5/11/2021

வவுணதீவு பிரதேசத்தின் இரு பெரும் வீதிகள்

வவுணதீவுப் பிரதேசத்தின்  பாரம்பரிய  வீதிகள் இரண்டு மீள் புனரமைப்பு செய்ய ப்படவுள்ளன. 

கரவெட்டி-மகிழவட்டவான் வீதி, ஆயித்தியமலை -மகிழவட்டவான் வீதி போன்றவையே  மேற்படி புனரமைப்பு செய்யப்படவுள்ள இருபெரும் வீதிகளாகும்.

இவ்வீதிக்கான உத்தியோகபூர்வ ஆரம்ப நிகழ்வானது  பா.உ. சி.சந்திரகாந்தன் தலைமையில் விரைவில் இடம்பெறவுள்ளது.

அதிகப்படியாக வாக்களித்த வவுணதீவுப் பிரதேச மக்களுக்காக  கௌரவ பா.உ. சி.சந்திரகாந்தன் அவர்கள் மேற்கொண்ட அயராத முன்னெடுப்பின் பலனாக  இவ்வீதி அபிவிருத்திகள் இடம்பெறவுள்ளன.



»»  (மேலும்)

5/06/2021

டெலோ மீதான படுகொலை


வரலாற்றில் கறை படிந்த நாள்
———————————
சிறீ சபாரத்தினமும் அவரது அமைப்பைச் சேர்ந்த முன்நூறுக்கும் அதிகமான தோழர்கள் சுட்டும் சரண்டைந்தபின் உயிரோடு கொல்லப்பட்ட நாள் இன்று.புலிகளின் கோரமுகங்களை பற்களை உலகம் கண்ட நாள் இன்று.

1983 யூலையில் வெலிக்கடை சிறையில் தமிழ்க் கைதிகள் படுகொலை செய்யப்பட்டபோது இலங்கை அரசையும் இராணுவத்தையும் விமர்சனம் செய்த தமிழர்கள் வீதி வீதியாக சொந்த சகோதரங்களை படுகொலை செய்தபோது வேடிக்கை பார்த்தார்கள். இதைவிட ஒரு கூட்டம் கொலையாளிகளுக்கு குளிர் பானங்களும் புரியாணிகளும் கொடுத்த வரவேற்றார்கள்.

இன ஒடுக்குமுறைகளால் பாதிக்கப்பட்டு எப்படியாவது இதற்கு எதிராக போராடவேண்டும் என்ற எண்ணத்தோடு எந்த அமைப்பு என்ற பேதம் பாராமல் ஆயுதம் ஏந்திய இளைஞர்களை கொலை வெறிகொண்ட புலிகளால் படுகொலை செய்யப்பட்ட நாளை தமிழர்கள் மறந்து கடந்தே செல்கிறார்கள்.

இனக் கலவரங்களையும் வெலிக்கடைப் படுகொலைகளையும் வைத்து அரசியல் செய்யும் அரசியல்வாதிகள் சகோதரப் படுகொலைகளை நினைவு கூருவதே இல்லை.இந்தப் படுகொலையோடு சம்பந்தப்பட்ட திலீபன் கிட்டு போன்றவர்களுக்கு அஞ்சலி செலுத்த வரிசையில் நிற்பவர்கள் இந்தக் கொலையாளிகளால் கொல்லப்பட்ட நூற்றுக் கணக்கான கிழக்கு மாகாண இளைஞர்களை நினைவு கூருவதில்லை.

இதில் கொலையாளியான திலீபனை அகிம்சாவாதியாக கொண்டாடி அவருக்கு அஞ்சலி செலுத்த செல்வம் அடைக்கலநாதன் சுரேஷ் பிரேமச்சந்திரன் சித்தார்த்தன் போன்றோர் வரிசையில் நிற்பது மகா கேவலமான அரசியலாகும்.இந்தப் படுகொலைகளைப் பற்றி வாய் திறப்பதும் இல்லை.அராஜகங்கள் யார் செய்தாலும் தவறுதான்.

இலங்கை அரசால் இராணுவத்தால் பலர் கொல்லப்பட்ட போதும் அதிகமானவர்களை கொல்லாமல் சிறையில் வைத்திருந்தார்கள்.இறுதிப்போரில் சரண்டைந்த 12000 பேரை கைது செய்து பின்னர் விடுதலை செய்தார்கள்.ஆனால் புலிகளிடம் சரண்டைந்த சக அமைப்பு உறுப்பினர்கள் இராணுவம் அத்தனை பேரையும் சித்திரவதை செய்தே கொன்றார்கள்.

அப்படிப்பட்ட கொலைக் கும்பல்களை தியாகிகளாக போராளிகளாக கொண்டாடும் தமிழர்கள் அரசியல்வாதிகள் ஏன் முன்னாள் ரெலோ உறுப்பினர்கள்கூட இந்தப் படுகொலைகளை மறந்து விட்டார்கள்.

தமிழர்களைப் பொறுத்தவரை புலிகளின் உயிர்களைவிட ஏனையவர்களின் உயிர்களை உயிராக மதிப்பது இல்லை.அதன் அடையாளமே இந்தக் கொலைகளை நினைவுகூராமல் கடந்தே போகிறார்கள்

புலிகளால் படுகொலை செய்யப்பட்ட சொந்த தமிழ் சகோதர்ர்களுக்கு எனது அஞ்சலிகளை தெரிவிக்கிறேன்.

செல்வம் அடைக்கலநாதன் என்ன சொல்லப்போகிறார்?

நன்றிகள் தோழர் *vijaya baskaran
»»  (மேலும்)

5/04/2021

வாழைச்சேனை நீதிமன்றம் நாவலடிக்கு


"இடம் மாறும் நீதிமன்றமும் சாமானியர்களின் சாபக்கேடும்"......... 

வாழைச்சேனை மக்களுக்காக நீண்ட காலமாக நீண்ட காலமாக இயங்கி வந்த நீதிமன்றம் திடீரென மட்டக்களப்பு மாவட்ட கொழும்பு வீதி எல்லை பகுதியில் உள்ள நாவலடி பிரதேசத்திற்கு இடம் மாற்றப்படுவதற்கான ரகசிய முயற்சிகள் நடைபெற்று வருவதாக அறிய முடிகின்றது. 

தேசியம் பேசும் தேசியவாதிகள் ஆகட்டும் அபிவிருத்தி பேசும் அபிவிருத்தி சார்ந்த அரசியல்வாதி ஆகட்டும் சற்று வாழைச்சேனை பக்கம் உங்கள் கண்களை திருப்புங்கள், காரணம் கடந்த காலங்களில் பிரதான வீதி வாழைச்சேனையில் இயங்கிவந்த நீதிமன்ற வளாகம் மிக விரைவில் நாவலடி பிரதேசத்துக்கு மாற்றப்பட்டால்  பொதுமக்கள் பெரும் பயணச் சிரமத்தை எதிர்நோக்க வேண்டியிருக்கும்.

இவ்விடயத்தில் மட்டக்களப்பு குறிப்பாக வாழைச்சேனை பிரதேச பொது நிறுவனங்களும் மட்டக்களப்பு மாவட்ட பாராளுமன்ற உறுப்பினர்களும் உடனடியாக கவனம் செலுத்தி வாழைச்சேனையிலிருந்து இடமாற்றப் படவிருக்கும் நீதிமன்றத்தை காப்பாற்ற வேண்டுமென பொதுமக்கள் கூறுகின்றனர்.

»»  (மேலும்)

பிள்ளையான் பாணியில் சிறையில் இருந்து தேர்தலில் வென்றவர்

சிறைக்குள் இருந்தும், மோடியை எதிர்த்து ஒரு தேர்தல் வெற்றி!

சமூக செயற்பாட்டாளரான அகில் கோகாய் பா.ஜ.க அரசின் குடியுரிமை சட்டத்திற்கு எதிராகப் போராட்டத்தில் ஈடுபட்டதால் ஊபா சட்டத்தின் கீழ் கைது செய்யப்பட்டார். அவர் மீது 13 வழக்குகளைப் பதிவு செய்தது தேசிய புலனாய்வு முகமை.

அசாம் மாநிலத்தில் நடைபெற்ற சட்டப்பேரவைத் தேர்தலில் அவர் துவங்கிய ரைஜோர் தள கட்சியின் சார்பாக சிவ்சாகர் தொகுதியில் போட்டியிட்டார் அகில் கோகாய்.

பிள்ளையானுக்கு பிரதமர் ரணில் ஆளனுப்பி நேரம் பேசியது போல் ஆர்.எஸ்.எஸ் அமைப்பில் இணைந்தால் உடனடியாக பிணை வழங்குவோம் என்றும், பா.ஜ.க-வில் இணைந்தால் தேர்தலில் போட்டியிட்டு பா.ஜ.க அமைச்சராகலாம் என்று ஆசைகாட்டப்பட்டார். ஆனாலும் அவர் உறுதி தளரவில்லை.

இந்நிலையில், நேற்று வாக்கு எண்ணிக்கை நடைபெற்ற நிலையில் 57,173 வாக்குகள் பெற்று வெற்றி பெற்றுள்ளார் அகில் கோகாய். 

பிள்ளையானுக் எதிராக சுமந்திரனும் எதிர்க்கட்சித் தலைவர் சம்பந்தரும் பரப்புரை செய்துதபோல்  பிரதமர் மோடியே அதில் கோகாய்க்கு எதிராக தேர்தல் பரப்புரை செய்த நிலையில், அகில் கோகாய் சிறையிலிருந்து கொண்டே

ஒருநாள் கூட நேரடியாக பரப்புரை செய்யாமலேயே வெற்றி பெற்றுள்ளார்.

»»  (மேலும்)

5/03/2021

இந்திய மாநில தேர்தல் முடிவுகள்

இந்திய மாநிலத் தேர்தல் முடிவுகள்


இந்தியாவின் 5 மாநிலங்களான தமிழ்நாடு, மேற்கு வங்காளம், கேரளா, அசாம், பாண்டிச்சேரி ஆகியவற்றுக்கு நடைபெற்ற சட்டசபைத் தேர்தல்களில் தேர்தலுக்கு முந்திய கருத்துக் கணிப்புக்கள் தெரிவித்தபடியே முடிவுகள் அமைந்துள்ளன.

இந்த 5 மாநிலங்களில் அசாமில் மட்டுமே மத்தியில் ஆளும் பா.ஜ.க. மீண்டும் தனது ஆட்சியைத் தக்க வைக்க முடிந்துள்ளது. மேற்கு வங்கத்திலும் இம்முறை வெற்றி பெற்றுவிட வேண்டும் என்ற நோக்கத்தில் பா.ஜ.க. வரிந்து கட்டிக்கொண்டு வேலை செய்தபோதிலும், அதனால் ஒரு குறிப்பிடத்தக்களவு தொகுதிகளைக்கூடப் பெற முடியவில்லை. தமிழ்நாடு மற்றும் கேரளா போலவே மேற்கு வங்கமும் தேசிய உணர்விலும் முற்போக்கு சிந்தனையிலும் ஊறித்திளைத்த ஒரு மாநிலம் என்றபடியால் தீவிர மதச்சார்பும், அமெரிக்க சார்பும், கோப்பரேட்டுகளுக்கான ஆதரவும் கொண்ட பா.ஜ.க.வால் அங்கு வெற்றிபெற முடியவில்லை.

பா.ஜ.க.வால் மேற்கு வங்கம், கேரளா, தமிழநாடு ஆகிய மூன்று மாநிலங்களிலும் ஒரு குறிப்பிட்ட அளவுக்குத்தன்னும் வெற்றிபெற முடியாமல் போனமைக்கு இன்னொரு காரணம் இந்த மூன்று மாநிலங்களும் ஒப்பீட்டு வகையில் இந்தியாவிலேயே கல்வி கற்றவர்கள் அதிகம் வாழும் மாநிலங்களாகும்.

அத்துடன், மத்தியில் ஆளும் பா.ஜ.க. அரசு கொவிட் - 19 தொற்றுக்கெதிராக காத்திரமான நடவடிக்கை எடுக்கத் தவறியமையும், டில்லியில் போராடும் விவசாயிகளை ஊதாசீனப்படுத்தி வருவதும், இந்தி மொழியைத் திணிக்க முயல்வதும், மாநிலங்களின் அதிகாரங்களைப் பறிக்க முயல்வதும், பா.ஜ.க. ஆட்சியில் இல்லாத மாநிலங்களைப் புறக்கணிப்பதும், மதச் சிறுபான்மையினர் மீதான ஒடுக்குமுறையும் பா.ஜ.க.வை மக்கள் நிராகரித்தமைக்கான ஏனைய காரணங்களாகும்.

கேரளாவைப் பொறுத்தவரை மார்க்சிஸ்ட் கம்யூனிஸ்ட் கட்சி தலைமையிலான இடது முன்னணி அமோக வெற்றி பெற்று தொடர்ந்து இரண்டாவது தடவையாகவும் ஆட்சியைப் பிடித்து 40 வருட பாரம்பரியத்தை முறியடித்துள்ளது. அல்லது வழமையாக இடது முன்னணியும் காங்கிரஸ் கட்சி தலைமையிலான முன்னணியுமே அங்கு மாறி மாறி ஆட்சிக்கு வருவது வழமை. முதலமைச்சர் பினராயி விஜயன் தலைமையிலான இடது முன்னணி அரசு மேற்கொண்ட மக்கள் சார்பு நடவடிக்கைகளுக்கான ஒரு அங்கீகாரமாகவே இதைப் பார்க்கலாம்.

தமிழ்நாட்டைப் பொறுத்தவரை 10 வருடங்களின் பின்னர் கருணாநிதி இல்லாத தி.மு.க. அவரது மகன் ஸ்டாலின் தலைமையில் அமோக வெற்றிபெற்று ஆட்சியைப் பிடித்துள்ளது. முன்னர் ஆட்சியில் இருந்த அ.தி.மு.கவின் செயல் தினற்ற, ஊழல் மிகுந்த ஆட்சியில் மக்கள் வெறுப்புக் கொண்டிருந்ததும், இம்முறை தேர்தலில் அது மதச்சார்புள்ள பா.ஜ.க. உடன் அமைத்துப் போட்டியிட்டதுமே அ.தி.மு.க.வின் தோல்விக்கான பிரதான காரணங்களாகும்.

