உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

3/30/2017

வரலாற்றில் இன்று பங்குனி 30ம் திகதி பலிப்பாசிசத்தின் கந்தன் கருணைப் படுகொலை 30 வது வருட நினைவுதினம்

March 30, 1987 ஈழத் தமிழர் போராட்ட வரலாற்றில் ஓர் கரிய நாள்.Image may contain: 7 people, people standing, text and outdoor போராளிகளின் இரத்தத்தினால் எழுதப்பட்டு ஈழ விடுதலைப் போராட்டத்தின் நியாயத்தை கேள்விக்குட்படுத்திய நாள்.
Image may contain: plant, tree and outdoor

யாழ்ப்பாணம் நகரின் மத்தியில் யாழ். இந்துக் கல்லூரிக்கும் யாழ். மகளிர் கல்லூரிக்கும் இடையே அமைந்திருந்தது ஒரு வீடு. அது பல அறைகளைக் கொண்ட பிரமாண்ட மாடி வீடு. இந்த வீட்டில் 64 ஈழ விடுதலைப் போராளிகள் சிறை வைக்கப்பட்டிருந்தனர். அவர்களில் அநேகர் ஈ.பி.ஆர்.எல்.எப் போராளிகள்.
இவர்களை சிறை வைத்தவர்கள் இலங்கைப் படைகள் அல்ல. தமிழ் மக்களின் விடுதலைக்காக போராடுகிறோம் எனக் கூறிக்கொண்ட விடுதலைப் புலிகள். இந்த முகாம் சத்தியா என்ற புலிகளின் பொறுப்பாளர் ஒருவனின் கீழ் இருந்தது.

இங்கே நடந்த படுகொலைகளுடன் நேரடியாக சம்பந்தப்பட்டவன் பெயர் அருணா. இவன் 1986 இல் நடந்த கைதிகள் பரிமாற்றத்தினூடாக புலிகளின் தளபதி கிட்டுவினால் அரச சிறையில் இருந்து விடுவிக்கப்பட்டவன்.
இந்த அருணா என்பவன் பின்னர் இந்தியப்படை காலத்தில் நடந்த சுற்றிவளைப்பின் போது யாழ் குருசோ விதியில் வைத்து கொல்லப்பட்டான்.
சத்தியா தான் செய்த கொலைகளினால் மனநிலை பாதிக்கப்பட்ட நிலையில் புலிகளிலிலிருந்து ஒதுங்கி போதைப் பொருட்களுக்கு தன்னை அடிமையாகிக் கொண்டான்.

ஆம் .. அது ஒரு இரவு. கடிகாரத்தின் முற்கள் மணி 9தைத் தாண்டி நகர்ந்து கொண்டிருந்தது. தங்கள் உயிர்கள் இன்னும் ஒரு சில நிமிடங்களில் பறிக்கப்படப்போவதை அறியாது அந்தப் போராளிகள் தங்கள் கடைசி உணவை உண்டு கொண்டிருந்தனர்.


தீடீரென அம்முகாமை நோக்கி வெடிச்சத்தங்கள் கேட்டன. முதலில் அது 'மிஸ் பயர்' என்றுதான் போராளிகளில் ஒருவன் எண்ணினான். அம்முகாமில் நீண்ட நாட்கள் இருந்ததில் தாம் கொல்லப்படுவோம் என்று அவர்கள். எண்ணியிருக்கவில்லை. ஆனாலும் எதோ ஒரு உள்ளுணர்வால் உந்தப்பட்ட அந்தப் போராளி சமையல் அறையை அண்டிய முடுக்கொன்றில் மறைந்து கொண்டார்.
அவ்வேளை அருணா என்பவன் தனது உதவியாளர்கள் சகிதம் மூர்க்காவேசத்துடன் உள்ளே புகுந்தான். அவன் வந்த வேகத்தில் வலதுபுற மூலையிலிருந்த அறையில் அடைத்து வைத்திருந்தவர்கள் மீது சரமாரியாகச் சுட்டான்.
அருகில் இருந்த மாடிப் படிகளால் ஏறி மேல் மாடிக்குச் சென்றான். மேல் மாடிக்குச் சென்ற அருணா அங்கிருந்தவர்கள் நோக்கி வெடிகளைத் தீர்த்துவிட்டு திரும்பி இறங்கி வந்து இடதுபுற அறைக்குள் இருந்தவர்களை நோக்கிச் சுட்டான். சிறிது நேரம் மேலும் கீழுமாக தொடர்ந்து சுட்டுவிட்டு அங்கிருந்து செல்கின்றான்.
குண்டடிபட்ட போராளி அஜித் என்பவருக்கு வயிறு பிரிந்து குடல் வெளியே தள்ளவும் பயங்கரம்மாக அலறத் தொடங்கினார். வலப்புற அறையில் இருந்த ரெஜி என்ற போராளி நிலையும் அதுதான். யாருக்கும் என்ன நடக்கிறது என்றே தெரியவில்லை. யார் யார் சுடுபட்டனர். யார் யார் கொல்லப்பட்டனர் என்பதும் தெரியவில்லை.

அந்தப் போராளியும் வேறு ஒரு சில போராளிகளும் வெளிக்கதவால் தப்புவதற்காக ஓடினார்கள். காவலுக்கு நின்ற புலிகள் 'யாரடா' என்று கத்தியபடி இவர்களை நோக்கி துப்பாக்கி பிரயோகம் செய்தனர். ஓடி வந்தவர்கள் வெடிபட்டு கதவருகே விழுந்தனர். அவர்களோடு சேர்ந்து அந்தப் போராளியும் வெடிப்பட்டவன் போல் விழுந்து கொண்டார்.

அந்தப் போராளி மேல் விழுந்த கங்கா என்ற போராளிக்கு தலையில் சூடுபட்டு மூளை சிதறி இருந்தது. இரத்தம் வெள்ளம் போல் படர்ந்தது. அந்தப் போராளி அப்படியே இறந்தவர்களோடு இறந்தவர்போல் சரிந்து கிடந்தார். காவலுக்கு நின்ற புலிகள் எஞ்சியவர்களையும் இஷ்டப்படி சுட்டுக் கொலை செய்தனர். அந்தப் போராளியின் மேலே இருந்த மற்றைய போராளிகளின் இறந்த உடல்களும் இரத்தமும் அந்தப் போராளியை அவர்களிடம் இருந்தது மறைத்துக் கொண்டது.

அப்படிச் சடலங்களின் கீழ் புதைந்து கிடந்த அந்தப் போராளிக்கு வெடிப்பட்டவர்களின் ஓலங்களும் முனங்கல் சத்தமும் கேட்டபடி இருந்தது. உயிர் பிரிகையில் ஒவ்வொருவரது மரண ஓசையும் அடங்கிச் செல்வது கேட்டது. அந்த ஓசை, குரல்வளை அறுபட்ட ஒரு ஆட்டின் கதறல் போல், மனிதக் குரலேயற்ற வேறோர் பயங்கர குரலாக ஒலித்தது. மூச்சிழுத்து ஓய்வதைக் கேட்கும்போது அவர் உடல் அச்சத்தால் சில்லிட்டு நடுங்கிப் போனது.
போராளி கதிரும் வேறு ஒரு போராளியும் மலசல கூடத்தின் மேல் இருந்த தட்டு ஒன்றுக்குள் ஏறிப் பதுங்கிக் கொண்டனர். அருணா சுட்டு, அதன்பின் காவலுக்கு நின்றவர்களும் சுட்டு ஓய்ந்திருக்க சத்தியா என்பவன் வந்தான். அவன் அரை குறையாய் உயிரோடு இருந்தவர்களை சுட்டுக் கொன்றான். பின்னர் மலசல கூடத்திற்கு சென்று அங்கே ஒளிந்திருந்தவர்களையும் கண்டு பிடித்து 'இறங்குங்கடா கீழ' என்று கத்தியபடி சுட்டுக் கொன்றான்.
இவ்வேளையில் வாகனச் சத்தம் கேட்கின்றது. வெளியே சென்ற அருணா திரும்பி வந்தான். அவன் வேறொரு முகாமில் வைத்திருந்த போராளிகள் ராசிக், பாப்பா ஆகிய இருவரையும் இழுத்து வந்தான். வழமையாக இவ்விருவரையும் அருணாவும் சத்தியாவும் இம்முகாமுக்கு கொண்டு வந்து மிக மோசமாகத் தாக்கி விசாரணை செய்து விட்டு திரும்ப கூட்டிச் செல்வது வழக்கம்.
இவர்களில் போராளி ராசிக் மிகவும் நெஞ்சுறுதி கொண்டவர். எவ்வளவு அடித்தாலும் "நானும் ஆம்பிளைதாண்ட, போராட்டத்தாண்டா வந்தவன், சாவுக்கு பயப்படமாட்டன், நீ கொல்லுறதெண்டா கொல்லு" என்று கத்துவார். அவரை இனியில்லை என்றளவுக்கு அடித்து நொருக்குவார்கள்.
இத்தடவை அழைத்து வரப்பட்டபோது முகாமில் இருந்த நிலைமையைப் பார்த்ததும் தமக்கு என்ன நேரப்போகின்றது என்பது அவர்களுக்கு புரிந்திருக்க வேண்டும் "உங்களால் என்ன செய்ய முடியும் சுடத்தாண்டா முடியும், நீங்கள் அழிஞ்சுதாண்டா போவியல் எங்கள அவிழ்த்து விட்டுப் பாருங்கடா" என்று கத்தி இழுபறிப்படுகின்றபோது வெடிச் சத்தமும் கேட்கின்றது அவர்கள் சத்தமும் அடங்கிப் போகின்றது.
அதையடுத்து அங்கு மெளனம் நிலவியது. அநேகமாக அனைவரும் கொல்லப்பட்டுவிட்டனர். இரத்தம் அந்தப் போராளியின் கண்ணுக்கு எட்டிய தூரம் வரைக்கும் பரந்து இருந்தது. இரத்த வாடையும் வெடிமருந்து நாற்றமும் எங்கும் நிறைந்திருந்தது.
அருணாவும் சத்தியாவும் இறந்த உடல்களை ஏற்றிச் செய்வதற்காக வாகனம் எடுத்துவர வெளியே சென்றிருக்க வேண்டும். சிறுது நேரத்தில் தலை நிமிர்ந்து பார்த்த அந்தப் போராளி உயிரைக் கையில் பிடித்துக்கொண்டு மெதுவாக எழுந்து, பதுங்கியபடி சமையல் அறைப்பக்கமாகச் சென்று பின்புறமாக இருந்த சிறிய வாசல் கதவால் வெளியேறி அடுத்த வீட்டு வளவுக்குள் ஏறி விழுந்து ஊர்ந்து தப்பிச் செல்கின்றான்.
சில வருடங்களின் பின்னர் இந்தப் போராளிகள் கொலை செய்யப்பட்ட வீட்டில் உதயன் பத்திரிகையின் பிரதம ஆசிரியர் வித்தியாதரன் வசித்து வந்துள்ளார். அவர் சிலரிடம் "இன்னும் எனக்கு இங்கே நடந்த படுகொலைகள் பற்றிய பிரமை இருக்கிறது. இறந்தவர்களெல்லாம் இங்கே உலாவுவது போன்று உணர்கின்றேன். நான் சாந்தி - பரிகார பூசை செய்துவிட்டு குடியிருக்கிறேன்" என்று கூறியுள்ளார்.

அந்தப் போராளியின் மனக் குமுறலில் இருந்து வெளியே சிதறிய அழிக்க முடியா அவன் நினைவுகளின் ஒரு சிறு துளியே இப்பதிவாகும்.

