Election 2018

10/11/2019

பயணிக்க வாருங்கள் படகு வந்து விட்டது.

L’image contient peut-être : 2 personnes, personnes assises et intérieur   தமிழ் மக்கள் விடுதலைப் புலிகள் கட்சியின் உத்தியோகபூர்வ பத்திரிகையான 'படகு' பத்திரிகை  தமிழ் மக்கள் விடுதலைப் புலிகள் கட்சியின் தலைமைக் காரியாலயத்தில் சம்பிரதாயபூர்வமாக வெளியீட்டு வைக்கப்பட்டது
கட்சியின் தலைவரும் முன்னாள் கிழக்கு மாகாண சபை முதலமைச்சருமான சிவனேசதுரை சந்திரகாந்தன் அவர்கள் கைது செய்யப்பட்டு நான்கு வருடங்களாக பயங்கரவாத தடைச் சட்டத்தின் கீழ் மட்டக்களப்பு சிறைச்சாலையில் தடுத்து வைக்கப்பட்டு இருக்கின்ற நிலைமையில் அவர் கைது செய்யப்பட்டதனை நான்கு வருடம்  நிறைவடைவதனை முன்னிட்டு
'கிழக்கின் ஜனநாயக குரலை ஒருபோதும் நசுக்க முடியாது' என்கின்ற தொனிப்பொருளில் இந்நிகழ்வு இடம்பெற்றது. இந்த நிகழ்வில் கட்சியின் பொதுச் செயலாளர் பூ.பிரசாந்தன், பிரதித்தலைவர் கா. யோகவேள் கட்சியின் தவிசாளர் கிராம மட்ட அமைப்பாளர் பிரதேச அமைப்பாளர்கள் பலரும் கலந்து கொண்டனர்.
»»  (மேலும்)

10/10/2019

நாளை மட்டக்களப்பில் 'படகு'- வெளியீடு

 L’image contient peut-être : 7 personnes, personnes souriantes, texte
  நாளை முதல் மட்டக்களப்பில் 'படகு'என்னும் பெயரில் மாதாந்த  பத்திரிகை ஒன்று வெளிவருகின்றது.   தமிழ் மக்கள் விடுதலைப் புலிகள் கட்சியின் உத்தியோகபூர்வ பத்திரிகையாக வெளிவரவுள்ள இப்பத்திரிகை நாளைய தினம் அதாவது 11.10. 2019  அன்று கட்சியின்  வாவிக்கரை தலைமைக் காரியாலயத்தில்  சம்பிரதாயபூர்வமாக வெளியிடப்பட உள்ளது. இந்த நிகழ்வில் கட்சியின் உறுப்பினர்கள் மற்றும் ஆதரவாளர்களையும் அன்புடன் அழைக்கின்றோம்.  
»»  (மேலும்)

இராவணனை கொன்ற மோடி

 Résultat de recherche d'images pour "இராவணன்"
 நேற்றைய தினம் (8.10.2019)  டில்லியில் விஜயதசமி கொண்டாட்டம் என்ற பெயரில் பிரதமர், துணைக் குடியரசுத் தலைவர் முன்னிலையில் ‘ராம் லீலா' என்று கூறி திராவிட வீரனான இராவணன் உருவம் தீயிட்டுக் கொளுத்தப் பட்டுள்ளது. மோடி அம்பு எய்தி கொளுத்தும் காட்சி
பிரதமர் நரேந்திர மோடியே அம்பு எய்தி இராவணனைக் கொல்லும் காட்சி தொலைக் காட்சிகளில் முக்கியமாக ஒளிபரப்பப்பட்டது.
»»  (மேலும்)

