Election 2018

3/30/2018

பரீட்சையில் சித்தியடையாததால் தற்கொலை செய்துகொண்ட அனுசியா

நேற்று வெளியான க.பொ.த சாதாரணதர பரீட்சை பெறுபேறுகளின் அடிப்படையில் தான் எதிர்பார்த்த பெறுபேறு கிடைக்கவில்லை என கிணற்றில் குதித்து ஒருவர் தற்கொலை செய்துகொண்டுள்ளார். பரீட்சையில் சித்தியடையாததால் தற்கொலை செய்துகொண்ட அனுசியா

முல்லைத்தீவு மாவட்டத்தில் புதுக்குடியிருப்பு கைவேலி பகுதியில் இறுதி யுத்தத்தில் தந்தையை இழந்து தாயை பிரிந்து அம்மம்மாவுடன் வசித்து வந்த சாந்தலிங்கம் அனுசியா என்ற மாணவி எதிர்பார்ப்புடன் கல்வி கற்று பரீட்சை எழுதிய போதும் நேற்று வெளியான பெறுபேறுகளின் அடிப்படையில் 4 பாடங்களில் மாத்திரமே சித்தியடைந்ததை தொடர்ந்து இன்று (29) காலை கிணற்றில் குதித்து உயிரை மாய்த்துள்ளார்.

முல்லைத்தீவு வள்ளிபுனம் கனிஸ்ட வித்தியாலயத்தில் கல்வி கற்று பரீட்சை எழுதிய கைவேலி மருதமடு குழ வீதியை சேர்ந்த சாந்தலிங்கம் அனுசியா என்ற மாணவியே இவ்வாறு தனது உயிரை மாய்த்துள்ளார்.

இந்த சம்பவம் அப்பகுதி மக்களை மிகவும் சோகத்தில் ஆழ்த்தியுள்ளது.


»»  (மேலும்)

3/28/2018

சுவாமி விபுலானந்தரின் 126ஆவது பிறந்த தினக் கொண்டாட்டம்

பேத்தாழை பொது நூலகத்தில் முத்தமிழ் வித்தகர்
சுவாமி விபுலானந்தரின் 126ஆவது பிறந்த தினக் கொண்டாட்டம்L’image contient peut-être : 1 personneL’image contient peut-être : 9 personnes, chaussures
முத்தமிழ் வித்தகர் சுவாமி விபுலானந்தரின் 126ஆவது பிறந்த தினத்தினை முன்னிட்டு, மார்ச்- 27 அன்று நாடு முழுவதும் உள்ள பல பாடசாலைகள், பொது நிறுவனங்கள், பொது நூலகங்கள் எனப் பல்வேறு பட்ட இடங்களில் சுவாமி விபுலானந்தரின் பிறந்த தின நினைவாக பல நிகழ்வுகள் நடந்தவண்ணமுள்ளன.
அவ்வகையில், கோறளைப்பற்று பிரதேச சபையின் கீழ் இயங்கிவரும் பேத்தாழை பொது நூலகத்தின் விபுலானந்தர் வாசகர் வட்டமும், பொது நூலக உத்தியோகத்தர்களும் இணைந்து கோறளைப்பற்று பிரதேச சபையின் கீழ் இயங்குகின்ற முன்பள்ளிகளில் பயிலுகின்ற மாணவர்களுக்காக “சுவாமி விபுலானந்தர்“ எனும் தலைப்பில் பேச்சுப் போட்டி ஒன்றினை நடத்தினர்.
12க்கு மேற்பட்ட குழந்தைகள் இப்போட்டியில் பங்குபற்றினர். தம் அழகு தமிழ் கிள்ளை மொழியில் முத்தமிழ் வித்தகரைப் பற்றி குழந்தைகள் பேசினர். இப்போட்டியில் வெற்றி பெற்ற மாணவர்களுக்கான பரிசளிப்பு நிகழ்வும் உடன் இடம்பெற்றது. முதல் மூன்று இடங்களைப் பெற்ற குழந்தைகளுக்கு விசேட பரிசுகளுடன், போட்டிகளில் கலந்துகொண்ட அனைத்து மாணவர்களுக்கும் பரிசுகள் வழங்கி வைக்கப்பட்டன. இந்நிகழ்வில், வாழைச்சேனை பொது நூலகத்தின் நூலகர் திருமதி.கப்சா ஜெஸ்மின் அவர்களும், பெற்றோர்கள், விபுலானந்தர் வாசகர் வட்ட உறுப்பினர்கள், பேத்தாழை பொது நூலக உத்தியோகத்தர்கள் மற்றும் முன்பள்ளி ஆசிரியர்கள் எனப் பலரும் கலந்து கொண்டு சிறப்பித்தனர்.
»»  (மேலும்)

3/27/2018

மாமேதை விபுலாந்தர் பிறந்த நாள்'

