Election 2018

10/30/2018

"தமிழ் அரசியல் கைதிகளை விடுதலை செய்யும் தரப்புக்கு ஆதரவு தர வேண்டும்" - புளட் சித்தார்த்தன்

தமிழ் அரசியல் கைதிகளை ஒரு மாத காலத்துக்குள் விடுதலை செய்ய வேண்டும் என்ற நிபந்தனையை ஏற்கும் தரப்புக்கு, தமிழ் தேசியக் கூட்டமைப்பு ஆதரவு வழங்க வேண்டும் என்று அந்த அமைப்பில் இடம்பெறுகின்ற புளட் அமைப்பின் தலைவர் தர்மலிங்கம் சித்தார்த்தன் கூறியுள்ளார்.Résultat de recherche d'images pour "புளட்"
தற்போது இலங்கையில் அரசியல் நெருக்கடி ஒன்று உருவாகியிருக்கும் நிலையில் ஐக்கிய தேசியக் கட்சிக்கா அல்லது மஹிந்த ராஜபக்‌ஷ தலைமையிலான சிறிலங்கா சுதந்திரக் கட்சி தலைமையிலான கூட்டமைப்புக்கா ஆதரவு வழங்குவது என்ற விசயத்தில் தமிழ் தேசியக் கூட்டமைப்பு ஒன்றாக இணைந்து ஒரு முடிவை எடுக்க வேண்டும் என்று கூறும் சித்தார்த்தன், தமிழ் தேசியக் கூட்டமைப்பு கூட்டாக எடுக்கும் முடிவுக்கு தமது அமைப்பு ஆதரவு வழங்கும் என்று கூறியதுடன், இருந்தபோதிலும், அந்தக் கூட்டமைப்புக்கு தலைமை தாங்கும் தமிழ் அரசுக் கட்சி தனிமையில் ஒரு முடிவை எடுத்துவிட்டு ஏனைய கட்சிகள் மீது அதனை திணிக்க முயலக்கூடாது என்றும் குறிப்பிட்டார்.
அதேவேளை, தமிழ் தேசியக் கூட்டமைப்பு இந்த விசயத்தில் எடுக்கும் முடிவு, தமிழ் மக்களின் நலனுக்கானதாக இருக்க வேண்டும் என்றும் அவர் குறிப்பிட்டார்.
»»  (மேலும்)

10/29/2018

புதிய அமைச்சரவை விவரங்கள்

மஹிந்த ராஜபக்ஷ - நிதி மற்றும் பொருளாதார அமைச்சர் L’image contient peut-être : 1 personne, debout
மஹிந்த சமரசிங்க - கப்பல் துறை மற்றும் துறைமுக அபிவிருத்தி அமைச்சர் 
மஹிந்த அமரவீர - விவசாய அமைச்சர்
சரத் அமுனுகம - வெளிவிவகார அமைச்சர்
நிமல் ஸ்ரீபால டீ சில்வா - போக்குவரத்து மற்றும் சிவில் விமானசேவைகள் ​அமைச்சர்
ரஞ்சித் சியம்பலாபிட்டிய - மின்வலு மற்றும் மீள்புதுப்பிக்கத்தக்க அமைச்சர்
விஜேதாச ராஜபக்ஷ - கல்வி மற்றும் உயர்க்கல்வி அமைச்சர்.(ஐக்கிய தேசியக் கட்சி)
விஜித் விஜேமுனி சொய்சா - மீன்பிடி மற்றும் நீரியல் வள கிராமிய அபிவிருத்தி அமைச்சர்
பைசார் முஸ்தபா - மாகாண சபைகள்இ உள்ளூராட்சி மற்றும் விளையாட்டுத்துறை அமைச்சர்
டக்ளஸ் தேவானந்தா - மீள்குடியேற்ற மற்றும் புனர்வாழ்வுஇ வடக்கு அபிவிருத்திஇ இந்து விவகார அமைச்சர்
ஆறுமுகம் தொண்டமான் - மலைநாட்டு புதிய கிராமங்கள் அபிவிருத்தி மற்றும் உட்கட்டமைப்பு வசதிகள் அமைச்சர்
வசந்த சேனநாயக்க - சுற்றுலத்துறை மற்றும் வனஜீவராசிகள் அமைச்சர்

பிரதியமைச்சர்
ஆனந்த அலுத்கமகே - சுற்றுலாத்துறை மற்றும் வனஜீவராசிகள் பிரதியமைச்சர்

இராஜாங்க அமைச்சர்கள்
வடிவேல் சுரேஷ் - பெருந்தோட்டக் கைத்தொழிற்றுறை இராஜாங்க அமைச்சர்
 
»»  (மேலும்)

ஆடிய ஆட் டமென்ன?

தமிழ் கூட்டமைப்பு மதியாபரணம்-சுமந்திரனுக்கும் மு.காங்கிறஸ் ரவூக்ஹக்கிமுக்கும் வழங்கப்பட்டிருந்த விசேட அதிரடிப்படை பாதுகாப்பு நீக்கப்பட்டுள்ளது  Résultat de recherche d'images pour "சுமந்திரனுக்கும்  விசேட அதிரடிப்படை பாதுகா" 
»»  (மேலும்)

மஹிந்த ராஜபக்ஷ இலங்கை பிரதமர் பதவிக்கான கடமைகளை ஏற்றார் - ரணில் நிலை என்ன?