10/08/2019

இராஜேஸ்வரி பாலசுப்ரமணியம் அவர்களது எழுத்துலகம் மீதான பன்முக வாசிப்பு



மட்டக்களப்பு பெரியார் வாசகர் வட்டத்தினர் நேற்று ஞாயிறன்று தமிழ் இலக்கிய அரசியல் சூழலின் பிரதான ஆளுமையான இராஜேஸ்வரி பாலசுப்ரமணியம் அவர்களது எழுத்துலகம் மீதான பன்முக வாசிப்பு நிகழ்வு ஒன்றை நடத்தியுள்ளனர். இந்நிகழ்வில் சுமார் நாற்பது பேர் கொண்ட இலக்கிய நண்பர்கள் கலந்துகொண்டிருந்தனர். இந்நிகழ்வு பற்றி அங்கு உரையாற்றிய  பேராசிரியர் யோகராஜா அவர்கள் கருத்து தெரிவிக்கையில் பல இளம் வாசகர்களும் இலக்கியவாதிகளும் கலந்துகொண்டு உரையாற்றியமையும்  விவாதங்களில் பங்கெடுத்தமையும் பெரும்பாராட்டுக்குரியதென்றுகுறிப்பிட்டார்.

அத்தோடு  எழுத்து,வாசிப்பு,உரையாடல்,சந்திப்பு என்று தொடர்ச்சியாக மட்டக்களப்பு தமிழகத்தின் சமூக,இலக்கிய, அரசியல், அசைவியக்கத்தை முன்நகர்த்திவரும் பெரியார் வாசகர் வட்டத்தினரை மெச்சியும் கருத்து தெரிவித்தார். 
»»  (மேலும்)

10/04/2019

வாழைச்சேனை தவிசாளரை அநாகரீகமாக பேசிய சைக்கிள்காரர்




கடந்த கோறளைப்பற்று பிரதேச அபிவிருத்தி குழு கூட்டத்தின் போது அமைச்சர்கள், பாராளுமன்ற உறுப்பினர்கள், அரச அதிகாரிகள்,மற்றும்  சமூக மட்ட அமைப்புக்களின் பிரதிநிதிகள் முன்னிலையில் சபை உறுப்பினர் குணசேகரன் அநாகரிகமாக நடந்துகொண்டுள்ளார்.

அவர் கோறளைப்பற்று பிரதேச சபை  தவிசாளரை அனாகரிகமான வார்த்தைகளால் விளித்தமையினை கண்டிக்கும் வகையில் சபையின் உறுப்பினர் திருமதி.பஞ்சாட்சரம் லெட்சுமி அவர்களினால் கண்டன பிரேரணை ஒன்று முன்வைக்கப்பட்டது.

இந்த  அவசர பிரேரணைக்கமைவாக
இன்றைய அமர்வில் கலந்து கொண்ட 20 உறுப்பினர்களில் 17 உறுப்பினர்களின் ஆதரவுடன் சம்பந்தப்பட்ட நபருக்கு அமர்வுகளில் கலந்து கொள்வதற்கு தடை  உத்தரவு  நிறைவேற்றப்பட்டுள்ளது. இதன்படி அடுத்து வரும்  இரு அமர்வுகளுக்கு குறித்த உறுப்பினருக்கான இத்தடை செல்லுபடியாகும். இவர் கஜேந்திரகுமார் தலைமையிலான சைக்கிள் கட்சியின் உறுப்பினராகும் என்பது குறிப்பிடத்தக்கது.



»»  (மேலும்)

9/29/2019

ஜேவிபிக்கு வாக்களிப்போம்- இலங்கை தலித்சமூக மேம்பாட்டு முன்னணி -பிரான்ஸ்-

(ஜே.வி.பி எனும் கட்சி மீதான பல்வேறு விமர்சனங்கள் இருப்பினும் குறைந்த பட்சம் அக்கட்சியானது தனிநபர் அதிகாரப் பிரயோகம் இல்லாததாகவும் எவ்வித ஊழல் குற்றச்சாட்டுக்களும் இல்லாத கட்சியாகவும் அறிய முடிகிறது. மேலும் ஆளும் மரபுக்கட்சிகள் மீதான சிங்கள மக்களின் அதிருப்த்திகளும் அதிகமாகி வருவதையும் அவதானிக்க முடிகின்றது. இதனையும் ஒரு வாய்ப்பாகக் கருதி எதிர்கால இலங்கை அரசியலில் ஒரு மாற்றத்தை ஏற்படுத்தும் முயற்சியாக தமிழ் மக்களும் அனுரகுமார திசநாயக்க அவர்களுக்கு வாக்களிப்பதே பயனுள்ள ஒன்றாக நாம் கருதுகின்றோம்.)Résultat de recherche d'images pour "jvp sri lanka"