இன்று கிழக்கிலங்கையின் மாபெரும் அண்ணல் விபுலாந்த அடிகளார் பிறந்த நாள்' 
Swami Vipulananda.jpg
இன்று உலக நாடகக் கலையைப் போற்றும் நாள். அத்துடன்,எங்கள் கிழக்கிலங்கை மாமனிதன், நாடகத் துறையின் திறமைகளை ஆங்கில நாடகாசிரியர் ஷேக்ஸ்பியரின் பன்னிரண்டு நாடகங்களைப் பன்முகத் தனமையில் ஆய்வு செய்து 'மாதங்கசூளாமணி' என்ற நாடக விரிவுரைப் பத்தகம் எழதிய,'யாழ்நூல் தங்த தமிழ்த்துறவி சுவாமி விபுலானந்த அடிகளார் அவர்களின் பிறந்தநாள்.
மக்களின் அறிவு வளர்ச்சிக்கும் அவர்களின் சமுதாயமுன்னேற்றத்திற்கும் கல்வியறிவு முக்கியம் என்பதைச் சொன்ன அறிஞர்களில் கிழக்கிலங்கை பெற்றெடுத்த,முத்தமிழ் வித்தகரான விபுலானந்த அடிகளாரும் ஒருத்தர். சமயத்தின் உயர் தத்துவங்களை சமுதாய மேம்பாட்டுக்குச் செயல்படுத்திய கிழக்கிலங்கைத் துறவியின் பிறந்த நாளான இன்று (18.3.1892),அவரின் சமத்துவக் கல்விச் சேவையினாற் பயனடைந்த என்னைப் போல கிராமியப் பெண்கள் அவரின் பிறந்த தினத்தை ஞாபகத்திற் கொண்டு,அவரை மனமார வணங்குகிறோம்.
அவரின் முயற்சியால் உண்டாகி,'அன்பன்' நடராஜா என்ற இராமகிருஷ்ண பக்திமான் தலைமை ஆசிரியராகவிருந்த, அக்கரைப்பற்று இராமகிருஷ்ண மகாவித்தியாலயத்தில்,எனது ஐந்தாவது வயதில், வெள்ளித்தட்டில் பல பூசைப் பொருட்களுடன் பரப்பியிருந்த பச்சை அரிசியில், பரமஹஷம்சர் இராமகிருஷ்ணர், சாரதா தேவி, வீரத்துறவி சுவாமி விவேகானந்தர் படங்களுக்கு முன், எனது தகப்பனாருக்கும் ஆசிரியைக்கும் நடுவிவிலிருந்துகொண்டு,தட்டில் பரப்பியிருந்த பச்சையரிசியில் ;ஆனா,ஆவன்னா' எழுதத் தொடங்கியது எனது இளவயது ஞாபகங்களில்; மிக முக்கியமானதொன்று.
அழகிய காலைநேரத்தில் அந்த ஐந்து வயதுக் குழந்தைக்கு,எதிர்காலத்தில் எங்கள் அக்கரைப்பற்று மாவட்டத்திலிருந்து லண்டன் வந்து திரைப்படத் துறையில் பட்டதாரியாவாள்,மருத்துவரலாறில் முதுகலைப்பட்டம் பெறுவாள்,அத்துடன் பல மேற்படிப்புக்களையும் தொடர்வாள் என்ற கற்பனை கடைசி வரைக்கும் இருந்திருக்காது.
நான் பிறந்த கோளாவில் கிராமத்தில்,பெண்களுக்கான படிப்பும் அதையொட்டிய மேம்பாடும் மிகவும் அருமையாகவிருந்த கால கட்டத்தில்,பாரதி,காந்தி,பெரியார் போன்றவர்களில் ஈர்ப்பு கொண்ட எனது தந்தை போன்றவர்கள் பெண் கல்வியில் மிகவும் ஆர்வமாகவிருந்தார்கள்.திருக்கோயிலைச் சேர்ந்த எங்கள் உறவினர்(பெயர் ஞாபகமில்லை-தெரிந்தால் சொல்லுங்கள்) அந்தக் காலகட்டத்தில் இந்தியாவிற் (அண்ணாமலைப் பல்கலைக்கழகம்?) படித்துக் கொண்டிருந்தார்.அவர் வீட்டுக்கு வரும்போது இந்தியாவில் நடக்கும் தமிழர்கள் விழிப்புணர்ச்சி,(திராவிட அரசியலின் எழுச்சி?)பெண்களின் படிப்பு என்பது பற்றியெல்லாம் பற்றி எனது தந்தையாரிடம் பேசிக்கொண்டிருப்பார்
எங்கள் ஊர்ப் பெண்களுக்கு அக்காலத்தில் மேற்படிப்புக்கள் படிக்கும் வசதிகள் கிடையாது. 1925ம் ஆண்டு சுவாமி விபுலானந்தர் உண்டாக்கிய காரைதீவு சாரதா மகளீர் வித்தியாலயத்தில் எனது மைத்துனியான திருமஞ்சணம் என்பவர் (இந்தியா சென்று தென்னிந்திய நடிகர் பி.யு.சின்னப்பாவுடன் நடித்த மல்யுத்த ஜாம்பவான் எங்கள் மாமா சான்டோ சங்கரதாஸ் அவர்களின் மகள்) ஊரிலிருந்து சென்று அங்கிருந்த விடுதியில் படித்த எங்கள் ஊர் முதல் இளம் பெண்ணாகும்.
அவரது தாயும்(இராசம்மா மாமி,மற்ற மாமிகளான, சீவரத்தினம்,இராசம்மா,போன்ற பலர்)அக்கால கட்டத்;திற்கு முன், அக்கரைப்பற்று மெதடிஸ்ட் மிசன் பாடசாலையில் படித்தார்கள் என்று எனது மைத்துனி திருமதி ஜானகி; காங்கேசபிள்ளை நேற்று என்னிடம் சொன்னார்
அதைத் தொடர்ந்து விபுலானந்தரால் உண்டாக்கப் பட்ட(1925 -1928) அக்கரைப்பற்று இராமகிருஷ்ண மிசன் பாடசாலையில் எனது மூத்த சகோதரிகள் உட்படப் பல பெண்கள், தங்கள் படிப்பைத் தொடங்கினார்கள். அத்துடன் என் போன்ற கிராமத்துப் பெண்களின் படிப்பும் தொடர்ந்தது.
