4/23/2020

பிள்ளையானின் கண்டிப்பான ஒழுக்கக்கோவை.. நீக்கப்பட்ட மண்முனை வடக்கு அமைப்பாளர்



தமிழ் மக்கள் விடுதலைப் புலிகள் கட்சியின் மண்முனை வடக்கு பிரதேச அமைப்பாளர் பொறுப்பிலிருந்து சி.சிவராஜ்(சுமன்) தற்காலிகமாக இடைநிறுத்தப்பட்டதாக கட்சியின் பொதுச்செயலாளர் பூ.பிரசாந்தன் தெரிவித்தார்.
அவர் மேலும் தெரிவிக்கையில் கடந்த 12.04.2020ம் திகதி வாழைச்சேனையில் இருந்து மட்டக்களப்பு நோக்கி பயணித்த இலங்கை போக்குவரத்து சபைக்குரிய பேரூந்தில் 28 மதுபானப் போத்தல்கள் கொண்டுவந்த குற்றச்சாட்டின் பேரில் நால்வர் கைதுசெய்யப்பட்டதாகவும் இதில் 04வது நபராக குற்றஞ்சாட்டப்பட்டதாக மண்முனை வடக்கு பிரதேச அமைப்பாளர் சிவராஜ் (சுமன்)கைது செய்யப்பட்டமை அறியப்பட்டதற்கிணங்க இவருக்கெதிராக ஒழுக்காற்று விசாரணைகள் மேற்கொள்ளப்படுவதற்காக கட்சியின் பிரதித்தலைவர் க.யோகவேள் தலைமையில் ஒமுக்காற்றுக் குழு நியமிக்கப்பட்டுள்ளதாகவும் அக்குழுவின் விசாரணைகள் வெளியிடப்படும் வரை பிரதேச அமைப்பாளர் மற்றும் கட்சியின் அனைத்து பொறுப்பிலிருந்தும் தற்காலிகமாக நிறுத்தப்பட்டுள்ளதாக அறிவிக்கப்பட்டுள்ளது.

0 commentaires :

Post a comment