1/31/2021

அதிமுக கொடியுடன் வெளியே வந்தார் சசிகலா

சொத்து குவிப்பு வழக்கில் தண்டனை காலம் நிறைவுற்று அதிலிருந்துaவிடுதலை ஆனாலும், தொடர்ந்து கொரோனா தொற்றுக்கான சிகிச்சை பெற்றுவந்த சசிகலா இன்று (ஜனவரி 31, ஞாயிற்றுக்கிழமை) மருத்துவமனையில் இருந்து டிஸ்சார்ஜ் ஆனார். 

பிப்ரவரி 6ஆம் தேதி வரை சசிகலா பெங்களூருவில்தான் தங்கியிருப்பார் என்று அவரது வழக்கறிஞர் ராஜா செந்தூர் பாண்டியன் பிபிசியிடம் தெரிவித்துள்ளார்.

விக்டோரியா மருத்துவமனையிலிருந்து சிகிச்சை முடிந்து வெளியேறிய சசிகலாவின் காரில் அதிமுகவின் கொடி இருந்தது. இது தற்போது பேசுபொருளாக உருவெடுத்துள்ளது. 

இதுகுறித்து பத்திரிகையாளர்களிடம் பேசிய தமிழக மீன் வளத்துறை அமைச்சர் டி. ஜெயகுமார், "சசிகலா அதிமுகவில் எந்த ஒரு பதவியிலும் இல்லை. அவர் அதிமுகவின் கட்சிக் கொடியைப் பயன்படுத்த எந்த உரிமையும் கிடையாது" என திட்டவட்டமாகக் கூறியுள்ளார்.




0 commentaires :

Post a comment