அதேநேரத்தில் ஸ்டாலின் தலைமையில் அமையப்போகும் தி.மு.க. ஆட்சி கவனத்தில் எடுக்க வேண்டிய முக்கியமான விடயம் ஒன்றும் உள்ளது. கடந்த காலங்களில் கருணாநிதியின் தலைமையில் இருந்த தி.மு.க. ஆட்சிகள் ஊழல் மிகுந்தவை என்ற அபிப்பிராயம் தமிழக மக்கள் மத்தியிலே உண்டு. எனவே இம்முறை மக்கள் தந்த அங்கீகாரம் முற்றுமுழுதாக தி.மு.க. மேல் ஏற்பட்ட பாசத்தினாலும் நம்பிக்கையாலும் ஏற்பட்டது அல்ல, அது அ.தி.மு.க. ஆட்சி மீது ஏற்பட்ட வெறுப்பினால் என்பதை ஆட்சி அமைக்க இருக்கும் தி.மு.க. தலைமை கவனத்தில் எடுத்து மக்களுக்கு ஊழலற்ற நல்லாட்சியை வழங்குவதில் கவனமாக இருப்பது முக்கியமானது.

மொத்தத்தில் இந்த 5 மாநிலத் தேர்தல் முடிவுகளும் பா.ஜ.க.வுக்கு ஒரு பின்னடைவு என்ற போதிலும், அதன் தலைமையிலான வலதுசாரி பாசிஸ சக்திகள் இன்னமும் பலமாகவே இருக்கின்றன என்ற யதார்த்தத்தையும் கவனத்தில் கொள்வது அவசியம்.

நன்றிகள் தோழர் மணியம்
»»  (மேலும்)

விபுலானந்தர் பிறந்த தினம்

சுவாமி விபுலாநந்த அடிகளார் அவர்களின் 129 வது பிறந்த தினத்தினை முன்னிட்டு மலர் அஞ்சலி செலுத்திய தருணம்.

மட்டக்களப்பு காரைதீவு மண்ணில் பிறந்த சுவாமி விபுலானந்தர் தமிழுக்கும், தமிழர்களின் கல்வி வளர்ச்சிக்கும் இலக்கியத்துக்கும் அளப்பரிய தொண்டாற்றியவர். அத்துடன் பல பாடசாலைகள் உருவாகுவதற்கும் வித்திட்டவர். பல தமிழ் இலக்கிய நூல்களையும் தமிழின் செம்மையினையும் உலகறியச் செய்து கல்வி வரலாற்றில் புதியதோர் தடம் பதித்து இறந்தும் இறவாமல் உலக தமிழர் மனதில் வாழும் பெருந்தகை ஆவார்.

அன்னாரின் 129 வது ஆண்டு பிறந்த

தினமாகிய இன்று தமிழ் மக்கள் விடுதலைப் புலிகள் கட்சி சார்பாக கட்சி முக்கியஸ்தர்கள் அடங்கிய குழுவினர் அன்னாரது சமாதிக்கு சென்று மலர் அஞ்சலி செலுத்தினர்.



»»  (மேலும்)

ராகு காலத்தில் வேட்பு மனு தாக்கல் செய்தவர் அபார வெற்றி பெற்றார்


பெரும்பாலானவர்கள் நல்ல காரியங்கள் எதையும் தொடங்கும்போது சுபவேளை பார்ப்பது வழமை.
ஆனால் அக்காரியங்கள் அனைத்தும் வெற்றி பெறுவதில்லை.
அதேபோல சுபநேரம் பார்க்காமல் நல்ல காரியங்களை தொடங்குபவர்கள் அனைவரும் தோல்வி அடைவதும் இல்லை.

நடந்து முடிந்த தமிழ்நாடு சட்டமன்றத் தேர்தலில் ராகு காலத்தில் விருப்ப மனு கொடுத்து, எமகண்டத்தில் வேட்பு மனு தாக்கல் செய்து, பரப்புரைப் பயணத்தைத் துவங்கினார் ஒருவர்.

இதனூடாக மூடநம்பிக்கைகளைத் தகர்த்தெரிந்துவிட்டு இன்று மாபெரும் வெற்றியை ஈட்டியிருக்கின்றார். அவர்தான் பகுத்தறிவுச் சுடர்-டாக்டர் எழிலன்.
»»  (மேலும்)

தமிழ் நாடு முதலமைச்சருக்கு சந்திரகாந்தன் வாழ்த்துச்செய்தி

நடந்து முடிந்த தமிழ்நாடு சட்டமன்றத் தேர்தலில் திராவிட முன்னேற்றக் கழகம் தலைமையிலான  மதச்சார்பற்ற  முற்போக்கு கூட்டணி வெற்றி பெற்றிருப்பதனையிட்டு மகிழ்ச்சி அடைகின்றோம்.  இவ்வெற்றியின் பயனாக தமிழ்நாட்டின் முதலமைச்சராக பதவி ஏற்கவிருக்கும்  கெளரவ.மு.க.ஸ்டாலின் ஆகிய தங்களுக்கு கிழக்கிலங்கையில்  இருந்து 'தமிழ் மக்கள் விடுதலைப் புலிகள்' கட்சி சார்பாக வாழ்த்துக்களை தெரிவித்துக் கொள்கின்றோம். 

ஒடுக்கப்பட்ட மக்களின் மேம்பாட்டிற்காகவும் சமூக நீதிக்காகவும் அயராது உழைத்து வரும் திராவிட அரசியல் பாரம்பரியத்தை மென்மேலும் வலுப்பெறச் செய்ய தங்கள் ஆட்சி வழிவகுக்க வேண்டும் என வாழ்த்துகின்றோம்.

அதேபோல ஈழத்தமிழரின் அதிகாரப்பகிர்வு விடயத்தில் தங்களால் ஆன சகல முயற்சிகளையும் காத்திரமான பங்களிப்பினையும் தமிழ்நாட்டின் முதலமைச்சர் என்ற வகையில்  வழங்குவீர்கள் என நம்புகின்றோம்.

சிவனேசதுரை சந்திரகாந்தன்
(தலைவர்-தமிழ் மக்கள் விடுதலைப் புலிகள் கட்சி,
முன்னாள் கிழக்கு மாகாண முதலமைச்சர், பாராளுமன்ற உறுப்பினர்)
»»  (மேலும்)

4/30/2021

மே தின வாழ்த்து

மே தின வாழ்த்துச் செய்தி

இன்று உலக தொழிலாளர் தினம். உலகிலுள்ள தொழிலாளர் வர்க்கம் தனது உரிமைகளுக்காக போராடிய நினைவுகளை உயர்த்திப் பிடிக்கும் நாள். 

சுமார் நூறு ஆண்டுகளுக்கு முன்னர்  ஐரோப்பா, ஆஸ்திரேலியா,
அமெரிக்கா, ரஷ்யா என்று பல தேசங்களிலும் ஆடை மற்றும் இரும்புத் தொழிற்சாலைகள் சார்ந்து பெரும் முதலாளிகள் உருவாகத் தொடங்கினர்.

இந்த முதலாளிகள்  கூலித் தொழிலாளர்களை கசக்கிப் பிழிந்து ஈவிரக்கமற்ற  முறையில் வேலை வாங்கினர். நாள் ஒன்றுக்கு சுமார் 15 மணி நேரத்துக்கும் மேலாக தொழிற்சாலைகளில் மக்கள் அடிமைகளாக வேலை செய்ய வேண்டி இருந்தது.

இந்நிலைமையை மாற்றுவதற்காக தொழிலாளர்கள் நடத்திய பல்வேறுபட்ட போராட்டங்களின் விளைவாகவே நாளொன்றுக்கு 8 மணி நேர வேலை என்பதை இவ்வுலகம் படிப்படியாக ஏற்றுக்கொண்டது.

இந்த உரிமையை வென்றெடுப்பதற்காக நடத்தப்பட்ட போராட்டங்களும் கைதுகளும் சிறைக் கொடுமைகளும் உயிரிழப்புகளும் சொல்லிமாளாதவை.
அந்த நினைவுகளை முன்வைத்தே மே முதல் நாளை தொழிலாளர் தினமாக நாம் அனுஷ்டித்து வருகிறோம்.

அவைகளெல்லாம்  கடந்த நூற்றாண்டு கதைகள். ஆனால் இன்றும் கூட நமது தொழிலாளர் வர்க்கத்தின் உழைப்பு சுரண்டப்படுவது முடிந்த பாடில்லை. எமது மாகாணத்தை எடுத்துப்பாருங்கள் இங்கே நிறைந்து வாழும் விவசாயிகளும், மீனவர்களும் நாளும் பொழுதும் உழைத்து உழைத்து ஓடாய் தேய்ந்து போகின்றனர். எப்படித்தான் உழைத்தாலும் ஏழ்மை அவர்களை விட்டு தொலைந்தபாடில்லை.

இதற்கு காரணமென்ன? சுரண்டல், சுரண்டல். ஆம் மூலதனத்தை கையிலே வைத்திருக்கும் முதலாளிகள் எமது மக்களின் உழைப்பை வியாபாரம் 
எனும் பெயரில் உறுஞ்சிக்கொண்டிருக்கின்றார்கள்.

அது மீனாக இருக்கலாம்.நெல்லாக இருக்கலாம். வெள்ளரிக்காயாக இருக்கலாம். வத்தவை பழமாக இருக்கலாம். கஜுவாக இருக்கலாம்.
ஆடு மாடு கோழியாக கூட இருக்கலாம். அனைத்திலும் கொள்ளை இலாபம் தலைவிரித்தாடுகிறது.

வியாபாரம் என்பது எமது மக்களின் கையில் இல்லை. இவை குறித்தெல்லாம் நாம் தீவிரமாக கவனம் கொண்டுள்ளோம். உழைக்கும் மக்களின் மகிழ்ச்சியான வாழ்வே தமிழ் மக்கள் விடுதலைப் புலிகளின் லட்சியம்.

இந்த மே தினத்தை மிகச்சிறப்பாக கொண்டாடவும் மாபெரும் மேதின ஊர்வலம் ஒன்றை மட்டக்களப்பில் நடாத்தி முதலாளிகளின் சுரண்டல் குறித்து உழைப்பாள வர்க்கத்தின் கவனத்தை ஈர்க்கவும் நாம் திட்டமிட்டு இருந்தோம்.
ஆனால் துரதிஷ்டவசமாக கொரோனா பரவல் தாக்கம் அதிகரித்து விடும் என்ற காரணத்தினால் அது சாத்தியமாகவில்லை.


ஆனபோதிலும்  உழைக்கும் மக்களாகிய உங்களனைவரதும் மகிழ்ச்சியும் நிம்மதியுமான வாழ்வுக்காக எமது கட்சி என்றும் ஓயாது பயணிக்குமென்று உறுதி கூறுவதோடு உழைக்கும் மக்களாகிய உங்களனைவருக்கும் மே தின வாழ்த்துக்களை கூறிக் கொள்வதில் மகிழ்ச்சி அடைகிறேன்.

சிவ.சந்திரகாந்தன்
தலைவர்
தமிழ் மக்கள் விடுதலைப் புலிகள்




»»  (மேலும்)

தொலைத்தொடர்பு கோபுரத்துக்கு எதிராக போராடி கைதான பெண்கள் பிணையில் விடுதலை




 ஐயங்கேணி கிராமத்தில் தனியார் தொலைத்தொடர்பு நிறுவனத்தினால் மக்கள் குடியிருப்பிற்கு மத்தியில் தொலைத்தொடர்பு கோபுரம் ஒன்று அமைப்பதற்கான ஏற்பாடுகள் செய்யப்பட்டு வருகிறது.

பிரதேசவாசிகள் அதற்கு எதிராக தமது எதிர்ப்பினை வெளிப்படுத்தி இருந்ததன் காரணமாக நான்கு பெண்களும் ஒரு ஆணும் உட்பட ஐவர் கைது செய்யப்பட்டிருந்தமை குறிப்பிடத்தக்கது.

நேற்றைய தினம் பிரபல சட்டத்தரணி மங்களேஸ்வரி சங்கர் அவர்களுடைய தன்னார்வ  தலையீட்டுடன் நீதிமன்றத்தில் அந்த ஐவருக்கும் பிணை வழங்கப்பட்டுள்ளது
»»  (மேலும்)

4/25/2021

மன்றத்தில் தூங்குவது யார்


பாராளுமன்றத்தில் பாராளுமன்ற உறுப்பினர்கள் செயற்பட்ட விதம் தொடர்பான புள்ளிவிபர தகவல் தொடர்பில் கடைசி பத்து இடங்கள் தொடர்பில் கலாய்த்துக் கொண்டிருக்கும் எம்மவர்க்கு சில விஷயங்களை புரிய வைக்க வேண்டியுள்ளது.

பாராளுமன்றத்தில் மக்கள் பிரதிநிதிகள் தனிநபர் பிரேரணைகள், பிரதம மந்திரியுடனான கேள்விகள், மனுக்கள், வாய் மொழி மூல விவாதங்கள் (சட்டமூலம், உத்தரவு, தீர்மானங்கள் தொடர்பில்) ,எழுத்துமூல வினாக்கள், எழுத்து மூல வினாக்களுக்கான பதில் போன்ற செயற்பாடுகளில் எத்தனை தடைவைகள் ஈடுபடுகின்றனர் என்பதை மதிப்பிட்டு இப்புள்ளிவிபரங்கள் தயாரிக்கப்பட்டிருக்கின்றது...

இன்னிலையில்  மாவட்ட பாராளுமன்ற உறுப்பினர் சந்திரகாந்தன் இறுதி பத்து இடங்களுக்குள் தெரிவாகி உள்ளார்.
இதனை சாட்டாக வைத்து பிள்ளையானுடைய பாராளுமன்ற செயற்பாடுகள் செயலூக்கம் அற்றவை என்று நிரூபிக்க பலர் தலையால் மண் கிண்ட முனைகின்றனர்.

பல பத்து வருடங்களாக பாராளுமன்றத்தில் தூங்கி வழியும் சம்பந்தன் சித்தார்த்தன் போன்றோரது அசட்டுத்தனங்களை இதன் மூலம் சரிசெய்வது அவர்களது நோக்கம் ஆகும்.
அடுத்தது பிள்ளையானது செயலூக்கம், இயங்கு திறன் போன்றவற்றை குறைவாக சித்தரிக்க முனைகின்றனர்.

கடந்த பாராளுமன்றத் தேர்தலில் இடம்பெற்ற முதலாவது பாராளுமன்ற அமர்வு ஆகஸ்ட் மாதம் 20ஆம் திகதி நடைபெற்ற போது சிறையில் இருந்து பிள்ளையான் முதலாவது அமவுர்க்கு கலந்து கொண்டார்.

அதன் பின்னர் கொராணா காரணமாக சிறையில் அதிகமான தொற்று பரவல் காணப்பட்டது. அதன் காரணமாக சிறையிலிருந்து பிள்ளையானுக்கு பாராளுமன்றத்துக்கு செல்வதற்கான அனுமதி வழங்கப்படவில்லை.

