Election 2018

2/28/2019

அபிநந்தன் : இந்திய விமானப்படையின் விங் கமாண்டர் நாளை விடுவிப்பு - இம்ரான் கான்

இந்திய விமானப்படையின் விங் கமாண்டர் அபிநந்தன் நாளை விடுவிக்கப்படுவார் என்று பாகிஸ்தான் நாடாளுமன்றத்தில் பிரதமர் இம்ரான் கான் கூறியுள்ளார்.
Image associée
அமைதியின் பேரில் இந்த நடவடிக்கை எடுக்கப்பட்டதாக பிரதமர் இம்ரான் கான் கூறியதையடுத்து, நாடாளுமன்ற உறுப்பினர்கள் மேஜையை தட்டி ஆர்ப்பரித்தனர். 
»»  (மேலும்)

2/27/2019

கிளிநொச்சிக் குழப்பம்?!



வலிந்து காணாமல் ஆக்கப்பட்டோரின் உறவுகள் கடந்த திங்கட்கிழமை கிளிநொச்சியில் முன்னெடுத்த போராட்டத்தின் போது குழப்பம் ஏற்பட்டது. போராட்டத்தில் பங்கெடுத்த காணாமல் ஆக்கப்பட்டோரின் உறவுகளில் பெரும்பான்மையானோர், “காணாமல் போனோர் தொடர்பில் இலங்கை அரசாங்கம் அமைத்துள்ள தனிப்பணியகம் வேண்டாம்; சர்வதேச விசாரணை வேண்டும்” என்று கோசம் எழுப்பினர். கறுப்பு சட்டை அணிந்திருந்த சில இளைஞர்களோ, “காணாமல் போனோர் பணியகம் வேண்டும்; அதன் அதிகாரத்தை வலுப்படுத்த வேண்டும்.” என்று கோசம் எழுப்பினர். இதனால்தான், குழப்பம் ஏற்பட்டது. ஒலிவாங்கியின் இணைப்பு துண்டிப்பு முதல் ஊடகவியலாளர்கள் அச்சுறுத்தப்பட்டமை வரை கறுப்புச் சட்டை இளைஞர்கள் எல்லை மீறியதாக குற்றஞ்சாட்டப்படுகின்றது. அதன் காணொளிகளும் வெளியாகியிருக்கின்றன. அந்த இளைஞர் குழுவில், கூட்டமைப்பின் (தமிழரசுக் கட்சி) கரைச்சிப் பிரதேச சபை உறுப்பினர் ஒருவரும் உள்ளடங்குவதாக குற்றஞ்சாட்டப்படுகின்றது.
தமிழ்த் தேசியப் போராட்டத்தின் ஆணிவேராக இருப்பது, சாதாரண தமிழ் மக்களே. அவர்களின் அர்ப்பணிப்பிலும், பங்கெடுப்பிலுமே போராட்டங்கள் அடுத்தடுத்த கட்டங்களை அடைந்திருக்கின்றன. அந்த மக்களைப் புறந்தள்ளிவிட்டு தமிழ் அரசியலையே பேச முடியாது. அப்படியான வரலாற்றைக் கொண்டிருக்கின்ற சமூகத்திடம், கடந்த சில ஆண்டுகளாக போராட்டங்கள், கவனயீர்ப்புக்கள் தொடர்பில் குறிப்பிட்டளவு ஒவ்வாமை ஏற்பட்டிருப்பதையும் அவதானிக்க முடிகின்றது. குறிப்பாகச் சொல்ல வேண்டுமென்றால், ஆயிரம் நாட்களைத் தாண்டி நீண்டு செல்லும் காணாமல் ஆக்கப்பட்ட உறவுகளின் தொடர் போராட்டத்தில் சாதாரண மக்களின் பங்களிப்பு என்பது மிகமிக சொற்பமாக மாறிவிட்டது. ஒரு கட்டத்துக்கு அப்பால், காணாமல் ஆக்கப்பட்டோர் தொடர்பிலான