உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

11/23/2017

ஐக்கிய தேசிய கட்சியில் அமல் எம்பி ?

(இப்படியொரு செய்தியை தமிழ் நியூஸ் டொட் கொம் என்னும் தளம் வெளியிட்டுள்ளது. இதுபற்றிய மேலதிக தகவல்களையோ மறுப்புக்களையோ
Résultat de recherche d'images pour "UNP"  சம்பந்தப்பட்ட தரப்பினர் வழங்க முன்வந்தால் அதனை நாம் பிரசுரிக்க தயாராகவுள்ளோம்.ஆ-ர் )

Résultat de recherche d'images pour "அமல் எம்பி ?"



தமிழ்த் தேசியக் கூட்டமைப்பில் உள்ள புளொட் அமைப்பிற்கு கிழக்கு மாகாணத்தில் ஒதுக்கப்பட்ட ஆசனத்திற்கான வேட்பாளராக களமிறக்கப்பட்ட சதாசிவம் வியாழேந்திரன் தற்போது ஐக்கிய தேசியக் கட்சியை நோக்கி நகர்வதற்குரிய முயற்சிகளை எடுத்துள்ள நடவடிக்கைகள் அம்பலமாகியுள்ளது.
கூட்டமைப்பில் தொடர்ந்தும் அங்கம்வகிப்பதால் மக்களுக்கு எதனையும் செய்ய முடிவில்லை.

அதேநேரம் கூட்டமைப்பு, அரசாங்கத்திற்கு ஆதரவாக செயற்படுவதால் அரசாங்கத்தினை எதிர்த்தும்
செயற்பட முடியவில்லை.
இவ்வாறு இரண்டும் கெட்ட நிலைமை நீடிப்பதால் தன்னால் அடுத்த முறை பாராளுமன்றத்திற்கு வரமுடியாத நிலைமை ஏற்பட்டு விடும்.
ஆகவே தான் ஏதாவது ஒரு முடிவினை
எடுக்க வேண்டிய நிர்ப்பந்தத்தில் உள்ளதாக தனக்கு நெருங்கியவர்களிடத்தில் அண்மைக்காலமாக
தெரிவித்து வருகின்றார் வியாழேந்திரன்.
அவ்வாறான நிலையில் தான் தற்போது இரகசியமாக ஐக்கிய தேசியக் கட்சியின் முக்கியஸ்தருடன்
முதற்கட்டச் சந்திப்பினை மேற்கொண்டுள்ளார்.
எனினும் தற்போது ஐக்கிய தேசியக் கட்சியின்
தலைவர் பிரதமர் ரணிலுடன் கூட்டமைப்பின் முக்கிய உறுப்பினரான சுமந்திரன் எம்.பி,
நெருங்கிச் செயற்படுவதால் அவர் தடையை ஏற்படுத்தக் கூடும் என்ற அச்சமும் வியாழேந்திரனுக்கு ஏற்பட்டள்ளது.
எனினும் வியாழேந்திரனின் இரகசிய சந்திப்பு விவகாரம் தற்போதைய தலைமை உள்ளிட்ட ஏனைய உறுப்பினர்களுக்கு தெரியவந்துள்ளதால் தற்போது கட்சிக்குள் இவர் மீது சந்தேகம் வலுத்துள்ளதாக கூட்டமைப்பின் முக்கிய உறுப்பினர் ஒரு குறிப்பிட்டுள்ளார்
»»  (மேலும்)

11/21/2017

பதவி விலகினார் ஜிம்பாப்வே அதிபர் முகாபே

ஜிம்பாப்வே அதிபர் ராபர்ட் முகாபே தன் பதவியை ராஜினாமா செய்துள்ளதாக நாடாளுமன்ற சபாநாயகர் ஜேக்கப் முடெண்டா கூறியுள்ளார்.ஜிம்பாப்வே அதிபர் முகாபே ராஜினாமா
இந்த முடிவு தானாக எடுக்கப்பட்டது, சுமுகமாக அதிகாரம் கைமாறவேண்டும் என்பதற்காகத் தாமே எடுத்த முடிவு இது என முகாபே அக் கடிதத்தில் கூறியுள்ளதாக ராய்ட்டர்ஸ் செய்தி நிறுவனம் கூறுகிறது.
முகாபேவுக்கு எதிராக குற்றச்சாட்டு தீர்மானம் கொண்டுவருவதற்காக, நாடாளுமன்ற உறுப்பினர்கள் கூட்டு நாடாளுமன்றத்தில் விவாதம் தொடங்கிய நிலையில் இந்த ஆச்சரிய அறிவிப்பு வந்துள்ளது. இதனால், முகாபேவுக்கு எதிராக பாராளுமன்றத்தில் முன்னெடுக்கப்பட்ட பதவிநீக்க நடவடிக்கை இதனால் நிறுத்தப்பட்டுள்ளது.
கடந்த வாரம் ராணுவம் அதிகாரத்தை கைப்பற்றியபிறகு, பதவியில் இருந்து விலக முகாபே மறுத்தார்.
ஜிம்பாப்வே 1980-ல் சுதந்திரம் பெற்றதில் இருந்து முகாபே அதிபராக இருந்தார்.
இரு வாரங்களுக்கு முன்பு துணை அதிபர் எமர்சன் முனங்காக்வாவை முகாபே பதவி நீக்கியதில் இருந்தே அவருக்கு எதிராகப் பிரச்சினை தலையெடுத்தது.
»»  (மேலும்)

11/17/2017

தமிழ்த்தேசிய இரத்தமும் , தக்காளிச்சட்னியும்!

தமிழ்த்தேசிய இரத்தமும் , தக்காளிச்சட்னியும்! - தோழர் ஜீவமுரளி
Résultat de recherche d'images pour "சிவனேசத்துரை சந்திரகாந்தனை"L’image contient peut-être : 1 personne
நீதியரசர் கௌரவ விக்னேஸ்வரன் என்று அழைப்பதற்கும், கிழக்கின் முதலமைச்சராக இருந்த சிவனேசத்துரை சந்திரகாந்தனை , சிவனேசத்துரை சந்திரகாந்தன் என்று பெயர் சொல்லி , ஊடகங்களோ சரி, நபர்களோ சரி அழைக்க முடியாமைக்குமான காரணம்,அரசியல் பின்னணி அல்லது உளவியல் பின்னணி என்பது யாழ் மைய வாத சிந்தனைத் புலத்தில் இருந்தே வருகின்றது என்பதாகும் .

அதுவே சிவ சந்திரகாந்தனை, பிள்ளையான் என்று அழைக்க வைக்கின்றது. இன்னும் சொல்லப்போனால் சிவ.சந்திரகாந்தனை இன்றைய சூழலில் "பிள்ளையான்" என்று அழைப்பதற்குரிய காரணம் அடிப்படையிலேயே தமிழ் தேசிய பற்றுதியின் பெயரால் நடந்த அரசியல் பழிவாங்கல் தான். இன்னும் அடிப்டையான விடயம் இரண்டு பெயர்களுக்கு பின்னால் உள்ள வர்க்க உளவியல்.

மாறாக "வேட்கை" அட்டைப் படத்தில் பிள்ளையான் என்று குறிப்பிட்டு, அடைப்புக்குறிக்குள் சிவ சந்திரகாந்தன் என காட்டப்பட்டிருப்பது. யாழ்மையவாத அரசியலுக்கு எதிரான குறியீட்டு அரசியல் அறிக்கை என்றுதான் என்னால் புரிந்து கொள்ள முடிகிறது.

விடுதலை புலிகள் இயக்கத்தில் செல்லப்பெயராவும், புனை பெயராகவும் இருந்த பிள்ளையான் என்ற  சிவனேசதுரை சந்திரகாந்தன் கிழக்கில் அரசியல் கட்சி ஆரம்பித்த பின்தான் அந்தப்பெயரை துரோகத்தின் குறியீடாக , இழிவின் குறியீடாகவும் தமிழ் தேசிய அரசியல் மாற்றியமைத்தது. சிவ சந்திரகாந்தன் மீதான அரசியல் பழிவாங்கல் இப்படித்தான் ஆரம்பமாகியது. அதற்கு யாழ் மையாவாத கருத்தியல் ஒட்டு மொத்தமாக ஒப்புதல் அளித்தது என்றே சொல்லவேண்டும்.

வடக்கும் கிழக்கும் இணைய வேண்டும் என்ற விடாப்பிடியான தமிழ் தேசிய சர்வதிகாரத்துக்கு எதிராக உருவாகிய மட்டக்களப்பு தேசியம் தான் சந்திரகாந்தன் மீதான அரசியல் பழிவாங்கலை விரைவு படுத்தியது
ஜோசப் பராராஜசிங்கம்கொலை , ரவிராஜ் கொலை இதன் பொருட்டே சிவ சந்திரகாந்தன் இன்று சிறைவாசம் அனுபவிக்கின்றார் என்பது இலங்கையின் குற்றவியல் சட்டத்திற்கு உட்பட்டு நடந்திருந்தாலும் அதன் பின்னணியில் தமிழ்த் தேசியக் கூட்டமைப்பின் அரசியல் பழிவாங்கல் உள்ளது என்பதே எனது வாதம்.