இலங்கையில் அதிபர் சிறிசேனவால் பிரதமராக நியமிக்கப்பட்ட ராஜபக்ஷ இன்று பிரதமராக கடமைகளை ஏற்றுக் கொண்டார்.ராஜபக்ஷ - ரணில்
பெளத்த மதத் தலைவர்கள் முன்னிலையில் பொறுப்பேற்றுக் கொண்ட ராஜபக்ஷவுடன் சில அமைச்சர்களும் பொறுப்பேற்றனர்.
ராஜபக்‌ஷவும் அதிபரால் பதவி நீக்கப்பட்ட அதிபர் ரணில் விக்கிரமசிங்கவும் தங்கள் பலத்தைக் காட்டும் வகையில் நாடாளுமன்றம் எப்போது கூடும் என்று எதிர்பார்ப்பு நிலவிய நிலையில் உத்யோகபூர்வமாக பிரதமர் அலுவலகத்தில் அவர் தமது கடமைகளை ராஜபக்ஷ ஏற்றுக் கொண்டார்.
ஜனாதிபதி தம்மை பதவி நீக்கினாலும், அப்படி நீக்குவதற்கு அரசமைப்புச் சட்டத்தில் இடமில்லை என்று கூறி, தாம் இன்னமும் பிரதமரே என்று கூறி வருகிறார் ரணில் விக்கிரமசிங்க. அவருக்கு நிர்வாகம் ஒத்துழைப்பு வழங்குமா? அவரது நிலை என்னவாகும் என்ற கேள்வியை இந்த கடமை ஏற்பு விழா எழுப்பியுள்ளது.
»»  (மேலும்)

10/28/2018

அலரி மாளிகை வாசம்

யார் அலரி மாளிகையில் குடியிருப்பது என்பது இங்கு இப்போது விவாதம். ரணில் உடனடியாக போக வேண்டும் என்று புதிய பிரதமர் தரப்பு வலியுறுத்த, அவர் தரப்போ இழுத்தடிக்க இப்படி போகிறது இலங்கை அரசியல். L’image contient peut-être : 1 personne, debout
பிரதமர் அலுவலகத்தில் குடியேறுவதும் வெளியேறுவது கடந்த காலங்களில் பல தடவை சர்ச்சையாகியுள்ளன.L’image contient peut-être : ciel, herbe, arbre et plein air
ஆனால், இலங்கையின் பிரதமராக இருந்த விஜெயானந்த தஹாநாயக்க என்பவரின் கதை பலருக்கு தெரிந்திருக்க வாய்ப்பில்லை. இவர் வினோதமானவர். 1950 – 1960 இல் சில மாதங்கள் இலங்கையின் பிரதமராக காபந்து அரசாங்கத்தில் பதவி வகித்தவர். எஸ்.டபிள்யூ.ஆர்.டி பண்டாரநாயக்கா புத்த பிக்கு ஒருவரால் சுட்டுக்கொல்லப்பட, இவர் அரசுக்கு தற்காலிகமாக தலைமை தாங்கினார். பிரதமரானார். அலரி மாளிகையில் குடியேறினார்.
அவரது ஆட்சிக்காலம் கொஞ்சம் சர்ச்சை நிறைந்ததுதான். பலரை தூக்கி வீசினார். அப்படி இப்படி அது நடந்தது சில மாதங்கள்.
ஆனால், தேர்தல் நடந்து, அடுத்த ஆட்சி அமைந்தது. அலரிமாளிகையில் இருந்த பணியாளர்கள் இவருக்கு காலை உபசாரங்களுக்காக அவரை தேடினராம், ஆனால் அவரைக் காணவில்லை.
அலரி மாளிகை வாசலுக்கு வந்த அவர், அங்கு காலிவீதியில் (கோல்பேஸ் வீதி) வந்த காலி பஸ்ஸை நிறுத்தி ஒரு குடையுடன் ஏறி அப்படியே ஊருக்கு போய்விட்டாராம்.
இப்படிப்பட்ட பிரதமரும் இருந்த இடந்தான் இந்த அலரி மாளிகை. அதற்கு இப்படியான பின்னணி எல்லாம் இருக்கிறது. நான் எந்தக் கருத்தும் இங்கு சொல்லவில்லை.(No comment). கருத்தை நீங்கள்தான் சொல்ல வேண்டும்.
நன்றி *சீவகன் பூபாலபிள்ளை- முகநூல் 
»»  (மேலும்)

வடிவேல் சுரேஷ், பிரதமர் மஹிந்தவுக்கு ஆதரவு

  ஐக்கிய தேசியக் கட்சியின் பதுளை மாவட்ட நாடாளுமன்ற உறுப்பினர் வடிவேல் சுரேஷ்இ புதிய பிரதமராக நியமிக்கப்பட்டுள்ள முன்னாள் ஜனாதிபதி மஹிந்த ராஜபக்ஷவை இன்று (28) காலை சந்தித்துஇ தனது ஆதரவைத் தெரிவித்துள்ளார்.
»»  (மேலும்)

