உண்மைகள்

மறைக்கப்படும் மறுக்கப்படும் செய்திகளுக்காக...

Get The Latest News

Sign up to receive latest news

4/24/2017

26வது வாசிப்பு மனநிலை விவாதம்-பாரீஸ்

Image may contain: 1 person, sitting

தோழர் வி.ரி.இளங்கோவனின் தலைமையும், ஆரம்ப உரையுமாக தொடங்கியது, 26வது வாசிப்பு மனநிலை விவாதம்- (23-04-2017)
முதலாவது நிகழ்வாக விசுவானந்ததேவனின் நினைவேந்தல் தொகுப்பின் மீதான தனது அனுபவத்தை வி.ரி.இளங்கோவன் கூறினார். அந்நூலிற்கான அனுபவ முன்னோட்டமாக சீனக் கொம்யூனிசக் கட்சியின் தோற்றம், அதன் பின்னணியில் வடபகுபதியில் மேற்கொள்ளப்பட்ட சாதிய ஒடுக்குமுறைக்கு எதிரான போராட்டம் தொடங்கிய வரலாற்றையம் தனது நேரடி அனுபவகங்ளூடாக விபரித்தார். சீனக்கொம்யூனிசக் கட்சிதான் தேசிய விடுதலைப் போராட்டங்களில் ஈடுபட்ட அக்கால இஞைர்களுக்கு ஒரு ஊக்கசக்தியாக இருந்தது. அதிலும் குறிப்பாக வடமராட்சிப் பிரதேசம் இதில் முதன்மை பாத்திரம் வகித்தது. அது ஒரு எழுச்சிக்காலம். இவ்வாறான சூழலில் உள்வாங்கப்பட்டவர்களில் விசுவானந்ததேவனும் ஒருவர் என ஆரம்பித்து, இலங்கையின் இடதுசாரி இயக்கங்கள், கட்சிகள் என இலங்கையின் அரசியல் வரலாற்று அனுபவங்களுடன் விசுவானந்ததேவனின் அரசியல் நிலைப்பாட்டையும் தனது விமர்சனப்பார்வையில் முன்வைத்தார்.



காங்கேசந்துறை சீமந்து தொழிற்சாலையில் ஏற்பட்ட முதல் அனுபவம், அவருடன் இணைந்து மேற்கொண்ட கட்சிவேலைகள் என விசுவானந்ததேவனுடன் தனக்கிருந்த நெருக்கமான உறவின் அறிமுகத்தோடு இரயாகரன் தனது உரையை ஆரம்பித்தார். இந்த நூலை தொகுப்பதில் முக்கிய பங்காற்றியவர்கள் மீதே அவரது முதல் விமர்சனமாகவே இருந்தது. இலங்கை அரசை ஆதரிக்காதவர்கள் துரோகிகள் என்கின்ற பொதுவான அளவுகோலை கொண்டிருந்தவர்கள் இந்நூலின் தொகுப்பாளர்கள். விசுவிற்கும் எனக்குமான பல்வேறு முரண்பாடுகள் இருந்தது. இருப்பினும் 80 களின் பிற்பாடு இடதுசாரிய நோக்குநிலையிலான விசுவின் அரசியல் பங்கு மிக முக்கியமானது. இந்த தொகுப்பானது விசுவானந்தன் குறித்த ஒரு மேலோட்டமான தகவல்களால் மட்டுமே நிரப்பப்ட்டிருக்கிறது. விசுவானந்ததேவனுடன் நெருக்கமான பலரது நேரடி அனுபவங்களை தொகுப்பதற்கான ஆர்வத்துடன் இத்தொகுப்பு வெளிவரவில்லை. என்பதோடு விசுவானந்ததேவன் குறித்த இந்த தொகுப்பில் காணப்படாத ஒருதொகை தகவல்களை இரயாகரன் கூறினார். உண்மையில் இரயாகரனிடம் இருக்கும் தகவல்கள் இந்ததொகுப்பைவிட இரண்டு மடங்கு அதிகமாக இருக்கலாம். இவ்வளவு நேரடி தகவல்களை வைத்திருக்கும் நீங்கள் இவைகளை பதிவு செய்யலாமே என எம்.ஆர்.ஸ்டாலின் கேட்டதற்கு, அவரது வழமையான புன்னகையை சிந்தி பார்ப்பம்… என்றார்.


தமிழ் இளைஞர்களால் மேற்கொள்ளப்பட்ட தேசிய விடுதலைப்போராட்டத்திற்கான இயக்கங்களின் தொகை நிரம்பவே இருந்தது. இருப்பினும் கிழக்குமாகாணத்தை பொறுத்தவகையில் பிரதானமான ஐந்து இயக்கங்களின் பெயர்களே அறிமுகமாகியிருந்தது. இந்த ஐந்து இயக்கம் தவிர்ந்த ஒரு இயக்கமாகவும், அவ்வாறான ஒரு இயக்கத்தின் முக்கியஸ்தராக விசுவானந்ததேவன் இருந்ததை இந்த நூலினூடாகவே அறியக்கூடியதாக இருக்கிறது. அந்தவகையில் இந்த தொகுப்பு மிக முக்கியமானதே. மேலும் விசுவானந்ததேவனது தேசிய விடுதலைப்போராட்டத்தின் பங்களிப்பையும் அவரது செயல்பாட்டையும் அவதானிக்கும்போது அவர் தொடர்ச்சியாக ஒரு கட்சியில், விசுவாச மனநிலையில் இயங்கவில்லை. தொடர்ந்து தான் இணைந்துகொண்ட கட்சிகள், இயக்கங்களுடன் முரண்பட்டு, முரண்பட்டு நிலைப்பாடுகளை கடந்து வந்திருக்கிறார். இதை ஒரு வளர்ச்சி நிலையாகவே நான் பார்க்கிறேன் என எம்.ஆர்.ஸ்டாலின் தனது உரையில் குறிப்பிட்டார். அத்தோடு விசுவானந்ததேவனுடன் அவர் சார்ந்த இயக்கத்துடனும் நேரடி அனுபவங்கொண்டிருந்த இரயாகரனுடன் இத்தொகுப்பாளர்கள் ஏன் தொடர்பு கொள்ளவில்லை எனும் கேள்வியையும் முன்வைத்தார். இந்த நூல்குறித்த நீண்டநேர கலந்துரையாடலில் வரதன், தேவதாசன். சோபாசக்தி, அசுரா, போன்றோர் கலந்துகொண்டனர்.
பிரான்சிஸ் அமல்ராஜ் அவர்களின் ‘கருகிய காலத்தின் நாட்குறிப்புகள்’ எனும் கட்டுரைத்தொகுப்பின் வாசிப்பின் அனுவபத்தை தேவதாசன் பகிர்ந்துகொண்டார். யுத்தம் முடிவடைந்த 2009 க்கு பின்பாக அறியப்பட்ட விடயங்களை உள்ளடக்கிய 38 கட்டுரைகளால் இத்தொகுப்பு நிரம்பியிருக்கின்றது. யுத்தத்தால் பாதிக்கப்பட்டவர்களின் நேரடி அனுபவங்கள் பெறப்பட்டு அதனூடாக அறிந்த தகவல்களையே இதில் தொகுத்திருக்கின்றார். இதில் தகவல் அறிந்து பிரயோகிக்கப்பட்ட மொழிப்பிரயோகம் வாசிப்பிற்கு கொஞ்சம் சிக்கலாகவே எனக்கிருந்தது. தமிழ்நாட்டு மொழியை பயன்படுத்தியே எழுதப்பட்டிருக்கிறது. பாலியல் விடயங்கள் சம்பந்தமாகவும், அதை எதிர்கொள்பர்களுக்கான பயிற்ச்சி ஆலோசனைகளை வழங்கும் விதமான கட்டுரையும் இத்தொகுப்பில் இருக்கின்றதென அறிமுகப்படுத்தினார்.
‘நடு’ சஞ்சிகையில் வெளிவந்த சிசிலி தர்சனின் ‘அசைவம்’: இக்கதையின் தலைப்பின் பொருளை இரண்டுவகையாகப் பார்க்கலாம். உணவு சார்ந்த பொருள்படவும், அசைவது என்பதாக பொருள்படவும் கருதிக்கொள்ளலாம். அந்த
வகையிலேயே இச்சிறுகதையின் உள்ளடக்கமும் இயங்குவதை நாம் காணலாம். என ‘அசைவம்’ சிறுகதை மீதான தனது பார்வையை நெற்கொழுதாசன் முன்வைத்தார். கதையின் கட்டமைப்பு உள்ளடக்கம் சார்ந்த விடயங்களை பகிர்ந்துகொண்டதோடு படைப்பாளியின் மொழிப்பிரயோகத்தை சிலாகித்தும் பேசினார் ‘புலவர்’ நெற்கொழுதாசன்.
இக்கதையானது சாதியத்தை மையமாக கொண்டு இயங்கியதால் இதன் மீதான உரையாடலும் நீண்டுகொண்டே சென்றது. உரையாடலில் கலந்து கொண்டவர்கள்: தர்மினி, தர்மு பிரசாத், தேவதாசன், வரதன், விஜயன், வி.ரி.இளங்கோவன், அசுரா.மற்றும் தோழர்களாகும்.

தொகுப்பு *அசுரா
»»  (மேலும்)