அதன் நேரடி சூத்திரதாரிகளாக இரா.சம்மந்தனும் சுமந்திரனும் இருந்தார்கள் என்பதுதான் உண்மை. சிவ.சந்திரகாந்தனுக்கும் , இரா.சம்மந்தனுக்கும் நடந்த முறுகல் நிலைக்கு பின்னேதான் அது இலகுவாக சாத்தியமாகியது . அதை இலங்கையின் நீதித்துறை இந்த இருவருக்குமாக செய்து கொடுத்தது. . அதாவது தமிழ்தேசிய கூட்டமைப்பிற்காக, யாழ்மாயவாத அரசியலை இடைஞ்சல் இன்றி இனிதே செய்வதற்காக சாத்தியமாகியது .

தமிழ் தேசிய கூட்டமைப்பில் அங்கம் வகிக்கும் சுரேஷ் பிரேம்ச்சந்திரன் , செல்வம் அடைக்கலநாதன். மற்றும் டக்லஸ் தேவானந்தா இவர்களுக்கு கூட கொலைப்பின்னணி இருக்கின்றது. இருப்பினும் அவர்கள் இன்னும் குற்றவாளிகளாக இலங்கையின் குற்றவியல் சட்டத்தால் இனங்காணப்படவில்லை. காரணம் இவர்களும் தமிழ் தேசிய அரசியல் நீரோட்டத்தில் ஒத்த கருத்து உள்ளவர்களாக இருப்பதுதான்.

தமிழ் மக்கள் விடுதலைப் புலிகள்,தமிழ் கட்சி வரலாற்றிலேயே தோன்றிய முதலாவது பிராந்தியக்கட்சி என்று தோழர் சோபாசக்தி, பாரிசில் நடந்த வேட்கை நூல் அறிமுகத்தில் குறிப்பிட்டு பேசியது என்னை யோசிக்க வைத்தது. பிள்ளையானின் கட்சி பிராந்தியக்கட்சியாகவும், தமிழ் தேசிய கூட்டமைப்பை தேசியக்கட்சியாகவும் இனங்காண்பது கூட ஒரு அரசியல் பழிவாங்கல் போல என்னை உணர வைத்தது.

சிவனேசத்துரை சந்திரகாந்தனின் கொலைக்குற்ற பின்னணிக்கு அப்பால் கிழக்கு மக்களின் மீதான யாழ்மைய வாத்தின் வெறுப்பு அரசியலே இந்த பிள்ளையான் என்ற குறியீட்டை கிழக்கின் மீதான ஆதிக்கம் செலுத்துவதற்கு பாவித்து வருகின்றது. மாறாக கிழக்கு மக்களிடம், சிவனேசத்துரை சந்திரகாந்தன் என்பது , தமிழ் மக்கள் விடுதலைப் புலிகள் கட்சியின் தலைவர் என்றளவிலே தான் வினையாற்றுகின்றது.

யாழ் மையவாத அரசியலுக்கு எதிராக தொடர்ந்து உரையாடுவோம்.

நன்றி முகநூல்
»»  (மேலும்)

11/15/2017

எஸ்.எம்.கோபாலரெத்தினம் (எஸ்.எம்.ஜீ). காலமானார்

சிரேஸ்ட பத்திரிகை ஆசிரியரும் மூத்த பத்திரிகையாளருமான எஸ்.எம்.கோபாலரெத்தினம் (எஸ்.எம்.ஜீ). மட்டக்களப்பில் இன்றையத்தினம் (15.11.2017) காலை காலமானார்.
L’image contient peut-être : 1 personneமட்டக்களப்பு பூம்புகார் 4ஆம் குறுக்கு வீதியிலுள்ள அவரது வீட்டில் இறுதிக்கிரியைகள் நடைபெறவுள்ளது.
»»  (மேலும்)

37 ஆண்டுகள் தொடர்ந்து ஆட்சியில் இருந்த முகாபே ராணுவத்தின் பிடியில்

ஜிம்பாப்வேவின் அதிகாரத்தை அந்நாட்டு ராணுவம் கைப்பற்றியுள்ளது. 1980 முதல் அந்நாட்டு அதிபராக இருந்த ராபர்ட் முகாபே பாதுகாப்பாக உள்ளதாக ராணுவம் கூறியுள்ளது.
ராபர்ட் முகாபே
'' சமூக மற்றும் பொருளாதார துன்பங்களை'' உருவாக்கிய முகாபேவுக்கு நெருக்கமானவர்களை தாங்கள் இலக்கு வைத்துள்ளதாக அரசு தொலைக்காட்சியை கைப்பற்றிய பிறகு ராணுவ செய்தி தொடர்பாளர் அறிவித்தார்.
தொலைக்காட்சியில் தோன்றி அறிக்கை ஒன்றினை வாசித்த மேஜர் ஜெனரல், இது ஆட்சிக்கவிழ்ப்பு இல்லை என கூறினார். மேலும், முகாபே பாதுகாப்பாக இருப்பதாகக் கூறினார். இச்சம்பவம் ஜிம்பாப்வேவின் தலைநகரான ஹராரேவில் நடந்துள்ளது.
நகரின் வடக்கு புறநகர் பகுதியில், பயங்கர துப்பாக்கிச்சூடு மற்றும் பீரங்கிகளின் சத்தங்களும் கேட்டுள்ளன.
இது குறித்து 93 வயதான அந்நாட்டு அதிபர் ராபர்ட் முகாபேவிடம் இருந்து இதுவரை எந்த வார்த்தையும் வரவில்லை.
»»  (மேலும்)

11/13/2017

பாரிஸ் நகரில் வேட்கை நூல் வெளியீட்டில் வன்முறை. மூன்று இலங்கைத்தமிழர்கள் கைது.

பாரிஸ் நகரில் வேட்கை   நூல் வெளியீட்டில் வன்முறை. மூன்று இலங்கைத்தமிழர்கள்  கைது.
L’image contient peut-être : 2 personnes, personnes assises et intérieurL’image contient peut-être : 2 personnes, personnes assises et intérieur



பிரான்ஸ் பாரிஸ் நகரில் நேற்று ஞாயிறு மாலை இடம்பெற்ற  வேட்கை நூல் வெளியீட்டு நிகழ்வில் புகுந்த   ஒரு குழுவினர்  வன்முறையிலீடுபட்டுள்ளனர். 

 முன்னாள் போராளியும் கிழக்கு மாகாண முன்னாள் முதல்வருமான  சிவ. சந்திரகாந்தன் பிள்ளையான் எழுதிய "வேட்கை " என்னும் நூலின் வெளியீட்டு நிகழ்வு எக்ஸில் வெளியீட்டகம் சார்பில் பிரான்ஸ் நாட்டில் இடம்பெற்றபோது முன்னாள் புலிகள் என தங்களை அறிமுகப்படுத்திக்கொண்ட ஒரு குழுவினரால் மேற்படி வன்முறை நிகழ்த்தப்பட்டுள்ளது.

நிகழ்வு ஆரம்பவதற்கு முன்பே மண்டப வாசலில் வைத்து நிகழ்வில் கலந்து கொள்ள வந்தவர்களை  மிரட்டியும் தூஷண வார்த்தைகளால் திட்டியும் கொண்டிருந்த அக்குழுவினர் இறுதியில் நிகழ்வுகள்  ஆரம்பமாவதை தடுக்கும் நோக்கில் மண்டபத்துக்குள் நுழைந்து குழப்பம்விளைவித்தனர்.

இறுதியாக ஒருதொகுதி புத்தகங்களை பறித்தெடுத்து சென்ற அந்த வன்முறை குழுவினரை போலீசார் தேடிப்பிடித்து கைது செய்துள்ளதாக அறிய முடிகின்றது.

பாலமுரளி  பாலசிங்கம்,சசிகுமார் பரம்சோதி,பாலகிருஷ்ணன் கஜன் என்கின்ற மூவர் கைதாகி தடுப்புக்காவலில் வைக்கப்பட்டுள்ளனர்.

ஆனாலும் அத்தனை குழப்பங்களுக்கும் பின்னர் நூல் வெளியீட்டு நிகழ்வுகள் சிறப்பாக நடந்தேறியுள்ளன. எழுத்தாளர்கள் சோபா சக்தி, அசுரர போன்றோரின் அறிமுக விமர்சன உரைகளும்  கவிஞர் அருந்ததியின் தலைமையுரையும் நிகழ்வுகளுக்கு மெருகூட்டின.