தமிழ்பேசும் மக்களுக்கான அரசியல் செயல்பாடுகள் என்பது இவ்வாறான மரபையே பேணிவருகின்றது: தேர்தல் தவிர்ந்த நாட்களில் தமிழ் ‘மக்களுக்கான அரசியல் நிலம்’ என்பது அந்நிலம் சார்ந்த மக்களோடு தொடர்புகளற்ற வறண்ட பிரதேசமாகவே இருக்கும். தேர்தல் காலநிலைகளில் மட்டுமே தமிழ் மக்களுக்கான அரசியல் நிலமானது செழித்து பூத்துக் குலுங்கத் தொடங்கிவிடும்.
தற்போதும் இலங்கை ஜனாதிபதிக்கான தேர்தல் காற்று வீசத்தொடங்கிவிட்டது. தமிழ் அரசியல் ‘செடிகள்’ ‘மரங்கள்’ எல்லாம் துளிர்த்து மலரத் தொடங்கிவிட்டது. இருப்பினும் தமிழ் மக்களின் அரசியல் ‘ஆல விருட்சமானது’ (கூட்டமைப்பு) தனக்கான உரம் (சலுகைஇ சூட்கேஸ்) வழங்கப்படாததால் அதன் அரசியல் வேர்கள் மண்ணோடு மண்ணாகவே ஊர்ந்துகொண்டிருக்கிறது. அந்த ‘ஆல விருட்சம்’ ஒரு நாள் அரசியல் ‘செடிகள்’இ ‘மரங்களை’ மேவியவாறு தனது விஷ்வரூபத்தை காட்டி நிற்கும். ஜனாதிபதித் தேர்தலும் தமிழ் மக்களின் வாக்களிப்பும்:
இலங்கையின் ஆளும் தரப்பின் இரண்டு பிரிவினர்களின் தொடர்ச்சியான ஆளுமைகளால் தமிழ் மக்களும் பிற சிறுபான்மை இனங்களும் எதிர்கொண்ட நெருக்கடிகள் இழப்புக்களை நாம் இங்கு தொடர்ந்து நினைவு கூறவேண்டிய அவசியமில்லை. நேர்மையாகவும் இனச்சார்பு நிலையற்று சிந்திப்பவர்களாலும் இலங்கையின் அரசியல் வரலாற்றில் மேற்படி இரண்டு தரப்பு அரசியல் ஆளுமைகளால் விழைந்த கேடுகளை புரிந்துகொள்ளமுடியும். இவர்களால் இலங்கைவாழ் சிறுபான்மை இனங்களின் பாதிப்பென்பது வெளித்தோற்றமானது. இவர்களால் இலங்கை தேசமும் பெரும்பான்மை இனங்களான சிங்கள நடுத்தர உழைக்கும் பிரிவினர்களும் மறைமுகமாக மிகவும் பாதிக்கப்பட்டுக்கொண்டிருக்கின்றனர் என்பதை எவ்வித இனச்சார்பு நிலையற்று சிந்திப்பவர்களால் மட்டுமே புரிந்துகொள்ள முடியும். இந்த இருதரப்பினர்களின் அரசியல் வேறுபாடுகளையோ அல்லது அவர்களது சர்வதேச வெளிவிவகார நிலைப்பாடுகளிலுள்ள வேற்றுமைகளையோ நாம் இங்கு புள்ளிவிபர சான்றுகளோடு ஒப்பிட்டு ஆய்வுசெய்ய முன்வரவில்லை. இலங்கையின் பின்காலனித்துவ ஆட்சி அதிகார வரலாற்றின் அனுபவத்தில் மேற்படி இருதரப்பினரின் ஆட்சி அதிகார நிர்வாகமானது அனைத்து மக்களுக்கும் தேசத்திற்கும் பாதகமானதாகவே செயல்பட்டு வருகின்றது. எனவே இவ்விரு தரப்பினரும் எதிர்வரும் ஜனாதிபதித் தேர்தலில் அகற்றப்பட வேண்டியவர்களாக நாம் கருதுகின்றோம்.