வடமாகாணசபை: அதிருப்திகளும் எதிர்ப்பு நடவடிக்கைகளும் -           கருணாகரன்

NPC-1வடக்கு மாகாணசபையின் செயற்பாடுகள் பற்றிப் பகிரங்கத்தளத்தில், பரவலான உரையாடல்கள் நடக்கத்தொடங்கியுள்ளன. இதனால் மாகாணசபையின் மந்தமான அல்லது வினைத்திறனற்ற செயற்பாடுகள் கடுமையான விமர்சனத்துக்குள்ளாகியிருக்கின்றன. வடக்கு மாகாணசபையைப் பற்றிய விமர்சனங்களும் கண்டனங்களும் எல்லோருடைய எழுத்திலும் வாயிலும் மிகச் சாதாரணமாகவே புழங்குகின்றன.
மாகாண நிர்வாகத்தைப் பற்றியும் அதற்குப் பொறுப்புச் சொல்லவேண்டிய முதலமைச்சர் விக்கினேஸ்வரனையும் முகப்புத்தகத்தில் கிழித்துத் தோரணம் கட்டுகிறார்கள். இதெல்லாம் ஏதோ பேக் ஐடியில் நடக்கிறது என்று எண்ண வேண்டாம். சொந்த முகத்தோடுதான் நடக்கிறது. தமிழ் அதிகாரச் சூழலில் இப்படி அதிகார அமைப்பொன்றுக்கு எதிராக, மக்களின் அபிமானத்தைப் பெற்ற தரப்பு ஒன்றை விமர்சித்துச் சொந்த முகத்தைக் காட்டுவது எளிதானதல்ல.
ஆனால், மிக இளைய வயதினர் கூட  மாகாணசபையின் கீழிறக்கம்பற்றி துணிச்சலாக எழுதுகிறார்கள். பலர்  கடுமையான தொனியில் கேள்விகளை எழுப்புகிறார்கள். புலம்பெயர் நாடுகளில் இருப்போர் கூட விக்கினேஸ்வரனுடைய நிர்வாகத்தைப் பற்றிச் சோர்வுடனேயே விசாரிக்கிறார்கள்.
வட மாகாணசபையின் பொறுப்பின்மைகளைப் பற்றியும் மந்தத்தனத்தைப்பற்றியும் இந்தப் பத்தியாளர் உள்படச் சிலர் ஏற்கனவே குறிப்பிட்டு வந்திருக்கின்றனர். மாகாணசபையின் எதிர்க்கட்சித் தலைவர் சின்னத்துரை தவராஜா உள்பட வேறு சில உறுப்பினர்களும் தங்களுடைய விமர்சனங்களை முன்வைத்திருக்கிறார்கள். மாகாணசபை அமைச்சர்கள் மீது மாகாணசபையின் உறுப்பினர்களாலேயே ஊழல் குற்றச்சாட்டுகள் முன்வைக்கப்பட்டன. கல்வி, விவசாயம், கூட்டுறவு போன்ற துறைகளில் மிகப் பெரிய சீர்கேடும் ஊழலும் மலிந்திருப்பதாகச் சொல்லப்பட்டது.
இதைப்பற்றியெல்லாம் ஏராளம் ஆதாரங்களை ஊடகங்கள் பொதுவெளியில் பகிரங்கமாக முன்வைத்தன. இருந்தபோதும் எதைக்குறித்தும் விக்கினேஸ்வரனின் நிர்வாகம் பொருட்படுத்தியதில்லை. போரினால் பாதிக்கப்பட்ட மக்களுக்காவது ஆறுதலாக இருங்கள் என்று உருக்கமாகக் கேட்கப்பட்டது. போரை நடத்திய அரசே அதற்கான நிவாரணத்தைக் கொடுக்க வேணும் என்று, கோரிக்கையை இடம்மாற்றியது வடக்கு மாகாணசபை. முன்னாள் போராளிகளுக்கு உதவி, மாற்றுவலுவுள்ளோருக்கு ஆதரவு என்று பெரிதாக மேளமடித்துச் சொல்லப்பட்ட அளவுக்கு காரியங்கள் எதுவும் சிறப்பாக நடக்கவில்லை.
“ரோம் எரியும்போது நீரோ மன்னல் பிடில் வாசித்துக் கொண்டிருந்ததைப்போல” சனங்கள் அவலப்பட்டுக்கொண்டிருக்கும்போது, முதலமைச்சரும் அமைச்சர்களும் விழாக்கள், கொண்டாட்டங்கள், பிரேரணைகள் என்று கலகலப்பாகக் காலம் கடத்திக் கொண்டிருக்கிறார்கள். எந்த நாளும் விழா நாயகர்களாகவே காட்சியளிக்கின்றனர்.
மாகாணசபையின் கீழிறக்கம் பற்றி முன்வைக்கப்பட்ட இந்த விமர்சனைங்களை அப்போது கவனிக்க விரும்பாதவர்கள், இன்று முன்னிலையில் நின்று தங்களுடைய எதிர்ப்பை வெளிப்படுத்தி வருகின்றனர். அன்று விக்கினேஸ்வரனைப்பற்றி இருந்த மதிப்பும் கீர்த்தியும் இன்று காணாமல் போய் விட்டது. இதற்குக் காரணம் சனங்களின் எதிர்பார்ப்பைக் குறைந்த பட்சமாகவாவது நிறைவேற்றுவார் என்று நம்பப்பட்டு ஏமாந்ததேயாகும். உண்மையில் மாகாண நிர்வாகத்தைத் திறமையாக இயக்கிக் காட்டியிருக்க வேண்டிய விக்கினேஸ்வரன் வழிமாற்றப்பட்டார். அல்லது வழிதவறினார். அதனால் தன்னுடைய ஆட்சியில், நிர்வாகத்தில் விக்கினேஸ்வரன் கோட்டை விட்டார் எனலாம்.
மாகாணசபையைப் பொறுப்பேற்ற சந்தர்ப்பத்தில் தமிழ்ச்சமூகத்தினால் மிக அதிகமாக மதிக்கப்பட்டவர் விக்கினேஸ்வரன். பல நல்ல முன்மாதிரிகளை உருவாக்கக்கூடியவர் எனப் பலரும் நம்பினார்கள். ஆனால், ஆட்சிப்பொறுப்பை ஏற்று நான்கு ஐந்து மாதங்களாக எல்லாவற்றையும் ஒழுங்கு படுத்திக் கொண்டிருந்த விக்கினேஸ்வரனுக்குச் சக உறுப்பினர்களால் நெருக்கடிகள் உருவாகத்தொடங்கின. இதற்குக் காரணம், தொடக்கத்தில் மாகாணசபையை இயக்குவதற்கு அப்போதைய மகிந்த ராஜபக்ஸ ஆட்சி மந்த நிலையிலான ஆதரவையே வழங்கியது.
இதனால் விக்கினேஸ்வரனுடைய நிர்வாகம் விரைந்த செயற்பாட்டை மேற்கொள்ள முடியாமலிருந்தது. இதை ஒரு வாய்ப்பாக எடுத்துக் கொண்ட தமிழ்த்தேசிய தீவிர நிலை அரசியலாளர்கள் விக்கினேஸ்வரனுக்கு நெருக்கடியைக் கொடுக்கத் தொடங்கினார்கள். குறிப்பாக சிவாஜிலிங்கம், அனந்தி போன்றவர்கள். இதனால் ஒரு எல்லைவரையில் பொறுமை காத்த விக்கினேஸ்வரன், வேறு வழியில்லாமல், தானும் எதிர்த்தரப்பின் நின்று முகத்தைத் திருப்பி, அரசாங்கத்தை எதிர்க்கத் தொடங்கினார். இது மாகாணசபையைத் தவிர்க்க முடியாத அளவுக்கு முடக்கியது. பதிலாக விக்கினேஸ்வரனுக்கிருந்த உடன்கால நெருக்கடியைத் தவிர்த்தது.
ஆனால், மாகாண நிர்வாகத்தைச் செயற்படுத்துவதற்கான கரிசனைகளை எடுப்பதற்குப் பதிலாக, மாகாணசபைக்கான அதிகாரத்தைப்பற்றிப் பேசுவது தொடக்கம், இலங்கையின் இனப்பிரச்சினை தொடர்பான வியாக்கியானங்களை உரைப்பது என்றொரு திசையில் விக்கினேஸ்வரன் நகர்ந்தார். மாகாணசபையும் கூட அப்படித்தான் செயற்படத்தொடங்கியது. அளவுக்கு அதிகமான பிரேரணைகளை உற்பத்தி செய்யும் ஒரு இயந்திரமாகியது. அது உற்பத்தி செய்யும் பிரேரணைகளின்  நடைமுறைச் சாத்தியங்களைப்பற்றி அது ஒரு போதுமே சிந்தித்ததில்லை. இவற்றின் கூட்டு விளைவே இன்று வடக்கு மாகாணசபை மிக மோசமான சீரழிவில் வந்து நிற்கிறது.
கல்வியில் கடைசி மாகாணமாகவும் விவசாயம், மீன்பிடித்துறையில் மிகப் பின்தங்கியதாகவும் வடக்குமாகாணம் உள்ளது. குறைந்த பட்சம் மாகாணத்தில் மேற்கொள்ளப்படவிருந்த, மேற்கொள்ளப்பட்ட மிகப் பெரிய வேலைத்திட்டங்களில் கூட மாகாணநிர்வாகம் சரியாகச் செயற்படவில்லை. வடக்கிற்கான பொருளாதார அபிவிருத்தி மைய நிர்மாணம், வவுனியா பேருந்து நிலையம், கிளிநொச்சியில் அமைக்கப்பட்டுள்ள வணிகச் சந்தையை இயங்க வைத்தல், இரணைமடுக்குள நிர்மாணம் மற்றும் யாழ்ப்பாணத்துக்கான குடிநீர் விநியோகம், மீன்பிடித் துறைமுக விருத்தி என எதிலும் குறிப்பிடத்தக்க வகையில் மாகாணசபை தன்னுடைய வினைத்திறன் மிக்க செயற்பாட்டுத்திறனை வெளிப்படுத்தவில்லை. எல்லாமே பலவீனமான நிலையில்தான் உள்ளன.
பெரும் நிதி ஒதுக்கீட்டில் வவுனியாவில் நிர்மாணிக்கப்பட்ட பேருந்து வளாகம் கைவிடப்பட்டுள்ளது. பொருளாதார அபிவிருத்தி மையம் பற்றிய பேச்சையே தற்போது காணவில்லை. கிளிநொச்சியில் அமைக்கப்பட்டுள்ள வணிகச் சந்தை திறக்கப்படாத நிலையில் நான்கு ஆண்டுகளாகப் புட்டப்பட்டிருக்கிறது. இரணைமடுவில் மட்டுமல்ல, அக்கராயன் குளம் உள்பட வன்னிப் பகுதிகளில் மேற்கொள்ளப்பட்டு வரும் குளப்புனரமைப்புகளில் முறைகேடுகள் நடந்து கொண்டிருப்பதாக விவசாயிகள் குற்றம் சாட்டிக்கொண்டிருக்கின்றனர். இந்தக் குளப்புனரமைப்புகளை மேற்பார்வை செய்வதற்கான விவசாயிகளையும் துறைசார் வல்லுநர்களையும் கொண்ட கட்டமைப்பு எதையும் மாகாணசபை உருவாக்கியிருக்க வேணும். ஆனால், அப்படி நடக்கவில்லை.
வன்னியின் ஆதாரம் குளங்களே. அங்குள்ள குடியிருப்புகளும் விவசாயத் தொழில்துறையும் குளங்களை ஆதாரமாகக் கொண்டவையே. இருந்தும் குளப்புனரமைப்புகளில் உரியவாறு கவனம் கொள்ளப்படவில்லை. விவசாய அமைச்சின் கீழ் இயங்கும் நீர்ப்பாசனத் திணைக்களத்தில் பல்வேறு விதமான உள் முரண்பாடுகள் காணப்படுகின்றன. இந்த முரண்பாடுகள் நிச்சயமாகக் குளப்புனரமைப்புகளைப் பாதிப்புக்குட்படுத்தும் என்பது அனைவருக்கும் தெரியும். இதையிட்டு விவசாயிகள் பெரும் கவலையடைந்திருக்கிறார்கள். இந்த மாதிரிப் பல தரப்பிலும் ஏராளம் கவலைகள் உண்டு. ஆனால், இதையெல்லாம் விக்கினேஸ்வரனோ, மாகாணசபையோ கவனத்தில் எடுப்பதில்லை. என்னதான் வந்தாலும் எதையும் நாம் பொருட்படுத்தவே மாட்டோம் என்ற தீவிரப் பிடிவாதத்தில் இருக்கிறார்கள். இது ஏன் என்றுதான் யாருக்குமே விளங்கவில்லை.
இதனால்தான் மாகாணசபையைப் பற்றி எல்லோரும் விமர்சிக்கத் தொடங்கியிருப்பதாகும். தமிழ்ச்சூழலில் இப்போது மெல்ல மெல்ல விமர்சனத்துக்கான களச் சூழல் ஒன்று மெல்ல மெல்ல உருவாகி வருகிறது. மாகாணசபையைப் பற்றி, தமிழ்த்தேசியக் கூட்டமைப்பின் நடவடிக்கைகளைப்பற்றி, தமிழ்த்தலைமைகளைப்பற்றியெல்லாம் விமர்சனங்கள் பகிரங்கத்தளத்தில் முன்வைக்கப்படுகிறது. பல சந்தர்ப்பங்களில் தலைவர்களை நோக்கி மக்கள் கேள்விகளை எழுப்புகிறார்கள். கண்டனங்களைத் தெரிவிக்கிறார்கள். மாகாணசபையின் கல்வி அமைச்சர் இரண்டு தடவை அவருடைய பணிமனையில் வைத்துச் சுற்றி வளைக்கப்பட்டது இந்த அடிப்படையிலான எழுச்சியின் விளைவே. மாகாணசபைக்கு முன்பாகக்கூட பல தடவை தமது எதிர்ப்பு நடவடிக்கைகளை பல தரப்பினரும் வெளிப்படுத்தியிருக்கிறார்கள்.
ஊடகங்களும் விரும்பியோ விரும்பாமலோ இப்போது மாகாண நிர்வாகத்தைப்பற்றியும் தமிழ்த்தேசியக் கூட்டமைப்பைப் பற்றியும் அதனுடைய தலைமையைப் பற்றியும் விமர்சித்து எழுத்தித்தான் ஆக வேணும் என்ற நிலை உருவாகியுள்ளது. பெரும்பான்மை பலத்தோடு அதிகாரத்துக்கு வந்த, வடக்கின் முதலாவது மாகாணசபை, தன்னுடைய வரலாற்றுக்காலத்தில் ஏராளமான குற்றச்சாட்டுகளையும் கடுமையான விமர்சனங்களையும் சந்தித்த ஒரு அமைப்பாகவே இருக்கப்போகிறது. இதை மாற்றியமைப்பதற்கு ஏன் யாருமே முன்வரவில்லை? அல்லது தமிழ்த்தேசியவாதத்தை வலியுறுத்திப் போரிடும் மிதவாதத் தமிழர்களிடம் இப்படியான ஒரு செயலின்மைத்தன்மை தொடர்ச்சியாகவே வளரத்தான் போகிறதா?
அரசியல் தலைமைத்துவம் இல்லாத வெற்றிடம் என்பது மிகப் பாரதூரமான விளைவுகளை உண்டாக்கும். அரசியல் பிரதிநிதிகளாக பாராளுமன்ற உறுப்பினர்களும் மாகாணசபை உறுப்பினர்களும் அமைச்சர்களும் இருப்பது வேறு. அரசியல் தலைமைத்துவத்தை வழங்குவோராக இருப்பது வேறு.
அரசியல் தலைமைத்துவத்தை வழங்க முடியாமல், அரசியல் பிரதிநிதிகளாக இருப்பவர்கள் அதிகாரத்தைத் தங்களுக்கு இசைவாக வைத்திருப்பார்களே தவிர, அதைச் சமூக முன்னேற்றத்துக்காகவும் வரலாற்றின் வளர்ச்சிக்காகவும் பயன்படுத்தமாட்டார்கள். அதில் அவர்களுக்கு ஆற்றலும் ஆளுமையும் அக்கறையும் இருக்காது. அவர்களுக்கு வேண்டியதெல்லாம் அதிகாரமும் புகழும் வளங்களுமே.
அரசியல் தலைமைத்துவத்தை வழங்குவோரின் நிலை இதற்கு முற்றிலும் மாறானது. அவர்களுக்கு மக்களும் சூழலும்தான் முக்கியமானது. தங்களிடமுள்ள அதிகாரத்தை வைத்து பிரதேசத்தையும் மக்களையும் எந்த வகையில் எல்லாம் மேம்படுத்தலாம் என்று பார்ப்பார்கள். வளங்களையும் அதிகாரத்தையும் இணைத்துச் செயல் வடிவமாக்குவதன் மூலமாக, வரலாற்றை முன்னகர்த்தக் கூடியவர்களாக இருப்பர். துரதிருஸ்டவசமாக இவ்வாறானவர்களை தமிழ் மக்கள் தங்களுடைய அரசியலில் தெரிவு செய்து கொள்வதில்லை. வினைத்திறனும் செயற்திறனும் இல்லாதவர்களே அரங்கில் ஏற்றப்படுகிறார்கள். அப்படியானவர்களால் சமூகத்தேவைகளை நிறைவேற்ற முடிவதில்லை. இதுதான் வடக்கு மாகாணசபைக்கும் தமிழர் அரசியல் சூழலுக்கும் நேர்ந்துள்ளது.
இதையிட்ட கவலைகளும் கவனமும் தமிழ்ப்பரப்பில் ஏற்பட்டிருப்பது வரவேற்கப்பட வேண்டியது. உரையாடல்கள் தொடர்கின்றன. உரையாடல்கள் தொடரும்போது மக்களிடத்திலே அநீதிக்கும் மந்தத்தன்மைக்கும் எதிரான கொதிப்பு உயர்ந்து வரும். கொதிப்பு உயரும்போதே வரலாறு சரியாக உருப்பெறுவதுண்டு. அநீதிக்கும் மந்தத்தன்மைக்கும் தவறுகளுக்கும் எதிரான கொதிப்பு என்பது உருக்கை உருமாற்றி ஆயுதமாக்கும் உலைக்குச் சமமாகும். அதுவே இப்போது நடந்து கொண்டிருக்கிறது.

நன்றி *தேனீ *
»»  (மேலும்)

4/23/2017

வாசிப்பு மனநிலை விவாதம்

வாசிப்பு மனநிலை விவாதம். இந்த நிகழ்வானது பல வருடங்களாக பிரான்ஸ் வாசகர்கள் ஒருங்கிணைந்து நடத்தி வரும் ஒரு இலக்கிய கூட்டு செயல்பாடு ஆகும். Image may contain: 3 people
»»  (மேலும்)

லண்டனில் கக்கூஸ்(90 Minutes)’ஆவணப்படம் திரையிடல்

லண்டனில் கக்கூஸ்(90 Minutes)’ஆவணப்படம் திரையிடல்
=============================================================
அண்மைய ஆண்டுகளில் வெளியான இந்திய ஆவணப்படங்களில் மிகவும் முக்கியமான தமிழ் ஆவணப்படமான ‘கக்கூஸ்(90 Minutes)’ ஆங்கிலத் துணைத் தலைப்புகளுடன் எதிர்வரும் 29.04.2017 சனிக்கிழமை மாலை 4.00 மணிக்கு லண்டனில் திரையிடப்படுகிறது. Aucun texte alternatif disponible.
-----------------------------------
மனிதர்களை மலக்கிடங்கில் இறக்கி சுத்தம் செய்ய வைப்பது சட்ட விரோதமாக்கப்பட்டிருக்கும் சூழலில் தொடர்ந்து தமிழகத்தில் மலக்கிடங்கு மரணங்கள் அதிகரித்து வருகின்றன. மலசலக் கூடங்களைச் சுத்தம் செய்கிற மனிதர்களை சாதியத்தின் பெயரால் ஒதுக்கும் இந்துத்துவ சமூகத்தில் மலம் அள்ளுவதை புனிதப்படுத்தி அத்தொழிலைச் சாசுவதமாக்கமும் இந்துத்துவ அரசு முனைந்து வருகிறது. இச்சூழலில் தமிழகமெங்கும் மலக் கிடங்கு சுத்தம் செய்யும்போது மரணமுற்ற மனிதர்களின் அன்றாட வாழ்வின் குரூரங்களையும் அவர்தம் குடும்பங்களின் நிராதரவான அந்தகார வாழ்வையும் தமிழகம் முழுதும் பயணம் செய்து ஆவணப்படுத்தியிருக்கிறார் ஆவணப்பட இயக்குனர் திவ்யாபாரதி. தமிழகத்தின் பல மாவட்டத் தலைநகர்களில் திரையிட அனுமதி மறுக்கப்பட்ட இந்த ஆவணப்படம் ஐரோப்பிய நாடுகளில் முதன் முறையாக 'விம்பம்' கலை, இலக்கிய , திரைப்பட அமைப்பின் சார்பில் லண்டனில் திரையிடப்படுகிறது
---------------------------------
ஆவணப்பட அறிமுகம் : தோழர். நடேசன்
கலந்துரையாடல் நெறியாள்கை : தோழர்.வேலு
----------------------------------
அனைவரையும் அன்புடன் அழைக்கின்றோம்
‘VIMBAM’
An organisation for the promotion of Arts, Literature and Film Culture
»»  (மேலும்)

4/22/2017

மே தின பேரணி- மட்டக்களப்பு

 

தமிழ் மக்கள் விடுதலைப் புலிகள் கட்சியின் தொழிற்சங்கத்தினால் வருடாவருடம் நடாத்தப்பட்டுவரும் உலகத் தொழிலாளர் தின நிகழ்வு இவ்வருடமும் சிறப்பாக நடாத்தப்படவுள்ளது.