»»  (மேலும்)

11/11/2017

மக்கள் விடுதலை முன்னணியின்  முன்னுதாரணம்

Résultat de recherche d'images pour "மக்கள் விடுதலை முன்னணியின்" மக்கள் விடுதலை முன்னணியின் பாராளுமன்ற உறுப்பினர்களின் எண்ணிக்கை மொத்தம் 06 ஆகும். பாராளுமன்ற உறுப்பினர்களின் தரப்படுத்தல் பட்டியலில் அதி சிறந்த 15 பேரின் பட்டியலில் இந்த 06 உறுப்பினர்களும் அடங்குகின்றனர். முதல் 10 உறுப்பினர்களின் பட்டியலில் 05 ம.வி.மு பாராளுமன்ற உறுப்பினர்கள் இடம்பெற்றுள்ளமை குறிப்பிடத்தக்கது.


01. தோழர் அனுர குமார திசாநாயக்க
03. தோழர் பிமல் ரத்னாயக்க
04. தோழர் சுனில் ஹந்துநெத்தி
05. தோழர் நலிந்த ஜயதிஸ்ஸ...
10. தோழர் விஜித ஹேரத்
15. தோழர் நிஹால் கலப்பத்தி


குறித்த தரப்படுத்தலானது www.manthri.lk எனும் இணையத்தளத்தினால் பாராளுமன்ற உறுப்பினர்களின் வரவு, பங்கெடுத்த விவாதங்களின் தன்மை, விவாதித்த நேரம் உள்ளிட்ட பல்வேறு விடயங்களைக் கருத்தில் கொண்டு வெளியிடப்பட்டதாகும்.


குறித்த பட்டியலில் த.தே.கூ பா உ சிவஞானம் ஸ்ரீதரன் அவர்கள் 19வது இடத்திலும், ஸ்ரீ.ல.மு.க தலைவரும் அமைச்சருமான ரவுப் ஹக்கீம் அவர்கள் 25வது இடத்திலும் உள்ளமை குறிப்பிடத்தக்கது.

»»  (மேலும்)

11/07/2017

"வேட்கை " வெளியீட்டு நிகழ்வு -பிரான்ஸ்





சிவ. சந்திரகாந்தன் (பிள்ளையான்)  எழுதிய "வேட்கை " என்னும் நூலின் வெளியீட்டு நிகழ்வு பிரான்ஸ் நாட்டின் தலைநகரான பாரிஸ் நகரில்  இடம்பெறவுள்ளது. 

இந்த  நூலினை  எக்ஸில் பதிப்பகம் வெளியிட்டுள்ளது. கடந்த காலங்களில் நிஷ்டை,யுத்தத்தின் இரண்டாம் பாகம், மட்டக்களப்பு தமிழகம், தமிழீழ புரட்டு போன்ற நூல்களை எக்ஸில்  பதிப்பகம் வெளியிட்டுள்ளமை குறிப்பிடத்தக்கதாகும்.

  எதிர்வரும் ஞாயிறு (12/11/2017) மாலை 4.30 மணிக்கு   இந்த நிகழ்வு நடைபெறவுள்ளது.
»»  (மேலும்)

உள்ளூராட்சி தேர்தல்! என்னவாகும்?-அஜீவன்

Photo de profil de Ajeevan Veer, L’image contient peut-être : 1 personne, gros planஉள்ளூராட்சி தேர்தல்! என்னவாகும்?-அஜீவன்