இலங்கையில் பௌத்த மதம் வரமுதல் இலங்கையின் தமிழ்ப் பகுதிகளில்,கல்வி இந்தியாவைப்போல், ஒருகுறிப்பிட்ட படித்தவர்களால் படிப்பை விரும்பியவர்களுக்குச் சொல்லிக் கொடுக்கப் பட்டது. எனது தாத்தா கந்தப்பரின் தந்தை வையாளிப்போடியார் காலகட்டத்தில் (1850ம் ஆண்டு காலகட்டம்?) எங்கள் ஊரில் 'திண்ணைப் பள்ளிக்கூடம்' இருந்ததாகவும் அதில்,எனது தாத்தா படித்ததாகவும் எனக்குச் சொல்லப்பட்டது.
அக்கால கட்டத்தில் படிப்பு என்பது, மூதாதயைரின் வழிமுறைத் திறமைகள்,கலைப்பாரம்பரியங்களைத் தங்கள் பரம்பரைக்குச் சொல்லிக் கொடுப்பதற்குச் செயற்பட்டதா என்ற கேள்வி,எங்கள் ஊரின் பழைய சரித்திரத்தைத் திருப்பிப்பார்க்கும்போது எனக்குள் எழுகிறது.
அதாவது எனது தாத்தா மிகவும் ஆளுமையுள்ள சித்தவைத்தியராகவும், மந்திரியத்தில் வல்லவராகவும் வாழ்ந்தார் என்பது எனக்குத் தெரியும். உதாரணமாக, அவர் இறந்ததும் அவரின் மந்திர ஓலைகளுடன் ஒரு பெட்டியில் வைத்திருந்த மண்டையோட்டையும் மாய மந்திர தந்திரங்களில் நம்பிக்கையற்ற.பகுத்தறிவுக் கொள்கையால் ஈர்க்கப் பட்டிருந்த எனது தகப்பனார் குழந்தைவேல், தூக்கி எறிந்ததாக எனது தமக்கை மீனாட்சி வடிவேல் எனது சிறுவயதில்,எங்கள் தாத்தா பற்றிய பேச்சுக்கள் வரும்போது சொல்லியிருக்கிறார்.
எனது தாத்தைவைப்போல், பல மந்திரத்தின் மூலமும். மூலிகைகள் பற்றிய அறிவு மூலமும் வைத்தியம் செய்பவர்கள் நான் கோளாவில் கிராமத்தை விட்டு வெளியேறும்வரை இருந்தார்கள். இப்போதும் இருக்கிறார்கள் என்றும் சொல்லப்படுகிறது. அத்துடன் எங்கள் கிராமத்தின் ஒரு பகுதியில் சிறந்த வைத்தியர்கள், பாம்புக்கடி வைத்தியம். பைத்தியத்தைக் குணப்படுத்தும் சிகிச்சைகளில் பிரபலம் பெறிறிருந்தார்கள். அவர்களிடம் சிகிச்சை பெற இலங்கையின் பல பாகங்களிலுமிருந்து நோயாளிகள் எங்கள் ஊருக்கு வருவார்கள்.
அத்துடன் ஊரிலுள்ள பல'படித்தவர்களின்' வீடுகளில் மிகப் பெரிய எழுத்துக்களுடன் உள்ள 'மகாபாரதம்.இராமயணப் புத்தகங்களுடன் பல சமயப் புத்தகங்களும் இருந்தன. பக்கத்து வீட்டு வைரவப் போடியார் தனது பெரிய 'மகாபாரதப் புத்தகத்தை விரித்து வைத்து அதில் லயித்துப்; போய் அதை பெரிய சத்தத்துடன் வாசிப்பார்.
'நீ வெறுக்கிலன்,இருந்த மன்னவர் திகைக்கிலன் பலர் மறக்கிலன்,
ஈ இருக்குமிடம் எனினும் இப்புவியில் யான் அவர்க்கு இடம்;; கொடுக்கிலன்' என்று பாண்டவர்களுக்கு ஐந்து கிராமங்களென்றாலும் கொடுக்கச் சொல்லிக் கேட்க வந்தகிருஷ்ண கிருஷ்ண பரமாத்மாவுக்குத் துரியோதன் சொன்ன கட்டத்தை
எதுகை மோனையுடன் இரசம் கொட்ட வாசிக்கும் கவனத்திலிருக்கும்போது, நான் எனது தம்பிகளுடன் அவர் வீட்டு மாங்காய்களைத் திருடிக்(மன்னிக்கவும்,இளமையிற் செய்த பல மாங்காய்த் திருட்டுகளில் இதுவுமொன்று) கொண்டது இன்னும் பசுமையான நகைச்சுவை நினைவுகள். அந்தப் புத்தகங்கள் பெரும்பாலும் 1800ம் ஆண்டின் கடைசியில் அச்சிடப்பட்டவை என்பது எனது ஞாபகம்.
எங்கள் வீட்டுப் பெட்டகத்தில் அடுக்கி வைக்கப் பட்டிருந்த பிரமாண்டமான ஏடுகள் பாரம்பரிய 'கூத்துக்கள்' பற்றிய விளக்கங்களைத் தன்னில் பதித்திருந்தன.அவற்றில் சிலவற்றை நான் கொப்பிகளில் எழுதி அப்பாவுக்கு உதவி செய்தேன். குத்துவைக்காத எழுத்துக்கள் நிரம்பிய ஏடுகளைப் படித்து விளங்கிக் கொள்வது 10-12 வயதான எனக்கு மிகவும் கடினமான விடயமாகும்.
1900ம் ஆண்டுகளில் கிறிஸ்தவ பாதிரிகளால் உண்டாக்கப்பட்ட பாடசாலைகளில்(அக்கரைப்பற்று ஆர்சி.எம்.பாடசாலை?) எனது தந்தையார் குழந்தைவேலும் (1911ல் பிறந்தவர்) கிராமத்திலுள்ள மற்ற மாணவர்களும் போய்ப்படித்தவர்கள் என்று சொல்லப் பட்டது.
தமிழ்க் கிராமங்களில் இப்படியான படிப்புகள் தொடர்ந்த காலத்தில் சிங்களப் பகுதிகளில்,கல்வி பௌத்த குருமாரின் கையிலிருந்தது.
இலங்கையின் கல்வி:
1505ம் ஆண்ட இலங்கையைத் தனவசமாக்கிய போர்த்துக்கீசரோ அல்லது அவர்களுக்குப் பின் வந்த டச்சுக்காரர்களோ (1656) இலங்கை மக்களின் கல்வியைப் பற்றி அக்கறைப்படவில்லை.இலங்கையின் செல்வத்தைச் சுரண்டிக் கொண்டு போவதில் கண்ணாகவிருந்தார்கள்.
