12/13/2019

இங்கிலாந்து தேர்தலில் கன்சவேர்டிக் கட்சியின் பாரிய வெற்றியின் பின்னணி என்ன?- இராஜேஸ்வரி பாலசுப்ரமணியம்

'போரிஸ் ஜோன்ஸனின் 'Brexit' வெற்றி'   இங்கிலாந்துத் தேர்தல் முடிவுகள்-2019
Résultat de recherche d'images pour "இராஜேஸ்வரி பாலசுப்ரமணியத்தின் லண்டன் 95 சிறுகதைத் தொகுப்பு"

இங்கிலாந்தில் பலரும் எதிர்பார்த்படி கொன்சர்வேட்டிவ்(பழமை தழுவும்) கட்சியின்; தலைவர் போரிஸ் ஜோன்ஸன் நேற்று நடந்த தேர்தலில் அமோக வெற்றி பெற்றிருக்கிறார். தேர்தல் ஆய்வுகளும் பத்திரிகைகளும் சொல்லிக்கொண்டு வந்த தொகுதிகளைவிடக் கூடத்தொகுதிகளைவென்றிருக்கிறார். பிரபுக்கள்,முதலாளிகள்,நில உடமையாளர்களின் கட்சி எனச் சொல்லப்படும் கொன்சர்வேட்டிவ் கட்சி பிரித்தானிய சரித்திரத்தில் முதற்தடவையாகத் தொழிற்கட்சியின் கோட்டை என்று சொல்லப் பட்ட,இங்கிலாந்தின் வடகிழக்கின் பல தொகுதிகளையும் வென்றெடுத்து வெற்றிவாகை கொண்டாடுகிறது.
கொன்சர்வேட்டிவ் கட்சி 45 விகித வாக்குகளையும், தொழிற்கட்சி 33 விகித வாக்குகளையும் பெற்றிருக்கிறது. புpரித்தானியாவின் 650 தொகுதிகளில் கொனசர்வேட்டிவ் கட்சி 364 இடங்களையும்,தொழிற்கட்சி 203 இடங்களையும், மிகுதிகளை மற்றக் கட்சிகளும் பெற்றிருக்கின்றன. தேர்தல் பிரசாரத்தில் போரிஸ் ஜோன்ஸன் 68 இடங்களை மேலதிகமாக வென்று அரசு அமைப்பேன் என்றர்.ஆனால் 78 தொகுதிகளை மேலதிகமாக வென்று அமோக வெற்றி பெற்றிருக்கிறார். ரோனி பிளேயார் 1997ல் 20.000 மேலதிக வாக்குகளால் வென்றெடுத்த செட்ஜ்பீல்ட் என்ற தொகுதியும் பறிபோனது தொழிற்கட்சியினரான எங்களைத் துன்பப்படுத்தியது.கொன்சர்வேட்டிவ் கட்சியின் மகத்தான வெற்றி. தொழிற்கட்சி 59 தொகுதிகளைக் கொன்சர்வேட்டிவ் கட்சியிடம் பறிகொடுத்த படுதோல்வி இந்தத் தேர்தலில் வெளிப்படுகிறது.
இதற்கெல்லாம் தலையாய காரணம் ஐரோப்பிய நாடுகளிலிருந்து பிரித்தானியா விலகவேண்டும் என்று பிரித்தானியாவின் பெரும்பான்மையான ஆங்கிலேயர்கள் விரும்புவதாகும். அந்த விரும்பத்தைத் தொழிற்கட்சி பெரிதாக எடுத்துக்கொள்வதில்லை என்பது பொது மக்களின் ஆத்திரமுமாகும்.ஏகாதிபத்திய ஆளுமையாக இருந்த இங்கிலாந்தில், ஐரோப்பிய ஒன்றியம் என்ற பெயரில்,பொருளாதார வசதியற்ற கிழக்கு ஐரோப்பிய நாடுகளிலிருந்து ஒவ்வொரு நாளும் நூற்றுக்கணக்கானவர்கள் லண்டன் நகரிற் குவிந்தது அவர்களால்ச் சகிக்க முடியாமலிருந்தது. வெளிநாட்டாரின் வருகையால்ஆங்கிலேய இளம் தலைமுறையினர் தங்களுக்கு ஒரு வீடு வாங்கமுடியாத அளவுக்கு வீடுகளின் விலைகள்  ஆகாயத்தைத் தொட்டன. அத்துடன் ஆங்கிலேயர் கேட்கும் சம்பளத்தை விட மிகக் குறைந்த சம்பளத்தில் வேலை செய்யப் பல்லாயிரம் ஐரோப்பிய இளைஞர்கள் லண்டனை நிறைத்தார்கள்.பணக்கார நாடான இங்கிலாந்துக்கு வந்து களவு செய்யவும், பாலியல் தொழிலுக்காகவும்  ஏழைப் பெண்களைக் கிழக்கு ஐரோப்பாவிலிருந்து கொண்டு வரவும் நூற்றுக்கணக்கான கிரிமினற் குழுக்கள் கிழக்கு ஐரோப்பாவிலிருந்து லண்டனுக்குள் மிகவும் இலகுவாக நுழைந்தன, இதனுடாக பிரித்தானியாவின் பெயருக்கும், சாதாரண மக்களின் பாதுகாப்புக்கும் தலையிடியைக் கொடுத்தார்கள்.
