10/12/2021

தமிழ்நாடு ஊரக உள்ளாட்சித் தேர்தல் முடிவுகள்: திமுக, அதிமுக வெற்றி நிலவரம்

தமிழ்நாட்டில் நடந்து முடிந்த ஒன்பது மாவட்ட ஊரக உள்ளாட்சி தேர்தலில் முன்னிலை நிலவரங்கள் தற்போது வெளியாகிவருகின்றன. Tamil Nadu District Map - Infoandopinion

இதுவரை வெளியாகியுள்ள முடிவுகளில் ஊராட்சி ஒன்றிய வார்டு உறுப்பினர்களுக்கான இடங்களில் திமுக 23 இடங்களிலும், அதிமுக 3 இடங்களிலும் வென்றுள்ளன. காங்கிரஸ் மற்றும் மார்க்சிஸ்ட் கம்யூனிஸ்ட் ஆகிய கட்சிகள் தலா ஓரிடத்தில் வென்றுள்ளன.

மாவட்ட ஊராட்சி வார்டுகளில் மூன்றை திமுக கைப்பற்றியுள்ளது.

தமிழகத்தில் காஞ்சீபுரம், செங்கல்பட்டு, வேலூர், திருப்பத்தூர், ராணிப்பேட்டை, விழுப்புரம், கள்ளக்குறிச்சி, திருநெல்வேலி, தென்காசி ஆகிய ஒன்பது மாவட்டங்களில் உள்ள ஊரகப் பகுதிகளுக்கு அக்டோபர் ஆறு மற்றும் ஒன்பது ஆகிய தேதிகளில் இரு கட்டங்களாக உள்ளாட்சி தேர்தல் நடைபெற்றது.

»»  (மேலும்)

10/11/2021

நூல் வெளியீடு

'பாராளுமன்றத்தில் திலகர்' - தொகுதி 1
2015 ஆம் ஆண்டு ஆற்றிய 11 உரைகளின் தொகுப்பு பி.ஏ.காதர் அவர்களின் முன்னுரையுடன் வெளிவருகிறது
களம் : ZOOM இணையச் செயலி
காலம் : 16-10-2021
நேரம் : மாலை 7 மணி - இலங்கை
பங்கு கொள்ள ஆர்வம் உள்ள நண்பர்கள் நேரத்தைத் திட்டமிட்டுக்கொள்ள வசதியாக இந்த முன்கூட்டிய அறிவிப்பு வெளியாகியுள்ளது. Peut être une image de 1 personne et texte qui dit ’களம் zoom மாலை 7:00 மணிக்கு 2021 அக்டோபர் பாராளுமன்றத்தில் 16 திலகர் தொகுதி தலைமை: மு. சிவலிங்கம் உரைகள்: à®…®. யோதிலிங்கம் (யாழ்ப்பாணம்) மின் புத்தக எம். ஆர். ஸ்டாலின் ஞானம் (பிரான்ஸ்) ஏ.பி.எம்.இத்ரிஸ் (மட்டக்களப்பு) வெளியீட்டு அரங்கம் தமிழகன் (இந்தியா) பாரா ராளுமன்றத்தில் திலகர் T ARI உரைகள் 2015 ஏற்புரை: மல்லியப்புசந்தி திலகர் நிகழ்ச்சி நெறிப்படுத்தல்: அசுரா பாகயா பதிப்பகம்’

»»  (மேலும்)

10/07/2021

லட்சத்தீவில் கைதான கடத்தல் கும்பலுக்கும் சீமானுக்கும் தொடர்பா? - என்.ஐ.ஏ விசாரணை

என்.ஐ.ஏ அதிகாரிகளால் கைது செய்யப்பட்ட இலங்கை தமிழர் சற்குணன் விவகாரத்தில் சீமானின் தொடர்பு குறித்து தமிழ்நாடு காங்கிரஸ் கமிட்டித் தலைவர் கே.எஸ்.அழகிரி பல்வேறு கேள்விகளை எழுப்பியுள்ளார். `சற்குணன் மூலமாக சீமானுக்கு பெரும் நிதி வழங்கப்பட்டுள்ளதாக செய்திகள் வெளிவந்துள்ளன,' என்கிறார் கே.எஸ்.அழகிரி.