உள்ளூராட்சித் தேர்தலில் மகிந்தவின் தாமரை மொட்டு தனியாக களமிறங்குகிறது எனச் செய்தி வருகிறது.
அதனால் மைத்ரியின் ஶ்ரீலங்கா சுதந்திரக் கட்சி தனியாகவே போட்டியிட வேண்டிய நிலை.
கடந்த சில காலமாக மகிந்த , மைத்ரி இடையே நடந்த சமரச முயற்சிகள் தோல்வியடைந்துள்ளன. அதனால் மைத்ரியின் எண்ணங்கள் நிலை குலைந்துள்ளன.
அதேவேளை இரட்டை குடியுரிமை பிரச்சனையால் , பலர் தலையை சொறிந்து கொண்டிருக்கிறார்கள். ஏனைய கட்சிகளில் இருப்போரும் முணுமுணுக்கிறார்கள்.
19வது திருத்தச் சட்டத்தில் இரட்டைக் குடியுரிமையுள்ளோர் எவரும் அரசியலில் ஈடுபட முடியாது எனும் சட்டத்தை நல்லாட்சி கொண்டு வந்தது. அதை யாரும் பெரிது படுத்தவில்லை. இவங்க என்ன தேடியா பிடிக்கப் போறாங்க எனும் அசமந்தம். ஆனால் இனி கறுப்பு விடாது.
அண்மைய இரட்டைக் குடியுரிமையுள்ளோர் எவரும் அரசியலில் ஈடுபட முடியாது எனும் வழக்கின் தீர்ப்பினால் மகிந்த தரப்பு கீதா குமாரசிங்க பதவி இழந்துள்ளார். அதனால் மகிந்தவின் சகோதரர்களான பசில் மற்றும் கோட்டாபய ஆகியோரும் கூட அரசியலில் ஈடுபட முடியாத ஒரு நிலை ஏற்பட்டுள்ளது.
இருந்தாலும் பசில் , இனவாதமில்லா அரசியலில் ஈடுபட்டு வருகிறார். பசிலோடுதான் மகிந்த இருக்கிறார். இனவாதம் வெற்றி தராது என்பதை மகிந்த உணர்ந்துள்ளார். அமைதியாக பலர் இருந்தாலும், விசில் அடிப்பவர் குரல்தான் உச்சமாக கேட்கும். அதனால் எல்லோரும் விசலடிக்கிறார்கள் என அர்த்தமல்ல. அதுபோலத்தான் இனவாதிகளின் குரலும்!
கோட்டாபய இனவாத அரசியலை வியத்மக எனும் பெயரில் , முன்னெடுத்து அரசியல் கட்சி ஒன்றை தனித்து உருவாக்கி பலப்படுத்த முயன்றார். அவருக்கு பக்க பலமாக, வன்னியை மீட்டவர்களில் ஒருவரான கமல் குணரத்ணவும் , அவரோடு இணைந்தார். கமலின் வருகை ஆக்ரோசமாக பார்க்கப்பட்டது. ஆனால் கமல் குணரத்ண பேசிய இனவாத பேச்சை சிங்கள மக்கள் , எதிர்க்கவும் , பகிரங்கமாக விமர்சிக்கவும், தொடங்கினார்கள். இது யாரும் எதிர்பாராத ஒன்றுதான். மக்களின் எதிர்வினை விமர்சனங்களின் பின் , கோட்டாபய , அடுத்தடுத்து நடந்த வியத்மக நிகழ்ச்சிகளுக்கு போவதையே தவிர்த்து விட்டார். இதற்குள் இரட்டை குடியுரிமை பிரச்சனை வேறு வந்து தடுமாற வைத்து விட்டது.
இன்றைய நிலையில் ஶ்ரீலங்கா சுதந்திரக் கட்சியில் இருந்து பிரிந்துள்ள பிரிவுகள் , எதிர்வரும் உள்ளூராட்சி தேர்தலில் போட்டியிட்டால் , மகிந்தவின் மொட்டுக்கே வெற்றி பெற, அதிக வாய்ப்புகள் உண்டு. மகிந்த காலத்தில் , உள்ளூராட்சிகள் மகிந்தவின் ஆதரவாளர்களாகத்தான் நிறைந்து இருந்தன. எனவே அவர்களில் எத்தனை வீதம் மைத்ரிக்கு ஆதரவாக மாறுவார்கள் என இப்போதைக்கு சொல்ல முடியாது. காரணம் சிங்கள கிராம மக்களின் தலைவன் மகிந்ததான். ஶ்ரீலங்கா சுதந்திரக் கட்சி என நினைப்போர் நிலைதான் கேள்விக் குறியாக உள்ளது.
அதிபர் தேர்தலில் மைத்ரியின் , வெற்றிக்கு ஶ்ரீலங்கா சுதந்திரக் கட்சியின் வாக்குகள் கை கொடுக்கவில்லை. மைத்ரி வெல்வதற்கு , பெரும்பாலும் ஐதேக மற்றும் தமிழ் - இஸ்லாமிய - மலையக வாக்குகளே காரணமாயின.
இதுவரை காலமும் , இலங்கை அரசியலில், கட்சி தலைவராக ஆகி இருந்த ஒருவர்தான், இலங்கையின் அதிபராகி உள்ளார்கள். அப்படியில்லாமல் , முகம் தெரியாமல் இருந்த ஒருவர் , அதிபராகியது , எவரும் எதிர்பார்க்காத ஒன்றுதான். சிவனே என உட்கார்ந்திருந்த ஒருவரை, சிவனாக்கியதற்கு ஒப்பானது.
மைத்திரியை அரச நாற்காலியில் உட்கார வைத்த, பெரும்பான்மையினர் அவரது கட்சிக்காரர்கள் அல்ல. ஆனால் , பொது அபேட்சகராக வெற்றி பெற்றவர் , அனைவருக்கும் பொதுவானவராக இருந்திருக்க வேண்டும். அதிலிருந்து வழுகி , தன்னால் அநாதையான ஶ்ரீலங்கா சுதந்திரக் கட்சியை, தனது தலைமையில், கட்டி எழுப்ப வேண்டும் என செயல்பட முனையப் போய் பெரும் சிக்கலுக்குள் மாட்டிக் கொண்டார்.
அதிபர் தேர்தலில் வெற்றி பெற்ற அடுத்த நாளே, ரகசியமாக மகிந்த தரப்பில் சிலரோடு ஆலோசனை நடத்தினார். தன்னால் சிதைக்கப்பட்ட ஶ்ரீலங்கா சுதந்திரக் கட்சியை , கட்டி எழுப்பி விட்டு, பதவி துறந்து செல்ல வேண்டும் என மைத்ரி நினைக்கிறார். அதனால் அதிபர் முறையை ஒழிக்க, இப்போது அவர் விரும்பவில்லை. பலம் இருந்தால்தான் தான் நினைப்பதை நிறைவேற்ற முடியும்.
ஆனால் அவரோடு பலமானவர்கள் இருக்க வேண்டுமே? தவிர விதி விலக்காக இருப்பது மகிந்தவோடு இருக்கும் கூட்டு எதிர்க் கட்சி அணியாகும்.இங்கு நடக்கும் விடயங்கள், மகிந்தவும் , மைத்ரியும் விடாக் கண்டன் , கொடாக் கண்டன் டைப்பில் செயல்படுவதைக் காட்டுகிறது .
இந்நிலையில்தான் உள்ளூராட்சி தேர்தல் வந்து விட்டது. இங்கே எல்லோரும் எப்படி, தத் தமது தரப்புகளில் வெல்வது என வியூகங்களை வகுக்கத் தொடங்கியுள்ளனர்.
மகிந்த தரப்பு, பசிலால் எவரையும் வளைத்து போட முடியும். பசில், பேசி அல்லது பணம் கொடுத்து எவரையும் ஈர்த்துவிடுவார். மகிந்த காலத்தில், அவரால் நியமிக்கப்பட்டோரே பெரும்பாலும் உள்ளூராட்சி பதவிகளில் இருந்தார்கள். உள்ளூராட்சி மட்டுமல்ல , இலங்கையின் அனைத்து இடங்களிலும்!
இலங்கை முழுவதும் நடந்த பொருளாதார வளர்ச்சி திட்டங்கள் அனைத்துமே , பசிலின் கட்டுப்பாட்டுக்குள்ளேயே இருந்தன. அதன் பின்னால் நூலிழை போல இருந்தது கமிசன் வியாபாரம். தமது பகுதி முன்னேற்றம் அடைவதை பார்த்து , மக்கள் மகிழும் போது , அதில் ஈடுபட்டோர் கமிசன் அடித்து மகிழ்ந்தனர். எல்லோருக்கும் ஏதோ ஒரு சில வீதங்கள் கிடைத்ததில், கட்சியிலிருந்த அனைவருமே மகிழ்ந்தார்கள். அப்படி இருந்தோருக்கு இப்போது வறுமை. பசியோடு நிற்போரால், பசில் சார்பு மகிந்தவின் மொட்டு பலம் பெற வைக்கப்படும் என அதிகமானோர் நம்புகிறார்கள். தீயாக இறங்கி வேலை செய்வார்கள் என கணக்கு போடுகிறார்கள்.
ஆனால் ஶ்ரீலங்கா சுதந்திரக் கட்சியை விட்டு விலகி ,
பாராளுமன்றத்தில் இருக்கும் யாராவது , மகிந்த பக்கம் போனால் , அவர்களை கட்சியை விட்டு நீக்க மைத்ரிக்கு அதிகாரம் உண்டு. அப்படி நீக்கப்படுவோரின் , பாராளுமன்ற உறுப்பினர் பதவிகள் இல்லாமல் போகும். இது மண்டையை காய வைக்கும் விடயம்.
இங்குதான் பலர் ஆப்பிழுத்த குரங்கு நிலைக்கு ஆளாகியுள்ளார்கள். கட்சியா? தலைவனா? கொள்கையா? நியாயமா? என்பதை விரைவில் நம்மால் பார்க்க முடியும்.
இதற்குள் மொட்டில் ஒரு பிரிவினர் , பிரிந்து செல்லப் போவதாக வேறு செய்திகள் கசிந்துள்ளன. இதன் பின்னணி பதவி இழந்து விடுவோமோ அல்லது பழைய சிக்கல்களில் மாட்டி விடுவோமோ எனும் அச்சம்தான்.
இப்படியானாலும் , மகிந்த - மைத்ரி போட்டியில் அதிக இடங்களை கைப்பற்றும் வாய்ப்பு மகிந்தவுக்கே உண்டு என சொல்லலாம். காரணம் மைத்ரியோடு சேர்ந்து பதவியை தக்க வைத்துக் கொண்டு, மைத்ரிக்கு பலர் ஆப்பும் வைக்கலாம்.
பொதுவாக எதிர்வரும் உள்ளூராட்சி தேர்தலில் , சிங்களப் பகுதிகளில் ஐதேக , அதிக இடங்களைப் பெறும். காரணம் ஐதேகவின் வாக்கு வங்கி ஒரு போதும் சிதறுவதில்லை. அடுத்து ஐதேக தலைவர் , யாருக்கு வாக்களிக்கச் சொன்னாலும் , மறு பேச்சே இல்லாமல் , வாக்களிக்கும் வாக்காளர்கள் ஐதேகவிலேதான் உண்டு. அடுத்த கட்சிகளில் விவாதப்படுவார்கள். அந்த குணாம்சம் ஐதேகவில் இல்லை. இல்லாவிட்டால் மைத்ரிக்கு ஐதேக வாக்களிக்குமா?
தவிர பதவியில் உள்ள கட்சியோடு பயணித்தால்தான், இப்போது எதையாவது செய்து கொள்ள அல்லது பெற முடியும்.
இரண்டாவது இடம் அதிகமாக மகிந்தவுக்கு சாத்தியம் எனச் சொல்லப்படுகிறது. அது கூட்டு எதிர்க் கட்சியின் பாய்தலை அல்லது பாச்சலைப் பொறுத்து மாறலாம். பணமா? பதவியா? இதுதான் இப்போதைக்கு முன்னால் நிற்கும் பிரச்சனை.
கூட்டு எதிர்க் கட்சியினர் , மகிந்தவோடு நிலைத்தால் , அடுத்த போட்டி , மைத்ரி மற்றும் JVPயினதாக இருக்கும். JVP இரண்டாவது இடத்துக்கு வர முயல்கிறது. ஆனால் 3 - 4 எனும் இடங்களே JVP அல்லது மைத்ரிக்கு கிடைக்கப் போகிறது.


நன்றி முகநூல் - அஜீவன்
»»  (மேலும்)

11/06/2017

இதற்கு மேல் தடுத்து வைக்க எந்த வழியும் இல்லை




கிழக்கு மாகாண முன்னாள் முதல்வர் பிள்ளையான் எனப்படும், சிவநேசதுரை சந்திரகாந்தன் மற்றும் 6 பேருக்கு எதிராக மட்டக்களப்பு மேல் நீதிமன்றத்தில் சட்டமா அதிபரால் தாக்கல் செய்யப்பட்ட குற்றப்பத்திரிகை தொடர்பான விசாரணை திங்கட்கிழமை ஆரம்பமானது.

இலங்கையில் தமிழ் தேசிய கூட்டமைப்பு நாடாளுமன்ற உறுப்பினர் ஜோசப் பரராஜசிங்கம் படுகொலையுடன் தொடர்பு படுத்தி கிழக்கு மாகாண முன்னாள் முதலமைச்சர் பிள்ளையான் என்ற சிவநேசதுரை சந்திரகாந்தன் உட்பட ஐந்து பேர் கைதுசெய்யப்பட்டு விளக்கமறியலில் வைக்கப்பட்டுள்ளனர்.

மட்டக்களப்பு மேல் நீதிமன்றில் காலை 10.30 மணி தொடக்கம் இந்த வழக்கு மட்டுமே எடுத்துக்கொள்ளப்பட்டு விசாரணைகள் மேற்கொள்ளப்பட்டுள்ளன.

