உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

9/21/2017

இராவண தேசம் அறிமுக விழா

Aucun texte alternatif disponible.
இராவண தேசம் அறிமுக விழா
==========================
மட்/ மாநகர சபையின் அனுசரணையுடன் மகுடம் கலை இலக்கிய வட்டம் நடாத்தும் பெளர்ணமி கலை நிகழ்வின் பத்தொன்பதாவது நிகழ்வாக ஆய்வாளரும், பிரபல ஊடகவிபலாளருமான திருமலை நவம் எழுதிய இராவண தேசம் ஆய்வு நூலின் அறிமுக விழா எதிர்வரும் 23-09-2017 சனிக்கிழமை மாலை 4.15 மணிக்கு மட்/பொது நூலக கேட்போர் கூடத்தில் பேராசிரியர் சி.மெளனகுரு தலைமையில் நடைபெறவுள்ளது.

பாடும்மீன்... இணைபத்தள ஆசிரியர் சிவம் பாக்கியநாதனின் வரவேற்புரையுடன் ஆரம்பமாகும் இந் நிகழ்வின் பிரதம அதிதியாக கிழக்குப் பல்கலைக்கழக கலை கலாசார பீட பீடாதிபதி திரு.மு.ரவி கலந்து சிறப்பிக்கவுள்ளார்.

நூலின் முதற்பிரதியை மட்/ தமிழ்ச்சங்க பொருளாளரும் இலக்கிய ஆர்வலருமான புரவலர் வி. றஞ்சித மூர்த்தி பெற்றுக் கொள்ள நூல் வெளியீட்டுரையை மகுடம் வி.மைக்கல் கொலினும் நூல் அறிமுகவுரையை கிழக்குப் பல்கலைக்கழக சுவாமி விபுலானந்தா இசை நடனக் கல்லூரி விரிவுரையாளர் கலாநிதி சு.சிவரெத்தினமும் ஆற்றவுள்ளனர்.

கவிஞர் கதிரவன் த.இன்பராசா தொகுத்து வழங்கவுள்ள இந் நிகழ்வில் நன்றியையும் ஏற்புரையையும் திருமலை நவம் நிகழ்த்துவார்.
»»  (மேலும்)

9/20/2017

வரும் ஆனா வராது

L’image contient peut-être : 1 personne வரும் ஆனா வராது
»»  (மேலும்)

9/17/2017

"கேரள டயரீஸ்" நூல் வெளியீட்டு நிகழ்வு- மட்டக்களப்பு

அருளினியன் எழுதிய "கேரள டயரீஸ்" நூல் வெளியீட்டு நிகழ்வு மட்டக்களப்பில் இடம்பெறவுள்ளது. Aucun texte alternatif disponible.Aucun texte alternatif disponible.
நாளை ஞாயிறு (17-09-2017) மாலை 4.00 மணிக்கு  மட்டக்களப்பு பொதுநூல் நிலைய கேட்போர் கூடத்தில்  நடைபெறவுள்ள இந்நிகழ்வில் எழுத்தாளர் அருளினியனும் கலந்துகொள்ளவுள்ளார்.  
இந்நிகழ்வை மட்டக்களப்பு "பெரியார் வாசகர் வட்டத்தினர்" முன்நின்று நடாத்துகின்றர்.  
»»  (மேலும்)

9/14/2017

மதுரங்கேணி குளம் அ.த,க பாடசாலைக்கு போட்டோ பிரதி இயந்திரம்

L’image contient peut-être : 7 personnes, personnes debout et intérieurகிழக்கு மாகாண சபை உறுப்பினர் கௌரவ நா.திரவியம்[ஜெயம் அண்ணன் ]

அவர்களின் நிதி ஒதுக்கீட்டில் அதிகஸ்ர பிரதேச பாடசாலையான மட்/ககு/வாகரை/மதுரங்கேணி குளம் அ.த,க பாடசாலைக்கு போட்டோ பிரதி இயந்திரம் வழங்கப்பட்டுள்ளதுடன் மேலும் பல உதவிகளை பாடசாலைக்கு செய்து தருவதற்கு திட்டமிட்டுள்ளாதாகவும் குறிப்பிட்டுள்ளார். 
»»  (மேலும்)

அரசியலமைப்பின் இருபதாவது திருத்தம் -சிறு விளக்கம்

அரசியலமைப்பின் இருபதாவது திருத்தம் -சிறு விளக்கம் Résultat de recherche d'images pour "20 "

அதுவென்ன இருபதாவது திருத்தம்? ஏற்கனவே உள்ள அரசியலமைப்பின் படி (மாகாணசபைகள் உருவாக்கப்படுவதற்காக ஏற்படுத்தப்பட்ட அதாவது 13 திருத்தத்தின் படி) மாகாண சபைகளுக்காக தேர்தல்பற்றிய விபரங்கள் 154 ஈ என்னும் பிரிவில் விபரமாக உள்ளன . தற்போது உருவாக்கப்படுகின்ற இருபதாவது திருத்தம் இந்த 154 ஈ என்னும் பிரிவில் மாற்றத்தை கொண்டு வருகின்றது.அதாவது தேர்தல் முறைகளில் மாற்றத்தை கொண்டு வருகின்றது.

அதன்படி 154 ஈ ஈ என்னும் புதிய உப சரத்து இணைக்கப்படுகின்றது.
இதுதான் இருபதாவது திருத்தம் என அழைக்கப்படுகின்றது. அதன்படி அந்த திருத்தமானது மாகாண சபைகளுக்கான தேர்தல்களை பின்போடுவதற்கான அதிகாரத்தை பாராளுமன்றத்துக்கு வழங்குகின்றது. இது மாகாண சபை முறைமையின் இறைமையை கேள்விக்குட்படுத்துவதோடு அதிகாரங்களை பாராளுமன்றத்துக்கு தாரை வார்க்கின்றது.

அந்த திருத்தம் என்னவென்றால் எல்லா மாகாண சபைகளுக்கும் ஒரே நேரத்தில் தேர்தல் வைக்கப்பட வேண்டும் என்றும்  அதற்காக ஏலவே ஆட்சிக்காலம் முடிகின்ற தறுவாயிலுள்ள சபைகள் ஏனைய சபைகளின் ஆட்சிக்காலம் முடியும் வரை தேர்தலின்றி நீடிக்கப்படவேண்டும் எனவும் கூறுகின்றது. அதற்கான அதிகாரத்தை பாராளுமன்றத்துக்கு இந்த திருத்தம் வழங்குகின்றது. ஆனால் இறுதியாக ஆட்சிக்காலம்  முடிகின்ற சபையின் ஆயுளுக்கு பின்னரான திகதிக்கு இந்த எல்லா சபைகளுக்குமான தேர்தலுக்கான நீடிப்பை பாராளுமன்றம் செய்ய முடியாது.

அதேபோன்று 154 உ என்கின்ற பிரிவில் மிக ஆபத்தான சரத்து ஒன்று புகுத்தப்பட்டுள்ளது. 154 உ என்கின்ற இந்த பிரிவில் புகுத்தப்படும் 154 உ உ என்கின்ற சரத்து கீழ்வருமாறு சொல்லுகின்றது. (உ+ம் அதாவது அவசர அல்லது திடீர்,மற்றும் ஊழல் காரணங்களால் ஜனாதிபதி மாகாண சபைகளை கலைக்கின்ற வேளைகளில் )  சட்டத்தின் படி(154ஆ /8/உ) குறித்துரைக்கப்பட்ட காரணங்களால்  மாகாண சபைகள் இடைநடுவில் கலைக்கப்பட்டு நேர்ந்தால் இடைத்தேர்தல் நடத்தப்படுவதற்கான வாய்ப்புக்களை இந்த திருத்தம் தடுக்கின்றது. அதாவது ஏனைய அனைத்து மாகாண சபைகளின் ஆயுள் காலம் முடிந்து எல்லா சபைகளுக்குமான பொதுவான தேர்தல் வரும்வரை அந்த மாகாண சபையின் அதிகாரங்களை செயற்படுத்தல் சம்பந்தமாக பாராளுமன்றத்துக்கு முழு அதிகாரத்தை இந்த திருத்தம் வழங்குகின்றது.

இது போன்ற வேளைகளில்  மாகாண சபைகளின் அதிகாரங்கள் பாராளுமன்றத்துக்கு தாரை வார்க்கப்படுகின்றது. அதாவது மாகாணசபைகளுக்குரிய அதிகாரப்பட்டியல்,இணைப்பு அதிகாரப்பட்டியல்,மத்திய அரசுக்கான அதிகாரப்பட்டியல்  என்கின்ற வேறுபாடின்றி அனைத்து அதிகாரங்களிலும் இந்த இடைக்காலத்தில் மத்திய அரசாங்கம் தலையிட்டு செயல்பட கூடியதாக இந்த திருத்தங்கள் அமைந்துள்ளன. அதன்படி 154 ஒள,154 க போன்ற பிரிவுகளில் மாகாண சபைகளுக்கு வழங்கப்பட்டுள்ள அதிகாரங்களில் திருத்தங்கள் செய்யப்படுகின்றது.

எல்லாவற்றுக்கும் மேலாக தமிழ் சிங்களம் என்பன அரச கருமை மொழியாக இருக்கின்ற நாட்டில் இந்த இருபதாவது சட்ட திருத்தத்தில் தமிழில் உருவாக்கப்படப்போகின்ற யாப்பில் ஏதாவது சட்ட பிரச்சனைகள் உருவாகின்ற  போது பொது மொழியான ஆங்கிலம் அன்றி சிங்கள மொழியின் பிரதியே உத்தியோக பூர்வமானதாக நீதிமன்றத்தால் கொள்ளப்பட வேண்டும். என்பதையும் இருபதாவது திருத்தத்தின் 5வது பிரிவு கூறுகின்றது.





           
 
»»  (மேலும்)

9/13/2017

திண்டுக்கல்லில் சிலோன் டீ (Ceylon Tea)

திண்டுக்கல்லில் சிலோன் டீ (Ceylon Tea) 

அரசியல் பணிகளும், கட்சிப்பணிகளும், பாராளுமன்ற பணிகளும என நாளொன்று நாற்பத்திரண்டு மணித்தியாலங்களாக இருந்தால் என்ன என ஏங்கிக்கொண்டிருக்கும் இந்த நாட்களில் மலையகக் கலை, இலக்கிய பண்பாட்டு வடிவங்களினை ஆய்வரங்கமாக இடம்பெற்ற பன்னாட்டு கருத்தரங்கத்தில் பங்குகொள்ள தமிழ்நாடு, திண்டுக்கல், காந்திகிராம கிராமிய பல்கலைக்கழகத்திற்கு மலைநாட்டு எழுத்தாளர் மன்ற செயற்குழு உறுப்பினராக சென்றிருந்தேன்.
இரண்டுநாள் அமர்வுகளில் ஒன்றாக 'மலையகக் கவிதை இலக்கியச் செல்நெறி' என்ற கட்டுரையையும் , நிறைவாக நன்றியுரையையும் வழங்கிவிட்டு தங்கியிருந்த பல்கலைக்கழக விருந்தினர் விடுதிக்குள் நுழைந்தபோது ஆய்வரங்கில் கலந்துகொண்ட முனைவர் பட்டத்திற்கான ஆய்வு மாணவர்கள் தனியான சந்திப்பு ஒன்றை செய்ய நேரம் ஒதுக்க முடியுமா என கேட்டார்கள்.

'மலையகத் தமிழர்கள் பற்றிய கருத்தரங்கு இரண்டுநாள்.. நடைபெற்றது.. இன்னுமே எங்களுக்கு சரியான புரிதல் வரவில்லை சார். இலக்கியங்களுக்கு அப்பால் இந்த வரலாற்றை சுருக்கமாக சொல்லமுடியுமா? ஈழத்தமிழர்களில் இருந்து இவர்கள் எவ்வாறு வேறுபடுகிறார்கள்' என முனைவர் பட்ட மேலாய்வு மாணவரான பிரபுராம் முன்வைத்த கேள்வியுடன் உரையாடல் உடனே ஆரம்பமாகியது.

200 வருடத்திற்கு முன்பு தமிழ் நாட்டில் இருந்து சென்ற மக்கள் என்பதில் தெளிவு பெற்றிருந்த மாணவர்கள் தமிழகத்தில் வாழும் ஈழ அகதிகளுக்கும் ஸ்ரீமா சாஸ்திரி (1964) ஒப்பந்தத்தின் கீழ் தமிழகம் (தாயகம்) திரும்பியோருக்கும் இடையில் வேறுபாட்டை புரிந்துகொள்ள சிரமப்பட்டார்கள். ஸ்ரீமா - சாஸ்திரி ஒப்பந்தம் இலங்கையிலேயே அவர்களுக்கு இந்திய கடவுச்சீட்டு வழங்கி இந்தியாவினால் ஏற்றுக்கொள்ளப்பட்ட இந்தியத் தமிழர்கள். அவர்களில் பெரும்பாலானவர்கள் தமிழகத்தின் நீலகிரி மாவட்டத்திலும் தமிழகமெங்கும் சிறுஅளவில் ஆந்திரா, கேரளா, அந்தமான் தீவுகளிலும் கூட சிலோன் காலனிகளில் வாழ்கிறார்கள் என்றேன். என்னுடைய கட்டுரைத்தொடரான 'தமிழ்நாட்டின் சிலோன்காரர்கள்' பற்றியும் கூட சொன்னேன்.

உரையாடலை இடையிடையே கேட்டுக்கொண்டிருந்த விருந்தக உதவியாளர் அர்ஜுன்: 'சார்... இங்கே பின்னாடி ஒரு சிலோன் காலனி இருக்குதுசார்... அங்ககூட சிலோன்காரவுங்கதான் இருக்காங்க. என் வீட்டுல கொத்தனாரு வேல பார்க்குற சகாதேவன்னு ஒருத்தர் அங்கதான் குடியிருக்காரு' என்றார்.
ஆய்வு மாணவரான செல்வம். ஆமா.. நான் கூட கேள்விபட்டிருக்கேன் காலையில் ஒரு ரவுன்ட போய் பார்க்கலாமா சார்.. என்றார்.
இன்று காலை கூட இந்த பல்கலைகழக எல்லை முடியும்வரை நடைப்பயிற்சிக்காக சென்று வந்தேன். ஒன்றும் ஆட்சேபனை இல்லை. விடிந்ததும் சந்திக்கலாம் என இரவு 12 மணியளவில் வணக்கம் கூறி விடைபெற்றுக்கொண்டோம். பிரபுராம், கிறிஸ்தோபர், செல்வம் எனும் ஆர்வம் மிக்க ஆய்வு மாணவர்கள் இப்போது நண்பர்களாகியிருந்தார்கள்.
காலை 6.30 அறைக்கு வெளியே உரையாடல் சத்தம் கேட்டது. மாணவ நண்பர்கள் வந்துவிட்டதை உணர்ந்த நான் உடன் தங்கியிருந்த தெளிவத்தை ஜோசப் ஐயாவுக்கு காப்பி ஒன்றை கொடுக்குமாறு உதவியாளரிடம் சொல்லிவிட்டு உடற்பயிற்சிக்குரிய உடையுடன் கிளம்பிவிட்டேன்.

முதல் நாள் நான் உடற்பயிற்சியாக நடைபயிற்சி செய்த அதே வழி. முதல் நாள் நடக்கும்போது தோழர் மு.சி கந்தையா (கண்டி - கூடலூர்), அவரது நண்பர், பூபாலன் (தலவாக்கலை - மேட்டுப்பாளையம்), சுதர்சன் (தஞ்சாவூர் பல்கலைக்கழக ஆய்வு மாணவர் - யாழ்.பல்கலை), பொ.சந்திரசேரகன் (தஞ்சாவூர் பல்கலைக்கழக ஆய்வு மாணவர்- யாழ்.பல்கலை), ஆகியோருடன் உரையாடிச்சென்ற அதே வழி.. இப்போது இந்திய நண்பர்களுடன் உரையாடிக்கொண்டு சென்றேன்.