டச்சுக்காரரைப் போரில் வென்ற ஆங்கிலேயர் (1796ல்) இலங்கையின் கரையோரங்களிற் தங்கள் ஆதிக்கத்தை நிறுவினார்கள். 1915ல் கண்டி இராசதானியை தங்கள் ஆட்சிக்குள் கொண்டுவந்த ஆங்கிலேயர், தாங்கள் கொள்ளையடிக்கும் செல்வத்தின் கணக்கு வழக்குகள்,அவை எப்படிச் செலவழிக்கப்படுகின்றன என்பதைப் பதிவிட எழுதுவினைஞர்களைப் பயிலுவித்தார்கள். அவர்களில் பெரும்பாலோர் ஆங்கிலேயர்,அதில் ஒருசிலர் இலங்கையர். அதைத் தொடர்ந்து,ஆங்கிலேயர்களுக்குத் 'தேவையான கல்வி' இலங்கையர்களையம் உள்வாங்கி ஆரம்பிக்கப் பட்டது. ஆங்கிலேயர்கள் தங்களின் விருப்பத்திற்கிணையக் கூடிய ஒரு படித்த 'வர்க்கத்தை' உருவாக்கத் தொடங்கினார்கள்.
அப்படியான கல்வியைப் பெறக் கணிசமான இலங்கைவாசிகள் அந்நிய மதத்திற்கு மாற்றப் பட்டார்கள். இக்கல்வித் திட்டம் பாதிரிகளின் கையிலிருந்தது.
அந்தக் கல்வித் திட்டத்தை அந்நிய ஆதிக்கத்துக்கு அடிபணியும் ஒருவர்க்கம் பயன்படுத்தித் தங்கள் குடும்பத்தையும்,உறவினர்களையும்,சாதியினரையும் வாழ்க்கைத் தரத்தில் முன்னேற்றினார்கள்.
1833ம் ஆண்டு கோல்புறுக் திட்டத்தின் பின் பாதிரிகளின் ஆளுமையிலிருந்த இலங்கையின் கல்வி அரசு கைக்கு மாறியது. ;'கொழும்பு அக்கடமி' (றோயல் கொலிஜ்) 1935ல் ஆரம்பிக்கப் பட்டது.அதைத் தொடர்ந்து,கண்டி,காலிப் பகுதிகளிலும் கல்விக் கூடங்கள் பல (1935-37) ஆரம்பிக்கப் பட்டன.
யாழ்ப்பாணத்தில்,அமெரிக்க மிசனரியால் 1813ல் ஆசியாவிலேயே முதலாவதான பெண் பாடசாலை ஆரம்பிக்கப் பட்டது.1843ல் வேம்படி மகளீர் பாடசாலையும்,1896ல் சுண்டிக்குளி மகளீர் பாசாலையும்,ஆரம்பிக்கப்பட்டன.
கிழக்கிலங்கையில் கிறிஸ்தவ வெஸ்லெயன் மிசனரி பாதிரிகளால், வின்சென்ட் மகளிர் கல்லூரி 1820ல் ஆரம்பிக்கப்பட்டது.கிழக்கிலங்கை பரவலான கல்விவளர்ச்சியின்றி,அத்துடன்; பொருளாதாரத்திலும் பின் தங்கியிருந்தது.
கிழக்கிலங்கை பல்நூறு வருடங்களாகச் சைவ சமயம் சார்ந்த சமுகப் பண்பாடுகளின் பாரம்பரியத்தை,அரச உதவியின்றித் தங்கள் படிப்பின் மூலம்; பாதுகாத்துக் கொண்டிருந்தது. பாரம்பரியக் கலைகளான இயல் இசை.நாடகங்கள் கிராமங்களிலுள்ள கலைஞர்ளால் தொடர்ந்த கற்பித்தலால் வளர்ந்து கொண்டிருந்தது.
அப்படியாக காலகட்டத்தில்,கிழக்கிலங்கையின் கல்வித் தேவையையுணர்ந்து,மனித வளத்தின் வளர்ச்சி மேன்மையான சமூகக் கடமை என்றெண்ணி சமத்துவக் கல்விக்காகப் பல பாடசாலைகளை அமைத்த அண்ணல், புதுமைத் துறவி சுவாமி விபுலானந்தரை இன்று நாங்கள் நன்றியுடன் நினைவு கூருவோம். அவர் இலங்கையில் பாரதியின் கவித்துவத்தையும் சமத்துவக் கொள்கைகளையும் பிரபலப் படுத்தினார்.
மகாகவி பாரதி எனது வாழ்க்கையில் மறக்கமுடியாத இன்னொரு மாமனிதன். ஏனென்றால் எனது எழுத்தின் ஆர்வம்,அக்கரைப்பற்று மாவட்ட கட்டுரைப் போட்டியில் பரிசு பெற்ற, 'பாரதி கண்ட பெண்கள்' என்ற எனது முதற்படைப்புடன் ஆரம்பமாகியது.பாரதியின் சமத்துவக் கொள்கைகள்,பெண்கiளின் முன்னேற்றம் பற்றிய கவிதைகளால் ஈர்க்கப்பட்டு,சமுதாயத்தின் பல தரப்பட்ட மக்களுக்கும் கல்வியறிவைக்கொடுக்க அரும்பாடு பட்டு சுவாமி விபுலானந்த அடிகள்; அமைத்த கல்விக் கூடத்தில் படித்து வெளிநாடு வந்ததற்கும் அத்துடன் பல மேற்படிப்புக்களைத் தொடரவும் வழிகாட்டிய அண்ணலுக்கு என் மனமார்ந்த வந்தனங்கள்.
சாதி,வர்க்க பிரிவுகளின் அடிப்படையில் கல்வியையும் அதன் மேம்பட்ட பலன்களையும் சமுதாயத்தின் ஒருபகுதியின் மட்டும் தங்கள் உடமையாக வைத்துக் கொண்டிருந்த காலத்தில், தனது தளராத உழைப்பாலும் துணிவாலும் சாதாரண மக்களுக்குக் கல்வி கொடுத்த மகானுக்கு என் வந்தனம். தமிழர்களின் அதி உயர்ர்ந்த இலக்கியப் பொக்கிஷமான 'யாழ்நூல்' தந்தஞானி, ஆங்கில நாடகாசிரியன் ஷேக்ஸ்பியரின் நாடகங்களை நுணுக்கமாக ஆராய்ந்து' மாதங்கசூளாமணி' என்ற அற்புத விளக்கத்தைக் கொடுத்த வள்ளலுக்கு எனது சிரம் தாழ்ந்த வந்தனம்.
என்னைப் பின் பற்றிய பல பெண்கள் எனது கிராமத்திலிருந்தும், இன்னும் பல கிழக்கிலங்கைக் கிராமங்களிலிருந்தும் மேற்படிப்பைத் தொடர்ந்து தங்கள் வாழ்க்கையையும் தாங்கள் வாழும் சமுதாயத்தையம் மேம்படுத்துகிறார்கள் என்பது எங்களின் கல்விக்கு அடித்தளம் கொடுத்த விபுலானந்த அடிகாளாரின் மேன்மையான சரித்திரத்தில் பதிக்கவேண்டிய முக்கிய தகவல்களாகும்.