இந்த வழக்கு தொடர்பான விசாரணை நாளையும் மட்டக்களப்பு மேல் நீதிமன்றில் நடைபெறவுள்ளது.இன்றைய இந்த விசாரணையில் சட்டமா அதிபர் திணைக்களத்தில் இருந்து வருகைதந்துள்ள சட்டத்தரணிகளும் கலந்துகொண்டுள்ளனர்.

  அரசியல் பழிவாங்கலுக்காக கைது செய்து   சுமார் இரண்டு வருடங்களாக முன்னாள் முதல்வர் தடுத்து வைக்கப்பட்டுள்ளார். இதற்கு மேல் தடுத்து வைக்க எந்த வழியியும் இல்லை என்னும் நிலையில் தற்போது விசாரணைகள் ஆரம்பிக்கப்பட்டுள்ளன.
»»  (மேலும்)

11/05/2017

சுரேசை தொடர்ந்து மட்-துரைரெத்தினமும் கூட்டமைப்பிலிருந்து வெளியேற்றம்?


தமிழ்த் தேசியக் கூட்டமைப்பிலிருந்து சுரேஸ் அணி வெளியேறுவதாக அறிவித்துள்ளனர். Résultat de recherche d'images pour "தமிழ்த் தேசியக் கூட்டமைப்பிலிருந்து"
எனது தனிப்பட்ட கருத்தின் படி சுரேஸ் பிரேமச்சந்திரன் அவர்களின் செயற்பாடு நல்ல விடயம்.
இவர் கூட்டமைப்பு தேசியப் பட்டியல் கொடுக்காத போதே வெளியேறியிருக்க வேண்டியவர்.
ஆனாலும் உள்ளே இருந்து கூட்டமைப்பை உடைக்கலாம் என எதிர்பார்த்தார்.
அது நடைபெறவில்லை.
...
கடந்த இரண்டு வருட காலத்தில் சுரேஸின் செயற்பாடுகள் முற்றுமுழுதாக கூட்டமைப்புக்கு எதிராகவே அமைந்திருந்தது.
ஆனாலும் கூட்டமைப்பு அவரது கட்சியை விலக்காமல் உள்ளே வைத்து அவமானப்படுத்தியது.
அதாவது தானாக வெறியேறிப் போகவேண்டும் என்ற எதிர்பார்ப்பே கூட்டமைப்பின் தலைமைக்கு இருந்தது.
கூட்டமைப்பிலிருந்து வெளியேறிய சுரேஸ் தமிழ் மக்கள் பேரவையை தூசுதட்டி, கட்சியாக பதிவுசெய்யும் முயற்சிகளில் ஈடுபடவுள்ளதாக தெரிகிறது.
ஆனந்த சங்கரியின் சூரியனை கொண்டுவந்து பிழைப்பு நடத்தலாம் என்ற திட்டமும் உள்ளதாம்.
அடி வாங்கி நொந்து நூலாகிப் போன கஜேந்திரகுமாரின் முன்னணியையும் இணைத்துக்கொண்டு பயணிக்க நினைத்த அவரது நீண்ட நாள் கனவை நனவாக்கவுள்ளார்.
துருப்புச் சீட்டாகவுள்ள வடக்கு மாகாண முதல்வர் விக்கினேஸ்வரன் அவர்களின் நிலைப்பாடு எவ்வாறானதாக உள்ளதென்பது தெரியவில்லை.
அதே நேரம் கஜேந்திரகுமார் எந்த நேரத்தில் துரோகி பட்டம் கொடுத்து தூக்கியெறிவார் என்ற பயமும் சுரேசுக்கு இருக்கவே செய்யும்.
எது எப்படியோ..
கூட்டமைப்பின் ஆதரவாளர்களுக்கு சுரேஸின் வெளியேற்றம் எந்த விதக் கவலையுமற்றதாகவே காணப்படுகிறது.
அதேபோல தேர்தல்களில் சுரேசின் வெளியேற்றம் கூட்டமைப்புக்கு எந்தவித பாதகங்களையும் ஏற்படுத்தப்போவதில்லை.
மறுபக்கமாக கூட்டமைப்புடன் இருந்தபோதே மக்களால் நிராகரிக்கப்பட்டவர் சுரேஸ்.
வவுனியாவில் சிவசக்தி ஆனந்தன் கூட்டமைப்பின் உறுப்பினர் என்ற ஒரே காரணத்துக்காக மக்களால் ஆதரிக்கப்படுகிறார்.
இனிவரும் காலங்களில் சிவசக்தி ஆனந்தனின் அரசியல் வாழ்க்கையும் முகவரியற்றுப் போகும் என்பதே உண்மை.
அதே போல மட்டக்களப்பில் மக்களால் ஓரளவு மதிக்கப்படும் துரைரத்தினத்துக்கும் அஸ்த்தமனம் ஆரம்பித்துவிட்டதாகவே உணர முடிகிறது.

நன்றி முகநூல் *நவநீதன்
»»  (மேலும்)

10/29/2017

பிரபாகரன் மூட்டிய தீயால் கண்ட பயனென்ன? யோகேஸ்வரன் வைத்த திரி எத்தனை நாளைக்கு?

பிரபாகரன் மூட்டிய தீயால் கண்ட பயனென்ன? யோகேஸ்வரன் வைத்த திரி எத்தனை நாளைக்கு? தமிழ் இளைஞர்கள் மட்டுமல்ல முஸ்லிம்களும் பொறுமை காக்க வேண்டும்.L’image contient peut-être : ciel et plein air

"யோகேஸ்வரன் போன்ற   அரசியல்வாதிகள் தமது கையாலாகாத்தனங்களை மறைக்க இனவாதத்தை கையிலெடுக்கின்றனர்". என்று நேற்றைக்கு முன்தினம் வாழைச்சேனை "பஸ் தரிப்பிட முறுகல் நிலை" தொடர்பாக இடப்பட்ட  எனது பதிவு தொடர்பாக நான் பல்வேறு விதமான விமர்சனங்களை எதிர்கொள்ள நேர்ந்தது. எப்படியிருப்பினும் மகிழ்ச்சி.

எனது பதிவானது முஸ்லிம்களுக்கு சார்பானது என்கின்ற குற்றச்சாட்டுக்கள் கருத்தூட்டங்களிலும் உள்பெட்டி செய்திகளிலும் நிறையவே வந்தன. குறித்த பஸ்தரிப்பிடம் ( பஸ் நிலையம் அல்ல) அமைக்கப்பட வேண்டிய தேவையுள்ளது. ஆனால் அந்த இடத்தை சகோதர இன முஸ்லீம் ஆட்டோக்காரர்கள் உரிமைகொண்டாடுவது ஏற்புடையதல்ல.என்கின்ற வாதங்களும் முன்வைக்கப்படுகின்றன. சரி அப்படியே எடுத்துக்கொள்வோம்.

ஒரு   பிரதேச சபையின் ஆளுகைக்குட்பட்ட  வீதியில் ஆட்டோ வண்டிகள் நிறுத்தப்படுவதற்கு அந்த இடம் பாவிக்கப்பட்டு வந்தால், அது சட்டத்துக்கு முரணாக இருந்தால் அவர்களை அகற்றிவிட்டு புதிதாக அங்கே  பஸ் தரிப்பிடத்தை உருவாக்குவதற்கு முறையான நிர்வாக படிமுறைகள் உள்ளன.  அவற்றை ஒரு பாராளுமன்ற உறுப்பினர் தெரிந்திருக்க வில்லையா?  அப்படி முறைப்படிஏன் நடைமுறைகளை செயல்படுத்த வில்லை? அப்படி அணுகியிருந்தால் அதற்கெதிராக யார் அடாவடித்தனம் பண்ணினாலும் பிரதேச சபை சட்டரீதியாக அதை எதிர்கொண்டிருக்கும்.போலீசார் தமது (நல்லாட்சி) கடமையை செய்திருப்பார்கள்.

அதை விடுத்து இவர் பெரிய ஹீரோ போல போய் கல்லு வைப்பாராம் பின்னர் முஸ்லீம் ஆட்டோக்காரர்கள் அதை எதிர்ப்பார்களாம்? பிறகு தமிழ் இளைஞர்கள் அவர்களை எதிர்ப்பார்களாம்.பிறகு அடிபிடி வருமாம்.

பிறகு தமிழரின் பூர்வீக நிலத்தை முஸ்லிம்களிடமிருந்து காப்பாற்ற சாமி போராடுகின்றாராம்.என்னய்யா கதை விடுறீங்கள்?

