Election 2018

9/23/2019

ஜேவிபியுடன் கைகோர்க்கும் நல்லாட்சிக்கான தேசிய முன்னணி


ஜனாதிபதித் தேர்தலில் தேசிய மக்கள் சக்தி (NPP) வேட்பாளர் அனுர குமார திஸாநாயக்கவை ஆதரிக்க ந.தே.மு (NFGG) தீர்மானம்.
- ந.தே.மு ஊடகப் பிரிவுL’image contient peut-être : texte
எதிர்வரும் நவம்பர் 16 இல் நடைபெற திகதி குறிக்கப்பட்டுள்ள ஜனாதிபதித் தேர்தலில், தேசிய மக்கள் சக்தியின் (NPP) வேட்பாளரான அனுர குமார திஸாநாயக்கவை ஆதரிப்பது என நல்லாட்சிக்கான தேசிய முன்னணியின் தலைமைத்துவ சபை தீர்மானித்துள்ளது.
கட்சியின் உள்ளக மட்டங்களிலும் சமூக மட்டத்திலும் பல சுற்றுக் கலந்துரையாடல்கள் மூலம் தொடர்ச்சியாகவும் விரிவாகவும் ஆராய்ந்ததன் பின்புலத்திலேயே இந்தத் தீர்மானம் பெறப்பட்டுள்ளது.
நாட்டின் பிரதான இரு அரசியல் முகாம்களுக்கு வெளியே வலுவான மூன்றாவது அரசியல் சக்தியொன்றைக் கட்டியெழுப்ப வேண்டியதன் அவசியத்தை ஆழமாக உணர்ந்ததன் பின்புலத்திலேயே இந்தத் தீர்மானம் எடுக்கப்பட்டுள்ளது.
இது தொடர்பில் வேட்பாளர் அனுர திசாநாயக்கவுடன் கட்சியின் தலைமைத்துவ சபையினர் பல கட்ட பேச்சுவார்த்தைகளை மேற்கொண்டு வந்துள்ளனர்.
தேசிய மக்கள் சக்தி என்பது 28 அமைப்புகளை உள்ளடக்கிய ஒரு கூட்டணியாகும். இதன் ஸ்தாபக அமைப்புகளுள் ந.தே.மு.(NFGG) யும் ஒரு முக்கிய அங்கமாகவுள்ளது. அந்த வகையில் தேசிய மக்கள் சக்தியின் உள்ளகக் கலந்துரையாடல்களிலும் ந.தே.மு பிரதிநிதிகள் கலந்து கொண்டு பல்வேறு காத்திரமான பங்களிப்புகளை வழங்கி வந்துள்ளனர் என்பதும் குறிப்பிடத்தக்கது.
இது தொடர்பில் தேசிய மக்கள் சக்தியின் பிரதான பங்காளிகளான மக்கள் விடுதலை முன்னணியினருடனும் (JVP) நல்லாட்சிக்கான தேசிய முன்னணி (NFGG) தொடர்ச்சியான கலந்துரையாடல்களில் ஈடுபட்டு வருகிறது.
இதனடிப்படையில் இன்று (22.9.2019) ந.தே.மு யின் தேசிய செயற்குழு கொழும்பில் கூடி தேசிய மக்கள் சக்தி (NPP) யின் ஜனாதிபதி வேட்பாளருக்கு ஆதரவு வழங்கும் தீர்மானத்திற்கு அங்கீகாரம் வழங்கியது.
மேலும், எதிர்வரும் 26.09.2019 வியாழக்கிழமை கொழும்பு புதிய நகர மண்டபத்தில் (New Town Hall) ஜனாதிபதி வேட்பாளர் அனுர குமார திஸாநாயக்க அவர்களின் பங்குபற்றுதலுடன், ந.தே.மு. (NFGG) யின் முதலாவது உத்தியோகபூர்வ பிரச்சாரக் கூட்டத்தை ஆரம்பித்து வைப்பதன் மூலம் கட்சியின் பிரச்சார நடவடிக்கைகள் முன்னெடுக்கப்படவுள்ளது. 
»»  (மேலும்)