10/27/2018

முன்னாள் ஜனாதிபதி மஹிந்த ராஜபக்ஷ புதிய பிரதமராகப் பதவியேற்றுக் கொண்டிருக்கிறார்

இலங்கை அரசியலில் திடீர் திருப்பமாக, முன்னாள் ஜனாதிபதி மஹிந்த ராஜபக்ஷ புதிய பிரதமராகப் பதவியேற்றுக் கொண்டிருக்கிறார்.பிரதமராக பதவியேற்றுக் கொண்டார் மகிந்த ராஜபக்ச
ஜனாதிபதி மைத்திரிபால சிறிசேன முன்னிலையில் மஹிந்த ராஜபக்ஷ இன்று பதவியேற்றுக்கொண்டதாக ஜனாதிபதி செயலகம் அதிகாரப்பூர்வமாக அறிவித்துள்ளது.
இலங்கையில் ஜனாதிபதியாக இலங்கை சுதந்திரக்கட்சியின் தலைவர் மைத்திரிபால சிறிசேன பதவி வகிக்கின்ற போதிலும், ஐக்கிய தேசியக் கட்சியின் தலைவர் ரணில் விக்கிரமசிங்கவே பிரதமராக பதவி வகித்தார்.
அந்தக் கட்சியின் போட்டிக்கட்சியான மைத்திரிபால சிரிசேனவின் ஐக்கிய மக்கள் சுதந்திரக் கூட்டமைப்புடன் இணைந்து ஐக்கிய தேசிய கட்சி நல்லாட்சி அரசாங்கம் என்ற பெயரில் ஒரு கூட்டணி அரசாங்கத்தை அமைத்திருந்தது.
ஆனாலும், ஐக்கிய தேசியக் கட்சிக்கும் ஐக்கிய மக்கள் சுதந்திரக் கூட்டமைப்புக்கும் இடையே கடுமையான முரண்பாடுகள் நீடித்து வந்தன.
இந்த நிலையில் மைத்ரிபால சிரிசேன அவர்களின் ஐக்கிய மக்கள் சுதந்திரக் கூட்டமைப்பு, கூட்டணி அரசுக்கான தனது ஆதரவை விலக்கிக் கொண்டுள்ளதுடன் மஹிந்த ராஜபக்‌ஷ சற்று முன்னதாக ஜனாதிபதியின் முன்பாக புதிய பிரதமராக பதவிப்பிரமாணம் செய்துகொண்டார். அவரது பதவிப் பிரமாணம் செய்த காட்சிகளை தொலைகாட்சிகள் ஒளிபரப்பின.
நல்லாட்சி அரசாங்கத்தில் இருந்து ஐக்கிய மக்கள் சுதந்திரக் கூட்டமைப்பு விலகிக் கொள்வதாக இன்று மாலை அறிவித்தது. இதனையடுத்து மஹிந்த ராஜபக்ஷ ஜனாதிபதி மைத்திரிபால சிறிசேன முன்னிலையில் பிரதமராக பதவியேற்றுள்ளார்.

»»  (மேலும்)

10/26/2018

கனடாவில் கந்தலாகி கிழிந்த தமிழ் தேசியம்

கனடாவில் நடைபெற் சிறிய வட்டாரத் தேர்தலில் ஐந்து தமிழர்கள் போட்டியிட்டு தோல்வி கண்டனர்.
Drapeau
உஸ்மான் காலித் 3308 வாக்குகள். 24.14% இவரே வென்றவர்.ஏனைய தமிழ் வாக்காளர் விபரம்.
லோகன் கணபதி கீர்திகா 2635 19.23%
செல்லையா கிள்ளி1961. 14.31%
வரதராச மலர் 1587. 11.58%
செல்லா சோதி 481. 3.51%
சிறீநாதன் இலகுப்பிள்ளை 236 1.72%
இங்கே போட்டியிட்ட அனைவரும் தமிழ்,தமிழர்,தமிழின ஒற்றுமை என பேசுபவர்கள்.தமிழர்கள்மேல் அக்கறை உள்ளவர்களாக காட்டிக்கொள்பவர்கள்.தமிழையும்,தமிழர்களையும் வைத்து பிழைப்பு நடத்துபவர்கள்.
இவர்கள் தமிழர்களாக இனப்பற்றாளர்களாக நடந்துகொள்ள முடியவில்லை.ஒரு சிறிய பதவியைக்கூட இனத்துக்காக தியாகம் பண்ண முடியவில்லை.இங்கே 75% வீத மக்களால் நிராகரிக்கப்பட்ட ஒருவர் வெறும் 24 வீத வாக்குகள் பெற்று வட்டார பிரதிநிதியாகி இருக்கிறார்.
எங்கே போனது தமிழப் பற்று? எங்கே போனது இனப்பற்று?இந்தக் கும்பல்களுக்கே தமது வாக்குகளை பிரித்து வழங்கிய தமிழர்களை என்னவென்பது? எப்படி இருக்கிறது புலம் பெயர்ந்த தமிழர்களில் அரசியல்? அரசியல் அறிவு?
ஒரு பல்லின மக்களை வரவேற்கும் நாட்டில்,பல்லின மக்கள் வாழும் நாட்டில் மற்றவர்களோடு ஒற்றுமையாக வாழவேண்டாமா?இங்கே வந்து வளமான கல்வி பொருளாதார வசதிகளைப் பெற்றும் இன,மொழிரீதியான வாழ்க்கை தேவையா?மற்ற சமூகங்களோடு இணங்கி உறவாடி வாழ வேண்டாமா?இலங்கையில் சிங்கள இனவெறியை காரணமாக்கி புலம் பெயர்ந்து வந்தோம்.நாங்களே இனவாதிகளாக மற்றவர்களுக்கு அடையாளத்தை கொடுக்கிறோம்.
இனவாதம் என்பது போலியானது.சந்தர்பவாதமானது.சிலரின் தேவைக்குப் பலரை பலிகொடுப்பதே இனவாதம்.தமிழ் இனவாதத்தின் போலிமுகம் மார்க்கம் வட்டார தேர்தலில் அம்பலமானது.இங்கே போட்டியிட்டவர்கள் அறிவற்றவர்கள் அல்ல.வெறும் சுயநலவாதிகள்.
லோகன் கணபதி கீர்திகா ஒன்ராரியோ பாராளுமன்ற உறுப்பினரின் மகள்.குடும்ப அரசியலை லோகன் கணபதி குடும்பம் கொண்டுவர முயன்றது.கிள்ளி செல்லையா முன்னாள் தமிழரசுக்கட்சிப் பேச்சாளர் செல்லையாவின் மகன்.சிறீநாதன் இலகுப்பிள்ளை இவர் கனடா அணுமின் நிலைய நிர்வாகியாக பணியாற்றிய இலகுப்பிள்ளை அவர்களின் மகன்.இவர்களால் சிறிய பதவியைக்கூட இனத்துக்காக விட்டுக் கொடுக்க முடியவில்லை.இனவாதம் தோல்விகண்டது.இனவாத முகத்திரை கிழிக்கப்பட்டது.
கனடாவாழ் தமிழர்களே கனடியர்களாக வாழுங்கள்.கனடியர்களாக சிந்தியுங்கள்.தோல்வி கண்டது தமிழ்த் தேசியம்.இனி வேண்டாம்.எங்கே போனாலும் இனவாத மதவாத உணர்வுகளை காவிச் செல்வதை நிறுத்தவேண்டும். 
நன்றி *முகநூல் வியஜபாஸ்கர் 