வடக்கு கிழக்கின் நிலபுலங்களை இணைத்து அங்கு வாழும் மக்களனைவரையும் ஆட்சி செய்ய தனிநாட்டு அரசாங்கத்தை  உருவாக்க போராடிய ஒரு இனம் இன்று ஒரு பஸ் தரிப்பிடத்தை உருவாக்க முடியாமல் தள்ளாடுவது இழிநிலைதானே? அது யாருடைய குற்றம்? யாருடைய அரசியல் வாங்குறோட்டுத்தனம்? அதுவும் யோகேஸ்வரன் எம்பியின் தொகுதியில்? அவரது சொந்த ஊரில் ஒரு பஸ் தரிப்பிடத்தை நிறுவ முடியாத நிலையில் அவர் இருப்பது கேவலமாக இல்லையா?  இதற்கு இலங்கை சுதந்திரம் பெற்றதிலிருந்து தமிழ் மக்களின் வாக்குகளை சூறையாடி அவர்களின் பெயரால் அரசியல் செய்து வரும் தமிழரசு கட்சியும் அதன் தலைவர்களும்தானே தானே பொறுப்பு சொல்ல வேண்டும்? 

அதைத்தொடர்ந்து இன்று ஞாயிறு தினம் கிரான் சந்தையை முஸ்லிம்களுக்கு மூடிவிட்டு தமிழர்கள் தனியா வியாபாரம் செய்ய போகின்றார்களாம்.   பெரிய வெற்றியாம் கொண்டாட்டம் நடக்கின்றது. இப்படி எத்தனை தடவை கடந்த காலங்களில் இந்த கிரான்,மற்றும் களுவாஞ்சிகுடி சந்தைகளை முஸ்லிம்களுக்கு கடந்த காலங்களில் மூடினோம். ஆனால் காலத்தின் ஓட்டத்தில் அந்த தடைகளுக்கு எல்லாம் என்ன நடந்தது?

 சரி இந்த முஸ்லிம்களுக்கான தடை சில வாரங்கள் நீடித்தால் இதன் எதிரொலியாக நாளை காத்தான்குடி பட்டினத்துக்குள் தினசரி சென்று கூலி தொழில் செய்து பிழைப்பு நடாத்திவரும் பல நூறு தமிழர்களுக்கு முஸ்லிம்கள்  தடை  போட்டால் அந்த ஏழைகளின் குடும்பங்களுக்கு சோறுட்டுவது யார்?


"தம்பிமாரே இதெல்லாம் வேலைக்குதவாது"  என்று சொன்னால் "நீ  சோனிக்கு பிறந்தவன்" என்பீர்கள். மகிழ்ச்சி

ஆனால்  என்ன நடக்கும்.அதன்பிறகு ??  அடுத்த வாரம் --அடுத்த மாதம்--  மீண்டும் பேச்சுவார்த்தை, மீண்டும் சுமூகநிலை, மீண்டும் ஒருமித்த வாழ்வு. அதில்தானே வந்து முடிய வேண்டும். அதன்பின்னர் முஸ்லிம்கள் கிரான் சந்தைக்கு வரத்தான் போகின்றார்கள்.

குறிப்பு உங்கள் சிந்தனைக்கு!

பென்னம்பெரிய படைபலம் கொண்டு வடக்கை தனது கட்டுப்பாட்டில் வைத்திருந்த போது ஒரு லட்ஷம் முஸ்லிம்களை வடக்கிலிருந்து தென்னிலங்கை நோக்கி துரத்திய பிரபாகரன் இன்றில்லை. ஆனால் முஸ்லிம்கள் இன்று அங்கிருக்கின்றார்கள்.  வரலாற்றில் வென்றது யார்?  

எனவே இனவாதத்தை பரப்பி அரசியல் வியாபாரம் செய்யும் போக்கிரிகளுக்கு பின்னால் இளைஞர்கள் தயவு செய்து அணிதிரள வேண்டாம். வன்முறை வழி அழிவையே தரும் அதிலும் அதிகம் எம்மை நோக்கியே பாயும். ஓட்டப்பம் வீட்டைச்சுடும் என்று எம்முன்னோர்கள் சும்மா சொல்லவில்லை. முரண்பாடுகள் இல்லையென்பதல்ல.அனைத்துக்கும் ஒரே வழி உரையாடல் ஒன்றே.

எம்.ஆர்.ஸ்டாலின்




»»  (மேலும்)

10/27/2017

சுவிஸ் தமிழர் படுகொலை சொல்வதென்ன?

சுவிஸ் தமிழர் படுகொலை சொல்வதென்ன?
நீதியை விட, பொருளாதார தேவைகளை முன்னிறுத்தும் சுயநல சமூகம்
 *கலையரசன்

Image associéeதமிழர்களை நம்பி எந்தப் போராட்டமும் நடத்த முடியாது. நடுத்தெருவில் தவிக்க விட்டு ஓடி விடுவார்கள். அந்தளவுக்கு சுயநலவாதிகளால் நிறைந்த சமூகம்.

சுவிட்சர்லாந்தில் சில வாரங்களுக்கு முன்னர், சுவிஸ் பொலிஸ் ஒரு ஈழத் தமிழ் அகதியை சுட்டுக் கொன்றது. அது பற்றிய சர்ச்சை காரணமாக, சம்பந்தப் பட்ட போலீஸ்காரர் மீது தவறிருக்கலாம் என்ற கோணத்திலும் விசாரணை நடக்கிறது. சிலநேரம் வேலையில் இருந்து இடைநிறுத்தி இருக்கலாம்.

அந்த சம்பவத்தில் பலியான தமிழ் அகதி கையில் கத்தியுடன் குத்துவதற்கு தயாராக நின்றதாக பொலிஸ் கூறியது. ஆனால், தமக்குத் தெரிந்த வரையில் "அவர் சாந்தமான குணமுடையவர். சண்டைக்கு போகும் தன்மை கொண்டவர் அல்ல..." என்று உறவினர்கள் கூறினார்கள்.

அதே நேரம், பலியான அகதியின் மரணச் சடங்கில் கலந்து கொள்வதற்காக, சுவிஸ் அரசு, இலங்கையில் இருந்த அவரது உறவினர்களுக்கு விசா கொடுத்து வரவழைத்தது. தற்போது அந்த உறவினர்கள் தலைமறைவாகி விட்டதாக தகவல்கள் வருகின்றன. இது போன்ற காரணங்களினால், வருங்காலத்தில் பலருக்கு விசா கொடுக்க மறுப்பார்கள் என்பது உண்மை தான்.

இருப்பினும், அவர்கள் சுவிஸ் அரசுக்கு ஒரு நன்மை செய்துள்ளனர். பொலிஸ் துப்பாக்கிச் சூட்டில் கொல்லப் பட்ட அகதிக்கு நீதி கோரி, உறவினர்கள் வழக்காடி இருக்கலாம். அது சுவிஸ் அரசுக்கும் பெரியதொரு தலையிடியாக இருந்திருக்கும். ஆனால், சம்பந்தப் பட்ட உறவினருக்கு நீதியை விட, பொருளாதார தேவைகளே முக்கியமாகப் பட்டுள்ளன.

அன்று பொலிஸ் துப்பாக்கிச் சூட்டு சம்பவத்தில் கொல்லப் பட்டது, ஒரு ஆப்பிரிக்கராகவோ, அல்லது துருக்கியராகவோ இருந்திருந்தால் என்ன நடந்திருக்கும்? அங்கு பெரியதொரு கலவரம் வெடித்திருக்கும். தன்னெழுச்சியான ஆர்ப்பாட்டங்களும், கைதுகளும் தொடர்ந்திருக்கும். சுவிஸ் பொலிஸின் அளவுகடந்த வன்முறை பற்றி சர்வதேச ஊடகங்களில் விவாதிக்கப் பட்டிருக்கும். துப்பாக்கிச் சூடு நடத்திய போலீஸ்காரர் மட்டுமல்லாது, நீதி அமைச்சரும் பதில் கூற நிர்ப்பந்திக்கப் பட்டிருப்பார்கள்.
சுவிஸ் அரசின் "நல்ல காலம்", செத்தது ஒரு தமிழன்.

அதனால் எந்தப் பிரச்சினையும் வரவில்லை. தமிழராவது போராடுவதாவது? சும்மா காமெடி பண்ணாதிங்க ஸார். இப்படியானவர்களை ஒன்று சேர்த்து தமிழீழம் காணலாம் என்று நினைத்தால்.... தப்புக் கணக்கு தலைவா!

நன்றி முகநூல்
»»  (மேலும்)

10/26/2017

மரபுரிமை காத்தல்.