2021  ஜனவரி மாதம் 13ம் திகதியன்று பிள்ளையான் வழக்கிலிருந்து விடுதலையான பின்னர்தான் தொடர்ச்சியாக பாராளுமன்ற அமர்வுகளுக்கு கலந்து கொள்ளும் வாய்ப்பு ஏற்பட்டது.
இதன் காரணமாக அதிக அமர்வுகளை அவர் தவற விட நேர்ந்தது. அவ்வேளைகளில் இடம்பெற்ற விவாதங்கள் உரையாடல்கள் பிரேரணைகள் அனைத்திலும் அவர் கலந்து கொள்ள முடியவில்லை.

இந்நிலையில். பாராளுமன்ற அமர்வுகளில் கலந்து கொள்வதை ஒட்டிய செயற்பாடுகளை மட்டும் வைத்துக்கொண்டு பிள்ளையானின் செயல் ஊக்கத்தை குறைத்து மதிப்பிட முனைவதன் பின்னணி அவர் மீதான காழ்புணர்ச்சி அன்றி வேறில்லை. 

பிள்ளையானின் செயலூக்கமும் இயங்குதிறனும் ஊரறியும் உலகறியும்.






»»  (மேலும்)

4/23/2021

வாகரையில் ஒன்று கூடிய தமிழ் மக்கள் விடுதலைப் புலிகளின் முக்கிய தலைவர்கள்

இன்று மாலை வாகரையில் தமிழ் மக்கள் விடுதலைப் புலிகளின் முக்கிய கூட்டம் ஒன்று இடம்பெற்றது. 



வாகரை பிரதேச கட்சி செயற்பாட்டாளர்களின் வேண்டு கோளுக்கு இணங்க கட்சியின் தலைமை குழுவினர் இக்கூட்டத்தில் கலந்து கொண்டிருந்தனர்.

வாகரை பிரதேசத்தின் எதிர்கால மேம்பாடுகள் சம்பந்தமாக பல்வேறு விதமான ஆலோசனைகளும் கலந்துரையாடப்பட்டது.

»»  (மேலும்)

4/22/2021

மாமேதை லெனின் பிறந்த தினம்


மாமேதை லெனின் 151ஆவது பிறந்த தினம்
(ஏப்ரல் 22, 1870 – ஜனவரி 21, 1924) 

"லெனின்" என்பது ரஷ்யப் புரட்சிக்காக அவர் கொண்டிருந்த புனைபெயர்களில் ஒன்று. பின்னாளில் தன்னுடைய உண்மையான "விளாதிமிர் உலியனொவ்" என்கிற பெயரை "விளாதிமிர் லெனின்" என்று மாற்றிக்கொண்டார். 

விளாதிமிர் லெனின் 22 ஏப்ரல் 1870ல் ரஷ்யாவில் வால்கா நதியின் கரையோரம் உள்ள சிம்பிர்ஸ்க் எனும் நகரத்தில் இல்யா உல்யனாவ் - மாயா உல்யானவ் தம்பதிகளுக்கு மகனாகப் பிறந்தார். இவருடைய இயற்பெயர் விளாதிமிர் இலீச் உல்யானவ் என்பதாகும். அலெக்ஸாண்டர், டிமிட்ரி என்ற சகோதரர்களும், ஆனர், மரியா, ஆல்கா என்ற சகோதரிகளும் லெனினுக்கு இருந்தனர். 

இவருடைய தந்தையின் இறப்பிற்குப் பிறகு, அண்ணன் அலெக்ஸாண்டர் ஜார் மன்னனை கொல்ல முயன்றதுக்காக 1887 ஆம் ஆண்டு மார்ச் 1ம் நாள் கைது செய்யப்பட்டhர். அதனையடுத்து 1887 ஆம் ஆண்டு மே 8ம் நாள் ஜார் மன்னரின் காவல்துறையால் மரண தண்டனை நிறைவேற்றப்பட்டு உயிரிழந்தார்.

1887 ஆம் ஆண்டு கசான் பல்கலைக்கழகத்தில் லெனின் சேர்ந்தார். அப்பொழுது அன்னையுடன் சில்பர்க் நகரில் ஒரு வாடகை வீட்டில் தங்கியிருந்தார். லெனின் பல்கலைகழகத்தில் சட்டப் படிப்பினை படித்தார். அப்பொழுது மாணவர்களுடன் இணைந்து போராட்டங்களில் ஈடுபட்டார். இதனால் காவல்துறையினரால் கைது செய்யப்பட்டார். பல்கலைக்கழகம் அவருக்கு படிப்புதர மறுத்தது. இதனையடுத்து லெனின் தானே சட்டப்படிப்பினை  படிக்க தேர்ந்ததாக கூறப்படுகிறது.
தொழிலாளர் விடுதைலை இயக்கம் என்பதை தொடங்கி ரஷ்யாவில் தொழிலாளர்களிடையே கார்ல்; மார்க்ஸின் கொள்கைகளை பரப்புரை செய்தார். 1895-ல் கைது செய்யப்பட்டு சைபீரியாவிற்கு நாடு கடத்தப்பட்டார். அவர் விடுதலையாகி வந்தது 1900ல். ஸ்பார்க் (தீப்பொறி) என்ற பெயரில் நாளிதழ் ஒன்றினை தொடங்கினார்.
சைபீரியாவில் இவர் இருந்தபோதுதான் 1898 இல் தமக்கு தோழியராக இருந்த குரூப்ஸ்காயா என்பவரை மணந்து கொண்டார். "ரஷ்யாவில் முதலாளித்துவம் வளர்ந்த வரலாறு" என்ற நூலையும் அப்போதுதான் எழுதினார். இவருடைய சைபீரிய வாழ்க்கை 1900 பிப்ரவரியில் முடிவடைந்தது. சில மாதங்களுக்குப் பிறகு இவர் மேற்கு ஐரோப்பாகவுக்குச் சென்றார். அங்கு இவர் சுமார் 17 ஆண்டுகள் கழித்தார். அதன்போது, இவர் சார்ந்திருந்த ரஷ்ய சமூக-ஜனநாயகத் தொழிலாளர் கட்சி "போல்ஷ்விக்" கட்சி என்றும், "மென்ஷவிக்" கட்சி என்றும் இரண்டாக உடைந்தது. லெனின் பெரும்பான்மையினரின் கட்சியாக இருந்த "போல்ஷ்விக்" கட்சிக்குத் தலைவரானார். 

1914 இல் தொடங்கிய முதல் உலகப் போர் லெனினுக்குப் பெரிய வாய்ப்புகளைத் தேடித் தந்தது. அந்தப் போரில் ரஷியாவுக்குப் பெருந்தோல்வி ஏற்பட்டது. பொருளாதாரத் துறையில் பேரழிவுகள் ஏற்பட்டன. முதலாம் உலகப் போரினைத் தொடர்ந்து ரஷ்யாவில் தொழிலாளர்கள் பலரும் பாதிக்கப்பட்டனர். வறுமை, பட்டினி சூழ்ந்தது. இப் போரினை லெனின் போன்ற தலைவர்கள் “கொள்ளக்காரப் போர்” என்று வர்ணித்தனர். 

1917 ஆம் ஆண்டு மார்ச் மாதத்தில் ஜார் மன்னனின் அரசு கவிழ்க்கப்பட்டது. ஜார் ஆட்சி வீழ்ந்த பின்னர் ரஷியாவில் ஜனநாயகக் கட்சிகள் ஒன்று சேர்ந்து ஒரு தற்காலிக அரசை அமைத்திருந்தன. ஆனால், அந்தக் கட்சிகளுக்கு மக்கள் ஆதரவு இல்லை என்பதையும், மக்களின் எதிர்ப்பைச் சமாளிக்கும் வலிமை அக்கட்சிகளுக்கு இல்லை என்பதையும் லெனின் அறிந்து கொண்டார். கட்டுக் கோப்பும் ஒழுக்கமும் வாய்ந்த தம்முடைய பொதுவுடைமைக் கட்சி எண்ணிக்கையில் சிறியதாக இருப்பினும், அது ஆட்சியைப் பிடிப்பதற்கு அரிய வாய்ப்பு உருவாகியிருப்பதையும் லெனின் கண்டார். எனவே, தற்காலிக அரசை கவிழ்த்துவிட்டு பொதுவுடைமை அரசை நிறுவும்படி அவர் போல்ஷ்விக் கட்சியினரைத் தூண்டினார். 

1917 ஜூலையில் நடந்த ஒரு புரட்சி முயற்சி வெற்றி பெறவில்லை. இந்தப் புரட்சியின் எதிரிகள் இவரை ஜெர்மன் கையாள் என்று காட்ட முயன்றனர். பின்னர், 1917 நவம்பரில் நடந்த இரண்டாவது புரட்சி வெற்றி பெற்றது. லெனின் தாயகம் திரும்பி, புதிய ஆட்சியின் தலைவரானார். மக்கள் நலனுக்குப் பயன்படுகின்ற கொள்கைகளைச் செயல்படுத்துவதில் தீவிர நாட்டமுடையவராக இருந்தார். 
அக்டோபர் புரட்சியானது 1917ல் நிகழ்த்தப்பட்ட பிப்ரவரி புரட்சியை தொடர்ந்து இரண்டாவது கட்டமாக நடத்தப்பட்டதாகும். இது விளாதிமிர் லெனின் தலைமையில் போல்ஷெவிக்குகளால் நடத்தப்பட்டது. “போல்ஷெவிக் புரட்சி” என்றும் இப்புரட்சி அறியப்படுகிறது. இதன் மூலம் இடைக்கால ரஷ்ய அரசாங்கம் வீழ்ந்து 1918லிருந்து 1920 ரஷ்யா உள்நாட்டு கலகங்களை சந்தித்தது. அதன் பிறகு 1922ல் சோவியத் ஒன்றியம் அமைக்கப்பட்டது.

லெனின் ஒரு செயல்வீரராக விளங்கினார். ரஷியாவில் பொதுவுடமை அரசை நிறுவுவதற்குக் கண்ணுங் கருத்துமாகப் பாடுபட்டார். அவர் கார்ல் மார்க்சின் கொள்கைகளை ஏற்றுக் கொண்டு அவற்றை நடைமுறைப் படுத்தினார். 1917 நவம்பர் முதற்கொண்டு உலகெங்கும் பொதுவுடமை ஆட்சி தொடர்ந்து விரிவடைந்து வந்தது. லெனின் முக்கியமாக அரசியல் தலைவராக விளங்கிய போதிலும், அவர் தமது புரட்சிகரமான எழுத்துகளின் மூலமாகவும் கணிசமான அளவுக்குச் செல்வாக்கு பெற்றார்.

லெனின், மார்க்ஸ் தத்துவத்தில் ஊறியவர். லெனின் புரட்சி இயக்கங்களை நிறுவுவதில் மிகுந்த அனுபவம் உடையவர். உலகம் முழுவதும் நடைபெற்ற தொழிலாளர் இயக்கங்களை நன்கு அறிந்தவர். ஒரு நாட்டுக்கு உகந்த முறைகளைப் பிற நாடுகளுக்கும் பயன்படுத்துவதை வன்மையாக எதிர்த்தவர். நாட்டுக்கும் உலகத்துக்கும் ஏற்ற முறையில் புரட்சி இயக்கங்களை உருவாக்க வேண்டும் என்ற உறுதியான கொள்கை உடையவர். அவர் புரட்சி நடவடிக்கைகளில் மிகுந்த ஈடுபாடு உடையவராக இருந்தார். விளாதிமிர் லெனின் மீது 1918-ஆம் ஆண்டு துப்பாக்கி சூடு நடந்தது. அதை ஒரு ரஷ்யப் பெண் நிகழ்த்தினார். இருப்பினும் அந்நிகழ்வில் லெனின் உயிர் பிழைத்தார்.

லெனின் இடைவிடாமல் நீண்டகாலம் உழைத்து வந்தது, அவருடைய உடல் நலத்தைச் சீர் குலைத்தது. அதனால் 1922 மே மாதம் அவருக்குப் பக்கவாதம் ஏற்பட்டது. அவர் வேலை செய்யாமல் ஓய்வு எடுக்க வேண்டும் என மருத்துவர்கள் ஆலோசனை கூறினார்கள். அவருக்குத் திசு தடித்தல் என்னும் நோய் முற்றியது. பேச முடியாத நிலையும் ஏற்பட்டது. டிசம்பரில் இவரது வலக்கையும் செயல் இழந்தது. அது முதல் முற்றிலும் செயலற்ற நிலையிலேயே இருந்த லெனின் தனது 54-ம் வயதில் 1924-ஆம் ஆண்டு ஜனவரி 21-ஆம் நாள் மூளை நரம்பு வெடித்து மரணமடைந்தார். இவருடைய மறைவினால் சோவியத் யூனியனிலும் உலகம் முழுவதிலும் மக்கள் துயரத்தில் ஆழ்ந்தனர். அவருடைய உடல் தைலமூட்டி மாஸ்கோவிலுள்ள செஞ்சதுக்கத்தில் கல்லறையில் வைக்கப் பெற்றது. அந்த உடல் இன்றும் அழியாமல் உள்ளது. அதனை இன்றும் ஆயிரக்கணக்கான மக்கள் நாள்தோறும் பார்த்து மரியாதை செலுத்தி வருகிறார்கள்.

நன்றிகள் தோழர் மணியம்
»»  (மேலும்)

சில்லிகொடியாற்று உதைபந்தாட்ட கிண்ணம்

கடந்த ஒரு வாரமாக சிலிக்கொடியாற்றில்
இடம்பெற்ற மாபெரும் உதைப்பந்தாட்ட  போட்டியில் சுமார் 28 விளையாட்டு கழகங்கள் பங்கேற்று இருந்தனர்.

இதில் இறுதிச்சுற்றுக்கு பனையறுப்பான் கஜமுகா விளையாட்டுக் கழகம் மற்றும்  காஞ்சிரங்குடா ஜெகன் விளையாட்டு கழகமும் தெரிவாகி நேற்றைய தினம் இரு அணிகளுக்கும் இடையிலான இறுதிப்போட்டி இடம்பெற்றன.

விறுவிறுப்பாக இடம்பெற்ற இப்போட்டியில் இரண்டு அணிகளுமே ஒரு கோள்களும்  போடவில்லை பின்னர் பெனால்டி முறை வழங்கப்பட்டது. இதில் காஞ்சிரங்குடா ஜெகன் விளையாட்டுக்கழகமானது  வெற்றிக்கிண்ணத்தை தன்வசப்படுத்திக்கொண்டது.