நன்றி தோழர் நரேஸ்
»»  (மேலும்)

மருதமுனை றிபாஸ் எழுதிய இரண்டு நூல்களின் வெளியீட்டு விழா

மருதமுனை ஏ.எல்.எம்.றிபாஸ் எழுதிய “விலைப்பட்டியல் கொலைப்பட்டியல் மு.கா தேசியப்பட்டியல்,” 7வது ஜனாதிபத்தேர்தலும் முஸ்லிம் அரசியலும் என்ற இரண்டு நூல்களின் வெளியீட்டு விழா சனிக்கிழமை(01-04-2017)மருதமுனை கலாச்சார மத்திய நிலைய மண்டபத்தில் உதவிக் கல்விப் பணிப்பாளர் கலாநிதி சத்தார் எம.பிர்தௌஸ் தலைமையில் நடைபெறவுள்ளது
.Image may contain: 4 people, text
சிரேஷ்ட சட்டத்தரணிகளான எம்.எஸ்.எம்.ஜெமீல்,ஏ.எம்.பதுறுத்தீன் ஆகியோர் முன்னிலையில் பிரதம அதிதியாக தேசிய காங்கிரஸ் தலைவரும் முன்னாள் அமைச்சருமான
ஏ.எல்.எம்.அதாஉல்லா கலந்து கொள்கின்றார்.

இந்த நூல்கள்; பற்றி ஆசிரியர் பி.எம்.சிபான்,சட்டத்தரணிகளான எம்.சி.சபருள்ளா,எம்.எம்.பஹீஜ், விரிவுரையாளர் சிறாஜ் மஸ்ஹுர் ஆகியோர் உரையாற்றவுள்ளனர்.
நூலின் பிரதிகளை வர்த்தகர் எம்.ஐ.ஏ.பரீட்,ஆசியா மன்றத்தின் நிகழ்ச்சித்திட்ட ஆலோசகர் எம்.ஐ.எம்.வலீத்,விமர்சகர் எம்.எச்.எம்.இப்றாஹீம் ஆகியோர் பெறவுள்ளனர்.
»»  (மேலும்)

3/29/2017

ஐரோப்பிய ஒன்றியம் -- பிரிட்டன் விலகல்

ஐரோப்பிய ஒன்றியத்திலிருந்து விலகுவதற்கான தனது கடித்தத்தை பிரிட்டன் இன்று ஐரோப்பிய ஒன்றியத்திடம் முறையாக கொடுத்ததன் மூலம் இரண்டுக்கும் இடையிலான் 44 ஆண்டு கால உறவு முடிவுக்கு வருகிறது.
பிரிட்டன் விலகல் தொடர்பான பேச்சுவார்த்தைகள் இரண்டு ஆண்டுகளில் முடிக்கப்படவேண்டும்.Résultat d’images pour britain
இந்த இரண்டு ஆண்டுகளில் என்னவெல்லாம் நடக்கும்? எதுகுறித்தெல்லாம் இருதரப்பும் பேசும்? 44 ஆண்டுகால உறவை இரண்டு ஆண்டுகால அவகாசத்திற்குள் முடிக்க முடியுமா?
»»  (மேலும்)

இந்தியாவின் மிகப்பெரிய மாட்டிறைச்சி ஏற்றுமதியாளர்களில் பத்து பேர் இந்து மதத்தை சேர்ந்தவர்கள்


இந்தியாவின் மிகப்பெரிய மாட்டிறைச்சி ஏற்றுமதியாளர்களில் பத்து பேர் இந்து மதத்தை சேர்ந்தவர்கள்.Résultat de recherche d'images pour "boucher metier"
மத்திய வர்த்தக அமைச்சகத்தின், பதப்படுத்தப்பட்ட உணவு பொருட்கள் ஏற்றுமதி மேம்பாட்டு ஆணையத்தின் (APEDA) அனுமதி பெற்ற இறைச்சிக் கூடங்களின் எண்ணிக்கை மொத்தம் 74. அதில் பத்து இறைச்சிக் கூடங்கள் இந்துக்களுக்கு சொந்தமானவை.
நாட்டின் மிகப்பெரிய மற்றும் நவீன இறைச்சிக் கூடங்கள் முஸ்லீம் அல்லாதவர்களுக்கு சொந்தமானது.
இவற்றைத் தவிர, பல இந்துக்களின் நிறுவனங்கள் மாட்டிறைச்சி ஏற்றுமதித் தொழிலில் ஈடுபட்டுள்ளன. அவற்றிடம் இறைச்சிக் கூடங்கள் இல்லை.
»»  (மேலும்)

3/27/2017

உலகின் முதற் தமிழ்ப்பேராசிரியர் சுவாமி விபுலானந்த அடிகளார் -125

உலகின் முதற் தமிழ்ப்பேராசிரியர் சுவாமி விபுலாநந்த அடிகளார்!
அடிகளாரின் 125வது ஜனனதினம்இன்று!
அகிலம் போற்றும் முத்தமிழ் வித்தகர் சுவாமி விபுலானந்த அடிகளார் பிறந்து இன்று27ஆம் திகதியுடன் 125வருடங்களாகின்றன.Image may contain: one or more people and people standingImage may contain: 1 person, suit and closeup


அவர் மட்டக்களப்பின் தென்கோடியிலுள்ள காரைதீவு எனும் நெய்தலும் மருதமும் ஒருங்கே அமையப்பெற்ற பழந்தமிழ்க் கிராமத்தில் பிறந்தார்.
சாமித்தம்பி கண்ணம்மை தம்பதியினர் தவமிருந்து 1892-03-27 இல் அடிகளாரைப் பெற்றெடுத்தனர். அப்பகுதியில்தான் வரலாற்றுப் பிரசித்தி பெற்ற ஸ்ரீ கண்ணகை அம்பாள் ஆலயமும் உள்ளது. காரைதீவின் காத்தல் தெய்வமாம் பத்தினித்தெய்வம் கண்ணகியைக் குலதெய்வமாகவும் அவ்வம்மையின் நாமத்தைத் தாங்கியவருமாகிய கண்ணம்மையின் வயிற்றில் முதலாவது உதித்தவர் அடிகளார்.

இன்றும் கண்ணகை அம்மனாலயத்தைப் பரிபாலித்து வருகின்ற விஜயராஜன் குடியார் என்று சொல்லப்படுகின்ற வம்வத்தைச் சேர்ந்தவர். அவர் அக்காலத்தின் விதானையாக (பொலியானை - அக்கால பொலிஸ் தலைமைக்காரர்) இருந்தார்.
அடிகளார் இயற்பெயரான தம்பிப்பிள்ளை என்ற நாமத்தோடு பிறந்தார். அவர் நோய்வாய்ப்படவே கதிர்காமத்திற்குக் கொண்டு சென்று விரதம் அனுஷ்ட்டித்து நோய் குணமாகவே முருகப் பெருமானின் பெயரான 'மயில்வாகனன்' எனும் பெயரை அவருக்குப் பெற்றோர் சூட்டினர்.அதனால் அவரது பிறப்புப் பதிவில் தாமதமாயிற்று.

அவரது பிறப்பத்தாட்சிப்பத்திரம் மே மாதத்தில்தான் பதிவுவைக்கப்பட்டது. அதற்காக அவர் மேயில் பிறக்கவில்லையென்பதை கவனத்திற்கொள்க.
மட்டக்களப்பு மாநிலத்தில் வாராது வந்துதித்து உலகின் எட்டுத்திசைகளிலும் தமிழ் மொழியின் எழிலைப்பரப்பியவர் சுவாமி விபுலானந்தர் அவர்கள். முத்தமிழ் வித்தகரான அந்த முனிவரின் தமிழ்ப்பணிகள் பற்றி பலகோணங்களிலும் எழுதமுடியும்.

1898 இல் ஆறுவயதில் பள்ளியில் சேர்ந்தார். 1902-இல் மெதடிஸ்ட் பள்ளியிலும் பின்பு மட்டக்களப்புக் கல்லூரியிலும் பிறகு ஆர்ச் மிக்கேல் கல்லூரியிலும் பயின்றார்.
1916-இல் மதுரைத் தமிழ்ச் சங்கப் பண்டிதர் தேர்விலும் வெற்றி பெற்று இலங்கையின் முதலாவது மதுரைத் தமிழ் சங்கப் பண்டிதர் என்னும் பெருமையையும் பெற்றார்இ 1919ல் தனது சொந்த முயற்சியில் கற்றுஇ இலண்டன் பல்கலைக்கழகம் நடத்திய பி.எஸ்.சி. தேர்விலும் சித்தியடைந்தார்.


1924ல் சென்னை சென்ற மயில்வாகனனார் இராமகிருஷ்ண சங்கத்தில் சேர்ந்து 'பிரபோதசைதன்யர்' என்னும் பிரமச்சரிய நாமம் பெற்றார். அதே ஆண்டு சித்திரைப் பெளர்ணமியில் துறவறம் மேற்கொண்டு 'சுவாமி விபுலானந்தர்' என்னும் பெயர் பெற்றார்.
1925ல் இலங்கை திரும்பிய அடிகளார் கல்லடி உப்போடையில் சிவானந்த வித்தியாலயமும் காரைதீவில் சாரதா மகளிர் கல்லூரியும் மற்றும் ஆதரவற்றோர் மாணவர் மாணவியர் இல்லங்களும் நிறுவி அளப்பரிய கல்வித் தொண்டு செய்தார்.