தோற்றமளிக்கும் வெளிச்சமாக ஜே.வி.பி வேட்பாளர் அனுரகுமார திசநாயக்க
எமது நம்பிக்கைக்குரியவகையில் தோற்றமளிக்கும் இந்த ஜனாதிபதி வேட்பாளர் குறித்தும் அவர்களது கட்சி மீதான தமிழ் தரப்பு விமர்சனங்கள் என்பதும் மிகவும் அவதானிப்புக்குரியதே. இவர்கள் இனப்பிரச்சனை குறித்து தமது அபிப்பிராயங்களை கறாராக முன்வைத்து செயல்பட்டவர்களல்ல! தமிழ் மக்கள் தொடர்பான அரசியலில் எவ்வகையிலும் வெளிப்படையாக தமது அபிப்பிராயங்களை முன்வைப்பவர்களாக இருந்ததில்லை! இறுதி யுத்தத்தின்போது பலவகையிலும் சிங்கள இனவாத அரசிற்கு சார்பாகவே செயல்பட்டு வந்தவர்கள்! தற்போது ஜனாதிபதித் தேர்தலில் வேட்பாளராக போட்டியிடும் அனுரகுமார திசநாயக்க அவர்களும் தமிழ் மக்களின் இனப்பிரச்சனைக்கான தீர்வு குறித்து எவ்விதமான உத்தரவாதமும் வழங்கமுடியாதவராக இருக்கின்றார்! எனவே அவரையோஇ அவரது கட்சியையோ தமிழ் மக்கள் எந்தவித நம்பிக்கையில் ஆதரவளிக்க முடியும்? வாக்களிக்க முடியும்? எனும் அபிப்பிராயமும் நிலவுகின்றது.
இதுவரையில் தமிழ் தரப்பு அரசியல் தலைமைகளானதுஇ நம்பிக்கை அடிப்படையிலும் வாக்குறுதிகள் வழங்குவதன் அடிப்படையில் ‘தோற்றமளிக்கும்’ சிங்கள தலைமைகளையே தொடர்ந்து ஆதரித்து வந்தும்…இ தொடர்ந்து ஏமாந்தும் போனவர்கள். எனவேதான் அவ்வாறான வாக்குறுதி வழ்ங்கக் கூடியதாகவும்இ நம்பிக்கை அளிக்கும் வகையிலான ஒரு ‘தோற்றமளிக்கும்’ தரப்பாக ஜே.வி.பி யின் வேட்பாளரும் இருக்கவேண்டும் என எதிர்பார்க்கின்றனர். இவ்வாறான எதிர்பார்ப்பை தமிழ் அரசியல் கட்சிகள் மட்டுமல்லஇ முற்போக்குஇ நடுநிலை விமர்சகர்களின் எதிர்பார்ப்பும் இவ்வாறாகவே அமைந்திருப்பதையும் எம்மால் அவதானிக்கக்கூடியதாக இருக்கின்றது.