இப் போட்டிக்கு மாவட்ட அபிவிருத்திக்குழு இணைத்தலைவரின் செயலாளர், சிரேஷ்ட சட்டத்தரணி மங்களேஸ்வரி சங்கர் அவர்கள் பிரதம அதீதியாக சிறப்பித்திருந்தமை குறிப்பிடக்கத்தக்கது.

»»  (மேலும்)

4/20/2021

ஜனாதிபதி கோத்தபயா மட்டக்களப்பு வருகிறார்



 மட்டக்களப்பு பாராளுமன்ற உறுப்பினர் சிவநேசதுரை சந்திரகாந்தனின் அழைப்பின் பெயரில்
06.05.2021 அன்று ஜனாதிபதி மட்டக்களப்புக்கு விஜயம் செய்யவுள்ளார்

ஜனாதிபதியின் மட்டக்களப்பு விஜயத்திற்கான ஏற்பாடுகளை செய்வதற்கான இணைப்பாளராக சட்டத்தரணி #மங்களேஸ்வரி_சங்கர் அவர்கள் நியமிக்கப்பட்டு வேலைத்திட்டங்கள் துரிதமாக இடம்பெற்றுவருகின்றன.

ஜனாதிபதியின் வருகையினை முன்னிட்டு ஜனாதிபதி வருகைதரவுள்ள இடங்களை பார்வையிடுவதற்கான கள விஜயம் இன்றைய தினம் இடம்பெற்றது.

இதன்போது ஜனாதிபதியின் இணைப்பாளர் இசுரு ஹேரத் உட்பட அதிகாரிகள் பலரும் கலந்துகொண்டமை குறிப்படத்தக்கது.
»»  (மேலும்)

4/09/2021

சமூக நிறுவனங்களின் ஏற்பாட்டில் வெருகல் படுகொலை நினைவு தினம்






வெருகல் படுகொலையின் 17வது ஆண்டு நினைவேந்தல் இன்று மட்டக்களப்பு மாநகரின் இடம்பெற்றுள்ளது. இந்நிகழ்வை மட்/சமூக மேம்பாட்டு நிறுவனங்களின் ஒன்றியம் ஏற்பாடு செய்திருந்தது.
சுமார் இருநூற்றுக்கும் அதிகமானோர் கலந்து கொண்டிருந்தனர்.

கிழக்கிலங்கை உயர் கல்வி மாணவர் ஒன்றியம் சார்பில் பத்திநாதன் அவர்கள் வரவேற்புரையுடன் நிகழ்வு ஆரம்ப யானது.
'கா' இலக்கிய  வட்டம் சார்பில் அதிபர் மணிசேகரன் அவர்கள் தலைமையுரை நிகழ்த்தினார்.பல்கலைக்கழக சிரேஸ்ட விரிவுரையாளர் கலாநிதி சிவரத்தினம் பிரதம அதிதியாக கலந்து கொண்டு சிறப்புரையாற்றினார்.



»»  (மேலும்)

4/05/2021

பிரம்படி தீவிலிருந்து தொடங்கும் நூறு நூலகங்கள்



'அடங்கமறு' அமைப்பானது கடந்த ஆண்டு ஒரு வேலைத்திட்டத்தை ஆரம்பித்தது.
மட்டக்களப்புப் பகுதியில் நூல் நிலையங்கள் அறவே இல்லாத,
புத்தகங்கள் மற்றும் வாசிப்பின் தேவையுள்ள 100 கிராமங்களைத் தேடியறிந்து அங்கே சிறிய அளவிலான நூலகங்களை உருவாக்குவது என்னும் பெருமுயற்சி இது.

இளையோர் கையில் நிர்வகிக்க கொடுப்பதும், வாசிப்பு, உரையாடல், தர்க்க விவாதங்கள் என்கிற வகையில் அறிவு நுகர்ச்சிக்கும் சிந்தனைக்குமான புதிய தளங்களை உருவாக்குவதுமே இத்திட்டத்தின் நோக்கமாகும்.

அந்த வகையில் விபுலானந்தர் நூலகம் என்கிற பெயரோடு நமது முதலாவது நூலகத்தை 29.08.2020 அன்று பிரம்படித்தீவில் உருவாக்கியுள்ளனர்.

புத்தகங்கள் அதிகமாகத் தேவைப்படுவதால் வாய்ப்புள்ள நண்பர்கள் புதிய நூல்களை வாங்கிக் கொடுத்தோ அல்லது உங்கள் சேகரிப்பிலுள்ள பழைய புத்தகங்களை நன்கொடையாக வழங்கியோ எமக்கு உதவி செய்யலாம்.

இந்த முயற்சி ஒரு சிறுபொறி.
பெருந்தீயாக எழுவதற்கு தோழமைகளின் பங்களிப்பும், ஆதரவுமே நாம் எதிர்பார்த்து நிற்கின்றனர் அடங்க மறு தோழமைகள்.

குறிப்பு: 
புத்தகங்கள் கொடுத்து உதவ விரும்பினால்
தொடர்புகொள்ளுங்கள்.
0777257905
0754141021
0772532296


»»  (மேலும்)

4/04/2021

கிழக்கு பிளவும் வெருகல் படுகொலையும் விட்டுச் சென்றவை


வெருகல் படுகொலை 17 வது நினைவு தினம்.10.04.2021


அன்றொருகாலம் தமிழீழ விடுதலை புலிகள் “அசைக்கமுடியாத” சக்திகளாய் இருந்தனர்.1976ம் ஆண்டு உருவாக்கப்பட்ட புலிகள் அமைப்பின் தலைவரான திருவேங்கடம் வேலுப்பிள்ளை பிரபாகரன் யாராலும் “வெல்லப்பட “முடியாதவர் “அனுமானுஷ” சக்தி படைத்தவர் என்கின்ற ஒளிவட்டங்களின் சொந்தக்காரராய் இருந்தார்.

இந்த புலிகள் அமைப்பானது தனது 27வருடகால வரலாற்றில் கடந்துவந்த சவால்களும், நெருக்கடிகளும் எண்ணற்றவை. ஆனால் அவையனைத்தையும் தாண்டி வென்று நின்றவர்கள்தான் புலிகள். ஆனால் 2004ம் ஆண்டு புலிகள் எதிர்கொள்ள நேர்ந்த “கிழக்கு பிளவு”அவர்களுக்கு மாபெரும் சவாலொன்றை விடுத்தது.

புலிகளின் தலைமை தளபதியும் கிழக்கு மாகாண பொறுப்பாளருமான கேர்ணல் கருணா அறிவித்த கிழக்கு பிளவே மேற்படி நெருக்கடிக்கு காரணமாயிற்று.

புலிகளின் வரலாற்றை புரட்டிபோடும் வல்லமை அந்த கிழக்கு பிளவிற்குள் ஒழிந்திருந்ததை இருந்ததை புலிகளால் அனுமானிக்க முடியவில்லை.

கிழக்கு மாகாணத்திலிருந்து உருவாகிய நெருக்கடிகளுக்கு முகம்கொடுப்பதில் புலிகள் தவறுக்குமேல் தவறிழைத்தனர். கிழக்கு பிளவை தாண்டிச்செல்லுதல் என்பதே கடைசிவரை புலிகளால் முடியாது போன ஒரே காரியம் என வரலாறு  தன்பக்கங்களில்  குறித்துக்கொண்டது. அதன் காரணமாக 2004ம் ஆண்டை தொடர்ந்துவந்த ஆண்டுகள் புலிகளின் வீழ்ச்சிகாலங்களாக அமைந்தன.

வடக்கு, கிழக்கு மாகாணங்களிடையே நீண்ட காலமாக தொடர்ந்துவந்த பிரதேசரீதியான ஏற்றத்தாழ்வுகளே இந்த கிழக்கு பிளவின் அடிப்படையாக இருந்தது.

எனினும் 2002ம் ஆண்டு உருவாக்கப்பட்ட சமாதான ஒப்பந்தத்தின் பின்னர் புலிகள் உருவாக்கிய நிழல் நிர்வாக கட்டமைப்பில் நியமிக்கப்பட்ட 32 துறைசார் பொறுப்பாளர்களும் வடக்கு மாகாணத்தையே சேர்ந்தவர்கள். கிழக்கு மாகாண மக்களும் போராளிகளும் வடக்கு தலைமையால் வஞ்சிக்கப்பட்டுவிட்டார்கள்.

என்கின்ற குற்றச்சாட்டே இந்த கிழக்குபிளவிற்கு உடனடி காரணமாயிற்று புலிகளது இராணுவ வெற்றிகளுக்கு முதுகெலும்பாக இருந்த ஜெயந்தன் படைபிரிவும், அதன் தளபதி கருணாம்மானும் சுமார் ஆறாயிரம் போராளிகளுடன் பிரிந்து நின்று கிழக்கு பிளவை அறிவித்தனர்.

கிழக்கு மாகாணத்தின் சார்பில் அவர்கள் எழுப்பிய நியாயமான கோரிக்கைகளை பல தளபதிகளும் புத்திஜீவிகளும் பொதுமக்களும் ஆதரித்து ஆர்ப்பாட்டங்களையும் ஊர்வலங்களையும் கிழக்கு மாகாணமெங்கும் நடாத்தினர். ஆனால் அந்த மக்களின் குரல்களுக்கு புலித்தலைமை கிஞ்சித்தேனும் மதிப்பு வழங்கவில்லை.

“கருணாம்மான் தமிழ் தேசிய துரோகி “என்றும் அவர் ஒரு “தனிநபர்”என்றும் முழு பூசணிக்காயை சோற்றுக்குள் மறைக்கும் எத்தனிப்பில் புலிகள் இறங்கினர்.அதுமட்டுமன்றி புலிகளின் முதுகெலும்பாக இருந்த கிழக்கு போராளிகள் மீது படையெடுத்து அவர்களை அழித்தொழிக்கும் முயற்சியில் புலிகள் ஈடுபட்டனர்.

2004ம் ஆண்டு மார்ச் மாதம் 4ம் திகதி அறிவிக்கப்பட்ட கிழக்கு பிளவானது யாழ்-மேலாதிக்கத்தின் இராணுவ வடிவமான  தமிழீழ  விடுதலை   புலிகளால் மூர்க்கத்தனமாக கையாளப்பட்டமை மாபெரும் படுகொலைக்கு வழிவகுத்தது.

     கிழக்கு பிளவின் மீதான புலிகளது இந்த மிலேச்சத்தனமான அணுகுமுறைக்கு ஊக்கமளிப்பவர்களாகவும் ஆலோசனை வழங்குவர்களாகவும் தமிழ் புத்திஜீவிகளும், பத்திரிகையாளர்களும், தமிழ் தேசிய கூட்டமைப்பினரும் செயற்பட்டனர்.

இது அன்று தமிழ் இனத்துக்கு கிடைத்த பெரும் சாபமாகும். எதிரி என்று சொல்லப்பட்ட இலங்கை அரசுடன் பேச்சுவார்த்தை நடத்த முடிந்தவர்களுக்கு தமது சொந்த போராளிகளுடன்,நேற்றுவரை ஒன்றாகவிருந்து உணவுண்டவர்களுடன் பேச தெரியாதுபோனது.

இதன் காரணமாக மட்டக்களப்பு மாவட்டத்தின் வெருகல் ஆற்றங்கரையில் மிகப்பெரிய படுகொலையொன்றை வன்னியிலிருந்து வந்த பிரபாகரனின் படையினர் நிகழ்த்தினர். பிரிந்து செல்கிறோம், ஜனநாயக பாதைக்கு திரும்புகிறோம், சரணடைகிறோம் என்று என்று சொன்ன கிழக்கு போராளிகள் சுமார் 210 பேர் கோரத்தனமாக படுகொலை செய்யப்பட்டனர்.

      பெண் போராளிகள் மானபங்க படுத்தப்பட்டு அவர்களது உடலங்கள் சின்னபின்ன படுத்தப்பட்டன. அந்த பிரதேசத்து கிராமவாசிகள் எல்லோரும் துரத்தியடிக்கப்பட்டு எவரது உடல்களும் புதைக்கப்படாமலும் அடையாளம் காணப்படாமலும் சுமார் ஒரு வாரத்துக்கு வெருகல் பிரதேசம் நாற்றமெடுத்து கிடந்தது.

இத்தனைக்கும் ஏப்ரல் 10ல் இந்த வெருகல் படுகொலை நடாத்தப்பட்டபோது இலங்கையில் நோர்வே தலைமையிலான சர்வதேச கண்காணிப்பாளர்கள் பணிகளில் ஈடுபட்டிருந்தனர்.

யுத்த நிறுத்தம் அமுலில் இருந்தது. இந்த படுகொலையை  தொடர்ந்து கிழக்கு மாகாணம்   எங்கும் புகுந்த புலிகள் கிழக்கு பிளவை ஆதரித்த புத்திஜீவிகளை கொன்று வீசினர் ராஜன் சத்திய மூர்த்தி, கிங்ஸ்லி இராசநாயகம்,தில்லைநாதன் என பலரும் கொல்லப்பட்டனர்.

இந்த நிகழ்வுகளின் தொடராக கிழக்கு போராளிகள் பிரபாகரனது தலைமையிலான புலிகளுடன் மோதலில் ஈடுபட நிர்ப்பந்திக்கப்பட்டனர். தனித்த கிழக்குமாகாண கோரிக்கை வலுப்பட்டது. கிழக்குப்போராளிகள் தமது போராட்டத்தின் ஊடாக   வன்னிபுலிகளை கிழக்கிலிருந்து துரத்தியடிப்பதில் தொடர்ந்து வந்த ஆண்டுகளில் வெற்றிபெற்று அதன் பின்னர்  ஜனநாயக பாதையில் காலடி வைத்தனர்.

தமிழ் மக்கள் விடுதலை புலிகள் எனும் அரசியல் கட்சி கிழக்கிலிருந்து உதயமானது.வடக்குக்குள் மட்டும் குறுக்கப்பட்ட புலிகளின் ஆயுள் 2009ம் ஆண்டு அரசபடைகளால் முடித்து வைக்கப்பட்டது.

– மட்டுநகரிலிருந்து எழுகதிரோன்
»»  (மேலும்)

களுதாவளை பிரதேச சபைக்கு கடன் கொடுத்த காத்தான்குடி


கடந்த 16.03.2021 அன்று களுவாஞ்சிகுடி பிரதேச செயலகத்தில் இடம்பெற்ற பிரதேச அபிவிருத்திக்குழு கூட்டத்தில் களுதாவளை பிரதேச சபையின் பிரதித் தவிசாளர் பல கோரிக்கைகளை பாராளுமன்ற உறுப்பினரிடம் முன்வைத்தார்.