காலையில் சிவா என்னும் முன்னாள் மாணவரும் இணைந்துகொண்டிருந்தார். இப்போது மதுரையில் கல்லூரி உதவி பேராசிரியராக பணியாற்றுகிறார். வலதுகையில் கைப்பெசியை கவனமாக பிடித்து நடந்தார். 'என்ன நான் பேசுதை கைப்பேசியில் பதிவு செய்தகொள்கிறீர்களா என்றேன்'. 'இல்ல சும்மாதான்... ஒரு தேவைக்கு பயன்படுமேனுதான்' என்று பதட்டமானார். 'நான் சந்தேகப்படவில்லை. அவதானித்தேன். அவ்வளவுதான். இதில் ஒன்றும் ரகசியமில்லை. சொல்லவேண்டியவைதான்' என தோளில் தட்டினேன்.. தொடர்ந்து நடந்தோம்.
அவர்கள் துணையுடன் ஒரு கேட் வழியாக பல்கலைக்கழக வளாகத்திற்கு வெளியே வந்தோம். அருகில் ஒரு குடியிருப்புக்கு போகும் வழி. ஓரு 'ஸ்கூட்டி' எங்களைக் கடந்து சென்றது. ஒரு சிறுமியிடம் சகாதேவன்னு ஒருத்தர் இங்கே இருக்காரா என்று கேட்டார்கள் நண்பர்கள். 'இதோ இப்போ வண்டியில போனாரே' என சிறுமி கையைக்காட்டினார். எங்களைக்கடந்து சென்ற ஸ்கூட்டியில் இருந்து இறங்கியவர்க்கு கையசைத்த நண்பர்கள் 'உங்களைத்தான் பார்க்க வருகிறோம்' என்றார்கள்.
அது ஒரு ஆலய முன்றல். பேச்சுகொடுத்தோம். 'சார் சிலோன்ல இருந்து வந்திருக்காரு. நீங்க சிலோன்னு கேள்விப்பட்டோம். அதான் பார்த்து பேசிட்டு போகலாம்னு...' செல்வம் ஆரம்பித்தார். சகாதேவன் முகத்தில் ஒரு மகிழ்ச்சி.
'சிலோன்ல நீங்க எந்த ஊர்' என்றேன்.
ராகலை, பனியகணக்கு என்றார் சகாதேவன். நான் எதிர்பார்த்தது.
'எனது தொகுதி மக்கள்' என்றேன். மாணவ நண்பர்கள் எதிர்பார்க்கவில்லை.
'எத்தனையாம் ஆண்டு வந்தீர்கள்'
'1986 ங்க... அப்போ எனக்கு 9 வயசு இருக்கும்'
'என்ன தொழில் செய்கிறீர்கள்......?'
'கொத்தனாருங்க... இந்த கோயிலு கூட நான்தான் கட்டினேன்'
ஆதாரமாக நின்றது அந்த சிறிய அம்மன் கோவில்.
எங்களை அவதானித்த இன்னமொருவர் வந்தார்.
உங்கள் பெயர் என்ன ?
சுப்பிரமணியம். மணினு கூப்பிடுவாங்க. இரத்தினபுரி மாவில தோட்டத்துல இருந்து வந்தோம்.
இடையிலேய சிங்களத்தில் இரண்டு கேள்விகளைக் கேட்டேன். தமிழிலில் சரியாக பதில் சொன்னார்கள். தங்களுக்கு பேசுவது புரிகிறது. ஆனால் பேசமுடியவில்லை. தன்னுடைய தங்கச்சிக்கு சிங்களம் பேசமுடியும் என்றார் சுப்பிரமணியம்.
உரையாடல் இடையே இன்னுமொருவர் வந்தார்.
என் பேரு லட்சுமணன் என்றார். ராமர் எங்கே என்றேன். ...அப்பாவியாக சிரித்தவர்.. 'அவரு அண்ணன்.. வெளியில போயிருக்கிறார்"


என்றார். எந்த தோட்டம் என்றேன். லிந்துலை 'ரென்டரை கிளாஸ்' என்றார்.
St.Regulars Estate எனும் ஆங்கிலப்பெயர் மக்கள் மொழியில் 'ரெண்டரை கிளாஸ்' என்று நண்பர்களுக்கு விளக்கினேன்.
எங்கள் உரையாடலை அவதானித்த மாணவ நண்பர்கள் ஆச்சரியமாக ஒருவரை ஒருவர் பார்த்துக்கொண்டார்கள்.
என்ன ஆச்சரியப்படுகிறீர்கள் என்றேன்? நேற்று இரவு நீங்கள் கூறிய வரலாற்றின் வாழும் சாட்சிகளாக இவர்கள் இருக்கிறார்களே என்றார்கள்.
ஆமாம் உங்கள் பல்கலைக்கழக வேலிக்கு அருகில் என்றேன்.
'நாம இங்கிருந்துதான் ஆய்வுப்படிப்பையே தொடர்ந்திருக்கனும் செல்வம்' – பிரபுராம்.
'ஆமாப்பா எனக்கு இவுங்க சிலோன்காரவுங்கனு தெரியும். ஆனால், அகதிகள்னு நெனச்சிட்டேன்'... ச்சே..மனசுக்கு வருத்தமா இருக்குப்பா' – செல்வம்.
உணர்ச்சிமிக்க உரையாடல்.
தெளிவத்தை காலை உணவுக்காக காத்திருப்பதாக இரவு எங்களோடு வந்த, இப்போது பணி நிமித்தமாக வர முடியாமல் பொன். கிறிஸ்தோபர் அழைப்பில் வந்து சொன்னார.
புறப்பட தீர்மானித்தோம். புகைப்படம் எடுத்துக்கொண்டோம்.
இவ்வளவு தூரம் வந்துட்டீங்க... கட்டாயம் டீ சாப்பிட்டுத்தான் போகனும்... லட்சமணன் வேண்டுகோள் வைத்தார். நிறைவேற்றுங்கள் என அவர் வீட்டு வாசலில் நின்றோம்.
சுவையான தேநீர். பிஸ்கட். சுவைத்துக்கொண்டே...
உங்களை எங்கேயோ பார்த்திருக்கிறேனே என்று சுப்பிரமணியத்தைப் பார்த்து கேட்டார் ஆய்வு மாணவர் செல்வம்.
அட... உங்க எல்லாரையும் எனக்கு தெரியுமே.. நான் கெஸ்ட்டு கெண்டீன்ல டீ மாஸ்டரா இருக்கேன்.
அட... ஆமா. சார் நீங்க தங்கியிருக்கிற கெஸ்ட் ஹவுஸ் பக்கத்துல இருக்குதே கெண்டீன்... அதுலதான் இவரு வேலை செய்றாரு. .. இவரு போட்ட டீயதான் நீங்க இரண்டு நாளா குடிச்சிருக்கீங்க... என்றார். செல்வம்.
நான் பருகிக்கொண்டிருந்த தேநீரில் பாசம் கலந்து இன்னும் சுவையானது...
உலகம் முழுவதும் Ceylon Tea.

திண்டுக்கல்லில் சிலோன் காலனி டீ..... சிலோன் காரனின் டீ..... இந்த சிலோனர்காரனுக்கு டீ------

இலங்கையில் தமக்கு தெரிந்த அத்தனை தொடர்பு முகவரிகளையும் அவர்கள் சொல்லச் சொல்ல .. சிவா இப்போது ஏட்டில் பதிவு செய்தார். அவர் கைப்பேசி இப்போது படமெடுக்கப் போய்விட்டது.
பிரிய மனமில்லாமல் விடைபெற்றோம்.
முதல் இரண்டு நாளும்... என்னை சார்;.... சார்... என அழைத்த ஆய்வு மாணவர்கள் மதியம் விடைபெறும் வரை என்னுடன் தோழர்.. தோழர் என நெருக்கமாக வலம் வந்தார்கள்.
இந்த தோழமையை என் அண்ணன்கள்.. சகாதேவன்.. லட்சமணன்.. சுப்பிரமணியத்திடம் இனி காட்டுவார்கள் என்ற நம்பிக்கையோடு திண்டுகல்லில் இருந்து விடைபெற்றோம்....
மலையகம் பற்றி தெரிந்து கொள்ள... தமிழக உறவுகள் வெகுதூரம் செல்லத் தேவையில்லை. தங்களது வேலிகளுக்கு வெளியே வந்தால் போதுமானது...
தாயகம் திரும்பிய மலையகத் தமிழர்கள் சிலோன்காரர்கள் இல்லை.. நம்மவர்கள் என நாலு மாணவ நண்பர்களும் நாளை ஆய்வைத் தொடங்குவார்கள் என நம்புவோமாக...


நன்றி  முகநூல்-மல்லிகைப்பூ சந்தி திலகர்
»»  (மேலும்)

9/11/2017

"வேட்கை" நூல் அறிமுகம் - தோழர் அசுரா (வடு)

‘நேர்பட உரைத்தல்’   

சமூகம், மக்கள், தேசம் போன்றவைகள்மீதான உணர்வுபூர்வமான அக்கறையும் நேசமும், தத்துவங்களாக, அனுபவங்களாக, தகவல்களாக என பல்வேறு பதிவுகளாக வெளிவருவதற்கு காரணமாக சிறைச்சாலையும் பிரதான பங்குவகித்து வருவதை வரலாற்று வெளிச்சத்தில் நாம் காணக்கூடியதாக இருக்கிறது. கிரேக்க சிந்தனையாளரான சாக்ரட்டீசில் இருந்து அந்தோனியோ கிராம்சி, தஸ்தாயெவ்ஸ்கி, என உலகில் மானுடத்தை, சமூகத்தை நேசித்த சிந்தனையாளர்களை சிறையில் அடைத்தார்கள்! ஆனால் சிறையில் உதித்த அவர்களது சிந்தனைகளை, இலக்கியத்தை, தத்துவங்களை, அனுபவங்களை எந்தவொரு சிறைக்குள்ளும் அடைத்துவிட முடிவதில்லை.

வரலாறுகளை தாங்கி சுழலும் பூமியின் எதோ ஒரு மூலையில் ஒதுங்கிக்கிடப்பதுதான் இலங்கை எனும் ஒரு தீவு. ஆயினும் இங்கும் மக்கள் வாழ்கின்றார்கள்! வெவ்வேறு இன மத பண்பாட்டு கலாசாரங்களை பேணுகின்ற சமூகங்கள் வாழ்கின்றன. குறிப்பாக அரசியல் எனும் ஒரு செயல்பாடும் இயங்குகிறது. இங்கும் மக்களுக்கான சமூகத்திற்கான தேசிய, பிரதேச, மாகாண பற்றுடைய மக்கள் பிரதிநிதிகள் இருக்கிறார்கள்! அவர்களே மக்களால் தேர்ந்தெடுக்கவும் படுகிறார்கள்!

சிவநேசன் சந்திரகாந்தன் அவர்கள் கொலைக் குற்றம் சுமத்தப்பட்டு நீண்டகாலமாக விசாரணை ஏதுமின்றி சிறைச்சாலையில் தடுத்துவைக்கப்பட்டிருக்கிறார்! ஆயினும் சிறைச்சாலையும் பிள்ளையானை ‘வளர்த்து வருகிறது’: இலக்கிய சாரல் தெறிக்க நனைந்து செல்லும் அவரது சொல்மொழியின் ஈரம் வாசிப்பிற்கு குளிர்மையாக இருந்தது. ‘’பாடசாலை தாண்டி பிள்ளையார் கோயில் கடக்க வலது பக்கமாக கிழக்குவானம் சிவந்துகொண்டிருந்தது. நீருக்குள் எழுவதும் பறப்பதுமாய் இரைதேடிக்கொண்டிருக்கும் நீர்க்காகங்களும் நாரைகளும் அந்த சூரியனின் வரவுக்காய் ஏங்குவது தெரிந்தது. சில கொக்குள் எமது வாகனத்தை முந்திக்கொண்டு, நாம் முந்திச்செல்கின்றோம். நீங்கள் பின்னால் வாருங்கள் என்று சொல்லி வரிசையாக பறப்பது போலவும் தென்பட்டது.

இந்த பகுதியில் அவுஸ்ரேலியாவில் இருந்து வரும் பறவைகளும் பருவகாலங்களில் வந்து தங்கி செல்வதாக அறிந்துள்ளேன். இது மட்டக்களப்பில் போற்றி பாதுகாக்கப்பட வேண்டிய இடங்களில் ஒன்று.‘’ என ‘கண்ணா பற்றைகளும் நீர் பறவைகளும்’ எனும் தலைப்பில் எழுதப்பட்ட பகுதியியோடு நனைந்து. இறுதியில் மட்டக்களப்பு வாவியில் மூழ்கச் செய்தது ‘வேட்கை’ இவ்வாறு: ‘’இரவு மணி ஒன்பது ஆகிக்கொண்டிருந்தது. மட்டுநகரினுள் நுழைகின்றபோது வீதிகள் வெறிச்சோடிக் கிடந்தது. பெருநகர பரப்புகள் ஓய்ந்து அமைதி குடிகொள்ள தொடங்கியிருந்தது. எங்கும் ஒரே அமைதி. ஆனால் இந்த அமைதியின் பின்னர்தான் எங்கள் வாவியில் மீன்கள் பாடத்தொடங்கும்.‘’ என்பதோடு பிள்ளையானின் ‘வேட்கை’ தணிந்துபோய்விடுமா?

மாகாணசபை உறுப்பினராக இருப்பதால் ஒவ்வொரு மாகாணசபை அமர்விற்கும் சமூகளிக்கும் வாய்ப்பை சிறைச்சாலை வழங்கியிருக்கிறது. அவ்வாறான ஒரு மாகாணசபை அமர்விற்காக மட்டக்களப்பு சிறைச்சாலையிலிருந்து திருகோணமலைக்கு விலங்கு பிணைக்கப்பட்ட கரங்களோடு பயணிக்கும்போது கிராமங்களையும், பிரதேசங்களையும், வீதிகளையும், கட்டிடங்களையும் அவர் கடந்து செல்லுகின்றார்.

தனது பொறுப்பில் இருந்த மகாணசபையின் நான்கு வருடகாலத்தை பயன்படுத்தி மேற்கொண்ட பணிகளை நினைந்து திருப்தியடையும் அதே தருணம் நிறைவேற்ற வேண்டிய பணிகள் தேங்கிக்கிடக்கும் அவலத்தை கண்ணுற்று ஏங்கும் அவரது மனதையும் புரிந்துகொள்ளக்கூடியதாக உள்ளது.
பிரதேசங்களை கடந்து செல்லுகின்றபோது தன்னால் மேற்கொண்ட பணிகளோடு தான் குழந்தை போராளியாக புலிகளில் இணைந்து, கிழக்கு புலிகளாகவும், வன்னிப் புலிகளாக பிளவுபட்ட அவலங்களின்; நினைவுகளும் அவரது பயணத்தோடு தொடர்ந்து வருகிறது.

கடந்த ஆட்சியாளர்கள் தமது நலன்களுக்கு உபாயமான ஒரு கருவியாக பிள்ளையானை கருதியிருக்கலாம்/கருதினார்கள். எவ்வளவு தூரம் அவர்களின் நலன்களுக்கான கருவியாக பிள்ளையான் செயல்பட்டார் என்பதை அவரது நான்கு வருட மகாணசபை நிர்வாக செயல்பாட்டை அலசிப்பார்பவர்களால் புரிந்து கொள்ளமுடியும். ஆனால் கிடைத்த அந்த குறைந்தபட்ச சலுகைகளைக்கொண்டு நிறைவேற்றிய சமூக-பிரதேச நலப்பணிகளை நினைந்து சுமக்கும் தன் மன வேட்கையை ‘விலங்கிட்ட கரங்களால்’ பதிவுசெய்திருக்கின்றார்.

பிள்ளையான் தான் செய்த பணிகளையும் குழைந்தைப் போராளியான கதைகளையும் ஒரு சிறு பதிவாக்கியிருக்கின்றார்.

ஆனால் பல்லாயிரம் பக்கங்களைக் கொண்டதாக எமது கல்விச் சமூகத்திற்கான வடமகாணசபை முதல் அமைச்சரின் பணிகளின் வரலாற்று வாழ்வு எழுதப்பட இருக்கிறது. நல்லாட்சியை எமக்கருளிய தமிழ் தலைமைகளின் ஆசியோடு கிடைக்கப்பெற்ற எமது முதல் அமைச்சர் தமிழர்களின் விடிவுக்காய் மேற்கொண்ட சர்வதேச பயணக்கட்டுரையே ஆயிரம் பக்கங்களை தாண்டிவிடக்கூடியது. மாகாணசபையில் எழுந்த கலகங்கள்,எவ்வித பணிகளையும் மேற்கொள்ளாமல் மேற்கொண்ட ஊழல் விவகாரம். உட்கட்சி பூசல்கள், பதவிக்கான போட்டி- பந்தயங்கள், என எமது முதல் அமைச்சரின் வரலாற்றில் வாழ்தலை எழுத பல்லாயிரம் பக்கங்கள் காத்திருக்கின்றது. என்ன….! ஒரு 'உக்குட்டி' குறை இருக்கும்…! அதில் சமூகத்திற்காக, மக்களுக்காக, பிரதேசங்களுக்காக மேற்கொண்ட காரியங்கள் என எதுவுமே இருக்காது! அப்படி ஒரு காரியம் ஆற்றவா நாம் பிரதிநிதிகளை இதுவரைகாலமாக தேர்ந்தெடுக்கின்றோம். இல்லையே!

நன்றி முகநூல் -அசுரா-
»»  (மேலும்)

வெருகலம்பதி முருகன்

L’image contient peut-être : 1 personne, plein air

11.09.2017 இன்று வெருகலம்பதி முருகன் ஆலய தீரத்தோற்சவத்திற்கு நாடளாவிய ரீதியல் இருந்து வருகை தந்திருக்கும் பக்தர்களின் தாகத்தை தீர்க்கும் முகமாக "தமிழ் மக்கள் விடுதலைப்புலிகள் கட்சி, இளைஞர் அணி, நற்பணி மன்றத்தினரால் அமைக்கப்பட்டுள்ள தாக சாந்தி நிலையத்திலிருந்து சில நிழல் பதிவுகள்
L’image contient peut-être : 3 personnes, personnes debout
»»  (மேலும்)

9/10/2017

போருக்குப் பிந்திய சிறுவர் வியாபாரிகள்—ஒரு பயணியின் பிரயாணக் குறிப்புகள்

 மட்டக்களப்பு மற்றும் தென் கிழக்கு நோக்கிய பயணங்களின் போது வாகரை மற்றும் கதிரவெளியைக் கடந்து செல்லுகின்ற வேளை கண்கள் தானியங்கித் துப்பாக்கிகள் போல நம்மிடம் அனுமதி கேட்காமலே சாலையின் இரண்டு கரைகளையும் நோக்கி நீண்டு விடுகின்றன. வழமையாக வாகரை மற்றும் கதிரவெளியை ஊடறுத்துச் செல்லுகின்ற போது கரும்பாம்பு போல வளைந்து நெளிந்து ஆங்காங்க சொர சொரப்போடு நீள்கின்ற மட்டக்களப்பு வீதியின் இரு கரைகளிலும் வயிற்றுப் பாட்டுக்காக பத்துக்கும் இருபதுக்குமென்று சீசனல் வியாபாரம் செய்கின்ற தமிழ்ச் சிறு குழந்தைகளின் ஏகப்பட்ட ஆவணப் படங்களை எடுத்து களைத்துப் போய்க் கிடக்கின்றன எனது இரு கண்கள்.