நன்றி-முகநூல் *ராஜேஷ் பாலா 
»»  (மேலும்)

தமிழ்ப் பெண்களின் போராட்ட ஆளுமையைக் கௌரவம் செய்த இராஜதந்திரி.

'பிரித்தானியாவில் கடமையாற்றிய கடைசி தமிழ் இராஜதந்திரி திரு.ஏ.தெட்சணாமூர்த்தி' அவர்கள் பற்றிச் சில வார்த்தைகள்.
தமிழ்ப் பெண்களின் போராட்ட ஆளுமையைக் கௌரவம் செய்த இராஜதந்திரி.
இராஜேஸ்வரி பாலசுப்பிரமணியம்-14.3.18

'இலங்கையில் தமிழ் மக்களுக்கு எதிராகத் தொடர்ந்த வன்முறைகள், தமிழ் மக்களின் அமைதிக்கும் ஜனநாயக வாழ்க்கை முறைக்கும் எதிரானவை.சிங்கள பேரினவாதம் தமிழ்ச் சிறுபான்மை மக்களைத் தன் ஆயுத வன்முறையால் குரூரமாக நடத்துவது மனித இனம் வெட்கப் படவேண்டிய விடயம். இலங்கையின் காலனித்து சக்தியாக இருந்த பிரித்தானியா இந்த விடயத்தில் கவனம் எடுக்கவேண்டும்' என்ற கோரிக்கையை முன்வைத்து, எனது தலைமையில் உண்டாக்கப் பட்ட, பிரித்தானிய தமிழ் மகளீர் அமைப்பு 1982ம் இறுதிக்கால கட்டம் தொடக்கம் போராடத் தொடங்கியது. இந்தப் பெண்கள் அமைப்புதான் பிரித்தானியாவில் ஆரம்பிக்கப் பட்ட முதலாவது இலங்கைத் தமிழர்களுக்கான மனித உரிமை அமைப்பாகும்.அக்கால கட்டத்தில் இலங்கையின் இராச தூதுவராக பிரித்தானியாவில் கடமையாற்றியர் திரு. தெட்சணாமூர்த்தி அவர்கள்.
.L’image contient peut-être : 3 personnes, personnes debout et plein air
வீதி இறங்கிய எங்களது பல போராட்டங்கள் இலங்கை தூதுவராலயத்தைக்குறி வைத்து நடத்தப் பட்டன. பிரித்தானிய பெரிய.சிறிய ஊடகங்கள் மட்டுமல்லாது,பெண்ணிய, இடதுசாரி ஊடகங்கள், மனித உரிமை ஸ்தாபனங்கள், பெண்கள் அமைப்புக்கள், சிறுபான்மையின மக்களின் அமைப்புக்கள்,எனப் பன்முக அமைப்புக்கள் இலங்கையில் தமிழர்களுக்கெதிராக நடக்கும் கொடுமைகளைக் கண்டித்தன.
இலங்கை நிலமை குறித்து, ப.pபி.சி டி.வியில் எனது பேச்சுக்கள் இடம் பெற்றன.பிரித்தானியப் பொதுமக்கள்; பெரும் பான்மையினர் தங்களின் ஆதரவை எங்களின் (பெண்களின்) @போராட்டத்திற்கு வழங்கினர்.
தொழிற்கட்சி எங்கள் போராட்டத்தை முழுக்க முழுக்க ஆதரித்தது.திரு.ஜெரமி கோர்பின்,திரு,பேர்னி க்ராண்ட்,திருமதி ஷெர்லி வில்லியம்,திருமதி கிளாயா ஷோர்ட், போன்ற பாராளுமன்றவாதிகள்; தமிழ் அகதிகளாகப் பிரித்தானியுவுக்கு வருபவர்களுக்கு ஆதரவு தந்தார்கள்.
இலங்கையிற் தொடரும் தமிழர்களுக்கு எதிரான கொடுமையை பிரித்தானிய முற்போக்காளர்களுக்கு விளக்க,அக்கால கட்டத்தில் தொழிற்கட்சியின் முக்கிய பிரமுகரான திரு டோனி பென் தலைமையில் லண்டனின் மத்தியிலுள்ள் கொன்வேய் ஹாலில் ஒரு பிரமாண்ட பொதுக்கூட்டம் நடந்தது.
பிரித்தானிய பாராளுமன்றத்தில், இலங்கைத் தமிழர்களின் நிலைபற்றிய கேள்விகளும் விவாதங்களும் அடிக்கடி நடந்தன.அன்று ஆடசியிலிருந்த திருமதி மார்கரெட் தச்சர் அவர்களின் அரசு இலங்கையில் பதவியிலிருந்த ஐக்கிய தேசியக் கட்சிக்கு ஆயுத உதவி,பொருளாதார உதவிகள் செய்து கொண்டிருந்தன. லண்டன் வாழ் தமிழ்ப் பெண்கள் அவற்றையெல்லாம் எதிர்த்துப் பல போராட்டங்களை நடத்தினோம்.இந்த போராட்டங்கள் லண்டனிலுள்ள இலங்கைத் தூதுவராலயத்தை நிலை குலையப் பண்ணியது.
அக்கால கட்டத்தில் லண்டனிலுள்ள இலங்கைத் தூதுவரலாயத்தின் இராஜதந்திரியாக இருந்தவர் ஒரு தமிழர். இலங்கையின் கிழக்குப் பகுதியைச் சேர்ந்தவர். படிப்பிலும் பண்பிலும் மற்றவர்களிடம் பெரிய மதிப்பை;ப் பெற்றிருந்தவர் என்று கேள்விப் பட்டிருந்தோம். கொழும்பு ஆனந்தாக் கல்லூரியிற் படித்து,றோயல் கல்லூரியில் ஆசிரியராகவிருப்பது என்பது அக்கால கட்டத்தில் ஒரு சிறந்த கல்விமகனாற்தான் செய்யமுடிந்த விடயம்.
1983ம் ஆண்டு கலவரத்தின்பின் எங்கள் போராட்டங்கள் உச்ச கட்டங்களைக் கண்டன.பிரித்தானியா மட்டுமல்லாது ஐரோப்பிய நாடுகளுக்கும் இலங்கைத் தமிழர்களுக்கு நடக்கும் கொடுமையை விளக்கும் பேச்சாளராக என்னை அழைத்தார்கள்.ஐரோப்பா சார்ந்த மனித உரிமை ஸ்தாபனங்களிற் சில,இடதுசாரி ஸ்தாபனங்கள் சில எங்கள் போராட்டத்தை ஆதரித்தன.
இந்த ஐரோப்பிய நாடுகள் உள்ளடக்கிய தமிழ்ப் பெண்களின் போராட்டங்கள் இலங்கை அரசைத் தர்மசங்கடத்திலாழ்த்தியது. லண்டனிலுள்ள தழிழர்கள், 'எங்களுக்குக் கொடுமை செய்யும் இலங்கை அரசின் பிரதி நிதியாக ஒரு தமிழன் (மட்டக்களப்புத் தமிழன்!) லண்டனிலுள்ள இலங்கை ஸ்தானிகராலயத்தில் பணிபுரிவதைக் கட்டோடு வெறுத்தார்கள். பிரித்தானியத் தமிழ்ப் பெண்கள் தங்கள் போராட்டத்தால் இலங்கை அரசை 'வைது' கொட்;டும் கால கட்டத்தில், ஒரு 'தமிழன்' இலங்கை ஸ்தானிகராலயத்தில் பெரிய பதவியை வகிப்பதை இனவாதச் சிங்களவர்களும் எதிர்த்தார்கள்.
அந்த மிகவும் சிக்கலான் காலகட்டத்தில்,இலங்கை ஸ்தானிகராலயத்தில் நடக்கவிருக்கும் ஒரு வைபவத்திற்கு எனக்கு அழைப்பிதழ் வந்தது.
எங்களுக்கு அந்த அழைப்பிதழ் மிகவும் ஆச்சரியத்தைத் தந்தது. ஏதிரியான சிங்கத்தின்; குகைக்குள் நுழைவதா?
பல விவாதங்களின்பின் அந்த வைபவத்திற்கு நான் போகவேண்டும்,அங்குபோய் எங்கள் போராட்டத்தைப் பற்றி அவர்களுக்குச் சொல்லவேண்டும் என்ற லண்டன தமிழ் மகளீர் அமைப்பினர் அனுமதி தந்தார்கள்.
அங்கு போனதும்,அமைதியும்,முகத்தில் அறிவுச் சுடரும் பரந்த இனிமையான புன்னகையுடன் இலங்கை இராஜதந்தியான திரு தெட்சணாமூர்த்தி அவர்கள் என்னை வரவேற்றார்.
வழமையான அறிமுகத்தின்பின்,'நீங்கள் இங்கு வந்ததையிட்டுச் சந்தோசப்படுகிறேன்' என்று சொன்னார்.'
அவரின் சந்தோசம் எனக்குள் பல கேள்விகளை எழுப்பின. அவர் இலங்கைத் தமிழர்களை அடக்கி ஒடுக்கும் ஒரு அரசைப் பிரதிநிதிப்படுத்தும் இராஜதந்திரி. நான் அவர் சார்ந்திருக்கும் அரசின் கொடுமைகயை எதிர்த்துப் போராட்டம் நடத்துபவள்.
ஓயாமல் எங்கள் போராட்டங்கள் பற்றியும் அதை விளக்கும் புகைப் படங்களும் பிரித்தானியப் பத்திரிகைகளில் வந்துகொண்டிருக்கும்போது என்னவென்று என்னைச் சந்திப்பதில் அவருக்குச் சந்தோசம் வரும்?
தமிழ்ப் பெண்களின் போராட்டத்தை மதித்து என்னை அவ்விடம் அழைத்த அவரிடம் எனக்கு மதிப்பு வந்தது. ' நீங்கள் பணிபுரியும் உங்கள் அரசின் கொடுமைகளை உலகத்திற்குச் சொல்ல உங்கள் ஸ்தானிகராலயத்திற்கு முன் அடிக்கடி போராட்டம் நடத்தும் உங்கள் எதிரியான என்னை ஏன் உங்கள் ஸ்தானிகராலயத்துக்குள் நுழைய அழைப்பிதழ் அனுப்பினீர்கள்'? என்று அவரை நேரடியாகக் கேடடேன்.
என்னை ஒரு கணம் உற்றப் பார்த்து விட்டு, அவர்கண்களை என் முகத்திற பதித்தபடி,' ஒரு அரசை எதிர்த்துப் போரட்டம் நடத்தி உலக கவனத்தை இலங்கைத் தமிழர்பால் திருப்பிய கிழக்கிலங்கைப் பெண்மணியை நேரிற் சந்திக்கவேண்டும்போலிருந்தது' என்றார்.
அவரின் நேர்மையும், இலங்கைத தமிழ்மக்களில் அவருக்கிருந்த அனுதாபமும்,ஆனால் உத்தியோக ரீதியில் தமிழர்களின் எதிரிகளுடன் பணிபுரியும் தர்மசங்டமும் அவர் சொல்லாத வார்த்தைகளிருந்து புரிந்துகொண்டேன்.
அவரின் தர்ம உணர்வையுணர்ந்து எனக்கு சிலிர்பு வந்தது.
அடுத்த வருடம் அவர் தனது 'இராஜதந்திரி' பதவியிலிருந்து இராஜனாமா செய்து கொண்டார் என்ற கேள்விப் பட்டேன்.
எனது சந்திப்பு அவர் மனத்தையுலுக்கியதா அல்லது சிங்கள இனவாதிகள் அவரை இராஜனாமா செய்யப் பண்ணினார்களா? அல்லது ஒரு தமிழன் இராஜதந்திரியாவிருபதை விரும்பாத லண்டன தமிழர்கள் அவரைப் பயமுறுத்தினார்களா?
பதில்கள் தெரியாத பல கேள்விகள் அக்கால கட்டத்தில் என் மனத்தைக் குடைந்துகொண்டிருந்தன.
என்னவாகவிருந்தாலும் அவர் ஒரு மனிதாபமானமுள்ள,அறிவும் பண்புமுள்ள ஒரு திறமையான 'தமிழ்' இராஜதந்திரி என்பதை நான் முழுக்க உணர்வேன்.அவரைப் பெற்றெடுத்த ஆரையம்பதி மிகவும் அதிர்ஷ்டம் செய்த பூமி என்று வாழ்த்துகிறேன்.