9/19/2019

ஐக்கிய தேசியக் கட்சியினாலேயே யாழ் நூலகம் எரிக்கப்பட்டது: ஆவணம்


ஐக்கிய தேசியக் கட்சியினாலேயே யாழ்.நூலகம் எரிக்கப்பட்டது: ஆவண நிழல் படத்தில் பொறிக்க வேண்டும் என்ற ஈ.பி.டி.பியின் கோரிக்கை நிறைவேற்றம்!Résultat de recherche d'images pour "UNP LEADER GAMINI DISSANAYAKE AND SRI LANKA"
ஐக்கியதேசிய கட்சியினராலேயே யாழ்ப்பாணம் பொது நூலகம் எரிக்கப்பட்டது என்பதை பொது நூலக ஆவணப்படுத்தல் காட்சியறையில் வைக்கப்பட்டுள்ள ஆவணப் படத்திற்கு விளக்கம் கொடுக்கும் வகையில் தமிழில் எழுதப்பட வேண்டும் என ஈழ மக்கள் ஜனநாதயகக் கட்சியின் யாழ் மாநகரசபை உறுப்பினர் இரா. செல்வவடிவேல் வலியுறுத்தியுள்ளார்.
இன்றையதினம் யாழ் மாநகரசபையின் கடந்தவாரம் நடைபெற்ற மாதாந்த கூட்டத்தின் ஒத்திவைக்கப்பட்ட நிகழ்ச்சி நிரலுக்கான விவாதம் முதல்வர் ஆர்னோல்ட் தலைமையில் நடைபெற்றது.
இதன்போது யாழ் பொது நூலகத்தில் காணப்படும் நூலகம் எரிக்கப்பட்டது தொடர்பான ஆவண நிழல் படத்திற்கு கீழ் ஆங்கிலத்தில் எரிக்கப்பட்ட யாழ் பொது நூலகம் என பொறிக்கப்பட்டுள்ளதாகவும் இது அவ்வாறில்லாது உண்மையான வரலாறு பதிக்கப்பட வேண்டும் என்பதால் அந்த ஆவண நிழல் படத்திற்கு கீழ் ஐக்கிய தேசிய கட்சியால் எரிக்கப்பட்டதென்பதையும் அது அன்றைய ஐக்கிய தேசிய கட்சியின் அமைச்சரான காமினி திசநாயக்கா தலைமையில் எரிக்கப்பட்டதையும் தெளிவாக தமிழில் குறிப்பிட வேண்டும் எனவும் இரா. செல்வவடிவேல் வலியுறுத்தினார்.
குறித்த விடயத்தை ஏற்றுக்கொண்ட முதல்வர் ஆர்னோல்ட் குறித்த முன்மொழிவு ஏற்றுக்கொள்ளக் கூடியதும் உண்மையானதுமானதொன்றாக உள்ளது என்பதை ஏற்றுக்கொண்டதுடன் மேற்கொள்வதாக அதனை மாற்றிக்கொள்ள இணக்கமும் தெரிவித்திருந்தமை குறிப்பிடத்தக்கது.
»»  (மேலும்)

9/18/2019

ஜனாதிபதித் தேர்தல்- நவம்பர் மாதம் 16

இலங்கை 8ஆவது ஜனாதிபதித் தேர்தலுக்கான அறிவிப்பை தேர்தல் ஆணைக்குழு இன்று புதன்கிழமை வெளியிட்டது.Aucune description de photo disponible.
இதன்படி, ஜனாதிபதித் தேர்தல் எதிர்வரும் நவம்பர் மாதம் 16ஆம் தேதி நடத்தப்படும் என இந்த ஆணைக்குழுவின் தலைவர் மஹிந்த தேசபிரிய தெரிவித்துள்ளார்.
ஜனாதிபதித் தேர்தலுக்கான வேட்புமனு அக்டோபர் மாதம் 7 ஆம் தேதி முதல் ஏற்றுக்கொள்ளப்படும் என அவர் குறிப்பிட்டார்.
ஜனாதிபதித் தேர்தலுக்கான வர்த்தமானி அறிவித்தல் இன்று நள்ளிரவு வெளியிடப்படவுள்ளது.
»»  (மேலும்)