போராட்டம் என்பது, காணாமல் ஆக்கப்பட்டவர்களின் உறவுகளினதும், காணி மீட்புப் போராட்டம் என்பது, காணியைப் பறிகொடுத்தவர்களினதும் என்கிற உணர்நிலையை தமிழ்ச் சமூகம் அடைந்துவிட்ட தோரணையைப் பதிவு செய்து வருகின்றது. இந்த நிலை ஏற்படுவதற்கான அடிப்படைகள் குறித்து, எந்தவொரு தரப்பும், எந்தவொரு தருணத்திலும் ஆராயவோ, அறிந்துகொள்ளவோ முயலவில்லை என்பதுவும் வேதனையான விடயம்.
தமிழ்த் தேசிய அரசியல் எப்போதுமே ‘ஏகநிலை/ ஒற்றைப்படை’ பயணத்தைத் தொடர்ந்து வந்ததால், கருத்து பரிமாற்றங்களை அவ்வளவாக அனுமதித்ததில்லை. எப்போதாவது, ஏகநிலைக்கு எதிரான கருத்துக்கள் எழுப்போதெல்லம், அந்தக் கருத்துக்கள் மீதும், அதன் சொந்தக்காரர்கள் மீதும் துரோக அடையாளம் பூசப்பட்டிருக்கின்றது. இதனால், ஜனநாயக உரையாடல்கள் அவசியமான அனைத்துத் தருணங்களும் முடக்கப்பட்டு, முடிவுகள் எடுக்கப்பட்டு, எல்லாமும் ஒற்றைப்புள்ளியில் முடிந்து போயிருக்கின்றன. அவ்வாறான நிலைமை, போருக்குப் பின்னரான கடந்த பத்து ஆண்டுகளிலும் பெரிய மாற்றங்களைக் கண்டுவிடவில்லை. தம்முடைய கருத்துக்களுக்கு எதிரான கருத்துக்கள் அனைத்தும் முடக்கப்பட வேண்டும் என்கிற சிந்தனையில் வடிவங்களோ போராட்டங்களில் குழப்பங்களாகவும், நினைவேந்தல் நிகழ்வுகளில் தள்ளுமுள்ளாகவும், கூச்சல்களாகவும் அரங்கேறி வருகின்றன. அதனை, தேர்தல் அரசியலின் போக்கிரித்தனங்கள் அடுத்த கட்டத்துக்கு நகர்த்தியும் விடுகின்றன.
காணாமல் ஆக்கப்பட்டோரின் உறவுகள் முன்னெடுக்கும் போராட்டங்களுக்குள்ளேயும் பிளவுகளும், குழுக்களும், உள்ளக இழுபறிகளும் காணப்படுகின்றன. சாதாரண கேள்விகளுக்கே கூட, தமது குழுவின் தலைவியின் அனுமதியோடு பதிலளிக்கின்ற தன்மையோன்று வவுனியா போராட்டக் களத்தில் காணப்பட்டது. அத்தோடு, “இன்னொரு குழுவோடு உரையாடினால், தங்களோடு உரையாட முடியாது. அதனை, தமது குழுவின் தலைவியோ, ஒருங்கிணைப்பாளரோ அனுமதிக்கமாட்டார்” என்று வெளிப்படையாகவே பதிலளிக்கின்ற நிலைமையை, வெளிநாட்டு இராஜதந்திரி ஒருவர், காணாமல் போனோர் தொடர்பிலான உரையாடலொன்றின் போது சுட்டிக்காட்டினார். உள்நாட்டு ஊடகவியலாளர்களுக்கு இதன் உண்மைத்தன்மை நன்றாகத் தெரிந்த போதிலும், அது சார்ந்து இதுவரை உரையாடியது இல்லை. (அதனை, பெரிதுபடுத்தி, போராட்டத்தின் போக்கை திசை திருப்பியதும் இல்லை. அது நல்லெண்ண