அதில் ஒரு கோரிக்கை
கடற்கரை சுத்தப்படுத்தலுக்கு கடற்கரையை சுத்தப்படுத்தும் இயந்திரம் இல்லை என்பது. அப்பொழுது உடனடியாகவே காத்தான்குடி நகரசபையுடன் தொடர்பினை ஏறட்படுத்திய பாராளுமன்ற உறுப்பினர் சிவநேசதுரை சந்திரகாந்தன் ஒரு வாரத்திற்கு இலவசமாக அவ் இயந்திரத்தை பாவிப்பதற்கான அனுமதியினை பெற்றுக்கொடுத்திருந்தார்.

ஆனால் இரு வாரங்களில் பின்னரே பிரதேச சபை வேலைகளை ஆரம்பித்துள்ளது.

பிரதேச சபைகள்   ஆமைபோல் வேகமாகத்தான் வேலை செய்கின்றன.
»»  (மேலும்)

4/03/2021

வாகரையில் மாபெரும் நிலக்கடலை பதனிடும் நிலையம்


 
நேற்றைய தினம் மட்டக்களப்பு மாவட்டத்திற்கு விஜயம் தந்த விவசாய அமைச்சர் கௌரவ மஹிந்தானந்த அலுத்கமகே அவர்களினால் விவசாயத்தை நவீனமயமாக்கல் திட்டத்தின் கீழ் ரூபா 147 மில்லியன் ரூபாய் செலவில் கோறளைப்பற்று வடக்கு வாகரை  பிரதேச செயலகத்தில் நிலக்கடலை பதப்படுத்தல்நிலையம் திறந்து வைக்கப்பட்ட்டது. 
  
அதேபோன்று  ஏற்றுமதிக்காக வழங்கப்பட்ட ரூபாய் 350 மில்லியன் பெறுமதியான உபகரணங்கள் பயன்படுத்தப்பட்டு உற்பத்தி செய்யப்படும் பச்சை வெள்ளரிக்காய், மிளகாய், தர்பூசணி என்பனவற்றை ஏற்றுமதிக்கு முன் பகுதியாக பதப்படுத்துவதற்கு ரூபா 600 மில்லியன் செலவில்  நிர்மாணிக்கப்படவுள்ள தொழிற்சாலைக்கான அடிக்கல்லும் நடப்பட்டது. 

அத்துடன் கௌரவ விவசாய அமைச்சர் மஹிந்தானந்த அலுத்கமகே அவர்கள் மட்டக்களப்பு மாவட்டத்தில் விவசாய செயற்பாடுகளை அவதானிக்கும் வண்ணம் கோறளைப்பற்று வடக்கு வாகரை பிரதேச செயலகத்திற்கு உட்பட்ட பல இடங்களுக்கு  விஜயம் தந்து நிலைமைகளை அவதானித்ததுடம் அங்குள்ள மக்க்குக்கு எதிர்காலத்தில் விவசாய விருத்திக்கு தேவையான அனைத்து செயற்பாடுகளையும் தான் முன்னெடுப்பேன் என்ற உறுதிமொழியினை வழங்கியதுடன் அங்குள்ள கமநல அமைப்புக்களுக்கு 4 உளவு இயந்திரங்களையும் வழங்க இருப்பதாகவும் குறிப்பிட்டார். 

அத்துடன் அங்கு பயன்படுத்தப்படாத ஏராளமான காணிகளையும் உற்பத்திகளை ஊக்குவிக்கும்
பொருட்டு இளம் தொழில் முயற்சியாளர்களுக்கு நீண்ட கால குத்தகை அடிப்படையில் வழங்க வேண்டும் என்ற எமது கௌரவ தலைவர் சிவநேசதுரை சந்திரகாந்தன் அவர்களின் கோரிக்கையினை ஏற்று மிக விரைவாக அங்குள்ள காணிகளை பகிர்ந்தளிக்க நவடிக்கை எடுப்பதாக தெரிவித்தார்.

தற்போதைய கொவிட் சூழலிலும் அரசாங்கம் நாட்டின் பொருளாதாரத்தினை முன்னேற்றும் வண்ணம் உள்ளூர் உற்பத்தி, விவசாயம் போன்றவற்றை விருத்தி செய்து தன்னிறைவு அடையும் வண்ணமாக பல செயற்பாடுகளை முன்னெடுத்து வருகின்றது.

அதில் குறிப்பாக கிராமிய பொருளாதாரத்தைக் கட்டியெழுப்புவதில் தீவிரமாக  செயற்பட்டு வருகின்றது. அதன் மூலமாக 25,000 மேற்பட்ட இளைஞர் யுவதிகளுக்கு தொழில்வாய்ப்புக்களை நாடளாவிய ரீதியில் வழங்குவதற்கான வேலைத்திட்டங்களும் தற்போது நடைபெற்றுக் வருகின்றது.
»»  (மேலும்)

3/30/2021

கந்தன் கருணை படுகொலை நினைவு தினம்

கந்தன் கருணை எனப்படுவது  யூலியன் வாலாபாக், கீழ் வெண்மணி வெலிகடை சிறைபடுகொலைகளுக்கு நிகரான  புலிகலின் வதை முகாம் படுகொலை.  1987மார்ச் 30 இல் 60 இற்கு மேற்பட்ட   கொன்று பலியாக்கப்பட்ட தோழர்கள் போராளிகளின் இரத்தம் கழிவு கால்வாயில் வெள்ளமென ஓடியதை கண்கண்ட சாட்சியமான தோழர்களும்  காணாமல் ஆக்கப்பட்டு கொல்லப்பட்டார்கள்.  இரத்த சாட்சியங்கள் இம் மரணத்துள் உயிர்த்தவர்கள் சிலர் இன்னும் வாழ்கின்றனர்
குரூரமான  மரணங்கள். சொந்த சகோதரர்கள் எனப்படுவோரால் அரங்கேற்றப்பட்ட மாபாதகம். தமிழ் தேசிய வெட்கம்.. அருணா என்ற கொடியவன் ஜெனரல் டயரின் பாத்திரத்தை ஏற்றிருந்தான்.
இது உயரியசமூக கனவுகளுடன் புறப்பட்டவர்களின் உயிரின் வலி.  இவை போன்ற பல நூறு மரணங்கள். கூட்டம் கூட்டமாக எம் சமூகத்தின் அவல சரித்திரத்தில்.


நன்றிகள் தோழர் சுகு

»»  (மேலும்)

3/27/2021

முத்தமிழ் வித்தகர் விபுலாநந்தர் பிறந்த தினம்


இன்று சுவாமி விபுலானந்தரின் 129ஆவது பிறந்த தினம்...

அதிகாலை வேளை கோறளைப்பற்று பிரதேச சபை தவிசாளரும் ஊழியர்களும் வாழைச்சேனை விபுலானந்த வீதியிலுள்ள விபுலானந்தர் சிலையினை சுத்தம் செய்து மரியாதை செய்தனர்.
»»  (மேலும்)

3/25/2021

தாயகம் குருசேவின் மூன்று நூல்கள் வெளியீடு.


தாயகம் குருசேவ் அவர்களின் 3 நூல்கள் வெளியிடப்பட இருப்பதாக அறிகிறேன் . தோழர் குருசேவின் உன்னத எழுத்துக்களின் காலம் இருண்டது. ஆர்வமூட்டிய நம்பிக்கையூட்டிய மனிதர்களில் ஒருவர். எல்லாரும் போனாப்போல நானும் போறேன் சாமி மலை என்ற ஏஈ மனோகரனின் பாடல் வரிக்கேற்ப எழுதும் கும்பல்கள் பல பரவலாக உலகளாவிய அளவில் தமிழ் பாசிசத்திற்கு அடியழித்து திரிந்த காலம்.
மறைந்த துக்ளக் ஆசிரியர் சோவிற்கு நிகரான எழ்ழலுடன் ஈழத் தமிழ் ஆசாடபூதிதனமும் ஜனநாயகவிரோதமானதுமானதுமான அரசியலை கேள்விக்குள்ளாக்கியவர் சர்வதேச பிரக்ஞையுடன் ஈழ அரசியலை இணைத்துபார்த்தவரும் பிரான்சில் எமது முற்போக்கு மரபில் அழுத்தமான பங்களித்தவருமான மறைந்த தோழர் உமாகாந்தனுடன் அன்னியோன்னியமான மனிதர். இவ்வாறு காற்றடிக்கிற பக்கம் சாயாத விழுந்த பாட்டுக்கு குறிசுடாத சில மனிதர்கள் ஊரிலும் உலகளாவிய அளவிலும் சிலர் இருக்கிறார்கள் .சிலர் மறைந்து விட்டார்கள். அவர்கள் தான் இந்த சமூகத்தின் நோய்க்குணங்குறிகளைவெளிப்படுதினார்கள். வெளிப்படுதுகிறார்கள். நேரடி பரிச்சயம் இல்லாவிட்டலும் நாமெல்லாம் தோழர்கள் என்ற மானசீக உணர்வை ஏற்படுதியவர்கள் இவர்கள் வாழ்த்துக்கள் தோழர் குருசேவ்!

நன்றிகள் தோழர் சிறிதரன் (சுகு)

»»  (மேலும்)

3/24/2021

ஜெனிவா ஒரு காகித துப்பாக்கி

இலங்கைக்கு ஏற்பட்ட தோல்வியும் வெற்றியும்


இலங்கையை மிரட்டி அடிபணிய வைப்பதற்காக பலம் பொருந்திய மேற்கு நாடுகளால் ஐ.நா. மனித உரிமைப் பேரவையில் கொண்டுவந்த தீர்மானம் 22 நாடுகளின் ஆதரவைப் பெற்று ‘வெற்றி’ பெற்றுள்ளது. இந்த முடிவு முன்னரே எதிர்பார்க்கப்பட்டதுதான். இந்தத் தீர்மானம் இலங்கைக்குத் தோல்வி எனக் காட்டப்பட்டாலும், நீதி செத்துவிடவில்லை என்ற உண்மையும் இதில் பொதிந்து கிடக்கிறது.

தீர்மானத்தை ஆதரித்த நாடுகள் மேற்கத்தைய வலதுசாரி நாடுகளும் அவற்றின் பாரம்பரிய அடிவருடி நாடுகளும்தான். தீர்மானத்தை எதிர்த்த 11 நாடுகளில் மேற்கத்தைய ஏகாதிபத்திய எதிர்ப்பு நாடுகளான சீனா, ரஸ்யா, கியூபா, வெனிசூலா, எரித்திரியா, பொலிவியா, பிலிப்பைன்ஸ் என்பனவும் மற்றும்  பாகிஸ்தான், பங்களாதேஸ், சோமாலியா, உஸ்பெக்கிஸ்தான் என்பனவும் அடங்குகின்றன.

வாக்காளிப்பில் கலந்து கொள்ளாத 14 நாடுகளில் இந்தியா, யப்பான், இந்தோனேசியா, லிபியா, நேபாளம் என்பன முக்கியமானவை. வாக்களிப்பில் கலந்து கொள்ளாத நாடுகளும் மேற்கு நாடுகளின் இலங்கைக்கு எதிரான மிரட்டல் போக்கை ஏற்றுக் கொள்ளவில்லை எனப் பொருள் கொள்வதில் தவறேதும் இல்லை. மனித உரிமைப் பேரவையில் உள்ள 47 நாடுகளில் 22 நாடுகள் மட்டும் தீர்மானத்தை ஆதரித்ததின் மூலம் இது ஒரு சிறுபான்மைத் தீர்மானம் என்றுதான் சொல்ல வேண்டும்.

இந்தத் தீர்மானத்தால் இலங்கைக்கு பெரிதாக ஒன்றும் நடந்துவிடப் போவதில்லை. ஐ.நா. மனித உரிமைப் பேரவையில் இப்படியான பல தீர்மானங்கள் நிறைவேற்றப்பட்ட போதிலும் அவை இன்றுவரை வெறும் காகிதங்களாகவே இருக்கின்றன. உதாரணமாக, கியூபா மீதான அமெரிக்க பொருளாதாரத் தடையை நீக்கும்படி பல தீர்மானங்கள் நிறைவேற்றப்பட்டும் அமெரிக்கா இன்றுவரை அத்தீர்மானங்களை சட்டை செய்யவில்லை. அதேபோல, பாலஸ்தீனத்தில் தான் ஆக்கிரமித்த பகுதிகளில் இருந்து இஸ்ரேல் வெளியேற வேண்டும் எனப் பல தீர்மானங்கள் நிறைவேற்றப்பட்ட போதிலும், இஸ்ரேல் அவற்றை மதித்து நடக்கவில்லை.

உண்மையில் சட்ட விரோதமாக நடந்து குற்றமிழைத்த அமெரிக்காவும் இஸ்ரேலும் ஐ.நா. தீர்மானங்களை மதிக்காதபோது, அரசியல் உள் நோக்கங்களுடன் இலங்கைக்கு எதிராக வேண்டுமென்றே மேற்கு நாடுகளால் கொண்டு வந்து நிறைவேற்றப்பட்ட தீர்மானத்தை இலங்கை மதித்து நடக்கும் என எதிர்பார்க்க முடியாது.

 நன்றிகள் தோழர்-மணியம்
»»  (மேலும்)

3/12/2021

கிழக்கு மாகாணசபை தேர்தல்_ ஜனாதிபதி_ பிள்ளையான் உரையாடல்




இன்று காலை மு.ப10.00 மணியளவில்   ஜனாதிபதி கோட்டபாய ராஜபக்ஷ மற்றும் பாராளுமன்ற உறுப்பினர் சந்திரகாந்தன் அவர்களுக்கிடையில் விசேட சந்திப்பொன்று இடம்பெற்றுள்ளது 

இதில் விசேடமாக மட்டக்களப்பு மாவட்டத்தின் அபிவிருத்தி மற்றும் எதிர்கால அரசியல் திட்டங்கள் எதிர்கால கிழக்கு மாகாணசபை தேர்தல் போன்ற பல முக்கியமான விடயங்கள் விரிவாக கலந்துரையாடப்பட்டததாக தெரியவருகின்றது.

 இதன்போது விரைவில் ஜனாதிபதி மட்டக்களப்புக்கு வருகை தருவது குறித்தும் கலந்துரையாடப்பட்டது. மட்டக்களப்பில் மேற்கொள்ளப்பட வேண்டிய பலவிதமான அபிவிருத்தி வேலைத் திட்டங்கள் குறித்து சந்திரகாந்தன்  முன்வைத்த வேண்டுகோளின் பேரில்  எதிர்காலத்தில் மட்டக்களப்பு மாவட்டத்திற்கு மேலும் கூடுதலான நிதி உதவிகள் வழங்கப்படுமென ஜனாதிபதி உறுதிமொழி அளித்தார்.