»»  (மேலும்)

10/22/2018

சிறையிலிருந்து யாழ்ப்பாணம் சென்ற பிள்ளையான்

 முதலாவது கிழக்கு மாகாண சபையின் முதலமைச்சராக இருந்தவர் பிள்ளையான் என்றழைக்கப்படும் சந்திரகாந்தன் ஆகும். இவரது ஆட்சிக்காலம் கிழக்கின் பொற்காலம் என்றழைக்கப்படுமளவுக்கு பல்வேறு விதமான அபிவிருத்தி திட்டங்கள்  நடந்தேறின. Image associée

ஆனாலும் தமிழரசு கட்சியினர் அவரை தமிழ் தேசிய துரோகி என்றே அழைத்தனர். இரண்டாவது முறையான கிழக்கு மாகாண சபையில் அவரே முதல்வரானால் தமது அறுபது வருட தமிழ் தேசிய வியாபாரம் பாழடிக்கப்பட்டுவிடும் என்று பயந்தனர். எனவே முஸ்லீம் காங்கிரசுடன் இணைந்து பெரும் சதி செய்து அவரை தோற்கடித்தனர்.  

ஆனாலும் நிழலின் அருமை வெயிலில் தெரியும் என்பதற்கிணங்க மக்கள் மத்தியில்  பிள்ளையான் போன்ற ஒரு ஆளுமையான தலைமை இல்லாத குறை தெரிய ஆரம்பித்தது. இந்த ஆதங்கம் தமிழரசு கட்சியின் ஆதரவாளர்கள் மத்தியிலிருந்தும் வெளிப்பட தொடங்கியதுதான் அதிசயம். 

இதன்காரணமாக பிள்ளையான் தொடர்ந்து அரசியல் செய்தால் கிழக்கில் தாம் ஓரங்கட்டப்படுவது நிட்சயம் என்பதை உணர்ந்து கொண்ட தமிழரசு கட்சியினர் ரணில்- சம்பந்தன் கூட்டரசாங்கத்தை பயன்படுத்தி அவரை சிறையிலடைத்தது.

பிள்ளையான் கடந்த மூன்று வருடகாலமாக தள்ளுபடியாக வேண்டிய வழக்கொன்றின் பெயரில் சிறையிலிருக்கின்றார்.அவர் சிறையிலிருந்தால் மக்கள் மத்தியில் பெருகி வரும் அவரது செல்வாக்கும் கட்சியின் வளர்ச்சியும்  தடைப்படும் என்று தமிழரசு கட்சியினர் போட்ட கணக்கு பிழைத்து போனது. கடந்த ஜனவரி மாதத்தில் இடம்பெற்ற உள்ளுராட்ச்சி மன்ற தேர்தலில் பிள்ளையான் தலைமையிலான தமிழ் மக்கள் விடுதலை புலிகள் கட்சி எதிர்பாராத வெற்றி கண்டது. 

 பிள்ளையான் மீது எவ்வளவோ துரோக சேறடிப்புகளை தமிழரசு கட்சியினர்  செய்து வந்தாலும் அவையனைத்தும்  அரசியல் காழ்ப்புகளால் சோடிக்கப்பட்டவை என்கின்ற மக்களுக்கு புரிய ஆரம்பித்துள்ளது.