»»  (மேலும்)

3/24/2018

சமூக விடுதலைப் போராளிகள் நினைவரங்கம் -தலித் சமூக மேம்பாட்டு முன்னணி

 சமூக விடுதலைப் போராளிகள் நினைவரங்கம் -தலித் சமூக மேம்பாட்டு முன்னணியினரால் வருடாவருடம் நடத்தப்படும் இந்நிகழ்வானது இவ்வாரம் ஞாயிறு அன்று பாரிஸ் நகரில் இடம்பெறவுள்ளது. இந்நிகழ்வில் டென்மார்க்,இங்கிலாந்து,சுவிஸ்,ஜெர்மனி,ஹாலந்து   மற்றும் இந்தியாவிலிருந்தும் தோழர்கள் கலந்து கொண்டு சிறப்பிக்கின்றனர்.Aucun texte alternatif disponible.
»»  (மேலும்)

3/21/2018

மட்டக்களப்பில் கால்பதிக்கும் பெரியார்

தமிழகத்தில் பெரியார் சிலையுடைப்புக்கு எதிர்ப்புத் தெரிவிக்கப்பட்டதுடன், அதற்குக் காரணமானவரான இந்திய பாரதிய ஜனதா கட்சியின் செயலாரான எச்.ராஜாவின் உருவப்படம் மட்டக்களப்பில் எரிக்கப்பட்டு எதிர்ப்புத் தெரிவிக்கப்பட்டுள்ளது.L’image contient peut-être : 3 personnes, personnes souriantes, personnes assises et intérieurL’image contient peut-être : 5 personnes, personnes assises et intérieur
மட்டக்களப்பில் வல்லினம் 100 சஞ்சிகையின் அறிமுக நிகழ்விலேயே எச்.ராஜாவின் படம் எரிக்கப்பட்டதுடன், கண்டியில் நடைபெற்ற வன்முறைச் சம்பவத்திற்கும் கண்டனம் தெரிவிக்கப்பட்டது.  
மலேசியாவில் இருந்து வெளிவரும் வல்லினம் சஞ்சிகையின் 100ஆவது இதழ் தொடர்பான அறிமுகம் உரையாடலும் நிகழ்வு மட்டக்களப்பு பொது நூலக கேட்போர் கூடத்தில் மட்டக்களப்பு பெரியார் வாசகர் வட்டத்தின் ஏற்பாட்டில் செவ்வாய்க்கிழமை மாலை நடைபெற்றது.
இந்நிகழ்வின் ஆரம்பத்தில் தமிழகத்தில் பெரியார் சிலையுடைப்புகள் நடைபெறுகின்றமைக்கு தமது எதிர்ப்பினைத் தெரிவிப்பதாகவும், கண்டியில் நடைபெற்ற வன்முறைக்கும் தமது அமைப்பு கண்டனத்தினை தெரிவித்துக் கொள்கிறது என்றும் மட்டக்களப்பு பெரியார் வாசகர் வட்டத்தின் தலைவர் கணேசன் திலிப்குமார் தெரிவித்தார்.
அத்துடன், தமிழகத்தில் பெரியார் சிலையுடைப்புக்கு காரணமானவரான இந்திய பாரதிய ஜனதா கட்சியின் செயலாரான எச்.ராஜாவின் உருவப்படம் பாரம்பரியமான மங்கல விளக்கேற்றலுக்கு பதிலாக எரியூட்டி எதிர்ப்பினைத் தெரிவிக்கும் வகையில் தங்களது நிகழ்வினை ஆரம்பிப்பதாகவும் தெரிவித்தார்.
அத்துடன், தமிழகத்தில் பெரியாருடைய சிலை உடைக்கப்பட்டாலும், இலங்கையின் மட்டக்களப்பில் முதலாவது பெரியார் சிலையினை விரைவில் அமைக்கவுள்ளதாகவும் திலிப் குமார் தெரிவித்தார்.
மட்டக்களப்பு பெரியார் வாசகர் வட்டத்தின் தலைவர் கணேசன் திலிப்குமாரின் தலைமையில் நடைபெற்ற இந் நிகழ்வில், வல்லினம் சஞ்சிகையின் தொகுப்பாசிரியர் ம.நவீன், வல்லினம் ஆசிரியர் குழுவின் விஜயலட்சுமி, தயாஜீ, இரா.சரவண தீர்த்தா, அ.பாண்டியன், ஸ்ரீ தர்ரங்கராஜ் உள்ளிட்ட மலேசிய இலக்கிய செயற்பாட்டாளர்கள் பலரும் பங்கு கொண்டனர்.
இவ் அறிமுக நிகழ்வில், வல்லினம் 100 இதழின் நேர்காணல்கள், விமர்சனங்கள் பகுதி தொர்பில் எழுத்தாளர் கௌரிபாலன், சிறுகதை கவிதைகள் தொடர்பில் எழுத்தாளர் த.மலர்ச்செல்வனும், பத்திகள், கட்டுரைகள் குறித்து திலிப்குமாரும் கருத்துரைகள் வழங்கினர்.
பேராசிரியர் சி.மௌனகுரு, சிரேஸ்ட எழுத்தாளர்களான எஸ்.எல்.எம். ஹனிபா,விஞர் ஜிப்ரி, சிராஜ் மசூர், தேவகாந்தன், ஓ.கே.குணநாதன், திருக்கோவில் கவியுகன் உள்ளிட்ட 50க்கும் மேற்பட்ட எழுத்தாளர்கள், கலைஞர்கள் , ஆர்வலர்கள் கலந்து கொண்ட இவ் அறிமுக உரையாடல் நிகழ்வு வல்லனம் குழுவினரின் கருத்தக்களுடன் சிறப்பாக நிறைவு பெற்றது.
பெரியார் வாசகர் வட்டத்தின் புத்தக விற்பனைக் கூடத்தில் வல்லினம் 100 பிரதியும் விற்பனைக்காக வைக்கப்பட்டிருந்ததுடன், கருப்புப் பிரதிகள், வடலி பதிப்பக நூல்கள், மேலும் சில தோழமைகளின் படைப்புக்களும் விற்பனைக்காக வைக்கப்பட்டிருந்தன.
via சுபீட்சம்
»»  (மேலும்)

3/20/2018

இராக்கில் கடத்தப்பட்ட 39 இந்தியர்கள் கொல்லப்பட்டனர்: சுஷ்மா ஸ்வராஜ்

இராக்கில் ஐ.எஸ் அமைப்பால் கடத்தப்பட்ட 39 இந்தியர்கள் கொல்லப்பட்டுள்ளதாக இந்திய வெளியுறவுத்துறை அமைச்சர் சுஷ்மா ஸ்வராஜ் நாடாளுமன்றத்தில் தெரிவித்துள்ளார்.சுஷ்மா ஸ்வராஜ்