9/17/2019

பெரியார் -141

Résultat de recherche d'images pour "periyar" 
"பெரியார் நவீன காலத்தின் தீர்க்கதரிசி,தென்கிழக்காசியாவின் சோக்ரடீஸ்,சமூகசீர்திருத்தத்தின் தந்தை,
அறியாமை,மூடநம்பிக்கை,அர்த்தமற்ற சம்பிரதாயம், மானமிழந்த  பழக்கவழக்கங்கள் என்பவற்றில் கடும் எதிரி"-யுனெஸ்கோ 
»»  (மேலும்)

9/15/2019

ஒரு முதல்வராக விக்கினேஸ்வரனின் தோல்விகளை மறைக்கும் முயற்சியே எழுக தமிழ்

ஒரு முதல்வராக விக்கினேஸ்வரன் தன்   தோல்விகளை மறைக்கும் முயற்சியே 
எழுக தமிழ் 
Résultat de recherche d'images pour "ஒரு முதல்வராக விக்கினேஸ்வரனின்"
1 -முதற் கோணல் முற்றிலும் கோணல் 

ஆட்சிக்கு வரும் போதே அனைத்து உறுப்பினர்களையும் ஒருமித்து சத்தியப்பிரமாணம் செய்விக்க முடியாது இவரால் போனது. அதன்காரணமாக ஏழு எட்டு இடங்களில் ஒவ்வொருவரும் வேவ்வேறு முறைகளில் சத்திய பிரமாணம் செய்ய வழிவகுத்தன் மூலம்  சபை உறுப்பினர்களின் நன்மதிப்பை இழந்தார். 

2 சட்டத்தின் ஆட்சியை அவமதித்தார்.

பதவியேற்று சில மாதங்களுக்குள்ளாகவே தனது செயலாளருடன் முரண்பட்டு தனது அவரை தன் இஷ்டம் போல் பதவி விலக்கினார். அதனால் நீதி மன்று ஏறி மாபெரும் நீதிமான் மன்னிப்பு கேட்க வேண்டிய நிலை உருவானது.

3 செயற்திறனின்மை

மாகாண சபைக்குரிய மத்திய அரசின் நிதிகள் பல கோடிகளை பயன்படுத்தும் வல்லமையின்றி  அவற்றை திறைசேரியே மீளப்பெற வழிவகுத்தார்.

4 கடமையை உணரவில்லை 

இறுதி யுத்த அழிவுகளை அதாவது உயிரிழப்பு,அங்கவீனம்,காணாமல்போனமை போன்றவற்றையிட்டு ஒரு சரியானதும் பொறுப்பு வாய்ந்ததுமான கணக்கெடுப்பை  மாகாண சபையால் செய்து வெளியிடவில்லை. இதனால் என்ஜிஓக்களும் புலம்பெயர் புலி பினாமிகளும் அரசியல்வாதிகளும் அவரவருக்கு ஏற்றாற்போல் எண்ணிக்கைகளை ஆயிரம் பத்தாயிரம் லட்ஷம் என்று கூறி அனைத்து அழிவுகளின் மீதுமான  கரிசனையை மலினமாக்க வழிவகுத்தார்.

பொறுப்பற்ற தன்மை

யாழ்ப்பாணத்தின் முக்கிய பிரச்சனையான தண்ணீர் தேவைக்காக இரணைமடு குள அபிவிருத்தி திட்டத்தை  ஆசிய அபிவிருத்தி வங்கி வழங்கிய கோடிக்கணக்கான நிதியை திருப்பியனுப்பினார்.

6 சட்டவாக்க சபையின் மாண்பை  கேலிக்கிடமாக்கினார். 

கட்சி மேடைகளில் நிறைவேற்றப்படும் நூற்றுக்கும் மேற்பட்ட  ஆதரவு,கண்டன,எதிர்ப்பு தீர்மானங்களை நிறைவேற்றும் இடமாக சட்டவாக்க சபையை மாற்றி கேலிக்கிடமாக்கினார்.

7. மக்கள் விரோதம் 
மக்களின் குடிநீரை நஞ்சாக்கிய தனியார் கம்பெனியை பாதுகாத்தார்  
சுன்னாகம் தனியார் மின் உற்பத்தி கழிவுகளால் நஞ்சாகிய  குடிநீர் பிரச்னைக்கு பொய் தகவல் அறிக்கையை வழங்கி நீதி மன்றில் குற்றவாளியானார்.