ஜே.வி.பி உறுப்பினர்கள் சிலருடன் உரையாடிய வகையிலும் அவர்களது கட்சியின் மரபு சார்ந்த புரிதலின் அடிப்படையிலும் ஒரு முடிவுக்கு எம்மால் வரமுடிகிறது. அவர்களின் இலட்சிய நோக்கு என்பது அதிகமாக தமது சித்தாந்தத்திலும் அதனூடாக அவர்கள் முன்வைக்கும் கொள்கையை அடைவதற்கான இலக்கை நோக்கியே செயல்படுபவர்களாகவும் ஊகிக்க முடிகிறது. மாறாக இலக்குக்கான கொள்கை வகுப்பதிலும் அந்த இலக்கை அடைவதற்கு இடையூறாக கொள்கை சித்தாந்தங்கள் நிலவும் பட்சத்தில் அவைகள் மீதான மறுபரிசீலனை மேற்கொள்வதில் அவர்கள் மத்தியில் பல்வேறு முரண்பாடுகள் இருப்பதாகவும் உணரமுடிகின்றது. அந்த வகையில் அவர்களது இலக்கு என்பது கொள்கையும்இ சித்தாந்தமும்தான். இந்த சம்பவத்தை எமது ஆயுதப்போராட்ட அனுபவங்களூடாகவும் நாம் கண்டுகொள்ளலாம். விடுதலைப் புலிகளோடு இணைந்த சில இடதுசாரிய சிந்தனையை உள்வாங்கிய அமைப்புகளும் இவ்வாறான சித்தாந்தக் கொள்கைகளையே நிறைவேற்றும் பிரதான இலக்காக கருதியவர்கள். அவ்வாறான தமது சித்தாந்த பற்றுதியின் பின்னணியில்தான் விடுதலைப்புலிகளின் ஆயுதப்போராட்டத்தை ஆதரித்தார்கள். விடுதலைப் புலிகளோடு இணைந்தும் செயல்பட்டார்கள். புலிகளின் தனிநபர்கள் மீதான கொலைகளையும் நியாயப்படுத்தும் வகையில்இ அவைகள் ஆயுதப்போராட்டத்தில் தவிர்க்கமுடியாத அசம்பாவிதங்கள் எனவும் கருதிக்கொண்டார்கள். பிற்பாடு தமது நேரடி அனுபவங்களூடாக பலர் மௌனமாகி விலகிக்கொண்டனர். சிலர் புலியின் வாலைப்பிடித்த பரிதாப நிலைக்கும் உள்ளானார்கள்.
அரசியல் கள உழைப்பின் அனுபவம் என்பது எமக்கு அறவே இல்லை. வாக்குறுதியளிக்கும்இ நம்பிக்கையளிக்கும் வகையிலான ‘தோற்றமளிக்கும்’ கட்சிகளையும் தலைமைகளையுமே நாம் எதிர்பார்த்து அரசியல் செய்து பழக்கப்படுத்திக் கொண்டோம். அரசியல் கள உழைப்பு சார்ந்த அனுபவத்தின் முன்னோடிகள் என்று எமக்கு யாரும் இல்லை.
இவ்வாறான அனுபவங்களோடு தற்போது நடைபெற இருக்கம் ஜனாதிபதித் தேர்தலில் ஜே.வி.