செவ்வாய்க்கிழமையன்று நாடாளுமன்றத்தில் பேசிய அவர், ஐ.எஸ் குழுவால் கடத்தப்பட்ட 40 பேரில், ஹர்ஜீத் என்பவர் மட்டும் இஸ்லாம் மதத்திற்கு மாறியதால், தப்பித்ததாக தெரிவித்துள்ளார்.
இறந்தவர்கள் மரபணுவை, அவர்களின் உறவினர்களின் மரபணுவுடன் ஒப்பிட்டு பார்த்து இதை உறுதி செய்ததாக அவர் கூறியுள்ளார். உயிரிழந்தவர்களில் 31 பேர் பஞ்சாப் மாநிலத்தை சேர்ந்தவர்கள். நான்கு பேர் இமாச்சல பிரதேசத்தையும், மற்றவர்கள் ,மேற்கு வங்கம் மற்றும் பீகாரை சேர்ந்தவர்கள் ஆவர்.
இறந்தவர்களின் உடல், புதைக்கப்பட்ட இடத்திலிருந்து எடுக்கப்பட்டது என்று தெரிவித்த சுஷ்மா ஸ்வராஜ், அவை அனைத்தும் ஒரே குழியிலிருந்து எடுக்கப்பட்டுள்ளது என்றும் தெரிவித்துள்ளார்.
»»  (மேலும்)

3/19/2018

ரஷ்யா: அதிபர் தேர்தலில் விளாடிமிர் புதின் அமோக வெற்றி-வாழ்த்த தயங்கும் ஐரோப்பிய தலைவர்கள்

ரஷ்யாவின் அதிபராக மீண்டும் விளாடிமர் புதின் வெற்றி பெற்றதற்கு உலகத் தலைவர்கள் வாழ்த்து தெரிவித்து வருகின்றனர். ஆனால் இதுவரை மேற்கத்திய தலைவர்கள் யாரும் புதின் வெற்றிக்கு வாழ்த்தவில்லை. ரஷ்ய அதிபர் தேர்தலில் புதின் வெற்றி
"வரலாற்றில் இல்லாத அளவிற்கு ரஷ்யாவுடன் நல்ல உறவு நிலவி வருவதாக" சீன அதிபர் ஷீ ஜின்பிங் கூறியுள்ளார்.
கசகஸ்தான், பெலாரஸ், வெனிசுவேலா, பொலிவியா மற்றும் கியூபா ஆகிய நாடுகளும் புதினுக்கு வாழ்த்து தெரிவித்துள்ளனர்.
ஆனால் மேற்கத்திய தலைவர்கள் யாரும் இதுவரை எந்த கருத்தும் தெரிவிக்கவில்லை.
ஞாயிறன்று நடைபெற்றஅதிபர் தேர்தலில் விளாடிமிர் புதின் வெற்றிப்பெற்றார். அவரின் இந்த வெற்றி எதிர்பார்க்கப்பட்ட ஒன்றாகவே உள்ளது; வெற்றியை தொடர்ந்து அடுத்த ஆறு ஆண்டுகளுக்கு மீண்டும் ரஷ்யாவின் அதிபராக செயல்படுவார் விளாடிமிர் புதின்.
1999ஆம் ஆண்டிலிருந்து ரஷ்யாவை பிரதமராகவோ, அதிபராகவோ ஆண்டு வரும் புதின், 76 சதவீதத்திற்கும் அதிகமான வாக்குகளை பெற்றுள்ளார் என அதிகாரபூர்வ முடிவுகள் தெரிவிக்கின்றன.
முக்கிய எதிர்கட்சி தலைவரான அலக்சே நவால்னி தோல்வியை சந்தித்துள்ளார்.
தேர்தலின் முதல்கட்ட முடிவுகளை தொடர்ந்து மாஸ்கோவில் நடைபெற்ற பேரணியில் பேசிய புதின், "கடந்த சில ஆண்டுகளாக நிகழ்த்தப்பட்ட சாதனைகளை வாக்காளர்கள் அங்கீகரித்துள்ளனர்" என தெரிவித்தார். 
»»  (மேலும்)

3/17/2018

இலங்கை முஸ்லிம்கள் மீதான தாக்குதல்களுக்கு எதிரான ஆர்ப்பாட்டம் -பிரான்ஸ்

அண்மையில்  இலங்கையில் முஸ்லிம்களுக்கெதிராக  இடம்பெற்ற  சிங்கள பெளத்த இனவாதிகளின்  திட்டமிட்ட தாக்குதல்களை கண்டிக்கும் முகமாக பிரான்சின் தலைநகர் பாரிஸில்  ஆர்ப்பாட்ட ஊர்வலமொன்று  செய்யப்பட்டுள்ளது. Résultat de recherche d'images pour "racisme"

பிரான்ஸ் வாழ் இலங்கையர்களினால் ஏற்பாடாகியுள்ள இந்த இனவாதத்துக்கெதிரான கண்டன ஆர்ப்பாட்டமானது  எதிர்வரும் சனியன்று(17/03/2018) அன்று  மாலை 2.30மணிக்கு தொக்கற்றோ மெட்ரோ நிலையத்திலிருந்து ஆரம்பமாகவுள்ளது.  


»»  (மேலும்)

மீள எழும் லெனின்

L’image contient peut-être : 1 personne  திரிபுராவில் பாரதிக ஜனதாவின் வெறியினால் வீழ்த்தப்பட்ட  லெனின் சிலையை தமிழகத்தில் நிறுவுவோம் என திராவிட இயக்க தமிழர் பேரவையினர் அறிவித்துள்ளனர். 
»»  (மேலும்)

3/16/2018

மலேசியா வல்லினம் இதழ் மீதான 'பன்முக வாசிப்பு' - பெரியார் வாசகர் வட்டம்- மட்டக்களப்பு

 மலேசியாவில் இருந்து வெளிவரும் வல்லினம் இதழ் மீதான "அறிமுகமும் உரையாடலும்" நிகழ்வொன்று எதிர்வரும் செவ்வாய்க்கிழமை 20/03/2018 அன்று  மட்டக்களப்பில் இடம்பெறவுள்ளது.

மலேசியாவில் இருந்து வரும் வல்லினம் இதழியல் குழுவினரும் நிகழ்வில் கலந்து கொண்டு சிறப்பிக்கவுள்ளனர்.  நிகழ்வினை ஏற்பாடு செய்யும் பெரியார் வாசகர் வட்டத்தின் புத்தக விற்பனைக் கூடமும் வாசகர்களுக்காய் மண்டபத்தில் காத்திருக்கின்றது.


»»  (மேலும்)

டெங்கு நோயாளர்கள் அதிகமுள்ள மாவட்டமாக மட்டக்களப்பு அறிவிப்பு

மட்டக்களப்பு மாவட்டத்தில் இந்த ஆண்டு 1260 டெங்கு நோயாளர்கள் இனங்காணப்பட்டுள்ளதாகவும் இலங்கையில் சனத்தொகையின் அடிப்படையில் டெங்கு நோயாளர்கள் அதிகமுள்ள முதலாவது மாவட்டமாக மட்டக்களப்பு மாவட்டம் இனங்காணப்பட்டுள்ளதாகவும் மட்டக்களப்பு சுகாதார வைத்திய அதிகாரி டாக்டர் கே.கிரிசுதன் தெரிவித்தார். டெங்கு நோயாளர்கள் அதிகமுள்ள மாவட்டமாக மட்டக்களப்பு அறிவிப்பு (படங்கள்)

மட்டக்களப்பு மண்முனை வடக்கு பிரதேசத்தில் பிரதேச அபிவிருத்தி மீளாய்வுக்கூட்டம் இன்று (15) காலை மண்முனை வடக்கு பிரதேச செயலக டேபா மண்டபத்தில் நடைபெற்றது.