கிழக்கு மாகாணத்தின் அரசியல் நிலை, தொழிலாளர்களின் நியாயமான உணர்வுகள்,வேலையில்லா திண்டாட்டம், நிதிப்பங்கீடு,நிருவாக ஒடுக்கு முறை என பல்வேறு பின்னடைவுகளை கிழக்கு மாகாண மக்கள் எதிர் கொண்டு வரும் சூழலில் உலக தொழிலாளர் தின நிகழ்வானது கிழக்கு தமிழரின் உணர்வுகளை சர்வதேசத்திற்கு எடுத்தியம்பவேண்டிய காலத்தின் கட்டாயத்திலுள்ளது.

எனவே கிழக்கு மாகாணத்தில் ...ஜனநாயகத்தினை நிலைநாட்டி ஆக்கபூர்வமான அபிவிருத்தி பணிகளை மேற்கொண்ட எமது தமிழ் மக்கள் விடுதலைப் புலிகள் கட்சியின் தலைவரும் கிழக்குமாகாண முன்னாள் முதலமைச்சரும், கிழக்கு மாகாணசபை உறுப்பினருமாகிய கௌரவ சிவ.சந்திரகாந்தன் அவர்களின் ஆசியுடன் மட்டக்களப்பு பொது பஸ் நிலையத்திற்கு முன்பாக நடைபெறவுள்ளது. 01.05.2017ம் திகதி பி.பகல் 3.00மணிக்கு   லேக் வீதியில் அமைந்துள்ள தமிழ் மக்கள் விடுதலைப் புலிகள் கட்சியின் தலைமைக்காரியாலயத்தில் இருந்து பி.பகல் 2.00 மணிக்கு பேரணி ஆரம்பமாகும்

ஆகவே அனைத்து எம் உறவுகளையும் பேரணியிலும்,தொழிலாளர் தின நிகழ்விலும் கலந்து கொண்டு சிறப்பிக்குமாறு அன்புடன் அழைக்கின்றோம்.

*தமிழ் மக்கள் விடுதலை புலிகள்
»»  (மேலும்)

கவனத்தையீர்க்கும் படைப்பாளியாக எழும் அனோஜன் பாலகிருஷ்ணன்

அனோஜன் பாலகிருஷ்ணனின் “சதைகள்” சிறுகதைகள்: என் வாசிப்பனுபவம் - ஜிப்ரி ஹஸன்
Image may contain: 1 person, beard and closeup

                                             

                                        ஈழத்தின் புதிய தலைமுறைப் படைப்பாளிகளில் கவனத்தையீர்க்கும் படைப்பாளியாக எழுந்து வருபவர் அனோஜன் பாலகிருஷ்ணன்(annogen balakrishnan) அவர் 1992 ல் பிறந்திருக்கிறார். எனவே அவர் ஒரு மிக இள வயதுப்படைப்பாளி. அவரது வயதை ஒத்தவர்களின் இலக்கியப் பிரதிநிதி அவர். அவரது சதைகள் சிறுகதைத் தொகுப்பு தமிழ்ச்சிறுகதை வெளியில் அவரது பெயரை பதிவு செய்கிறது. ஒரு ஆழமான வாசிப்பில் சில பலவீனங்களைக் கொண்ட பிரதியாகவும், பலவீனங்களைக் கடந்துசெல்ல எத்தனிக்கும் பிரதியாகவும், நம்பிக்கை தரும் பிரதியாகவும் சதைகள் தோற்றங்கொள்கிறது.
அனோஜனின் கதைசொல்லும் நுட்பமும் அதற்கான மொழியும் அவரை ஈழத்தின் புதிய தலைமுறைப்படைப்பாளிகளில் நம்பிக்கை தரும் ஒருவராக அறிவிக்கிறது. எனினும் கதைசொல்வதற்கு ஒரு கவித்துவமான மொழிவெளிப்பாட்டை மட்டுமே அவர் சார்ந்திருப்பாரேயானால் அடுத்த கட்டத்தை நோக்கிய அவரது நகர்வு மிகவும் சவாலானதாகவே இருக்கும்.
ஈழத்துச்சிறுகதை வரலாற்று வழி நோக்கும்போது, ஒரு காலத்தில் முற்போக்கு அணி கோலோச்சியிருந்த காலம் இருந்தது. தனிமனித அகம்சார்ந்த படைப்புகளைப் புறக்கணித்த அமைப்புசார்ந்த ஒரு படைப்பியக்கத்தை ஈழத்து இலக்கியத்தில் அது பெரிதும் ஊக்கப்படுத்தி இருந்தது. அந்த நிலையை உடைத்துக்கொண்டு எஸ்.பொ. வெளிப்பட்டார். அதனை நற்போக்கு என்று சொன்னார். முற்போக்குக்கு எதிரான இலக்கிய இயக்கமாக அதனை அறிவித்தார். இந்தப் பாதை நமது இலக்கிய மரபில் ரகுநாதனாImage may contain: 1 person, closeupல்தான் முதன் முதலில் இடப்பட்டது. இந்தப் பாதையில் தீவிரமாக எஸ்.பொ. தொடர்ந்து இயங்கினார். இந்த இரு தொடர்ச்சிகளுமே சரிவர இல்லாத ஒரு தேக்கநிலையில்தான் இன்று ஈழத்து இலக்கியம் உள்ளது.
ஈழத்தின் இன்றைய இளம் தலைமுறைப்படைப்பாளிகள் குறிப்பாக வடபுலப் படைப்பாளிகளில் அநேகமானோர் இந்த எஸ்.பொ.வின் அணிசார்ந்த படைப்புகளை படைப்பது போல் ஒரு தோற்றம் உள்ளது. இது எந்தளவு உண்மையானது என்பது விரிவான ஆய்வுக்குரியது.
அனோஜனின் “சதைகள்“ தொகுப்பும் தனிமனித அகம்சார்ந்த படைப்புகள்தான். ஒரு தனிமனிதன் சமூகத்தோடும், தன் சுயத்தோடும் கொள்ளும் உறவும் முரணுமே அவரது கதைகளைத் தீர்மானிக்கும் மையப்புள்ளியாகவுள்ளது. இந்தப்புள்ளியிலிருந்து வெகுசிலவான மீறல்களும் நடந்தே இருக்கிறது.
சதைகள் தொகுப்பிலுள்ள முக்கால்வாசிக் கதைகள் இளைஞர்களின் அகவுலகையும் அவர்களின் பாலியல்சார்ந்த மனக்கொந்தளிப்புகளையும் பேசுபவைதான். அவர் உருவாக்கும் இளைஞர்கள் நமக்கு அந்நியமில்லாத நமக்குள்ளே இருப்பவர்கள்தான். இளைஞர்களின் அந்தரங்க அனுபவங்களையும், உணர்வுகளையும் அவற்றின் எல்லைகளை மீறி ஒரு பொதுத்தளத்தில் காட்சிப்படுத்துகின்றன அனோஜனின் கதைகள். அவை மிக மலினமான பால்வேட்கைசார்ந்த உணர்வுகளாக இருந்தாலும் அந்த உணர்ச்சி பூர்த்தியானதன் பின் அவர்கள் அடையும் மனவிடுதலை மனிதர்களை ஒரு உன்னத தரிசனத்தை நோக்கி நகர்த்தக்கூடியது.
ஃப்ராய்ட் வகுத்த நனவு மனதுக்கும்-நனவிலி மனதுக்குமிடையிலான மனப்போராட்டங்கள்-சஞ்சலங்கள். உள்மனவெழுச்சியும், எதையும் எளிதில் உணர்ந்துகொள்ள முடியாத வெறுமையும் என மனித மனத்தின் கதையாகவும் உடல்சார்ந்த வேட்கையின் கதைகளாகவும் ஒரு சமச்சீரான தளத்தில் சதைகளின் கதைகள் பின்னப்பட்டுள்ளது.

ஃப்ராய்ட் சொன்ன நனவிலி மனதில் நாம் அமுக்கி வைத்த பால்வேட்கைகளின் கட்டற்ற வெளிப்பாடுகள் இவரது கதாபாத்திரங்களை எப்போதும் ஒரு சீரான மனநிலையிலன்றி பரபரப்பானவர்களாகவே அலையவைத்துக் கொண்டிருக்கிறது. ஆனால் ஏதோ ஒரு குற்றவுணர்ச்சி அவர்களை அந்த வேட்கையிலிருந்து மிக எளிதாகவும் விரைவாகவும் வெளியேற்றி விடுகிறது. அதற்குப்பின் அவர்கள் அடையும் மனவிடுதலையுடன் கதைகளும் நிறைவுபெறுகின்றன. இந்தவகையில் பார்க்கும் போது அனோஜன் எஸ்.பொ. வின் நற்போக்கு அணியின் தொடர்ச்சியாகத் தெரிகிறார்.
அவரது ‘வேறயாக்கள்’ எனும் கதை சாதி, காதல், இரத்த உறவுத் திருமணம் எனும் மூன்று தளங்களையும் ஒரே புள்ளியில் இணைத்துச் செல்கிறது. எடுத்துரைப்பு முறையில் ஒரு புதுமையான முயற்சி கதைக்குள் தெரிகிறது. ராஜேந்திரன், மகிழினி எனும் இரு கதாபாத்திரங்கள் தங்கள் காதல் உறவை வெளிப்படுத்தும் நுட்பம் இதுவரை நாம் தமிழ்ச் சிறுகதைகளில் கண்டிராத ஒன்றுதான். ஆனால் தமிழ் திரைப்படங்களில் இது போன்ற உத்திகளைக் காண முடியும். அதேநேரம் இக்கதையின் மொழி வாசகனை பிரதியோடு பிணைத்துவிடும் ஒரு மர்ம அழகியலைக் கொண்டிருக்கிறது. இதுபோன்ற ஒரு கதைக்கு இப்படியான ஒரு மொழி அமைவது தமிழ்ச் சிறுகதைக்கு புதுமையானதுமல்ல. இவரது கதைமொழியின், நடையின் அழகியல் இந்தக் கதையில் உக்கிரம் பெறுமளவுக்கு ஏனைய கதைகளில் அதேயளவு உயர்ச்சி கொள்வதில்லை.
“அசங்கா“ சுற்றிவளைப்புகள் அதிகமள்ள ஒரு கதை. மையச்சம்பவமோ அல்லது சிதைவான சம்பவங்களோ என எதுமற்று அலையும் அழகியல் மட்டுமே இந்தக்கதைக்குள் உள்ளது.
காமம் சார்ந்த சித்தரிப்புகள் கதையை ஆக்கிரமித்திருக்கிறது. அசங்கா எனும் சிங்களப்பெண்ணுடன் கதைசொல்லி கொண்டிருக்கும் உறவு காமம் எனும் இழையால் பிண்ணப்பட்டுள்ளது. காமத்துக்கு அப்பால் அந்த உறவில் எந்த அர்த்தமும் இல்லை. அசங்காவை விட்டுவிலகிவிட வேண்டும் என்ற மனத்தத்தளிப்பு கதைசொல்லிக்குள் எப்போதும் இருந்துகொண்டே இருக்கிறது. ஆயினும் இந்தப்பதட்டம் அவனுக்குள் காதலின் வழியாகவன்றி காமத்தின் வழியே வந்ததுதான்.
அசங்காவின் மகளான நிமினியின் பூனை கதைசொல்லியின் மனச்சாட்சியினதும் குற்றவுணர்ச்சியினதும் குறியீடாகவே வருகிறது. காமம் இங்கு ஒரு மிருகமாக சித்தரிக்கப்பட்டிருக்கிறது. கதைசொல்லியின் கார்ச் சக்கரத்துக்குள் அகப்பட்டு இறந்து போகும் பூனையுடன் கதைசொல்லிக்கும் அசங்காவுக்குமிடையிலான உறவில் ஒரு மாற்றம் ஏற்படுகிறது. அசங்கா மீதான அவனது காமம் அடங்கி அவளிலிருந்தும் அவன் ஒதுங்கிச் செல்கிறான். இந்த உளமாற்றம் பூனையின் இறப்போடுதான் நிகழ்கிறது. கதையில் பூனையின் இறப்பும் கதைசொல்லியின் மனமாற்றமும் ஒரே நேரத்தில் நிகழ்கிறது. இதுவொன்றே காமம் எனும் ஒரு தீவிர உணர்ச்சியால் மட்டுமே அவன் இயக்கப்பட்டிருக்கிறான் என்பதை வாசகன் உணர்ந்துகொள்ளப் போதுமானது.
கதையில் பூனையின் இறப்பை கதைசொல்லிக்கு அசங்கா மீதிருந்த தீவிரகாமத்தின் இறப்பாக காண்கிறான் வாசகன். நிமினியின் பூனை இறக்கும் அதே கணத்திலிருந்து அவன் தனக்குள்ளிருந்த சிக்கலான காம உணர்ச்சியிலிருந்து முற்றாக விடுதலைபெறுகிறான். இந்த விடுதலை அவனை ஒரு மனிதனாக்கிவிடுகிறது. அதன் பின்னர் அவன் அன்பின் ஆழத்தையும், உறவின் தரிசனத்தையும் அடைந்துகொள்கிறான். கதைசொல்லி வந்தடையும் இந்தப் புள்ளிதான் இந்தக்கதையும் கூட. அதற்குமேல் இந்தக் கதை வாசகனுக்கு வேறொன்றையும் சொல்வதில்லை என்றே நினைக்கிறேன்.
இக்கதையை இயக்கிச் செல்லும் “உணர்ச்சி“ தொடக்கத்தில் “காமம்“ என்ற கடுமமையான உணர்ச்சியிலிருந்து மீண்டு ஒரு விடுதலை உணர்ச்சியடையும் ஒருவன் பற்றியது. கதைசொல்லியின் வெறும் பிரமைதான் கதையை முழுவதும் பரவியிருப்பது.
“அசங்கா“, “சதைகள்“, “பேஸ்புக் காதலி,“இதம் போன்ற முக்கால்வாசிக் கதைகள பெண்ணின் உடலைக் கொண்டாடும் கதைகளாகவே உள்ளன. பெண் உடல் இக்கதைகளில் வெறும் சதையாகவே நோக்கப்படுகிறது. எனினும் சில கதைகளில் கதை சொல்லி அடையும் ஒரு தரிசனத்தின் மூலம் பெண்ணுடல் சதை எனும் பால்வேட்கைசார்ந்த நோக்கிலிருந்து வேறொரு நோக்குக்கு கொண்டு செல்லப்படுகிறது.
“அசங்கா“ கதையில் வரும் ரப்பர் தோட்டம் பற்றிய மிகையான விபரணங்கள் கதையின் விசையான நகர்வுக்கு எந்தவித பங்களிப்பையும் ஆற்றாது ஒரு தட்டையான அந்நியமான விபரணமாக எஞ்சுகிறது. அசங்காவில் மட்டுமல்ல ஏனைய கதைகளிலும் இதுதான் நிகழ்ந்துள்ளது. அனோஜன் தனது கவித்துவமான நடை மேல் கூடுதல் அக்கறை எடுத்துக்கொண்டதன் விளைவுதான் இது. ஒரு கவிஞனுக்கு அது அசாதாரண வெற்றிகளை ஈட்டிக்கொடுக்கலாம். ஒரு எழுத்தாளன் கதை மீது அல்லது கதைகள் மீதுதான் கூடுதல் கவனத்தை எடுத்துக்கொள்ள வேண்டியுள்ளது. எனவே அனோஜன் கதைகளைவிட கவிதைகள் சிறப்பாக எழுதக்கூடும் என அனுமானிக்கிறேன்.
ஈழத்தின் புதிய தலைமுறைப்டைப்பாளிகளின் படைப்புகளில் சிங்களப் பெண்கள் காமத்தின் பிரநிதிகளாகவும் சதைப் பிண்டங்களாகவுமே அதிகம் சித்தரிக்கப்படுகின்றனர். இளங்கோ, ராகவன், அனோஜன் என அந்தப்பட்டியல் நீள்கிறது. இளங்கோவின் “கொட்டியா” கதையிலும் சிங்களப்பெண்ணின் “சதையும் உடலுமே“ மையங்கொள்கின்றன. அதன் பின்னால் மிகவும் மெளனமாகவே காதல் நெளிந்து வருகிறது.
2
மனித வாழ்வு சார்ந்த தமிழ்ச் சிறுகதைகளின் மரபார்ந்த சித்தரிப்புகளான கதைகள் அனோஜனுடையவை. ஈழத்தமிழ்ச்சிறுகதைகளில் 80களுக்குப் பின்னர் உக்கிரமாக வெளிப்பட்ட அரசியல் பரிமாணத்திலிருந்து கிட்டத்தட்ட முற்றாகவே விலகி நிற்கின்னறன அனோஜனின் கதைகள். “அண்ணா“ எனும் கதையில் மெல்லிதாக தமிழ் விடுதலை இயக்கமொன்றின் மீதான விமர்னம் வருகிறது.
மையமாக வட இலங்கையின் புதிய தலைமுறைப்படைப்பாளிகளின் கதைகளில் வெளிப்படும் பாலியல்சார்ந்த சித்தரிப்புகளே அனோஜனின் கதைகளிலும் விரவி இருக்கிறது. இந்த பாலியல் விபரிப்புகள் கதையின் தவிர்க்க முடியாத விபரணங்களன்றி மிக மேலோட்டமான வெறும் வாசக ஈர்ப்புக்கான உத்தியாக மட்டுமே படுகிறது. மனித வாழ்வின் நுண்மையான அனுபவங்களின் ஒரு அந்தரங்கப்பக்கமாக அது வெளிப்படும் இடங்களில் மட்டுமே பாலியல் விபரணங்கள் உயிர்ப்புள்ளவையாக அமையும் என்பதே என் அனுமானம். வாசகனைக் கவர்வதற்கான பாலியல் விபரிப்புகள் ஒரு தேய்வழக்கு உத்தியாக இன்று மாறியுள்ளது. வடபுலத்தின் புதிய தலைமுறைப் படைப்பாளிகளிடம் இந்தப் பாலியல் விபரிப்புகள் தாராளமாகி இருக்கின்றன. இந்தத் தேய் வழக்கு உத்தியிலிருந்து அவர்களின் படைப்புகள் அடுத்தகட்டத்தை நோக்கி எழுச்சியுற வேண்டும்.
தொகுதியின் அதிகமான கதைகள் ஒரு மையப்புள்ளியில் சுழல்தல் எனும் நவீனத்துவப் போக்கை மீற முனைபவை. “ஜூட்“, “அண்ணா“ போன்ற கதைகளில் இந்த குணாம்சம் உள்ளது. “ஜூட்“ எனும் கதை “ஜூட்“ என்ற நாயின் கதையாகவும், போஸ்ட்மாஸ்டர் ராஜரத்தினத்தின் கதையாகவும், கீர்த்தனா-சியாமளன் கதையாகவும் திரிநிலை வடிவங்கொள்கிறது.
அனோஜனின் சில கதைகளில் காலம் ஒரு சமநிலையானதாக, ஒரு சீரானதாக நகர்வதில்லை. ஒரு கட்டத்திலிருந்து இன்னொரு தொலைதூரக் கட்டத்துக்கு ஒரு நொடியில் தாவிச்சென்று விடுகிறது. ஆனால் பெரும்பாலான சந்தர்ப்பங்களில் அந்த இயல்பு அவரால் பின்பற்றப்படுவதில்லை.
“சிவப்புமழை“ ஒரு அறிவியல் சிறுகதை. ஈழத்துச் சிறுகதைவெளியில் அறிவியல்கதைகளுக்கான முயற்சிகள் மிகவும் அபூர்வமாக நிகழ்பவை. நவீன அறிவியல் முன்னேற்றத்தின் பின்னுள்ள சூழ்ச்சிகளும், போலித்தனங்களும், தன்னகங்காரங்களும் சிவப்புமழையில் பேசப்படுகிறது.
3
தமிழ் இலக்கியத்தின் விரிந்த பரப்பில் இன்றைய அதன் வளர்ச்சியை வைத்துப் பார்க்கும் போது அனோஜன் மேலும் முன்னகர வேண்டிய படைப்பாளியாகவே தெரிகிறார். அதற்கான ஆற்றலும், காலமும், களமும் அவருக்கு முன்னால் விரிந்து கிடக்கிறது.
நன்றி முகநூல் *ஜிப்ரி ஹஸன்
»»  (மேலும்)