8 இறைமையை அவமதித்தர்.
 இந்தியாவிலுள்ள இலங்கை அகதிகள்பிரச்சனை,இந்திய மீனவர்களின் அத்து மீறல் போன்ற எத்தனையோ மக்கள் நலன் சார்ந்த பிரச்சனைகளை புறந்தள்ளி தனது சொந்த நலன் கருதி பாலியல் குற்றவாகளான  ஆசாமி பிரேமானந்தா கும்பலை விடுதலை செய்யுமாறு இந்திய பிரதமருக்கு கடிதமெழுதியதன் ஊடாக தனக்கு வழங்கப்பட்ட  இறைமையை அவமதித்தர்.

9 அதிகாரங்களை பெற்றுக்கொள்ளும் முக்கிய கடமையிலிருந்து தவறினார்.
மாகாண சபைகளின் அதிகாரங்களை கையகப்படுத்தும் நியதி சட்டங்களை இயற்றி அவற்றை உச்ச நீதி மன்றங்கள் வரை கொண்டு சென்று வாதாடி 13 வைத்து சட்டத்திருத்தத்தின் ஊடாக வழங்கப்பட்ட அதிகாரங்களை பெற்றுக்கொள்ளும் முக்கிய கடமையிலிருந்து தவறினார்.

10 ஊழல் 
அனைத்துக்கும் மேலாக    ஊழல்கள் நிறைந்த மந்திரி சபையை நடாத்திய  முதல்வர் என்கின்ற அவப்பெயருடன் ஆட்சி  செய்தார்.








»»  (மேலும்)

9/13/2019

சிறைக்கு சென்ற டக்ளஸ்

L’image contient peut-être : 1 personne, sourit, plein airஈழ மக்கள் ஜனநாயக கட்சியின் செயலாளர் நாயகமும் யாழ்ப்பாண பாராளுமன்ற உறுப்பினருமான தோழர் டக்ளஸ் தேவானந்தா இன்று சிறையிலிருக்கும்  கிழக்கின் முதல் முதல்வரான சந்திரகாந்தனை சந்தித்துள்ளார். கடந்த மூன்று ஆண்டுகளுக்கும் மேலாக அரசியல் பழிவாங்கல் காரணமாக பிணையும் மறுக்கப்பட்டு விசாரணையும் இன்றி சிறையிலிருக்கும் பிள்ளையானை அண்மைக்காலமாக பல அரசியல் தலைவர்கள் சிறைக்கு சென்று பார்த்து வருகின்றனர் என்பது குறிப்பிடத்தக்கது.

இவர்களது சந்திப்பில் எதிர்வரும் ஜனாதிபதி தேர்தல் மற்றும்  கிழக்கு மாகாண சபை தேர்தலில் தமிழரின் வாக்குப்பலத்தை சிதறடிக்கா வண்ணம் ஓரணியில் அனைத்து கட்சிகளும் திரளுவதன் அவசியம் குறித்து அலசப்பட்டதாக அறிய முடிகின்றது.

மூத்த தலைமுறை போராளிகளில் ஒருவரான டக்ளஸ் வெலிக்கடை படுகொலையிலிருந்து தப்பிய பின்னர் இதே மட்டக்களப்பு சிறையில் வைக்கப்பட்டிருந்தவர் என்பதும் குறிப்பிடத்தக்கது.





»»  (மேலும்)