 அதுமட்டுமன்றி பிள்ளையானின் மக்கள் நலன்சார்ந்த செயற்பாடுகள் பற்றிய மறைக்கப்பட்ட பல உண்மைகள்  வெளிவரத்தொடங்கியுள்ளன.

அந்தவகையில் கிழக்கில் மட்டுமல்ல வடக்கு மாகாணமக்களிடத்திலும்  பிள்ளையான் போன்றவர்களின்  ஆளுமை மிக்க அரசியல் பிரசன்னத்தின்  அவசியம்  உணரப்படுகின்றது. 

கடந்த சனிக்கிழமை 20.10.2018 யாழ். இந்துக் கல்லூரியில் நடைபெற்ற கூட்டத்தில் வடக்கு கிழக்கு மாகாண காணி ஆணையாளராக பணியாற்றி ஓய்வு பெற்ற திரு. குருநாதன் பிள்ளையானின் ஆட்சிக்காலம்  பல தகவல்களை தெரிவித்தார். 

ஒருதடவை மத்திய அரசு 4000 சிங்கள மக்களை கிழக்கில் குடியேற்ற அனைத்து ஏற்பாடுகளையும் செய்து விட்டார்கள். நான் அப்போது முதல்வராக இருந்த பிள்ளையானை சந்தித்து விஷயத்தை கூறினேன். அவர் என்முன்னாலேயே ஜனாதிபதி மகிந்த ராஜபக்ஷவுடன் பேசி அதனை தடுத்து நிறுத்தினார் என தெரிவித்தார். உண்மைகள் உறங்குவதில்லை என்று சொல்வது பொய்யல்லவே.



»»  (மேலும்)

வடக்கின் 05 வருட சாபம் வரும் 24ஆம் திகதியுடன் நீங்குகிறதா?


அன்பார்ந்த தமிழ் பேசும் மக்களே!L’image contient peut-être : une personne ou plus
வடக்கின் 05 வருட சாபம் வரும் 24ஆம் திகதியுடன் நீங்குகிறதா?
அன்பார்ந்த தமிழ் பேசும் மக்களே!
பல தசாப்த போராட்டம், பல ஆயிரம் உயிரிழப்புக்கள், வீரமறவர்களின் உயிர்க் கொடைகள், அனைத்து இயக்கப் போராளிகளின் தியாகங்களால் உருவானதே இந்த மாகாண சபை முறைமையாகும்.
இந்த பொன்னான வாய்ப்பையும், அல்லோலப்பட்டுக் கொண்டிருந்த தமிழ் மக்களினுடைய எதிர்காலத் தலைவிதியையும் நிர்ணயிக்கும் இந்த ஆட்சி அதிகாரத்தை “ஐந்து வருடங்களை நாம் வீணடித்துவிட்டோம்” என்று சீ.வி.கே.சிவஞானம் அவர்களும், “விக்கியை முதல்வராக்கியமை நான் செய்த பெரும் பாவமே” என திரு. மாவை சேனாதிராஜா அவர்களும், சுமந்திரன் அவர்களோ தகுதியற்ற தலைவராக விக்னேஸ்வரனை வினவ முற்பட்டதும் காலம் கடந்த ஞானங்களே!
எமது சமூகம் என்றுமே எதிர்நோக்கியிராத இந்த அவலங்களைத் துடைத்திருக்க வேண்டியவர்கள் ஆளுக்காள் மாறிமாறி அறிக்கை விடுவதில் எமக்கு ஆழ்ந்த வேதனையை ஏற்படுத்துகிறது.
ஒரு குழந்தை தான் பிறந்து ஐந்து வருடங்களை இந்த மாகாண சபைக் காலத்தில் பூர்த்தி செய்துள்ளது. ஓர் ஐந்தாம் ஆண்டு படித்த மாணவன் 10ஆம் ஆண்டு வரை தனது கல்வியைப் பூர்த்தி செய்திருப்பான். ஓர் பல்கலைக்கழகத்திற்குத் தெரிவான மாணவன் தனது பல்கலைக்கழகப் படிப்பை முடித்து, வெளியேறியிருப்பான். வெளியேறியவனோ இன்று வீதியில் நின்று அழுகிறான். தனது படிப்பிற்கு ஏற்ற வேலைவாய்ப்பு இல்லாமையினை உணர்ந்து.
இலங்கை அரசியல் வரலாற்றில் எனது அறிவுக்கு எட்டியவரை பட்டதாரி மாணவர்களின் போராட்டமானது, வடக்குக் கிழக்கு எங்கும் நீண்டதொரு போராட்டமாக மேற்கொள்ளப்பட்டு, இன்றுவரை சரியானதொரு முடிவை அல்லது தீர்வை எட்டமுடியாமல் காலம் உருண்டோடியுள்ளது.
இதற்கெல்லாம் பொறுப்பானவர்கள் யார்? ஆட்சிபீடம் ஏறிய இவர்கள் அவசர அவசரமாக தமது இருப்புக்களை நிலைநிறுத்த முற்பட்டதும், சுயதம்பட்டமடித்துக் கொண்டதும், ஊழல் குற்றச்சாட்டில் சிக்கித் தவித்ததும், சொகுசு வாகனங்களுக்கு அடிபட்டதும் வரலாறாகக் கழிந்து போகிறது.
மக்கள் மீது சுமத்தப்பட்ட இந்தக் கொடுமைகளுக்கு, இந்த வரலாற்றுத் தவறை இழைத்தவர்களுக்கு யார் பதிலிறுப்பது? போரின் வடுக்களில் சிக்கிய மக்கள் நோயாளிகளாகவும், குறிப்பாக மனநோயாளிகளாகவும் இன்று சமூகத்தில் உலா வந்து கொண்டிருக்கிறார்கள். ஒருவேளை உணவுதனும் நிரந்தரமில்லாத சூழலில் மக்களின் வரிப்பணத்தில் சொகுசு வாழ்வை அனுபவித்த இவர்கள், அரசியல் பிரபல்யம் தேடிக் கொண்ட இவர்கள் இன்னுமொரு முறை ஆட்சிக் கட்டில் ஏறத்துடிப்பதும், அதை நோக்கிக் காய்களை நகர்த்துவதும் வேடிக்கையானதும், தேவனைதரும் விடயமானதும், அரசியல் வறுமைத்தனமுமாகும்.
எந்தத் தகுதியுமற்ற தலைவனாக வடக்கை ஆளவந்த விக்னேஸ்வரனை இன்னுமொருமுறை மறந்தேனும் வாக்களித்து மகுடம் சூட்ட தமிழ் பேசும் மக்கள் தயாராக இருக்க முடியாது. கடதாசிப் புலிகளாக பல கைங்கரியங்களுடன் ஆவாக் குழுவாகவும், வாள்வெட்டுக் கலாசாரமுமாக தலைவிரித்தாட, தூபம் காட்டிக் கொண்டு தமது அரசியல் இருப்பை வடக்கில் நிறுவிக்கொள்ள விக்னேஸ்வரனின் முதுகில் சவாரி செய்ய முற்படும் கஜேந்திரகுமார் பொன்னம்பலம் போன்றவர்களுக்கு எதிர்வரும் காலங்களில் எமது மக்கள் தகுந்த பாடத்தினைப் புகட்ட வேண்டும்.
உருண்டுகொண்டிருக்கும் இவ்வுலகினில், மாறிவரும் அரசியல் சூழலில் சரியானதொரு அரசியல் தலைமையை தமிழ் பேசும் மக்கள் வடக்கில் நிறுவ வேண்டும். அரசியல் ஆளுமையும், ஏன்? ஆன்மீக ஆளுமையும் வழிகாட்டல் தெளிவுமற்ற விக்னேஸ்வரனை வடக்கிலிருந்து மக்கள் தூக்கியெறியும் காலம் வெகு தொலைவில் இல்லை என்ற நம்பிக்கையுடன், மக்களே எங்கள் ஆதங்கங்களை உங்கள் சிந்தனைக்குச் சமர்ப்பிக்கின்றோம்.
என்றும் நாம் மக்களுக்காக!
நன்றி.