4/21/2017

.சர்வ மத குழுவினர் பட்டதாரிகளின் போராட்டத்துக்கு தார்மீக ஆதரவு

  1. மட்டக்களப்பு வேலையற்ற பட்டதாரிகளின் தொழில் உரிமை போராட்டத்தின் 60வது நாளினை எட்டியும் இதுவரை எங்களுக்கான சாதகமான முடிவுகள் எதுவும் இல்லத காரணத்தினால் இன்றைய தினம் சர்வமதகுருமார் எம்முடன் இணைந்து ஆதரவுவழங்கியதோடு ஆசீர்வாதத்தினையும் வழங்கினர்...... Image may contain: one or more people, people standing and outdoor
  2. அதனைத்தொடர்ந்து பட்டதாரிகள் தம் கழுத்தில் தூக்குக்கயிறுகளை மாட்டிக்கொண்டு, பட்டத்தின் பிரதியினை வீதியில் எரித்து தமது எதிர்ப்பினை வெளிக்காட்டினர்
»»  (மேலும்)

4/19/2017

பிரான்ஸ் - யாருக்கு வாக்களிப்பது ?


L’image contient peut-être : texte


உலகமும் மானிடமும் தனது வரலாற்றுத் திருப்புமுனையில் தடுமாற்றத்துடன் வந்து நிற்கிறது. நமக்கும், நாளைய சந்ததிக்குமான சரியான தீர்மானங்களை எடுக்காவிடத்து, நாம் மாத்திரமல்லாது நமக்குப் பின்னால் வரவிருப்பவர்களையும் நடுக்கடலில் தள்ளிவிட்ட பொறுப்புக்கு உள்ளாகுவோம்.
உலகை ஒரே குடையின் கீழ் ஆட்சி செய்து மானிடத்தை அடிமைப்படுத்தும் திட்டம் நீண்ட காலமாவே ஒரு சில குழுக்களின் தலைமையில் உருவாக்கப்பட்டது. அத்திட்டத்தின் முன்னேறிய பகுதியே உலகமயமாக்கலாகும். ஐரோப்பியக் கட்டமைப்பும் உலகமயமாக்கலின் ஒரு பகுதியே என்பதை பலரும் இப்போது புரிந்துகொண்டுவிட்டார்கள்.
*
உலகமயமாக்குதலால் ஐரோப்பியர்களுக்குச் சாதகமான பொருளாதார விளைவுகளே ஏற்படும் என்ற கோசத்தை பெருநிதியங்களின் ஊடகங்கள் தாராளமாகவே ஊட்டிவிட்டன. ஆனால், அதன் பாதகமான விளைவுகளை ஐரோப்பியர்கள் தாராளமாகவே இன்று அனுபவித்துக்கொண்டிருக்கிறார்கள். ஐரோப்பியக் கட்டமைப்பும், ஈரோ நாணய உருவாக்கமும் பெருநிதியங்களுக்கு மட்டுமே பலாபலன்களைக் கொடுத்துள்ளன. ஐரோப்பிய மக்கள் பொருளாதார நெருக்கடிக்கு முகம் கொடுத்துக்கொண்டிருக்கிறார்கள். விளைவாகப் பாசிசப் போக்குகள் வலுத்துக்கொண்டேயிருக்கின்றன. தற்போதைய ஐரோப்பியக் கட்டமைப்பு இன்னமும் எத்தனை காலத்திற்கு நீடிக்கும் என்பது கேள்விக்குறியாகவே உள்ளது.
ஐரோப்பியக் கட்டமைப்பின் மூலக்கற்களில் ஒன்றாகிய பிரான்ஸ் நாட்டில் நடைபெற இருக்கும் குடியரசுத் தலைமைக்கான தேர்தல் இந்தப் பின்னணியில் அதி முக்கியத்துவம் வாய்ந்த ஒன்றாக இருக்கிறது.
*
பதினொருவர் வேட்பாளர்களாகப் போட்டியிடும் இத்தேர்தலில் நான்கு கட்சிகள் நெருக்கமான இடைவெளிகளுடன் செல்வாக்குச் செலுத்துவதாக கருத்துக் கணிப்புகள் கூறுகின்றன. மரின் லூ-பென், எம்மானுவெல் மக்ரோண், பிரான்சுவா பிய்யோன் மற்றும் ஜோன்-லுயிக் மெலோன்ஷோன் ஆகிய நான்கு வேட்பாளர்களும் முன்னணியில் நிற்கின்றனர்.
*
யாருக்கெல்லாம் வாக்களிக்கக் கூடாது என்பதை ஆய்வு செய்வதன் மூலம் யாருக்கு வாக்களிக்கலாம் அல்லது வாக்களிக்க வேண்டும் என்ற தீர்மானத்தை எட்டுவது இன்றை சூழ்நிலைக்குப் பொருத்தமானதாக இருக்கும் எனும் உந்ததல் என்னுள் எழுகிறது.
********************************
1)........................Résultat de recherche d'images pour "marie le pen"
பச்சையாக இனவாதத்தை உமிழ்ந்து உருவாகி, பொருளாதார நெருக்கடிகள் மற்றும் பாதுகாப்புக்கரிசனைகளை ஊதிப்பெருக்கி வளர்ச்சி பெற்ற கட்சி லூ-பென் குடும்பத்தின் தேசிய முன்னணிக் கட்சியாகும். அப்பாவின் கட்சிக்கு மகளும், பேத்தியும் வெள்ளையடித்து துலக்கித் தேர்தலுக்கு வெளிக்கிட்டுள்ளார்கள். ஆபத்தான வகையில் பாரிய வளர்ச்சியும் அடைந்துள்ளார்கள்.
மரின் லூ-பென் வெற்றிபெற்றால், வெள்ளைப் பணக்காரர்களுக்கும், இனவாதிகளுக்கும் கிடைத்த வெற்றியாக அது அமையும். பிரான்சில் அரசியல் ஸ்திர நிலை குலைந்து நாடு பிளவுண்டு தடுமாறும். பெண்களின் பல உரிமைகள் பறிபோகும். தொழிலாளர் உரிமைகள் பறிபோகும். சிறுபான்மையினர் ஒடுக்கப்படுவார்கள். வெளிநாட்டுக்காரர்கள் மோசமான முறையில் பாதிக்கப்படுவார்கள். பிரஞ்சுத் தேசிய உரிமைபெற்ற வெளிநாட்டவர்களும் இவர்களுள் அடங்குவார்கள். இறுதியில், உள்நாட்டு யுத்தம் ஒன்று உருவாகினாலும் ஆச்சரியப்படுவதற்கில்லை. இராணுவச் செலவுகளை பல மடங்காக அதிகரிப்பதாக மரின் அறிவித்திருப்பது ஒரு நல்ல அறிகுறியல்ல.
*
மரின் லூ-பென் க்கு வாக்களிப்பது என்பது தற்கொலைக்குச் சமமானதாகும்.
******
2)--------------Résultat de recherche d'images pour "macron"
யார் இந்த எம்மானுவல் மக்றோன் ? பிரஞ்சு அரசியற் பரப்பில் பின்கதவால் பெருநிதியக் காரர்களால் கொண்டுவரப்பட்டவர்தான் இந்த மக்றோன். அரசாங்கத்திற்கும் பெருநிதியக் கும்பல்களுக்கும் இடையில் உள்ள "கள்ள உறவு" இப்போதெல்லாம் ஒரு இரகசியமான விடயமேயல்ல. சனநாயகம் என்பது பெருநிதியங்களின் விளையாட்டுப் பொருளேயன்றி வேறில்லை. நவீன ஐரோப்பாவில் யார் ஆட்சியைக் கைப்பற்றுவது என்பது பற்றிய தீர்மானத்தை முதலில் பெருநிதியங்களே தீர்மானிக்கின்றன. அதையடுத்து அவர்களின் சேவை நாய்களான மீடியாக்கள் தீர்மானத்தை நிறைவு செய்யும் வண்ணம் குடிமக்களின் கருத்தை வடிவமைக்கின்றன.
*
பேச்சு வன்மையுடனான புத்திஜீவிதம், இளமைத்துடிதுடிப்பு மற்றும் தோற்றம் போன்ற விடயங்கள் பெருநிதியக் கும்பல் மக்றோனைத் தெரிவு செய்யும் முக்கிய காரணிகளாகின. ஏற்கெனவே றோச்ஷீல்ட் வங்கியில் பணிபுரிந்து உயர்மட்ட நிதியர்களுடன் மக்றோன் தொடர்புகளை ஏற்படுத்தி அங்கு தன் செல்வாக்கை வளர்த்துக்கொண்டது மட்டுமல்லாது அவர்களுக்கு ஏற்ற விதத்தில் செயற்பட்டு பல மில்லியன்களை உழைத்துக் கொண்ட விடயம் பிரஞ்சுக்காரர்களுக்கு இரகசியமாக விடயமொன்றல்ல.
**
சோசலிஸ்ட் என்ற போர்வையில் ஆட்சியைக் கைப்பற்றிய தற்போதைய பிரான்சுவா ஹொலண்ட் பெருநிதியங்களால் தெரிவு செய்யப்பட்டவர். அவர் நடாத்திய ஆட்சியும் லிபரல் தன்மையானதாகும். தொழிலாளர்களின் உரிமைகளைப் பறிக்கும் சட்டங்களும் இவர் தலைமையில் நிறைவேற்றப்பட்டன. இவையனைத்திற்கும் இதே அரசாங்கத்தில் அமைச்சராவிருந்து மக்றோன் முண்டு கொடுத்தவர். தற்போது பிரான்சுவா ஹொலண்ட் ன் செல்வாக்கு மக்களிடத்தில் பாரிய அளவில் சரிந்து போனதையடுத்து மக்றோன் தூசிதட்டப்பட்டு மீடியாக்களால் அரசியல் அரங்கில் தூக்கிப் பிடிக்கப்படுபவர்.
**
மக்றோன் உலகமயமாதலின் கைக்கூலி. இவர் ஆட்சியைக் கைப்பற்றினால் தொழிலாளர் உரிமைகள் மேலும் சரிவடையும், ஒய்வூதியத் திட்டமும், சுகாதாரப் பாதுகாப்பும் சிறிது சிறிதாக தனியார் மயமாக்கப்படும். பெருநிதியங்களும், பெருந்தொழிலாளர்களும் நன்மை பெறுவார்கள். சம்பளம் குறைக்கப்பட்டு வேலை நேரம் அதிகமாக்கப்படும். தொழிலாளர் போரட்டங்கள் வெடிக்கும். சமூக அமைதி சீரளியும். பொருளாதாரம் மந்த கதியடையும். ஆக மொதத்தில் பிரான்ஸ் மேலும் சீரளிவை நோக்கி நகரும்.
***
மக்றோனுக்கு வாக்களிப்பதும் ஆபத்தானது.
**
3)-----------------------------Résultat de recherche d'images pour "fillon"
பிரான்சுவா பிய்யோன் ஒரு பிற்போக்குவாதி. பொருளாதாரக் கொள்ளையில் இவரும் ஒரு லிபரல் போக்குடையவர். மத்திய மற்றும் கீழ்மட்டத்தினருக்கு இவர் ஆட்சியைப் பிடித்தால் எவ்வித நன்மையும் கிடைக்கப்போவதில்லை என்பதற்கப்பால் அவர்களின் நிலை மேலும் மோசமடையும் வாய்ப்புகளே மிக அதிகம்.
சார்க்கோஸி குடியரசுத் தலைவராக இருந்த வேளையில், அவரின் முதலமைச்சாராக இருந்து நாட்டின் பொருளாதாரத்தைக் குட்டிச் சுவராக்கியவர்களில் இவரும் ஒருவர். இனிவருங்காலங்களில் இவரால் உருப்படியாக நாட்டுக்கு ஏதும் செய்யமுடியுமா என்பது மாபெருங்கேள்வி மாத்திமல்ல அதுவே மாபெரும் சந்தேகமுமாகும். வழமையான "சிஸ்ரத்தின்" எடுபிடியே இவரும் என்பது இவரது கடந்த கால அரசியலை அறிந்தவர்கள் அறிவார்கள். பாரிய ஊழல் குற்றச்சாட்டுகளுக்கு முகம் கொடுத்துக்கொண்டிருக்கும் இவரைச் சுற்றியிருப்பவர்களும் ஏற்கெனவே ஆட்சியிருந்து சுயலாபங்களைப் பெற்றுக்கொண்டவர்கள். ஐரோப்பிய ஒன்றியத்தை தற்போதுள்ள நிலையிலே பலப்படுத்த வேண்டும் என்பதும் இவரது நிலைப்பாடு. தற்போதைய ஐரோப்பியக் கட்டமைப்பு நிச்சமாக உலமயமாக்கல் சூத்திரதாரிகளின் நன்மை கருதிச் செய்யப்பட்டதே தவிர ஐரோப்பியக் குடிமக்களின் நன்மை கருதி உருவாக்கப்பட்டதல்ல.
****
பிய்யோனுக்கு வாக்களிப்பதால் எந்த மாற்றமும் ஏற்படப்போவதிலை. நிலைமை இன்னமும் சீரளியவே செய்யும்.
*****
4)------------------Résultat de recherche d'images pour "mélenchon"
எஞ்சியிருப்பது, மெலோன்ஷோண்.
கடந்த 30 வருடங்களுக்கு மேலாக அரசியல் வாழ்க்கையில் ஈடுபட்டிருக்கும் மெலோண்ஷோண் எல்லாவற்றிற்கும் முதலில் ஒரு நேர்மையான மனிதன். அரசியலில் தான் கடந்த காலத்தில் இழைத்த தவறுகளை தவறுகள் என்று பகிரங்கமாக ஒத்துக்கொண்டவர்.
ஒரு த்ரொட்சிய வாதியாக அரசியல் வாழ்க்கையை ஆரம்பித்தபோதும், கம்யூனிஸ்டாக இருந்தபோதும் மற்றயவர்கள்போல் ஒரு கோட்பாட்டைக் கட்டிப்பிடித்துக்கொண்டு கதறாமல் மக்கள் சேவைக்காக தொடர்ந்து குரலெழுப்பி வந்தவர்.
இவர் பிரான்சுக்கு முன்வைக்கும் திட்டங்கள் பாரிய, மனிதத்தை முன்னிறுத்திய ஒரு பாய்ச்சலுக்கானவை என்பதை அவரது எதிரிகளும் ஏற்றுக்கொள்கிறார்கள். குறிப்பாக தற்போதுள்ள ஐந்தாவது குடியரசு அரசியலமைப்பு சீரமைக்கப்படவேண்டும் என்பதும், மனிதரையும் வாழ்க்கையயும் மையப்படுத்தி உற்பத்தி முறையில் மாசுபடல் பற்றிய அக்கறையை எவ்வாறு முதன்மைப்படுத்தப்பட வேண்டும் என்பதையும் தனது திட்டமாகக் கொண்டுள்ளார்.
இயற்கைக்கு மனிதர்களால் திருப்பித்தரமுடியாததை இயற்கையிடமிருந்து எடுக்கக்கூடாது என்பதை பொருளாதாரக் கொள்கையில் நுழைக்கவேண்டும் என்பது அவரின் கொள்கைகளில் ஒன்றாகும்.
அநீதியான, பெருநிதியங்களின் நன்மை கருதி மாத்திரமே உருவாக்கப்பட்ட ஐரோப்பியக் கட்டுமானம் மறுபரிசீலனைக்கு உட்படுத்தப்பட வேண்டும் எனத் தெளிவான ஒரு பார்வையையும் அவர் முன்வைக்கிறார்.
அடிப்படைச் சம்பளத்தை அதிகரித்தல், அரச ஊழியத்திற்கு பாரிய அளவில் ஆட்களைச் சேகரித்தல், பொதுச் சேவையை மேன்மைப்படுத்தல், சூழலை மாசுபடுத்தாத சக்தி உற்பத்திக்கான களங்களைத் திறத்தல், படிப்படியாக நியூக்கிளியர் நிலையங்களை மூடுதல் என்பன இவரின் திட்டங்களில் முக்கியமானவையாகும்.
*
இவற்றை நிறைவேற்றும் செலவுகளை ஈடுசெய்யும் பொருட்டு பெருநியங்களுக்கு எதிராகப் பாரிய அளவில் வரிச்சட்டம் கொண்டுவருதல், வரி ஏய்ப்புச் செய்யும் உள்நாட்டு வெளிநாட்டுக் கம்பனிகளை நெருக்கி வரியிறுக்கவைத்தல் போன்ற தீர்வுகளும் முன்வைக்கப்பட்டுள்ளன. மொத்தத்தில், பாரிய அளவில் நிதியையும், செல்வங்களையும் குவித்து வைத்திருப்பவர்களிடமிருந்தும், நிறுவனங்களிடமிருந்தும் நியாயமாகச் செலுத்த வேண்டிய வரியை அறவிட்டு பொருளாதாரப் பிரச்சனைகளுக்குத் தீர்வு காணல் இவரின் பாரதையாகும். "பொதுமையான எதிர்காலம்" எனத் தொகுக்கப்பட்ட இவரின் தேர்தல் விஞ்ஞாபனம் வரவு-செலவு விபரங்கள் அடங்கிய முழுமையான திட்டமாகத் தொகுக்கப்பட்டுள்ளது.
*
மிகப்பெரும்பான்மையான மீடியாக்கள் பெருநிதியங்களின் கைகளில் உள்ளதால் இவரின் திட்ங்கள் இருட்டடிப்புச் செய்யப்படுகின்றன அல்லது நடைமுறைக்குச் சாத்தியப்படாதவையாக வர்ணிக்கப் படுகின்றன. எது எவ்வாறிருப்பினும், திரு மெலோன்ஷோண் அவர்கள் குடியரசுத் தலைவராகத் தெரிவு செய்யப்பட்டால், நிச்சயமாக அது ஐரோப்பாவிற்கு ஒரு சிறந்து உதாரணமாக இருக்கும் என்பது மறுக்க முடியாததாகும்.
**
18.04.2017
நன்றி முகநூல் *வாசுதேவன் (பிரான்ஸ் )
»»  (மேலும்)