லட்சத்தீவின் மினிக்காய் (Minicoy) கடற்கரையில் கடந்த மார்ச் மாதம் ஏ.கே 47 துப்பாக்கிகள், 1000 கிலோ தோட்டாக்கள், 300 கிலோ ஹெராயின் போதைப் பொருள் ஆகியவற்றை கடலோர காவல்படை அதிகாரிகள் பறிமுதல் செய்ததாக தகவல் வெளியானது. இதுதொடர்பாக நடந்த விசாரணையின் முடிவில் இலங்கையைச் சேர்ந்த 6 பேர் மீது தேசிய புலனாய்வு முகமையின் அதிகாரிகள் வழக்குப் பதிவு செய்தனர். அந்த 6 பேர் அளித்த தகவலின்பேரில் இலங்கையை சேர்ந்த சற்குணன் என்கிற சபேசன் குறித்து தெரியவந்துள்ளது.

பாகிஸ்தான் நாட்டில் இருந்து இலங்கைக்கு போதைப் பொருள்களையும் ஆயுதங்களையும் கடத்தி விடுதலைப் புலிகள் அமைப்பை புதுப்பிக்கும் வேலைகளில் சற்குணன் ஈடுபட்டதாகக் கூறப்படுகிறது. சென்னை, வளசரவாக்கத்தில் தங்கியிருந்த சற்குணனின் வீட்டில் என்.ஐ.ஏ அதிகாரிகள் நடத்திய சோதனையில் பல்வேறு டிஜிட்டல் சாதனங்கள் பறிமுதல் செய்யப்பட்டதாக தகவல் வெளியாகியுள்ளது.சீமான் சிங்கள ராணுவத்தின் தலையை உருவாமல் இட்லியை உருட்டியது ஏன் ? ஒரு  சட்னிக் கதை ! | வினவு

இது தொடர்பாக, கடந்த 6ஆம் தேதி என்.ஐ.ஏ வெளியிட்ட செய்திக் குறிப்பில், ` அக்டோபர் 5 ஆம் தேதியன்று புலிகளின் உளவுப் பிரிவின் முன்னாள் உறுப்பினர் சற்குணன் என்கிற சபேசன் கைது செய்யப்பட்டார். அவர் பாகிஸ்தானில் இருந்து இலங்கைக்கு ஆயுதம் மற்றும் போதைப் பொருள் கடத்தலில் ஈடுபட்டார். அதன்மூலம் கிடைத்த பணத்தை புலிகள் அமைப்பின் கட்டுமானத்துக்குப் பயன்படுத்தியதும் தெரியவந்துள்ளது. இந்தியாவில் புலிகள் அனுதாபிகளோடு அவர் சதிக் கூட்டங்களையும் ஏற்பாடு செய்துள்ளார்' என தெரிவிக்கப்பட்டுள்ளது.

»»  (மேலும்)

10/01/2021

நவகிரி வீதியமைப்பு பணிகள் ஆரம்பம்

57 மில்லியன் ரூபா செலவில் அமையவுள்ள போரதீவு பிரதேச செயலகத்திற்குட்பட்ட 2 கிலோமீட்டர் நீளமான நவக்கிரி நகர் பாதைக்கான ஆரம்ப பணிகள் தொடங்கப்பட்டுள்ளது. Peut être une image de 1 personne, position debout, plein air et arbre

 யுத்தத்தின் காரணமாக அதிகம் பாதிக்கப்பட்ட பிரதேச செயலகங்களுள் ஒன்றாகிய போரதீவுப்பற்று பிரதேச செயலக மக்களின் வாழ்க்கைத்தரத்தினையும், வாழ்வாதாரத்தினையும் கட்டியெழுப்பும் வகையில்  அப்பிரதேசத்தில் மேற்கொள்ளப்பட்டுவரும் அபிவிருத்தி பணிகளின் தொடர்ச்சியாக 2 கிலோமீட்டர் நீளமான நவகிரி நகர் வீதியினை 57 மில்லியன் ரூபா செலவில் அமைப்பதற்கான ஆரம்பப் பணிகள் முன்னெடுக்கப்பட்டுள்ளன.

பிற்படுத்தப்பட்ட  பிரதேசங்களில் இவ்வுட்கட்டமைப்பு வசதிகள் மூலம் விவசாயம், பண்ணை வளர்ப்பு, கைத்தொழில் போன்றவற்றை அதிகம் நம்பி வாழும் அப்பிரதேச மக்கள் தமது உற்பத்திகளை உரிய முறையில் சந்தைப்படுத்த முடியும் என்பதுடன், தமது பொருளாதார நடவடிக்கைகளையும் தங்குதடையின்றி மேற்கொள்வதுடன், பாடசாலை மாணவர்கள் தமது பாடசாலை நடவடிக்கைகளை மாரிகாலங்களிலும் தடையின்றி மேற்கொள்ள முடியும். 