பெரியாருக்கெதிராக வழக்கு


L’image contient peut-être : 4 personnes, personnes debout, arbre et plein air
பெரியார் சிலைகளுக்குக் கீழே இடம்பெற்றுள்ள கடவுள் மறுப்பு வாசகங்கள் நீக்கப்பட வேண்டும்' என்று சென்னை உயர் நீதிமன்றத்தில் தொடரப்பட்ட வழக்கில், வாதாடி வெற்றிபெற்றிருக்கிறார் திராவிடர் கழகத்தின் தலைவர் ஆசிரியர் கி.வீரமணி.
நூறு ஆண்டுகள் கழித்து, 'இவர் ஒரு புது சாமியார்' என்று என் சிலையை வணங்க ஆரம்பித்துவிடுவார்கள். அதற்காகத்தான் என் சிலைக்குக் கீழே கடவுள் மறுப்பு வாசகம் கட்டாயம் இருக்க வேண்டும்' என்று பெரியார் கூறியிருக்கிறார்.
இதற்கான ஆதாரங்களை வைத்தோம். நீதிமன்றம் ஏற்றுக்கொண்டது. இந்த உண்மையை விளக்க ஒரு வாய்ப்பு கிடைத்தது. வழக்கு தொடர்ந்தவருக்கு நன்றியும் தெரிவித்துள்ளார் ஆசிரியர்!  

»»  (மேலும்)