4/18/2017

மட்டக்களப்பில் உள்ள அரசியல்வாதிகள் முதுகெலும்பு இல்லாதவர்கள்

மட்டக்களப்பில் உள்ள அரசியல்வாதிகள் முதுகெலும்பு இல்லாதவர்கள் என தமிழ் மக்கள் விடுதலைப்புலிகள் கட்சியின் தலைவரும் கிழக்கு மாகாணசபை உறுப்பினருமான சிவநேசதுரை சந்திரகாந்தன் தெரிவித்துள்ளார்.Résultat de recherche d'images pour "சிவநேசதுரை சந்திரகாந்தன்"
மட்டக்களப்பு நீதவான் நீதிமன்றில் இன்று(17) ஆஜர்படுத்தப்பட்ட அவர் மீண்டும் சிறைக்கு கொண்டுசெல்லப்பட்ட போதே ஊடகவியலாளர்களிடம் இந்த கருத்தை கூறியுள்ளார்.

கல்குடாவில் மதுபான உற்பத்தி நிலையம் இன்னும் மூடப்படவில்லை.கிழக்கு மாகாண முதலமைச்சர் நீதித்துறை மூலம் நடவடிக்கை எடுக்கப்போகின்றேன் என்று கூறினார். ஆனால் இன்னும் நடவடிக்கை எடுக்கப்படவில்லை.
இது தொடர்பில் சந்தேகமாகவுள்ளது.அனைத்து அரசியல்வாதிகளும் காசினைப் பெற்றுவிட்டார்களோ தெரியாது.
மேலும், மதுபான உற்பத்தி நிலையம் பிராந்திய பிரதேச சட்டத்தினை மீறிய செயற்பாடாகும்.அதனை நன்றாக தெரிந்துகொண்டும் அதனை நிறுத்த முடியாமல் இருப்பது கவலைக்குரியதாகும் என தமிழ் மக்கள் விடுதலைப்புலிகள் கட்சியின் தலைவரும் கிழக்கு மாகாணசபை உறுப்பினருமான சிவநேசதுரை சந்திரகாந்தன் குறிப்பிட்டுள்ளார்

.
»»  (மேலும்)

4/16/2017

மூத்த எழுத்தாளர் நவம் ஐயாவுக்கு அஞ்சலிகள்

Image may contain: drawing


ஆரையம்பதி நவம் 1950களில் எழுத்துலகத்திற்குள்
பிரவேசித்தவர். ஆரம்பத்தில் நாடகத்தில் ஈடுபாடுகொண்டிருந்த இவர் நடிகராக, நெறியாளராக இயங்கி பின் படைப்புலகத்திற்குள் தன்னை நிலை நிறுத்தியவர். இதுவரை நந்தாவதி(சிறுகதைத்தொகுப்பு) , நீலவேனி, அழகுசுடுவதில்லையென இரு நாவல்களையும், சென்னை முதல் குமரிவரை என்ற பயணக்கட்டுரை நூலினையும், வாரிசுகள் என்ற தொகுப்பு நூலினை தனது ...புதல்வர்களின் படைப்புக்களுடன் தனது படைப்பினையும் இணைத்துத் தொகுத்துத்தந்துள்ளார்.


இந்தியாவிலிருந்து வெளிவரும் கல்கி இதழ்
இலங்கையர்களுக்கான சிறுகதைப்போட்டியில்
நவம் ஐயாவின் நந்தாவதி முதல் பரிசுபெற்றது.
நாட்டின் இனக்கலவரத்தை மையப்படுத்தி பிக்குவின் ஊடாக நகரும் கதைசொல்லி மிகச்சிறப்பான பெறுதியாக நந்தாவதியாக ஜனனித்தாள். 1960 களில் மிகச்சிறந்தகதையிது

அதுபோல் அவருடைய. கூத்துச்சிறுகதையும்
சிறந்தகதை க.பொ உயர்தர பாடவிதானத்தில்
இக்கதை சேர்க்கப்பட்டுள்ளது.


அவர் இறப்பதற்கு ஒரு மாதத்திற்கு முன்னர் "நவத்தின் படைப்புலகம்" எனும் தொனியில்
கருத்துரையை எனது மறுகா அமைப்பினால் ஏற்பாடுசெய்த உரையரங்கு தற்செயலானதா அல்லது...என்னவென்று தெரியவில்லை எப்படியிருப்பினும் ஒரு படைப்பாளியை உயிரோடு இருக்கும் போதுதான் கொண்டாடவேண்டும். மறுவாசிப்பு செய்யவேண்டும்.

நன்றி முகநூல்  மலர்ச்செல்வன்
»»  (மேலும்)

மட்டக்களப்பில் சத்தியாகிரகம் இருக்கும் பட்டதாரிகளை மிரட்டும் எம்பி யார்?

மட்டக்களப்பு மாவட்ட பட்டதாரிகள் கடந்த இருமாத காலமாக தமது தொழிலுரிமை வேண்டி உண்ணாவிரத போராட்டத்தை மேற்கொண்டு வருகின்றனர். இந்நிலையில் அவர்களது போராட்டத்தை வழிநடத்தும் முன்னணி படடதாரி ஒருவர் மட்டக்களப்பு அரசியல் வாதிகளால்  மிரட்டப்பட்டு அச்சுறுத்தப்படுகின்றார்.இது குறித்து அவர் தனது முகநூலில் பதிவிட்டுள்ள  கருத்துக்கள் கீழே---


Image may contain: one or more people, people standing and outdoor

இன்று எமக்கான தீர்வினை பெற்றுத்தரவேண்டிய அரசியல்வாதிகள் எமக்கான மிரட்டல்வாதிகளாக பரிணமித்துள்ளமை அவர்களது அரசியல் வங்குறோத்து நிலையினை தெளிவாக வெளிப்படுத்துகின்றது. எமது போராட்டம் சார்ந்து என்னால் பதிவேற்றப்படுகின்ற விமர்சனரீதியான பதிவுகளை தாங்கிக்கொள்ள முடியாத அரசியல்வாதிகளும் #அவர்களது_அள்ளக்கைகளும் தொடர்ந்து எனக்கான மிரட்டல்களை விடுகின்றமை அவர்களது இயலாமையையாகவே உணர்கின்றேன். "நான் இப் போராட்ட களத்தில் இல்லாமல் வேறு இடத்தில் இருந்தால்" அவர்களால் எனக்கு நடப்பது வேறு எனவும்
"நான் தனியாக போராட்டக்களத்தினை விட்டு வெளியில் வரும்போது தாக்குவது" எனவும்
"ஒருவர் அன்றி பலபேர் சேர்ந்து என்னை தாக்கினால் ஒருவரும் கேட்கமாட்டார்கள்" எனவும்
பல்வேறு மிரட்டல்களை விடுகின்றனர். மிரட்டல்கள் விடுக்கும் #பச்சோந்திகளிடம்
பப்ளிக்கா ஒன்றை வினவுகின்றேன், எனது இடுகைகளை வாசித்து எனக்கான மிரட்டல்விடுவதற்கு நீங்கள் காட்டும் அக்கறையில் 10% ஆவது எங்களது போரட்டத்தில் அக்கறை செலுத்த தவறுவது ஏன்??? ஒன்றுமட்டும் நான் உணர்கின்றேன் நீங்கள் என்மீது விடும் மிரட்டல்கள் ஒவ்வொன்றும் எங்களது போராட்டத்தின் வளர்ச்சியே அன்றி பின்னடைவு அல்ல. நான் பொதுவாக ஒன்றை தெரிவிக்கின்றேன் எனக்கு ஏதாவது பாதிப்பு நிகழ்ந்தால் அதற்கு அரசியல் அள்ளக்கைகளே பொறுப்பு.........
»»  (மேலும்)

4/15/2017

கொழும்பு அருகே குப்பை மேடு சரிந்தது: பலி எண்ணிக்கை 16 ஆக உயர்வு

இலங்கையில் தலைநகர் கொழும்புக்கு வெளியே குப்பைமேடு சரிந்து விழுந்த விபத்தில் நான்கு சிறுவர்கள் உள்பட 16 பேர் உயிரிழந்துள்ளனர்.
நேற்று வெள்ளிக்கிழமை மாலை மீதொட்டுமூல்ல குப்பைமேடு சரிந்த விழுந்த இந்த விபத்தில் காயமடைந்தவர்கள் அரசு மருத்துவமனையில்சிகிச்சை பெற்று வருகின்றனர்.