பின்பு யாழ்ப்பாணம் வைதீஸ்வர வித்தியாலயத்தையும் திருகோணமலை இந்துக் கல்லூரியையும் இராமகிருஷ்ண 'சங்கத்தோடு இணைத்ததோடு நில்லாது மலையகத்திலும் பாடசாலைகள் அமைத்து சகலருக்கும் சிறந்த கல்வித் தொண்டாற்றினார்.
1931ல் அண்ணாமலைப் பல்கலைக்கழகத்தில் முதல் தமிழ்ப் பேராசிரியராகவும் 1943ல் இலங்கைப் பல்கலைக்கழகத்தின் முதல் தமிழ்ப் பேராசிரியராகவும் பணி புரிந்தார்.அதாகப்பட்டது அவர் உலகின் முதல் தமிழ்ப்பேராசிரியராக துலங்கினார்.
அத்தனை சிறப்போடு மொழியியல் விஞ்ஞானியாக அறிவியல் கலைஞராக ஆத்மீக ஞானியாக ஆற்றல்மிகு பேராசிரியராக இயற்றமிழ் வல்லுனராக இசைத்தமிழ் ஆராய்சியாளராக நாடகத்தமிழ் நல்லாசிரியராக நமது தாயக மண்ணிலே நற்பணிபுரிந்தார்.
தமிழுக்காக தமிழ் வளர்ச்சிக்காக தமிழ் இனத்திற்காக இனத்தின் கல்வி மலர்ச்சிக்காக தன் வாழ்வையே அர்ப்பணித்தவர் சுவாமி விபுலானந்தர் அவர்கள்.
விபுலானந்த அடிகளார் மனிதாபிமானம் மிக்கவர் ஆதித் தமிழ்க் குடியின் அறவழியில் வந்தவர். பாதியில் முளைத்தெழுந்த சாதிக் கொடுமைதனைச் சாடித் தகர்த்தெறிந்த சாதனைத் தமிழன் அவர் அன்னார் அண்ணாமலை பல்கலைக்கழகத்தில் பணிபுரிந்த காலத்தில் ஒடுக்கப்பட்ட ஆதி திராவிடர் வாழ்ந்த திருவேட்களம் என்னும் சேரிக்குச் சென்று பாலர் படிக்கப் பள்ளிகள் அமைத்தார்.
முதியோர் கல்விக் கூடங்களும் ஏற்படுத்தினார். இதை அறிந்த உயர் சாதிப் பார்ப்பன்னர்கள் சுவாமி மீது ஆத்திரம் கொண்டனர். குடிப்பதற்குக் கூட நன்னீர் தர மறுத்தனர். இதனால் அடிகள் பலகாலம் உவர் நீரையே குடித்து வாழ்ந்தார்.
சைவத்தின் காவலர்கள் என்று எழுந்தவர்கள் சாதித்துவத்தின் காவலர்களாகத் திகழ்ந்தார்கள். மக்களிடையே ஏற்றத் தாழ்வுகளை விதைத்தார்கள். மனித குலத்தின் மடமைத்தனத்தின் உச்சநிலையான வருணப் பாகுபாடுகளை வளர்த்தார்கள்.
ஆனால் சுவாமி விபுலானந்த அடிகளோ மக்கள் எல்லோரையும் சமமாக மதித்தார். சாதிப் பிரிவுகளை நீக்க உழைத்தார். எல்லோரும் சமமானவர்களே என்ற எண்ணத்தை மக்களிடையே விதைத்தார். கல்வி எல்லோருக்கும் பொதுவானது என்று நினைத்தார். தீண்டத்தகாதவர் என்று தீயவர்களால் ஒதுக்கி வைக்கப்பட்ட மக்களுக்கும் கல்வி கிடைப்பதற்கு வழிசமைத்தார்.
அடிகளாரின் நீண்ட நாளைய இசை ஆராய்ச்சிப் பணி 1947ல் 'யாழ் நூல்' என உருப்பெற்றது. கரந்தைத் தமிழச் சங்கத்தின் ஆதரவில் திருக்கொள்ளும் புதூர் ஆலயத்தில் 20-06-1947 21-06-1947 ஆகிய இரு தினங்களிலும் யாழ் நூல் அரங்கேற்ற விழா நடந்தேறியது.
தமிழ்நாட்டு மக்களிடையே கல்விமறுமலர்ச்சியை ஏற்படுத்துவதற்காக தன்னிகரற்ற பணிகளை ஆற்றிய சுவாமி அவர்கள். ஈழத்திலும் ஏழைத் தமிழ் மாணவர்களுக்கு எழுத்தறிவித்த இறைவனானார். எவ்வித வேறுபாடுமின்றி எல்லா மக்களுக்கும் கல்வி கிடைப்பதற்காக யாழ்ப்பாணத்திலும் மட்டக்களப்பிலும் சுவாமி அவர்கள் ஆற்றிய பணிக்கு நிகராகப் பணிபுரிந்தோர் அவரதுகாலத்திற்கு முன்னர் என்றாலும் சரி அவருக்குப் பின்னர் இன்றுவரை என்றாலும் சரி யாருமே பிறந்ததுமில்லை உயர்ந்தவராய்த் திகழ்ந்ததுமில்லை பணியிலே சிறந்ததுமில்லை.
தமிழர்களுக்குக் கல்வியுட்டுவதிலே தளராத அவரது முயற்சியினால் ஈழத்திலும் தமிழ்நாட்டிலும் எண்ணற்ற தமிழ் அறிஞர்கள் தோன்றினார்கள். பேராசிரியர்களாகஇ பண்டிதமணிகளாகஇ புலவர்மணிகளாக உருவாகினார்கள். வாழையடி வாழையாகத் தமிழ் வளர்ச்சியின் எருவாகினார்கள். அதனால் சுவாமியவர்கள் இருபதாம் நூற்றாண்டுத் தமிழ் மொழி வளர்ச்சியின் கருவாகினார்கள்.
சென்னைப் பல்கலைக் கழகத்தின் தமிழ் ஆராய்ச்சித் துறைக்கான பாடத்திட்டத்தினைத் தயாரித்தவர் சுவாமி விபுலானந்தர் அவர்களே. அதன்மூலம் சீரியவழியில் தமிழ் ஆராய்ச்சிக்கல்வி வளர்வதற்கும் தமிழ் ஆராய்ச்சிக் கலை தொடர்வதற்கும் தமிழ்மொழியின் நிலை உயர்வதற்கும் காலாக அமைந்தவர் சுவாமிகளே.
சென்னை மாகாணத் தமிழ்ச்சங்கத்தால் அமைக்கப்பட்ட கலைச்சொல்லாக்கப் பேரவையின் தலைமைப்பொறுப்பை ஏற்று அறிவியல் தமிழை உலகுக்கு அறிமுகம் செய்துவைத்தவர் அடிகளார் அவர்களே.
கணிதம் வரலாறு பொதிகவியல் தாவரவியல் விலங்கியல் இராசாயனவியல் உடல்நலவியல் புவியியல் விவசாயவியல் ஆகிய ஒன்பது துறைகளில் கலைச்சொற்களை ஆக்குதற்காக ஒன்பது அறிஞர் குழுக்கள் அமைக்கப்பட்டு அந்த ஒன்பது குழுக்களுக்கும் பொதுத் தலைவராகவும் இரசாயனவியல் குழுவின் தலைவராகவும் விபுலானந்த அடிகள் நியமிக்கப்பட்டார்.
அடிகளாரின் தலைமையிலான அந்த அறிஞர் குழுக்களின் அரும்பணியினால் பத்தாயிரம் தமிழ்க்கலைச் சொற்களைக் கொண்ட கலைச்சொல் அகராதி 1938 ஆம் ஆண்டு வெளியிடப்பட்டது. உலகின் அறிவியல் மலர்ச்சிக்குத் தகுந்தவகையில் தமிழ் மொழியின் வளர்ச்சி அமைந்திட இந்த அகராதி பெரும் பக்காற்றிக் கொண்டிருக்கின்றது.
சுவாமி அவர்கள்இ இந்தியாவில் இராமகிருஷ்ண மடத்தால் வெளியிடப்பட்ட 'வேதாந்த கேசரி' என்றும் ஆங்கிலப் பத்திரிகைக்கும் 'இராமகிருஷ்ண விஜயம்' என்னும் தமிழ்ப் பத்திரிகைக்கும் ஆசிரியராகப் பணியாற்றினார். அவரால் அவ்விதழ்களில் எழுதப்பட்ட கட்டுரைகளும் ஆசிரியர் தலையங்கங்களும் சமய உண்மைகளை விளக்குவனவாக மட்டுமன்றித் தமிழ் மொழி தமிழ்ப்பண்பாடு என்பவற்றைப் பரப்புவனவாகவும் அமைந்திருந்தன.
தமிழ் இலக்கியம் பாரதிக்கு முன்னால் பாரதிக்குப்பின்னால் என்று இன்றைக்கு வரையறை செய்யப்படுகின்றது. அந்த அளவுக்குத் தமிழ் இலக்கியத்திலே தாக்கத்தை ஏற்படுத்தியவர் மகாகவி பாரதியார். பாரதியாரைப்பற்றி ஆயிரக்கணக்கான நூல்கள் வந்துவிட்டன. இலட்சக்கணக்கான கட்டுரைகள் எழுதப்பட்டுவிட்டன. பாரதியைத் தெரியாத தமிழர்கள் பட்டிகளில் தொட்டிகளில்கூட இல்லை என்கின்ற அளவுக்கு அவரது பாடல்கள் படித்தவர்களையும் பாமரர்களையும் எட்டியிருக்கிறதென்றால் அதற்குக் காரணம் சுவாமி விபுலானந்த அடிகளே.

பாரதியாரின் முற்போக்குக் கருத்துக்களை ஏற்றுக்கொள்ளாத சாதிவெறிவிடித்த பிராமணப் பண்டிதர்கள் பாரதியை அவமதித்தார்கள். அவரின் பாடல்களை வெறுத்தார்கள். அவற்றை இலக்கியமென்று ஏற்க மறுத்தார்கள். மக்களுக்குத் தெரியவராதபடி மறைத்தார்கள். பள்ளிகளிலும்இ கல்லூரிகளிலும் புறக்கணித்தார்கள்.
படித்தவர்கள்இ விவுலானந்தரின் அறிவை மதித்தவர்கள் அவருக்குப் பதவி அளித்தவர்கள் எல்லோருமே பாரதியைக் குழிதோண்டிப் புதைத்தார்கள். இத்தனை பேருக்கும் எதிராக பாரதியை மகாகவியாக படித்த மக்களிடையே உலவவிட்டவர் விபுலானந்த அடிகள் என்றால் அவரது அஞ்சா நெஞ்சத்தை என்னென்பது?
விபுலானந்தர் தோன்றாதிருந்திருந்தால் தமிழ் நாட்டில் கால் ஊன்றாதிருந்திருந்தால் மகாகவி பாரதியாரை உலகம் காணாதிருந்திருக்கும் பாரதியின் தமிழ் வீணாக மடிந்திருக்கும். சங்ககாலத்திற்கு முன்னர் தோன்றிய எண்ணற்ற இலக்கியங்களை ஆற்று நீரிலே எறிந்து அழித்ததைப்போல தீயிலே போட்டு எரித்ததைப்போல சாதிவெறிபிடித்த மேதாவிகள் பாரதியின் பாடல்களையும் அழித்திருப்பார்கள்.

சுவாமி விபுலானந்தர் அவர்கள் பல்கலைக்கழக மட்டத்திற்குப் பாரதியைக் கொண்டு சென்றதால் பாரதியை யாராலும் அழிக்க முடியவில்லை. விபுலானந்த அடிகளின் தமிழ்ப் பணிகளிலே இமயமென உயர்ந்து நிற்பவற்றிலே அவர் பாரதியாரின் பாடல்களுக்கு அங்கீகாரத்தை ஏற்படுத்திக் கொடுத்தமையும் ஒன்றாகும்.

சங்க இலக்கியங்களுக்கு நிகராக எண்ணப்படுகின்ற கங்கையில் விடுத்த ஓலை என்னும் அடிகளாரின் கவிதை மலரும் மற்றைய இனிமையான கவிதைகளும் எண்ணற்ற கட்டுரைகளும் இயற்றமிழுக்கு அவர் ஆற்றிய பணியினை இயம்பிக்கொண்டிருக்கின்றன.
விபுலானந்த அடிகளுடைய கல்லறையில் அவரே இயற்றிய இனிய கவிதை பொறிக்கப்பட்டுள்ளது மிகப் பொருத்தமாகும்.
இறைவனின் திருப்பாதங்களில் சூட்டப்படவேண்டிய மலர்கள் பற்றிப் பாடுகிறார் அடிகள்:
வெள்ளைநிற மல்லிகையோ வேறெந்த மாமலரோ
வள்ளலடியிணைக்கு வாய்த்த மலரெதுவோ?
வெள்ளைநிறப் புவுமல்ல வேறெந்த மலருமல்ல
உள்ளக் கமலமடி உத்தமனார் வேண்டுவது.
காப்பவிழ்ந்த தாமரையோ கழுநீர் மலர்த்தொடையோ
மாப்பிள்ளையாய் வந்தவர்க்கு வாய்த்த மலரெதுவோ?
காப்பவிழ்ந்த மலருமல்ல கழுநீர்த் தொடையுமல்ல
கூப்பியகைக் காந்தளடி கோமகனார் வேண்டுவது
பாட்டளிசேர் பொற்கொன்றையோ பாரிலில்லாக் கற்பகமோ
வாட்டமுறாதவர்க்கு வாய்த்த மலரெதுவோ?
பாட்டளிசேர் கொன்றையல்ல பாரிலில்லாப் புவுமல்ல
நாட்டவிழி நெய்தலடி நாயகனார் வேண்டுவது.
என்று 'ஈசன் உவக்கும் இன்மலர் மூன்று' என்ற தலைப்பில் அடிகளார் பாடிய பாடல்கள் அறிஞர் பெருமக்களால் விதந்து போற்றப்படுகின்றன.
அடிகள் மறைந்தாலும் அவர் முத்தமிழுக்கு ஆற்றிய பணிகள் என்றும் மறையாது.

நன்றி *விபுலமாமணிவி.ரி.சகாதேவராஜா
»»  (மேலும்)

மட்டக்களப்பு மது உற்பத்தி தொழிற்சாலை விவகாரம்: ஊடகவியலாளர் தாக்கப்பட்டதை கண்டித்து கண்டன போராட்டம்

மட்டக்களப்பு கல்குடா பகுதியில் சட்டவிரோதமாக நிர்மாணிக்கப்பட்டுவரும் மது உற்பத்தி தொழிற்சாலை தொடர்பில் செய்திசேகரிக்கச்சென்ற இரண்டு ஊடகவியலாளர்கள் தாக்கப்பட்ட சம்பவத்தினை கண்டித்து இன்று சனிக்கிழமை மட்டக்களப்பில் கண்டன போராட்டம் ஒன்று முன்னெடுக்கப்பட்டு வருகின்றது.