உலகநாடுகளே பொருளாதார ரீதியில் ஸ்தம்பிதம் அடைந்துள்ள இவ் இறுக்கமான சூழ்நிலையிலும் இதுபோன்ற பணிகளை கெளரவ.சந்திரகாந்தன் முன்னெடுத்து வருவது பாராட்டுக்குரியது. 

»»  (மேலும்)

9/27/2021

தாலிபன்களின் எச்சரிக்கை

சிகை திருத்தம் செய்ய வருபவர்களுக்கு முகச் சவரம் செய்யக்கூடாது என்று ஆப்கானிஸ்தானின் ஹெல்மாண்ட் மாகாணத்திலுள்ள முடிதிருத்தும் கலைஞர்களுக்கு தாலிபன் அமைப்பு உத்தரவிட்டுள்ளது.தாலிபன்கள் 2001இல் ஆட்சியை இழந்தபின் முடிதிருத்தும் நிலையங்கள் ஆப்கனில் பிரபலமாகின

முகச் சவரம் செய்வது இஸ்லாமிய சட்டங்களை மீறுவதாக அமைந்துள்ளது என்றும் தாலிபன் தெரிவித்துள்ளது. இந்தத் தடையை மீறுபவர்களுக்கு தண்டனை வழங்கப்படும் என்றும் தாலிபன் அரசின் மத காவல்துறை தெரிவித்துள்ளது.

இதே மாதிரியான உத்தரவுகள் தங்களுக்கு கிடைத்துள்ளதாக தலைநகர் காபூலில் உள்ள முடிதிருத்தும் கலைஞர்கள் தெரிவித்துள்ளனர்.

ஆப்கானிஸ்தானில் இருந்து வெளிநாட்டு படைகள் வெளியேறிய பின்னர் ஆகஸ்ட் மாதம் ஆப்கானிஸ்தானில் ஆட்சியை தாலிபான்கள் கைப்பற்றினர்.

அப்பொழுது தாலிபன்கள் முன்பு ஆட்சி செய்த 1996 - 2001 காலகட்டத்தில் இருந்ததைப் போலல்லாமல் தற்போதைய ஆட்சி மிதமானதாக இருக்கும் என்றும் தாலிபன் தரப்பில் தெரிவிக்கப்பட்டது. எனினும் தற்போது கடுமையான இஸ்லாமிய சட்டங்கள் அமல்படுத்தப்பட்டு வருகின்றன.

சனிக்கிழமையன்று ஹெராத் மாகாணத்தில் ஆள் கடத்தல்காரர்கள் என்று சந்தேகிக்கப்பட்ட நால்வர் சுட்டுக் கொல்லப்பட்டு அவர்களது உடல்கள் பொது வெளிகளில் தொங்கவிடப்பட்டிருந்தன.

»»  (மேலும்)

9/23/2021

யாழ்ப்பாணத்தில் தலித் மக்களின் வாழ்விடங்கள் மீது சாதிய அட்டகாசம்

டானியலும் சண்முகதாசனும் தேவை 
————————————————



DALIT ATTACK: Two arrested for attack on Dalit teen



வட்டுக்கோட்டைப் பகுதியில் நடந்த உயர்சாதியினரான வெள்ளாள இனத்தின் அடாவடித்தனங்கள் தொடர்பான வீடியோ ஒன்றைப் பார்த்தேன்.

தமிழ்பேசும் வெள்ளாள இனத்தவர்கள் சிங்கள பொலிசார் ஆதரவோடு மோட்டார் சைக்கிள்களில் வந்து ஒடுக்கப்பட்ட சமூகத்தவர்கள்மேல் தாக்குதல் நடாத்திவிட்டுப் போயிருக்கிறார்கள்.
இது தொடர்பாக பொலிசாரிடம் முறையிட்டபோதும் பொலிசார் உயர்சாதியினரின் அழுத்தம் காரணமாக எந்த நடவடிக்கையும் எடுக்கவில்லை.
இப்படி வேறு சம்பவங்கள் நடந்தால் அரசாங்கம் நடாத்தும் ஆவா குழு என ஊளையிடும் ஊடகங்களும் அரசியல்வாதிகளும் இப்படியான அடாவடித்தனங்களைக் கண்டுகொள்வதில்லை.

இன்று தமிழ்த் தேசிய கூட்டமைப்பு முள்ளிவாய்க்கால் படுகொலை சிங்களக் குடியேற்றம் என ஊளையிடுபவர்கள் இவற்றை எல்லாம் கண்டுகொள்ள மாட்டார்கள்.
ஒடுக்கப்பட்ட மக்களின் வாக்குகளால் பாராளுமன்றம் போன டக்ளஸ் தேவானந்தாகூட கண்டு கொள்வது இல்லை.