2004ம் ஆண்டு,ரோனி பிளேயர், ஐரோப்பிய ஒன்றிணையத்தின் மக்கள் அத்தனைபேரினதும் சுதந்திர நடமாட்டத்தை அமுலுக்குக் கொண்டு வந்தார்.அதைத் தொடர்ந்து, தங்களின பிரித்தானியத் தனித்துவக் கலாச்சாரம்,ஐரோப்பிய ஒன்றியத்தில் அங்கத்தவராக இருப்பதால் அழிந்து தொலைவதாகப் பிரித்தானியர் பலர் குமுறினர். 44 வருடங்களாக ஐரோப்பிய ஒன்றியத்துடனிருந்த தொடர்பைத் துண்டிக்க முடிவெடுத்தார்கள்.ஐரோப்பாவிலிருந்து வெளியேற 2016ம் ஆண்டு வாக்களித்தார்கள். தொழிற்கட்சி, லிபரல் டெமோக்கிரசிக் கட்சி, ஸ்கொட்டிஷ் தேசியக் கட்சிகளின் இழுபறியால் இங்கிலாந்து ஐரோப்பிய ஒன்றியத்திலிருந்து வெளியேறுவது பற்றிய விவாதம் நேற்றுவரை தொடர்ந்தது.
அவற்றிற்கு ஒட்டு மொத்த முற்றுப் புள்ளியும் வைக்கப் பிரித்தானிய மக்கள் வர்க்க சார்பிலிருந்து வெளிவந்து 'பிரக்ஷிட் போரிஸைத்'; தெரிவு செய்திருக்கிறார்கள்.
பணத்தின் ஆளுமையில் அமைந்த கொன்சர்வேட்டிவ் கட்சி,தொழிலாளர்களுக்குப் பெரிய நன்மை செய்யாத கட்சி.முதலாளிகளின் நன்மையை முன்னெடுப்பவை.ஆனாலும்,தொழிற்கட்சி சார்ந்த பெரும்பாலான மக்கள் 'ப்ரக்ஷிட்'காரணமாகக் கொன்சர்வேட்டிவ் கட்சிக்கு வாக்களித்திருக்கிறார்கள்.
மார்க்கரட் தச்சரைவிடக்கூடிய அளவில் போரிஸ்ஜோன்ஸன் பிரித்தானிய மக்களின் வாக்குகளைப் பெற்றிருக்கிறார்.
தொழிற்கட்சியின் தலைவர் ஜெரமி கோர்பினின் தலைமையிலுள்ள தொழிற்கட்சி இரண்டாம் தடவையும் 'ப்ரக்ஷிட்' சார்ந்த கொள்கைகளைச் சரியாக முன்னெடுக்காமல்;த் தேர்தலில்த் தோல்வியைத் தழுவியிருக்கிறது. பிரித்தானியா, முதலாளித்துவத்தின் பிறப்பிடம். 53 நாடுகளைக் காலனித்துவம் என்ற பெயரில் கொள்ளையடித்து மாடமாளிகைகள் கட்டிக் கொண்டவர்கள்.இன்னும் அரசகுடும்பத்தைப் போற்றும் பழமைவாதம் கொண்ட கலாச்சாரத்தைக் கொண்டவர்கள்.உலகத்திலுள்ள பணக்காரர்கள் பிரித்தானியாவுக்கு வந்து முதலிடச் சுதந்திரம் கொடுப்பவர்கள்.
ஆனாலும்,பிரித்தானிய மக்களிற் பெரும்பான்மையினர் சமத்துவத்தை விரும்புவர்கள். காலனித்துவத்திற்கு எதிராகப் போராடியவர்கள்.அதிலும் பிரித்தானிய தொழிற் கட்சி 'மனித நேயத்தைப்' போற்றும் தத்துவத்தைக் கொண்ட கட்சி. இந்தியா மட்டு மல்லாது, ஒட்டு மொத்த காலனித்துவ நாடுகளுக்கும் சுதந்திரம் கொடுத்த கட்சி.பெண்களுக்குச் சமத்துவம் என்று வாய்ப்பேச்சில் சவாலடித்துக் கொண்டிருக்காமல் 25 விகிதமாவது பெண்களின் பிரதிநதித்துவத்தைப் பாராளுமன்றத்தில் கொண்டு வந்தவர்கள். உலகமே வியக்கும் சுகாதார சேவை இலவசமாக வழங்கும் திட்டத்தைக் கொண்டு வந்தவர்கள்.