மட்டக்களப்பு காந்தி பூங்கா முன்பாக இந்த ஆர்ப்பாட்டம் மட்டக்களப்பு மாவட்ட தமிழ் ஊடகவியலாளர் ஒன்றியத்தினால் முன்னெடுக்கப்பட்டு வருகின்றது. ஊடகவியலாளர்கள் தமது செயற்பாடுகளை சுதந்திரமாக செயற்படுத்தும் நிலைமை உருவாக்கப்படவேண்டும் என்பதை இதன்போது வலியுறுத்தப்படவுள்ளதாகவும் தாக்கப்பட்ட ஊடகவியலாளர்களின் விசாரணைகளை துரிதப்படுத்தி குற்றவாளிகளுக்கு தண்டனை பெற்றுக்கொடுக்கப்படவேண்டும் எனவும் மட்டக்களப்பு மாவட்ட தமிழ் ஊடகவியலாளர் ஒன்றியம் வலியுறுத்தி இந்த கண்டன போராட்டத்தை முன்னெடுத்துள்ளது.

மேலும் மட்டக்களப்பு மாவட்டத்தில் சட்ட விரோதமான முறையில் முன்னெடுக்கப்படும் மதுபான உற்பத்தி தொழிற்சாலைகளின் நிர்மாண வேலைகளை நிறுத்த நடவடிக்கையெடுக்குமாறு வலியுறுத்தப்பட்டுள்ளதுடன் மட்டக்களப்ப மாவட்டத்தில் மதுபானசாலைகளை குறைக்க நடவடிக்கையெடுக்குமாறும் வலியுறுத்தி மட்டக்களப்பு மாவட்ட தமிழ் ஊடகவியலாளர் ஒன்றியம் இந் கண்டக போராட்டத்தை முன்னெடுத்து வருகின்றது.
»»  (மேலும்)

.பிள்ளையானுக்கிருக்கும் தில்லு சம்மந்தருக்கில்லை.

Résultat de recherche d'images pour "chandrakanthan" Image associéeகல்குடாவில் மது பான உற்பத்திசாலை உருவாவதை அறிந்து அங்கு செய்தி சேகரிக்க சென்ற ஊடகவியலாளர்கள் மீது அங்கிருக்கின்ற ஐக்கிய தேசியக் கட்சியின் கல்குடா தொகுதி அமைப்பாளர் ஒருவரின் சகோதரர் தொடக்கம் அவரது ஆதரவாளர்கள் சேர்ந்து தாக்கியிருக்கின்றார்கள்.

மத்திய வங்கி ஊழல் பேர்வழி  அர்ஜுன் மகேந்தரனின் மருமகனான அலோசியஸ் என்பவரே இதற்கான முதலீடு செய்து இந்த மதுபான உற்பத்தி சாலையை உருவாக்குவதற்கு நடவடிக்கை எடுத்துள்ளார். இதற்கு ஐக்கிய தேசியக் கட்சி அரசாங்கம் வரியில்லாமல் பொருட்களை இறக்குமதி செய்தவற்கு வரி விலக்கு செய்துள்ளது.

பிள்ளையான் மாவட்ட அபிவிருத்தி குழு தலைவராக இருந்த போது மட்டக்களப்பு மாவட்டத்தில் புதிய மது பான நிலையங்களுக்கு அனுமதி பத்திரம் வழங்குவதில்லை.என்ற தீர்மானத்தை நிறைவேற்ற முடிந்தது அதனை மத்திய அரசுக்கு அனுப்பி நெருக்கடி கொடுக்க முடிந்தது.

ஆனால் தமிழ் தேசிய கூ ட்டமைப்பினர் -முஸ்லீம் காங்கிரஸ் கூட்டு மாகாணத்தில் இருக்கின்றது.ரணில்- மைத்திரி- சம்பந்தன் கூட்டு மத்தியில் இருக்கின்றது. மதுபான நிலையமல்ல ஒரு  தொழில்சாலையே மட்டக்களப்பில் ஆரம்பிக்கப்படுகின்றது.


இதற்கு எதிர்ப்பு தெரிவிப்பதற்கு அப்பால் தமிழ் தேசிய கூட்டமைப்பால் இதனை தடுத்து நிறுத்த முடியவில்லை.




 
»»  (மேலும்)

3/20/2017

காணாமல் ஆக்கப்பட்டோரின் போராட்டம் தொடர்பாக தனக்கு எதுவும் தெரியாது-எதிர்க்கட்சித் தலைவர்

திருகோணமலையில் வலிந்து காணாமல் ஆக்கப்பட்டோரின் குடும்பத்தினர் மற்றும் உறவினர்கள் இணைந்து இன்று திங்கள்கிழமை 16வது நாளாக சுழற்சி முறையிலான உண்ணாவிரதத்தினை கிழக்கு மாகாண ஆளுநர் பணி மனையின் முன்னே மேற்கொண்டுள்ளனர்.Résultat d’images pour sampanthan


நேற்று மாலை இவர்கள் திடீரென ஆளுநர் பணிமனையின் முன்னே தொடர்ந்து மேற்கொண்ட போராட்டத்தின் மத்தியில் மாலை 5 மணிக்குப் பின்னர் தபால் நிலைய வீதியில் உள்ள எதிர்க்கட்சித் தலைவர் சம்பந்தனின் வீட்டின் முன்னே திரண்டிருந்து ஆர்ப்பாட்டத்தினை மேற்கொண்டார்.
வலிந்து காணாமல் போனோரை கண்டு பிடித்துத் தருமாறும், அவர்கள் தொடர்பான விபரங்களை பெறுவதற்கு உரிய நடவடிக்கைகளை மேற்கொள்ளுவது குறித்தும், எதிர்க்கட்சித் தலைவர் சம்பந்துனுடன் பேசும் வகையிலேயே இவர்கள் அங்கு திரண்டிருந்தனர்.

இந்த நிலையில் எதிர்கட்சித் தலைவர் சம்பந்தன் நிகழ்ச்சி ஒன்றில் கலந்து கொள்ளும் வகையில் வெளியே சென்ற நிலையில், இரவு எட்டரை மணியின் பின்னே வீடு திரும்பிய வேளை வீட்டின் முன்னே திரண்டிருந்தவர்களை உள்ளே அழைத்துச் சென்று பேச்சு வார்த்தையினை மேற்கொண்டுள்ளார்.


இந்த பேச்சு வார்த்தையின்போது இவர்களின் போராட்டம் தொடர்பாக தனக்கு எதுவும் தெரியாது, எனவும், பாராளுமன்றத்தில் இது தொடர்பாக வலியுறுத்தப் போவதாகவும் சாதகமான பதிலை விரைவில் பெற்றுத் தருவதாக உறுதி அளித்துள்ளதாகவும் பேச்சசுவார்த்தையில் கலந்து கொண்டோர் தெரிவித்துள்ளனர்.
இந்தப் பேச்சு வார்த்தை முடிவடைந்த பின்னர், அவர்கள் பின்னிரவு வேளையில் மீண்டும் ஆளுநர் பணிமனை பகுதியை சென்றடைந்து தமது சுழற்சி முறையிலான உண்ணா விரதத்தினை தொடர்ந்து வருகின்றனர்.
»»  (மேலும்)

3/19/2017

உள்ளுராட்சி தேர்தலை ஒத்திப்போட்டு வருவது தவறாகும்-தேர்தல் ஆணைக்குழுவின் தலைவர் மஹிந்த தேசப்பிரிய

மாகாண சபைகள் மற்றும் உள்ளுராட்சி  அமைச்சர்,  தேர்தலை எவ்வகையில், எந்த முறையில் நடத்துவதென்பதுக் குறித்து, வர்த்தமானி அறிவிப்பை வெளியிட வேண்டும்.  அதன்பிறகே,  தேர்தலை நடத்துவதற்கான ஏற்பாடுகளை  முன்னெடுக்க முடியும்” என்று, தேர்தல் ஆணைக்குழுவின் தலைவர் மஹிந்த தேசப்பிரிய தெரிவித்தார்.
பசறை பிரதேச சபையின் முன்னாள் தலைவரும் சிரேஷ்ட சட்டதரணியுமான அமரர் சுனில் யசநாயக்கவின் நினைவு தினமும் நூல் வெளியீடு மற்றும் ஒன்றுகூடலும், ஊவா மாகாண சபையின் கேட்போர் கூடத்தில், சனிக்கிழமை மாலை நடைபெற்றது.
ஊவா சக்தி நிலையத்தின் ஏற்பாட்டில் நடைபெற்ற இந்நிகழ்வில் கலந்துகொண்டு உரையாற்றும்போதே, அவர் இவ்வாறு கூறினார். இங்கு தொடர்ந்து உரையாற்றிய அவர் மேலும் கூறுகையில்,

“உள்ளுராட்சி மன்றங்களுக்கான தேர்தலை, நானே தள்ளிப் போட்டு வருகின்றேனென்று, பலரும் என்னை விமர்சனம் செய்து வருகின்றனர். நேரடியாகவும் பலர் என்னிடம் தேர்தல் குறித்து வினவுகின்றனர். தேர்தலை நடத்த, நான் ஆயுத்தமாகவே உள்ளேன். ஆனால், அதற்கான வர்த்தமானி அறிவிப்பை, உள்ளுராட்சி மன்ற அமைச்சு வெளியிட வேண்டும். அதன் பிறகுதான், என்னால் தேர்தலை நடத்துவதற்கான ஏற்பாடுகளை முன்னெடுக்க முடியும். குறிப்பிட்டக் காலத்தில் தேர்தலை நடத்துவதே முறையாகும். தேர்தலை ஒத்திப்போட்டு வருவது தவறாகும்” என்றார்.

“டொனமூர் அரசியல் யாப்புக் காலத்தில், சர்வஜன வாக்களிப்பு முறைமை நடைமுறைப்படுத்தப்பட்டது. ஆண்கள் 21 வயதிலும் பெண்கள் 30 வயதிலுமே வாக்களிக்க வாய்ப்புக்கள் வழங்கப்பட்டன. அதையடுத்து, ஏற்பட்ட போராட்டத்தின் பயனாக,18 வயதுக்கு மேற்பட்ட அனைவருக்கும் வாக்களிக்கும் உரிமை கிடைக்கப்பெற்றது.
ஏற்கனவே இவ் வாக்களிக்கும் முறைமையானது, படித்தவர்கள், வசதி படைத்தவர்களுக்கு மட்டும் மட்டுப்படுத்தப்பட்டிருந்ததை இங்கு நினைவு கூற வேண்டியுள்ளது. படிப்படியாக இத்தகைய பாரபட்ச முறைமைகள் அகற்றப்பட்டு, காலப்போக்கில் 18 வயதுக்கு மேற்பட்ட  அனைவருக்கும் வாக்களிக்கும் உரிமை வழங்கப்பட்டது.
வாக்குரிமையின் மகத்துவத்தை வெளிப்படுத்தும் வகையில், நாட்டில் விழிப்புணர்வு பாத யாத்திரைகளையும் நான் மேற்கொண்டேன். மக்களை தெளிவுபடுத்தும் பொருட்டு, பதுளையில் ஐந்து நிகழ்வுகளிலும் நான் கலந்துகொண்டு, அதற்கான வேலைத்திட்டங்களை மேற்கொண்டேன்.
நடைமுறையிலிருக்கும் தேர்தல் முறைமைகளில், பெண்களும் இளைஞர் சமூகத்தினரும், விசேட தேவையுடையவர்களும், பாதிப்படைந்திருப்பதை இங்குக் கூற வேண்டியுள்ளது.
இதனாலேயே, இளைஞர் சமூகத்தினர் தேர்தல்களை புறக்கணித்து வருகின்றனர். நாட்டின் வாக்காளர்களைப் பொறுத்தவரையில் 100க்கு 52 சதவீதமானவர்கள் பெண்களாவர். ஆனால், அவர்கள் அரசியல் ரீதியில், மிகவும் பின்னடைவிலேயே இருந்து வருகின்றனர். பெண்களின் எண்ணிக்கைக்கமைய, அவர்களுக்கான அரசியல் பிரதிநிதித்துவங்களும் இளைஞர் சமூகத்தினரின் எண்ணிக்கமைய  இளைஞர்களது அரசியல் பிரதிநிதித்துவங்களும் இல்லாதுள்ளன. இந்நிலை மாற்றப்பட வேண்டும்” என்றார்.