அத்துடன் இனிவரும் காலங்களில் தொடர்ச்சியான சந்திப்புக்களை மேற்கொள்ளவுள்ளதாகவும் நேரடியாக கலந்துரையாடி குறைபாடுகள் இருந்தால் அவற்றை உடனுக்குடன் தீர்த்து கொள்ள இருப்பதாகவும் இச்சந்தர்ப்பத்தில் முடிவுகள் எட்டப்பட்டது. 
»»  (மேலும்)

3/08/2021

மட்டக்களப்பில் சர்வதேச பெண்கள் தினம்

சர்வதேச பெண்கள் தினமான இன்று தமிழ் மக்கள் விடுதலைப் புலிகளின் மகளிர் அணியினர் ஏற்பாடு செய்திருந்த பெண்கள் தின நிகழ்வு மட்டக்களப்பில் இடம்பெற்றது.
கட்சியின் தலைமையகத்தில் இன்று மாலை 3 மணி அளவில் இடம்பெற்ற நிகழ்வில் சுமார்  700 பெண்கள் பங்குபற்றினர். "பெண்களின் வலிமைக்கு வலு சேர்ப்போம்" எனும் தொனிப்பொருளில் இடம்பெற்ற இந்நிகழ்வினை






மகளிர் அணி செயலாளர் செல்வி மனோகரி தலைமையேற்று நடத்தினார். இந்நிகழ்வில் தமது குடும்ப வாழ்விலும் பொது வாழ்விலும் பெண்களின் ஆளுமையை நிலைநிறுத்தி வெற்றி கண்ட பெண்கள் தெரிவுசெய்யப்பட்டு பொன்னாடை போர்த்தி கௌரவிக்கப்பட்டனர். மேலும் பல கலை நிகழ்ச்சிகளும் இடம்பற்றது.

கட்சியின் முக்கியஸ்தர்கள் பலரது பங்களிப்பும் கட்சியின் பிரதி செயலாளர் ஜெயராஜ் அவர்களின் வழிநடத்தலும் இந்நிகழ்வை மென்மேலும் சிறப்பாக உதவியது.
»»  (மேலும்)

3/06/2021

"உங்களுக்கு ஒரு வீடு" மண்முனை பிரதேசத்தில் ஆரம்பம்

 "உங்களுக்கு ஒரு வீடு" என்கின்ற திட்டத்தின் கீழ் நாடு பூராகவும் உள்ள ஒவ்வொரு கிராம சேவையாளர் பிரிவுகளுக்கும் 5 வீடுகளை வழங்கும் தீர்மானத்திற்கமைய மண்முனை மேற்கு வவுணதீவுப் பிரதேசத்தில்  முதற்கட்டமான வீட்டுக்கான அடிக்கல் நாட்டும் நிகழ்வு இடம்பற்றது.

புதுமண்டபத்தடி கி.சேவையாளர் பிரிவு மற்றும் நெடியமடு கிராம சேவையாளர் பிரிவில் ஆகிய இரு இடங்களில்

இடம்பெற்றது.

மட்/மாவட்ட அபிவிருத்திக் குழு தலைவரின் இணைப்புச் செயலாளர் திருமதி மங்களேஸ்வரி சங்கர்,தமிழ் மக்கள் விடுதலைப் புலிகளின் பிரதிச் செயலாளர் ஜெயராஜ், வவுணதீவு பிரதேச அமைப்பாளர் போன்றோர் கலந்து கொண்டனர்.
»»  (மேலும்)

3/03/2021

கராத்தே வீரர்களுக்கு சான்றிதழ் வழங்கி வைத்தார் சந்திரகாந்தன்


மட்டகளப்பு S.K.O விளையாட்டு கழகத்தின் 2020ஆம் ஆண்டிற்கான கராத்தே மாணவர்களுக்கான தரப்படுத்தல் சான்றிதழ் வழங்கும் வைபவம் கடந்த திங்களன்று இடம்பெற்றது.

இவ்வைபவத்தில் பிரதம அதிதியாக கலந்துகொண்ட  பாராளுமன்ற உறுப்பினர் சந்திரகாந்தன் கராத்தே வீரர்களுக்கு சான்றிதழ்களை வழங்கி வைத்தார்.

»»  (மேலும்)

3/01/2021

ரி எம் வி பி அணி பத்து தமிழரசுக் கட்சி அணி 5

ஆரையம்பதி பிரதேச சபையின் புதிய தவிசாளராக தர்மரெத்தினம் தயானந்தன் தெரிவு


 ஆரையம்பதி பிரதேச சபையின் புதிய தவிசாளர் தெரிவு உள்ளுராட்சி ஆணையாளர் என்.மணிவண்ணன்தலைமையில் இன்று இடம் பெற்றது.

இதன் போது தமிழ் மக்கள் விடுதலைப் புலிகள் கட்சியின் அமோக ஆதரவுடன் 
 தர்மரட்ணம் தயானந்தன் புதிய தவிசாளராக தெரிவு செய்யப்பட்டார். 

இச் சபையானது 17 உறுப்பினர்களை கொண்டிருந்த போதும் இதில் 16 உறுப்பினர்கள் சபைக்கு சமூகமளித்திருந்தனர் இதில் ஒருஉறுப்பினர் நடுநிலை வகிக்க ஏனைய உறுப்பினர்கள் புதிய தவிசாளர் தர்மரட்ணம் தயானந்தனுக்கு ஆதரவாகவும் ஏனைய ஐந்து உறுப்பினர்கள் எதிராகவும் வாக்களித்தனர் இதன் அடிப்படையில் புதியதவிசாளராக தர்மரட்ணம் தயானந்தன் தெரிவு செய்யப்பட்டார்.

பின்னர் மட்டக்களப்பு மாவட்டநாடாளுமன்ற உறுப்பினரும் மாவட்ட ஒருங்கிணைப்புக் குழு இணைத் தலைவருமான சிவநேசத்துரை சந்திரகாந்தன் அவர்கள் புதிய தவிசாளருக்கும் அங்கிருந்த ஏனைய உறுப்பினர்களுக்கும் பொன்னாடை அணிவித்து தனது வாழ்த்துக்களை தெரிவித்திருந்தமைகுறிப்பிடத்தக்கது....

நன்றி batti tv
»»  (மேலும்)

என்னை கலைக்க முயன்றார்கள் நான் கட்சியைக் கலைத்து விட்டேன்


நுவரெலியா – தலவாக்கலையில் இன்று (ஞாயிற்றுக்கிழமை) இடம்பெற்ற ஊடகவியலாளர் சந்திப்பில் அவர் இவ்வாறு குறிப்பிட்டுள்ளார்.

2021ஆம் ஆண்டு பெப்ரவரி மாதம் 10ஆம் திகதியுடன் தொழிலாளர் தேசிய முன்னணி முடிவடைந்துள்ளது.

இலங்கைத் தொழிலாளர் காங்கிரஸிலிருந்து எம்.எஸ்.செல்லசாமி விலகிச் சென்ற சந்தர்ப்பத்தில், தொழிலாளர் தேசிய சங்கத்தில், மயில் சின்னத்திலேயே இலங்கைத் தொழிலாளர் காங்கிரஸ் போட்டியிட்டது.

இலங்கைத் தொழிலாளர் காங்கிரஸின் சூழ்ச்சி காரணமாகவே தொழிலாளர் தேசிய சங்கத்தின் மயில் சின்னம் இல்லாது செய்யப்பட்டது. இந்தப் பின்னணியிலேயே, தொழிலாளர் தேசிய முன்னணி என்ற கட்சியை நாம் யாப்பு எழுதி உருவாக்கினோம்.

இவ்வாறான நிலையில், இலங்கைத் தொழிலாளர் காங்கிரஸிலிருந்து வருகை தந்துள்ள ஒரு கூட்டம், தொழிலாளர் தேசிய முன்னணியை இல்லாதொழிக்கும் முயற்சிகளை மேற்கொண்டு வருகின்றது.

இதன் ஒரு கட்டமாகவே, என்னை அந்தக் கட்சியிலிருந்து வெளியேற்றிவிட்டு, அந்தக் கட்சியை அவர்களின் தேவைக்கு ஏற்ப நடத்த முயற்சித்து வருகின்றனர்.

இதனாலேயே கட்சியை கலைக்கும் தீர்மானத்தை எடுத்து, தொழிலாளர் தேசிய முன்னணியின் பொதுச் செயலாளர் பதவியிலிருந்து நான் விலகினேன். இனிவரும் காலங்களில் அவர்கள் வேறொரு அரசியல் கட்சியை உருவாக்கி, செயல்படுவதில் எனக்கு எந்தவித ஆட்சேபனையும் கிடையாது.

தொழிலாளர் தேசிய முன்னணி மூலம் அடைய நினைத்த அரசியல் இலக்குகளை, எதிர்வரும் காலத்தில் பாரிய மலையக கொள்கை சார்ந்த ஜனநாயக அரசியலின் ஊடாக அடைய முயற்சிப்பேன்.

இதேவேளை, என்னுடன் பேசி தீர்க்க வேண்டிய பல்வேறு விடயங்கள் காணப்பட்ட போதிலும், அதைப் பேசி தீர்த்துக்கொள்ளாமல், நயவஞ்சகமான முறையில் என்னை கட்சியிலிருந்து வெளியேற்ற நடவடிக்கை எடுக்கப்பட்டது.

இவ்வாறு தொழிலாளர் தேசிய முன்னணியால் முன்னெடுக்கப்பட்ட நயவஞ்சக செயல்பாடுகளை, மக்களுக்கு வெளிப்படுத்துவேன் என அவர் குறிப்பிட்டுள்ளார்.

»»  (மேலும்)

2/22/2021

தமிழ் மொழி தின சிறப்பு நிகழ்வு


உலக தாய்மொழி தினத்தையொட்டி மட்டக்களப்பில் தமிழ் மொழி தின சிறப்பு நிகழ்வுவொன்று  தமிழ் உணர்வாளர்கள் அமைப்பினால் நடாத்தப்பட்டது. 

மட்/செங்கலடிச்செல்லம் பிரிமியர் மண்டபத்தில் தமிழ் உணர்வாளர்கள் அமைப்பின் தலைவர் மோகன் தலைமையில் இடம்பெற்ற இந்நிகழ்வில் சிறப்பு    விருந்தினர்களாக பாராளுமன்ற உறுப்பினர்கள்
சந்திரகாந்தன், சாணக்கியன், முன்னாள் பாராளுமன்ற உறுப்பினர் பசீர் சேகுதாவுத் போன்றோர் கலந்துகொண்டு உரையாற்றினர். மேலும் பல எழுத்தாளர்கழும் அறிஞர்களும்  கெளரவிக்கப்பட்டனர்.
»»  (மேலும்)

2/21/2021

உயிர்த்த ஞாயிறு தாக்குதல்; 32 பேருக்கு நேரடி தொடர்பு குற்றச்சாட்டு

உயிர்த்த ஞாயிறுதின தாக்குதலில் 32 பேர் நேரடியாக மனிதப் படுகொலையாளிகளாகவும் தாக்குதல்களை திட்டம் தீட்டியவர்களாகவும் குற்றஞ்சாட்டப்படவுள்ளதுடன், தாக்குதல்களுடன் தொடர்புற்று தடுத்து வைக்கப்பட்டுள்ள 241 பேர் மீதும் வழக்கு தொடரப்படவுள்ளதாக பொது மக்கள் பாதுகாப்பு அமைச்சர் சரத் வீரசேகர தெரிவித்துள்ளார்.

தாக்குதல்களுடன் தொடர்புடைய 273 சந்தேகநபர்களுக்கு எதிராக சட்ட நடவடிக்கை எடுக்கப்படவுள்ளதாகவும் அவர் தெரிவித்தார்.

அது தொடர்பில் அவர் மேலும் கூறியதாவது,

குற்றப்புலனாய்வுப் பிரிவினர் நடத்திய விசாரணைகள் தொடர்பாக தயாரிக்கப்பட்ட எட்டு கோப்புகள் ஏற்கனவே சட்ட மாஅதிபருக்கு அனுப்பப்பட்டுள்ளன.

குற்றப்புலனாய்வுப் பிரிவினரின் விசாரணைகளின் பிரகாரம் 'நல்லாட்சி' அரசாங்கத்தின் பல பிரபல அரசியல்வாதிகள் மற்றும் பல சிரேஷ்ட பொலிஸ் அதிகாரிகள் நேரடியாக அந்த சம்பவத்தில் குற்றஞ்சாட்டப்பட்டுள்ளனர். குறிப்பாக தாக்குதலைத் தடுக்கத் தவறியது தொடர்பான குற்றச்சாட்டுகள் தீவிரமானவையென குற்றப்புலனாய்வுப் பிரிவினர் தெரிவித்துள்ளனர்.

உயிர்த்த ஞாயிறுதின தாக்குதல்களுடன் தொடர்புடைய ஜனாதிபதி ஆணைக்குழுவின் விசாரணை அறிக்கை எதிர்காலத்தில் பாராளுமன்றத்தில் சமர்ப்பிக்கப்படும்.

தாக்குதல்கள் தொடர்பாக 754 பேர் இதுவரை கைது செய்யப்பட்டுள்ளதாகவும், மீதமுள்ளவர்கள் விசாரிக்கப்பட்டு குற்றச்சாட்டுகளுடன் தொடர்பு படாவிடின் விடுவிக்கப்பட்டவுள்ளதாகவும் அமைச்சர் மேலும் தெரிவித்துள்ளார்.

இதற்கிடையில், உயிர்த்த ஞாயிறுதின தாக்குதல்கள் தொடர்பான விசாரணையின் அறிக்கையையும், தேசிய பாதுகாப்பு தொடர்பான துறை மேற்பார்வைக் குழுவின் அறிக்கையையும் ஆய்வு செய்ய ஜனாதிபதி கோட்டாபய ராஜபக்ஷ, அமைச்சர் சாமல் ராஜபக்ஷ தலைமையில் ஒரு குழுவை நியமித்துள்ளாரென்பதும் குறிப்பிடத்தக்கது.


»»  (மேலும்)

நெற்களஞ்சிய சாலை திறப்பு


இன்று உணவுக் களஞ்சியசாலையொன்று மட்டக்களப்பு கள்ளியங்காடு பிரதேசத்தில் திறந்து வைக்கப்பட்டது. வர்த்தக வாணிப அமைச்சர் கௌரவ பந்துல குணவர்தன அவர்களினால் இந்த உணவுக் களஞ்சியசாலை திறந்து வைக்கப்பட்டது என்பது குறிப்பிடத்தக்கது.