9/12/2019

சாதியில்லை சாதியில்லை சாதியென்பதில்லையே என்பவர்கள் வரிசையில் வரவும்

கடவுளும் சாதியும் 
இலங்கையின் வடமாகாணச் ‘சமூகத்திலும்’ தழைத்துப் படர்ந்திருக்கும் பண்பாட்டு வேர்களின் கிளைகில் சாதியமும் தொடர்ந்து படர்ந்து கொண்டுதான் இருக்கிறது. அவ்வாறான சாதிய வேரானது வெவ்வேறு தருணங்களில் தன்னை மூடிப்படர்ந்திருக்கும் மண்ணை பிளந்து வெளியேறி நச்சுக்காற்றை உமிழ்ந்து கொண்டிருக்கின்றது.
சாதிய சமூக விவகாரங்களில் அதிகமான சம்பவங்கள் மண்ணுக்குள் மறைந்து படர்ந்து வரும் வேர்களாக இருப்பினும், கடவுளுக்கும் சாதிக்குமான விவகாரமாக எழுகின்றபோது மண்ணைப் பிளந்து வெளியேறி விஷ்வரூப தரிசனம் அழிக்கும் காட்சிகளை சமகாலத்தில் நாம் அதிகமாக தரிசித்தும் வருகின்றோம்.
அதன் தொடர்ச்சியாக பளையிலுள்ள இயக்கச்சி மல்வில் கிருஷ்ணன் கோவிலிலும் ‘கடவுளுக்கும் சாதிக்குமான போராட்டம்’ ஒன்று நிகழ்ந்ததாக அறிகின்றோம்.
தகவலாக: வடமாகாணத்தில் அனைத்து இடங்களிலும் நடைபெற்றுவரும் சாதிக்கொரு திருவிழாபோன்றே இயக்கச்சி மல்வில் கிருஷ்ணன் கோவிலிலும் கடைப்பிடிக்கப்பட்டு வந்திருக்கிறது. திருவிழாக்காலத்தில் கோவில்களில் அன்னதானம் வழங்கப்பட்டு வருவது வழமை. பல இடங்களைப்போன்று இங்கும் கோவில் நிர்வாகமே தொடர்ந்து சமைத்து அன்னதானம் வழங்குபவர்களாக இருந்து வருகின்றனர். அவர்களே அந்த கிராமச் சமூகத்தின் முதன்மையான மேலாதிக்க சாதியினராக கருதப்படுபவர்களாம்! அவர்களின் புனிதக் கரங்களால் சமைத்துப் பரிமாறப்படும் அன்னதான உணவையே பிற சமூகத்தவர்கள் நடத்துகின்ற திருவிழாக்களிலும் வழங்கப்பட்டு வந்திருக்கின்றது. அவ்வாறான புனிதப்பாரம்பரிய சமநிலை குலைந்ததால் இயக்கச்சி கிராமத்தில் சமூக பதட்டநிலை தோன்றியிருக்கின்றது. கோவில் நிர்வாகத்தின் வழமையை மீறி வேறொரு சாதிய சமூகத்தை சேர்ந்தவர்கள் தமது திருவிழாவின்போது தாமாகவே சமைத்து அன்னதானம் வழங்க முற்பட்ட சம்பவமே ‘கடவுளுக்கும் சாதிக்குமான’ சமநிலை குலைந்ததாக கருதப்படுகின்றது.
இவ்வாறாக தொடரும் சாதிய சமூக வேறுபாட்டு பிரிவினைகளை, சமூகங்களுக்கிடையிலான வெறுப்புகளைக் களைந்து உரையாடிப் பேசித்தீர்ப்பதற்கான வழிமுறைகள்தான என்ன?
இவ்வாறான சாதிய விவகாரங்களுக்கு எதிராகவும், சாதியரீதியாக ஒடுக்கப்படும் சமூகங்களுக்கு ஆதரவாக செயல்பட முன்வரும் அமைப்புகளை ஆதரிக்கவும் அவர்களுக்கான ஆலோசனைகளை வழங்குவதற்கும் அங்கு எத்தரப்பும் தயாராக இல்லை! அவ்வாறு செயல்பட முன்வருபவர்களை அரச சார்பானவர்கள், தமிழ்பேசும் மக்களின் ‘ஒற்றுமையை (!!!!)’ குலைக்க முற்படும் சிங்கள பேரினவாத சக்திகளின் கைக்கூலிகள் எனச் சாடுவதன் ஊடாக, அவ்வாறான தரப்பினரே சாதிய இருப்பின் சமநிலை குலைந்து விடாது பாதுகாத்தும் வருகின்றனர்.
அங்குள்ள தமிழ் அரசியல் கட்சிகளானது தமிழ் மக்கள் எதிர்கொள்ளும் இனப்பிரச்சனை குறித்து சிந்தித்து செயல்படுவதற்கும் அதற்கான போராட்டத்தில் சிங்கள பேரினவாத அரசுடன் முட்டி மோதுவதற்குமே அவர்களது காலம் விரயமாகிக் கொண்டிருக்கின்றது. அதற்காகவே நித்தமும் சிந்திப்பதெற்கென இயற்கை அவர்களுக்களித்த மூளையின் அளவோ மிகவும் சிறயதாக உள்ளது! அவ்வாறான குறைபாட்டுடன் மேலதிகமான தமிழ் சமூகத்தில் நிலவும் சாதிய சமூக விவகாரங்களில் அவர்கள் தலையிடவேண்டும் என்பதை நாம் எதிர்பார்ப்பது எவ்விதத்திலும் நியாயமாகதென்பதையும் நாம் உணருகின்றோம்.
ஆயினும் தொலைக்காட்சி, பத்திரிகை ஊடகங்களால் இவ்வாறான சமூகப்பிரச்சனைகளை கணிசமான வகையில் தீர்த்துவைக்க முடியும். எவ்விதமான பக்கசார்பும், வியாபார நோக்கமும் இல்லாது, சமூ அக்கறையோடு செயல்படும் ஊடகங்களால் இவ்வாறான பிரச்சனைகளையும், சமூகங்களுக்கிடையிலான சுமூகமான உரையாடலையும் முன்நோக்கி நகர்த்த முடியும் என நாம் நம்புகின்றோம்.
மேற்படி இயக்கச்சி மல்வில் கிருஷ்ணன் கோவில் விவகாரத்தை தீர்த்து வைப்பதில் அக்கறையுடன் செயல்பட்டு வரும் சில தனிநபர்களையும், இது குறித்த தமது கண்டனத்தை தெரிவித்து வரும் ஆதரவாளர்கள் மற்றும் சமூக நீதிக்கான வெகுஜன அமைப்பையும் நாம் பாராட்டுகின்றோம்.
இலங்கை தலித்சமூக மேம்பாட்டு முன்னணி -பிரான்ஸ்-
»»  (மேலும்)