கடந்த காலத்தை இருளில் கரைத்து விட்டு நிகழ்காலத்தையும் எதிர்காலத்தையும் மில்லியன் டொலர் கொஸ்ஷன்களாக்கி விட்டு நிறம் மங்கிய காற்சட்டை, மேற் சட்டை அல்லது வெறும் ஜம்பர் மற்றும் பாழடைந்த கணக்கில் ஜீன்ஸ்களை அணிந்து கொண்டு நான்கைந்து சில நேரம் அதற்குக் கூடிய வயதுடைய சிறுவர்களும் சிறுமிகளும் கைகளில் சீசனுக்கேற்ற மாதிரி அவித்த சோளகக் கதிர், கச்சான் கொட்டை, வீரைப்பழம், பாலப் பழம், என்று கைகளில் வைத்துக் கொண்டு எதிர்ப்படுகின்ற வாகனங்கள் எல்லாவற்றையும் நோக்கி ஓடி வந்து நிறுத்தச் சொல்லி சத்தம் போடுவார்கள்.

வாகனத்தை நிறுத்தி விட்டால் உசைன் போல்டை கால்களில் அணிந்து கொண்டு வாகனங்களை நோக்கி உற்சாகமாக ஓடி வந்து வாங்குங்கைய்யா வாங்குங்கைய்யா என்று ஹை பிட்ச்சிங்கில் கோரஸ் பாடுவார்கள். காசு கொடுத்து வாங்கினால் பரவசத்தில் சந்தோஷ் சிவனின் கமராக்களாகின்ற அவர்களது முகங்கள் வாங்காமல் போகின்ற போது மணிரத்தினத்தின் நாயகன் படத்து இருண்ட காட்சிகளாக மாறி விடுவதனை நான் பல தடவைகள் அவதானித்திருக்கின்றேன். பெரும்பாலும் இவ்வாறு தெருவோர வியாபாரம் செய்கின்ற வறுமைக்குப் பிறந்த இந்தப் பிஞ்சுகள் சற்று அழுக்கோடு இருப்பார்கள்.

அவர்கள் அணிந்திருக்கின்ற ஆடைகளில் வறுமையும் ஏழ்மையும் என்ற டைட்டில் கார்டு தொங்க விடப்பட்டிருக்கும். பார்க்கின்ற போது இதயத்துக்குள்ளே வேட்டையாடு விளையாடு படத்தில் அமெரிக்காவில் மெடிக்கல் ஃபெக்கல்ட்டி ஹொஸ்டலில் வைத்து கமலஹாசனின் முகத்தில் சேர்ஜிக்கல் கத்திகளால் இளமாறனும் அமுதனும் மாறி மாறிக் கீறுகின்ற போது நம்ம பிக் பாஸ் கமலஹாசன் வலியால் நிலத்தில் வீழ்ந்து கண்களால் அதனைக் காட்டுவாரே அந்த மாதிரித்தான் அந்த சிறுவர்களை பார்க்கின்ற போது பெயரற்ற வலியொன்று மனசை சற்று பெயர்த்தெடுத்து விடும்.

கடந்த நான்காம் திகதி (2017-09-04) காக்காமுனை ஜுனைதீனின் வேனில் அக்கரைப்பற்று நீதிமன்றுக்கு ஒரு காணி வழக்குக்காக நானும் எனக்கு மிக நெருக்கமான அன்சார் நாநாவும் சென்று அதனை முடித்துக் கொண்டு மாலை வீடு திரும்பிக் கொண்டிருந்த போது வாகரையில் நிறைய சிறுவர்கள் கைகளில் கசியக் கசிய ஷொப்பிங் பேக்கினை தொங்க விட்டுக் கொண்டு விதியில் வருகின்ற போகின்ற வாகனங்களை துரத்திக் கொண்டிருந்தனர்.
எல்லோர் கைகளிலும் நாவற் பழங்கள் கசிகின்ற ஷொப்பிங் பேக்குகள். இப்படியே தெருவோரத்தில் நின்று கொண்டிருந்த சிறுவர் வியாபாரிகளை கடந்து வந்து கொண்டிருந்த போது ஒரு இடத்தில் வெறும் ஜீன்ஸ் அணிந்து கொண்டு முகத்தில் ஆங்காங்க திட்டுத் திட்டாய் பவுடர் அப்பிக் கொண்டு நாவற் பழங்கள் கொண்ட பேக்கோடு யாராவது இதனை வாங்க மாட்டார்களா என்ற நூற்றாண்டு கால ஏக்கத்தோடு ஒரு நான்கைந்து வயது வறுமையின் வாரிசு.

அந்தப் பையன் அணிந்து கொண்டிருந்த ஜீன்ஸ் அவ்வப்போது கீழே வழுகுவதும் வழுகுகின்ற ஜீன்சை அந்தப் பிஞ்சு மேலே இழுத்து விடுவதுமாய்…….நெடு நேரமாக பாதையையே பார்த்துக் கொண்டு நின்று கொண்டிருப்பான் போலும். நாங்கள் வந்த கொண்டிருந்த வாகனத்தை அவனுக்கருகாமையில் நிறுத்தினோம். பவர் கட்டாகி திடீரென்று கரன்ட் வந்தவுடன் பளிச் பளிச்சென்று பல்புகள் எரியுமே அந்த மாதிரி முகத்தில் ஃபோக்கஸ் லைட்டின் புளகாங்கிதம். எங்களைக் கண்டவுடன் வாகனத்தருகில் வந்த “அம்பது ரூவா. நாவப்பழம் வாங்குங்க” என்று அந்தச் சிறுவன் மெல்லிய குரலில் சொன்னான்.

அவன் வைத்திருந்த பேக்கை வாங்கி விரித்துப் பார்த்தேன். அதற்குள்ளே நாவற்பழங்கள் ரொம்ப அடிபட்டுக் கிடந்தன். எக்ஸ்பயரி டேட்டுக்கு மிக நெருக்கமாக இருந்தன. முகர்ந்து பார்த்தேன். மூக்கை கடுமையாக இம்சை பண்ணியது. பழைய பழங்கள். நேற்று பறித்திருக்க வேண்டும். யாரேனும் பொதுச் சகாதாரப் பரிசோதகர் பார்த்தால் நிச்சயமாக மனித பாவனைக்கு உகந்ததல்ல என்று சேர்ட்டிபிகேட் கொடுத்து அந்தப் பழங்களை விற்றுக் கொண்டிருந்த பையனுக்கு எதிராக நீதவான் நீதிமன்றத்தில் “ஃபூட் எக்ட்டின் கீழ் வழக்குத் தாக்கல் செய்து விடுவார்.

அந்தளவுக்கு அந்தப் பழங்கள் பெரும்பாலும் சக்கராத் ஹாலில் இருந்து கொண்டிருந்தன. பையன் எங்களது முகங்களையே பாரத்துக் கொண்டிருந்தான். ஒரு வேளை அவனது குடும்பத்து இரவுணவு அந்த நாவற் பழங்களில்தான் இருந்திருக்க வேண்டும். சற்றுத் தூரத்தில் அவனது வீட்டு வாசலில் அவனது அம்மாவாக இருக்க வேண்டும். புதிய வரவுக்கு மடியில் வைத்துக் கொண்டு பால் புகட்டிக் கொண்டிருந்தாள். வேன் டிரைவர் ஜூனைதீன் என்னிடம் “சேர் இந்தப் பொடியனிடம நாவப் பழம் வாங்கப் போறீங்க. இவன் எப்டி இருக்கான் பாருங்க. இவனப் பாத்துக்கிட்டு இந்தப் பழத்த திண்ணலுமா சேர். எப்படி இருக்கான் பாருங்க. விடுங்க சேர் நான் நல்ல பழமா ஊர்ல வேங்கித் தர்ரேன்.” என்றான்.

பையன் வைத்திருந்த நாவற் பழங்கள் குமட்டலுக்கு வெல்கம் செரமெனி நடத்திக் கொண்டிருந்தன. பையன் வேறு எங்கள் முகத்தையே பார்த்துக் கொண்டிருக்கின்றான். இந்தப் பையனெல்லாம் யாவாரம் செய்யுறான். இவனிடம் போய் இதனை விலைக்கு வாங்கி வாய்க்குள்ளே போட்டு…………..தொண்டைக்குள்ளாக தொடர்பாடலை இரைப்பைக்கு ஏற்படுத்தி……கற்பனையே கண்றாவியாக இருந்தது. அந்தப் பிஞ்சினை பார்க்க எங்கோ ஒரு துயரம் என்னை குண்டூசி குத்தி இரத்த நாளங்களில் சூனியம் செய்தது.

ஒரு நூறு ரூபா தாளை எடுத்து பையனிடம் நீட்டி “இந்தா இத வெச்சுக்கோ…..நாவப் பழம் வேணாம்…..” என்று சொல்லி அவனிடம் கொடுத்தேன். பையன் அந்தக் காசை எடுத்துக் கொண்டு “அம்மா காசி” என்று கத்திக் கொண்டு அம்மாவின் பக்கம் ஓடினான். கொடிது கொடிது வறுமை கொடிது................மழலைக் காலத்தில் வறுமை வருதல் அதனிலும் கொடிது. சீசனுக்கு எது வருகின்றதோ அதனை விற்று பசிக்கெதிராக போர் செய்து கொண்டிருக்கின்றது இந்த சமூகம். போரின் போது ஆயுதங்களால் பட்ட துன்பத்தை விட அந்த கிராமத்து தமிழ் சமூகம் இப்போது வறுமையின் சூழலிலும் இல்லாமையின் நச்சு வட்டத்துக்குள்ளும், வயிற்றுக்கான அதி பயங்கரப் போருக்குள்ளும் சிக்குண்டு துண்டங்களாகிக் கொண்டிருப்பது கருப்புப் பக்கங்கள்.

தமிழர் போராட்டம் தமிழர்களுக்கான போராட்டம் போருக்குப் பிந்திய தமிழ் சமூகம், போரால் பாதிக்கட்ட தமிழர்களின் போருக்குப் பிந்திய வாழ்க்கை, தமிழர் விடுதலை, தமிழர்களுக்கான நிரந்தர அரசியில் தீர்வு என்று பெரும்பாலும் தமிழ்த் தலைமைகள் எல்லோருமே ஏஸி உறுமுகின்ற அறைகளுக்குள்ளே காலுக்கு மேல் கால் போட்டுக் கொண்டு பேசிக் கொண்டிருக்கின்றார்கள். அவற்றைப் பேசிப் பேசியே பெருங் கூட்டமொன்று வயிற்றுப் பிழைப்பை நேர்த்தியாக நடாத்திக் கொண்டிருக்கின்றது. போரைப் பேசியும் போரினால் பாதிப்புற்ற தமிழர்களைப் பேசியும் இன்னோர் கூட்டத்தின் பிழைப்பு பீஎம்டபிள்யூ லெவலில் இருக்கின்றது. ஆயுதப் பொராட்டத்துக்கு இன்ச் சைசுக்கும் சம்பந்தமில்லாத இன்னோர் கூட்டம் பிரபாகரனையும், தமிழீழ விடுதலைப் புலிகளையும் தெய்வங்களாக்கி அந்த பக்தியில் தமது வாழ்கைகைக்கு முக்தி பெற்றுக் கொடுத்துக் கொண்டிருக்கின்றன.

ஆனால் அதே வறுமை……அதே கொடுமை……போரை விடப் பயங்கரம் இன்றைய போருக்குப் பிந்திய அவர்களின் வறுமை. மட்டக்களப்பு வீதியால் பயணம் செய்கின்ற எல்லோருமே தெருவோரச் சிறுவர்களின் ஐந்துக்கும் பத்துக்குமான போராட்டத்துக்கு கண் கண்ட சாட்சிகள்தான்.
பரிதாபமாக வாங்க மாட்டார்களா வாங்க மாட்டார்களா என்று பயணிகளின் முகத்தைப் பாரத்தவாறு நிற்கின்ற அந்த தமிழ்ச் சிறுவர்களது பால வடிகின்ற முகங்கள் இன்னும் மனசுக்குள்ளே இருக்கின்றன பச்சைக் காயங்களாக.

நன்றி முகநூல்

கிண்ணியா சபருள்ளாஹ்
2017-09-10
»»  (மேலும்)

9/09/2017

சிவ.சந்திரகாந்தன் (பிள்ளையான்)  எழுதிய வேட்கை - நூல் வெளியீடு

கிழக்கு மாகாணத்தின் முன்னாள் முதலமைச்சர் சிவ. சந்திரகாந்தன் (பிள்ளையான்)  எழுதிய சிறைப்பயண குறிப்புக்கள் "வேட்கை " என்னும் பெயரில் நூலுருவாக வெளிவருகின்றது. நாளை சனியன்று (09/09/2017) மாலை மூன்று மணிக்கு மட்டக்களப்பு செல்வநாயகம் மண்டபத்தில் இந்நூலின் முதலாவது வெளியீட்டு நிகழ்வு இடம்பெறவுள்ளது. வேட்கை என்னும் இந்த வாய்மொழி வரலாற்று நூலினை  எக்ஸில் பதிப்பகம் வெளியிட்டுள்ளது. கடந்த காலங்களில் நிஷ்டை,யுத்தத்தின் இரண்டாம் பாகம், மட்டக்களப்பு தமிழகம், தமிழீழ புரட்டு போன்ற நூல்களை எக்ஸில்  பதிப்பகம் வெளியிட்டுள்ளமை குறிப்பிடத்தக்கதாகும்.

"வேட்கை" நூலுக்கான பதிப்புரையிலிருந்து .........

"மாகாணத்தின் முதல்வராக அரசியல் அதிகாரத்தில் இருந்தபோது கிழக்கு மாகாணத்துக்கு அவர் ஆற்றிய பணிகள் அளப்பரியன. சுதந்திரத்துக்கு பின்னரான சுமார் அறுபது ஆண்டுகால அரசியல் வரலாற்றில் எந்தவொரு தமிழ் கட்சியாலும் சாதிக்கமுடியாத காரியங்களை வெறும் நான்கே வருடங்களில் சாதித்து மக்கள் மனதில் உறுதியான இடம்பெற்றார். தனது மண்ணின் மீதும் மக்கள் மீதும் அவர் கொண்டுள்ள கருசனையே அவருக்கு செயலூக்கத்தை தருகின்றன. எனவேதான் சாமானிய மக்களின் பிரதிநிதியாக, ஒரு கர்மவீரனாக, இந்த மண்ணின் மைந்தனாக அவர் மக்களால் மதிக்கப்படுகின்றார்.

ஆனால் வரலாறு யாரையெல்லாம் தலைவர்கள் என்று கொண்டாடுகின்றதுயாரையெல்லாம் துரோகிகள் என்று தூற்றுகின்றது? ஆம். இலங்கை தமிழர் வரலாற்றெழுதியலில் யாழ்ப்பாண மேட்டுக்குடி  சிந்தனைகள் வகிக்கின்ற பாத்திரத்தின் விளைவுகள் அவையாகும். இந்த யாழ்ப்பாண ஆதிக்க சிந்தனைகள் பண்ணுகின்ற சட்டாம்பித்தனங்கள் உண்மையான வரலாறுகளை திட்டமிட்டு மறைப்பதிலும் திரிபுபடுத்துவதிலும் வெற்றிகண்டுவருகின்றது. அதிகாரம்மிக்கவர்கள் கட்டமைப்பதே வரலாறுகளாக எதிர்கால சந்ததிக்கு கையளிக்கப்படுகின்ற கொடுமை நிகழ்கின்றது.

இந்நிலையில்தான் தமிழ்த்தேசியம் என்னும் பெயரில் செயல்படும் யாழ்ப்பாண மேட்டுக்குடி சிந்தனைகள் கட்டமைத்த வரலாற்றுக்கு வெளியேநின்று கடந்த காலங்களில் மறைக்கப்பட்ட வரலாற்றின் பக்கங்களை தரிசிக்க முனைகின்றார் சந்திரகாந்தன்."     