யுத்தகாலத்திலிருந்து நீண்டகாலமாக கைவிடப்பட்டுக்கிடந்த இந்த கட்டடமானது புனரமைக்கப்பட்டு மக்களின் மீளுருவாக்கப்பட்டுள்ளது.

இதன் மூலம் எமது மட்டக்களப்பில் காணப்படக்கூடிய விவசாயிகள் தங்களது நெல்லை அரசாங்கத்திற்கு விற்பனை செய்வதன் மூலம் நியாயமான விலையை பெற்றுக்கொள்ள கூடிய சூழ்நிலையும் அதேபோன்று நெல்லை பாதுகாப்பாக களஞ்சியப் படுத்தக்கூடிய நவீன வசதிகளை கொண்ட இடமாகவும் இது திகழவிருக்கின்றமை குறிப்பிடத்தக்கது.





»»  (மேலும்)

2/19/2021

மட்டக்களப்பில் எதிர்வரும் ஏப்ரல் மாதமளவில் சதோச விற்பனை நிலையங்கள்


மட்டக்களப்பு மாவட்டத்திற்கு வருகை தந்த வர்த்தக வாணிப அமைச்சர் பந்துல குணவர்த்தன அவர்களால் மட்டக்களப்பு மாநகரத்தில் #சதோச பிராந்திய அலுவலகமும் அதே போன்று மட்டக்களப்பு மாவட்டத்தின் ஏனைய 6 முக்கிய நகரங்களில விற்பனை நிலையங்களையும் எதிர்வரும் மாதங்களில் அமைப்பதற்கான திட்டங்கள் தொடர்பான கலந்துரையாடல்கள் இடம்பெற்றுள்ளன. மேற்படி கலந்துரையாடலானது மட்டக்களப்புக்கு விஜயம் செய்துள்ள வாணிப அமைச்சர் பந்துல குணவர்த்தன அவர்களுடன் மட்டக்களப்பு மாவட்ட அபிவிருத்தி குழுத்தலைவர் சந்திரகாந்தன் தலைமையில் மாவட்ட செயலாளர் மற்றும் அதிகாரிகள் உள்ளடங்கலான குழுவுடன் இடம்பெற்றது.

இக்கூட்டத்தின்போது மட்டக்களப்பில் எதிர்வரும் ஏப்ரல் மாதமளவில் சதோச விற்பனை நிலையங்கள் சாத்தியப்பாடுகள் குறித்து ஆராயப்பட்டுள்ளது.

»»  (மேலும்)

‘சீனோப்பியா’ வியாதிக்கான காரணங்கள் - தோழர் மணியம் சண்முகம்


இலங்கையின் வட பகுதியில் உள்ள மூன்று தீவுகளில் மின்நிலையங்களை நிறுவுவதற்கு இலங்கை அரசாங்கம் சீன நிறுவனம் ஒன்றுடன் ஒப்பந்தம் செய்ததைத் தொடர்ந்து, தமிழ் அரசியல்வாதிகள் தமது வேற்றுமைகளை ஒருபக்கம் ஒதுக்கி வைத்துவிட்டு, ‘இதனால் இந்தியாவுக்கு ஆபத்து!’ என சீனாவுக்கு எதிராகவும் இலங்கை அரசுக்கு எதிராகவும் வசைபாடத் தொடங்கியிருக்கிறார்கள். (ஆனால் இதே அரசியல்வாதிகள்தான் புலிகள் இந்தியாவுடன் யுத்தம் செய்தபோது விழுந்து கட்டிக்கொண்டு அதையும் ஆதரித்தவர்கள். அப்பொழுது இந்த இந்தியப் பாசம் எங்கே ஓடி ஒளித்ததோ தெரியவில்லை)
இலங்கை இந்தியாவின் ஒரு பகுதி அல்ல. அது இறைமையுள்ள ஒரு நாடு. தீவுகளில் மின்நிலையங்களை நிறுவுவதற்கு இலங்கை அரசு சீனாவுக்கு இரகசியமாகக் கொடுத்துவிடவில்லை என்றும், சர்வதேச நியதிகளின்படி பகிரங்கமாக கேள்விப்பத்திரம் வெளியிட்டு அதன் அடிப்படையிலேயே வழங்கப்பட்டதாகவும் அரசாங்கம் தெளிவுபடுத்திய பின்பும், சீனா இவற்றை நிறுவுவதால் இந்தியாவுக்கு ஆபத்து என இந்தத் தமிழ் அரசியல்வாதிகள் புலம்பிய வண்ணம் உள்ளனர். அப்படியானால் இலங்கை கேள்விப்பத்திரம் வெளியிட்டபோது சீனாவை முந்திக்கொண்டு இந்தியா அந்த உரிமத்தைப் பெற்றிருக்கலாம்தானே? ஏன் பெற முடியவில்லை? யார் தடுத்தார்கள்?
இலங்கைத் தமிழர்களில் ஒரு பகுதியினருக்கு இந்த சீன விரோதக் காய்ச்சல் இன்று நேற்று ஏற்பட்டதல்ல. 1956இல் பண்டாரநாயக்க ஆட்சிக்கு வந்ததும் இலங்கையின் தேசிய சுதந்திரத்தையும் இறைமையையும் சுயாதிபத்தியத்தையும் பாதுகாப்பதறகாக சில நடவடிக்கைகளை எடுத்தார். அதில் ஒன்று கட்டுநாயக்காவிலும் திரிகோணமலையிலும் இருந்த பிரித்தானிய இராணுவத் தளங்களை வெளியேற்றியது. அந்த நேரத்தில் தமிழரசுக் கட்சித் தலைவர் செல்வநாயகம் பிரித்தானியா தனது தளங்களை வெளியேற்ற வேண்டாம் எனக்கோரி எலிசபெத் மகாராணிக்கு தந்தி அனுப்பினார்! என்னே தேசபக்தி!! (உண்மையான இந்தியக் காந்நி “வெள்ளையனே வெளியேறு!” எனக் கூற, இந்த போலி ஈழத்துக் காந்தி “வெள்ளையனே வெளியேறாதே!” என்று கூறியிருக்கிறார்.)
அன்றிலிருந்து திரிகோணமலை துறைமுகத்தை பண்டாரநாயக்காக்களின் அரசுகள் சீனாவுக்கு கொடுக்கப்போகின்றன என தமிழரசுக் கட்சியினர் தொடர்ந்து பிரச்சாரம் செய்து வருகின்றனர். ஆனால் இன்றுவரை அப்படி எதுவும் நடக்கவில்லை. மாறாக, திரிகோணமலை – சீனன்குடாவில் உள்ள எண்ணெய் குதங்கள் இந்தியாவுக்குத்தான் கொடுக்கப்பட்டுள்ளன. அதுமாத்திரமின்றி, தமிழரசுக் கட்சி ஆதரவு வழங்கிய கடந்த ‘நல்லாட்சி’ அரசு திரிகோணமலை துறைமுகத்தில் அமெரிக்காவுக்கும் சில வசதிகளைச் செய்துகொடுக்க முன்வந்தது. அதைப்பற்றியெல்லாம் இவர்கள் ஒருபோதும் வாய்திறக்கமாட்டார்கள்.
1962இல் இந்தியாவுக்கும் சீனாவுக்கும் இடையில் எல்லை யுத்தம் நடைபெற்ற பொழுது, இரு நாடுகளையும் சமரசப்படுத்தும் முயற்சியில் அப்போதைய இலங்கைப் பிரதமர் சிறீமாவோ பண்டாரநாயக்க ஈடுபட்டார். ஆனால் தமிழரசுக் கட்சியினர் ஒருதலைப்பட்சமாக சீனாதான் இந்தியாவை ஆக்கிரமித்துவிட்டது எனப் பிரச்சாரம் செய்துகாண்டு, கொழும்பிலுள்ள சீனத் தூதரகம் முன்பாக ஆர்ப்பாட்டம் செய்யப்போய் கொழும்புத் துறைமுகத் தொழிலாளர்களினால் விரட்டப்பட்டு ஓடி வந்தனர்.
1970களில் சீன அரசாங்கம் கொழும்பில் பண்டாரநாயக்கவின் பெயரில் ஒரு சர்வதேச மாநாட்டு நினைவு மண்டபத்தைக் கட்டிக்கொடுத்தபோது, அதைக் கட்ட வந்த சீனர்கள் கொண்டு வந்து கொடுத்த ஆயுதங்களைப் பயன்படுததியே ஜே.வி.பி. 1971 ஏப்ரலில் ஆயுதக் கிளர்ச்சி செய்ததாகப் பொய்ப்பிரச்சாரம் செய்தனர்.
அம்பந்தோட்டையில் துறைமுகம் ஒன்றையும், மத்தளவில் சர்வதேச விமான நிலையம் ஒன்றையும் சீனா அமைத்துக் கொடுத்தபோது, அதனால் இந்தியாவுக்கு ஆபத்து என ஓலமிட்டனர். (இருந்தும் சீனர்களை உளவு பார்ப்பதற்காக இந்தியா அம்பாந்தோட்டையில் துணைத் தூதரகம் ஒன்றை அமைப்பதற்கு இலங்கை அரசாங்கம் அனுமதி வழங்கியது) அதேபோல, கொழும்பில் மிக உயரமான ‘தாமரைக் கோபுரம்’ சீனாவால் நிர்மாணிக்கட்டபோதும், அது உயரத்தில் இருந்து கொண்டு இந்தியாவை உளவு பார்ப்பதற்குத்தான் என்றனர். கொழும்பு துறைமுக நகரைச் சீனா நிர்மாணித்தபோதும், அதனால் இந்தியாவுக்கு ஆபத்து என்றனர்.
கொழும்பு துறைமுகத்தின் கிழக்கு முனையப் பொறுப்பை இந்தியாவுக்கும் யப்பானுக்கும் வழங்குவதற்கு முன்னைய இலங்கை அரசு ஒப்பந்தம் செய்திருந்தபோதும், துறைமுகத் தொழிலாளர்கள் முழுப்பேரினதும், மக்களினதும் ஏகோபித்த எதிர்ப்பால் அதை இரத்துச் செய்யவேண்டிய நிர்ப்பந்தம் இலங்கை அரசுக்கு உருவாகியது. அதையும் அரசாங்கத்தில் இந்திய விரோதச் செயல் என்றனர். அப்படியானால் இலங்கை மக்கள் விருப்பு வெறுப்பு ஏதுமின்றி கைகளைக் கட்டிக்கொண்டு சும்மா இருக்க வேண்டும் என்பதா இவர்களது எண்ணம்? இருந்தும் அரசாங்கம் துறைமுகத்தின் மேற்கு முனையத்தை இந்தியாவுக்கு வழங்க முன்வந்துள்ளது.
அதேநேரத்தில், இலங்கையின் வடக்குக் கடலில் இந்திய மீனவர்கள் தொடர்ச்சியாக அத்துமீறி மீன்பிடிப்பது பற்றியோ, அதனால் வட பகுதி தமிழ் மீனவர்கள் பாதிக்கப்படுவது பற்றியோ இந்தத் தமிழ் அரசியல்வாதிகள் எதுவும் பேசமாட்டார்கள். ஆனால் தென்னிலங்கை மீனவர்கள் அங்குவந்து மீன்பிடித்தால் (அதுவும் தவறு என்றபோதும்) கூப்பாடு போடுவார்கள்.
அதேபோல, அமெரிக்காவுக்கோ அல்லது மேற்கு நாடுகளுக்கோ இலங்கையின் வளங்களைத் தாரைவார்த்தால், அதுபற்றி ஒன்றும் பேசமாட்டார்கள், உள்ளுர மகிழ்ச்சி அடைவார்கள். சீன எதிர்ப்பு பேசும் இவர்கள், அமெரிக்கா அவுஸ்திரேலியாவையும் யப்பானையும் சேர்த்துக்கொண்டு ‘இந்தோ – பசுபிக் உடன்படிக்கை’ என்ற பெயரில் சீனாவுக்கு எதிராக அமைத்துள்ள இராணுவக்கூட்டில் இந்தியாவும் இணைந்திருப்பதில் எல்லாம் இவர்களுக்கு அக்கறை கிடையாது.
எதற்கெடுத்தாலும் சீன விரோதக் கூச்சல் கிளப்புவது இலங்கை தமிழ் அரசியல்வாதிகளின் தொடர்ச்சியான தொழிலாகப் போய்விட்டது. அவர்களின் இந்த ‘சீனோப்பியா’ வியாதிக்குக் காரணம், அவர்கள் மத்தியில் நீண்டகாலமாக புரையோடிப் போய்விட்ட சோசலிச எதிர்ப்புணர்வும், ‘இந்தியா எங்கள் தாய்நாடு’ என்ற உணர்வும்தான்.

நன்றி முகநூல் *தோழர் மணியம் சண்முகம்
»»  (மேலும்)

2/18/2021

இணைய வழி கருத்தரங்கம் - பெண்கள்மட்டும்


இலங்கையில்  இனங்களுக்கிடையிலான நல்லிணக்கத்தின் அவசியம் குறித்து எதிர்வரும் சனியன்று இணையவழி கருத்தரங்கு ஒன்று இடம்பெறவுள்ளது. இலங்கை நேரம் மாலை  7.30 மணிக்கு இவ்வரங்கு ஆரம்பமாகும். இந்நிகழ்வினை புகலிட பெண்கள் சந்திப்பு குழுவினர் ஏற்பாடுசெய்துள்ளனர்.

»»  (மேலும்)

கொத்தியாபுலை கலைவாணி வித்தியாலயம் 1C பாடசாலையாக தரமுயர்வு

மட்டக்களப்பு மண்முனை மேற்கு கல்வி வலயத்திற்கு உட்பட்ட கொத்தியாபுலை கலைவாணி வித்தியாலயம் 1C பாடசாலையாக தரமுயர்த்தப்பட்டுள்ளது.

பாடசாலையினை தரமுயர்த்துவது தொடர்பில் பாடசாலைச் சமூகமும் பொது மக்களும் பாராளுமன்ற உறுப்பினரும் மாவட்ட அபிவிருத்திக்குழுத் தலைவருமான சிவநேசதுரை சந்திரகாந்தனிடம் முன்வைத்த கோரிக்கையின் பலனாக type 3 பாடசாலையாக இருந்து தற்போது 1C பாடசாலையாக தரமுயர்த்தப்பட்டுள்ளது.

இதுவரை காலமும் க.போ.த சாதாரண தரம் வரை மாத்திரம் கல்வி பயிலக் கூடியதாக இருந்த இப் பாடசாலையானது க.பொ.த உயர்தரத்தில் கலைப்பிரிவுவரை கற்கக்கூடிய வகையில் தரம் உயர்த்தப்பட்டுள்ளது என்பது குறிப்பிடத்தக்கது.