தொழிலாளர்கின் நலன்களுக்காகப் பல அரும்பெரும் திட்டங்களைக் கொண்டு வந்தவர்கள்.ஆனாலும், மிகவும் இடதுசாரியான ஜெரமி கோர்பின், பணக்காரர்களுக்கு எதிராகக் கொண்டு வந்த சில தேர்தல் விஞ்ஞாபனங்கள் பலரை முகம் சுழிக்க வைத்தது.'ப்ரக்ஷிட்' விடயத்தில் ஜெரமியின் தெளிவற்ற நிலைப்பாடு, அவருக்குக் கிடைத்த தோல்விக்குத் துணையாக இருந்தது. தொழிலாளர் வர்க்கத்தின் கணிசமானவர்களை அவரிடமிருந்து விலக்கியது. அந்த இடங்களைக் கொனசர்வேட்டிவ் கட்சி வெற்றி கொண்டிருக்கிறது.
ஜெரமியின் தோல்விக்கான பல காரணங்களில், பிரித்தானிய ஊடகங்கள் அவரின் இடதுசாரிக் கொள்கைகளை வெறுத்தது மிகவும் முக்கிய காரணமாகும்.இடைவிடாமல் பெரும்பாலான- பிரித்தானிய ஊடகங்கள் ஜெரமிக்கு எதிராகச் செயற்பட்டன.
ஜெரமியின் தொழிற்கட்சி மட்டுமின்றி, ஐரோப்பிய ஒன்றியத்திலிருந்து விலகமாட்டோம் என்று அடம்பிடித்த லிபரல் டெமோக்கிரசிக் கட்சியும்; பெரிதாக முன்னேறவில்லை. அந்தக் கட்சியின்; தலைவி,ஜோ வின்ஸன் படுதோல்வியடைந்திருக்கிறார்.
இனி என்ன நடக்கும்?
போரிஸ் ஜோன்ஸன் தனது தேர்தல் பிரசாரத்தில் கொடுத்த வாக்குறுதியின்படி, ஜனவரி 31ம் திகதி ஐரோப்பிய ஒன்றியத்திலிருந்து வெளியேற வேண்டும். அதற்கு முதல்,ஐரோப்பிய ஒன்றியத்துடனான பன்முகத் தொடர்புகளை எப்படி அறுத்துக் கொள்வது, அல்லது ஏதோ ஒரு வித்தில் தொடர்வது என்ற கேள்விகளுக்கு இருபகுதியினரும் வழிகள் தேடவேண்டும்.
-நேட்டோ ஒப்பந்தம் சார்ந்த விடயங்கள் ஒட்டுமொத்த ஐரோப்பிய நாடுகளின் பாதுகாப்புக்குப்புக்கும்  பொதுவானவை. அந்த அமைப்பின் ஆரம்ப அமைப்பாளர்களில் பிரித்தானியா முன்னிலை வகிக்கிறது.அந்த அமைப்பில் பிரித்தானியாவின் இடம் தெளிவு படுத்தப்படவேண்டும்
-விஞ்ஞான,விண்ணுலகஆய்வுகள் சம்பந்தமான ஐரோப்பா ஒருமித்த திட்டங்களின் எதிர்காலமென்ன?
-கிழக்கு ஐரோப்பிய அடிமட்டத் தொழிலாளர்களின் வரவு தடைப்பட்டால் அவர்களை நம்பியிருக்கும் பிரித்தானிய விவசாயத்தின் நிலைஎன்ன?
-டொனால்ட் ட்ரம்பின் அன்புக்கும் ஆதரவுக்கும் தன்னை இணைத்துக்கொண்ட 'பிரித்தானிய ட்ரம்ப் போரிஸ் ஜோன்ஸன்'அமெரிக்காவின் வாலாக இயங்குவாரா என்கின்ற கேள்விகள்  பலருக்குண்டு.
-போரிஸ் பிரமாண்டமாக வெற்றி பெற்றிருக்கிறார்,ஆ
னால் பொய்களைத் தாராளமாக வாரியிறைப்பவர் என்ற பெயரையும் கொண்டவர் அவர். 'ப்ரக்ஷிட்' விடயத்தில் எதிர்வரும் பேச்சுவார்த்தைகளில் என்னமாதிரி நடந்து கொள்வார், அதனால் பிரித்தானியாவின் பொருளாதார விருத்திக்கு,பாதுகாப்புக்கு,ஐரோப்பாவுடானான நல்லுறவுக்கு என்ன நடக்கும் என்பவை பலரின் கேள்விகளாகும்.