பி யின் வேட்பாளரான அனுரகுமார திசநாயக்க அவர்களையே இலங்கையின் மாற்று சக்தியாக கருதவேண்டியுள்ளது. அவரும் அவரது கட்சியும் தமிழ் மக்களுக்குரிய ‘தோற்றமளிக்கும்’ சக்தியாக காட்சி தராதபோதும் அவர்களை ‘தோற்றுவிக்கும்’ (சிறுபான்மை இனங்களின் அரசியல் அபிலாசைகளின் நியாயங்களை உரையாடிப் புரியவைப்பது) தலைமையாகவும்இ ‘தோற்றுவிக்கும்’ கட்சியாகவும் மாற்றுவதற்கு அரசியல் கள உழைப்பாளிகளைக் கொண்ட தமிழ் அரசியல் சக்திகள் தேவைப்படுகின்றது. துரதிருஷ்டவசமாக அவ்வாறான சமகால தமிழ்-அரசியல் கள உழைப்பாளிகளை எம்மால் இனம்காண முடியவில்லை.
சமகாலத்தவர்கள் அனைவரும் தமது கட்சி நலன்களுக்காகவும்இ தமது சுய தேவைகளுக்குமான எதிர்பார்ப்புடன் செயல்படும் தரப்பினராகவே எம்மால் அவதானிக்க முடிகிறது.
ஜே.வி.பி எனும் கட்சி மீதான பல்வேறு விமர்சனங்கள் இருப்பினும் குறைந்த பட்சம் அக்கட்சியானது தனிநபர் அதிகாரப் பிரயோகம் இல்லாததாகவும் எவ்வித ஊழல் குற்றச்சாட்டுக்களும் இல்லாத கட்சியாகவும் அறிய முடிகிறது. மேலும் ஆளும் மரபுக்கட்சிகள் மீதான சிங்கள மக்களின் அதிருப்த்திகளும் அதிகமாகி வருவதையும் அவதானிக்க முடிகின்றது. இதனையும் ஒரு வாய்ப்பாகக் கருதி எதிர்கால இலங்கை அரசியலில் ஒரு மாற்றத்தை ஏற்படுத்தும் முயற்சியாக தமிழ் மக்களும் அனுரகுமார திசநாயக்க அவர்களுக்கு வாக்களிப்பதே பயனுள்ள ஒன்றாக நாம் கருதுகின்றோம்.
வரும் ஜனாதிபதித் தேர்தலில் தொடர்ந்து வரும் இரண்டு ஆளும் தரப்புகளுக்கு எதிராக வாக்களிப்பதற்கு அண்மையில் நிகழ்ந்த முல்லைத்தீவு மாவட்டத்திலுள்ள நீராவியடி சம்பவத்தின் அனுபவமும் போதுமானதே. தீவிர பௌத்த அடிப்படைவாத பிக்குகளின் இனவாத செயல்களுக்கு மறைமுகமாகவும்இ வெளிப்படையாகவும் மேற்படி இரண்டு ஆளும் தரப்பினர்களின் ஆதரவென்பது தொடர்ந்துகொண்டே இருந்து வந்திருக்கின்றது. எனவே புதிதாக ஒரு தரப்பினரையே இலங்கையின் ஆளும் தரப்பாக நாம் எதிரபார்க்கவேண்டிய நெருக்கடியான சூழலாகவும் கருதவேண்டியிருக்கின்றது.
இதை நாம் அதிகமாக எதிர்காலத்தின் புதிய தலைமுறைகளிடமே எதிர்பார்க்கின்றோம். அவர்களாலேயே வாக்களிப்பதோடு மட்டுமல்லாது ‘தோற்றுவிக்கும்’ தலைமை ஒன்றிற்கான கள அரசியல் உழைப்பின் முக்கியத்துவம் கருதப்படமுடியும் எனவும் நம்புகின்றோம்.
இலங்கை தலித்சமூக மேம்பாட்டு முன்னணி -பிரான்ஸ்-
»»  (மேலும்)