எனது சகோதரர் கூட  தமிழ்த் தேசியக் கூட்டமைப்பின் பிரதேச சபை உறுப்பினராக இருக்கிறார். இப்படி கூட்டமைப்புக்கு வாக்குகள் சேகரிக்க ஒடுக்கப்பட்ட சமூகத்தவர்கள் பலர் இருந்தும் சமூகம் தொடர்பாக அக்கறையற்றவர்ளாகவே இருக்கிறார்கள்.

சாதியை வைத்தே வாக்குகளைச் சேர்த்து கூட்டமைப்பையோ டக்ளசையோ வெல்ல வைக்கும் இவர்கள் சமூகத்தின் துன்பங்களைக் கண்டுகொள்வது இல்லை.

டானியலும் சண்முகதாசனும் இல்லாத குறையை உணரமுடிகிறது. அவர்களின் தேவை எவ்வளவு அவசியமானது என்பதை உணரமுடிகிறது.

மீண்டும் ஒடுக்கப்பட்ட மக்கள் சிங்கள அரசாங்க உதவியோடு ஆயுதம் ஏந்திப் போராடவேண்டும்.
ஆயுதங்கள் மூலம் சாதியை ஒழிக்க முடியாது.
சாதிவெறிபிடித்த இந்துக்களை சைவர்களை அடக்கமுடியும்.
இல்லையேல் தமிழ் தேசியத்தில் இருந்து விடுபட்டு இஸ்லாமியர்களாக அல்லது பௌத்த சிங்களவர்களாக மாறவேண்டும்.

முள்ளிவாய்க்காலில் தமிழர்களைக் காப்பாற்றியது இலங்கை அரசாங்கத்தின் தவறு.
அரசாங்கம் இறுதித் தாக்குதலை குடாநாட்டுக்குள் நடாத்தியிருந்தால் இனப்பிரச்சினை முடிவுக்கு வந்திருக்கும்.

Via
Vijaya Baskaran
»»  (மேலும்)

9/21/2021

ஆப்கானில் அதிகார மோதல் உச்சகட்டம் :தலிபான் ‘சுப்ரீம்’ தலைவர் சுட்டுக் கொலை?

ஆப்கானிஸ்தானை தலிபான் தீவிரவாதிகள் கைப்பற்றியதில் இருந்து, அவர்களுக்குள் மோதல் அதிகரித்துள்ளது. தற்கால அமைச்சரவை பட்டியல் வெளியான நிலையில், இன்னும் புதிய அரசு அமைக்கப்படாமல் குழப்பமான சூழலே நிலவி வருகிறது. இந்நிலையில், தலிபான் சுப்ரீம் தலைவர் ஹிபத்துல்லா அகுண்ட்சாடா கொல்லப்பட்டதாகவும், துணை பிரதமர் முல்லா பரதர் பிணைக் கைதியாக வைக்கப்பட்டுள்ளதாக பிரிட்டிஷ் பத்திரிகை ஒன்று கூறியுள்ளது.

இதுதொடர்பாக வெளியான செய்தியில், ‘தலிபான் தீவிரவாதிகளின் இரு பிரிவுகளுக்கிடையே அதிகார போட்டி வலுத்துள்ளது. தலிபான் தலைவர் ஹிபத்துல்லா அகுண்ட்சாடா சுட்டுக் கொல்லப்பட்டார். ஹக்கானி பிரிவுடனான சண்டையில் முல்லா பரதர் மிக மோசமாக தாக்கப்பட்டுள்ளார். தலிபான் அமைச்சரவையில் தலிபான் அல்லாத மற்றும் சிறுபான்மை சமூகத்தை சேர்ந்தவருக்கு பதவி கொடுக்க வேண்டும்; அப்ேபாது தான் உலகின் பிற நாடுகள் தலிபான் அரசை அங்கீகரிக்கும் என்று வலியுறுத்தி வந்தார். இவரது கருத்து எடுபடாததால், அவரை சில நாட்களாக காணவில்லை.

