02-2016

0 commentaires :

Post a Comment