9/26/2019

நம்பிக்கைதரும் ஒரு இளம் கம்யூனிஸ்ட்

 L’image contient peut-être : 6 personnes, dont Arun Hemachandra, personnes souriantes, personnes assises, personnes debout et intérieurஅண்மைக்காலங்களில் நம்பிக்கைதரும் ஒரு இளம் கம்யூனிஸ்ட்டாக அரசியலில் பரிணமித்து வருபவர் தோழர் அருண் ஹேமச்சந்திரா ஆகும். திருமலையை சேர்ந்த இவர் ஜேவிபியின் திருமலை மாவட்ட அமைப்பாளராக செயற்பட்டு வருகின்றார்.  அண்மையில் கிரேக்கத்தில் நடைபெற்ற 45வது சர்வதேச கம்யூனிச இளைஞர் கருத்தரங்கில் ஜேவிபியின் சார்பில் கலந்து கொண்டுள்ளார்.
»»  (மேலும்)

9/23/2019

ஜேவிபியுடன் கைகோர்க்கும் நல்லாட்சிக்கான தேசிய முன்னணி


ஜனாதிபதித் தேர்தலில் தேசிய மக்கள் சக்தி (NPP) வேட்பாளர் அனுர குமார திஸாநாயக்கவை ஆதரிக்க ந.தே.மு (NFGG) தீர்மானம்.
- ந.தே.மு ஊடகப் பிரிவுL’image contient peut-être : texte
எதிர்வரும் நவம்பர் 16 இல் நடைபெற திகதி குறிக்கப்பட்டுள்ள ஜனாதிபதித் தேர்தலில், தேசிய மக்கள் சக்தியின் (NPP) வேட்பாளரான அனுர குமார திஸாநாயக்கவை ஆதரிப்பது என நல்லாட்சிக்கான தேசிய முன்னணியின் தலைமைத்துவ சபை தீர்மானித்துள்ளது.
கட்சியின் உள்ளக மட்டங்களிலும் சமூக மட்டத்திலும் பல சுற்றுக் கலந்துரையாடல்கள் மூலம் தொடர்ச்சியாகவும் விரிவாகவும் ஆராய்ந்ததன் பின்புலத்திலேயே இந்தத் தீர்மானம் பெறப்பட்டுள்ளது.
நாட்டின் பிரதான இரு அரசியல் முகாம்களுக்கு வெளியே வலுவான மூன்றாவது அரசியல் சக்தியொன்றைக் கட்டியெழுப்ப வேண்டியதன் அவசியத்தை ஆழமாக உணர்ந்ததன் பின்புலத்திலேயே இந்தத் தீர்மானம் எடுக்கப்பட்டுள்ளது.
இது தொடர்பில் வேட்பாளர் அனுர திசாநாயக்கவுடன் கட்சியின் தலைமைத்துவ சபையினர் பல கட்ட பேச்சுவார்த்தைகளை மேற்கொண்டு வந்துள்ளனர்.
தேசிய மக்கள் சக்தி என்பது 28 அமைப்புகளை உள்ளடக்கிய ஒரு கூட்டணியாகும். இதன் ஸ்தாபக அமைப்புகளுள் ந.தே.மு.(NFGG) யும் ஒரு முக்கிய அங்கமாகவுள்ளது. அந்த வகையில் தேசிய மக்கள் சக்தியின் உள்ளகக் கலந்துரையாடல்களிலும் ந.தே.மு பிரதிநிதிகள் கலந்து கொண்டு பல்வேறு காத்திரமான பங்களிப்புகளை வழங்கி வந்துள்ளனர் என்பதும் குறிப்பிடத்தக்கது.
இது தொடர்பில் தேசிய மக்கள் சக்தியின் பிரதான பங்காளிகளான மக்கள் விடுதலை முன்னணியினருடனும் (JVP) நல்லாட்சிக்கான தேசிய முன்னணி (NFGG) தொடர்ச்சியான கலந்துரையாடல்களில் ஈடுபட்டு வருகிறது.
இதனடிப்படையில் இன்று (22.9.2019) ந.தே.மு யின் தேசிய செயற்குழு கொழும்பில் கூடி தேசிய மக்கள் சக்தி (NPP) யின் ஜனாதிபதி வேட்பாளருக்கு ஆதரவு வழங்கும் தீர்மானத்திற்கு அங்கீகாரம் வழங்கியது.
மேலும், எதிர்வரும் 26.09.2019 வியாழக்கிழமை கொழும்பு புதிய நகர மண்டபத்தில் (New Town Hall) ஜனாதிபதி வேட்பாளர் அனுர குமார திஸாநாயக்க அவர்களின் பங்குபற்றுதலுடன், ந.தே.மு. (NFGG) யின் முதலாவது உத்தியோகபூர்வ பிரச்சாரக் கூட்டத்தை ஆரம்பித்து வைப்பதன் மூலம் கட்சியின் பிரச்சார நடவடிக்கைகள் முன்னெடுக்கப்படவுள்ளது. 
»»  (மேலும்)