»»  (மேலும்)

9/08/2017

தமிழரசுகட்சி தமது பதவி சுகங்களுக்காக தமிழ் மக்களை ஒட்டுமொத்தமாக விற்கின்ற நிலைக்கு வந்து விட்டது

Résultat de recherche d'images pour "20th century"மாகாண சபை அதிகாரங்களை விட கூடிய அதிகாரங்களை தரும் தீர்வு ஒன்றினை தருவதாக வாக்களித்து ஆட்சிக்கு வந்த "நல்லாட்சி நாயகன்"மைத்திரியும் தமிழ் தேசிய கூட்டமைப்பின் இணைபிரியா நண்பன் ரணிலும் இணைந்து  தமிழர்களை விசரர்களாக கணித்து செயல் படுகின்றார்கள்.
நிபந்தனையற்ற ஆதரவு கொடுத்து இவர்களது ஆட்சியை உருவாக்க, தமிழ் மக்களை  வாக்களிக்க சொன்ன தமிழரசுகட்சி தமது பதவி சுகங்களுக்காக தமிழ் மக்களை ஒட்டுமொத்தமாக விற்கின்ற நிலைக்கு வந்து விட்டது.

பாராளுமன்றத்தில்  கொண்டுவரப்படஇருக்கும் 20வது திருத்த சட்டத்தின் ஊடாக மாகாண சபைகளுக்கு   இருக்கின்ற அதிகாரங்களையும் பறிப்பதில் ரணில் அரசு தீவிரம் காட்டுகின்றது. இதனை சாதாரண பெரும்பான்மையுடன் பாராளுமன்றம் நிறைவேற்றுவதாயின் அனைத்து மாகாண சபைகளின் அனுமதியும் முன் நிபந்தனையாக உள்ளது.

இந்த சந்தர்ப்பத்தில் ஒரு மாகாண சபை அதனை எதிர்த்து தீர்மானம் நினைவேற்றினாலும் கூட அந்த சட்டத்தை பாராளுமன்றம் நிறைவேற்ற முடியாது. இப்போ பந்து நமது பக்கம் அதாவது வடக்கு கிழக்கில் நிலைகொண்டுள்ளது.  அதாவது வடக்கு, கிழக்கு மாகாணங்களில் பெரும்பான்மை பலத்திலுள்ள தமிழ் தேசிய கூட்டமைப்பின் கைகளில் வந்து நிற்கின்றது.

இப்போ உள்ள கேள்வி இதுதான்  நமது கண்ணை நமது விரல்களாலேயே குத்தி பிடுங்கி ரணிலின் காலடியில் பலியிட சொல்லி தமிழரசுகட்சி சொல்லப்போகின்றதா?  

கிழக்கு மாகாண சபையில் எதிர்க்கட்சியிலுள்ள    தமிழ் மக்கள் விடுதலை புலிகளும், தேசியகாங்கிரஸும் இந்த 20 வது  திருத்தத்துக்கு எதிர்ப்பு தெரிவிக்கின்றனர்.

மக்கள் என்ன  செய்ய போகின்றனர்? தமிழ் தேசிய கூட்டமைப்பு என்ன செய்ய போகின்றது?
»»  (மேலும்)

கொல்லப்படுவது யாராக இருந்தாலும் எதிர்த்து குரல் கொடுக்க வேண்டியது மனிதனது கடமை

மியன்மார் ரொஹிங்யாவில் முஸ்லிம்கள் மீது அந்நாட்டு அரசாங்கம் மேற்கொண்டுவரும் மிக மோசமான இன அழிப்பு அட்டூழியங்களை நிறுத்தக்கோரும் அமைதிவழி ஆர்ப்பாட்ட பேரணி இன்று 2017.09.08 ஜூம்ஆ தொழுகையின் பின் மூதூரில் இடம்பெற்றது.

எமது முஸ்லீம் உம்மாவினது ஒரு அங்கத்தவர்களாகிய ரொஹிங்கிய முஸ்லிம்கள் இஸ்லாமியவாதிகள் என்ற ஒரே காரணத்திற்காகப் மிகக் கொடூரமான முறையில் கொலை செய்யப்படும், தீயில் எரிக்கப்பட்டும், பெண்களினது கட்பு சூறையாடப்பட்டும் வருகிறது இவ்வாறு அந்நாட்டு அரசாங்கத்தினது அனுமதியோடு அரச படைகளும், பயங்கரவாதிகளும் இணைந்து எமது சமூகத்தை இனச்சுத்திகரிப்பு செய்து வருகின்றனர்

இதனால் உயிர்வாழ முடியாது தங்கள் சொத்து  சொத்து , உடைமைகளை இழந்து பல இலட்ச மக்கள் அகதிகளாக்கப்பட்டுள்ளார்கள்

எனவே இம்மக்களுக்கு இழைக்கப்படும் அநியாயங்களை உடனடியாக நிறுத்தக்கோரியும், அந்நாட்டு அரசாங்கத்துக்கு எதிராக உலக நாடுகளை நடவடிக்கை எடுக்குமாறு கோரியும், அம்மக்களினது பாதுகாப்புக்காக அல்லாஹ்விடம் பிரார்த்தனை செய்வதற்குமான அமைதிவழி பேரணி ஒன்று இன்று 2017.09.08 ஜூம்ஆத் தொழுகையின் பின் மூதூரில் இடம்பெற்றது. 
»»  (மேலும்)

9/06/2017

மூத்த பத்திரிகையாளர் கௌரி லங்கேஷ் சுட்டுக்கொல்லப்பட்டார்


L’image contient peut-être : 2 personnes, personnes assisesவலதுசாரிகள் மற்றும் வகுப்புவாதத்தைத் தீவிரமாக விமர்சித்து வந்த மூத்த பத்திரிகையாளர் கௌரி லங்கேஷ் பெங்களூரில் செவ்வாய்க்கிழமையன்றுசுட்டுக்கொல்லப்பட்டார்.
கௌரி லங்கேஷின் மரணத்துக்கு தனது இரங்கல்களை தெரிவித்துள்ள கர்நாடக மாநில முதல்வர் சித்தராமையா, அவர் கொலை செய்யப்பட்டது குறித்து விசாரணை நடத்த உத்தரவிட்டுள்ளார்.

»»  (மேலும்)

8/18/2017

முன்னாள் முதலமைச்சர் சந்திரகாந்தன் ஒரு முதிர்ந்த அரசியல்வாதிக்குரிய பண்புகளுடன் செயலாற்றினார்-வாழைச்சேனை பிரதேச சபையின் செயலாளர் சிகாப்தீன்

முன்னாள் முதலமைச்சர் கெளரவ சந்திரகாந்தன் அவர்களுடைய 42வது பிறந்ததினத்தையொட்டி பேத்தாழை நூல் நிலையத்துக்கு சுமார் ஒரு லட்ஷ ரூபாய் பெறுமதியான நூல்களை கிழக்கு மாகாண சபை உறுப்பினரும் தமிழ் மக்கள் விடுதலைப்புலிகளின் பிரதி தலைவருமான கெளரவ திரவியம் (ஜெயம்) அவர்கள் இன்று வழங்கிவைத்தார். வாழைச்சேனை பிரதேச சபையின் செயலாளர் சிகாப்தீன் அவர்கள் அந்நூல்களை திரவியம் அவர்களிடமிருந்து பெற்றுக்கொண்டார்.

நூல்களை பெற்றுக்கொண்டபின்னர் நூல் நிலைய கேட்போர் கூடத்தில் இடம்பெற்ற இந்நிகழ்வில் உரையாற்றிய சிகாப்தீன் அவர்கள்  நூலகத்தின்  நிறுவனரான முன்னாள் கிழக்கு மாகாண சபை முதலமைச்சரான கெளரவ சந்திரகாந்தன் அவர்களின் பணிகளை நினைவு கூர்ந்து உரையாற்றினார்.   

குறிப்பாக கிழக்கு மாகாண சபையை கட்டியெழுப்பியதிலும் அதனை மூவின  மக்களுக்கும் உரியதாக வழிநடத்துவதிலும்  முன்னாள் கிழக்கு மாகாண சபை முதலமைச்சரான கெளரவ சந்திரகாந்தன் அவர்கள் ஒரு முதிர்ந்த  அரசியல்வாதிக்குரிய பண்புகளுடன் செயலாற்றினார் என புகழாராம் சூட்டினார்.





»»  (மேலும்)

7/17/2017

எதிர்வரும் 20 ஆம் திகதி வியாழக்கிழமை மாமாங்கத்தில் விபுலானந்தர்

தமிழ் வளர்த்த இலங்கை சமயப்பெரியார்களுள் சுவாமி விபுலானந்த அடிகளார் விசேடமானவர். இவரைப் பற்றி அலசி ஆராய்வதென்பது ஆழியை கடப்பதற்கு ஒப்பானதாகும். ஆனால் அளவிட முடியாத அறிவுக்கும் ஞானத்துக்கும் உடமையாளரான இம்முத்தழிழ் வித்தகர் பற்றி எம்மில் எத்தனை பேருக்கு முழுமையாகத் தெரியும் என்றால், நிச்சயமாக விடையை விரல் விட்டு எண்ணிவிடலாம்.Résultat de recherche d'images pour "விபுலானந்தர்"
சைவசமயத்தில் உயர்தரம் மற்றும் பட்டப்படிப்பு படிக்கும் மாணவர்களும் அதனை கற்பிக்கும் பேராசியர்களும் சுவாமி விபுலானந்த அடிகளார் பற்றி ஓரளவு அறிந்து வைத்திருந்தாலும், எமது நாட்டில் வாழும் ஏனைய தமிழ் மாணவர்களுக்காக பாடப்புத்தகத்தின் ஓரிரண்டு பக்கங்களில் மட்டுமே சுவாமி விபுலானந்தர் பற்றிய தகவல்கள் வழங்கப்பட்டுள்ளன.


ஆரம்பகாலத்திலேயே,இலங்கையில்தமிழ்,இசை,சமயம்,விஞ்ஞானம்,அறிவியல்,பல மொழிகளென பல்துறைகளிலும் ஆளுமை பெற்ற ஒரு தமிழ் மகான் வாழ்ந்துள்ளார் என்பது தமிழ் சமூகத்துக்கே பெருமை சேர்க்கும் விடயமாகும். அப்படிப்பட்ட ஒருவரின் ஆளுமை,திறமை மற்றும் அரும்பணிகள் பற்றி ஒவ்வொரு தமிழரும் அறிந்து வைத்திருக்க வேண்டியது கட்டாயமாகும். ஆனால் உண்மையைச் சொல்வதாக இருந்தால், இந்த அவசர உலகில் நாமாக ஆசைபட்டாலும்கூட விபுலானந்தர் பற்றிய புத்தகங்களைத் தேடி எடுத்து வாசிக்க எமக்கு நேரம் கிடைப்பதில்லை. இதனை நன்கு புரிந்து கொண்டவர்களாக, காலத்துக்கு ஏற்ற வகையில் விபுலானந்தரை மக்களிடம் கொண்டு செல்லும் அணுகுமுறையை 'அரங்கம்' நிறுவனத்தார் முன்னெடுத்துள்ளனர்.

இவ்வருடம் விபுலானந்தரின் 125வது பிறந்த தினத்தை முன்னிட்டு கனடாவைச் சேர்ந்த பாபு வசந்தகுமாரின் தயாரிப்பிலும் ரகுலன் சீவகனின் ஒளிப்பதிவு மற்றும் இயக்கத்திலும் சுவாமி விபுலானந்த அடிகளார் பற்றிய ஆவணப்படம் வெளிவரவுள்ளது. இது, நிச்சயமாக பார்ப்போர் மனதில் விபுலானந்தரின் ஆளுமையையும் புகழையும் நிலைநிறுத்தும் என்ற நம்பிக்கையை எம்மிடையே ஏற்படுத்தியுள்ளது. 'அரங்கம்' இலண்டனை அடிப்படையாகக் கொண்டு இயங்கும் நிறுவனமாகும். இதன் ஸ்தாபகர்களான துக்ஷ்யந்தன் சீவகன் மற்றும் ரகுலன் சீவகன் ஆகியோர் இலங்கை மற்றும் தமிழ் மக்கள் தொடர்பில் இலை மறை காயாகவுள்ள பல விடயங்களை ஆவணப்படங்களாக தயாரித்து புலம்பெயர்வாழ் தமிழர்கள் மத்தியில் கொண்டு சேர்க்கின்றனர்..

அதில் போரினால் முள்ளந்தண்டு வடம் பாதிக்கப்பட்டோர், கணவன் அல்லது தந்தையை இழந்து குடும்பத்தை தலைமை தாங்கும் குடும்பப் பெண்கள், முன்னாள் போராளிகள், லண்டன் கோயிலொன்றால் மட்டக்களப்பில் தத்தெடுக்கப்பட்டுள்ள கிராமம் பற்றிய அரங்கத்தின் படைப்புக்கள் புலம்பெயர் தமிழர்களிடையே பெரும் பாராட்டை தட்டிக்கொண்டவையாகும்.

விபுலானந்த அடிகளார் பற்றிய ஆவணப் படப்பிடிப்பில் களமிறங்கியுள்ள 'அரங்கம்' நிறுவனத்தின் உறுப்பினரான திருமதி. பரமேஸ்வரி சீவகன் மற்றும் அதன் தயாரிப்பாளர் பாபு வசந்தகுமார் ஆகிய இருவரையும் தினகரன் ஆசிரியர் பீடத்தில் நேரில் சந்திக்கும் வாய்ப்பு எமக்குக் கிடைத்தது.

