உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

5/19/2016

4வது முறையாக வெற்றி பெற்று 6வது முறையாக முதல்வர் பதவி ஏற்கிறார் ஜெயலலிதா

   நடந்து முடிந்த சட்டசபை தேர்தலில் 4வது முறையாக வெற்றி பெற்று, 6வது முறையாக முதல்வராக பதவி ஏற்கிறார் ஜெயலலிதா.பலத்த எதிர்பார்ப்புகளுக்கு இடையே இன்று காலை 8 மணி முதல் தமிழக சட்டசபை ஓட்டு எண்ணிக்கை துவங்கியது. முதலில் தபால்
ஓட்டுகள் எண்ணப்பட்டபோது, பல இடங்களில் திமுக முன்னிலை பெற்றது. இதையடுத்து, மற்ற ஓட்டு எண்ணிக்கையிலும் திமுகவே முன்னிலை பெறும் என்ற பேச்சு எழுந்தது.அதற்கேற்ப, முதல் சுற்று ஓட்டுகள் எண்ணப்பட்டபோது, பல தொகுதிகளில் திமுக முன்னிலை பெற்றது. ஆனால் சுற்றுகள் அதிகரிக்க, அதிகரிக்க அதிமுகவின் முன்னிலையும் அதிகரித்தது.
மதியம் 1 மணி நிலவரப்படி,அதிமுக 136 தொகுதிகளில் முன்னணி பெற்றது. திமுக 86 தொகுதிகளிலும், காங்கிரஸ் 10 தொகுதிகளிலும், பாமக., 1 இடத்திலும் முன்னணியில் இருந்தது.

நேரம் ஆக, ஆக அதிமுகவுக்கும் திமுகவுக்கும் இடைவெளி அதிகரித்துக்கொண்டே இருந்தது.
மதியத்திற்கு மேல் அதிமுகவின் வெற்றி உறுதியான நிலையிலும், அதிமுகவுக்கும் திமுகவுக்கும் இடையிலான இடைவௌி மிகவும் குறைவாகவே இருக்கும் என தோன்றுகிறது. சில தொகுதிகளில்500க்கும் குறைவான ஓட்டு வித்தியாசத்தில் முன்னிலை நிலவரம் இருப்பதால், திமுக அணி 100 இடங்கள் வரை பெற வாய்ப்புள்ளது. இதை வைத்துப் பார்க்கும்போது, 4வது முறையாக அதிமுக ஆட்சியைப் பிடிக்கிறது. 6வது முறையாக முதல்வராக ஜெயலலிதா பதவி ஏற்பது உறுதியாகி உள்ளது.
தொடர்ந்து ஓட்டுகள் எண்ணப்படுகின்றன.
ஜெயலலிதா நன்றி: இதற்கிடையே, அமோக வெற்றி பெற வாக்களித்த தமிழக மக்களுக்கு ஜெயலலிதா நன்றி தெரிவித்துள்ளார். அவர் வெளியிட்டுள்ள அறிக்கையில், மக்கள் குடும்ப ஆட்சிக்கு முற்றுப்புள்ளி வைத்துள்ளனர் என்றும் கூறியுள்ளார்.

0 commentaires :

Post a Comment