»»  (மேலும்)

இளையராஜா பாலசுப்ரமணியம் மோதலின் பின்னணி

  1. Résultat de recherche d'images pour "ilayaraja"இளையராஜா- எஸ்.பி.பிக்கு இடையேயான பிரச்சனை அவர்களுக்கிடையேயானது அல்ல.. அவர்களின் வாரிசுகளுக்கிடையேயான பிரச்சனை.
  2. கலைத்துறையில் இசை சாம்ராஜ்யம் நடத்திய இரு மேதைகளும் தற்போது தங்கள் பயணத்திலிருந்து விலகி ஓய்வெடுக்கும் காலகட்டத்தில் இருக்கிறார்கள். அவர்களின் இசைவாரிசாக வந்தவர்கள் தந்தையைப் போல திறமை வாய்க்காததால் திரைத்துறையில் பெரும் தோல்வியை அடைந்து தற்போது தந்தையின் செல்வாக்கை பயன்படுத்தி பணம் ஈட்ட முயன்றதின் விளைவுதான் இதுபோன்ற பிரச்சனைக்கு காரணம்.
  3. சினிமா வாய்ப்பு அறவே இல்ல...ாமல் வீட்டில் நீண்டகாலமாக ஓய்வில் இருந்த கார்த்திக் ராஜா தனது தந்தையை வைத்து இசைக்கச்சேரி நடத்துவது என முடிவு செய்து சில வருடங்களாக இசைக்குழுவோடு நாடு நாடக சுற்றிவருகிறார். கடந்த வருடம் அமெரிக்காவில் நடத்தி பெரும் தொகையை ஈட்டினார் .
  4. தற்போது அதே வழியில் இறங்கியிருக்கிறார் எஸ்.பி.பி சரண். ஆரம்பத்தில் இளையராஜா இசைக் கச்சேரிகளில் பாடிக்கொண்டிருந்த எஸ்.பி.பி, சமீப காலங்களில் அதைத் தவிர்த்து வந்திருக்கிறார். காரணம், கார்த்திக் ராஜாவைப் போல தானும் தனது தந்தையை வைத்து நாடு நாடாக சுற்றி பணம் ஈட்டவேண்டும் என எஸ்.பி.பி சரண் ஆசைப்பட்டதால்.
  5. இந்த இரண்டு வாரிசுகளுக்கிடையான போட்டிதான் இரண்டு மேதைகளை மோதிக்கொள்ளும் அளவுக்கு தற்போது கொண்டு சென்றிருக்கிறது. ஒருவரது இசைக்கச்சேரியில் இன்னொருவர் பாடவிரும்பவில்லை. அல்லது மறுக்கிறார். அப்படியெனில் அவர்களது இசைக்கச்சேரியில் இவர் இசையமைத்த பாடல்களை பாடக்கூடாது. இவ்வளவுதான் பிரச்சனை.
  6. ஆக இருதரப்புக்கு இடையேயான இந்த பிரச்சனை இசை சம்மந்தப்பட்டது அல்ல. வியாபாரம் சம்மந்தப்பட்டது. இரண்டு இசை வியாபாரிகள் மோதிக்கொள்கிறார்கள்.
  7. இசை உலகத்தில் இது முதல்தடவை அல்ல. ரசிகர்கள் அதிர்ச்சியடையும் அளவுக்கு பெரியவிஷயமும் அல்ல. முன்பு, கே.ஜே.யேசுதாஸ் குரலை ஓரளவு ஒத்திருக்கிற பின்னணிப் பாடகர் உன்னிமேனன், சினிமாவில் வாய்ப்பு குறைத்த காலகட்டத்தில் இசைக்கச்சேரிகளில் யேசுதாஸ் பாடல்களைப் பாடி பிழைப்பை ஓட்டிக்கொண்டிருந்தார்.
  8. உடனே கே.ஜே.யேசுதாஸின் மகன் கோர்ட்டில் வழக்கு தொடர்ந்து இனிமேல் தனது தந்தை பாடிய பாடல்களை உன்னிமேனன் மேடைகளில் பாடக்கூடாது என தடை வாங்கினார். ஒரு பாடகர் பாடிய பாடலை இன்னொரு பாடகர் பாடக்கூடாது என தடைவாங்கும்போது, அந்தப் பாடலை உருவாக்கியவர் என்கிற முறையில் வியாபார ரீதியாக அவரது பாடல்களை பயன்படுத்தக்கூடாது என தடை வாங்குவது ஒன்றும் ஆச்சர்யம் இல்லை. கண்டிக்கக்கூடிய விஷயமும் அல்ல.
  9. சரி, பேஸ்புக்கில் இவ்வளவு பொங்கிய எஸ்.பி.பி, அந்த இசை நிகழ்ச்சியின் மூலம் கிடைக்கும் தொகையை நாட்டுக்காகவா அர்ப்பணிக்கப் போகிறார்..? அல்லது அனாதை ஆசிரமங்களுக்கு தானமாக வழங்கப்போகிறாரா..?
  10. அவர், அவர் பாக்கெட்டை நிரப்ப இசை நிகழ்ச்சி நடத்துகிறார். அதனால் என் பாக்கெட்டுக்கு வரும் வருமானம் குறைகிறது என இன்னொருவர் வக்கீல் நோட்டிஸ் அனுப்புகிறார். அவர்கள் இருவரும் பேசிக்கொண்டு தீர்க்கவேண்டிய விஷயம் இது. இதில் நாம் ஏன் மோதிக்கொள்ளவேண்டும்..?
  11. நன்றி முகநூல் Mani Maran
»»  (மேலும்)

3/18/2017

வாள்வெட்டு! இது ஆவா குரூப் அல்ல ஆதியில் இருந்து வரும் சாதி குரூப்

கடந்த திங்கட்கிழமை 06-03-2017 வலிகாமம் பகுதியிலுள்ள மூளாய் நல்லமாவடி எனும் கிராமத்தில் நடந்த சம்பவம்: ” வாள்வெட்டு”.

வாள்வெட்டிற்கு இலக்கானவர்கள் சந்திரராசா பிரதீபன், இராசு ரவீந்திரகுமார் எனும் இருவர். இதை ஆவா குறூப், ‘ஈவா குறூப்’ எனப்படும்  வன்முறை குழுக்களின்செயல்பாடாக வெளிப்படுத்தப்படும் வாய்ப்பிற்கும் இடமிருக்கிறது. இவ்வாள்வெட்டு சம்பவமானது இவ்வாறாக திரிபுபடுத்தப்பட்டு வருமாயின்! இது, அதுவல்ல!

சந்திரராசா பிரதீபன், இராசு ரவீந்திரகுமார் எனும் இருவரும் அரச உத்தியோகத்தவர்கள். இவர்களுக்கும் ஆவா குறூப்பிற்கும் என்ன தொடர்பு இருக்கமுடியும்!!  இல்லை என்றால் எதற்காக வாள்வெட்டிற்கு இலக்கானார்கள்!
மேற்படி இருவரும் மூளாய் நல்லமாவடி எனும் கிராமத்தில் ‘உயர் சாதியினர்’ எனப்படுபவர்கள் வாழும் எல்லையில் காணிகள் வாங்கி வீடுகட்டும் முயற்சியில் ஈடுபட்டுவந்த தலித் சமூகத்தைச் சேர்ந்தவர்கள் என்பதே வாள்வெட்டிற்கு அடிப்படைக்காரணமாக இருந்திருக்கிறது. சந்திரராசா பிரதீபன், இராசு ரவீந்திரகுமார் எனும் இருவருடனும்…, நீங்களெல்லாம் எங்களுக்கு அருகாமையில், எங்களுக்கு நெருக்கமாக வாழமுடியாதே, ‘நீங்க வேற ஆக்களல்லவா’ என்பதான உட்பொருளில், மிக தயவாகவும் ‘கௌரவமாகவும்’  இவர்களுடன் ஆரம்பத்தில் பேசினார்கள், விவாதித்தார்கள், பின்பு மிரட்டினார்கள்… அனைத்தையும் அலட்சியப்படுத்தியவாறு சந்திரராசா பிரதீபன், இராசு ரவீந்திரகுமார் எனும் இருவரும் தமது வீடுகட்டும் பணிகளைத்  தொடந்து கொண்டிருக்கும்போது இனம்தெரியாத நபர்களால் வாள்வெட்டிற்கு இலக்காகியுள்ளனர்.


இவர்கள் இருவரும்  மிகவும் ஆபத்தான நிலையில் இருப்பதான செய்தியும், அதற்கான பின்னணி பற்றிய மேற்படி தகவல்களும் தோழர் யோகரட்ணத்திற்கு (“தீண்டாமைக் கொடுமைகளும் தீமூண்ட நாட்களும்”நூல் ஆசிரியர்) மிக நெருக்கமான உறவுடைய அக்கிராமத்தைச் சேர்ந்தவர்கள் மூலமாக கிடைக்கப்பெற்றது.

கடந்த வருட இறுதியில் நடந்த தேவரயாளி இந்துக்கல்லூரி மாணவனது ஓவியம் மீதான விவகாரம் ஜனாதிபதியின் கவனத்திற்கு எடுத்து செல்லப்பட்டதாகவும் அறியப்படுகிறது. இருப்பினும் அதுவிடயமாக எந்தவிதமான விசாரணைகளோ, உண்மையறியும் ஆவலோ எமது தரப்பு அரசியல் செயல்பாட்டோடு பொருந்தவில்லை.

எமது தரப்பு அரசியல் செயல்பாடென்பது முதலில் நாம் எமக்கான ‘முற்போக்கான ஒரு தமிழ் தேசிய’ சர்வாதிகார அதிகாரமையத்தை நோக்கி செல்லவேண்டும் என்பதே!  அந்த அதிகார மையத்தை அடைந்துவிட்டால்…, சாதிய மோதல்களும் சமூக முரண்பாடுகள் என வேறு பல ‘தொல்லைகளும்’  பின்பு உதிர்ந்து காணாமல் போய்விடும்தானே!

நன்றி http://www.thuuu.net
»»  (மேலும்)

3/17/2017

இன்று சமவுரிமை இயக்கத்தினால் , கொழும்பில் ஒரு வாரகால சத்தியாகிரக போராட்டம் ஆரம்பிக்க பட்டது

Image may contain: 16 peopleவடக்கு - கிழக்கில் நடைபெறும் , போராட்ட்ங்களுக்கு ஆதரவாக, .'இராணுவம் கையகப்படுத்தியுள்ள பொதுமக்கள் காணிகளை வழங்க கோரியும், அரசியல் கைதிகளை விடுதலை செய்யக்கோரியும், பயங்கரவாத தடைச் சட்டம் உட்பட... சகல அடக்குமுறை சட்டங்களையும் இரத்துச் செய்யக்கோரியும், காணாமல் போன உறவுகள் தொடர்பில் தமக்கு உரிய தீர்வை பெற்றுத்தர கோரியும்,
இன்று சமவுரிமை இயக்கத்தினால் , கொழும்பில் ஒரு வாரகால சத்தியாகிரக போராட்டம் ஆரம்பிக்க பட்டது. இதில் வடக்கு-கிழக்கில் போராடும் மக்களில் பிரதிநிதிகள், மற்றும் இடதுசாரிகள் , மனித உரிமை அமைப்புகள் கலந்து கொண்டன.
எதிர்வரும் நாட்களின் ஊடகவியலாளர்கள், கலைஞர்கள், மாணவர்கள், தொழிற்சங்கங்கள் என பலரும் ஆர்ப்பாட்டத்தில் ஈடுபட உள்ளனர். இன்று ஆரம்பமான இந்த எதிர்ப்பு ஆர்ப்பாட்டம் எதிர்வரும் 23 ஆம் திகதி வரை தொடரவுள்ளது.
குறிப்பாக ஒவ்வொரு நாளும் ஒரு பிரிவினர் இந்த ஆர்பாட்டத்தை மேற்கொள்ள உள்ளனர்.
அந்தவகையில் இன்றைய தினம் வடக்கு கிழக்கில் உள்ளவர்களால் பல்வேறு கோரிக்கைகளை முன்வைத்து ஆர்ப்பாட்டம் மேற்கொள்ளப்பட்டது.
»»  (மேலும்)

3/14/2017

வேலை கேட்டு பட்டதாரிகள்  வீதியில் போராடும் நிலை-தமிழ் மக்கள் விடுதலைப் புலிகள் கட்சி