நன்றி *முகநூல் 
»»  (மேலும்)

12/10/2019

இலங்கை தமிழர்களுக்கு குடியுரிமை வழங்கவேண்டும்-ஸ்ரீ ஸ்ரீ ரவிசங்கர்

1 லட்சத்துக்கும் மேற்பட்ட இலங்கை தமிழர்களுக்கு குடியுரிமை வழங்குமாறு ஸ்ரீ ஸ்ரீ ரவிசங்கர் மையத்தை வலியுறுத்தியுள்ளார்.
சென்னை, டிசம்பர் 10: மூன்று தசாப்தங்களுக்கும் மேலாக அகதிகளாக நாட்டில் வாழும் ஒரு லட்சத்துக்கும் மேற்பட்ட இலங்கைத் தமிழர்களுக்கு குடியுரிமை வழங்குவது குறித்து பரிசீலிக்க வேண்டும் என்று ஆன்மீக குரு ஸ்ரீ ஸ்ரீ ரவிசங்கர் செவ்வாய்க்கிழமை வலியுறுத்தினார்.L’image contient peut-être : 1 personne, sourit, barbe

கடந்த 35 ஆண்டுகளாக அகதிகளாக இந்த நாட்டில் வசித்து வரும் ஒரு லட்சத்துக்கும் மேற்பட்ட தமிழ் இலங்கையர்களுக்கு குடியுரிமை வழங்குவது குறித்து பரிசீலிக்குமாறு இந்திய அரசிடம் கேட்டுக்கொள்கிறேன். சூ கேபி பில்' என்று அவர் ஒரு ட்வீட்டில் தெரிவித்துள்ளார். மக்களவை திருத்தச் சட்ட மசோதாவை மக்களவை நிறைவேற்றிய ஒரு நாளுக்குப் பிறகு, ஸ்ரீ ஸ்ரீ ரவிசங்கர் மையத்திற்கு வேண்டுகோள் விடுத்துள்ளார்.

முன்மொழியப்பட்ட சட்டத்தின்படி, 2014 டிசம்பர் 31 ஆம் தேதிக்குள் பாகிஸ்தான், பங்களாதேஷ் மற்றும் ஆப்கானிஸ்தானில் இருந்து இந்தியா வந்து அந்த நாடுகளில் மதத் துன்புறுத்தல்களை எதிர்கொண்ட இந்து, சீக்கிய, புத்த, சமண, பார்சி மற்றும் கிறிஸ்தவ சமூகங்களைச் சேர்ந்தவர்கள் சட்டவிரோதக் குடியேறிகள் என்று கருதப்பட மாட்டார்கள். அவர்களுக்கு இந்திய குடியுரிமை வழங்கப்பட்டது. தமிழ் நாட்டில் பல்வேறு பகுதிகளில் உள்ள அரசு முகாம்களில் கணிசமான எண்ணிக்கையிலான இலங்கை தமிழர்கள் மூன்று தசாப்தமாக வதைபடுகிறார்கள். 


விடிந்தால் பொழுதுபடும் வரைக்கும் வருஷம் 365 நாளும் தமிழ் தமிழ் என்று முதலைக் கண்ணீர் வடிக்கும் அரசியல்வாதிகளும் போலித் தமிழ் வாஞ்சையாளர்களும் வெளிநாடுகளுக்கு வந்து ஒட்டுண்ணிகளாக இலங்கைத் தமிழர்களின் விருந்தோம்பல் பலவீனத்தைச் சுரண்டியவர்களும் இன்று வரை இலங்கைத்தமிழ் அகதிகள் பற்றி அற்ப அக்கறை கூடக் காட்டியதில்லை என்பது சவால்விட முடியாத உண்மையாகும்.

நன்றி* தோழர் அழகலிங்கம் 
»»  (மேலும்)

12/04/2019

அனுராதா யஹம்பத் –கிழக்கு மாகாண ஆளுநராக நியமனம்


கிழக்கு,மற்றும் வடமத்திய  மாகாணங்களுக்கான புதிய ஆளுநர்கள் நியமிக்கப்பட்டுள்ளதுடன், அவர்கள் ஜனாதிபதி கோட்டாபய ராஜபக்ஷ முன்னிலையில் இன்று (04) பதவிப்பிரமாணம் செய்துகொண்டனர்.
                
 கிழக்கு மாகாண ஆளுநராக அனுராதா யஹம்பத், வட மத்திய மாகாண ஆளுநராக திஸ்ஸ விதாரண, ஆகியோர் நியமிக்கப்பட்டுள்ளனர்.
 முன்னதாக ஆறு புதிய ஆளுநர்கள்  ஜனாதிபதி கோட்டபாய ராஜபக்ஷ முன்னிலையில் கடந்த மாதம் (21) பதவிப் பிரமாணம் செய்துகொண்டிருந்தனர்.
ஆளுநர்களின் முழுமையான விவரங்கள் 
அனுராதா யஹம்பத் – கிழக்கு மாகாணம் 
திஸ்ஸ விதாரண–   வட மத்திய மாகாண ஆளுநர்
ராஜா கொல்லுரே –  ஊவா மாகாண ஆளுநர்
சீதா அரம்பேபொல – மேல் மாகாண ஆளுநர்
ஏ.ஜே.எம்.முஸம்மில் – வடமேல் மாகாண ஆளுநர்
லலித் யு.கமகே         –  மத்திய மாகாண ஆளுநர்
வில்லி கமகே         –   தென் மாகாண ஆளுநர்
டிகிரி கொப்பேகடுவ – சபரகமுவ மாகாண ஆளுநர்
»»  (மேலும்)