யாழ்ப்பாணத்தில் மிருக பலியிடலுக்கெதிரான உயர் நீதிமன்றத் தீர்ப்பு தொடர்பாக தமிழ்ச் சமூகம் உடனடியாக தனது எதிர்வினையை ஆற்றியாக வேண்டும். பௌத்த பெருந்தேசியத்தின் நிகழ்ச்சி நிரலுக்கும் இந்திய இந்துத்துவாவின் நிகழ்ச்சி நிரலுக்குள்ளுமிருந்து நாம் வெளியேறியாக வேண்டும். மிருக காருண்யம் என்பதற்கும் மரபு வழி இருப்பு என்பதற்குமிடையில் பாரிய வேறுபாடுகளுண்டு. Résultat de recherche d'images pour "மிருக பலி"


இலங்கைத் தமிழர் பண்பாட்டு மரபு ரீதியாக தனித்துவமான ஒரு இனம். இவ்வின இருப்பை இந்திய மேலாதிக்கம் இல்லாதொழித்து இந்த...ியாவின் பண்பாட்டு அடையாளங்களை எம்மீது திணிக்கும் வேலைத்திட்டங்களை தெளிவாக வெற்றிகரமாக நீண்ட நாட்களாகச் செயல்படுத்தி வருகின்றது. இதனுாடாக காலங்காலமாக சொல்லப்பட்டு வரும் தொப்புள் கொடி உறவு என்னும் மாயைக்குள் நாம் சிக்குண்டு நமக்கான அடையாளங்களை சிறிது சிறிதாக இழந்து வருகின்றோம். சிவசேனை, விநாயகர் சதுர்த்தி ஊர்வலம்,ஹோலிப்பண்டிகை என எண்ணிலடங்கா நிகழ்ச்சி நிரலுக்குள் நாம் சிக்குண்டு போயுள்ளோம்.

சிங்களப் பெருந்தேசியம், மேர்வின் சில்வா போன்றவர்களுாடாக நிறைவேற்ற முடியாமற் போன மரபழிப்பின் வடிவத்தை நாமெல்லாம் போற்றிப் புகழும் நீதிபதி ஒருவரூடாக எம்மீது எதிர்க் கேள்விகளற்று இறக்கியிருக்கிறது.


சமயங் சடங்கு என்பதற்கப்பால் இங்கு மிருக பலியிடலுக்காக வளர்க்கப்படும் மிருகங்கள் எமது பாரம்பரிய இனங்களாகும். இத்தடை மூலம் எமது மரபு வழி இனங்களும் அழிவடைந்து போய் விடும். மரபுரிமையை காப்பதும் அதனை அடுத்த சந்ததிக்குக் கடத்துவதும் இன்று எம்முன்னேயுள்ள பாரிய சவாலாகும். தமிழர் இது தொடர்பான தீவிர கலந்துரையாடல்கள் ஊடாக இதற்கான எதிர்வினையாற்றல்களை ஆரம்பிக்க வேண்டிய தருணம் இது. வழமைபோலவே இதற்காகவும் தமிழ்த் தேசிய அரசியல் (தற்போதைய) தலைமைகள் வாய் திறக்கப் போவதில்லை.
மக்கள் வீதிக்கிறங்காமல் விடிவில்லை எமக்கு.

நன்றி  *முகநூல் .Thirunavukkarasu Gopahan
»»  (மேலும்)

10/25/2017

திருப்பெருந்துறை -அது சபிக்கப்பட்ட நிலம்....

அது சபிக்கப்பட்ட நிலம்....*தோழர் திலீப்குமார்
L’image contient peut-être : plein air

திருப்பெருந்துறையில் அமைந்துள்ள குப்பை மேடு தொடர்பில் அண்மைக்காலமாக மக்கள் தொடர்ச்சியான ஆர்ப்பாட்டங்களை நடாத்தி வந்த விடயம் யாவரும் அறிந்ததே,
மட்டக்களப்பு நகரிலிருந்து 3km தொலைவில் அமைந்துள்ள இப் பிரதேசத்தில் 400க்கும் அதிகமான குடும்பங்கள் வசிக்கின்றன.
உரிய வகையில் குப்பைகள் அகற்றப்படாமையால் நீண்டகாலமாக துன்பம் அனுபவிக்கும் மக்கள் குப்பை மேட்டினை அங்கிருந்து முழுமையாக அகற்றுமாறும் கழிவுகளை வேறு இடத்திற்கு எடுத்து செல்லுமாறும் தமது கோரிக்கைகளை முன் வைத்து வருகின்றனர்.

100மில்லியன் செலவில் ஆரம்பிக்கப்பட்டதாக அறியப்படும்
இந்த திட்டம் எப்படி செயற்படுகிறதென்றால்
வவுசர் வண்டிகள் மூலம் கொண்டு செல்லப்படும் மலசலகூட கழிவுகள் திறந்த வெளியில் வீசப்படுகின்றன.
குப்பையில் இருந்து வெளியேறும் நச்சுத்தன்மை கொண்ட நீரானது சிறிய வடிகான் மூலம் மட்டு வாவியில் கலக்கின்றது,
மழைக்காலத்தில் வடிகான் நிரம்பி மக்கள் குடியிருப்பு பகுதிகளிலேயே இத்தகைய கழிவு நீர் பரவுவதாக அறிய முடிகிறது,
குடிக்க முடியாத நிலையிலேயே நிலத்தடி நீர் மாசுபட்டுக் கிடக்கிறது,
பறவைகள் இஷ்டத்திற்கு கழிவுகளை காவிக்கொண்டு பறக்கின்றன
அவை இறுதியில் வீடுகளிலும் கிணறுகளிலுமே வந்து சேரும்,
வெறும் 10 அடி இடைவெளி வீதி ஒன்று தான் மக்கள் குடியிருப்பையும்
குப்பை மேட்டையும் பிரித்து நிற்கிறது,
சகிக்க முடியாத துர்நாற்றம் வேறு...L’image contient peut-être : plein air et nature

அண்மையில் குப்பை மேடு தீப்பற்றி தொடர்ச்சியாக சில நாட்கள் எரிந்த போது முழு ஊரும் சாம்பல் மண்டிக்கிடந்தது
நான் கூட தீப்பற்றி எரிந்த குப்பை மேட்டினை பார்வையிட்டு வந்து அன்றைய இரவு முழுவதும் மூச்செடுக்க கஷ்டப்பட்டேன்.
ஆனாலும் குப்பை மேட்டின் அருகில் வாழும் குழந்தைகள் ஒவ்வொரு நாளும் அவஸ்தையான அந்த சூழலிலேயே படுத்துறங்கியிருப்பார்கள்.
கிராமசேவையாளர் அலுவலகம், பாலர் பாடசாலை போன்றவை இயங்குவதற்காய் அமைக்கப்பட்ட பொதுசனக்கட்டிடம் பொருத்தமற்ற சூழலால் கைவிடப்பட்டு பாழடைந்து கிடக்கிறது, ஊரே வெறிச்சோடிக் கிடக்க  இது திருப்பெருந்துறையின் பிரச்சினை என்று இயல்பாய் கடந்து செல்கிறோம். அங்கு வாழ்பவர்களும் எங்களை போன்ற ஜனங்கள் தானே?
மட்டுவாவியின் தூய்மையும் அழகும் கெடுவதும்
உரிய பராமரிப்பற்ற அபாயகரமான குப்பை மேடு பொதுமக்கள் குடியிருப்பின் மத்தியில் அமைந்திருப்பதும் ஒட்டு மொத்த மட்டக்களப்பின் பிரச்சினை தானே?
நாம் வாழ்வதற்கும்  எமது குழந்தைகள் நின்மதியாய் உறங்குவதற்கும் ஆரோக்கியமான சூழல் இருக்கிறது. நமது வீட்டு குப்பைகள் அகற்றப்பட்டு திருப்பெருந்துறையில் வீசப்பட்டால் போதும்  என்று கருதுவது கடைந்தெடுக்கப்பட்ட அயோக்கியத்தனமான மனோநிலை தவிர வேறொன்றுமில்லை.
அந்த மக்கள் அத்துமீறி குடியேறினார்கள் என்று சிலர் வாதிடக்கூடும்
அவர்கள் அறிந்து கொள்வதற்காகச் சொல்கிறேன்
மட்டு விமானப்படை தளத்திற்காக காணிகள் பாதுகாப்பு அமைச்சால் சுவீகரிக்கப்பட்டு 2நாட்களில் வெளியேற சொல்லி நிர்ப்பந்திக்கப்பட்ட மக்களும், வீரமுனை சிக்கல்களால் இடம்பெயர்ந்து
பின்னர் முஸ்லீம் காங்கிரஸ் அமைச்சரான
அஷ்ரப் அவர்களால் மீளக்குடியமர்த்தப்பட்டவர்களுமே
இங்கு பெரும்பான்மையாக வசிப்பவர்கள்.


