உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

9/24/2016

கனடா பாடும்மீன்கள் அமைப்பினரால் புல்லுமலையில் மீள்குடியேற்ற வீடுகள் கையளிப்பு!


காரைதீவு நிருபர் சகா*

 
னடா பாடும்மீன்கள் அமைப்பினரால் மட்டக்களப்பு பெரியபுல்லுமலை இடம்பெயர்ந்த மக்களின் மீள்குடியேற்றத்திற்காக நிருமாணிக்கப்பட்ட வீடுகள் இன்று 24ஆம் திகதி சனிக்கிழமை காலை9மணிக்கு பயனாளிகளிடம் கையளிக்கப்படவுள்ளது.Résultat d’images pour batti hous
புல்லுமலையில்பிறந்து கனடாவில் தற்போது வாழும் சமுகஆர்வலர் தம்பிராஜா பாபு வசந்தகுமார் மற்றும் த.நித்திசிவானந்தராஜா ஆகியோர் கனடாவில் மேற்கொண்ட நிதிசேகரிப்பினால் பெற்ற 25லட்சருபாவைக்கொண்டு 5வீடுகளை நிருமாணித்துவந்தனர். அவை தற்போது நிறைவுற்றுள்ளன.அவைகளே சனியன்று திறந்துவைக்கப்படவுள்ளன.

கனடாவில் கடந்த ஏப்ரல் மாதம் 2ஆம் திகதி பாடும்மீன்களின் இரவு எனும் நிகழ்ச்சியை ஏற்பாடுசெய்து அங்குள்ள எம்மவர்களின் பங்களிப்பில் இந்த 25லட்சருபாவைத்திரட்டியதாக ஏற்பாட்டாளர் பாபுவசந்தகுமார் தெரிவிக்கிறார்.

இவ்வீடுகள் மிகவிரைவில் 4விதவைகளுக்கும் ஒரு குடும்பஸ்தருக்கும் கையளிக்கப்படவிருக்கிறது என அவர் மேலும் சொன்னார்.
இதேவேளை அங்கு 32லட்சருபா செலவில் ஒரு பிள்ளையார் ஆலயமும் அமைக்கப்பட்டுள்ளது. அமெரிக்காவில் வசிக்கும் புல்லுமலையைச்சேர்ந்த வைத்தியகலாநிதி டாக்டர் தம்பிராஜா நந்தகுமார் 22லட்ச ருபாவை வழங்கினார்.இலங்கை அரசாங்கம் 8லட்சருபாவை வழங்கியிருந்தது. ஊர்மக்களிடம் 2லட்ச ருபாவைச் சேகரித்து ஆலய கும்பாபிசேகமும் நடாத்தி தற்போது ஆலயம் தினப்பூஜையுடன் வழிபாட்டிலுள்ளது.
மொத்தத்தில் பெரிய புல்லுமலை மீள்குடியேற்றத்திற்குத் தயாராகவுள்ளது.

0 commentaires :

Post a Comment