12/03/2019

தமிழீழத்தை மட்டுமல்ல தமிழர்தம் ஒற்றுமையையும் காணாது அருளர் மறைந்தார்

ஈழப்போராட்டத்தின் முன்னோடிகளில் ஒருவரும் ஈரோஸ் (EROS) இயக்கத்தின் தொடக்க கால உறுப்பினர்களில் ஒருவருமான தோழர் அருளர் (அருட்பிரகாசம்) யாழ்ப்பாணத்தில் மறைந்து விட்டார்.L’image contient peut-être : 1 personne, debout, arbre, plante, ciel, plein air et nature
(13.04.1948 - 03.12. 2019)
“லங்கா ராணி” என்ற புதினத்தை எழுதியவர்.
ஈழப்போராட்ட வரலாற்றோடு இணைந்திருந்த“கன்னாட்டி” பண்ணைக்குரியவர்.
1980 களில் ஈழப்போராட்ட இயக்கங்களுக்கிடையில் பரஸ்பர உறவைக்கட்டியெழுப்புவதற்கான முயற்சிகளில் ஈடுபட்டவர்.
லண்டன், இந்தியா, இலங்கை என எப்போதும் பயணங்களை மேற்கொண்டு அரசியல், சமூகப் பணிகளைச் செய்து கொண்டிருந்தவர்.
மீளாய்ப்பயணமாகி விட்டார்.
தோழர் அருளருக்கு அஞ்சலி
நன்றி *தகவல் முகநூல் தோழர் கருணாகரன்  

»»  (மேலும்)

11/28/2019

அங்கஜன் வியாளேந்திரன் ஆகியோருக்கு மாவட்ட இணைப்புக் குழு தலைவர் பதவிகள்

Résultat de recherche d'images pour "பாராளுமன்ற உறுப்பினர் வியாழேந்திரன்""
அரசாங்க தரப்பு பாராளுமன்ற உறுப்பினர்கள் 17 பேருக்கு மாவட்ட இணைப்புக் குழு தலைவர் பதவிகள் வழங்கப்பட்டுள்ளன.  
ஜனாதிபதி செயலகத்தில் வைத்து பிரதமர் மஹிந்த ராஜபக்ஸவினால் இந்த நியமனங்கள் இன்று (27) வழங்கப்பட்டன.
இந்தவகையில் வழங்கப்பட்ட பொறுப்புக்கள் வருமாறு,
  • கொழும்பு மாவட்டத்துக்கு விஜேதாச ராஜபக்ஸ
  • கம்பஹா மாவட்டத்துக்கு சுதர்சனி பெர்ணாந்து புள்ளே
  • களுத்துறை மாவட்டத்துக்கு பியல் நிசாந்த
  • கண்டி மாவட்டத்துக்கு கலாநிதி சரத் அமுனுகம
  • மாத்தளை மாவட்டத்துக்கு லக்ஸ்மன் வசந்த பெரேரா
  • மொனராகலை மாவட்டத்துக்கு சுமேதா பீ. ஜயசேன
  • நுவரெலியா மாவட்டத்துக்கு முத்து சிவலிங்கம்
  • காலி மாவட்டத்துக்கு சந்திம வீரக்கொடி
  • மாத்தறை மாவட்டத்துக்கு நிரோசன் பிரேமரத்ன
  • யாழ். மாவட்டத்துக்கு அங்கஜன் ராமநாதன்
  • மன்னார் மாவட்டத்துக்கு காதர் மஸ்தான்
  • மட்டக்களப்பு மாவட்டத்துக்கு எஸ். வியாளேந்திரன்
  • அம்பாறை மாவட்டத்துக்கு சிறியானி விஜேவிக்ரம
  • அனுராதபுர மாவட்டத்துக்கு வீரகுமார திஸாநாயக்க
  • பதுளை மாவட்டத்துக்கு தேனுக விதானகமகே
  • கேகாலை மாவட்டத்துக்கு சாரதீ துஸ்மன்த மித்ரபால
  • இரத்தினபுரி மாவட்டத்துக்கு துனேஸ் கன்கந்த 
  • ஆகியோரே இவ்வாறு நியமனம் செய்யப்பட்டுள்ளனர்.
»»  (மேலும்)

11/25/2019

ஆனாலும் அதாவுல்லா மன்னிப்பு கேட்பதே மாண்பு



மின்னல் வீடியோவை தெளிவாக பாருங்கள்,மலையக மக்களின் நலன் சார்ந்தே அதாவுல்லாவும் பேசுகின்றார். ஆனாலும் "தோட்டக்காட்டானும் அப்படியே இருக்க வேணும்" என்று கூறியது கூறலாகத்தான் அவர் சொல்கின்றார். அதனை மேற்கோளாகவே சொல்லுகின்றார். அவரது வசனம் முழுமையடைய முன்பே மனோ கணேசனுடன் சக்தி நிகழ்ச்சி தொகுப்பாளரும் இணைந்து அவரை பேசாது தடுத்து விட்டனர். Résultat de recherche d'images pour "அதாவுல்லா""

அந்த வார்த்தையை மலையக மக்களை  நிந்திக்கும் நோக்குடனோ,மலையக மக்கள் மீதான வன்மமாகவோ  அவர் பயன்படுத்தவில்லை. ஆனபோதிலும் மனோ கணேசன் அவர்கள் அவ்வார்த்தையை எதிர்கொள்ளும் போது ஒரு ஒடுக்கப்பட்ட இனத்தின் பிரதிநிதியாக அவர் காட்டிய எதிர்ப்புக்கு அனைத்து நியாயங்களும் உண்டு. ஆனால் அவர் அதாவுல்லாமீது தண்ணீரை வீசியதும் நியாயமற்றதே.  