9/19/2019

ஐக்கிய தேசியக் கட்சியினாலேயே யாழ் நூலகம் எரிக்கப்பட்டது: ஆவணம்


ஐக்கிய தேசியக் கட்சியினாலேயே யாழ்.நூலகம் எரிக்கப்பட்டது: ஆவண நிழல் படத்தில் பொறிக்க வேண்டும் என்ற ஈ.பி.டி.பியின் கோரிக்கை நிறைவேற்றம்!Résultat de recherche d'images pour "UNP LEADER GAMINI DISSANAYAKE AND SRI LANKA"
ஐக்கியதேசிய கட்சியினராலேயே யாழ்ப்பாணம் பொது நூலகம் எரிக்கப்பட்டது என்பதை பொது நூலக ஆவணப்படுத்தல் காட்சியறையில் வைக்கப்பட்டுள்ள ஆவணப் படத்திற்கு விளக்கம் கொடுக்கும் வகையில் தமிழில் எழுதப்பட வேண்டும் என ஈழ மக்கள் ஜனநாதயகக் கட்சியின் யாழ் மாநகரசபை உறுப்பினர் இரா. செல்வவடிவேல் வலியுறுத்தியுள்ளார்.
இன்றையதினம் யாழ் மாநகரசபையின் கடந்தவாரம் நடைபெற்ற மாதாந்த கூட்டத்தின் ஒத்திவைக்கப்பட்ட நிகழ்ச்சி நிரலுக்கான விவாதம் முதல்வர் ஆர்னோல்ட் தலைமையில் நடைபெற்றது.
இதன்போது யாழ் பொது நூலகத்தில் காணப்படும் நூலகம் எரிக்கப்பட்டது தொடர்பான ஆவண நிழல் படத்திற்கு கீழ் ஆங்கிலத்தில் எரிக்கப்பட்ட யாழ் பொது நூலகம் என பொறிக்கப்பட்டுள்ளதாகவும் இது அவ்வாறில்லாது உண்மையான வரலாறு பதிக்கப்பட வேண்டும் என்பதால் அந்த ஆவண நிழல் படத்திற்கு கீழ் ஐக்கிய தேசிய கட்சியால் எரிக்கப்பட்டதென்பதையும் அது அன்றைய ஐக்கிய தேசிய கட்சியின் அமைச்சரான காமினி திசநாயக்கா தலைமையில் எரிக்கப்பட்டதையும் தெளிவாக தமிழில் குறிப்பிட வேண்டும் எனவும் இரா. செல்வவடிவேல் வலியுறுத்தினார்.
குறித்த விடயத்தை ஏற்றுக்கொண்ட முதல்வர் ஆர்னோல்ட் குறித்த முன்மொழிவு ஏற்றுக்கொள்ளக் கூடியதும் உண்மையானதுமானதொன்றாக உள்ளது என்பதை ஏற்றுக்கொண்டதுடன் மேற்கொள்வதாக அதனை மாற்றிக்கொள்ள இணக்கமும் தெரிவித்திருந்தமை குறிப்பிடத்தக்கது.
»»  (மேலும்)

9/18/2019

ஜனாதிபதித் தேர்தல்- நவம்பர் மாதம் 16

இலங்கை 8ஆவது ஜனாதிபதித் தேர்தலுக்கான அறிவிப்பை தேர்தல் ஆணைக்குழு இன்று புதன்கிழமை வெளியிட்டது.Aucune description de photo disponible.
இதன்படி, ஜனாதிபதித் தேர்தல் எதிர்வரும் நவம்பர் மாதம் 16ஆம் தேதி நடத்தப்படும் என இந்த ஆணைக்குழுவின் தலைவர் மஹிந்த தேசபிரிய தெரிவித்துள்ளார்.
ஜனாதிபதித் தேர்தலுக்கான வேட்புமனு அக்டோபர் மாதம் 7 ஆம் தேதி முதல் ஏற்றுக்கொள்ளப்படும் என அவர் குறிப்பிட்டார்.
ஜனாதிபதித் தேர்தலுக்கான வர்த்தமானி அறிவித்தல் இன்று நள்ளிரவு வெளியிடப்படவுள்ளது.
»»  (மேலும்)

9/17/2019

பெரியார் -141

Résultat de recherche d'images pour "periyar" 
"பெரியார் நவீன காலத்தின் தீர்க்கதரிசி,தென்கிழக்காசியாவின் சோக்ரடீஸ்,சமூகசீர்திருத்தத்தின் தந்தை,
அறியாமை,மூடநம்பிக்கை,அர்த்தமற்ற சம்பிரதாயம், மானமிழந்த  பழக்கவழக்கங்கள் என்பவற்றில் கடும் எதிரி"-யுனெஸ்கோ 
»»  (மேலும்)