வேலை கேட்டு பட்டதாரிகளை  வீதியில் போராடும் நிலைக்கு தள்ளுவதன் ஊடாக மாணவர்கள் மத்தியில் கல்வி மீது வெறுப்புணர்ச்சியினை ஏற்படுத்திவிடக்கூடாது என தமிழ் மக்கள் விடுதலைப் புலிகள் கட்சி விடுத்துள்ள ஊடக அறிக்கையில் குறிப்பிடப்பட்டுள்ளது.Image may contain: one or more people, people standing and outdoorRésultat de recherche d'images pour "tmvp"


மேலும் அவ் அறிக்கையில் கடந்த 22 நாட்களாக பட்டதாரிகள் நகரின் மத்திய பகுதியில் சமைத்து உண்டு வீதியில் உறங்குவதும் அதிலும் குறிப்பாக இதில் 80வீதமான பட்டதாரிகள் பெண்களாகவும் பல பெண்கள் கைக்குழந்தைகளுடன் இவ்வாறு தொடர் போராட்டத்தில் ஈடுபட்டு வருவது தொடர்பாக கிழக்கு மாகாணசபையும் நல்லாட்சி அரசும் தீர்க்கமான முடிவு எடுக்க முன்வர வேண்டும்.
கிழக்கு மாகாணசபை, நாடாளுமன்ற, ஜனாதிபதித் தேர்தலிலும் ஆட்சி மாற்றத்திற்காக பாரிய பங்களிப்புச் செய்த இவர்களை நடுத்தெருவில் நிறுத்தி வைக்காது இப்பட்டதாரிகளின் நியாயமான கோரிக்கைக்கு அரசு செவிசாய்க்க முன்வர வேண்டும்.
யுத்தத்தின் கொடூரத்தின் மத்தியிலும் வறுமை தலைவிரித்தாடிய காலகட்டத்திலும் தமது பிள்ளைகளை பட்டதாரிகளாக்கி அழகு பார்த்த பெற்றோர் சமூகம் இன்று கண்ணீரும் கம்பலையுமாக நிற்கின்றனர்.
கல்விப்புலம் மாணவர்களின் பல்கலைக்கழக அடைவு மட்டத்தினை அதிகரிக்கச் செய்ய வேண்டும் என முனைப்புடன் செயற்படும் இவ்வேளையில் பட்டதாரிகளே வேலைக்காக சத்தியாக்கிரகப்பேராட்டம் நடத்தும் போது அரசியல் தலைமைகள் அசண்டையினமாக இருக்கும் நிலையினை பார்க்கும் மாணவர்கள் கல்வியின் மீது வெறுப்படையும் நிலையினை ஏற்படுத்திவிடக் கூடாது.

இலங்கையிலுள்ள பட்டதாரிகள் தமது கல்வியினை தொடர்ந்த சூழல் வேறு. கிழக்கு வடக்கு மாகாணங்களின் பட்டதாரிகள் கல்வி கற்ற சூழல் வேறு என்பதனை அரசியல் தலைமைகளும் உணர்ந்து கொள்ள வேண்டும். மாறாக வெந்த புண்ணில் வேல் பாய்ச்சுவது போல் பட்டதாரிகளின் போராட்டத்தினை கொச்சைப்படுத்த யாரும் முனையக் கூடாது. அதிலும் அரச தொழில் பெறும் உச்ச வயதெல்லையினை அண்டியவர்களாக மட்டக்களப்பு மாவட்டத்தில் சுமார் 40க்கும் மேற்பட்ட பட்டதாரிகள் அடைந்துள்ள நிலையில் அவர்கள் மீதும் விசேட கவனம் செலுத்தபட வேண்டும்.

வேலையற்ற பட்டதாரிகளின் தொடர் சத்தியாக்கிரக போராட்டத்தினை உதாசீனம் செய்யாது கிழக்கு மாகாணத்திலுள்ள சுமார் 5000 பட்டதாரிகள் மீதும் கரிசனை கொண்டு வேலைவாய்ப்பு வழங்குவதற்கும் மத்திய அரசும் மாகாண அரசும் முன்வர வேண்டும் எனவும் தமிழ் மக்கள் விடுதலைப் புலிகள் கட்சி விடுத்துள்ள ஊடக அறிக்கையில் குறிப்பிடப்பட்டுள்ளது.
»»  (மேலும்)

எதிலும் சமத்துவம் இல்லை .தலித் மாணவர் தற்கொலை

ரஜினி கிருஷ்டெல்லி ஜவஹர்லால் நேரு பல்கலைக்கழகத்தில் படித்து வந்த முத்துகிருஷ்ணன் (எ) ரஜினி கிருஷ் என்ற தலித் மாணவர், திங்கள்கிழமை மாலை தற்கொலை செய்து கொண்டதாக போலீசார் தெரிவித்தனர்.
சேலத்தைச் சேர்ந்த அந்த மாணவர், ஜவஹர்லால் நேரு பல்கலைக் கழகத்தில் ஆராய்ச்சிப் படிப்பு படித்து வந்தார்.
திங்கள்கிழமை பிற்பகல் முனிர்காவில் உள்ள தனது நண்பரின் அறைக்குச் சென்ற அவர், அங்கு உணவு சாப்பிட்டதாகக் கூறப்படுகிறது.
பின்னர் அங்கு ஓய்வெடுக்க வேண்டும் என்று கூறி, நண்பரின் ஓர் அறைக்குள் சென்றுவிட்டதாக கூறப்படுகிறது. ஆனால், சிறிது நேரத்துக்குப் பிறகு அவர் அந்த அறையில் தூக்கில் தொங்கிக் கொண்டிருப்பதாகத் தெரிவிக்கப்படுகிறது.
இதுகுறித்து, டெல்லி தெற்கு பகுதி கூடுதல் துணை போலீஸ் கமிஷனர் சின்மய் பிஸ்வால் கூறும்போது, மாலை 5 மணிக்கு போலீசாருக்குத் தகவல் வந்ததாகவும், அங்கு சென்று பார்த்தபோது நண்பரின் அறைக்குள் பூட்டிக்கொண்டு, தூக்கில் தொங்கிக் கொண்டிருந்தார் என்று தெரிவித்தார்.
ரஜினி கிருஷ்படத்தின் காப்புரிமை Facebook
கதவை உடைத்து போலீசார் அவரது சடலத்தை மீ்ட்டனர். தற்கொலை தொடர்பாக எந்தக் குறிப்பையும் அவர் விட்டுச் செல்லவில்லை. இதுதொடர்பாக விசாரணை நடந்து வருவதாக போலீஸ் துணைக் கமிஷனர் தெரிவித்தார்.
அதே நேரத்தில், கடந்த 10-ஆம் தேதி, ரஜினி கிருஷ் என்ற பெயரில் உள்ள அவரது முகநூல் பக்கத்தில் சில கருத்துக்களை அவர் பதிவிட்டுள்ளார். அதில், "எதிலும் சமத்துவம் இல்லை. எம்.ஃபில், பி.எச்டி அட்மிஷனில் சமத்துவம் இல்லை. நேர்காணலில் சமத்துவம் இல்லை. ஒடுக்கப்பட்டவர்களின் கல்வி மறுக்கப்படுகிறது. சமத்துவம் மறுக்கப்பட்டால் எல்லாமே மறுக்கப்படுகிறது" என்று அவர் பதிவிட்டுள்ளார்.

இதுதொடர்பாக, ஜவஹர்லால் நேரு பல்கலைக் கழகத்தில் அவரது நண்பர்கள் சிலர் கூறும்போது, பிற்பகல் அவர் மகிழ்ச்சியான மனநிலையில்தான் இருந்ததாகவும், ஹோலிப் பண்டிகை கொண்டாடியதாகவும், திடீரென அவர் உயிரிழந்ததற்கு என்ன காரணம் என்று தெரியவில்லை எனவும் தெரிவித்தனர்.
»»  (மேலும்)

3/12/2017

கருணாவின் தமிழர் ஐக்கிய சுதந்திர முன்னணியின் தலைமைக் காரியாலயம் திறந்துவைப்பு (படங்கள்)

முன்னாள் மீள்குடியேற்ற பிரதி அமைச்சர் விநாயகமூர்த்தி முரளிதரன் (கருணா) தலைமையிலான தமிழர் ஐக்கிய சுதந்திர முன்னணி அரசியல் கட்சிக்குரிய தலைமை அலுவலகம் மட்டக்களப்பில் திறந்து வைக்கப்பட்டுள்ளது.


குறித்த அலுவலகம் கல்லடியில் இன்று (11) கட்சியின் தலைவரினால் உத்தியோக பூர்வமாக திறந்துவைக்கப்பட்டது.
தமிழர் ஐக்கிய சுதந்திர முன்னணியை விரிவுபடுத்துவதற்கான நடவடிக்கைகள் முன்னெடுக்கப்பட்டுள்ளன. அடுத்த அலுவலகம் வடக்கில் மாங்குளத்தில் திறக்கப்படவுள்ளதுடன், கொழும்பிலும் திறக்கப்படவுள்ளதகவும் மேலும்தெரிவித்துள்ளார்.
»»  (மேலும்)

3/11/2017

5 மாநில சட்டப்பேரவை தேர்தல் இறுதி முடிவுகள்

உத்தரப்பிரதேசம் - 403 தொகுதிகள்
கட்சிஎண்ணிக்கை
பாரதிய ஜனதா கட்சி கூட்டணி321
காங்கிரஸ் மற்றும் சமாஜ்வாதி கூட்டணி54
பகுஜன் சமாஜ் கட்சி19
மற்றவை9
பஞ்சாப் - 117 தொகுதிகள்
கட்சிஎண்ணிக்கை
பாரதீய ஜனதாகூட்டணி18
இந்திய தேசிய காங்கிரஸ்77
ஆம் ஆத்மி20
மற்றவை02
உத்தராகண்ட் - 70 தொகுதிகள்
கட்சிஎண்ணிக்கை
பாரதீய ஜனதா கட்சிகூட்டணி56
காங்கிரஸ்11
மற்றவை2
முடிவு வெளியாகாதது1
கோவா - 40 தொகுதிகள்
கட்சிஎண்ணிக்கை
பாரதீய ஜனதா கட்சி13
இந்திய தேசிய காங்கிரஸ்17
மற்றவை10
மணிப்பூர் - 60 தொகுதிகள்
கட்சிஎண்ணிக்கை
பாரதீய ஜனதா கட்சி21
இந்திய தேசிய காங்கிரஸ்28
மற்றவை11

உ.பி.தேர்தல் முடிவு: “மோதி அலை தொடர்வதை காட்டுகிறது” - என்.ராம்
5 மாநில தேர்தல் பற்றிய மேலதிக தகவல்களுக்கு:
உ.பி. தேர்தல் முடிவு தேசிய அரசியலில் தாக்கத்தை ஏற்படுத்துமா?
பா.ஜ.கவுக்கு கிடைத்த ஹோலி பரிசு ; தொண்டர்கள் உற்சாக கொண்டாட்டம் (புகைப்படத் தொகுப்பு)
மோடியின் வெற்றிப் பயணம்: தடுக்க முடியாமல் எதிர்க்கட்சிகள்
உ.பி. தேர்தல் முடிவு குறித்து முஸ்லிம்கள் என்ன சொல்கிறார்கள்?
`அகிலேஷ் - ராகுலை விட இளைஞர்களின் பெரிய அடையாளம் மோடி'
கார்ட்டூன்: உ.பி: தேர்தல் சின்னங்கள், தேர்தலுக்குப் பிறகு!
"அனைத்து கட்சிகளும் ஒன்றாக இணைந்தால்தான் பாஜகவை வீழ்த்த முடியும்" - மணிசங்கர் ஐயர்
“அனைத்து கட்சிகளும் ஒன்றாக இணைந்தால்தான் பாஜகவை வீழ்த்த முடியும்” - மணிசங்கர் ஐயர்
சமூக ஊடகங்களில் பிபிசி தமிழ் :
பேஸ்புக்கில் படித்து கருத்துகள் தெரிவிக்க : பிபிசி தமிழ் முகநூல்
டிவிட்டரில் பிபிசி தமிழை பின்தொடர : பிபிசி தமிழ் ட்விட்டர்
இன்ஸ்டாகிராமில் விருப்பம் தெரிவிக்க : பிபிசி தமிழ் இன்ஸ்டாகிராம்
யு டியூப் பக்கத்தில் காணொளிகளை காண : பிபிசி தமிழ் யு டியூப்