»»  (மேலும்)

10/18/2018

அரசியற் கைதிகள் விடுதலையை உறுதிப்படுத்த வேண்டும். SDPT

தமிழ்த் தேசியக் கூட்டமைப்பினர் தாம் வாக்குறுதி அளித்து பொறுப்பேற்றுள்ளபடி அரசியல் கைதிகள் விரைவில் விடுதலை செய்யப்படுவதை உறுதிப்படுத்த வேண்டும். L’image contient peut-être : 4 personnes, dont Varathar Rajan Perumal
இலங்கையின் பல்வேறு சிறைகளில் கடந்த பல ஆண்டுகளாக பயங்கரவாத தடைச்சட்டத்தின் கீழ் மனிதாபிமானமற்ற ரீதியில் அடைத்து வைக்கப்பட்டிருக்கும் தமிழ் அரசியற் கைதிகள் தமக்கான நீதியையும் நியாயமான சட்டத்தின் ஆட்சியையும் கோரி நடத்தி வந்த காலவரையறையற்ற உண்ணாவிரதப் போராட்டத்தை நிறுத்தும்படியும், விரைவில்; அவர்களது விடுதலையை நிச்சயமாக்குவதாகவும் தமிழ் தேசியக் கூட்டமைப்பினர் பொறுப்பேற்றுக் கொண்டுள்ளமை வரவேற்கத்தக்கதே.
தமிழ்த் தேசியக் கூட்டமைப்பினர் கடந்த காலங்களில் இவ்வாறுதான் ஒவ்வொரு சந்தர்ப்பத்திலும் தமிழ் அரசியற் கைதிகள் விவகாரத்தில் வாக்குறுதி அளிப்பதுவும் பின்னர் அவற்றை காற்றிலே பறக்க விடுவதுமான நடைமுறையைக் கடைப்பிடித்து வந்துள்ளனர். அவ்வாறு இந்தத் தடவை நடந்து கொள்ளக் கூடாது என எதிர்பார்க்கிறோம். பயங்கரவாத தடைச் சட்டத்தின் கீழுள்ள அரசியற் கைதிகள் அனைவரும் மிக விரைவில் விடுதலை செய்யப்படும் வகையாக தமிழத் தேசியக் கூட்டமைப்பினர் தமக்குள்ள வாய்ப்புக்களைப் பயன்படுத்தி காத்திரமான நடவடிக்கைகளை மேற்கொள்ள வேண்டும்.
இந்த அரசாங்கத்தின் அதிகாரக்; கதிரைகளைக் காப்பாற்றுவதிலும், சர்வதேச மட்டத்தில் அதன் கௌரவத்தைப் பேணுவதிலும் கடந்த சில ஆண்டுகளாக தமிழ் தேசியக் கூட்டமைப்பினரே உறுதுணையாக செயற்பட்டு வந்துள்ளனர். அதற்காக அவர்கள் தமது அரசியல் முகமூடிகளையெல்லாம் மாற்றிக் கொண்டுள்ளதுடன் எத்தனையோ அடிப்படையான விடயங்களில் தமிழ் மக்களுக்கு தேர்தற் காலங்களில் அளித்த வாக்குறுதிகளையெல்லாம் பின்னர் அவர்கள் எந்த அரங்கத்திலும் முன்னெடுக்காமற் போனவை அனைவரும் அறிந்ததே.
தமிழ் அரசியற் கைதிகளின் விடயம் இப்போது தமிழர்கள் அனைவரினதும் கரிசனைக்குரிய முதன்மையான விடயமாகியுள்ளது. தமிழ் மக்களின் வாக்குகளை அமோகமாகப் பெற்று பாராளுமன்றத்தில் இப்போதும் பலமான ஒரு நிலையிலேயே தமிழ்த் தேசியக் கூட்டமைப்பினர் உள்ளனர். தமிழ் அரசியற் கைதிகளின் உண்ணாவிரதப் போராட்டத்தின் காரணமாக தாம் எதிர்நோக்கிய அரசியல் நெருக்கடியை கெட்டித்தனமாக வாக்குறுதிகள் மூலம் சமாளித்து விட்டதாகக் கருதாமல் தமது சாணக்கியங்களை அரசை நோக்கிப் பிரயோகித்து மிக விரைவில் அரசியற் கைதிகள் அனைவரும் விடுதலை செய்யப்படுவதை உறுதி செய்வது தமிழ்த் தேசியக் கூட்டமைப்பினர் பொறுப்பேற்றுக் கொண்டுள்ள கடமையாகும்.