சரிந்த குப்பை மேட்டுக்குள் வீடுகள்
தமிழ்ப் புத்தாண்டு தினத்தில் நடந்த இந்த எதிர்பாராத விபத்து கொலன்னாவ பிரதேசத்தில் பெரும் சோகத்தை ஏற்படுத்தியுள்ளது.இந்த சம்பவத்தில் நூற்றுக்கும் மேற்பட்ட மக்களின் குடியிருப்புகள் சேதமடைந்துள்ளன. அவற்றில் 50 குடியிருப்புகள் முழுமையாக சேதமடைந்துள்ளதாக வெல்லம்பிட்டிய காவல்துறை தகவல்கள் தெரிவிக்கின்றன.
»»  (மேலும்)

4/12/2017

நூல் வெளியீடு

நூல் வெளியீடு


'இலங்கை: இது பகைமறப்பு காலம்' Image may contain: text


சிராஜ் மஷ்ஹூர் அவர்களது நேர்காணல் நூலொன்று நூலொன்றை இன்ஷா  எதிர்வரும் சனிக்கிழமை 15.04.2017 மாலை 3.45 மணிக்கு வெளியிட படவுள்ளது.

நிகழ்வு அக்கரைப்பற்றுக்கு அணித்தாக உள்ள தைக்கா நகர் ஒஸ்ரா மண்டபத்தில் இடம்பெறும்.

OSRA Hall,
OSRA Medical Centre,
பிரதான வீதி,
தைக்கா நகர், அட்டாளைச்சேனை.

இதில் தோழர்களான கருணாகரன், தமயந்தி உட்பட பலரும் கலந்து கொள்ள உள்ளனர்.
14 வருடங்களுக்குப் பின்னர் வெளிவரும்  சிராஜ் மஷ்ஹூர் அவர்களது நூல் இதுவாகும்
அனைவரையும் அன்புடன் அழைக்கின்றார்கள் ஒழுங்கமைப்பாளர்கள்..
»»  (மேலும்)

4/11/2017

வெருகல் படுகொலை- பதின் மூன்று   ஆண்டுகள்

வெருகல் படுகொலை- பதின் மூன்று   ஆண்டுகள்



(முன்னாள் மாகாண முதலமைச்சரும் தமிழ் மக்கள் விடுதலைப்புலிகளின் தலைவருமான சிவ-சந்திரகாந்தன்  தடுப்புக்காவலில் இருந்து வெருகல் படுகொலை தினத்துக்காக அனுப்பியிருந்த சிறப்புரை, இன்று 10/04/2017 அன்று நிகழ்வில் ஆற்றப்பட்டு பிரசுர வடிவில் விநியோகிக்கப்பட்டது )
Résultat de recherche d'images pour "முதலமைச்சரும் தமிழ் மக்கள் விடுதலைப்புலிகளின் தலைவருமான சிவ-சந்திரகாந்தன் "

ன்றும் என் அன்புக்கும் கருணைக்குமுரிய வீரத்தாய்மார்களே! தந்தையர்களே!   எனது உடன்பிறப்புகளாகிய சகோதரர்களே! சகோதரிகளே! இந்நிகழ்வினை சிறப்பாக ஏற்பாடு செய்திருக்கின்ற தமிழ் மக்கள் விடுதலைப்புலிகளின் மூத்த தலைவர்களே! பொறுப்பாளர்களே!போராளிகளே! மற்றும் எமது கட்சியின் உறுப்பினர்களே! தொண்டர்களே! ஆதரவாளர்களே! உங்களனைவருக்கும் எனது வணக்கங்கள்.

தமிழ் மக்களின் போராட்ட வரலாற்றில் இரத்தக்கறை படிந்த தினமான சிவப்பு சித்திரை பத்தாம் நாளாகிய இன்று இந்த வெருகல் மலைப் பூங்காவில் நீங்கள் எல்லோரும் கூடியிருக்கின்றீர்கள். கடந்த ஆண்டை போலவே இம்முறையும் இந்த நிகழ்வுக்கு சமூகமளிக்க எனக்கு காலம் இடம்தரவில்லை.

எனது அரசியல் செயல்பாடுகளை முடக்கிவிடும் நோக்கத்தோடு என்னை சிறைப்படுத்தி வைத்திருக்கின்றனர் நீங்கள் அறிவீர்கள்.  ஆனால் இது சாதாரண பிள்ளையான் ஒருவனுக்கெதிரான சதியல்ல என்பதை நீங்கள் அனைவரும் நன்கே புரிந்து கொள்ளவேண்டும்.   வரலாற்றிலே முதல்தடவையாக கிழக்கிலே உருவாகிய அரசியல் எழிச்சியை அழித்தொழிக்கின்ற பாரிய சதியொன்று எனது கைதின் பின்னணியில் இருக்கின்றது.

காலத்துக்கு காலம் இந்த மண்ணிலே உருவாக விளைகின்ற,   இந்த கிழக்கு மண்ணை வளப்படுத்த முனைகின்ற  தலைமைகளை திட்டமிட்டு அழித்தொழிக்கின்ற நடவடிக்கைகள் யாழ் மேலாதிக்க வாதிகளால் அரங்கேற்றப்பட்டே வந்திருக்கின்றன. இந்த மண்ணின் மைந்தர்களான பெருந்தலைவர் நல்லையாவையும், சொல்லின் செல்வர் இராஜதுரையையும் திருமலை தந்த தலைவன் தங்கத்துரையையும்  துரோகிகளாக்கியதன் மூலம் இந்த மண்ணை வெறுமையாக்க முனைந்தவர்கள் யார்  என்பதை கடந்தகால வரலாறு சொல்லி நிற்கின்றது.  இது எமக்கு புதியதல்ல. அந்த யாழ்-மேலாதிக்க வரலாற்றின் தொடர்ச்சியே என்மீதான இந்த பழிவாங்கும் படலமும் ஆகும். அதுவே என்னை சிறைப்படுத்துவதன் மூலம் இன்று அரங்கேறுகின்றது என்பதை உங்களுக்கு சுட்டிக்காட்ட விரும்புகின்றேன். 

என்னை சிறைப்படுத்துவதன் மூலம்   கிழக்கின் அரசியல் அடையாளமான தமிழ் மக்கள் விடுதலைப்புலிகள் கட்சியை   அழிக்கும் பாரிய சதி ஒன்று  பின்னப்பட்டிருக்கின்றது. நாளை  இந்த வரலாறும் எழுதப்படத்தான் போகின்றது. ஆனால் அது பிள்ளையானை "ஒடுக்க முனைந்தார்கள்" என்று மட்டும் எழுதப்படுமேயன்றி "பிள்ளையானை ஒடுக்க முடிந்தது" என்று எழுதப்படபோவதில்லை என்பதை நான் ஆணித்தரமாக கூறிவைக்க விரும்புகின்றேன். 

என்னை ஒடுக்குவதன் மூலம் தமிழ் மக்கள் விடுதலை புலிகளை யாரும் அழித்துவிட முடியாது. காரணம் இது நான் தலைவனாகுவதற்காக உருவாக்கப்பட்ட கட்சியல்ல. அரசியலும் சட்டமும் படித்து விட்டு அதிகாரமும் பதவியும் வீடு தேடி வரும் என்று கட்சியில் சேர்ந்தவர்கள் நாங்களுமல்ல. விடுதலை வேட்கையிலும் வெந்த தணலிலும் இருந்து வீறு கொண்டெழுந்த கட்சி இதுவாகும். 

தமிழ் மக்கள் விடுதலை புலிகளின் உருவாக்கம் என்பது காலம் இட்ட கட்டளையாகும்.   காற்றிலும் மழையிலும் கரைந்து போவதற்கு தமிழ் மக்கள் விடுதலை புலிகள் வெறும் உப்புக் கற்களல்ல என்பதை என்னை சிறைப்படுத்தியவர்களுக்கு எடுத்து சொல்ல விரும்புகின்றேன். இக்கட்சியின் போராளிகள் ஒவ்வொருவரும் பட்டை தீட்டப்பட்ட  வைரங்கள் ஆகும். அதனால்தான் என்னை சிறைப்படுத்த முனைந்தவர்களுக்கு எமது கட்சியின் செயல்பாடுகளை முடக்க  முடியாது போய் விட்டது . நானில்லாத வேளையிலும் வெருகல் படுகொலை தினம்,மே தினம், மகளீர் தினம் எதுவாக இருப்பினும் எமது கட்சியின் செயல்பாடுகள் இந்த மண்ணில் எமது இருப்பினை பறை சாற்றிக்கொண்டே இருக்கின்றது.

இதற்காக எமது கட்சியின் கண்மணிகள் அனைவரும் பாராட்டுக்குரியவர்கள் ஆகும். கட்சி மீது நீங்கள் கொண்டுள்ள விசுவாசத்துக்கும் அதற்காக நீங்கள் கொடுத்துவரும் விலைகளுக்கும் இந்த நேரத்தில் எனது நன்றிகளை தெரிவித்து கொள்ள கடமைப்பட்டுள்ளேன்.


இந்த மண்ணுக்காக போராடிய இந்த மண்ணின் மைந்தர்களுக்கு இந்த மண்ணிலே நடந்தேறிய அந்த கொடூரத்தின் பெயரால் நாமனைவரும் ஆண்டுதோறும் இந்த நினைவினை மீட்டுப்பார்க்கின்றோம். அதேபோல இந்த பதின் மூன்றாவது ஆண்டிலும் இந்த மண்ணிலே கொன்று வீசப்பட்ட எமது சக போராளிகளுக்கு அஞ்சலி செலுத்துகின்றோம். ஆம் இன்றோடு  வெருகல் படுகொலை நடந்து முடிந்து  பதின் மூன்று   ஆண்டுகள் கடந்து விட்டன.

எமது இலங்கை திருநாட்டில் நடந்தேறிய அனைத்து படுகொலைகளையும் போல இந்த வெருகல் படுகொலையும் எம்நெஞ்சங்களைவிட்டு இலகுவில் அகன்று விட முடியாத ஓன்றாகும். ஆனால் அனைத்து படுகொலைகளும் ஏதோ ஒரு விதத்தில் நியாயம் கேட்கவும் நீதி கேட்கவுமாக ஆண்டு தோறும் ஊடகங்கங்களால் நினைவு கூரப்பட்டு வருகின்றன. ஆனால் இந்த வெருகல் படுகொலையின் நினைவை மட்டும் அனைவரும் மறுதலிப்பது ஏன்?அதனை  அடக்கி வாசிக்கமுயல்வது ஏன்? இந்த நாட்டிலே எல்லா படுகொலைகளினதும் நினைவாக வீடியோக்களும் விளம்பரங்களும் ஆவணபடங்களும் ஆய்வுக்கட்டுரைகளும்கூட ஆண்டுதோறும் வெளியிடப்படுகின்றனவே?

ஆனால் இந்த வெருகல் படுகொலையில் அகோரம் மட்டும்  இன்றுவரை தமிழ் ஊடகங்களால் திட்டமிட்டு மறைக்கப்பட்டு வருவதன் காரணமென்ன? தமிழனை தமிழனே கொன்று குவித்தான் என்பதாலா? யாருடனோ போராட புறப்பட்ட இயக்கம் தன் சொந்த போராளிகளையே கொன்று வீசிய கொடுமையை மறைப்பதற்காகவா?  ஒரே இயக்கத்துக்குள்ளேயே சக பெண் போராளிகளை மானபங்கம் செய்த கொடுமை உலகில் வேறெங்கும் இடம்பெறவில்லை என்கின்ற அவமானம்   வெளியுலகுக்கு தெரிய கூடாதென்பதாலா ?

இவற்றையெல்லாம் தட்டிக்கேட்டமையால் நாம் துரோகிகள் ஆக்கப்பட்டோம். தமிழன் தமிழன் என்று நாம் யாழ்மேலாதிக்கத்தின் கீழ் பட்டழிந்தது போதும் என்றுதான் எமக்கான மாகாண சபையை உருவாக்கினோம். எம்மால் முடிந்த கடமைகளை எமது மக்களுக்காக செய்தோம். அதையும் துரோகமென்கிறார்கள்.


2012ஆம் ஆண்டு கிழக்கு மாகாண சபையை இந்த மண்ணின் மைந்தர்களான எம்மிடமிருந்து பறித்தெடுப்பதற்காக யாழ்ப்பாணத்தில் இருந்து வந்து மேடைகளில் முழங்கினார்கள். தனக்கு மூக்கு போனாலும் பரவாயில்லை எதிரிக்கு சகுனப்பிழையாக இருக்க வேண்டும் என்கின்ற தமிழ் தேசிய கூட்டமைப்பின் இந்த பழிவாங்கும் உணர்வு இன்று கிழக்கு தமிழர்களை அரசியல் அனாதைகளாக்கியிருக்கிறது.

ஐந்து யாழ்ப்பாணக்கட்சிகளின் தலைவர்களும் ஒருமித்து வந்து இங்கே முகாமிட்டு எமக்கெதிராக பிரச்சாரம் செய்தார்கள். ஓட்டுக்கட்சிகளுக்கு வாக்களிக்க வேண்டாம், படித்தவர்களை தெரிவு செய்யுங்கள் என்று அவர்கள் செய்த பிரச்சாரத்தில் மீண்டுமொரு முறை ஏமாந்தான் மட்டக்களப்பான். ஆனால் இன்று அவர்களெல்லாம் எங்கே?

"எங்களுக்கு அபிவிருத்தி தேவையில்லை, உரிமைகளே தேவை என்று இந்த மண்ணிலே முழங்கினார்களே" இன்று "படித்தவர்கள்"கல்வியமைச்சராகவும் விவசாய அமைச்சராகவும் இருக்கின்றார்களே! கிழக்கில் என்ன பாலும் தேனுமா பாய்ந்து ஓடுகின்றது? பாவம் எமது மக்களே! இன்று அபிவிருத்தியுமில்லை, உரிமையுமில்லை. இதைத்தான் பொல்லுக் கொடுத்து அடி வாங்குவதென்பது. பொல்லை கபீர் நசீரிடம் கொடுத்து விட்டு சம்பந்தன் வாளாதிருக்கின்றார். அடிவாங்குவதோ எமது மக்கள்.

அதே போன்றுதான் பாராளுமன்ற தேர்தலிலும் நல்லாட்சியை கொண்டுவருவோம் என்கிறார்கள். எமது மக்களும் அதனை நம்பி வாக்களித்தார்கள்.

*இப்போது நான் கேட்கின்றேன், எது நல்லாட்சி?

*யாருக்கு நல்லாட்சி நடக்கின்றது?

*விலைவாசி கூடிக்கொண்டே செல்கிறது, சாமானியர்கள் பட்டினியில் வாடுகின்றார்கள்.

*இந்நாட்டிலுள்ள விவசாயிகளுக்கான மானியங்கள் குறைக்கப்பட்டுள்ளன.
எமது கையை விட்டு 2012ஆம் ஆண்டு மாகாணசபை பறிக்கப்பட்ட பின்னர் 2013, 2014, 2015 ஆம் ஆண்டுகளில் நெல் உற்பத்தி 1,20,000 மெற்றிக் தொன் ஆக குறைந்துள்ளது. பால் உற்பத்தியும் அப்படியே கீழ் நோக்கி செல்கின்றது.

.

