உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

5/21/2016

மாற்றுடை இல்லாமல் உடுத்த உடையுடன் மக்கள்

அறநாயக்க மக்கள் ஆறு முகாம்களில் தஞ்சம்:
நேரடியாக களத்தில் எச்டிஓ :கேகாலை உதவிஅரசஅதிபருடன் சந்திப்பு!



காரைதீவு நிருபர் சகா...

கேகாலை அறநாயக்க மண்சரிவு அனர்த்தத்தில் பாதிக்கப்பட்ட 1604 பேர் 06முகாம்களில் தஞ்சமடைந்துள்ளனர்.அவர்கள் மாற்றுடை இல்லாமல் உடுத்த உடையுடன் உள்ளனர்.
இவ்வாறு நேற்று வியாழக்கிழமை அறநாயக்க மண்சரிவு பிரதேசத்திற்கு சென்ற மனித அபிவிருத்தித்தாபனத்தின் இணைப்பாளர் பொன்னையா ஸ்ரீகாந்த் தெரிவித்தார்.
மீரியபெத்த ஞாபகம்!
அவருடன் தாபனத்தின் கேகாலை இணைப்பாளர்களான பாலித மற்றும் கோபாலரெத்தினம் ஆகியேர் சென்றிருந்தனர். நேற்று அப்பிரதேசத்தில் மழை பொழிந்துகொண்டிருந்தது.இராணுவத்தின் மீட்புவேலைகள் நடைபெற்றுக்கொண்டிருந்தன.எங்கு பார்த்தாலும் மண்குவியல்கள் கற்கள்.மக்களின் அவலக்குரல்கள் .மொத்தத்தில் கொஸ்லந்தவின் மீரியபெத்த சம்பவத்தை நினைவூட்டுவதாக இருந்தது என திரு.ஸ்ரீகாந்த் அங்கிருந்து தெரிவித்தார்.
குழுவினர் கேகாலை மாவட்ட உதவி மாவட்ட அரசாங்க அதிபர் ஆர்.கே.சமன்அனுரவைச் சந்தித்தனர். தற்போது மக்களின் நிலைமையும் தேவைகள் பற்றியும் கலந்துரையாடினர்.

உதவி மாவட்ட அரசாங்க அதிபர் ஆர்.கே.சமன்அனுர கூறுகையில்:
கேகாலை மாவட்டத்தில் 11பிரதேச செயலகப்பிரிவுகள் உள்ளன.அவற்றில் அறநாயக்க பிரதேசசெயலாளர் பிரிவும் ஒன்றாகும்.இது 112.7 கிமீ. விஸ்தீரணத்தைக்கொண்டது. 61கிராமசேவையாளர் பிரிவுகளைக்கொண்டது.181கிராமங்களைக்கொண்ட அறநாயக்கவில் 66720பேர் வாழ்ந்துவருகின்றனர்.
இங்கு 60226சிங்களவர்களும் 1202 இலங்கைத்தமிழர்களும் 300இந்தியத்தமிழர்களும் 4976முஸ்லிம்களும் உள்ளனர்.
200பேர் மாயம்!



நேற்று ஏற்பட்ட மள்சரிவு அனர்த்தத்தில் அறநாயக்காவில் மட்டும் 66வீடுகள் முற்றாக சேதமடைந்துள்ளன.200பேர் காணாமல்போயுள்ளனர்.16பேரின் சடலங்கள் இராணுவத்தினரால் மீட்கப்பட்டுள்ளன.
இன்று அடக்கம் !
அவர்களின் பூதவுடல்கள் நாளை வெள்ளிக்கிழமை கேகாலைக்குகொண்டுசெல்லப்பட்டு பூரணஅரசமரியாதையுடன் சமயகிரியைகளுடன் அடக்கம் செய்யப்படும்.
மண்சரிவில் பாதிக்கப்பட்டுள்ளவர்கள் பாடசாலை பொதுக்கட்டடம் என 06 இடங்களில் தங்கவைக்கப்பட்டுள்ளனர்.
அரசசெலவில் தற்சமயம் உணவு வழங்கப்பட்டுவருகின்றது. மக்கள் உடுத்தஉடையுடன் காணப்படுகின்றனர்.வருகின்ற பொதுசமுக அமைப்புகள் அதனைச்செய்தால் வரவேற்கலாம். என்றார்.
மனிதஅபிவிருத்தித்தாபனத்தின் குழுவினர் நேற்றுமுகாம்களிலுள்ள குழந்தைகளுக்கான பாலூட்டும் போத்தலை வழங்கிவைத்தனர்.

*நன்றி முகனூல்

0 commentaires :

Post a Comment