தோ ஒரு வகையில் அதாவுல்லாவின்  வார்த்தையானது மனோவையும்  அவர் சார்ந்த மக்களையும் காயப்படுத்தியே  விட்டது. இந்த வாய்ப்பை பயன்படுத்தி சிறுபான்மை சமூகங்களிடையே உள்ள உறவுகளை யாரும் சீர்குலைக்க நாம் இடமளிக்க கூடாது. எனவே இப்பிரச்சனையை முடிவுக்கு கொண்டுவர அதாவுல்லா அவர்கள் மன்னிப்பு கேட்பதே சரியானது.   தலை  நிமிர்ந்து நிற்பது மட்டுமல்ல  மக்களின் மனம் நோகாமல்  மன்னிப்பு கேட்கின்ற தைரியமும் கூட ஒரு தலைவனுக்கு தேவை. தலைமைத்துவத்தின் மாண்பு என்பது அதுதான். அதனை அவர் இந்த தருணத்தில் நிரூபிக்க வேண்டும். 

ஆனால் இந்த விடயத்தில்  கை  சுத்தமானவர்கள் மட்டுமே அவர் மீது கல்லெறிய முடியும். யாழ்ப்பாணத்தில் இராஜதுரையை மட்டக்களப்பு சக்கிலியன் என்று சிவாஜிலிங்கம் திட்டி தீர்க்கும் போதும், அரியநேந்திரன் பியதாசை எம்பி கட்சி மாறியபோது சக்கிலியன் என்று வசை பாடும்போதும் கள்ள மெளனம் காத்தவர்கள் இப்போது மலையக மக்களுக்காக வரிந்து கட்டிக்கொண்டு நிற்பது அவர்கள் மீதான அக்கறையின் பாற்பட்டதல்ல. வெறும் கடைந்தெடுத்த முஸ்லீம் எதிர்ப்பிலிருந்தே இந்த நீதிமான்கள்கள் எழுகின்றனர்.

எளிய சாதிகள்   வன்னிக்காட்டான்,மட்டக்களப்பு மடையன், தொப்பி பிரட்டி சோனி,தோட்டகாட்டான்,மோட்டு சிங்களவன்,என்கின்ற  வசை சொற்களை  மற்றவர்கள் மீது பயன்படுத்தாதவர்கள் மட்டுமே  அதாவுல்லாவை விமர்ச்சிக்கும் தார்மீகம் கொண்டவர்கள். 
»»  (மேலும்)

11/24/2019

வாசிப்பு மனநிலை விவாதம் -29 -பிரான்ஸ்

பிரான்ஸ் இலக்கிய தோழர்களின் ஒருங்கிணைப்பில் பலவருடங்களாக நடைபெற்றுவரும் வாசிப்பு மனநிலை விவாதம் என்கின்ற நிகழ்வானது இம்முறை தனது 29வது  சந்திப்பை  நடத்துகின்றது. இன்று ஞாயிறு அன்று இடம்பெறும் இச்சந்திப்பில் கனடாவாழ் பெண் ஆளுமைகளாக கறுப்பி சுமதி,நிரூபா,சிவரஞ்சனி போன்றோரின் நூல்கள் இடம்பெறுகின்றன. நிகழ்வினை தோழர் விஜி ஒருங்கிணைத்து நடத்தவுள்ளார்.  விமர்சன உரைகளை தோழர்கள் டானியல்,தர்மு பிரசாத்,மனோ,தில்லைநடேசன்,நெற்கொழுதாசன்,அசுரா போன்றோர் நிகழ்த்தவுள்ளனர்.L’image contient peut-être : texte
»»  (மேலும்)

11/23/2019

தெற்கின் சிங்கங்களான ராஜபக்ஷக்கள் அரச வம்சத்தினரா?