ஆவணப்படம் தயாரிக்க எத்தனையோ தலைப்புக்கள் இருக்கும்போது ஏன் இந்த விபுலானந்தர்? என்ற கேள்வி எல்லோரையும் போலவே எனக்குள்ளும் தோன்றியது. அக்கேள்விக்கான பதிலை பாபு வசந்தகுமார் சுவாரஸ்யமாக எம்முடன் பகிர்ந்து கொண்டார்.
நான் மட்டக்களப்பு சிவானந்தா வித்தியாலயத்தின் பழைய மாணவன். இப்பாடசாலை சுவாமி விபுலானந்தரால்ஆரம்பிக்கப்பட்ட முதலாவது ஆங்கிலப் பாடசாலையாகும். தமிழ் பேசும் ஏழைப் பிள்ளைகளுக்காக சுவாமிகள் இப்பாடசாலையை உருவாக்கியிருந்தார். நான் பாடசாலை விடுதியில் தங்கியிருந்து படித்தேன். இதனால் சுவாமிகளின் வழிகாட்டலில் வளர்க்கப்பட்டேன்.அதனாலோ என்னவோ அவர் மீது அளவு கடந்த பக்தியும் மரியாதையும் எனக்குள் ஏற்பட்டது. பாடசாலையை விட்டு விலகிய பின்னரும் எனது கல்லூரியின் பழைய மாணவர் சங்கம் மற்றும் விபுலானந்தரின் நூற்றாண்டு சபை ஆகியவற்றில் நான் உறுப்பினராக செயற்படுகிறேன். நான் புலம் பெயர்ந்து கனடா சென்றபோதும்கூட அங்கே இயங்கும் சுவாமி விபுலானந்தா கலை மன்றத்தில் உறுப்பினர் ஆனேன்.
இந்த மன்றம் மூலம் தமிழ் பிள்ளைகளுக்கு விபுலானந்தர் பற்றிய பேச்சுப் போட்டி மற்றும் இசைப் போட்டிகளை நாம் நடத்தி வருகிறோம். விபுலானந்தரின் தமிழ் இலக்கியப் பாடல்களுக்கு மெட்டு அமைத்து மாணவர்களுக்கு கற்றுக் கொடுக்கிறோம். இவ்வாறு எனது பணிகளை நான் தொடர்ந்து கொண்டிருந்தபோதே ஒரு தடவை பிபிசி தமிழோசையில் ஒலிப்பெட்டகம் நிகழ்வில் ஒலிபரப்பாளர் சீவகன் பூபாலரத்தினம் விபுலானந்தரின் பெருமைகளைக் கூறுவதை கேட்கும் சந்தர்ப்பம் எனக்குக் கிடைத்தது. அதனையடுத்து நான் அவரைத் தொடர்பு கொண்டு பேசியபோதே ஒலி ஆவணத்தை ஒளி ஆவணமாக கொண்டு வரும் சிந்தனை என்னக்குள் தோன்றியது. என்றார்.
எதிர்வரும் 20 ஆம் திகதி வியாழக்கிழமை மட்டக்களப்பு மாமாங்கேஸ்வரர் ஆலயத்தின் ஏழாம் நாள் திருவிழாவன்று நல்லையா உடையார் குடும்பத்தினரின் உபயத்துடன் இந்த ஆவணப்படம் வெளியிட்டு வைக்கப்படவுள்ளது.
ஆவணப்படத்தை தொகுத்து வழங்கும் திருமதி. பரமேஸ்வரி சீவகன், விபுலானந்த அடிகளாரின் ஆளுமை பற்றிய ஒரு சில வார்த்தைகளை தினகரன் வாசகர்களுக்காக எம்முடன் பகிர்ந்து கொண்டார்.
விபுலானந்தரை வெறுமனே ஒரு துறவியாக மட்டும் பார்க்க இயாலாது. அவர் பல்வகை ஆளுமைகளை உடைய மகான். தமிழ். ஆங்கிலம்,வடமொழியென 09வகை மொழிகளில் இவர் தேர்ச்சி பெற்றுள்ளார். சிவானந்தா பாடசாலை உள்ளிட்ட பல தேசியப் பாடசாலைகளை இவர் ஏழை மாணவர்களுக்காக உருவாக்கியுள்ளார். சாதி,மதம் பாராது அனைவருக்கும் கல்வி வழங்க வேண்டும் என்ற ஒரே குறிக்கோளுடன் இவர் செயற்பட்டார். சிதம்பரம் அண்ணாமலைப் பல்கலைக்கழகம் மற்றும் கொழும்பு பல்கலைக்கழகத்தில் இவர் தமிழ்த் துறை பேராசிரியராகச் செயற்பட்டுள்ளார்.
மொழிகளைப்போன்றே இசை, நாடகத்துறைகளிலும் இவர் பல ஆய்வுகளை செய்துள்ளார். இத்தகைய அறிஞரைப் பற்றி எமது இளைய தலைமுறையினர் அறிந்து வைத்திராதது கவலைக்குரிய விடயமாகும். அவரது வரலாற்றை இளைய தலைமுறையினருக்கு இலகுவாக கொண்டு சேர்க்கும் முயற்சியிலேயே இந்த ஆவணப்படம் தயாரிக்கப்பட்டு வருகிறது. என்றும் விளக்கமளித்தார்.
இந்த ஆவணப்படம் லண்டன்,கனடா, இலங்கை மற்றும் இந்தியா ஆகிய நாடுகளின் பங்களிப்புடன் உருவாக்கப்பட்டுள்ளது. சுமார் ஒன்றேகால் மணித்தியாலங்களைக் கொண்டுள்ள இந்த ஆவணப்படத்தில் விபுலானந்தரின் வரலாறு விளக்கப்படுகிறது. விபுலானந்தரை பிரதிநிதித்துவப்படுத்தும் மீள் உருவாக்கக் காட்சி இதில் உள்ளடக்கப்பட்டுள்ளது. இலங்கை மற்றும் இந்தியக் கலைஞர்கள் இந்த ஆவணத்துக்கு இசையமைத்துள்ளனர். இந்திய ஒலிப்பதிவுக் கலைஞர்களின் ஒத்துழைப்புகள் பெற்றுக்கொள்ளப்பட்டுள்ளன.
இந்தியாவிலும் இலங்கையிலும் விபுலானந்தரின் தமிழ் மற்றும் இசையை கற்று வரும் மாணவர்கள், அவர் காலத்தில் வாழ்ந்தவர்கள், விபுலானந்தரை குருவாக கொண்டவர்களென அனைவரதும் உரையாடல்களும் கருத்துக்களும் இந்த ஆவணத்தில் பதிவுசெய்யப்பட்டுள்ளது.
விபுலானந்தர் இந்தியாவில் யாழ்நூலை அரங்கேற்றிய சிதம்பரம் பல்கலைக்கழகம் மற்றும் கரந்தைத் தமிழ்ச் சங்கம் ஆகிய இடங்களுக்கும் நேரில் சென்று இந்த ஆவணம் தயாரிக்கப்பட்டுள்ளது. அந்த வகையில் சுவாமிகளைப் பற்றிய நான்கு தலைமுறையினரின் கருத்துக்களை உள்ளடக்கியதாக இந்த ஆவணம் வெளிவருகிறது.
சுவாமிகளின் 'யாழ் இசை' நூல் மிகவும் அற்புதமானதொரு படைப்பாகும். அக்காலத்தில் அவர் தமிழிசையில் விஞ்ஞானத்தைப் புகுத்தியதன் விளைவாகவே இந்த நூல் உருவாக்கப்பட்டுள்ளது. யாழ் மற்றும் குழலின் மகிமையை வெளிப்படுத்தும் இந்த நூலை சாதாரணமாக வாசித்து புரிந்துகொள்வதென்பது கடினமான விடயம். அதனை இலகுபடுத்தும் முயற்சியிலும் தற்போது பாபு வசந்தகுமார் களமிறங்கியுள்ளார். அதேபோன்று அக்காலத்தில் எழுந்த ஆங்கிலம் மற்றும் வடமொழி நாடகங்களுக்கு தமிழ் சிறிதும் சளைத்தது அல்ல என்பதனை நிரூபிக்கும் வகையில் விபுலானந்தரால் இயற்றப்பட்ட 'மதங்க சூடாமணி' எனும் நூல் அவரது உச்சக்கட்ட ஆளுமையின் வெளிப்பாடு என்றும் திருமதி.பரமேஸ்வரி சீவகன் எம்மிடம் எடுத்தியம்பினார்.
காலம் மாறிவிட்டது. எழுத்துக்களைவிடவும் ஔிக்காட்சிகள் மனதில் நீங்கா இடம் பிடிக்கக்கூடியவை. ஆங்கிலத்தின் செல்வாக்கு அதிகரித்து வரும் இக்காலகட்டத்தில் புலம்பெயர் தமிழ் மாணவர்களுக்கும் விபுலானந்தரின் வரலாற்றை இலகுவாகப் புரிய வைக்க வேண்டும் என்ற குறிக்கோளுடனேயே சுவாமிகளின் ஆளுமையை ஆவணமாக தொகுக்கத் தீர்மானித்தோம் என்றும் பாபு வசந்தகுமார் தெரிவித்தார்.
பல சிரமங்களுக்கு மத்தியிலும் இம்முயற்சியை விடாமல் முன்னெடுத்துச் சென்ற பெருமை பாபு வசந்தகுமாரையே சாரும். இது அவரது ஆரம்பம்.
இதில் குறை நிறைகள் இருக்கலாம். விவாத மேடைக்குச் செல்வதாயினும் கூட இதனை முன்னுதாரணமாகக் கொண்டு மேலும் பல தமிழ் அறிஞர்களின் வாழ்க்கை வரலாறுகள் ஆவணங்களாக வெளிவரவேண்டும் என்பதே எமது ஆசை என்றும் திருமதி பரமேஸ்வரி சீவகன் கூறினார்.
விபுலானந்தர் தமிழ் வளர்க்க தன்னை அர்ப்பணித்தார். இன்று மீண்டும் எமது சந்ததியினரிடையே தமிழ் மறக்கப்பட்டு வரும் இக்காலகட்டத்தில் பழமையை புதிய வடிவில் மக்களிடையே கொண்டு சேர்க்க எடுக்கப்பட்டுள்ள இந்த முயற்சி நிச்சயம் பாராட்டப்பட வேண்டிய விடயமாகும்.
நவீனயுகத்தில் தமிழுக்கும் மறைந்த சுவாமி விபுலானந்தர் அடிகளுக்கும் முன்னுரிமையளித்து மறைந்து கிடந்த வரலாற்றுக்கு உயிர் ஊட்டி அதனை உலகெங்கும் வாழும் தமிழர்களிடையே கொண்டு சேர்க்க பாபு வசந்தகுமார் எடுத்துள்ள இந்த முயற்சியை அரும்பணி என்று கூறுவதிலும் பார்க்க அறப்பணி என்று கூறுவதே மிகப் பொருத்தமாகும். அவரது பணிகள் மேலும் தொடர வேண்டுமென்பதே எமது அவா.


நன்றி *லக்ஷ்மி பரசுராமன், தினகரன் வாரமஞ்சரி
»»  (மேலும்)

7/16/2017

அகில இலங்கை சிறுபான்மை தமிழர் மகாசபையின் தலைவர் எம்.சி.சுப்ரமணியம் அவர்களின் நூற்றாண்டு நினைவேந்தல்: செப்ரெம்பர் 27/2017

mc6இலங்கையில் நிகழ்ந்த சாதிய ஒடுக்குமுறைக்கு எதிரான போராட்டங்களில், அதிலும் குறிப்பாக தமிழர் பிரதேசமான வடமாகாணம் என்பது மிகவும் கறைபடிந்த வரலாற்றைக் கொண்டிருக்கிறது. கடந்த காலத்தில் எம்மோடும், எமக்கு அருகிலும், ஒரே மொழியை பேசுபவர்களாகவும், ஒரே மதத்தை, பண்பாட்டை கலாசாரத்தை பின்பற்றுபவர்களாகவும் இருந்த ஒரு பிரிவினரை தீண்டப்படாதவர்களாகவும், இழிசனர் என்பவர்களாகவும் அடையாளப்படுத்தி பல்வேறு சமூக ஒடுக்குமுறைகள் மேற்கொள்ளப்பட்ட ஒரு காலம் இருந்தது. (தற்போதும் அவை வெவ்வேறு வடிவங்களில் பின்பற்றப்படுவதென்பது வேறுவிடயம்) இவ்வாறான  சமூக ஒடுக்குமுறைகள் நிகழ்ந்த காலகட்டத்தில் பலமுற்போக்கு சக்திகள் இணைந்து தீண்டாமைக்கு எதிராக அமைப்பு ரீதியான போராட்டங்களை மேற்கொண்ட வரலாறும் இருக்கிறது.
‘அகில இலங்கை சிறுபான்மை தமிழர் மகாசபை’ ‘தீண்டாமை ஒழிப்பு வெகுஜென இயக்கம்’ என இவ்விரண்டு அமைப்புகளும் தீண்டாமைக்கு எதிரான போராட்டத்தில் வெவ்வேறு வடிவங்களில் கடந்த காலத்தில் செயல்பட்டு வந்த வரலாற்றை நாம் சுமந்துகொண்டே செல்கின்றோம். இந்த இரண்டு அமைப்புகளும் தமது போராட்டத்தினூடாக பல்வேறு சமூக ஒடுக்குமுறைகளை தகர்த்தும் இருக்கிறார்கள். அந்தவகையில் ‘அகில இலங்கை சிறுபான்மை தமிழர் மகாசபையின் தலைவராக செயல்பட்ட மறைந்த சமூக விடுதலைப் போராளியான எம்.சி.சுப்ரமணியம் அவர்களின் நூற்றாண்டை நினைவேந்தும் வகையில் ஒரு விழாவை ஏற்பாடு செய்வதோடு, அவருடைய உருவ சிலையை நிறுவுவதற்கும் அ.இ.சி.தமிழர் மகாசபை தீர்மானித்திருக்கின்றது. அவரை அறிந்தவர்கள், அவருடன் செயல்பட்டவர்கள், சாதிய ஒடுக்குமுறைக்கு எதிரான சிந்தனைகொண்ட முற்போக்கு சக்திகள், என அனைவரும் இவ்விழாவை சிறப்பிக்க ஒத்துழைப்பதோடு அவரது உருவ சிலையை நிறுவுவதற்கான ஒத்துழைப்பையும் நல்குமாறு வேண்டிக் கொள்கின்றோம்.

தலைவர்: பெர்னாண்டோ ஜோசப்
அந்தோனி
தொ.பே: 00 94 (0) 21 222 4863

செயலாளர்: கி.கமலேஸ்வரன்

பொருளாளர்: குணசிங்கம்

ஐரோப்பிய தொடர்பிற்கு: தேவதாசன் 00 33 (0) 6 52 85 79 45

மகாசபை வங்கி கணக்கு Haton national bank .இல: 24102003165
 
»»  (மேலும்)

7/07/2017

யாழ்ப்பாண மையவாத சிந்தனைகளோடு சங்கமிக்காமல் கிழக்கின் பல்லின மக்களின் வாழ்வோடு பயணித்த தலைவர் தங்கத்துரை -20ஆண்டு நினைவலைகள்

தமிழர் விடுதலைக் கூட்டணியின் திருகோணமலை மாவட்ட நாடாளுமன்ற உறுப்பினர் திரு. அருணாசலம் தங்கத்துரை அவர்கள் படுகொலை செய்யப்பட்டு இன்றுடன் 20 வருடங்கள் ஆகின்றன. அவரது படுகொலை நடைபெற்ற போது நான் 7ஆம் வகுப்பிலே யாழ்ப்பாணத்திலே படித்துக்கொண்டிருந்தேன். படுகொலைக்குச் சில நாட்களுக்கு முன்னர் தான் இடப்பெயர்வினை அடுத்து வவுனியாவில் ஒன்றரை வருட காலம் வாழ்ந்த பின்னர் மீளவும் திருகோணமலை ஊடாகக் கப்பலிலே யாழ்ப்பாணம் வந்தடைந்திருந்தேன். திருகோணமலையில் உள்ள சண்முகா இந்து மகளிர் கல்லூரியில் பாடசாலை மாணவிகள் பார்த்துக்கொண்டிருக்கும் போது இடம்பெற்ற இந்தச் சம்பவத்தில் சண்முகா இந்து மகளிர் கல்லூரியின் அப்போதைய‌ அதிபர், நாமகள் வித்தியசாலை அதிபர் உள்ளடங்கலாக‌ வேறு சிலரும் கொல்லப்பட்டனர். இந்தச் சம்பவம் இடம்பெறுவதற்கு சில வாரங்களுக்கு முன்னராகத் திருகோணமலையில் இடம்பெற்ற வடக்குக் கிழக்கு மாகாணத் தமிழ் மொழித் தினப் போட்டியில் வவுனியா மாவட்டத்தில் இருந்து பங்குபற்றி இருந்தேன்.L’image contient peut-être : 1 personne, intérieur

அப்போதுதான் நான் முதன் முதலாகக் கிழக்கு மாகாணத்துக்குச் சென்றிருந்தேன். கோணேஸ்வரர் கோயில், கன்னியாய் வெந்நீர் ஊற்றுப் போன்றவற்றினை அப்போதுதான் முதலிலே பார்க்கும் சந்தர்ப்பம் கிடைத்தது. சண்முகா இந்து மகளிர் கல்லூரிக்கும் சென்றதாக ஞாபகம் இருக்கிறது. யாழ்ப்பாணத்திற்கு வந்து ஒரு வாரத்தினுள் சண்முகா இந்து மகளிர் கல்லூரியில் நடைபெற்ற படுகொலைகளினை உதயன் பத்திரிகையில் வாசிக்கும் போது நான் அண்மையில் சென்றிருந்த ஒரு பாடசாலையிலே இந்த கிரனைட் தாக்குதல் இடம்பெற்றிருந்தது என்ற‌ செய்தி அதிர்ச்சியூட்டுவதாக இருந்தது. சில வருடங்களுக்குப் பின்னர் அதே சம்பவத்தில் உயிரிழந்த பொறியியலாளர் திரு ரட்ணராஜா அவர்களின் சகோதரி நான் கல்வி கற்ற யாழ்ப்பாணக் கல்லூரியில் ஆசிரியையாகப் பணியாற்ற இணைந்தார். அப்போது அவர் இந்தச் சம்பவத்தினைப் பற்றி ஒரு முறை என்னிடம் கூறியமை ஞாபகமாக இருக்கிறது. சமூகத்துக்காகப் பல்வேறு வழிகளில் பணியாற்றியவர்கள் ஒரே மேடையிலே கொல்லப்பட்ட சம்பவமாக 1997 யூலை மாதம் 5ஆம் திகதி திருகோணமலையில் இடம்பெற்ற தாக்குதல் அமைந்தது.
அண்மையில் வடக்குக் கிழக்கில் சுயநிர்ணயம் பற்றிய ஆய்வு ஒன்றின் நிமித்தம் மனித உரிமைகளுக்கான பல்கலைக்கழக ஆசிரியர் சங்கத்தினால் (யாழ்ப்பாணம்) வெளியிடப்பட்ட அறிக்கைகள் சிலவற்றினை இணையத்திலே வாசித்துக் கொண்டிருந்த போது தங்கத்துரையின் படுகொலை, அவரது அரசியற் பார்வை, அவர் போரினால் அகதிகளாக்கப்பட்ட மக்களுக்காக ஆற்றிய கிராமிய அபிவிருத்தி சார்ந்த‌ பணிகள், மூவின சமூகத்தவரும் வாழும் திருகோணமலை மாவட்டக் கிராமங்களிலே அவர் இனவேற்றுமை பாராது மேற்கொண்ட அரசியல் நடவடிக்கைகள் குறித்து ராஜன் ஹூலினால் தங்கத்துரையின் படுகொலையினை அடுத்து ஆங்கிலத்திலே எழுதப்பட்ட “Murder in Trincomalee and the Tamil Predicament” என்ற‌ கட்டுரை எனது கண்ணிலே பட்டது. கிழக்கின் சமூகப் பொருளாதாரப் பிரச்சினைகள் பற்றியும் அங்குள்ள வேறுபட்ட‌ சமூகத்தவர்களுக்கு இடையிலான உறவுகள் பற்றியும் கரிசனை மிக்க ஒருவராக அந்தக் கட்டுரை தங்கத்துரையினை பார்க்கிறது.

2012ஆம் ஆண்டு வெளியிடப்பட்ட குடித்தொகை அறிக்கையின் படி கிழக்கு மாகாணத்தின் சனத்தொகையில் 39.2% ஆனோர் தமிழர்களாகவும், 36.9% ஆனோர் முஸ்லிம்களாகவும், 23.2% ஆனோர் சிங்களவர்களாகவும் உள்ளனர். இந்தியத் தமிழர்கள், பறங்கியர் முறையே 0.26%, 0.30% ஆக உள்ளனர். இவர்களை விட மலே மற்றும் வேடுவர் போன்ற வேறு சில இனத்தவரும் மிகச்சிறிய அளவிலே கிழக்கு மாகாணத்திலே வாழ்கின்றனர். கிழக்கிலங்கையில் வாழ்ந்த தமிழர்களின் அரசியற் பலம் அரசாங்கத்தினால் மேற்கொள்ளப்பட்ட சிங்களக் குடியேற்றத் திட்டங்களால் கடந்த நூற்றாண்டின் நடுப்பகுதியில் இருந்து குன்றத் தொடங்கியிருந்தது. தமிழ் முஸ்லிம் மக்களுக்கு இடையிலான நல்லுறவும், குறிப்பாக ஆயுதப் போராட்டக் காலத்திலிருந்து, இந்தப் பிராந்தியத்திலே மிகவும் விரிசல் கண்டு போயிருக்கிறது.