அடிப்படையிலானது என்று கொள்ளலாம்.) ஆனால், போராட்டக்காரர்களுக்குள்ளேயே இருக்கின்ற இழுபறிகள், தனிநபர் மற்றும் அரசியல் கட்சிகளின் தலையீடுகள் குறித்து, வெளிநாட்டு இராஜதந்திரிகள் களத்திலேயே நேரடியாக பார்த்து அறிக்கையிடுவது என்பது, மிகவும் மோசமானதொரு கட்டம். ஏனெனில், போராட்டத்தின் உண்மையான கோரிக்கைகளை வலுவிழக்க வைத்து, வேறு விடயங்களை மேல்நோக்கிக் கொண்டுவர அவை, உதவுகின்றன.
போராட்டத்தில் பங்கெடுக்கும் ஒவ்வொரு தாய்க்கும், உறவுக்கும் தாம் சம்பந்தப்பட்டவர்களுக்கு நடந்தது என்ன, எங்கேயிருக்கிறார், எப்போது கிடைப்பார் என்கிற கேள்விகளே அடிப்படையானவை. அதற்கான பதில்களை/நீதியை எப்படியாவது பெற்றுக்கொள்ள வேண்டும் என்பதே ஒற்றை இலக்கு. அதற்கு, தமக்கு இணக்கமான வழிகளை நாடுவது இயல்பானது. ஆனால், அந்த வழிகளை, என்னவொரு காரணத்துக்காகவும், யாரும் அடைத்துக் கொள்ள முடியாது. அவரவர் வழிகள் மீதான நம்பிக்கையை வைத்துக்கொள்வது அவரவர் உரிமை. ஆனால், அவ்வாறான நிலையை அனுமதிக்கும் சூழலும் இந்தப் போராட்டங்களுக்குள் இல்லை என்பதுவும் கசப்பான உண்மை.
காணாமற்போனோர் தொடர்பிலான தனிப்பணியகம் அமைக்கப்பட்ட பின்னர், சாலிய பீரிஸ் தலைமையிலான குழு, நாடு முழுவதும் அமர்வுகளை நடத்தியது. அந்த அமர்வுகளில் பங்கெடுப்பதற்கும், சாட்சியமளிப்பதற்கும் ஒருதொகுதி மக்கள் முன்வந்தார்கள். ஆனால், இன்னொரு தொகுதி மக்கள் அதனை எதிர்த்து ஆர்ப்பாட்டம் செய்தார்கள். ஆனால், இந்த ஆர்ப்பாட்டங்களில் போது, சாட்சியமளிக்க முன்வந்தவர்களை, ஆர்ப்பாட்டம் நடத்தியவர்களினால் தடுக்கப்பட்ட காட்சிகளும் அரங்கேறின. இங்குதான் சிக்கல்நிலை தோன்றுகிறது. சாட்சியமளிப்பதற்கும், ஆர்ப்பாட்டம் நடத்துவதற்குமான உரிமை அவரவருக்கு உண்டு. அதனை முதலில் அனுமதிக்க வேண்டும். கிளிநொச்சியில் இப்போது, அரங்கேறியிருப்பதும், அதன் ஒரு வடிவமே.
கிளிநொச்சிப் போராட்டம் என்பது, ‘காணாமற்போனோர் தனிப்பணியகம் தொடர்பில் நம்பிக்கையில்லை; சர்வதேச விசாரணை வேண்டும்’ என்கிற கோரிக்கையை முன்வைத்து ஒழுங்கமைக்கப்பட்டது. இதுதொடர்பில், ஊடகங்களில் போதியளவில் செய்திகளும் வெளியாகிவிட்டன. அரசியல் கட்சிகளும், போராட்டத்தின் அடிப்படைக்கோரிக்கையை உணர்ந்துவிட்ட பின்னரே, ஆதரவு அறிக்கைகளையும் வெளியிட்டிருந்தன. அவ்வாறான நிலையில், அந்தப் போராட்டத்தின் அடிப்படைக் கோரிக்கைக்கு