9/11/2019

இலக்கியச்சந்திப்பு -49-வன்னி

முன்வைப்புகளும் உரையாடலும்Aucune description de photo disponible.
1. வன்னி – நிலம், நீர், சமூகம்
2. வறுமையின் நிறம் பச்சை – பிரதிகள் காட்டும் வழி?
3. வன்னிக் காடு – வாழ்வும் அரசியலும்
(பிரதிகளில் உள்ளடக்கப்பட்டவையும் உள்ளடக்கப்படாதவையும்)
5. முஸ்லிம் சமூகமும் சமகால நெருக்கடிகளும்
6. அந்தரிப்புக்குள்ளானோரும் சமூகத்தின் பொறுப்பும் (காணாமலாக்கப்பட்டோர் மற்றும் போரில் இழப்புகளையும் நெருக்கடிகளையும் சந்தித்தோர் பிரச்சினை)
7. இலக்கிய அரசியல்: உண்மையும் விடுபடலும்
8. பிரதிகளில் இயற்கை, சூழல், உயிரினங்கள் (வரலாற்றுச் சித்திரிப்பும் புதிய உணர்தல்களின் அவசியமும்)
9.போருக்குப் பிந்திய ஈழ இலக்கியம்: கச்சாப்பொருள், சந்தை, பதிப்பு முயற்சிகள்
10. போரின் பின்னான பத்திரிகைகள்: அறிக்கையிடலின் உளவியல்
11. ஈழ அகதிகள்: தமிழகத்திலும் தமிழகத்திலிருந்து ஈழத்திலும்
12. போருக்குப் பின்னரான சிறுகதைப் பிரதிகள் மீதான வாசிப்பும் புரிதலும்
13. தெய்வம் – சடங்கு – மரபு: வன்னி நிலமும் கையளிப்புகளும்
14. வரலாற்றின் பயணவழியில் மக்கள் பண்பாடும் போர்ச்சுவடுகளும்
15. மரபும் நவீனமும்: மன்னார்ப்பண்பாட்டு இடையசைவுகள்
16. திரையும் நிஜமும்
பங்கேற்பாளர்கள் அனைவரையும் உரையாடலில் இணைப்பதற்கமைவாக ஒவ்வொரு முன்வைப்புகளையும் தொடர்ந்து விரிவான கலந்துரையாடல்களுக்கு கூடுதல் நேரம் ஒதுக்கப்பட்டுள்ளது.
கேள்விகள், மாற்றுக் கருத்துகள், மேலதிக விரிப்புகளை நோக்கியதாக உரையாடல்கள் நிகழும். புத்தகக் காட்சி மற்றும் விற்பனைக்கான ஏற்பாடு செய்யப்பட்டுள்ளது. குறும்படங்கள், ஆவணப்படங்கள், விவரணப்படங்கள் போன்றவற்றையும் விற்பனை செய்ய விரும்புவோர் எடுத்து வரலாம்.
அதற்குரியவர்கள் முன்கூட்டியே தொடர்பு கொள்ளுமாறு கேட்கிறோம். ஓவியம் மற்றும் ஒளிப்படக் காட்சிகளும் உண்டு. ஒருங்கிணைப்பு – சதீஸ்ராஜா, மு.தமிழ்ச்செல்வன்.
இலக்கியச் சந்திப்பில் பங்கு பற்ற விரும்புவோர் கீழுள்ள மின்னஞ்சல் மற்றும் கைபேசி எண்களில் தொடர்பு கொள்க.
litmeetvanni@gmail.com
தொலைபேசி எண்கள்
0770871681, 0777577932
பிராந்திய கால்நடை அபிவிருத்திப் பயிற்சி நிலைய மண்டபம் (மத்திய வங்கியின் பிராந்திய நிலையத்துக்கு அருகில்), 
அறிவியல் நகர், 
கிளிநொச்சி
2019 செப்ரெம்பர் 21, 22 சனி, ஞாயிறு
 காலை 9.00 மணி தொடக்கம் மாலை 6.30 மணி வரை
»»  (மேலும்)

9/09/2019

முன்னாள் தமிழ் முதலமைச்சர்கள் சந்திப்பு

சந்திரகாந்தன் அவர்களை சந்தித்தார் வரதராஜ பெருமாள்L’image contient peut-être : 1 personne, debout
முன்னாள் வடக்கு கிழக்கு முதலைமைச்சர் வரதராஜ பெருமாள் முன்னாள் கிழக்கு முதலமைச்சரும் தமிழ் மக்கள் விடுதலைப்புலிகளின் தலைவருமான சிவநேசதுரை சந்திரகாந்தன் அவர்களை மட்டு சிறைச்சாலையில் சந்தித்துள்ளார்.
இச்சந்திப்பில் கிழக்கு மாகாணத்தில் தமிழ் கட்சிகள் சேர்ந்து எவ்வாறு அரசியலை முன்னெடுப்பது தொடர்பாகவும் கலந்துரையாடப்பட்டதாக அறியமுடிகின்றது.
இச் சந்திப்பின் போது முன்னாள் கிழக்கு மாகாண சபை உறுப்பினர் பூ. பிரசாந்தன், வவுணதீவு பிரதேசசபை உறுப்பினர் குகன் ஆகியோரும் கலந்து கொண்டனர். 
»»  (மேலும்)