அடுத்த மாதம் அரசாங்கம் சமர்ப்பிக்கப் போகும் வரவு செலவுத் திட்டமானது 2020ம் ஆண்டில் நடைபெறவுள்ள தேர்தல்களுக்கு உரிய வகையில் தமது வாக்கு வங்கிகளைக் காப்பாற்றிக் கொள்வதற்காகவும் அவற்றை விரிவுபடுத்துவதற்குமான தந்திரங்களைக் கொண்ட ஒன்றாகவே அமையப் போகின்றது. எதிர்வரும் வரவு செலவுத் திட்டம் நாட்டின் பொருளாதார நெருக்கடிகளை மேலும் மோசமானதாகவே ஆக்கும். அத்துடன் பொருளாதார நிலையில் கீழ்மட்டத்திலுள்ள மக்களின் வாழ்க்கைத் தரத்;தை மேலும் கீழேயே தள்ளும். ஆந்த வகையில் தமிழ் மக்களும் பாதிக்கப்படப் போகின்றார்கள். அவ்வாறான ஒரு வரவு செலவுத் திட்டத்தை ஒரு பொறுப்பான எதிர்க் கட்சியாகச் செயற்பட்டு விமர்சித்து, எதிர்த்து வாக்களிப்பது தமிழ்த் தேசியக் கூட்டமைப்பின் கடமையாகும்;.
தமிழ் அரசியற் கைதிகள் விடயத்தில் வரவு செலவுத் திட்டத்தை அரசுடன் தமிழ் அரசியற் கைதிகள் தொடர்பாக பேரம் பேசுவதற்கான ஒரு கருவியாக தமிழ்த் தேசியக் கூட்டமைப்பினரால் பயன்படுத்த முடியாது. மாறாக கடந்த காலங்களைப் போல அவர்களின் தனிப்பட்ட நலன்களுக்கு மட்டுமே பயன்படலாம்;. வரவு செலவுத் திட்டத்தை சாதாரண பெரும்பான்மையினால் அரசாங்கத்தினால் நிறைவேற்றிட முடியும். தமிழ்த் தேசியக் கூட்டமைப்பின் ஆதரவு இல்லாமலேயே அரசாங்கத்தினால் அதனை நிறைவேற்றிக் கொள்ள முடியும். எனவே அது தமிழ் அரசியற் கைதிகள் விடயத்தில் ஒரு காத்திரமான கருவியாக அமையமாட்டாது. அவ்வாறான அணுகுமுறை தமிழர் தரப்புக்குத் தோல்வியாகவே முடியும்.
ஆனால், வேறு பல பிரதானமான விடயங்களில் இன்றைய அரசாங்கத்துக்கு தமிழ்த் தேசியக் கூட்டமைப்பின் துணை மிகவும் தேவையானதொன்றாக உள்ளது. அவற்றின் அடிப்படையிலேயே தமிழ்த் தேசியக் கூட்டமைப்பினர் உரிய முறைகளில் நேர்மையாகவும், உண்மையான தியாக சிந்தனையுடனும் செயற்பட வேண்டும். மேலும் அவர்களே காந்தீய வழியில் நேரடியாக போராட்டங்களை முன்னெடுத்து அரசை இணங்கும் நிலைக்குக் கொண்டு வர வேண்டும். இவ்வாறாக தமிழ்த் தேசியக் கூட்டமைப்பினர் வினைத்திறனுடன் செயற்பட்டு அரசியற் கைதிகள் அனைவரினதும் விடுதலையை உறுதிப்படுத்த வேண்டும் என வலியுறுத்துகிறோம்.
இவ்வறிக்கையை வெளியிடுபவர்
அ. வரதராஜா பெருமாள்,
கட்சி அமைப்புச் செயலாளர், தமிழர் சமூக ஜனநாயகக் கட்சி.
முன்னாள் வடக்கு-கிழக்கு மாகாண முதலமைச்சர்.