தெற்கின் சிங்கங்களான ராஜபக்ஷக்கள் அரச வம்சத்தினரா?Résultat de recherche d'images pour "kandy kingdom sri lanka""
ராஜபக்ஷக்கள் சரித்திர காலம் தொட்டே மக்கள் சேவையை அர்ப்பணிப்புடன் செய்தவர்கள். அவர்களின் அரசியல் சரித்திரத்தில் அவர்கள் திடீரென அதிகாரத்துக்கு வந்தவர்கள் அல்ல. தெற்கில் அவர்களைப் பற்றி முதலில் குறிப்பிடப்படுவது 1761ம் ஆண்டு கண்டி அரச மாளிகையில்அனுமதி பெற்று மடுவன்வெல பிரதேச 13 நிலமேக்களுடன் தெற்கில் போர்த்துக்கேயரின் கோட்டையை தாக்க வந்தவர்கள் என்பதாகும்.
அதில் ஒருவர் கொடக்கவெல ராஜபக்ஷ நிலமே. சப்ரகமுவ படையுடன் சண்டையிட்ட இந்த நிலமே கட்டுவன, தங்காலை, மாத்தறை போர்த்துக்கேய கோட்டை மற்றும் காலிக்கோட்டை என்பவற்றைத் தாக்கியுள்ளார்கள்.
பின்னர் படையினர் சப்ரகமுவையை நோக்கிச் செல்லும் போது ராஜபக்ஷ நிலமே மாத்தறை கரத்தொட்ட விஜேசிங்க குடும்பத்தின் பெண்ணொருவரை திருமணம் முடித்து தனது வசிப்பிடமாக கரத்தொட்டையை ஆக்கிக் கொண்டார். இவர்களின் வழி வந்த வணிகசிந்தாமணி தொன் அந்திரிஸ் ராஜபக்ஷ 1818 இல் ஊவவெல்லஸ்ஸ யுத்தத்தில் வீர கெப்பட்டிபொல நிலமேயுடன் இணைந்து போர் புரிந்தார். வீரக்கெட்டிய புத்தியாகம என்னும் இடத்துக்கு வசிக்க வந்த அவரின் வழிவந்த டி. ஏ. ராஜபக்ஷவின் தந்தை டொன் டாவித் ராஜபகஷவாகும். வீரகெட்டிய புத்தியாகம வளவ்வை தனது பிறந்த இடமாகக் கொண்ட அவரின் புதல்வர்கள் டீ. ஏ. ராஜபக்ஷ டி. எம். ராஜபக்ஷ ஆவர்.
ஊவா புரட்சியின் போது வீர கெப்பட்டிபொல காட்டிக்கொடுக்கப்பட்டு ஆங்கிலேயர் கைது செய்த போது வணிகசிந்தாமணி மொஹட்டி டொன் அந்தியஸ் ராஜபக்ஷவும் அவரது ஆதரவாளர்களும் மாணிக்க கங்கையின் ஊடாக கதிர்காமத்துக்கு தப்பிச் சென்றார்கள்.
1936ல் கவுன்சில் சபைக்கு டி. எம். ராஜபக்ஷ முதல் தடவையாக தெரிவு செய்யப்பட்டார். அக்காலத்தில் ஒரு குலத்தைச் சேர்ந்த மக்களுக்கு மேலாடையணிவது ஆங்கிலேயருக்கு ஆதரவான பிரபுக்களால் தடை செய்யப்பட்டிருந்தது. அதனைப் போராடி அவர்களுக்கும் அவ்வுரிமையைப் பெற்றுக் கொடுத்தார். இதன் மூலம் அவர்களின் ஆதரவையும் பெற்றார். அவர் 1945 வரை அம்மக்களின் பிரதிநிதியான கவுன்சில் சபையின் பிரதிநிதியாக இருந்தார்.
திடீரென அவரின் மறைவுக்குப் பின்னர் டொன் அந்தியஸ் ராஜபக்ஷவின் இன்னொரு பேரரான மஹிந்த ராஜபக்ஷவின் தந்தையான டி. ஏ. ராஜபக்ஷவை பதவிக்கு வருமாறு கோரினார்கள். சாதாரண வாழ்க்கையை மேற்கொண்ட முதலில் அதனை ஏற்கவில்லை. ஆனால் மக்களின் வற்புறுத்தல் காரணமாக வயலில் தனது கை​ையக் கழுவிய பின்னர் ஹம்பாந்தோட்டை இடைத்தேர்தலில் போட்டியிடக் கையெழுத்திட்டார்.
அதில் ஏகமனதாகத் தெரவு செய்யப்பட்டார். அவரது அரசியல் வாழ்க்கையில் முக்கியமான சந்தர்ப்பமாக பண்டாரநாயக்கவின் அரசிலிருந்து விலகி எதிர்க்கட்சிக்கு மாறிய சந்தர்ப்பமாகும். அவருடன் எதிர்க்கட்சிக்கு சென்று ஸ்ரீலங்கா சுதந்திரக்கட்சியை ஆரம்பித்து பொதுமக்களுக்காகப் பணியாற்றியவராவார். அப்போதைய பிரதமர் டி. எஸ். சேனநாயக்க பண்டா போனதைப் பற்றிக் கவலையில்லை, டீ. ஏ. போனது தாங்கமுடியவில்லை என்று கூறியுள்ளார்.
ஸ்ரீமாவோ பண்டாரநாயக்வின் ஆட்சிக்காலத்தில் சபாநாயகராக பதவி வகித்தார்.
1965 தேர்தலில் பெலிஅத்த பாராளுமன்ற உறுப்பினரான டீ. ஏ. ராஜபக்ஷ அத்தொகுதியில் தோல்வியடைந்தார். அதன் பின்னர் ஓய்வாக ஏழ்மையான வாழ்க்கை நடத்திய அவர் 1967 ஆம் ஆண்டு காலமானார். தனது பரம்பரையில் மக்கள் சேவைக்காக லக்ஷ்மன் ராஜபக்ஷ மற்றும் ஜோர்ஜ் ராஜபக்ஷ ஆகியோரை மக்கள் சேவையை முன்னெடுத்துச் சென்றனர்.
»»  (மேலும்)

11/22/2019

மனமார்ந்த வாழ்த்துக்கள்.