தொடர்புடைய தலைப்புகள்

»»  (மேலும்)

பன்முக ஆளுமைகொண்ட "புஸ்பராஜா"- பதினோராவது ஆண்டு நினைவுகள்

புஸ்பராஜா ஒருகாலத்தில் தீவிர தமிழீழ விடுதலை போராளியாய் தன் சமூகவாழ்வை தொடங்கியவர்.காலப்போக்கில்   புலம்பெயர்ந்தாலும் தானுண்டு தன் குடும்பமுண்டு என்று தன்வாழ்வை சுருக்கி கொள்ளாதவர். புலம் பெயர்ந்த தேசத்திலும் தனது அரசியல் வாழ்வை தொடர்ந்தவர்.விடுதலைக்காக எந்த வன்முறையை அவர்போன்ற மூத்த தலைமுறையினர் தொடக்கி வைத்தார்களோ அந்த வன்முறையே எமது சமூகத்தை விழுங்கி வருவதை கண்டு நெஞ்சம் வெதும்பியவர்.
Afficher l'image d'origine

புலம்பெயர் தேசங்களில் உருவாகிய புகலிட இலக்கியத்திலும் தனது எழுத்தாற்றல் மூலம் தடம்பதித்தவர்.புகலிட இலக்கிய சந்திப்பை கட்டி வளர்த்ததிலும் அவரது பங்கு காத்திரமானது.சுதந்திர வேட்கையும் மனித உரிமை தாகமும் கொண்டலைவதாய் வேசம்போட்டுக்கொண்டு பின்புறமாக பாசிச புலிகளுக்கு அவர் சாமரம் வீசவில்லை.பூரண சுதந்திரத்துக்காய் ஓயாது குரல் கொடுத்துக்கொண்டிருந்தார். கருத்து சுதந்திரத்தின் கழுத்தினை நெரிப்பது அரசுமட்டுமல்ல அது போராளிகளே ஆயினும் அதை எதிர்ப்பதில் அவர் பின்நிற்கவில்லை.

ஈழ போராட்டத்தில் எனது சாட்சியம் என்கின்ற அவரது நூல் எல்லோரும் அவசியம் படிக்கவேண்டியதொன்று.வரலாற்று குறிப்புகளை மட்டுமல்ல தான் சார்ந்த சரி பிழைகளை இசுய விமர்சனமாக  அவர் தொகுத்தார்.

அவருக்கு புற்றுநோய் வந்து அவரது நாட்கள் எண்ணப்பட்டுக்கொண்டிருந்த போது எமது தேசத்தில் ஒரு முறை கால் பதித்துவிட வேண்டுமென்று தாயகம் சென்று திரும்பினார். அப்போது அங்கு நடந்து கொண்டிருந்த யுத்தத்தை கண்ணுற்ற அவர் பிரான்ஸ் திரும்பி தான் இறந்து விட முன்னர் எழுதி வைத்த குறிப்புகள்தான் அவரது மனிதாபிமானத்துக்கு சாட்சியாகும் .அந்த கையெழுத்து குறிப்பு இப்படியிருந்தது. "கொலைகளை நிறுத்துங்கோடா" . ஆம் இப்போது கொலைகள் நிறுத்தப்பட்டுவிட்டது.ஆனால் எம் தேசத்தில் மீண்டும் கால் பதிக்க எங்கள் புஸ்பராஜா அண்ணன் இன்று எங்களோடில்லை.


எம்.ஆர்.ஸ்டாலின்-பாரிஸ்
»»  (மேலும்)

பொது வேட்பாளராக திருமாவளவன்?!  -அ.தி.மு.கவை வீழ்த்துமா ஆர்.கே.நகர் வியூகம்?


சென்னை, ஆர்.கே.நகர் இடைத்தேர்தலுக்கான தேதியை அறிவித்துவிட்டது தேர்தல் ஆணையம். ' மக்கள் நலக் கூட்டியக்கம் இந்தத் தேர்தலில் கட்டாயம் போட்டியிடும். பொது வேட்பாளராக திருமாவளவனை முன்னிறுத்துவது குறித்தும் விவாதிக்கப்பட்டு வருகிறது' என்கின்றனர் விடுதலைச் சிறுத்தைகள் கட்சியின் நிர்வாகிகள். Résultat de recherche d'images pour "விடுதலைச் சிறுத்தைகள்"
முன்னாள் முதல்வர் ஜெயலலிதா மறைவையடுத்து, ' ஆர்.கே.நகர் தொகுதிக்கு இடைத்தேர்தல் எப்போது?' என்ற கேள்வி அரசியல் மட்டத்தில் எழுந்தது. வரும் ஏப்ரல் 12-ம் தேதி தேர்தல் நடைபெற இருக்கிறது. இதை உணர்ந்து முன்கூட்டியே நலத்திட்டப் பணிகளைத் தொடங்கி வைத்திருக்கிறார் முதலமைச்சர் எடப்பாடி பழனிசாமி. அ.தி.மு.கவுக்கு எதிராக தி.மு.க, மக்கள் நலக் கூட்டியக்கம் உள்ளிட்டவை களமிறங்க உள்ளன. ஜெயலலிதா ஆதரவை ஒட்டுமொத்தமாக பெறும் நோக்கில் தீபாவும் களமிறங்க இருக்கிறார். இந்நிலையில், ' அ.தி.மு.கவின் புதிய தலைமையின் மீது மக்கள் மத்தியில் நம்பகத்தன்மை இல்லை. ஊழல் குற்றச்சாட்டுக்களில் அவர்கள் சிக்கியிருக்கிறார்கள். இவர்களை வீழ்த்துவதற்கு பொது வேட்பாளராக திருமாவளவனை முன்னிறுத்த வேண்டும்' என்ற குரல் எழுந்துள்ளது. 
»»  (மேலும்)

3/08/2017

மட்டக்களப்பு நகரில் திரண்ட தமிழ் மக்கள் விடுதலை புலிகளின் மகளீர் அணியினர்

Image may contain: 17 people


மட்டக்களப்பு நகரில் தமிழ் மக்கள் விடுதலை புலிகளின் மகளீர் அணியினர் நடத்திய பெண்கள் தின நிகழ்வுகள் இன்று காலை  இடம்பெற்றது. தமிழ் மக்கள் விடுதலைப்புலிகள் கட்சியின் தலைமையகத்தில் இருந்து மாபெரும் கவன ஈர்ப்பு ஊர்வலம் மட்டக்களப்பு மாவட்ட செயலகம் வரையில் சென்றது.Image may contain: 3 people, people on stage, people standing and outdoor

ஊர்வலத்தின் இறுதியில் அரசியலில் பெண்களின் பங்கை உறுதி செய்ய கோரியும் பட்டதாரிகளுக்கு வேலை வாய்ப்பை வழங்க கோரியும் மாவட்ட அரசாங்க அதிபரிடம் மனுவும் வழங்கப்பட்டது.
»»  (மேலும்)

3/06/2017

சூரியமூர்த்தி

இனக்கலவரம் தொடங்கிய பின்னர் திருகோணமலை நகரம் தமிழர்களுக்கு ஒரு பாதுகாப்பு அற்ற பிரதேசமாக இருந்தது.இலங்கை இந்திய ஒப்பந்தம் ஏற்பட்ட பின் வடகிழக்கு மாகாண சபை அமைந்தது.அதன் பின் ஈ்பி.ஆர்.எல்.எப் இனர் பல இனவெறிபிடித்த வன்முறையாளர்களின் செயலை முடிவுக்கு கொண்டுவந்தனர்.அதன் பின்பாக இனமோதல்கள் முடிவுக்கு வந்தது.
வடகிழக்கு மாகாண சபை செயலிழந்தபின் புலிகளின் எதிர்ப்பு இல்லாத காரணத்தால் வேலைவாய்ப்புகளுக்காக பலரும் திருகோணமலை நோக்கி வந்தனர்.மேலும் பல யாழ்ப்பா...ண தமிழர்களும் திருகோணமலை ஒரு பாதுகாப்பான இடமாக கருதி அங்கே குடிபெயர்ந்தனர்.இதன் காரணமாக அங்கே வீடுகள் வாங்குவதோ அல்லது வாடகைக்கு பெறுவதோ மிகவும் கஷ்டமானதாக இருந்தது.
இந்தக் காலத்தில் அங்கே சூரியமூர்த்தி நகரசபை தலைவராக தெரிவானார்.இவரை இவரின் அரசியல் பற்றி எனக்கு எதுவும் தெரியாது.ஒரு உண்மையை பதிவிடவேண்டும் எழுதுகிறேன்.
இவர் திருகோணமலை கடற்படைத்,தளத்தை அண்மித்த மனையாவெளி என்னும் இடத்தில் காணிகள் வெறுமையாக கிடந்தன.இந்தப் பகுதியில் சுகாதார தொழிலாளர்கள் அதிகம் குடியிருந்ததால் எவ்வளவு கஷ்டம் வந்தபோதும் தமிழர்கள் காணிவாங்கவோ குடியேறவோ விரும்பவில்லை .
இந்த இடத்தில் ஒரு பெரும் நிலப்பரப்பு பெரும்பான்மை இனத்தவருக்கு சொந்தமாக இருந்தது.அதை அறிந்த சூரியமூர்த்தி அதன் உரிமையாருடன் பேசி அந்த நிலங்களை சிறு சிறு துண்டுகளாக தமிழர்கள் வாங்கும்விதமாக ஏற்பாடு செய்தார்.நெருக்கடியான சூழல் காரணமாக அந்த பெரும்பான்மையின உரிமையாளரும் சம்மதித்தார்.இன்று அப்பகுதி நிலங்களை தமிழர்கள் வாங்கி குடியேறியுள்ளனர் .இது சூரியமூர்த்தி அவர்களின் தந்திரோபாய முயற்சி.அன்று அவர் அதைசெய்திருக்காவிட்டால் அந்த இடத்தில் நிச்சயமாக பெரும்பான்மை இனத்தவர்கள் குடியேறி இருப்பார்கள்.
சூரியமூர்த்தியை புலிகள் கொன்றுவிட்டனர்.


*நன்றி முகநூல் Vijaya Baskaran
»»  (மேலும்)

3/05/2017

நூல் வெளியீட்டு விழா -கிழக்கின் சுயநிர்ணயம்

No automatic alt text available.

நூல் வெளியீட்டு விழா -கிழக்கின் சுயநிர்ணயம் என்னும்தலைப்பிலான நூல் வெளியீட்டு விழா எதிர்வரும் 10 ஆம் திகதி மாலை மட்டக்களப்பு காத்தான்குடி பட்டினத்தில் இடம்பெறவுள்ளது.
 
             இதழாசிரியரும் எழுத்தாளருமான தோழர் எம்.ஆர்.ஸ்டாலின் எழுதியுள்ள இந்நூலினை "உரையாடலுக்கு ஆய்வுக்குமான மையம்" வெளியிட்டுள்ளது.

வடக்கு- கிழக்கு இணைப்பா இல்லையா என்பதே இலங்கை உள்நாட்டு பிரச்சனையின் அடிப்படையாய் இருந்து வரும் நிலையிலும் புதிய அரசியலமைப்பு மாற்றமும் எவ்வாறான தீர்வுகளை கொண்டுவரும் என்கின்ற எதிர்பார்ப்புகளுக்கு மத்தியிலும்  இந்த ஆய்வு நூல்
வெளியிடப்படுகின்றமை குறிப்பிடத்தக்கதாகும்.


»»  (மேலும்)

ஜனாதிபதியின் யாழ். வருகைக்கு எதிராக அனந்தி போராட்டம்

ஜனாதிபதியின் யாழ். வருகையினை எதிர்த்து காணாமல் ஆக்கப்பட்டோhம் மற்றும் இராணுவத்தில் சரணடைந்தவர்களின் உறவுகள் இன்று (04) யாழில் மாபெரும் போராட்டத்தில் ஈடுபடவுள்ளதாக வடமாகாண சபை உறுப்பினர் அனந்தி சசிதரன் தெரிவித்தார்.
 