கிழக்கின் சிங்களச் சனத்தொகை அதிகரித்தமைக்கு அரசினால் மேற்கொள்ளப்பட்ட குடியேற்றத் திட்டங்கள் மிகவும் பிரதானமான‌ காரணமாக அமைந்தன. நாட்டின் ஒரு பகுதியில் தீவிரமான நிலப் பற்றாக்குறை நிலவிய சூழலிலே, நிலவளம் கூடியளவு பயன்படுத்தப்படாத ஏனைய‌ பகுதிகளில் குடியேற்றத் திட்டங்கள் முன்னெடுக்கப்பட்டமையினை ஒரு தீய செயற்பாடு என எடுத்த எடுப்பிலேயே நாம் நிராகரித்திட முடியாது. ஆனால், அக்குடியேற்றத் திட்டங்கள் இனவெறி நோக்கிலே,  நாட்டில் எண்ணிக்கையில் குறைந்த இனங்களுக்கிடையில் ஏற்பட்டிருந்த பதற்றங்களையும், பயங்களையும் கருத்திற் கொள்ளாமல் மேற்கொள்ளப்பட்ட போது அபாயகரமானவையாக மாறின. கிழக்கிலே இடம்பெற்ற குடியேற்றத் திட்டங்கள் தொடர்பாகவும், அவற்றின் நோக்கங்கள், விளைவுகள் பற்றியும் பலர் ஆய்வுகளை மேற்கொண்டிருக்கிறார்கள். இவற்றிலே செல்வதுரை மனோகரன் (1987, 1994), ஜீ.எச். பீரிஸ் (1991), பற்றிக் பீபிள்ஸ் (1990) ஆகியோரின் ஆய்வுக் கட்டுரைகள் கவனமாக வாசிக்கப்பட வேண்டியவை. இந்த ஆய்வாளர்களின் கட்டுரைகளை ஒட்டுமொத்தமாக நோக்கும் போதும், அவர்கள் முன்வைக்கும் வேறுபட்ட வாதங்களைத் தொகுத்தும், தொடர்புகளை ஏற்படுத்தியும், விமர்சனபூர்வமாகவும் வாசிக்கும் போது குடியேற்றத் திட்டங்களைப் பற்றிய‌ ஆழமானதும் பரந்துபட்டதுமான‌ புரிதலை நாம் பெற்றுக்கொள்ள முடியும். இவற்றினை விட மனித உரிமைகளுக்கான பல்கலைக்கழக ஆசிரியர் சங்கம் வெளியிட்ட அறிக்கைகளும், ராஜன் ஹூலினால் எழுதப்பட்ட The Arrogance of Power என்ற நூலும் இந்த விடயம் தொடர்பான விளக்கங்களை வழங்கும் முக்கியத்துவம் மிக்க பதிவுகளாக இருக்கின்றன‌. ராஜன் ஹூலும் அவர் சார்ந்த மனித உரிமைகளுக்கான பல்கலைக்கழக ஆசிரியர் சங்கமும் அரசின் குடியேற்றத் திட்டங்களுக்கு பின்னணியாக இருந்த சிங்களத் தேசியவாத நிகழ்ச்சி நிரலினை வெளிச்சம் போட்டுக் காட்டும் அதேவேளை, குடியேற்றப்பட்ட சிங்கள மக்கள் எதிர்கொண்ட பல்வேறு சமூகப் பொருளாதாரப் பிரச்சினைகளையும், போர்க்காலத்தில் தமிழ் ஆயுதக் குழுக்களாலும் இராணுவத்தினராலும் அவர்கள் எதிர்கொண்ட இன்னல்களையும், இழப்புக்களையும் அக்கறையுடனும், அனுதாபத்துடனும் விபரிப்பனவாக அமைகின்றன. குடியேற்றத் திட்டங்களின் அரசியல் பற்றியும் அவற்றின் விளைவுகள் பற்றியும் விவாதிப்பது இந்தப் பதிவின் நோக்கமல்ல.


மாறாகக் கிழக்கிலங்கையில் சுயநிர்ணயம் பற்றிச் சிந்திக்கையிலே அங்கு தற்போது அவதானிக்கப்படும் இனப் பன்மைத்துவத்தினை நாம் எவ்வாறு நோக்கலாம் என்பதனைச் சிந்திப்பதற்கான ஒரு அழைப்பாக நான் இந்தப் பதிவினை மறைந்த நாடாளுமன்ற உறுப்பினர் தங்கத்துரையின் 20ஆம் ஆண்டு நினைவுதினத்தினை ஒட்டி எழுதுகிறேன்.

சுயநிர்ணய உரிமை, தமிழ்த் தேசியவாதம், கிழக்கு மாகாணம்
வடக்குக் கிழக்கிலே சுயநிர்ணய உரிமைக்கான கோரிக்கை அந்தப் பிரதேசம் தமிழர்களின் மரபு வழித் தாயகம் என்ற அடிப்படையிலே எழுச்சி பெற்றது. இந்த சுயநிர்ணய உரிமைக் கோரிக்கைக்கு ஒரு வரலாற்று ரீதியான முக்கியத்துவம் இருப்பினும், இது தான் உரிமை கோரும் நிலப்பரப்பில் வாழும் எல்லா சமூகங்களையும் உள்ளடக்கியதாக இருக்கவில்லை என்பது வெளிப்படை. தமிழ் சமூகத்திலே இருக்கும் பால், சாதிய, வர்க்க, சமய ரீதியிலான முரண்களைப் பேசுவதற்கு ஆதரவாக‌ இருப்பவர்கள் கூட தமிழ் சமூகத்துக்கும் வடக்குக் கிழக்கில் வாழும் ஏனைய சமூகத்தினருக்கும் இடையிலான முரண்களைப் பற்றிப் பேசுவதற்கு சற்றுத் தயங்குவதனை நாம் காண்கிறோம். ஏனைய சமூகத்தினர் ஏனைய தேசங்களுக்குரியவர்கள், எனவே அவர்கள் அக முரண்பாடுகள் பற்றிய தேசியவாத உரையாடலினுள் வர மாட்டார்கள் என்பது இவ்வாறான நிலைப்பாடுகளுக்கு அடித்தளமாக இருக்கிறது. ஆனால், சுயநிர்ணய உரிமை அடிப்படையில் ஒரு அரசோ அல்லது அரசக் கட்டமைப்போ உருவாகுமானால் அது தனது எல்லைக்குட்பட்டு வாழும் சமூகங்கள் யாவற்றினது நலன்களையும், எல்லோருக்குமான நீதியினையும், சமத்துவத்தினையும் முன்னிறுத்த வேண்டும். இங்கு அகம் புறம் என்ற வேறுபாடுகளை வளர்ப்பது பிரச்சினைக்குரியதும், குரோதங்களைக் கூர்மைப்படுத்தவுமே வழி செய்யும். வடக்குக் கிழக்கிலே தமிழர்களுக்கும், முஸ்லிம்களுக்கும் சுயநிர்ணய உரிமை இருக்கிறது. ஆனால், சிங்களவர்களுக்கு இந்தப் பிராந்தியத்திலே தனிநபர் உரிமைகளே இருக்கின்றன போன்ற எழுக தமிழிலே முன்வைக்கப்படும் வாதங்கள் இன நல்லிணக்கத்துக்கும், பல்லினங்களின் நலன்களையும் உள்ளடக்கிய‌ சுயநிர்ணயக் கோரிக்கைக்கும் வலு சேர்க்கமாட்டா என்பதனை இந்தக் கட்டுரையாளர் சுட்டிக்காட்ட விரும்புகிறார்.

தனது சனத்தொகையிலே 98.8%ஆன தமிழர்களைக் கொண்ட யாழ்ப்பாண மாவட்டத்தில் இருந்து கொண்டு சிக்கல் மிகுந்த வரலாற்றினையும், சனத்தொகைப் பரம்பலினையும் கொண்ட கிழக்கு மாகாணத்தின் அரசியல் எதிர்காலம் பற்றி எடுத்த எடுப்பிலே கருத்துக்களை முன்வைப்பது அபாயமானது.



தமிழ்த் தேசியவாதத்தின் யாழ். மையவாதத் தன்மையினைத் தங்கத்துரை அடிக்கடி கேள்விக்குட்படுத்தியிருக்கிறார் என்பதனை ராஜன் ஹூலின் கட்டுரையின் வாயிலாக அறியக் கூடியதாக இருக்கிறது. கிழக்கிலங்கையின் வரலாறு கூட, யாழ்ப்பாணத்தின் வரலாற்றுடன் ஒப்பிடுகையில் மிகவும் சிக்கலானது. இது பற்றி எழுதும் வரலாற்றாசிரியரான‌ ட்கமர் ஹெல்மன்-ராஜநாயகம் (1994) மட்டக்களப்பு, அம்பாறைப் பகுதிகள் ஒருபோதும் யாழ்ப்பாண இராசதானியின் கீழ் இருக்கவில்லை என்பதனையும், மட்டக்களப்பு ஒரு காலத்தில் ருகுணு இராசதானியுடனும், மற்றொரு காலத்தில் கண்டிய இரசாதானியுடன் அரசியல் ரீதியில் தொடர்புபட்டிருந்தது என்றும் கூறுகிறார்.

கிழக்கில் வாழும் தமிழர்கள் மத்தியில் வடக்குக் கிழக்கு இணைப்பினை வலியுறுத்தும் ஒரு போக்குக் காணப்படும் அதேவேளை, தாம் வடக்குடன் இணைகையில் மேலும் சிறுபான்மையாக்கப்பட்டு விடுவோமோ என்ற அச்ச உணர்வு கிழக்கில் வாழும் சிங்கள, முஸ்லிம் மக்கள் மத்தியில் ஏற்பட்டிருக்கிறது (2012ஆம் ஆண்டுச் சனத்தொகைக் கணக்கெடுப்பின் படி இணைந்த வடக்குக் கிழக்கின் சனத்தொகை பின்வருமாறு அமையும்: இலங்கைத் தமிழர் – 61.07%, முஸ்லிம்கள் – 23.20%, சிங்களவர்கள் – 15%, இந்தியத் தமிழர் – 0.45%, பறங்கியர் – 0.19%). இந்த நிலைமை கடந்த வருடத்திலே அரசியலமைப்புத் தீர்வு தொடர்பாக மக்கள் கருத்தறியும் பணிகள் இடம்பெற்ற போது வெகுவாக அவதானிக்கப்பட்டது.

கடந்த வருடம் இடம்பெற்ற மக்கள் சந்திப்புக்களிலே, வடக்குக் கிழக்கு இணைந்த ஒரு மாகாணமாக இருப்பதற்கு மாற்றாக‌, நிலத் தொடர்ச்சியற்ற முஸ்லிம் மாகாணம் ஒன்றினை அமைப்பது பற்றிய கருத்துக்களும் வெளியிடப்பட்டன. ஈழமக்கள் புரட்சிகர விடுதலை முன்னணி (பத்மநாபா) வடக்குக் கிழக்கின் நிலப்பரப்புத் தொடர்பில் இன முரண்பாடுகளைக் கருத்திலே கொண்டு மிகவும் விரிவான முன்வைப்புக்களை மேற்கொண்டிருந்தது. அவற்றிலே அம்பாறை மாவட்டத்தினை அடிப்படையாகக் கொண்ட முஸ்லிம்கள் பெரும்பான்மையாக வாழும் தென்கிழக்கு மாகாணத்தின் உருவாக்கம் (இந்த மாகாணத்தின் நிருவாகத்தின் கீழ் விரும்பின் வடக்குக் கிழக்கில் உள்ள ஏனைய முஸ்லிம் பெரும்பான்மைப் பிராந்தியங்களைக் கொண்டு வருதல்), அம்பாறை மற்றும் திருகோணமலை மாவட்டத்தின் உட்புறமாக அமைந்திருக்கும் சிங்களப் பிராந்தியங்களை ஊவா மற்றும் வட மத்திய மாகாணங்களுடன் இணைத்தல் போன்றன அடங்கும். கண்டி ஃபோரத்தினரால் முன்வைக்கப்பட்ட அரசியலமைப்புத் தொடர்பான கருத்துக்கள் கிழக்கு மாகாணம் தற்போதுள்ளவாறு ஒரு தனி மாகாணமாக இருக்க வேண்டும் எனவும், அதுவே இனங்களுக்கு இடையில் நீண்ட காலத்தில் பன்மைத்துவத்தின் முக்கியத்துவத்தினையும், ஒற்றுமையினையும் வளர்த்தெடுக்க உதவியாக இருக்கும் எனவும் குறிப்பிடுகின்றன. இந்தக் கோரிக்கைகளிலே சிலவற்றின் பின்னால் அண்மைக் காலத்தில் இந்தப் பிராந்தியத்தில் நிலவும் இன முரண்பாடுகளும், ஏனையவற்றுக்குப் பின்னால் எதிர்காலத்தில் இந்தப் பிராந்தியத்தில் இனவொற்றுமையும் பன்மைத்துவமும் நீடிக்க வேண்டும் என்ற வேட்கையும் காணப்படுவதனை நாம் காணலாம்.

நாட்டின் ஏனைய மாகாணங்களில் இருந்து கலாசார ரீதியிலும், வரலாற்று ரீதியிலும், சனத்தொகை ரீதியிலும் முற்றிலும் வேறுபட்ட கிழக்கு மாகாணத்தின் அரசியல் எதிர்காலம் தொடர்பாக அந்தப் பிராந்தியத்தின் மக்கள் தமக்குள்ளே உரையாடல்களை மேற்கொள்வதே ஜனநாயகபூர்வமானதும், அவர்களின் சுயநிர்ணய உரிமையினை வலுப்படுத்துவதாகவும் அமையும். இதுவே இந்தப் பிராந்தியத்தில் நிலவும் இன ரீதியிலான பதற்றங்களும், நிலம் நீர் வளங்கள் மீதான இனத்துவ ரீதியிலான‌ போட்டிகளும் தணிவதற்கு வழியினை ஏற்படுத்தும். வன்முறைகளினால் பாதிக்கப்பட்ட மக்களுக்கு நீதி கிடைப்பதுவும், அவர்கள் இழந்துபோன நில நீர் வளங்கள் மீளவும் அவர்களிற்கு அதே வடிவிலோ அல்லது அதற்கு இணையான வேறு வடிவிலோ கிடைக்க வேண்டியதும் இங்கு முக்கியமானது.


தனது அரசியலின் ஆரம்பக் காலங்களிலே கிழக்கிலே மேற்கொள்ளப்பட்ட‌ சிங்களக் குடியேற்றங்களை எதிர்ப்பதில் தீவிரமாக இருந்த படுகொலை செய்யப்பட்ட நாடாளுமன்ற உறுப்பினர் தங்கத்துரை, பிற்பட்ட காலத்திலே இன ஒற்றுமையினை வளர்த்தெடுக்கும் வகையில், திருகோணமலையின் கிராமங்களிலே தனது சேவைகளை இன, மத, கலாசார ரீதியிலான வேறுபாடுகளுக்கு அப்பால் மேற்கொண்டிருக்கிறார் என்பதனை இவரின் மறைவுக்குப் பின்னர் ராஜன் ஹூல் எழுதிய கட்டுரையில் எடுத்துக்காட்டுகிறார். குடியேற்றப்பட்ட சிங்கள மக்களின் நலன்களுக்கும் தங்கத்துரை முக்கியத்துவம் கொடுத்திருந்தார் என்பதனை ராஜன் ஹூலின் பதிவில் இருந்து நாம் காணக் கூடியதாக இருக்கிறது. தமிழரசுக் கட்சியில் இருந்தவாறே, தூய்மைப்படுத்திய தேசியவாத அரசியலினைக் கேள்விக்குட்படுத்தி, பன்மைத்துவத்தினை மதிக்கும் அரசியலிலே ஈடுபட்ட தங்கத்துரையிடம் இருந்து இன்றைய அரசியற் தலைவர்களும், சமூகச் செயற்பாட்டாளர்களும், நாமும் கற்றுக்கொள்ளுவதற்கு நிறைய விடயங்கள் இருக்கின்றன.