இதன் மூலம் அங்குள்ள கலைப்பிரிவில் ஆர்வம் கொண்ட மாணவர்கள் நீண்ட தூரம் பயணம் செய்து மட்டக்களப்பிற்கு வரவேண்டிய தேவை குறைக்கப்பட்டு அங்குள்ள பாடசாலையிலே தங்களது கல்வி நடவடிக்கைகளை தொடர கூடிய நடவடிக்கை முன்னெடுக்கப்பட்டுள்ளது.
»»  (மேலும்)

நாளை மட்டக்களப்பு வருகின்றார் வர்த்தக அமைச்சர்

மட்டக்களப்பு பாளுமன்ற உறுப்பினரும் மாவட்ட ஒருங்கிணைப்பு குழு இணைத்தலைவருமாகிய சி.சந்திரகாந்தனது அழைப்பினை ஏற்று நாளை மட்டக்களப்பு வருகின்றார் வர்த்தக அமைச்சர்.

வர்த்தக அமைச்சர் பந்துல குணவர்த்தன அவர்களினால் மட்டக்களப்பு மாவட்டத்துக்கான வர்த்தக பொது கூட்டுத்தாபனத்தினுடைய காட்சிசாலை

மற்றும் உணவு ஆணையாளர் திணைக்களத்தினுடைய மட்டக்களப்புக்கான கிளை என்பன திறக்கப்படவுள்ளன.
»»  (மேலும்)

வேறு நாடொன்றின் கட்சி எமது தேர்தலில் போட்டியிட முடியாது

வேறு நாடு ஒன்றின் கட்சி எமது நாட்டில் பதிவு செய்வதற்கோ தேர்தலில் போட்டியிடுவதற்கோ முடியாது என தேர்தல்கள் ஆணைக்குழுவின் தலைவர் நிமல் புஞ்சிஹேவா தெரிவித்தார்.

இலங்கைக்குள் பாரதிய மக்கள் கட்சியை அமைப்பதற்கு திட்டமிட்டுள்ளதாக தெரிவிக்கப்படும் செய்தி தொடர்பாக கருத்து தெரிவிக்கையிலேயே இவ்வாறு குறிப்பிட்டார்.

இது தொடர்பாக மேலும் கூறுகையில், 


வெளிநாட்டு கட்சி ஒன்று இலங்கைக்குள் கிளைகளை அமைத்து தேர்தலில் போட்டியிட முடியாது. அவ்வாறான கட்சி ஒன்றை பதிவு செய்யவும் முடியாது. அது எமது நாட்டு கட்சி ஒன்றாக இருந்தால் இலங்கை பிரஜைகளால் கட்சி ஒன்றை அமைத்து, கடந்த 4 வருடங்களாக கட்சியாக செயற்பட்டு, தேர்தல்களில் போட்டியிட்டிருக்கும் பின்னணி இருக்குமாக இருந்தால்தான், அந்த கட்சியை பதிவுசெய்து ஏற்றுக்கொள்ளப்பட்ட கட்சியாக போட்டியிட முடியுமாகின்றது.

அவ்வாறு இல்லாமல் எந்தளவு பிரபலமான கட்சியாக இருந்தாலும் நாட்டுக்குள் கிளைகளை அமைத்து தேர்தல்களில் போட்டியிட முடியாது. அத்துடன் அவ்வாறான கட்சிகள் இலங்கையில் கட்சியொன்றுடன் கூட்டணி அமைத்து தேர்தலில் போட்டியிடவும் சட்டத்தின் பிரகாரம் முடியாது.

எமது சட்டத்தின் பிரகாரம் நாட்டுக்குள் இருக்கும் கட்சிகள் கூட்டணிகளை அமைத்துக்கொள்ள முடியும். ஆனால் வெளிநாட்டு கட்சிகளுடன் கூட்டணி அமைத்து தேர்தல்களில் போட்டியிட முடியாது என்றார்.

»»  (மேலும்)

2/14/2021

யாழ்- அகற்றுச்சங்கம் ஒரு வரலாற்றுப்பதிவு

பகிரங்கமாக அலுவலகம் வைத்து செயல்பட்ட “யாழகற்றுச் சங்கம் 




கிழக்கு மாகாணத்தில், குறிப்பாக மட்டக்களப்பு மாவட்டத்தில், யாழ்ப்பாணத்தவர்களுக்கு எதிரான உணர்வுகளைச் சிலர் தூண்டி விடுகிறார்கள் என யாழ்ப்பாணியர்கள் சிலர் ஆதங்கப்படுவதை அவதானிக்க முடிகிறது.

மட்டக்களப்பில் சில பகுதியினரிடையே யாழ்ப்பாண எதிர்ப்பு அல்லது வெறுப்பு உணர்வு இருப்பது இரகசியமான விடயமல்ல. அது இன்று நேற்று ஏற்பட்டதுமல்ல. நான் அறிய அந்த உணர்வு இருப்பதை நான் எமது புரட்சிகர கம்யூனிஸ்ட் கட்சி வேலைகளுக்காக முதன்முதலாக 1960களின் பிற்பகுதியில் அங்கு சென்றபோதே அவதானித்திருக்கிறேன்.சரி, அது ஒருபுறமிருக்க - 

ஆனால் இனி நான் சொல்லப்போவது இன்று தமிழ் தேசியப் போராட்டம் நடத்தும் பலருக்கும் தெரியாததும், அதேநேரத்தில் ஆச்சரியம் தரும் விடயமாகவும் இருக்கும்.

ஏன் நாம் மட்டக்களப்புக்கு ஓடுவான்? வன்னியில் யாழ்ப்பாண எதிர்ப்பு உணர்வு இருப்பது உங்களில் எத்தனை பேருக்குத் தெரியும்? அதுமட்டுமின்றி, 60கள் 70களில் வவுனியா பஸ் நிலையத்தில் “யாழகற்றுச் சங்கம்” என்ற பெயர் பலகையுடன் யாழ்ப்பாணத்தாருக்கு எதிராக ஒரு அலுவலகம் செயற்பட்டது உங்களில் எத்தனை பேருக்குத் தெரியும்? ஆனால் உண்மை. அதை நான் நேரடியாகவே கண்டிருக்கிறேன்.

அந்த அலுவலகத்தை நடத்தியவர் வேறு யாருமல்ல, ஜீ.ஜீ.பொன்னம்பலத்தால் “வன்னி நாம்பன்” என அழைக்கப்பட்டவரும், அவரது தமிழ் காங்கிரஸ் கட்சியின் வவுனியா தொகுதி பாராளுமன்ற உறுப்பினருமான தா.சிவசிதம்பரம் என்பவர்தான். (தமிழ் காங்கிரசில் உடுப்பிட்டி தொகுதி எம்.பியான மு.சிவசிதம்பரமும் இருந்தார். அவரை பொன்னம்பலம் “உடுப்பிட்டி சிங்கம்” என அழைப்பார்)

இந்த தா.சிவசிதம்பரம் வவுனியா பாராளுமன்ற உறுப்பினரானதே ஒரு தனிக் கதை. 1956 தேர்தலில் வவுனியா தொகுதியில் கொழும்பு பல்கலைக்கழகத்தின் முன்னாள் கணிதப் பேராசிரியரும் (இவர் எலிசபெத் மாகாராணிக்கு கணக்குப் படிப்பித்தவர் என்ற ஒரு போலிக்கதையும் நம்மவர் மத்தியில் உலா வருவதுண்டு), பிற்காலத்தில் ‘அடங்காத் தமிழர் முன்னணி’ என்ற பெயரில் கட்சி ஒன்றை ஆரம்பித்தவருமான சி.சுந்தரலிங்கம் வெற்றி பெற்று எம்.பியானார். இந்த அடங்காத் தமிழர் வவுனியாவில் எம்.பியாக இருந்த காலத்தில் அங்கு பல நூறு ஏக்கர் காணிகளையும், ஒரு சில குளங்களையும் தனதுடமையாக்கியும் இருக்கிறார். அது தனிக்கதை. (இந்த ‘கணித மேதை” சுந்தரலிங்கம்தான் 1960களில் மாவிட்டபுரம் ஆலயப்பிரவேசப் போராட்டத்தின் போது சாதி வெறியர்களுக்காக ஆட்டம் போட்டவர்)

இந்தச் சுந்தரலிங்கத்தைத் தோற்கடித்து தான் வவுனியா எம்.பியாக வந்துவிட வேண்டும் என்பது தா.சிவசிதம்பரத்தின் தணியாத தாகமாக இருந்தது. அதற்கான சந்தர்ப்பத்தை சுந்தரலிங்கமே ஏற்படுத்திக் கொடுத்தார். 1960இல் நடைபெற்ற தேர்தலில் (மார்ச் - யூலை என இரண்டு தேர்தல்கள்) சுந்தரலிங்கமும் சிவசிதம்பரமும் எதிரெதிராகப் போட்டியிட்டனர். சிவசிதம்பரம் ‘ஒறியினல்’ வன்னியான் (அவரது பூர்வீகம் முல்லைத்தீவு மாவட்டத்திலுள்ள தண்ணீரூற்று கிராமம். அங்குள்ள புற்றளையார் குடும்ப பரம்பரையைச் சேர்ந்தவர்) என்றபடியால் சுந்தரலிங்கத்தைவிட சிவசிதம்பரத்துக்கு ஆதரவு அதிகமாக இருந்தது.

இதைப் பொறுக்காத சுந்தரலிங்கம், “வன்னியாங்கள் வைக்கல் கத்தையைக் கண்ட மாடுகள் போல சிவசிதம்பரத்தின் சாராயத்துக்காக அவர் பின்னால் ஓடுறாங்கள்” என ஒரு பொதுக்கூட்டத்தில் பேசிவிட்டார்.
கிடைத்தது சிவசிதம்பரத்துக்குப் பிடி. அவர் உடனே, “வன்னியானை மாடுகள் எனச் சொன்ன யாழ்ப்பாணத்தான் சுந்தரலிங்கத்துக்கா வாக்குப் போடப்போகிறீர்கள்?, மானமுள்ள வன்னி மக்களே?” எனக் கேள்வி கேட்டுப் பதிலடி கொடுத்தார்.
அவ்வளவுதான் சுந்தரலிங்கம் வவுனியாவிலிருந்து ‘அவுட்’. பின்னர் 1965 தேர்தலிலும் சுந்தரலிங்கம் அங்கு போட்டியிட்டு சிவசிதம்பரத்திடம் மண் கவ்வினார். (அதன் பின்னர் இன்றுவரை யாழ்ப்பாணத்தைப் பூர்வீகமாகக் கொண்ட எவரும் வவுனியாவில் வெற்றி பெறவில்லை என நினைக்கிறேன்) அந்த நேரத்தில்தான் வன்னி மக்களுக்கு தொடர்ந்து யாழ்ப்பாண எதிர்ப்பு உணர்வை ஊட்டுவதற்காக இந்த ‘யாழகற்று சங்க’ அலுவலகத்தை வவுனியா பஸ் நிலையத்தில் ‘வன்னி நாம்பன்’ திறந்து வைத்தார். நான் 1970 – 71 காலகட்டத்தில் வவுனியா மாவட்டத்தில் உள்ள சுமார் 25 கிராமங்களில் அரசியல் வேலை செய்த பொழுது, அந்தக் கிராமத்தவர்கள் மத்தியில் யாழ்ப்பாண எதிர்ப்பு உணர்வு மறைமுகமாக இருந்ததை அவதானித்துள்ளேன்.

யாழ்ப்பாணத்தவர்களுக்கு மட்டக்களப்பில் மட்டுமின்றி, வன்னி, மலையகம், தென்னிலங்கை என எல்லா இடங்களிலும் எதிர்ப்பு இருப்பதற்கு அவர்களது கடந்தகால வரலாறுதான் காரணம். இலங்கையை ஆண்ட பிரித்தானியர் சிங்களவர்களையும் தமிழர்களையும் திட்டமிட்டுப் பிரிப்பதற்காக தமிழர்களுக்கு அதிக கல்வி வாய்ப்பைக் கொடுத்தனர். அதனால் இலங்கை முழுவதும் யாழ்ப்பாணத் தமிழர்களே சகல துறைகளிலும் அரசாங்க அதிகாரிகள் ஆனார்கள். மற்றப் பக்கத்தில் யாழ் மாவட்டத்தில் நிலவிய வளப்பற்றாக்குறை காரணமாக பிழைப்புக்காக பலர் தென்னிலங்கைக்குச் சென்று வியாபாரம் செய்யத் தொடங்கினார்கள். 

அதாவது, நாட்டின் ஏனைய பகுதி மக்கள் யாழ்ப்பாணத்தவர்களில் ஒரு பகுதியினரை அதிகாரம் செலுத்துபவர்களாகவும், இன்னொரு பகுதியினரைத் தம்மைச் சுரண்ட வந்தவர்களாகவும்தான் பார்த்தனர். அதனால் எழுந்த வெறுப்புத்தான் யாழ்ப்பாணியர் எதிர்ப்பாகப் பின்னர் பரிணாமம் அடைந்தது.

அதுமட்டுமின்றி, அந்தக் காலத்தில் தென்னிலங்கையில் உத்தியோகம் பார்த்த, வியாபாரம் செய்த பல யாழ்ப்பாணத்தவர்களின் வீடுகளில் சிங்கள இனத்தைச் சேர்ந்த ஒரு அப்புகாமியோ அல்லது பொடி மெனிக்காவோதான் வேலைக்காரர்களாக கொண்டுவரப்பட்டு வைக்கப்பட்டிருந்தனர். 1956இல் பண்டாரநாயக்க ஆட்சிக்கு வந்ததும் அந்த நிலைமை மாறியது. பின்னர் அந்தச் சிங்கள வேலைக்காரர்களின் இடத்தில் மலையகத்தைச் சேர்ந்த இராமசாமியோ அல்லது மீனாட்சியோ வேலைக்கு அழைத்து வரப்பட்டனர். இப்பொழுது அந்த நிலையும் மாறிவிட்டது.

இவையெல்லாம் உள்ளடங்கி இருப்பதுதான் “ஆண்ட தமிழினம் மீண்டுமொருமுறை ஆள நினைப்பதில் தவறென்ன?” என்ற கோசம். எனவே, விருப்பு வெறுப்புகளை ஒருபக்கம் தள்ளி வைத்துவிட்டு, எமது கடந்தகால வரலாற்றை சுய விமர்சன ரீதியாகப் பரிசீலனை செய்வதே இன்றைய தேவையாகும்.


நன்றி முகநூல் *தோழர் மணியம் 
»»  (மேலும்)