 இன்று அமைச்சராக பொறுப்பேற்கும் என்றும் சளைக்காத விக்கிரமாதித்தன் தோழர் கெளரவ டக்ளஸ் அவர்களுக்கு தமிழ் மக்கள் விடுதலைப்புலிகள்,ஜனநாயகத்துக்கான கிழக்கிலங்கை முன்னணி,உண்மைகள் இணையத்தளம் சார்பாக  மனமார்ந்த வாழ்த்துக்கள்.  L’image contient peut-être : 1 personne, debout
»»  (மேலும்)

யார் செய்த குற்றம்? -இலங்கை வரலாற்றில் முஸ்லிம்கள் இல்லாத அமைச்சரவை

இலங்கை அரசின் புதிய அமைச்சரவை இன்று வெள்ளிக்கிழமை பொறுப்பேற்றுள்ளது. பிரதமர் பதவியேற்பு
சத்திய பிரமாண நிகழ்வு ஜனாதிபதி கோட்டாபய ராஜபக்ஷ முன்னிலையில் ஜனாதிபதி செயலகத்தில் நடைபெற்றது.
இந்த அமைச்சரவையில் இந்திய வம்சாவளித் தமிழர்களை பிரதிநிதித்துவப்படுத்தி நாடாளுமன்றம் சென்ற ஆறுமுகன் தொண்டமானும், வட மாகாண தமிழர்களை பிரதிநிதித்துவப்படுத்திய நாடாளுமன்றம் சென்ற டக்ளஸ் தேவானந்தாவும் அமைச்சு பொறுப்புக்களை ஏற்றுள்ளனர்.
புதிய அமைச்சரவையில் முஸ்லிம்களை பிரதிநிதித்துவப்படுத்தும் வகையில் ஒருவர் கூட இடம்பிடிக்கவில்லை. 
»»  (மேலும்)

11/19/2019

தமிழக அரசியல்வாதிகள் முதலை கண்ணீர் வடிக்கின்றனர் - நாமல்

தமிழகத்திலுள்ள தமிழ் அரசியல்வாதிகள் தங்களுடைய சுயநல மற்றும் சந்தர்ப்பவாத அரசியல் தேவைகளுக்காக இலங்கை மக்களை பகடைக்காயாக பயன்படுத்தி வருவதாக மஹிந்த ராஜபக்ஷவின் மகனும், நாடாளுமன்ற உறுப்பினருமான நாமல் ராஜபக்ஷ தெரிவித்துள்ளார்.
இலங்கையின் ஜனாதிபதியாக கோட்டாபய ராஜபக்ஷ தெரிவாகியுள்ள பின்னணியில், தமிழக அரசியல்வாதிகள் வெளியிட்டுள்ள கருத்துக்களுக்கு பதிலளிக்கும் வகையிலேயே நாமல் ராஜபக்ஷ இதனைக் குறிப்பிட்டுள்ளார். நமால் ராஜபக்‌ஷ
இது தொடர்பாக தமிழில் அவர் விடுத்த அறிக்கையில், தமிழகத்திலுள்ள சில தமிழ் அரசியல் தலைவர்கள் இலங்கைத் தமிழ் மக்களை பற்றி ஒருபோதும் ஆழமாக சிந்தித்தது இல்லை என அவர் குறிப்பிட்டுள்ளார்.
இலங்கை தமிழ் மக்களின் அடிப்படை தேவைகளை பூர்த்தி செய்யும் வகையில் தமிழக அரசியல் தலைவர்கள் ஆக்கபூர்வமான செயற்பாடுகளை முன்னெடுத்தது கிடையாது எனவும் அவர் தெரிவித்துள்ளார்.
இலங்கையின் ஜனாதிபதியாக கோட்டாபய ராஜபக்ஷ தெரிவு செய்யப்பட்டமைக்கு இந்திய பிரதமர் உள்ளிட்ட பல நாடுகளின் அரச தலைவர்கள் வாழ்த்துக்களை தெரிவித்ததாகவும் அவர் சுட்டிக்காட்டியுள்ளார்.
குறித்த தமிழக அரசியல் தலைவர்களின் அறிக்கைகளில் அப்பட்டமான சந்தர்ப்பவாத அரசியலைத் தவிர, அவற்றில் வேறேதும் கிடையாது என அவர் சுட்டிக்காட்டியுள்ளார்.
இலங்கை மக்களை பகடைக்காய்களாக்கும், எம்மக்களிடையே பகையையும், இனவாதத்தையும் தூண்டிவிடும் மூன்றாந்தர அரசியலைத் தவிர, தமிழக அரசியல் தலைவர்கள் வேறென்ன ஆக்கப்பூர்வமான விடயத்தை செய்துள்ளார்கள் என்றும் அவர் கேள்வி எழுப்பியுள்ளார்.
»»  (மேலும்)