வடக்கிலும், கிழக்கிலும் தனித் தனியாகவோ, இணைந்தோ சுயநிர்ணயத்துக்கான அரசியல், சமூக முனைப்புக்கள் மேற்கொள்ளப்படுகையில், அரசியற் தீர்வின் வடிவம் அதன் உள்ளடக்கம் பற்றிப் பேசப்படும் இன்றைய சூழலிலே, தங்கத்துரையின் அரசியல், சமூகப் பணிகள் பற்றியும், திருகோணமலையின் கிராமங்களிலே உட்கட்டுமாண அபிவிருத்திக்கு அவர் ஆற்றிய பங்கு பற்றியும், தமிழ்த் தேசிய ரீதியிலான‌ அரசியல் உரிமைப் போராட்டத்துக்கும் கிழக்கின் அபிவிருத்திக்கும் இடையிலான இடைவெளிகள் பற்றி அவர் முன்வைக்கும் அவதானங்கள் பற்றியும் ராஜன் ஹூலினால் 1997இல் எழுதப்பட்ட இந்தக் கட்டுரையினை மீளவாசிப்பது பொருத்தமாக இருக்கும் என்ற வகையில் கட்டுரையின் முக்கியமான பகுதிகளை இந்தப் பதிவின் எஞ்சிய பகுதியில் தமிழிற்கு மொழி பெயர்த்திருக்கிறேன். தற்காலத் தமிழ்ச் சமூகத்திலே அதிகம் பேசப்படாத இந்த அரசியற் தலைவரினையும், அவரது சிந்தனைகளையும் செயற்பாடுகளையும் அவரது இருபதாவது சிரார்த்த தினத்திலே நினைவுகூரும் ஒரு முயற்சியாகவும் நான் இந்தப் பதிவினையும் மொழிபெயர்ப்பினையும் நோக்குகிறேன்.
ராஜன் ஹூல் (1997): திருகோணமலையில் நிகழ்ந்த படுகொலையும் தமிழ் மக்களின் இக்கட்டான நிலைமையும்
[…]
திரு. தங்கத்துரை பிரதிநிதித்துவம் செய்த திருகோணமலை மாவட்டம் தமிழ்ச் சமூகத்தின் உள் நிலவும் பிரிவுகளினை வெளிப்படுத்தும் ஒரு இடமாகவும் அமைகிறது. திருகோணமலை நகரம் உட்கட்டுமாண வசதிகளினையும், நல்ல பாடசாலைகளையும் கொண்டிருக்கிறது. இங்கு குறிப்பிடத்தக்க அளவிலான நடுத்தர வர்க்கம் ஒன்று வாழ்ந்துகொண்டிருக்கிறது. அத்துடன், காணிகளின் பெறுமதியும் இங்கு உயர்வாக‌ இருக்கிறது. அதே நேரம் போரினால் பாதிக்கப்பட்ட, நகருக்கு வெளியில் இருக்கும் பகுதிகளினைச் சேர்ந்த‌ பாட்டாளி வர்க்க அகதிகள் முகாம்களில் வாழ்ந்துகொண்டிருக்கிறார்கள். அரசாங்கத்தின் நிவாரணத்திலே தங்கியிருக்கும் மக்களும், நம்பிக்கை இழந்து, கைவிடப்பட்ட நிலையில் வாழும் சிறுவர்களும், உடைந்து கொண்டிருக்கும் குடும்பங்களைச் சேர்ந்த பலரும் இந்தத் தரப்பினரில் அடங்குகிறார்கள். திருகோணமலையின் கைவிடப்பட்ட கிராமங்களைச் சேர்ந்த இந்த மக்கள் முல்லைத்தீவில் இருந்து, மடு மற்றும் தென்னிந்தியா வரை சிதறுண்டு போயுள்ளார்கள்.
தமிழர்கள் ஒரு மக்கள் கூட்டமாகத் தமது அடையாளத்துடனும், கலாசாரத்துடனும் வாழ வேண்டுமாயின் கிராமிய வாழ்வு மீண்டும் உயிர்ப்பிக்கப்பட்டு மீளமைக்கப்படல் வேண்டும் என்பதிலே தங்கத்துரை தெளிவாக இருந்தார். அகதிகளாக்கப்பட்ட மக்களின் வாழ்க்கை நாளுக்கு நாள் சிதைந்து போகிறது என்பதனை உணர்ந்த தங்கத்துரை திருகோணமலை மாவட்டத்தின் மீள்கட்டுமாணத்தில் கிராமங்களுக்கு பிரத்தியேகமான இடம் இருக்க வேண்டும் என்பதனை வலியுறுத்தினார். இந்த விடயத்தில் அரசாங்கம் போதியளவு ஒத்துழைப்பு நல்கியதாகவும், ஆனால் தமிழீழ விடுதலைப் புலிகளின் நிலைப்பாடுகள் நியாயத்தன்மை அற்றனவாக இருந்ததாகவும் அவர் கருதினார். நீண்டகாலத்தில் இந்தப் பிராந்தியத்தின் அரசியல் பற்றிய கேள்விகள் இந்த நிலத்தில் வாழும் மக்களின் பலத்திலேயே தங்கியிருப்பதனை அவர் உணர்ந்திருந்தார். இந்த வகையிலே ஒவ்வொரு கிராமத்திலும் போதியளவு வசதிகள் கொண்ட ஒரு பாடசாலை, ஒரு வைத்தியசாலை, வீதி, நீர் போன்ற அடிப்படை உட்கட்டுமாணப் பணிகள் இருக்கவேண்டும் என அவர் உணர்ந்தார். இதுவே அகதியாக்கப்பட்ட மக்கள் தமது கிராமங்களுக்கு மீளத்திரும்புவதற்கு வழியினை ஏற்படுத்திக்கொடுக்கும் என்று அவர் நம்பினார். இந்த வகையில் தம்பலகாமம் பகுதியில் ஏற்பட்ட நேர்முகமான மாற்றங்கள் அவருக்கு உற்சாகத்தினைக் கொடுத்தன.
தங்கத்துரை நகரப் பகுதியினைப் புறக்கணிக்கிறார் என்ற விமர்சனம் அவர் மீது வைக்கப்பட்டது. ஆனால், இந்த விமர்சனம் நியாயமற்றது என்று அவர் கருதினார். நகர்ப்புறத்தினைச் சேர்ந்தோர் தமிழ் மக்களின் பிரச்சினையின் ஆழம் தொடர்பிலும், கிராமப்புறங்களிலே இருந்த பிரச்சினைகள் தொடர்பிலும் உணர்வுபூர்வமற்றவர்களாக இருந்ததாகவே அவர் உணர்ந்தார்.
கிழக்கிலே தமிழ் மக்களின் நலன்களும் எதிர்காலமும் அந்தப் பிராந்தியத்தில் வாழும் தமிழ் சிங்கள மற்றும் முஸ்லிம் மக்களுக்கு இடையிலான ஒத்துழைப்பிலேயே தங்கியிருக்கிறது என அவர் திடமாக நம்பினார். கிண்ணியாவினைச் சேர்ந்த சிறிலங்கா சுதந்திரக் கட்சியின் மறைந்த நாடாளுமன்ற உறுப்பினர் எம். எல். ஏ மஜீட்டினை ஒரு நெருங்கிய நண்பராகவே தங்கத்துரை கருதினார். 1988இல் மஜீட் புலிகளால் படுகொலை செய்யப்பட்டமை அவரைக் கவலையும், ஏமாற்றமும் அடையச் செய்தது. மீள்கட்டுமாணப் பணிகளினை மற்றவர்களுடன் இணைந்து சுமூகமான முறையில் முன்னெடுத்தமையும், சக‌ நாடாளுமன்ற உறுப்பினர்களுடன் மிகவும் சிறப்பான தனிப்பட்ட உறவுகளைப் பேணியமையும், நாடாளுமன்ற உறுப்பினர் என்ற வகையில் தங்கத்துரையினது வெற்றிகரமான செயற்பாடுகளுக்குப் பங்களித்தன‌.
கிராமிய வாழ்வுடன் ஒன்றிப் போன ஒரு மனிதனாகத் தங்கத்துரை விளங்கினார். அவருடன் கலந்துரையாடுவது, கலந்துரையாடுவோருக்கு அறிவூட்டும் வகையிலே அமைந்தது. சாதாரண கிராமப்புற மக்களினை அரச அலுவர்கள் எவ்வளவு தூரம் உண்மையாகவும், அக்கறையுடனும் நடாத்துகிறார்கள் என்பதன் அடிப்படையில் தங்கத்துரை அவர்களை மதிப்பிட்டார். ஈச்சிலம்பத்தை போன்ற பின் தங்கிய தமிழ்க் கிராமங்களை முன்னேற்றுவதற்காக உழைத்த சிங்கள ஊழியர்களை அவர் மனதாரப் பாராட்டினார். அதேநேரம் தம்மிடம் இருக்கும் அதிகாரங்களைப் பயன்படுத்தி மக்களுக்குச் சேவையாற்றத் தவறிய தமிழ் அலுவலர்கள் குறித்து அவர் தீவிரமாக விமர்சித்தார். கோமரன்கடவலப் பகுதியிலே நீண்டகாலமாகக் கவனிப்பாரற்றுக் கிடந்த ஒரு சிங்களக் கிராமத்துக்கு ஒரு வீதியினை அமைத்துக்கொடுத்தமையினை, மாவட்ட அபிவிருத்தி சபையின் தலைவராக 1981ஆம் ஆண்டு இருந்தபோது தான் செய்த பெருமைக்குரிய விடயமாகத் தங்கத்துரை கருதினார்.
இவ்வாறான ஒரு வித்தியாசமான முறையில் தங்கத்துரை செயற்பட்டமைக்கு எவ்வாறான காரணிகள் அவரை ஊக்குவித்திருந்திருக்கக் கூடும் என்பதனை விளங்கிக்கொள்ளுவதற்கு அவரின் ஆரம்பகால அரசியல் வாழ்வின் தீவிரமான பக்கங்களை நாம் பார்க்க வேண்டும். அல்லைக் குளத்தின் கரையிலே, மூதூர் (கொட்டியாரம்) பிரதேசத்தின் மிகவும் பழமை வாய்ந்த‌ உட்கிராமமான கிளிவெட்டியினைச் சேர்ந்தவர் தங்கத்துரை. இவருடைய தந்தையார் கிராமியப் பதிவாளராக இருந்தார். சட்டத்தரணியாகி, இலங்கைத் தமிழரசுக் கட்சியில் இணைவதற்கு முன்னர் அவர் நீர்ப்பாசன திணைக்களத்திலே பணியாற்றினார். 1950இல் அல்லைக் குடியேற்றத்திட்டத்தின் மூலமாக தங்கத்துரையின் கிராமத்திலே சிங்களவர்கள் குடியேற்றப்பட்ட போது, இன ரீதியிலான பதற்றங்கள் அங்கு தீவிரம் அடைந்தன. ஆனால், தங்கத்துரையின் மனதிலே இனவாதத்துக்கு இடம் இருக்கவில்லை. தனது வாழ்வாதாரத்துக்காக நிலத்தினைப் பண்படுத்திக் கடினமாக உழைக்கும் ஒரு தமிழ் விவசாயியினை அவர் எவ்வாறு பாராட்டினாரோ அதேபோலவே வருந்தி உழைக்கும் ஒரு சிங்கள விவசாயியினையும் அவர் பாராட்டினார். தெஹிவத்தப் பிரதேசத்தில் வாழ்ந்த சிங்களவர்களுடனும் தங்கத்துரைக்கு நெருக்கமான உறவுகள் இருந்தன. தெஹிவத்தையினைச் சேர்ந்த சிங்கள மக்கள் தயிர் போன்ற பொருட்களை வாங்குவதற்காக கிளிவெட்டிக்கு வருவார்கள். அந்த மக்களின் குடும்ப நிகழ்வுகளுக்கான பதிவாளராக தங்கத்துரையின் தந்தையார் விளங்கினார். 1996ஆம் ஆண்டு குமாரபுரத்திலே தமிழ் மக்கள் படுகொலை செய்யப்பட்ட போது, படுகொலையினை நிகழ்த்தியவர்களையும், குற்றத்துக்கு உடந்தையாக இருந்த இலங்கை இராணுவத்தின் கேர்ணலினையும் பற்றி முக்கியமான தகவல்களைத் தங்கத்துரைக்கு வழங்கியவர்கள் தெஹிவத்தையினைச் சேர்ந்த சிங்களவர்களே என்பது இங்கு குறிப்பிடத்தக்கது.
அரச ஆதரவுடனான குடியேற்றத் திட்டங்கள் குறித்து கரிசனையினை வெளியிட்டு வந்த இலங்கைத் தமிழரசுக் கட்சியிலே சுறுசுறுப்பாக தனது அரசியல் வாழ்க்கையின் ஆரம்பக் காலத்திலே தங்கத்துரை பணியாற்றியமை இயல்பான ஒரு விடயமே. அரசின் குடியேற்றத்திட்டங்கள் காரணமாக  உள்ளூர் மக்கள் மிகவும் பாதுகாப்பற்ற ஒரு நிலைமயினை உணர்ந்தார்கள். தங்கத்துரையின் சொந்த ஊரான கிளிவெட்டியும் பிரச்சினையின் மையங்களில் ஒன்றாக இருந்தது. 70களிலே தங்கத்துரையும் யோகேஸ்வரனும் இலங்கைத் தமிழரசுக் கட்சியிலே இருந்த தீவிரத்தன்மை மிக்க இளைஞர்களாகப் பார்க்கப்பட்டனர். சனத்தொகையின் இன விகிதாசாரத்தினை மாற்றியமைக்கும் வகையில் அரசினால் மேற்கொள்ளப்பட்ட குடியேற்றத் திட்டங்களை முறியடிக்கும் நோக்கில், தங்கத்துரையின் குடும்பத்தினர், குறிப்பாக அவரும், அவரது சகோதரர் குமாரத்துரையும் எல்லைக் கிராமங்களைப் பாதுகாக்கும் வகையில் அங்கு தமிழ்க் குடியிருப்புக்களை ஏற்படுத்தும் முயற்சிகளிலே ஈடுபட்டனர். மிகவும் கடினமான சூழ்நிலையினை அவர்கள் இந்தக் காலப் பகுதியில் எதிர்கொண்டதுடன், தங்கத்துரை 70களிலே கைதுசெய்யப்படும் நிலைமையினையும் எதிர்கொண்டார்.
1983ஆம் ஆண்டு கலவரத்தின் பின்னர் நிலைமை மிகவும் மோசமாகியது. நாட்டில் பொதுவாகவே அரச அடக்குமுறை மேலும் தீவிரமான‌ நிலையில், 1984 ஜனவரியில் தங்கத்துரையின் சகோதரர் குமாரத்துரை கைது செய்யப்பட்டார். அவருக்கு எதிராக எந்தக் குற்றச்சாட்டுகளும் பதியப்படாத நிலையிலும் அவர் பூசாவுக்குக் கொண்டு செல்லப்பட்டு சித்திரவதைக்கு உள்ளாக்கப்பட்டார். ஆனால், தங்கத்துரை தொடர்ந்தும் திருகோணமலையிலே இருந்தார். 1985 மே மாதத்திலே இந்தப் பகுதியிலே இனப் பதற்றநிலை மேலும் தீவிரமடைந்து, இலங்கைப் படையினருக்கும் தமிழ் இயக்கங்களுக்கும் இடையில் இனரீதியிலான தாக்குதல்களும் பதில் தாக்குதல்களும் இடம்பெற்றன. 1985ஆம் ஆண்டு மே மாதம் 30ஆம் திகதி இரவு பொலிஸாரின் ஒரு குழுவினர் கிளிவெட்டியின் தெற்குக் கரைக் கிராமம் ஒன்றில் நுழைந்து பெண்கள் உள்ளடங்கலாக அங்கிருந்த 36 தமிழ்ப் பொதுமக்களினைக் கடத்திச் சென்றனர். பின்னர் இந்தப் பொதுமக்கள் யாவரும் கொலை செய்யப்பட்டு எரிக்கப்பட்டனர். மறுநாட் காலை கிராமத்தினுள் நுழைந்த இராணுவத்தினர் கிராமத்தினை விட்டு வெளியேறிச் செல்லாதிருந்த வயோதிபர்கள் உள்ளடங்கலாக 8 பேரினைச் சுட்டுக் கொலை செய்தனர். திருகோணமலையில் அப்போதிருந்த லண்டன் ரைம்ஸின் செய்திச் சேகரிப்பாளரிடம் இந்தச் சம்பவம் குறித்து தங்கத்துரை பேசியதனை அடுத்து இந்தச் சம்பவம் உலகளாவிய ரீதியில் கவனத்தை ஈர்த்த ஒரு விடயமாகியது (இதே காலப் பகுதியில் தெஹிவத்தையில் 18 சிங்களப் பொதுமக்கள் தமிழ் இயக்கங்களைச் சேர்ந்தோரின் தாக்குதல்களில் பலியாகினர்). இந்தப் பிரச்சினை தொடர்பாக தங்கத்துரை வதந்திகளைப் பரப்பினார் என அப்போதைய தேசிய பாதுகாப்பு அமைச்சராக இருந்த லலித் அத்துலத் முதலியினால் குற்றம்சாட்டப்பட்டு கைதுசெய்யப்படும் நிலையினை எதிர்கொண்ட போது நாட்டை விட்டுத் தப்பியோடி அவர் இந்தியாவிலே தஞ்சம் அடைந்தார். 1986இல் குமாரத்துரை சிறையில் இருந்து விடுவிக்கப்பட்ட போது அவரது கிராமமே இல்லாது போயிருந்தது. அவர் டென்மார்க்கிலே தஞ்சம் புகுந்தார்.
இவ்வாறான துன்பமான‌ அனுபவங்கள் பலவற்றினைச் சந்திக்க நேர்ந்த போதிலும், சட்டரீதியாக வரைவிலக்கணம் செய்யப்படும் உரிமைகளே எமக்கு முக்கியமானவை என்ற கருத்தினை முன்னிறுத்திச் செயற்பட்ட யாழ்ப்பாணத்தின் மத்திய தர வர்க்கத்தினால் முன்னெடுக்கப்பட்ட‌ தமிழரசுக் கட்சியின் தமிழ்த் தேசியவாதத்தினை தங்கத்துரை கேள்விக்குட்படுத்தியே இருந்தார். கட்சியின் நாடாளுமன்ற உறுப்பினர்கள் மத்திய அரசின் அமைச்சர்கள் தமது பிரதேசங்களுக்கு வரும் போது அந்த வருகையினைப் புறக்கணிக்க வேண்டும் எனக் கோரப்பட்டனர். சில சமயங்களில் தென்னிலங்கைக் கட்சிகளுக்கு நாடாளுமன்றத்திலே தமிழரசுக் கட்சி ஆதரவு வழங்கினாலும் அமைச்சரவைப் பதவிகளைப் பெறுவதற்கு அது தயங்கியது. வடக்கினைப் பொறுத்த வரையில் இந்த அணுகுமுறை பரவாயில்லை. ஆனால், பல சமூகங்கள் வாழ்ந்துகொண்டிருந்த கிழக்கிலே இந்த அணுகுமுறை தமிழ்ச் சமூகம் மேலும் பின் தங்கிச் செல்லும் நிலையினை ஏற்படுத்தியது. ஏனைய இனத்தவர்கள் அரசின் சலுகைகளைப் பெற்று முன்னேறிச் சென்ற‌ வேளையில் தமிழர்கள் கைவிடப்பட்ட நிலையில் கசப்புணர்வு மிக்கவர்களாக மாறிக் கொண்டிருந்தார்கள். 1970களில் நாடாளுமன்ற உறுப்பினராக இருந்த போது, நல்ல விடயங்களைச் செய்வதற்காக‌ அமைச்சர்களுடன் தொடர்புகளை ஏற்படுத்துவதற்கு மறுப்புத் தெரிவிப்பது ஓர் அர்த்தமற்ற செயன்முறை எனத் தங்கத்துரை தனது கட்சியிடம் கூறினார். யாழ்ப்பாணத்தில் இருப்பவர்கள் ‘உரிமைகளை’ விளங்கக் கூடியவர்கள்; ஆனால், அவர்களுக்கு வீதிகள், குளங்கள், கால்வாய்கள், பாலங்கள் போன்றன எல்லாம் விளங்கமாட்டாது என அவர் ஒருமுறை என்னிடம் நகைச்சுவையாகக் குறிப்பிட்டார்.
மேலும், சிங்களவர்களுடன் வாழ்ந்தவர் என்ற வகையில் தங்கத்துரைக்கு சிங்களவர்களை மனிதர்கள் என்ற ரீதியிலும் பார்க்கக் கூடியதாக இருந்தது. அவருடைய தொகுதியிலும் அதிக எண்ணிக்கையிலான சிங்களவர்கள் வாழ்ந்தனர். அவர் பதவியில் இல்லாத காலங்களிலும் கூட அவரின் சேவைகளைப் பெறுவதற்காக அவருடைய முன்னைய கந்தளாய்த் தொகுதியினைச் சேர்ந்த‌ சிங்கள மக்கள் அவரினை நாடியமையினை நான் கண்டிருக்கிறேன். தூய்மைப்படுத்தப்பட்ட ஒரு தமிழ்த் தேசியவாதம் ஒரு போதும் தமிழ் மக்களுக்கு நண்பர்களைப் பெற்றுத் தரமாட்டாது என்பதனையும் தங்கத்துரை அறிந்திருந்தார். நீர்கொழும்பில் இருந்து வந்திருந்த இடம்பெயர்ந்த மீனவர்கள் ஒருமுறை தன்னிடம் குறிப்பிட்ட சில உருக்கமான விடயங்களை அவர் என்னிடம் பகிர்ந்தார்: “ஐயா, எங்களுடைய தாய் மொழி தமிழ்; ஆனால், றோமன் கத்தோலிக்கத் திருச்சபை நாம் தமிழிலே வழிபாடுகளை மேற்கொள்ளுவதற்கு எமக்கு சந்தர்ப்பம் வழங்கவில்லை. இப்பொழுது உங்களுடைய மக்களும், உங்களுடைய அலுவலர்களும் கூட எங்களை நிராகரிக்கிறார்கள். எங்களுடைய பிள்ளைகளுக்கு உங்களுடைய பள்ளிக்கூடங்களிலே படிப்பதற்கு இடம் கொடுங்கள்.”
சிங்களவருடன் வாழவே முடியாது என்ற‌ முடிவுக்கு தங்கத்துரை ஒரு போதும் வரவில்லை. ஆனால், பொதுவாக‌ சிங்கள இராணுவத்தினரையும், சிங்களப் பொலிஸாரினையும் மட்டுமே கண்டிருந்த மக்கள் வாழ்ந்த‌ வடக்கிலே இதற்கு மாறான கருத்துக்களே ஆதிக்கம் செலுத்தின‌. இலங்கை அரசு என ஒருமைப்படுத்தப்பட்ட நிலையிலே வடக்கிலே பார்க்கப்பட்ட அமைப்பின் வெடிப்புக்களின் ஊடாக தங்கத்துரை தனது பார்வையினைச் செலுத்தினார். அங்கு அவர் மனிதத் தன்மையினையும் கண்டுகொண்டார்.
தென்னிலங்கையிலும் சில பிரச்சினைகள் இருந்தன என்பதனை தங்கத்துரை அறிந்திருந்தார். வேதனையினைத் தரும் ஒரு கிளர்ச்சிவாதமும், இனப் பிரச்சினை தொடர்பாக‌ சிங்கள மக்களின் மனப்போகிலே மாற்றங்கள் ஏற்பட்டமையினையும் அவர் கவனித்தார். அரசு ஒருபோதும் அசையமாட்டாது என்ற வாதமும் அவரைப் பொறுத்த வரையிலே பலவீனமுற்ற ஒன்றாக இருந்தது. இந்த அனுபவங்களை எல்லாம் பெற்றிருந்த தங்கத்துரை கொழும்பில் இருந்தபடி தீவிரத் தன்மை மிக்க அரசியல் பேசுவதனைக் காட்டிலும், அகதியாக்கப்பட்டவர்களின் மீள்வாழ்வு முக்கியமானது எனக் கருதினார். இந்த நோக்கத்துக்காக அவர் மிகுந்த அர்ப்பணிப்புடன் செயலாற்றினார். அவருடைய செயற்பாடுகள் யாவும் எளிமை மிக்கனவாகவும் அமைதியான முறையில் பற்றுறுதியினை வெளிப்படுத்துவனவாகவும் இருந்தன.
தமிழ்த் தலைவர்களின் மத்தியில் தங்கத்துரைக்கு இருந்த சில விசேடமான குணாதிசயங்களையும், அவரின் தனித்துவத்தினையும் நான் இங்கு குறிப்பிட்டுள்ளேன். நாம் சென்று கொண்டிருக்கும் மரணப் பாதையில் இருந்து சமூகத்தினை மீட்டெடுக்க அவர் தனக்கே உரிய வகையில் பாடுபட்டிருக்கிறார்.
தங்கத்துரை போன்றோரின் கொலைக்குக் காரணமான அரசியல் […], அனுபவங்களில் இருந்து பாடங்களைக் கற்றுக்கொள்ள மறுக்கும் ஓர் அரசியலே. இந்த வகையில் அழிக்கப்பட்டவர்களிடம் இருந்தும், அரசியல் ரீதியாக மௌனமாக்கப்பட்டவர்களிடம் இருந்தும் நாம் கற்பதற்கு நிறையவே இருக்கின்றன. அதன் மூலமாகவே எமது சமூகம் உயிர்ப்பாகவும், ஆரோக்கியமானதாகவும் இருக்கும். இவ்வாறான ஒரு அரசியலே பிறழ்வான மனங்களுக்கும், வெறுமையான மனங்களுக்கும் ஒரு தடுப்பாக அமையும். எங்களுடைய நன்மைக்காகவேனும், நாம் இந்தக் கொலைகளிற்கு எதிராக எமது கோபத்தினை இப்போதாவது வெளிக்காட்டுவோமா?
[…]
மகேந்திரன் திருவரங்கன்(நன்றி *மாற்றம் )
»»  (மேலும்)