மட்டக்களப்பு மாவட்ட பாராளுமன்ற உறுப்பினர்களான ஞா.சிறிநேசன் மற்றும் வியாழேந்திரன் தலைமையில் நடைபெற்ற இந்த கூட்டத்தில் கலந்துகொண்டு கருத்து தெரிவிக்கும்போதே அவர் இதனை தெரிவித்தார்.

அவர் இங்கு தொடர்ந்து கருத்து தெரிவிக்கையில், மட்டக்களப்பு மண்முனை வடக்கு பிரதேச செயலாளர் பிரிவில் பல்வேறு பிரச்சினைகள் காணப்படுகின்றன. டெங்கு அதிகளவில் காணப்படுகின்றன. அதனை தவிர அம்மை நோய் மற்றும் தொழுநோய் என்பன அண்மைக்காலமாக அதிகரித்துச்செல்லும் நிலையுள்ளது. நோய்களை அடையாளம் காண்போரின் எண்ணிக்கை அதிகரித்துச்செல்லும் நிலை காணப்படுகின்றது. அவற்றிக்கான தடுப்பு நடவடிக்கைகளும் முன்னெடுக்கப்பட்டு வருகின்றன.

கொழும்பு மாவட்டத்தில் இந்த ஆண்டில் நேற்றுவரையில் 1985 பேர் அடையாளம் காணப்பட்டுள்ளனர். மட்டக்களப்பு மாவட்டத்தில் இந்த ஆண்டில் நேற்றுவரையில் 1260 பேர் இனங்காணப்பட்டுள்ளனர். சனத்தொகை ரீதியாக பார்க்கும்போது டெங்கினால் பாதிக்கப்பட்டவர்கள் அதிகளவானோரைக் கொண்ட இலங்கையில் முதலாவது மாவட்டமாக மட்டக்களப்பு மாவட்டம் காணப்படுகின்றது.

மட்டக்களப்பு மாவட்டத்தில் அதிகளவான டெங்கு நோயாளர்கள் மண்முனை வடக்கு பிரதேசத்திலேயே இனங்காணப்பட்டுள்ளனர். 248 பேர் டெங்கு நோயாளர்கள் இனங்காணப்பட்டுள்ளனர். ஏறாவூர், ஆரையம்பதி பகுதிகளிலும் அதிகளவானோர் இனங்காணப்பட்டாலும் பாதிக்கப்பட்டவர்களில் அதிகளவானோர் மண்முனை வடக்கிலேயே இனங்காணப்பட்டுள்ளனர்.

டெங்கினால் மட்டக்களப்பு மாவட்டத்தில் இந்த ஆண்டு மூன்று மரணங்கள் ஏற்பட்டுள்ளபோதிலும் மண்முனை வடக்கு பிரதேசத்தில் எந்த மரணச்சம்பவங்களும் இடம்பெறவில்லை.

மண்முனை வடக்கு பிரதேச செயலகத்திற்குட்பட்ட பகுதிகளில் கல்லடி திருச்செந்தூர், கல்லடி வேலூர், நொச்சிமுனை ஆகிய கிராம சேவையாளர் பிரிவுகளிலேயே அதிகளவான டெங்கு நோயாளர்கள் இனங்காணப்பட்டுள்ளனர்.


»»  (மேலும்)

3/15/2018

சிங்கள, தமிழ் மற்றும் முஸ்லிம் பாடசாலைகளை இல்லாமல் செய்ய வேண்டும்

சிங்கள, தமிழ் மற்றும் முஸ்லிம் பாடசாலைகளை இல்லாமல் செய்ய வேண்டும் என அமைச்சர்கள் பைஸர் முஸ்தபா தெரிவித்துள்ளார். சிங்கள, தமிழ் மற்றும் முஸ்லிம் பாடசாலைகளை இல்லாமல் செய்ய வேண்டும்

இன்று (15) மல்வத்து மஹநாயக தேரரை சந்திக்க சென்ற போதே அவர் இவ்வாறு தெரிவித்துள்ளார்.

ஆரம்பகாலங்களில் சிங்கள, தமிழ் மற்றும் முஸ்லிம் என பாடசாலைகள் பிரிக்கப்படாமல் இருந்ததால் நாட்டில் உள்ள மக்களுக்கு இடையில் ஒற்றுமை காணப்பட்டது என அமைச்சர் தெரிவித்துள்ளார்.

தீவிரவாத அமைப்புகள் உலகில் உள்ள முஸ்லிம்களின் மனதில் பயங்கரவாதத்தை விதைத்து முஸ்லிம்களின் மனதை சிதைக்க முயன்ற போதிலும், எமது நாட்டிற்குள் அவ்வாறன செயற்பாடுகளை மேற்கொள்ள இலங்கையில் உள்ள முஸ்லிம் மக்கள் ஒருபோதும் வழிவிடப்போவதில்லை என அமைச்சர் மேலும் தெரிவித்துள்ளார்.
»»  (மேலும்)

3/14/2018

எனக்கு மரணம் குறித்த அச்சம் இல்லை

எனக்கு மரணம் குறித்த அச்சம் இல்லை. அதற்காக விரைவாக இறந்து போக வேண்டும் என்றில்லை. நான் முடிக்க வேண்டிய பணிகள் அதிகம் உள்ளன என்று ஒரு முறை கூறினார் ஸ்டீஃபன் ஹாக்கிங். அந்த அனைத்து பணிகளையும் முடித்துவிட்டாரா என்று தெரியவில்லை. 76 வயதில் இந்த பூவுலகை விட்டு சென்றிருக்கிறார் ஹாக்கிங். ஸ்டீஃபன் ஹாக்கிங்
ஹாக்கிங் இறப்பு குறித்து சிலரிடம் பேசினோம். அவர்கள், இயற்பியலை அனைவரும் புரிந்து கொள்ளும்படி விளக்கியவர் ஹாக்கிங் என்கிறார்கள்.
'சமகால ஐன்ஸ்டீன்'
சமகாலத்தில் நம்முடன் வாழ்ந்த ஐன்ஸ்டீனை இழந்திருக்கிறோம் என்கிறார் சென்னை பிர்லா கோளரங்கத்தின் இயக்குநர் அய்யம்பெருமாள்.
"கருந்துளை விரிவடையகிறது என்ற கருத்து இருந்த நிலையில், `இல்லை` கருந்துளை சுருங்குகிறது என்ற கோட்பாட்டை முன்வைத்து நிறுவியவர் ஸ்டீஃபன். பெருவெடிப்பு கோட்பாட்டை அவரைவிட யாராலும் எளிமையாக விளக்க முடியாது. அண்டவியல் ஆராய்ச்சியில் அவரின் பங்கு மகத்தானது." என்கிறார் அய்யம்பெருமாள்.
»»  (மேலும்)