எதிராக, அந்தப் போராட்டத்துக்குள்ளேயே நுழைந்து கோசமிடுவது என்பது அறமற்ற செயல். அந்தச் செயலையே, அந்தக் கறுப்புச் சட்டை இளைஞர்கள் அங்கு அரங்கேற்றினார்கள். அப்படியான நிலையில், அந்த இளைஞர் குழுவில், தமது கட்சியின் பிரதேச சபை உறுப்பினர் இருந்தால், அது தொடர்பில் நடவடிக்கை எடுப்பது, கூட்டமைப்பைப் பொறுத்தளவில் தவிர்க்க முடியாதது. அதற்கு சாக்குப்போக்குகள் சொல்லவும் கூடாது.
தேர்தல் அரசியலின் போக்கில், அடிப்படை அறமற்ற செயல்களை எந்தவிதமான வெட்கமும் இன்றி செய்யும் சூழலும் குறிப்பிட்டளவில் மேலெழுந்து வருகின்றது. தமிழ் மக்கள் பேரவை எழுக தமிழ் போராட்டத்தை ஒழுங்கமைத்து நடத்திய போது, அதே பெயரில், அதேநாளில் ஈ.பி.டி.பி யாழ்ப்பாணத்தில் கூட்டம் நடத்தி மக்களை குழப்பியது, முள்ளிவாய்க்கால் நினைவேந்தல் நிகழ்வில் சம்பந்தன் கலந்து கொண்டிருந்தபோது, கத்திக்கூப்பாடு போட்டு இடத்தின் மகிமைக்கு அப்பால் சென்று கவனம்பெற முயன்ற குழுக்களின் நாடகம், தியாகி திலீபன் நினைவிடத்தில் அரங்கேறிய அடிதடி, மக்கள் ஒருங்கிணைக்கும் போராட்டங்களிலும் தமக்கே முன்னுரிமை வழங்கப்பட வேண்டும் என்கிற நிலையை பிரதிபலிக்கும் அரசியல்வாதிகள், அது சாத்தியமாகாத புள்ளியில், போராட்டங்களில் இருந்து இடைநடுவில் கழன்று செல்வது, முள்ளிவாய்க்கால் நினைவேந்தலில் கடந்த முறை யாழ். பல்கலைக்கழக மாணவர்கள் நடத்திக்காட்டிய வேடிக்கை என்று இப்படி பல உதாரணங்களைச் சொல்லிக் கொண்டே போகலாம். அவ்வாறான நிலைப்பாடுகளின் போக்கிலும், கிளிநொச்சிப் போராட்டத்தை கறுப்புச் சட்டை இளைஞர் குழுவோ, அல்லது வெளித்தெரியாத மற்றக்குழுக்களோ கையாண்டிருக்கின்றனவா என்கிற சந்தேகமும் எழுகின்றது.
இது ஆயுதப் போராட்ட காலம் அல்ல. ஆயுதப் போராட்டம் முடிவுக்கு வந்து பத்து வருடங்கள் கடந்துவிட்ட போதிலும், அடுத்த கட்ட அரசியலை எவ்வாறு வரையறுப்பது என்று தெரியாமல் அல்லாடிக்கொண்டிருக்கின்ற காலம். இந்தக் காலப்பகுதியை அதன் தன்மையை- உண்மையை உணர்ந்து நோக்காதுவிட்டால், சாதாரண மக்களிடம் இருந்து போராட்டங்கள் இன்னும் இன்னும் அன்னியப்படும். அது, தமிழ்த் தேசிய அரசியலை சூனிய வெளிக்குள் தள்ளும். அந்தக் கட்டங்களையே, கிளிநொச்சிக் குழப்பமும் பதிவு செய்திருக்கின்றது.
-தமிழ்மிரர் பத்திரிகையில் இன்று வெளியான எனது பத்தி