»»  (மேலும்)

10/15/2018

மட்டக்களப்பு பஸ் நிலையத்தில் பிள்ளையானுக்கு நன்றி சொல்லும் செல்வா

1978ல் உருவாகிய மட்டக்களப்பு நகரின் பிரதான புதிய பஸ்நிலையம் இந்த நீண்ட போர்க்காலத்தின் ஒருயுத்த கைதியை போல நலிந்து மெலிந்து ஒரு நடைபிணமாக காட்சியளித்தது. மட்டக்களப்பு வாவிதனில் மீன்கள் பாடவில்லை. பிணவாடைகள் மட்டுமே வீசின.L’image contient peut-être : une personne ou plus, personnes debout, ciel et plein air
எப்போது இந்த நிலை மாறும்? எப்போது எமது இயல்புவாழ்வு திரும்பும்? எப்போது இந்த வாவியிலே மீண்டும் மீன்கள்பாடும்? காலத்தின் மீது நம்பிக்கையிழந்து காத்துக்கிடந்தனர் மக்கள். சுருங்க சொன்னால் பாரதி பாடியதுபோல் என்றெமதின்னல்கள் தீர்ந்து பொய்யாகும்? என்று மக்களுடன் சேர்ந்து மட்டக்களப்பு பஸ் நிலையமும் காத்துக்கிடந்தது. ஆனால் ஒவ்வொரு பாராளுமன்ற தேர்தலிலும் தமிழ்-முஸ்லீம் அரசியல்வாதிகள் வந்தார்கள், வென்றார்கள், சென்றார்கள், எவருக்குமே இந்த மட்டக்களப்பு நகரின் பிரதான பஸ்நிலையம் கிடந்த கோலம் தெரியவில்லை. அதனை மீள கட்டியெழுப்ப வேண்டும் என்கின்ற ஓர்மம் வரவில்லை. ரிஸ்வி சின்னலெப்பை, சம்பந்தமூர்த்தி, செல்வராஜா, கோவிந்தன் கருணாகரன் (ஜனா), பிரின்ஸ் காசிநாதர், சாம் தம்பிமுத்து, கணேசமூர்த்தி பசிர் சேஹுதாவுத், அமிர்அலி, ஹிஸ்புல்லா, அலிசாகிர் மெளலானா, துரைராசசிங்கம், வெள்ளிமலை, ஜோசேப் பரராசசிங்கம், கனகசபை, தங்கேஸ்வரி, அரியநேந்திரன், ---- என்று எண்ணற்ற தலைமை கள் ஒவ்வொன்றாக கடந்து சென்றன.

ஆம் மட்டக்களப்பு மாநகரம் மீண்டும் தன்னை புது பொலிவு பெறசெய்யப்போகும் அந்த மைந்தனின் வரவுக்காக முப்பது வருட காலமாக காத்துக்கிடந்தது. அவனது பெயர் பிள்ளையான் என்றிருக்கும் என அதுவரை காலமும் யாருமே எண்ணிப்பார்த்திருக்கவில்லை.இந்த வரலாற்றின் நீட்சியில் கிழக்கு மாகாணத்தின் முதலாவது முதலமைச்சராக திகழ்ந்த பிள்ளையானின் ஆட்சிகாலமே எவருமே கண்டிருக்காத அந்த கனவை நனவாக்கியது என்பதை யாரும் மறுத்துரைக்க முடியாது..

* கடைத்தொகுதிகளுடன் கூடிய புதிய மத்திய பஸ் நிலையம் 7கோடி ரூபாய்கள் செலவில் பிரமாண்டமானதொன்றாக கட்டப்பட்டது.அந்த பஸ் நிலைய முன்றலில்தான் செல்வநாயகத்தின் சிலை இன்று திறந்து வைக்கப்பட்டுள்ளது.

»»  (மேலும்)

10/11/2018

மாவை

L’image contient peut-être : une personne ou plus, personnes assises et intérieur 
»»  (மேலும்)

செங்கலடிமத்தியகல்லூரி ஆசிரியர் காட்டுமிராண்டித்தனம் .


மாணவர்கள் மீது அக்கறையுடனும் கரிசனையுடனும் நடந்துகொள்ளவேண்டிய ஆசியர்கள் இவ்வாறுநடப்பதா?
இந்தக்காட்டுமிராண்டி தனத்துக்கு காரணமான ஆசியரை உடன் ஆசிரியர் பணியில் இருந்து இடைநிறுத்த  கல்விபணிப்பாளர் உரியநடவடிக்கை எடுக்கவேண்டும்..
காட்டுமிராண்டிகளை கடுமையாக தண்டிக்கவேண்டும்..

நன்றி ஜீவதாஸ் முகநூல் 

»»  (மேலும்)