இரண்டு கேள்விகள்

1.இங்கே குப்பையிலிருந்து பெருமளவில் பிரித்தெடுக்கப்படும்
பிளாஸ்டிக், காட்போட்,உலோகங்கள் உள்ளிட்ட பெறுமதியான பொருட்கள்
யாருக்கு என்ன விலைக்கு விற்பனை செய்யப்படுகிறது?
இது மூலம் பெறப்படும் வருமானம் மாநகர சபையில் கணக்கு காட்டப்படுகின்றதா?



2.செங்கலடி கொடுவாமடுவில்
பல மில்லியன் ரூபாய் செலவில் நவீன முறையில் குப்பை சேகரித்து மீள் சுழற்சி செய்யும் இடம் அமைக்கப்பட்டுள்ளது.
பல்வேறு பகுதிகளில் இருந்தும் இங்கு குப்பைகள் கொண்டு செல்லப்படும்போதும்  மட்டக்களப்பு மாநகர சபை மட்டும் ஏன் அப்படி செய்யாமல் திருப்பெருந்துறை பிரச்சினையினை நீடிக்கின்றது?


நன்றி முகநூல்
»»  (மேலும்)

10/23/2017

வைத்திய சேவை பணம்பண்ணும் தொழிலாகியதன் விளைவு

Dr v.o.g சரவணனின் மாறுபட்ட சத்திரசிகிச்சையால் கொல்லப்பட்ட சிவகுமார் லதாசிறின் பூதவுடல் மயானத்தை நோக்கியபோதும் வைத்தியசாலைக்கு முன்பாக ஆர்ப்பாட்டமும்..L’image contient peut-être : une personne ou plus, personnes debout, foule, mariage et plein air
பிரசவத்திற்காக மட்டக்களப்பு பிரபல தனியார் வைத்தியசாலையில் அனுமதிக்கப்பட்ட பெண் சடலமாக திரும்பினார் ,வைத்தியசாலைக்கு முன்பாக போராட்டம்..!
தாய்மையடையும் பெண்கள் பல்வேறு கனவுகளுடன் வைத்தியசாலைகளுக்கு பிரசவத்திற்காக செல்கின்றனர். வைத்தியசாலையில் இடம்பெறும் அசமந்த போக்குகள் அந்த கனவினையே கலைத்து விடுகின்றது.
அவ்வாறான சம்பவம் ஒன்று மட்டக்களப்பில் பதிவாகியுள்ளது. மட்டக்களப்பில் உள்ள பிரபல தனியார் வைத்தியசாலையில் பிரசவத்திற்காக அனுமதிக்கப்பட்ட பெண் சடலமாக வீட்டுக்கு கொண்டு செல்லப்பட்டுள்ளார்.
இதற்கு எதிராகவும் வைத்திய சேவையினை முறையாக முன்னெடுக்க வேண்டும் எனவும் வலியுறுத்தி உயிரிழந்த பெண்ணின் சடலத்துடன் விசித்திரமான முறையில் கவன ஈர்ப்பு போராட்டம் ஒன்று இன்று காலை முன்னெடுக்கப்பட்டது.
கறுப்பு துணியை அணிந்தவாறு சடலம் ஊர்வலமாக கொண்டு வரப்பட்டு, குறித்த பெண் உயிரிழந்த வைத்தியசாலைக்கு முன்பாக போராட்டம் நடாத்தப்பட்டதை தொடர்ந்து, சடலம் ஊர்வலமாக கள்ளியங்காடு பொதுமயானத்திற்கு கொண்டு செல்லப்பட்டது.
மட்டக்களப்பு பொலிஸ் பிரிவுக்குட்பட்ட கூழாவடி நான்காம் குறுக்கு வீதியை சேர்ந்த 45 வயதுடைய திருமதி லதாசிறி சிவகுமார் என்னும் பெண் பிரசவத்திற்காக மட்டக்களப்பின் பிரபல தனியார் வைத்தியசாலையில் அனுமதிக்கப்பட்டுள்ளார்.
இவரை பிரபல மகப்பேற்று வைத்திய நிபுணர் ஒருவர் பரிசோதனை செய்து பின்னர் சத்திரசிகிச்சை செய்ய வேண்டும் எனக்கூறியுள்ளார். பின்னர் அப்பெண் சத்திர சிகிச்சை மூலம் குழந்தையினை பிரசவித்துள்ளார்.
பிரசவத்தின் பின்னர் வைத்தியசாலையின் அறையொன்றுக்குள் தாயும் சேயும் அனுமதிக்கப்பட்ட சில மணித்தியாலங்களின் பின்னர், குறித்த தாயின் உடம்பில் மாற்றங்கள் ஏற்பட்டுள்ளது.
இதனையடுத்து அது தொடர்பில் வைத்தியசாலையில் அறிவிக்கப்பட்டும் முறையான நடவடிக்கைகள் முன்னெடுக்கப்படவில்லையென உறவினர்கள் தெரிவித்தனர்.
அங்கு கடமையில் இருந்த வைத்தியர்களும் தாதியர்களும் குறித்த பெண் தொடர்பில் முறையான நடவடிக்கையெடுக்கப்படவில்லையென உறவினர்கள் தெரிவிக்கின்றனர்.
அத்துடன் சத்திர சிகிச்சை செய்யும்போது ஆபத்து ஏற்பட்டால் அதற்கான தீவிர சிகிச்சைகளை செய்வதற்கான உரிய வசதிகள் அந்த தனியார் வைத்தியசாலையில் காணப்படவில்லையெனவும் உறவினர்கள் தெரிவித்தனர்.
சாதாரணமாக கதைத்துக் கொண்டிருந்த குறித்த தாய் திடீரென மூச்சு திணறல் ஏற்பட்டபோது அங்கிருந்த தாதியரினால் சுவாச நோய் என்று கூறப்பட்டு, மருத்துவ உதவிகள் வழங்கப்பட்டதாகவும் அதுவரையில் எந்த வைத்தியரும் வரவில்லையெனவும் உறவினர்கள் தெரிவித்தனர்.
மூச்சுத்திணறல் அதிகரித்தபோதே வைத்தியர் வந்து பரிசோதித்துவிட்டு பரபரப்பான முறையில் மருத்துவம் வழங்கிய நிலையில், அங்கு வந்த மகப்பேற்று வைத்திய நிபுணர் மாரடைப்பு ஏற்பட்டுள்ளதாகவும் மட்டக்களப்பு போதனா வைத்தியசாலைக்கு கொண்டு செல்லுமாறும் கூறியுள்ளார்.
குறித்த பெண் அதிகாலை 2.45க்கு மிகமோசமான நிலைக்கு சென்ற நிலையில் அவரை மட்டக்களப்பு போதனா வைத்தியசாலைக்கு உடனடியாக கொண்டு செல்லுமாறு மகப்பேற்று வைத்திய நிபுணரால் பணிக்கப்பட்ட நிலையில் அதிகாலை 4.30 மணிக்கு பின்னரே அம்பியுலன்ஸ் கொண்டு வரப்பட்டு குறித்த பெண் மட்டக்களப்பு போதனா வைத்தியசாலைக்கு மாற்றப்பட்டதாக உறவினர்கள் தெரிவித்தனர்.
ஆனால் மட்டக்களப்பு போதனா வைத்தியசாலையில் மேற்கொள்ளப்பட்ட சிகிச்சையின்போது அது மாரடைப்பினால் ஏற்படவில்லை. குழந்தை பிரசவத்திற்காக மேற்கொள்ளப்பட்ட சத்திர சிகிச்சையின்போது ஏற்பட்ட தவறு காரணமாக இரத்த குழாய் ஒன்றில் ஏற்பட்ட இரத்தக் கசிவே காரணம் என கண்டறியப்பட்டதாகவும் அது தொடர்பில் தமக்கு தெரிவிக்கப்பட்டதாகவும் உறவினர்கள் தெரிவித்தனர்.
குறித்த பெண்ணின் மரணத்தில் தங்களுக்கு பலத்த சந்தேகம் நிலவுவதாகவும் குறித்த பெண்ணை தாங்கள் பிரேத பரிசோதனைகளை மேற்கொள்ளுமாறு கூறியபோது பல தடைகள் ஏற்படுத்தப்பட்டதாகவும் பல தடைகளுக்கு மத்தியில் நீதிமன்றில் அனுமதி பெற்று குருநாகல் போதனா வைத்தியசாலைக்கு கொண்டு சென்று பிரேத பரிசோதனைகளை மேற்கொண்டதாக உயிரிழந்தவரின் கணவரான சிவகுமார் தெரிவித்தார்.
இது போன்ற சம்பங்கள் இனிவரும் காலங்களில் யாருக்கும் நடக்ககூடாது என்பதற்காக சட்ட நடவடிக்கைகளை முன்னெடுக்கவுள்ளதாகவும் அவர் தெரிவித்தார். 
»»  (மேலும்)