*நன்றி முகநூல் 
»»  (மேலும்)

2/21/2019

போராட்டத்தை கொச்சைப்படுத்தும் மேயர்

மட்டக்களப்பு, மாநகர முதல்வர் தியாகராஜா சரவணபவன் அவர்களின் தான்தோன்றித்தனமான செயற்பாட்டைக் கண்டித்து, முச்சக்கர வண்டிச் சாரதிகளினால் முன்னெடுக்கப்பட்ட போராட்டத்திற்கு கறைபூசுகிறாரா முதல்வரென மட்டக்களப்பு மக்கள் விசனம் தெரிவித்துள்ளனர்.L’image contient peut-être : 1 personne, foule, arbre et plein air
அண்மையில் ஆட்டோ சாரதி ஒருவரினால் பெண் ஒருவர் துஷ்பிரயோகத்திற்கு உட்படுத்தப்பட்ட செய்தியானது தமக்குக் கிடைத்திருப்பதாகவும், குறித்த சாரதியினது தொலைபேசி இலக்கம் கிடைத்திருப்பதாகவும் கருத்துத் தெரிவித்திருக்கும் முதல்வர், கைது செய்வதில் தாமதம் ஏற்படுவதன் காரணம் குறித்தும் வினவியுள்ளார்.
மட்டு. நகர்ப் பகுதியில் மேற்கொள்ளப்படும் இவ்வாறான நடவடிக்கைகள் பொலிஸ் நிலையத்திற்கு முறைப்பாடுகள் செல்லாது, மாநகர முதல்வருக்கு முறையிட்டதன் மர்மம் என்னவென வினவிய ஆட்டோச் சங்க உறுப்பினர்கள், இவ்வாறான சட்டத்திற்குப் புறம்பான நபர்களை பிழைகள் விடுமிடத்து, சட்டத்தின் முன் நிறுத்துவதற்கு தாமே முன்வரத் தயாராக இருப்பதாகவும், முதல்வரது இவ்வாறான கருத்துக்கள் நகைப்புக்கிடமானதும், ஆத்திரமூட்டும் நடவடிக்கையாகவும் அமைகிறது என்று குற்றஞ்சாட்டினர்.
நியதிச் சட்டங்கள் பற்றிப் பேசும் இவர், நாடளாவிய ரீதியில் இலங்கையினுள் நடைமுறைப்படுத்தப்படும் முறைமை தொடர்பாக அறிந்திருப்பது நல்லதெனக் கருத்துத் தெரிவித்துள்ள அவர்கள், ஓர் நிலையத்திற்காக வழங்கப்படும் ஆட்டோவுக்கான தொழில் அனுமதிப் பத்திரம் உலக நாடுகளிடையே வழமையாக நடைமுறைப்படுத்தப்படும் நியதியைத்தான் தாமும் பின்பற்றுவதாகக் குறிப்பிடுவதுடன், தமது சங்க உறுப்பினர்கள் 734 பேருடன், தமது குடும்பம் சகிதம் மொத்தமாக 3,000ற்கும் மேற்பட்டவர்களின் வாழ்வாதார விடயங்களில் பாதிப்பை உண்டுபண்ணுகிறாரா என கேள்வியெழுப்பியுள்ளனர்.
எமக்கு ஆதரவாகச் செயற்படும் அரசியல் தலைவர்களையும் அரசியல் கட்சிகளையும் கொச்சைப்படுத்தும் மாநகர முதல்வர் (TNA) தாமும் அரசியல் ஊடாகத்தான் இப்பதவிகளைத் தக்கவைத்துள்ளார் என்பதை மறந்து கருத்துத் தெரிவிப்பது, கவலைக்குரிய விடயமே.
ஆட்டோ சங்கத்தின் நடைமுறை வழக்குகளுக்கு மாறாக செயற்படும் சில புதுமுக ஆட்டோ சாரதிகளுக்கு மறைமுகமாக ஆதரவுகளையும், அனுசரணையையும் வழங்கும் இவர், ஒட்டுமொத்த சாரதிகளின் நலனை மறுத்து நிற்பது ஏன் என வினவவும் இவர்கள் மறுக்கவில்லை.
ஆகவே, இவ்விடயத்தில் நியாயமும், நீதியுமானதொரு முடிவு எட்டப்படும் வரை எவ்விதமான விட்டுக்கொடுப்புக்களுக்கும் இடமில்லையென ஆட்டோச் சாரதிகளின் நலன்புரிச் சங்கம் சார்பாக மிகவும் உறுதிபடத் தெரிவித்தனர் என்பது குறிப்பிடத்தக்கது.






»»  (மேலும்)

2/20/2019

மதுபான அனுமதிப்பத்திரத்துக்கு கிராம மக்கள் எதிர்ப்பு

மட்டக்களப்பு - நொச்சிமுனையிலுள்ள உல்லாச விடுதியொன்றுக்கு மதுபான அனுமதிப்பத்திரம் வழங்கக் கூடாதெனத் தெரிவித்து  அக்கிராம மக்கள்இ இன்று  (20) காலை ஆர்ப்பாட்டமொன்றில் ஈடுபட்டனர்.

மட்டக்களப்பு கல்லடியிலுள்ள மதுவரித் திணைக்களத்துக் முன்னால் ஒன்றுகூடிய அம்மக்கள் மதுபான அனுமதிப்பத்திரத்துக்கு எதிரான சுலோகங்களைத் தாங்கியவாறு ஆர்ப்பாட்டத்தில் ஈடுபட்டனர்.