* கபீர்நசீர்-சம்பந்தன் கூட்டு அரங்கேற்றியுள்ள மாகாணசபையிடம் விவசாயம் குறித்து  என்ன திட்டமிடல்   இன்றுள்ளது? இது குறித்து ஏன் எமது இளைஞர்கள், கல்விமான்கள் சிந்திப்பதில்லை? 


*நாட்டிலே கல்வி சுகாதாரம் என்று சகல துறைகளும் தனியார் துறைக்கு தரை வார்க்கப்பட்டு வியாபாரமாக்கப்படுகின்றன.

*எங்குபார்த்தாலும் வேலையில்லா திண்டாட்டம், பட்டதாரிகள் நாற்பது நாட்களாக வேலைக்கேட்டு மட்டக்களப்பு காந்தி சிலையின் கீழே காய்ந்துபோய் கிடக்கின்றார்கள்.

*ஆனால் கல்குடாவிலே மதுபான உற்பத்தி தொழில்சாலை உருவாக்கப்படுகின்றது. இதுவா நல்லாட்சி?

*எனது ஆட்சிக்காலத்திலே  நூற்றுக்கும் மேற்பட்ட பாடசாலைகளை தரமுயர்த்தினேன்,

*இரண்டு புதிய கல்வி வலையங்களை உருவாக்கினேன்.

*எத்தனையோ பாடசாலைகளுக்கு  புதிய கட்டிடங்களும் ஆய்வுகூட வசதிகளும் செய்து கொடுத்தேன்.

*பலநூறு வீதிகளை புனரமைத்தேன்.

*எத்தனையோ கிராமங்களுக்கு மின் வசதிகளை ஏற்படுத்தினேன்.

*கலாசார மண்டபங்களையும்,நூல் நிலையங்களையும் கட்டினேன்.

*சுமார் ஆயிரம் வரையான வேலைவாய்ப்புக்களை வழங்கினேன்.

*நகரங்களை அபிவிருத்தி செய்து அழகு படுத்தினேன்.

*ஆழ்கடல் படகுகளையும் தோணி வலைகளையும் மீனவர்களுக்கு பெற்று கொடுத்தேன்.

*வீதிகளையும் பாலங்களையும் மாகாணமெங்கும் கட்டினேன்.

*பல்வேறு குளங்களையும் நீர்த்தேக்கங்களையும் புனரமைத்தேன்.

இன்று என்ன நடக்கின்றது? மாகாண சபையிலும்   மத்திய அரசாங்கத்திலும் மானமிழந்த  கூட்டு வைத்திருக்கும் தமிழ் தேசிய கூட்டமைப்பினரே உங்களிடம் ஒன்று கேட்கின்றேன்.

இந்த பிள்ளையானை பிடித்து அடைத்துவிட்ட  "கேவலமான சாதனை" ஒன்றை தவிர,  நான்கு  வருட மாகாண சபை ஆட்சியிலும் இரண்டு வருட நல்லாட்சியிலும் நீங்கள் புரிந்த ஏதாவது சாதனை ஒன்றிருந்தால் சொல்லுங்கள்,  முடிந்தால் அதை உரத்து சொல்லுங்கள்.சிறையிலுள்ள என் காதுகள் குளிரட்டும்.


என்னை கைது செய்த பின்னர் கடந்த வருடம் இந்த வெருகல் படுகொலை தினமும் இடம்பெற்ற போது அது  பற்றி செய்தியெழுதிய சர்வதேச தமிழ் தேசிய  ஊடகம் ஒன்று இந்த படுகொலையின் கோரங்களை பற்றிய கவலைகளற்று "பிள்ளையான் இல்லாமல் இடம்பெற்ற வெருகல் படுகொலை தினம்" என்று  பொடி  வைத்து  எழுதியது. ஏன் பிள்ளையான் இல்லாவிட்டால் யாழ்- மேலாதிக்கவாதிகளின் கொடுமைகளை இந்த மண் மறந்து விடும் என்கின்ற நப்பாசையா?

அதுமட்டும் நடக்காது என்பேன்.  இந்த பிள்ளையான் இருந்தாலும் சரி, இல்லாவிட்டாலும் சரி, இந்த மண் உள்ளவரை, அதில் எமது மைந்தர்கள் வாழும் வரை, இந்த வெருகல் மலைப் பூங்காவில் காற்று வீசும் வரை, நாயும் நரியும் தின்ற எம் போராளியின் உடலங்கள் காய்ந்து கிடந்த கதிரவெளியிலே கடலலைகள் பாய்ந்து கொண்டிருக்கும் வரை இந்த வெருகல் படுகொலை தினம்  என்றென்றும் நினைவு கூரப்பட்டுக் கொண்டேயிருக்கும். தமிழ் மக்கள் விடுதலை புலிகள் இந்த கிழக்கு மண்ணெங்கும் வியாபித்துக்கொண்டேயிருப்பார்கள் என்பதை வெருகல் படுகொலையில் உயிரிழந்த இந்த மாவீரர்கள் நினைவாக இந்த உலகுக்கு அறுதியிட்டு சொல்லுகின்றேன்.


நன்றிகள்

சிவ.சந்திரகாந்தன்
(முன்னாள் முதலமைச்சர், தலைவர்-தமிழ்மக்கள்விடுதலை
புலிகள், மாகாண சபை உறுப்பினர்)
10/04/2017 - சிறைச்சாலை -மட்டக்களப்பு







      

»»  (மேலும்)

4/10/2017

வெருகல் படுகொலை மாவீரர்களின் பதின் மூன்றாவது நினைவு தினம்  

Image may contain: 1 person, standing, outdoor and text



தமிழ் மக்கள் விடுதலைப் புலிகள் கட்சியின் (வெருகல் படுகொலை) மாவீரர்களின் பதின் மூன்றாவது நினைவு தினம்   (10.04.2017) வெருகல் மலை பூங்காவில் கட்சியின் பிரதி தலைவரம் மாகாண சபை உறுப்பினருமான திரவியம் (ஜெயம்)அவர்களின் தலைமையில் இடம்பெற்றது.

இந் நிகழ்வில் மாவீர குடும்ப உறுப்பினர்கள் பொதுமக்கள் போன்றோர் பெருமளவில் பங்கெடுத்தனர்.

கட்சியின் பிரதி தலைவர்களான திரவியம்,யோகவேல்,செயலாளர் பிரசாந்தன் மற்றும் மகளீர் அணித்தலைவி செல்வி போன்றோர் கலந்து கொண்டனர்.

தலைவர் அவர்கள் தனது மாவீரர்களுக்கான பிரசுர வடிவில் விநியோகிக்கப்பட்டது.

பின்னர் மாவீரர்களுக்கு அஞ்சலி செலுத்தும் முகமாக கட்சியின்  மாவீரர்களின் குடும்பத்தினரால் தீபச்சுடர் ஏற்றப்பட்டது.


2004ம் ஆண்டு மார்ச் மாதம் 4ம் திகதி அறிவிக்கப்பட்ட கிழக்கு பிளவானது யாழ்-மேலாதிக்கத்தின் இராணுவ வடிவமான  தமிழீழ  விடுதலை   புலிகளால் மூர்க்கத்தனமாக கையாளப்பட்டமை மாபெரும் படுகொலைக்கு வழிவகுத்தது.
கிழக்கு பிளவின் மீதான புலிகளது இந்த மிலேச்சத்தனமான அணுகுமுறைக்கு ஊக்கமளிப்பவர்களாகவும் ஆலோசனை வழங்குவர்களாகவும் தமிழ் புத்திஜீவிகளும், பத்திரிகையாளர்களும்,தமிழ் தேசிய கூட்டமைப்பினரும் செயற்பட்டனர்.

இது அன்று தமிழ் இனத்துக்கு கிடைத்த பெரும் சாபமாகும். எதிரி என்று சொல்லப்பட்ட இலங்கை அரசுடன் பேச்சுவார்த்தை நடத்த முடிந்தவர்களுக்கு தமது சொந்த போராளிகளுடன்,நேற்றுவரை ஒன்றாகவிருந்து உணவுண்டவர்களுடன் பேச தெரியாதுபோனது.
இதன் காரணமாக மட்டக்களப்பு மாவட்டத்தின் வெருகல் ஆற்றங்கரையில் மிகப்பெரிய படுகொலையொன்றை வன்னியிலிருந்து வந்த பிரபாகரனின் படையினர் நிகழ்த்தினர். பிரிந்து செல்கிறோம், ஜனநாயக பாதைக்கு திரும்புகிறோம், சரணடைகிறோம் என்று என்று சொன்ன கிழக்கு போராளிகள் சுமார் 210 பேர் கோரத்தனமாக படுகொலை செய்யப்பட்டனர்



Image may contain: 1 person, standing and outdoor Image may contain: 3 people, people standing and outdoor
»»  (மேலும்)

ஒரு சர்வதேச ஒப்பந்தம் கைச்சாத்திடப்பட்டு இருக்கையில் நடாத்தப்பட்ட "வெருகல் படுகொலை" விசாரிக்கப்பட வேண்டும்

ஒரு சர்வதேச ஒப்பந்தம் கைச்சாத்திடப்பட்டு இருக்கையில் நடாத்தப்பட்ட "வெருகல் படுகொலை" விசாரிக்கப்பட வேண்டும்

Résultat de recherche d'images pour "tamil selvan"2004 ஏப்ரல் மாதம்.அதுவொரு சமாதான காலம்
வெருகலாற்று படுக்கையில் யுத்த பேரிகை முழங்கியது.சரணடைந்த கிழக்கு போராளிகள் மீது படுகொலை கட்டவிழ்த்து விடப்பட்டது.ஐயோ அண்ணா வேண்டாம் வேண்டாம் என்று பெண்போராளிகளின் அவலக்குரல் கதிரவெளி கடலோரமெங்கும் எதிரொலித்தது.எமது பெண் போராளிகள் மானபங்க படுத்தப்பட்டார்கள்.சுமார் இருநூறுக்கும் மேற்பட்ட போராளிகளின் உயிர் பறிக்கப்பட்டது. சித்திரை வெயிலில் வெம்பி வெடித்து கதிரவெளி கடற்கரை மணலெங்கும் எமது போராளிகளின் உடலங்கள் நாற்றமெடுத்துகிடந்தன.அவற்றை அடக்கம்செய்ய கூடாதென்ற கட்டளை வன்னிபுலிகளால் விடுக்கப்பட்டிருந்தது.

இது எதிரி செய்த படுகொலையல்ல. நாம் யாரை சொந்த தமிழர்கள் என்று நம்பினோமோ  எமது தலைவர்கள் என்றோமோஇ எம்மை வழிநடாத்துவார்கள்  எமக்கு விடுதலை வாங்கி தருவார்கள் என்று நம்பியிருந்தோமோ அவர்களால் நடாத்தப்பட்ட படுகொலைதான் இது.ஆம் தமிழீழ விடுதலை புலிகள் செய்த படுகொலை அது. படைகொண்டு தீர்வுக்கான வடக்கும் கிழக்கும் என்ன அந்நிய தேசங்களா? யார் இந்த அநியாயத்தை பற்றி கேள்விஎழுப்பினார்கள்?

2004ம் ஆண்டு இந்த வெருகல் படுகொலை நடந்தபோது யுத்த நிறுத்தம் அமுலில் இருந்தது..அதுமட்டுமா நோர்வே தலைமையிலான யுத்த நிறுத்த கண்காணிப்புகுழு கடமையிலிருந்ததே அப்படியிருக்க எப்படி இந்த படுகொலை சாத்தியமாகும்.வன்னியிலிருந்து ஒமந்தையூடாகவும் கடல் வழியாகவும் எப்படி வன்னிபுலிகள் இந்த வாகரை பிரதேசம்வரை ஆயுதங்கள் சகிதம் வந்து சேர்ந்தனர்? இதற்கு அனுமதி வழங்கியவர்கள் யார்? அன்றைய அரசுடன் வன்னிபுலிகளுக்காக தூது சென்ற தமிழ் தேசிய தலைவர்கள் யார்? இந்த உண்மைகள் அம்பலமாக்கபடவேண்டும்.எமது மக்களுக்கு நீதி வழங்க படவேண்டும்.

இன்று யுத்தகுற்றம் யுத்தகுற்றம் என்கின்றார்களே? இது யுத்தநிறுத்தத்தின் பொது நடந்த படுகொலை அல்லவா? இது அதைவிட குற்றமாகாதா? ஒரு சர்வதேச ஒப்பந்தம் கைச்சாத்திடப்பட்டு இருக்கையில் நடாத்தப்பட்ட இந்த வெருகல் படுகொலை ஒரு மாபெரும் மனித உரிமை மீறல் ஆகும்.நோர்வே தலைமையிலான யுத்த நிறுத்த கண்காணிப்புகுழு  நிலைமையை புரிந்து கொண்டு வன்னிப்புலிகளுக்கு வழிவிட்டு ஒதுங்கியது."தற்காலிகமாக கிழக்கு மாகாணத்தை விட்டு விலகுகின்றோம்" என்று அறிவித்துவிட்டு வெளியேறியது.சமாதானத்துக்கு வந்தவர்கள் படுகொலை நிகழாமல் தடுக்கவேண்டிய தமது பொறுப்பினை தவறவிட்டனர்.அதுமட்டுமன்றி   கிழக்கை விட்டு வெளியேறியதன் ஊடாக வெருகல் படுகொலை நிகழ துணைபோயினர். இதற்காக எரிக் சோல்கைம் விசாரிக்கப்படவேண்டும்.அவர் தனது பொறுப்பு சொல்லலில் இருந்து தப்பிக்க முடியாது.

மீன்பாடும் தேனாடான்
»»  (மேலும்)

4/09/2017

நாளை சித்திரை 10ம் திகதி -வெருகல் படுகொலை -பதின் மூன்றாவது ஆண்டு தினம்

Résultat de recherche d'images pour "candles"Résultat de recherche d'images pour "வெருகல் படுகொலை" நாளை வெருகல் படுகொலையின்  பதின் மூன்றாவது ஆண்டு தினம் ஆகும் இத்தினத்தையொட்டி நினைவு நாள் நிகழ்வுகள் நாளை சித்திரை 10ம் திகதி வெருகல் மலைப்பூங்கா நினைவாலயத்தில் இடம்பெறவுள்ளது. இதற்கான முன்னேற்பாடுகளை தமிழ் மக்கள் விடுதலை புலியினர் மேற்கொண்டு வருகின்றனர்.

 2004ம் ஆண்டு ஏப்ரல் மாதம் 10ஆம் திகதி கிழக்கு பிரிவின் பின் வன்னியில் இருந்து வந்த தமிழீழ விடுதலைப் புலிகளின் படையெடுப்பில் முதலாவது சமர் ஆரம்பித்த இடமாக மட்டக்களப்பு வாகரை வெருகல் மலை அமைந்துள்ளது.

இலங்கை தீவில் நடந்தேறிய ஒரு வெலிகடை படுகொலை போல, ஒரு கொக்கட்டிச்சோலை படுகொலை போல, ஒரு குமுதினிப்படகு படுகொலை போல, ஒரு கந்தன் கருணை படுகொலை போல, ஒரு காத்தான்குடி படுகொலை போல, ஒரு அரந்தலாவை படுகொலை போல வெருகல் படுகொலையும் கிழக்கு மக்களின் நெஞ்சங்களைவிட்டு இலகுவில் அகன்று விடாதவொன்றாகும்.





»»  (மேலும்)

4/07/2017

ஏன் மதுபான உற்பத்தித் தொழிற்சாலை மட்டக்களப்பு கல்குடா பிரதேசத்தில் அமையக்கூடாது?