யாழ். வீரமாகாளி அம்மன் ஆலயத்திற்கு அருகாமையில் உள்ள யாழ். பாடி விருந்தினர் விடுதியில் நேற்று (03) நடைபெற்ற பத்திரிகையாளர் சந்திப்பின் போதே அவர் இவ்வாறு தெரிவித்தார்.
 
வடமாகாண ஆளுநர் அலுவலகத்தின் முன்பாக இன்று (04) காலை 10.00 மணிக்கு ஆர்ப்பாட்டத்தில் ஈடுபடவுள்ளதாக தெரிவித்த அவர், ஜனாதிபதியின் வருகையை, தமிழ் மக்களுக்கு சாதகமான வருகையாக நாங்கள் பார்க்கவில்லை. இலங்கை இராணுவத்தினை உற்சாகப்படுத்தும் நிகழ்வாகவே பார்க்கின்றோம்.
 
இந்நிழக்வில் 1,000 இற்கும் மேற்பட்ட இராணுவத்தினரின் அணிவகுப்பு மரியாதை வழங்கப்படவுள்ளது. நாட்டில் ஆயிரம் பிரச்சினைகள் இருக்கின்றபோது, இராணுவத்தினை உற்சாகப்படுத்தும் நிகழ்விற்கு ஜனாதிபதி வருகை தரவுள்ளார்.
 
ஐக்கிய நாடுகள் சபை கூடியுள்ள இந்த நேரத்தில் சரணடைந்தோர் மற்றும் காணாமல் ஆக்கப்பட்டோர் குறித்து சரியான பொறுப்புக்கூறல்கள் இல்லை. தமிழ் அரசியல் கைதிகள் விடுதலை செய்யப்படவில்லை. வட கிழக்கு மாகாணத்தில் பெரிதாக எதிர்பார்க்கப்பட்ட நிலங்கள் விடுவிக்கப்படவில்லை. எமக்கு நியாயம் கூறவில்லை. அந்தவகையில், யாழ்ப்பாணத்திற்கான வருகை தமிழ் மக்களுக்கு நன்மை பயக்கும் வருகையாக நாங்கள் கருதவில்லை என்றார்.
 
முன்னர், அரசியல்வாதிகள் போராட்டங்களை முன்னெடுத்திருந்தனர். தற்போது அச்சூழல்மாறி, மக்களே போராட்டங்களை முன்னெடுக்கின்றார்கள்.
 
ஐ.நா அமர்வு நடைபெறும் இந்த சந்தர்ப்பத்தில் எதிர்ப்பு தெரிவிக்காவிடின், அங்கு நாம் யாழ்ப்பாணத்திற்கு சென்றுள்ளோம். மக்கள் அமைதியாக இருக்கின்றார்கள். அங்கு ஒரு பிரச்சினையும் இல்லை நல்லிணக்கமாக இருக்கின்றார்கள் என காட்டுவார்கள்.
 
எனவே, இந்த எதிர்ப்பு போராட்டம் மிகப்பெரியளவில் மக்கள் போராட்டமாக வெடிக்க வேண்டும். இது ஒரு நல்ல சந்தர்ப்பம் இந்த சந்தர்ப்பத்தில், தமது தேவைகளை வெளிப்படுத்த வேண்டும். இந்த போராட்டத்திற்கு பாதிக்கப்பட்டவர்கள் மாத்திரமன்றி ஏனையோரரும் தமது ஆதரவினை வழங்க வேண்டும்.
 
குறிப்பாக இப் போராட்டத்தில் பல்கலைக்கழக மாணவர்கள் மற்றும் பல்கலைக்கழகம் சார்ந்தவர்கள், பட்டதாரிகள், பொது அமைப்புக்கள் அனைவரையும் ஒத்துழைப்புத் தருமாறு வேண்டுகோள் விடுத்துள்ளதுடன், காணாமல் ஆக்கப்பட்டோரின் உறவுகள் மற்றும் இராணுவத்தில் சரணடைந்தோரின் உறவுகளையும், இந்த போராட்டத்தில் பங்குபற்றுமாறும் அழைப்பு விடுத்துள்ளார்.
»»  (மேலும்)

12 ஆவது நாளாக போராட்டம்; மனித சங்கிலி போராட்டத்தில் பட்டதாரிகள்

மட்டக்களப்பு நகரில் வேலையற்ற பட்டதாரிகள் இன்று (04) மனித சங்கிலிப் போராட்டத்தில் ஈடுபட்டனர்.
மட்டக்களப்பு காந்திப் பூங்காவுக்கு முன்னாள் அரச நியமனம் வழங்க கோரி இந்த மனித சங்கிலிப் போராட்டத்தில் இவர்கள் ஈடுபட்டனர்.
வேலையற்ற பட்டதாரிகளுக்கு அரசாங்கம் அரச நியமனம் வழங்குமாறு இந்த சங்கிலிப் போராட்டத்தின் போது வேலையற்ற பட்டதாரிகள் வலியுறுத்தினர்.
மட்டக்களப்பு மாவட்ட வேலையற்ற பட்டதாரிகள் அரச நியமனம் வழங்க கோரி 12வது நாளாக தொடர்ந்து சத்தியாக்கிரக போராட்டம் நடாத்தி வரும் நிலையிலேயே இவர்களின் இந்த மனித சங்கிலிப் போராட்டமும் இடம்பெற்றது.

இவர்களின் இப்போராட்டத்தில் இலங்கை தமிழர் ஆசிரியர் சங்கம் தமது முழுமையான ஆதரவை வழங்கி அதன் செயலாளர் முக்கியஸ்தர்களும் இவர்களின் இந்த மனித சங்கிலிப் போராட்டத்தில் இணைந்து கொண்டனர்.
மட்டக்களப்பு நகரிலுள்ள காந்திப்பூங்காவுக்கு முன்னாள் கடந்த பெப்ரவரி 21 ஆம் திகதி, அரச நியமனம் வழங்க கோரி மட்டக்களப்பு மாவட்டத்திலுள்ள வேலையற்ற பட்டதாரிகள் கால வரையின்றிய சத்தியாக்கிரக போராட்டத்தினை ஆரம்பித்தனர்
»»  (மேலும்)

3/01/2017

தமிழ்நாட்டில் இன்று முதல் பெப்ஸி, கோக் விற்பனைக்குத் தடை

தமிழகத்தில் பன்னாட்டு நிறுவனங்களின் குளிர்பானங்களான பெப்ஸி மற்றும் கோகோ கோலா விற்பனை நிறுத்தம் இன்று முதல் அமலுக்கு வந்துள்ளது

தமிழ்நாடு வணிகர் சங்கங்களின் பேரவை மற்றும் தமிழ்நாடு வணிகர் சங்கங்களின் பேரமைப்பு ஆகியவை இந்த விற்பனை நிறுத்தத்துக்கு அழைப்பு விடுத்திருந்தன. அதன்படி, பல வாரங்களுக்கு முன்பிருந்தே, இந்த விற்பனை நிறுத்தம் தொடர்பாக, தனது சங்க உறுப்பினர்களுக்கு விழிப்புணர்வு ஏற்படுத்தும் நடவடிக்கையில் அச் சங்கங்கள் ஈடுபட்டு வந்தன.கோகோ கோலா பெப்ஸி ஆகியவற்றிற்கு தடை
இதையடுத்து, அந்த உறுப்பினர்களின் கடைகளில் இந்த பானங்கள் விற்பனைகள் நிறுத்தப்பட்டுள்ளதாகத் தெரிவிக்கப்பட்டுள்ளது.
இதுகுறித்து, பிபிசி தமிழிடம் பேசிய தமிழ்நாடு வணிகர் சங்கங்களின் பேரவைத் தலைவர் தா. வெள்ளையன், இந்த பானங்களைத் தவிர்க்க வேண்டும் என்று கடந்த 15 ஆண்டுகளுக்கும் மேலாக பிரசாரம் செய்து வருவதாகத் தெரிவித்தார். ஜல்லிக்கட்டு ஆதரவுப் போராட்டத்தின்போது, மாணவர்கள் மத்தியில் பேசும் போது, அதனால் உந்தப்பட்டு, ஜனவரி 26 முதல் தமிழகம் முழுவதும் கடைகளில் அந்த பானங்கள் விற்பனை நிறுத்தப்படும் என அறிவித்த நிலையில், ஏற்கெனவே 75 சதம் அளவுக்கு விற்பனை நிறுத்தப்பட்டுவிட்டதாகத் தெரிவித்தார்.
தங்கள் அமைப்பில் 50 லட்சம் வியாபாரிகள் உறுப்பினர்களாக உள்ளதாகவும், அதில் 2 சதம் பேர்தான் இந்த பானங்களை விற்பனை செய்வதாகவும் அவர்களும் அதை இன்றுடன் நிறுத்திவிடுவார்கள் என்றும் அவர் தெரிவித்தார்.
வெளிநாட்டு நிறுவன குளிர்பானங்கள் உடலுக்குக் கேடுவிளைவிப்பதாகவும், அவை பெருமளவில் நிலத்தடி நீரை உறிஞ்சுவதாகவும் வெள்ளையன் குற்றம் சாட்டினார்.
பெப்ஸி, கோகோ கோலா பானங்கள் தற்போது சுமார் 90 சதம் அளவுக்கு சந்தையைப் பிடித்து வைத்துள்ளதாகக் கூறப்படும் நிலையில், உள்ளூர் பானங்களை பிரபலப்படுத்த வேண்டும் என்று வர்த்தக சங்கங்கள் கூறுகின்றன. மேலும், பழச்சாறு விற்பனையை ஊக்குவிக்கப் போவதாகவும் அவை கூறுகின்றன.
ஆனால், உள்நாட்டு பானங்களால் அந்த அளவுக்கு சந்தைத் தேவையைப் பூர்த்தி செய்ய முடியுமா என்று வெள்ளையனிடம் கேட்டபோது, ஒரு சில மாதங்களில் பெருமளவு தேவையைப் பூர்த்தி செய்ய முடியம் என்று தெரிவித்தார்.
சூப்பர் மார்க்கெட், பல்லங்காடிகளில் இந்த பானங்கள் விற்பனை செய்யப்படுவதையும் நிறுத்துமாறு கேட்டுக் கொள்ளப்பட்டிருப்பதாகவும்
ஜல்லிக்கட்டுப் போராட்டத்தின்போது, விலங்குகள் துன்புறுத்தப்படுவதற்கு எதிரான அமைப்பான பீடாவுக்கு எதிராக இளைஞர்கள் தீவிர பிரசாரம் மேற்கொண்டனர். அந்த நேரத்தில், வெளிநாட்டு பானங்களுக்கு எதிரான பிரசாரமும் சூடுபிடித்தது.
அதுவே, வர்த்தக அமைப்புக்கள் முறைப்படி அந்த பானங்களின் விற்பனையைத் தடை செய்ய வழிவகுத்தது.
ஆனால், இந்த தடையை முழுமையாக அமல்படுத்த முடியுமா என்பது குறித்து தெளிவான இலக்கு இல்லை. தொடர்ந்து, வியாபாரிகளிடமும் பொதுமக்களிடமும் விழிப்புணர்வை ஏற்படுத்தி வருவதாக வர்த்தக அமைப்புக்கள் தெரிவிக்கின்றன.
இந்நிலையில் ஹிந்துஸ்தான் கோகோ கோலா மற்றும் பெப்ஸிகோ ஆகிய நிறுவனங்கள் இந்தியாவில் இயங்குகின்றன மேலும் தமிழ்நாட்டில் 2000 குடும்பங்களுக்கு வேலை வாய்ப்பை வழங்குகின்றன; எனவே இந்த புறக்கனிப்பு "இந்தியாவில் தயாரிப்பதற்கு" எதிரானதாக உள்ளது என இந்திய குளிர்பான கூட்டமைப்பு தெரிவித்துள்ளது.
»»  (மேலும்)