மட்டக்களப்பு - மண்முனை வடக்கு பிரதேச செயலாளர் பிரிவிலுள்ள “171ஏ” எனப்படும் நொச்சிமுனை கிராமத்தின் கலைமகள் வீதியில் அமையப் பெற்றுள்ள உல்லாச விடுதியொன்றில் மதுபான விற்பனைக்காக அனுமதி கோரப்பட்டுள்ளதாகவும் இந்த உல்லாச விடுதிக்கு எந்தவொரு மதுபான விற்பனைக்கான அனுமதிப்பத்திரத்தையும் வழங்கக் கூடாதெனவும் ஆர்ப்பாட்டத்தில் ஈடுபட்டோர் வலியுறுத்தினர்.

தமது கிராமத்தின் எதிர்கால சந்ததியினரையும் பாரம்பரியத்தையும் சீரழிக்கக் கூடாதெனவும் கோவில் பள்ளிவாசல் பாடசாலை அமையப் பெற்ற சூழலில் மதுபான அனுமதிப்பத்திரம் வழங்குவதைத் தாம் எதிர்ப்பதாகவும் ஆர்ப்பாட்டத்தில் ஈடுபட்டோர் தெரிவித்தனர்.

இதன்போது கல்லடி மதுவரித் திணைக்கள உயரதிகாரியைச் சந்தித்த ஆர்ப்பாட்டக்காரர்கள் தமது மகஜரைக் கையளித்தனர்.
இந்த ஆர்ப்பாட்டத்தில் பொது அமைப்புகளின் பிரதிநிதிகள் ஆலயங்களின் பிரதிநிதிகள் பொதுமக்கள் எனப் பலரும் கலந்துகொண்டனர்.
»»  (மேலும்)

தலவாக்கலையில் வீடுகள் கையளிப்பு..

மலைநாட்டு புதிய கிராமங்கள்  உட்கட்டமைப்பு மற்றும் சமுதாய அபிவிருத்தி அமைச்சின் நிதியொதிக்கீட்டில்இ தலவாக்கலை தோட்டதில் நிர்மாணிக்கப்பட்ட 20 தனி வீடுகளும் மின்சாரம் மற்றும் நீர் வசதிகள் என்பன மக்களின் பாவனைக்காக நேற்று (17) கையளிக்கப்பட்டது.
இந்நிகழ்வில் தொழிலாளர் தேசிய சங்கத்தின் தலைவரும் மலைநாட்டு புதிய கிராமங்கள்  உட்கட்டமைப்பு மற்றும் சமுதாய அபிவிருத்தி அமைச்சருமான பழனி திகாம்பரம்இ மத்திய மாகாண சபையின் முன்னாள் உறுப்பினர் எம்.உதயகுமார்இ  பெருந்தோட்ட மனிதவள அபிவிருத்தி நிதியத்தின் தலைவர் வீ.புத்திரசிகாமணி மற்றும் பிரதேச சபை உறுப்பினர்கள் உட்பட பலர் கலந்துகொண்டனர்
»»  (மேலும்)

மட்டக்களப்பு மாநக முதல்வருக்கு எதிராக ஆட்டோ சங்கம்

மட்டக்களப்பு மாநக முதல்வருக்கு எதிராக
ஆட்டோ சங்கம் காந்தி பூங்காவில் மாபெரும்
கண்டன ஆர்ப்பாட்டம்.L’image contient peut-être : ciel et plein air

 மாநகர முதல்வரால்
தினமும் 50/ரூபாயும் வருட சந்தாவாக 5000.00 ரூபாய்
மொத்தம் வருடம் ஒன்றிக்கு 23500.00 வரிப்பணப் பட்டியலுக்கு
எதிராக மாவட்ட ஆட்டோ சங்கத்தினர் வீதியில் இறங்கி ஆர்ப்பாட்டம் நடாத்திவருகின்றனர் இதனால் மாவட்டத்தில் இயல்பு பாதிக்கப்பட்டு பாடசாலை மாணவர்கள் அரச அரசசார்பற்ற ஊழியர்கள் பல சிரமங்களுக்கு மத்தியில் பயனங்களை தொடர்கின்றனர்
குறிப்பு மாநகராட்சி தமிழ் தேசிய கூட்டமைப்பின் ஆளுகைக்குட்பட்டது
»»  (மேலும்)