யோகராஜா சந்திரகுமார் தமிழ் மக்கள் விடுதலை புலிகளின் இளைஞர் அணி செயலாளராக நியமனமாகியுள்ளார்

சந்துரு என்றழைக்கப்படும் யோகராஜா சந்திரகுமார் தமிழ் மக்கள் விடுதலை புலிகளின் இளைஞர் அணி செயலாளராக நியமனமாகியுள்ளார். பட்டதாரியான இவர் ஊடக துறை சார்ந்து   அனுபவம் பெற்றவர். தமிழ் மக்கள் விடுதலை புலிகளின் நீண்டகால உறுப்பினரான இவர் கட்சியின் இளைஞர் அணி செயலாளராக நியமனம் பெற்றுள்ளதாக செயலாளர் பிரசாந்தன் தெரிவித்துள்ளார். இவர் பட்டிருப்பு தொகுதியிலுள்ள களுதாவளை கிராமத்தை சேர்ந்தவர் என்பது குறிப்பிடத்தக்கது.L’image contient peut-être : 2 personnes, personnes debout
»»  (மேலும்)

9/01/2019

கள்ளியன் காட்டில் தலை களவாக புதைக்கப்பட்ட ரகசியம் அம்பலம்

மறைக்கப்பட்ட உண்மைகள்!Résultat de recherche d'images pour "head of suicide"

கடந்த 26.08.2019 அன்று மட்டக்களப்பு மாவட்ட செயலகத்தில் நடை பெற்ற மாவட்ட அபிவிருத்திக் குழு கூட்டத்தின் பின்னர் அரசாங்க அதிபர் தலைமையில் மீண்டும் ஒரு கூட்டம் நடை பெற்றது (மிக இரகசியமான முறையில்) இதில் அரசாங்க அதிபர், மாநகர முதல்வர், பிரதேச செயலாளர், ஸ்ரீநேசன் பா.உ, வைத்தியசாலை பணிப்பாளர், பொலிஸ் உயரதிகாரி போன்றோர் கலந்து கொண்டிருந்தனர்.
இக்கூட்டம் தற்கொலைதாரியின் உடல் பாகங்களை கள்ளியங்காடு இந்து மயானத்தில் புதைப்பதற்காக கூடப்பட்டது. இத்தீர்மானம் மேற்குறித்த நபர்களால் நிறைவேற்றப்பட்டது.

 வைத்தியசாலை பணிப்பாளர் அரசாங்க அதிபரிடமிருந்து உத்தரவு கடிதத்தினை கோரினார் அதர்ற்கு நான் தந்தால் பிரட்சனை வந்தாலும் மாட்டிவிடுவேன் என்று வேறு ஒரு அதிகாரி மூலம் வழங்குவதாக தெரிவித்து கடிதத்தையும் வழங்கினார். இதனை பொறுப்பேற்று புதைப்பதற்கு பொலிஸார் மறுப்பு தெரிவித்தபோது ஸ்ரீநேசன் தான் அந்த இடத்திற்கு வருகிறேன் நீங்கள் பயப்படாமல் பொறுப்பெடுங்கள் என கூறியுள்ளார். பிரதேச செயலாளரும் தன் பங்கிற்கு கிராம சேவகரை அவ்விடத்தில் அனுப்புகிறேன் எனகூறினார். மாநகர முதல்வர் சவக்காலையிலுள்ள காவலாளியை அந்நேரத்தில் போடாமல் விடுதாக கூறியிருந்தார்.
இதன் பின்னணியில் மட்டக்களப்பு முஸ்லிம் வர்த்தகர்கள் இருப்பதாகவும் கூறப்படுகின்றது. குறிப்பிடத்தக்கது.
»»  (மேலும்)