7/03/2017

மக்களை சந்திக்க முடியாதிருக்கும் முன்னாள் முதல்வர் சந்திரகாந்தனுக்கு பெருகி வரும் ஆதரவு அலை.

சுமார் இரண்டு வருடமாக மக்களை சந்திக்க முடியாதிருக்கும் முன்னாள் முதல்வர் சந்திரகாந்தனுக்கு பெருகி வரும் ஆதரவு அலை.-

Kulanthaivel Navaneethan Résultat de recherche d'images pour "pilayan tmvp"


கிழக்கு மாகாண சபை கலைக்கப்படவுள்ள நிலையில் கிழக்கின் தமிழர் நிலையை மேம்படுத்த பலரும் பலவிதமான கருத்துக்களை வெளிப்படுத்துவதைக் காண முடிகிறது.
அந்த வகையில் நானும் ஒரு முக்கியமான விடயத்தை வெளிப்படுத்தியிருந்தேன்.


கிழக்கில் தமிழர்களின் ஓரளவான செல்வாக்கையுடைய சிறிய கட்சிகளும் தனி நபர்களும் கூட்டமைப்புடன் இணைய வேண்டும் என்பதே அந்த விடயம்.
குறிப்பாக பிள்ளையான் எனப்படும் கிழக்கின் முன்னாள் முதலமைச்சர் சந்திரகாந்தன் கூட்டமைப்பில் இணைக்கப்பட வேண்டும் என்பது எனது விருப்பம்.
இன்னும் பலர் கருணா அம்மானையும் இணைக்க வேண்டும் எனச் சொன்னாலும் அவர் தேர்தலில் போட்டியிட விரும்புவாரா அல்லது அவரது புதிய கட்சி தேர்தலில் இறங்குமா என்பது பற்றியெல்லாம் தெரியவில்லை.
அத்தோடு கிழக்கில் பிள்ளையானுக்கு உள்ள ஆதரவுத்தளம் அவருக்கு இல்லை.


எனவே கருணா அம்மானை கூட்டமைப்பில் இணைப்பது பற்றி நான் கரிசனை கொள்ளவில்லை.
அதே நேரம் மட்டக்களப்பில் உள்ள மக்கள் விருப்பங்களைப் பிரதிபலிப்பதாகவே எனது கருத்தை வெளிப்படுத்துகிறேன்.
நான் மற்றையவர்களைப் போல ஒரு மூலையில் இருந்து முகநூலை மட்டும் பார்த்து முகநூலில் மட்டுமே எழுதிக்கொண்டிருப்பவன் அல்ல.
நேரம் கிடைக்கும் போதெல்லாம் மட்டக்களப்பின் ஒவ்வொரு பகுதிக் கிராமங்களுக்கும் சென்று வருபவன்.
அந்த வகையில் மட்டக்களப்பின் கிராமப் பகுதிகளில் மக்கள் விரும்பும் அரசியல்வாதிகளாக ஒரு சிலரே உள்ளனர்.
அதில் பிள்ளையானை முதலாவதாக மக்கள் விரும்புகின்றனர்.
கூட்டமைப்பிலுள்ள ஜனாவுக்கு கிராமங்களில் அதிகமான செல்வாக்கு உண்டு.
சில பகுதிகளில் துரைரட்ணத்திற்கும் உண்டு.
கடந்த காலங்களில் கூட்டமைப்புக்காக தேர்தல் நேரங்களில் கடுமையாக உழைத்த எனக்கு இந்த விபரங்கள் அதிர்ச்சியாகவே இருந்தன.
காரணம் மேலே குறிப்பிடப்பட்ட கூட்டமைப்பை சேர்ந்த இருவரையும் சேர்த்து மூவருக்கும் எதிராகவே கடந்த பாராளுமன்ற தேர்தல் நேரம் செயற்பட்டேன்.
அந்த நேரத்தில் தற்போதுள்ள பாராளுமன்ற உறுப்பினர்களான சிறிநேசன்,அமல் ஆகியோரை முன்னிலைப்படுத்தியே எனக்கு அறிமுகமான மக்களிடம் வாக்களிக்க கூறியிருந்தேன்.
கிழக்கு மாகாணத்தில் அதிகமான தமிழ் உறுப்பினர்களைப் பெறக்கூடிய மாவட்டம் மட்டக்களப்பு.
மட்டக்களப்பில் பிரிக்கப்படும் ஒவ்வொரு வாக்குகளும் தமிழர் பிரதிநிதித்துவத்தைக் குறைப்பதற்கே காரணமாக அமையும்.
ஐக்கிய தேசியக் கட்சி கிழக்கு மாகாண தேர்தலுக்கு தயாராகி விட்டதாகவே கூறப்படுகிறது.
அவர்கள் முஸ்லிம் காங்கிரசுடன் இணைந்து கேட்பதற்கு தயாராகிவிட்டனர்.
அத்தோடு மட்டக்களப்பில் முன்னாள் பிரதியமைச்சர் கணேசமூர்த்தி,முன்னாள் பாராளுமன்ற உறுப்பினர் ஜெயனாந்தமூர்த்தி ஆகியோரை மட்டக்களப்பில் நிறுத்தி தமிழர்களின் கணிசமான வாக்குகளைச் சிதைக்க ஏற்பாடாகியுள்ளது.
அதேநேரம் பிளையானையும் இணைத்து ஐக்கிய தேசியக் கட்சியடன் தேர்தலில் நிறுத்தும் முயற்சியும் உள்ளதாக அறியமுடிகிறது.
அது சாத்தியமானால் கணிசமான தமிழ் வாக்குகளுடன் ஐக்கிய தேசியக் கட்சியில் கூடுதலான முஸ்லிம் பிரதிநிதிகள் தெரிவாகுவார்கள்.
மீண்டும் சாமர்த்தியமாக முஸ்லிம் முதலமைச்சரைப் பெற்று கிழக்கில் தமிழர் இருப்பை சிதைக்கும் செயற்பாடுகள் முன்னெடுக்கப்படும்.
தமிழர் தரப்பு கடந்தகால கதைகளையும் பொயான பொறுப்புக் கூறல் என்ற விடயத்தையும் கூறி பிள்ளையானையும் இணைத்து தேர்தலில் நிற்பதை தவிர்த்தால் கிழக்கு மக்களின் நிலை மேலும் மோசமடைவதை யாராலும் தடுக்க முடியாது.


பிள்ளையான் மீது எத்தனை குற்றச்சாட்டுக்களச் சுமத்தினாலும் கிழக்கு மாகாணத்தில் முன்னாள் போராளிகள்,மாவீரர் குடும்பங்கள் என கணிசமானவர்களை கரிசனையோடு அரவணைத்த பெருமை பிளையானுக்கு உண்டு.
கிழக்கில் கணிசமான அபிவிருத்திகளைச் செய்த பெருமையும் பிளையானுக்கே உண்டு.
கிழக்கில் அதிக தமிழ் மக்களுக்கு அரச வேலைகளைப் பெற்றுக்கொடுத்த பெருமையும் பிள்ளையானுக்குரியதுதான்
.

மட்டக்களப்பின் அடையாளத்தை வெளிப்படுத்த அவரால் ஆரம்பிக்கப்பட்ட மிகப்பெரிய நூலகத்தை காழ்ப்புணர்வின் காரணமாக கைவிட்டவர்கள்தான் எமது அரசியல்வாதிகள்.
அந்த நூலகத்தை முடிவடையச் செய்யவாவது பிள்ளையான் தமிழர் அரசியலுக்கு அவசியம்.
தமிழ் தேசிய கூட்டமைப்புக்கு கிழக்கு மக்கள் மீது உண்மையான அக்கறை இருந்தால் பொய்யான காரணங்களைத் தவிர்த்து கிழக்கு மாகாண தேர்தலுக்காக மட்டுமேனும் பிள்ளையானை இணைத்து தேர்தலில் களமிறங்க முன்வரவேண்டும்.
வடக்கு முதல்வர் மீது கொண்டுவரப்பட்ட நம்பிக்கையில்லாத் தீர்மானத்தை மக்கள் உணர்வுகளுக்கு மதிப்பளித்து கைவிட்டதுபோல கிழக்கு மக்களின் உணர்வுகளுக்கு மதிப்பளிக்க வேண்டும்.
அவ்வாறு மதிப்பளிக்காது தன்னிச்சையாகச் செயற்பட தமிழ் தேசிய கூட்டமைப்பு முயற்சிக்குமாயின் அது கிழக்கு தமிழ் மக்களுக்குச் செய்யும் வரலாற்றுத் துரோகமாகவே இருக்கும்.
கிழக்கில் தொடர்ந்தும் கூடமைப்பின் வெற்றிக்காக பாடுபடும் இளைஞர்கள் கூட்மைப்பை புறமொதுக்கும் நிலை உருவாகும்.
கிழக்கில் கூட கூட்டமைப்பின் ஆதரவுத்தளம் கேள்விக்குறியாகும்.
எனவே அன்பான கிழக்கு இளைஞர்களே..
கிழக்கின் புத்திஜீவிகளே...
பொதுமக்களே...
கிழக்கு மாகாணத்தில் தமிழரின் இருப்பை தக்க வைக்கவும், நலிவுற்ற எமது கிழக்கு மக்களின் வாழ்வை ஓரளவாவது மீட்டெடுக்கவும் வேற்றுமைகளையும் பழைய கசப்பான அனுபவங்களை மறந்து அனைவரும் ஒன்றிணைக்க கிடைத்த அரிய வாய்ப்பை சரியாக பயன்படுத்துவோம்.

நன்றி -முகநூல்
»»  (மேலும்)