-நல்லாட்சிக்கான தேசிய முன்னணி (NFGG)Image may contain: text
நல்லாட்சி அரசாங்கத்தில் மதுவும் போதைப் பொருட்களும் இல்லாத ஒரு நாட்டினை அடையப் போகிறோம் என்று நாமெல்லோரும் எதிர்பார்த்தோம். ஜனாதிபதி அவர்கள் கூட தமது தேர்தல்கால உரைகளில் போதைப் பொருள் இல்லாத நாடு பற்றி பிரலாகித்துப் பேசியிருக்கிறார். ஆனால் அவர் ஜனாதிபதியாகத் தேர்ந்தெடுக்கப்பட்ட 18 வாரங்களுக்குள் நம் கண் முன் ஒரு மது உற்பத்தித் தொழிற்சாலையே உருவாவதற்கான அனுமதி கொடுக்கப்படப்போகிறது என நம்மில் யாரும் கனவு கூடக் கண்டிருக்கவில்லை. இந்த தொழிற்சாலை தொடர்பான சில சுவாரஸ்யமான தகவல்கள்:
1. கல்குடா, கும்புறுமூலையில் அமைக்கப்படுகின்ற இத்தொழிற்சாலைக்கு அரசு வரி விலக்கு அளிப்பதற்கான அனைத்து நடைமுறைகளும் பூர்த்தியடைந்துள்ளன. மிகவுமே இலாபம் நிறைந்த மது உற்பத்தி வர்த்தகத்திற்கு அரசு வரிவிலக்கு அளித்து ஊக்குவிப்பது ஒரு விசித்திரமான விடயம்.
2. பொருளாதார அமைச்சுடைய பாரிய அனுசரணையோடு தொழிற்சாலை ஆரம்பிப்பதற்கான விண்ணப்பம் கொடுக்கப்பட்டு ஒரு சில தினங்களிலேயே அனுமதி வழங்கப்பட்டிருக்கிறது. இது அரசின் உயர் பீடம் இத்தொழிற்சாலை அமைப்பிற்குக் கொடுக்கின்ற முக்கியத்துவத்தை உணர்த்துகிறது. போதைப் பொருள் ஒழிப்பு பற்றிய தேர்தல் கால கதைகள் காற்றோடு சங்கமித்திருக்கின்றன.
3. இத்தொழிற்சாலை அமையப் பெற்றிருக்கின்ற கோறளைப் பற்று பிரதேச சபையிலிருந்து கட்டடத்திற்கான அனுமதி பெற்றுக் கொள்ளப்படவில்லை.
4. கிழக்கு மாகாண சபைக்கு தமது ஆட்சிக்குட்பட்ட பிரதேசத்தில் ஆரம்பிக்கப்படுகின்ற இப்பாரிய தொழிற்சாலை பற்றி எதுவுமே தெரிந்திருக்கவில்லை.
இத் தொழிற்சாலையால் ஏற்படப்போகும் பாதிப்புக்கள் என்ன?
1. மதுப்பாவனையில் ஏற்கனவே முன்னணியில் மட்டக்களப்பு மாவட்டம் இருக்கிறது. இரண்டு மதுபானச் சாலைகள் மாத்திரமே இருக்க வேண்டிய நிலையில் 68 மது விற்பனை நிலையங்கள் இப்போது இயங்குகின்றன. அதுதவிர சட்டபூர்வமற்ற மது உற்பத்தி நிலையங்கள் பற்றியும் நாம் அவ்வப்போது கேள்விப்படுகிறோம்.
இந்நிலையில் கல்குடா பிரதேசத்தில் அமைக்கப்படுகின்ற பாரிய மதுபான உற்பத்தித் தொழிற்சாலை இப்பிரதேசத்தில் வாழ்கின்ற தமிழ், முஸ்லிம் சமூகங்களின் வாழ்வியலில் வேண்டத்தகாத மாற்றங்களை உண்டு பண்ணுவது மட்டுமின்றி ஒட்டுமொத்த கிழக்கு மாகாண மக்களின் வாழ்க்கையிலும் சமூக, பொருளாதார ரீதியான சீரழிவுகளை உண்டு பண்ணும். ஏற்கனவே மதுபானத்திற்கு அடிமையான கூடுதல் எண்ணிக்கையுள்ளவர்களைக் கொண்ட மாவட்டமென்ற அவப்பெயரைத் தாங்கிக் கொண்டிருக்கின்ற மட்டக்களப்பு மாவட்டம் இன்னுமின்னும் சீரழிய இத் தொழிற்சாலை வழிவகுக்கும்.
2. யுத்தத்தின் பின்னரான காலப்பகுதியில் கிழக்கு மாகாண மக்களின் வாழ்வில் நல்ல மாற்றங்கள் வேண்டுமென பாடுபட்டுக் கொண்டிருக்கின்ற இச்சூழலில் இவ்வாறான நடவடிக்கைகள் எமது எதிர்கால சந்ததியினரை திட்டமிட்டு நெறிபிறழச் செய்து அழித்து விடுகின்ற சந்தர்ப்பங்களை உருவாக்கும்.
3. மதுப்பாவனையின் விளைவால் ஏற்படுகின்ற வாகன விபத்துக்கள், சண்டை சச்சரவுகள், ஒழுக்கம் தொடர்பான சீரழிவுகள் அதிகரிக்கும்.
4. கல்குடாவில் அமைக்கப்படுகின்ற தொழிற்சாலை Grain based Extra Neutral Alcohol (ENA) என்று அழைக்கப்படுகின்ற மதுபானத்தை உற்பத்தி செய்யும் என்று அறியப்படுகிறது. இவ்வுற்பத்தியால் வெளியேறுகின்ற கழிவுகள் முறையாக அகற்றப்படாமையால் குறித்த பிரதேச நீர்நிலைகளிலுள்ள மீன்கள் இறத்தல் போன்ற விளைவுகளோடு விவசாயமும் பாதிப்படையும்.
5. ENA எனப்படுவது அதிகூடிய எரிபற்றுநிலை உடையது. எனவே, களஞ்சியப்படுத்தப்படும் இடங்களிலும் சுற்றயல் பிரதேசங்களிலும் தீப்பற்றக்கூடிய அபாயங்கள் இருக்கின்றன. மட்டுமின்றி இங்கு வேலை செய்ய எதிர்பார்க்கப்படுபவர்கள் பாரிய சுகாதாரப் பிரச்சினைகளுக்கு ஆளாகக்கூடிய வாய்ப்பிருக்கிறது.
6. இங்கிருக்கின்ற மிகப்பாரிய பிரச்சினைகள் இரண்டு. மது உற்பத்திக்காக பாவிக்கப்படுகின்ற மூலப்பொருள் அரிசியாகும். தொன் கணக்கிலான அரிசியினை இத்தொழிற்சாலை கொள்வனவு செய்யும். இந்நிலைமை அரிசியினது விலையினை அதிகளவில் உயர்வடையச் செய்யும். அரிசியின் விலை உயர்வு எம் அனைவரது வாழ்விலும் தாக்கத்தைச் செலுத்தும். ஏழைகளின் வாழ்வு இன்னுமின்னும் அதளபாதாளத்தை நோக்கிச் செல்லும்.
7. அடுத்த விடயம், இந்நிறுவனத்தின் வருடாந்த மதுபான உற்பத்தி 1.3 பில்லியன் லீட்டர்களாகும். இவ்வுற்பத்தியை மேற்கொள்ள இதன் மூன்று மடங்கு லீட்டர் தண்ணீர் தேவைப்படும். கல்குடா தொழிற்சாலையில் அந்தளவிற்கு உற்பத்தி செய்யப்படவில்லை என்று எடுத்துக் கொண்டாலும் கூட பில்லியன் கணக்கிலான லீட்டர்கள் நீர் இத்தொழிற்சாலைக்குத் தேவைப்படும். இந்நிலைமை இப்பிரதேசத்தில் வரட்சி காலங்களின்போது குடி தண்ணீருக்கான பாரிய பிரச்சினைகளை உண்டுபண்ணும்.
8. சொல்லப்படுகின்ற 250 தொழில்வாய்ப்புக்கள் என்பதற்கப்பால் இத்தொழிற்சாலையால் ஏற்படப்போகின்ற சமூக, பொருளாதார, சுகாதார, சுற்றுச்சூழல் பிரச்சினைகளே மிக அதிகமானவை.
மதுபான உற்பத்தி நிலையத்தினை கிழக்கு மாகாணத்தில் ஆரம்பிப்பது என்பதும் மதுப்பழக்கத்தை ஊக்குவிக்கக் கூடிய நிலைமைகளைக் கண்டும் காணாமல் இருப்பதும் கமூக, பொருளாதார, சுற்றுச்சூழல் காரணிகளில் மிகப்பாரிய வேண்டத்தகாத தாக்கங்களை உண்டுபண்ணி மனிதகுல வாழ்விற்கு குந்தகம் விளைவிக்கும். இப்பிரச்சினை ஒரு சமூகத்திற்கு மாத்திரமோ அல்லது ஒரு இனத்திற்கு மாத்திரமோ மட்டுப்படுத்தப்பட்ட பிரச்சினை கிடையாது.
எனவே, எம்மால் இயன்றவரை கல்குடாவில் அமைக்கப்படுகின்ற மது உற்பத்தி நிலையத்தை நிறுத்துமாறு அரசினைக் கோரி அழுத்தம் கொடுத்து எமது சமூகங்களின் நிம்மதியான வாழ்வுக்காக வழிசமைப்போம்.
- நல்லாட்சிக்கான தேசிய முன்னணி
»»  (மேலும்)

4/05/2017

மதுபான தொழிற்சாலையை நிறுத்துமாறு கோரும் கவனயீர்ப்புப் போராட்டம்

Résultat de recherche d'images pour "may day"


























கல்குடாவில் அமைக்கப்படுகின்ற மதுபான உற்பத்தித் தொழிற்சாலையை நிரந்தரமாக நிறுத்துமாறு அரசினைக் கோரும் கவனயீர்ப்புப் போராட்டம்
07.04.2017
வெள்ளிக்கிழமை
...
பி.ப. 1.45 மணிக்கு
மட்டக்களப்பு காந்தி சிலை முன்பாக நடைபெறவுள்ளது.
இப்போராட்டத்தில் அனைவரும் கலந்து கொள்வோம்.
»»  (மேலும்)

4/03/2017

ஒரு வலயக் கல்விப் பணிப்பாளரையே நியமிக்க வக்கில்லாத வட- மாகாணசபை வடக்குக் கிழக்கை இணைக்கப்போகிறார்கள்.


கிளிநொச்சி கல்வி வலயப் பணிப்பாளராக திரு. க. முருகவேல் கடமையாற்றிக் கடந்த மாதம் ஓய்வு பெற்றுச் சென்றார். தான் ஓய்வு பெற்றுச் செல்வதற்கு முன்னர், புதிய கல்விப் பணிப்பாளரை நியமியுங்கள். அவரிடம் கடமையைப் பொறுப்புக் கொடுத்துவிட்டுச் செல்ல வசதியாக இருக்கும் என திரு. முருகவேல் தெரிவித்திருந்தார்.

ஆனால், இதை வடக்கு மாகாணசபையின் கல்வி அமைச்சுக் கவனத்தில் எடுக்கவில்லை. இதனால் பொருத்தமான ஒரு கல்விப்பணிப்பாளர் இல்லாத நிலையில் தற்காலிக கல்விப் பணிப்பாளரை வைத்தே நிர்வாகம் நடந்து கொண்டிருக்கிறது. புதிய கல்விப் பணிப்பாளரை நியமிக்க முடியாத நிலையில் வடமாகாணக் கல்வி அமைச்சு உள்ளது.

இதனையடுத்து தற்போது பொதுச்சேவைகள் ஆணைக்குழுவின் மூலம் கல்விப்பணிப்பாளரை நியமிப்பதற்கான விண்ணப்பம் கோரப்பட்டுள்ளது. இந்த விண்ணத்தின் அடிப்படையில் பிற மாகாணங்களில் இருந்தே வரக்கூடிய வாய்ப்புகள் தென்படுகின்றன. குறிப்பாக ஒரு சிங்களவரோ, முஸ்லிமோ, மலைய சமூகத்தினரோ வரக்கூடிய வாய்ப்புகளே அதிகமாகத் தெரிகின்றன.

  பொதுவாக வலயக் கல்விப் பணிப்பாளர் முதலான நியமனங்கள் முதுமுறைப் பட்டியலுக்கு(seniority list) அமைவாக இடம்பெறுவது வழக்கம். விண்ணப்பம் கோரப்பட்டாலும் நேர்முகப் பரீட்சையிலும் இந்த ஒழுங்கே பின்பற்றப்படும். இப்போது பொதுச்சேவை ஆணைக்குழு விண்ணப்பம் கோரும் போது இலங்கையில் எங்கிருந்தும் யார் விண்ணப்பித்தாலும் சிரேஷ்ட அடிப்படையில் அவரே நியமிக்கப்படுவார். சும்மா இருந்த சங்கை ஊதிக் கெடுத்தான் ஆண்டி! என்பது இதுதான். ஒரு வலயக் கல்விப் பணிப்பாளரையே நியமிக்க வக்கில்லாத நிலையில் நீடித்த இனப்பிரச்சினைக்குத் தீர்வைக் காணப்போகிறர்களாம். வடக்குக் கிழக்கை இணைத்துப் பார்க்கப்போகிறார்கள். கூரையேறிக் கோழியைப் பிடிக்க முடியாதவன் வானம் ஏறி வைகுண்டம் போக எண்ணினானாம்.

  1. நன்றி முகநூல் Sivarasa Karunagaran
»»  (மேலும்)

ரஷ்யாவின் செயின்ட் பீட்டர்ஸ்பெர்க் மெட்ரோ ரயில் நிலையங்களில் குண்டுவெடிப்பு: 10 பேர் பலி

செயின்ட் பீட்டர்ஸ்பெர்க் மெட்ரோ ரயில் நிலையத்தில் குண்டுவெடிப்பு நிகழ்ந்துள்ளது. 10 பேர் இறந்திருக்கலாம் என்று ரஷ்ய செய்தி நிறுவனங்கள் தகவல் வெளியிட்டு வருகின்றன. குண்டுவெடிப்பு நிகழ்ந்த ரயில் நிலையம்


சென்னயா லோஸ்சத் மற்றும் அருகிலுள்ள டெக்னாலஜி இன்ஸ்டிடியூஷன் மெட்ரோ ரயில் நிலையங்களில் இந்த குண்டு வெடிப்புகள் நடந்ததாக செய்தி நிறுவனங்கள் கூறுகின்றன.
அந்த ரயில் நிலையத்திலுள்ள அனைவரும் வெளியேற்றப்பட்டுள்ளனர்.
தேசமடைந்த ரயில் பெட்டிகளையும், ரயில் மேடையில் காயமற்றோர் விழுந்து கிடப்பதையும் புகைப்படங்கள் காட்டுகின்றன.
புகை நிறைந்த மண்டபம் வழியாக மக்கள் வெளியேறுவதை நிகழ்நேர படங்கள் காட்டுகின்றன.
செயின்ட் பீட்டர்ஸ்பெர்க் நகரில் உள்ள ரஷ்ய அதிபர் விளாடிமிர் புதினுக்கு தகவல் தெரிவிக்கப்பட்டுள்ளது.
இந்த சம்பவங்களுக்கான பின்னணி காரணம் தெரியவில்லை.
மேலதிக செய்திகள் வந்து கொண்டிருக்கின்றன
»»  (மேலும்)