பின்னர், கந்தகாரில் தான் இருப்பதாக கூறினார். இதுதொடர்பாக வீடியோவையும் வெளியிட்டார். ஆனால், இவர் பிணைக்கைதியாக வைக்கப்பட்டுள்ளதாக கூறப்படுகிறது. ஹக்கானிக்கு பிரிவுக்கும் பாகிஸ்தானுக்கும் நேரடி தொடர்பு உள்ளது. தலிபான் அரசில் ஹக்கானிஆதிக்கம் அதிகமாக இருக்க வேண்டும் என்று பாகிஸ்தான் விரும்புகிறது’ என்று அந்த செய்தியில் கூறப்பட்டுள்ளது.
»»  (மேலும்)

நீட் தரப்படுத்தல் -ஆராய்வு அறிக்கை வெளியானது

மருத்துவ கல்லூரி சேர்க்கைக்கான நீட் தேர்வு குறித்து தமிழ்நாடு அரசு அமைத்த ஏ.கே. ராஜன் குழுவின் அறிக்கை வெளியாகியிருக்கிறது. நீட் தேர்வின் காரணமாக ஏற்பட்ட பாதிப்புகளைச் சுட்டிக்காட்டும் இந்த அறிக்கை நீட் தேர்வை நீக்க வேண்டும் என்று கூறியுள்ளது. அது பற்றிய ஒரு விரிவான ரிப்போர்ட் இது. முதல்வர் ஸ்டாலினிடம் அறிக்கையை அளித்த நீதிபதி ஏ.கே. ராஜன் மற்றும் குழுவினர்.

மருத்துவ கல்லூரிகளில் மாணவர்கள் சேர நீட் தேர்வு எழுதுவது கட்டாயமாக்கப்பட்டிருப்பதற்கு தமிழ்நாட்டில் உள்ள அரசியல் கட்சிகள் எதிர்ப்பு தெரிவித்திருக்கும் நிலையில், அந்தத் தேர்வித் தாக்கம் குறித்து ஆராய்வதற்காக, ஓய்வுபெற்ற உயர்நீதிமன்ற நீதிபதி ஏ.கே. ராஜன் தலைமையில் ஒரு குழுவை தமிழ்நாடு அரசு அமைத்தது.

இந்தக் குழுவில் சமூக சமத்துவதற்கான மருத்துவர்கள் அமைப்பின் பொதுச் செயலாளர் டாக்டர் ஜி.ஆர். ரவீந்திரநாத், முன்னாள் துணை வேந்தர் எல். ஜவஹர் நேசன், மருத்துவத் துறைச் செயலர் டாக்டர் ஜெ. ராதாகிருஷ்ணன், பள்ளிக் கல்வித் துறை முதன்மைச் செயலர் காகர்லா உஷா உள்ளிட்ட 9 பேர் இடம்பெற்றிருந்தனர்.

நீட் தேர்வானது சமூக, பொருளாதார, கூட்டாட்சி அரசியலை எவ்விதத்தில் பாதித்திருக்கிறது, அரசுப் பள்ளிகளில் படிக்கும், கிராமப்புற, நகர்ப்புற ஏழைகளை இந்தச் சேர்க்கைமுறை எவ்விதத்தில் பாதித்திருக்கிறது என்பதை ஆராய்வது, அப்படித் தடைகள் இருந்தால் அந்தத் தடைகளை நீக்குவதற்கான வழிகளைப் பரிந்துரைப்பது, மாணவர்களைத் தேர்வுசெய்ய நீட் தேர்வு சமத்துவமான வழிதானா என்பதை ஆராய்வது, காளான்களைப் போல முளைத்து வரும் நீட் பயிற்சி மையங்கள் தமிழகக் கல்வி முறையின் மீது ஏற்படும் தாக்கத்தை ஆராய்வது போன்றவை இந்தக் குழுவின் பணிகளாக வரையறுக்கப்பட்டிருந்தன.

»»  (மேலும்)

9/20/2021

சிறையில் உள்ள இலங்கை தமிழ் இளைஞர்களுக்கு பொது மன்னிப்பு' - கோட்டாபய ராஜபக்ஷ உறுதி

இலங்கையில் பயங்கரவாத செயற்பாடுகளுடன் தொடர்புடையவர்கள் என்ற சந்தேகத்தில் நீண்ட காலமாக சிறைகளில் தடுத்து வைக்கப்பட்டுள்ள தமிழ் இளைஞர்கள் தொடர்பிலான சட்ட செயற்பாடுகள் முடிவடைந்ததன் பின்னர், அவர்களை ஜனாதிபதி பொது மன்னிப்பின் கீழ் விடுவிக்க தாம் தயங்கப் போவதில்லை என ஜனாதிபதி கோட்டாபய ராஜபக்ஷ தெரிவித்துள்ளார்.

ஐக்கிய நாடுகள் சபையின் பொதுச் செயலாளர் அன்டோனியோ கூட்டரெஷிற்கும், ஜனாதிபதி கோட்டாபய ராஜபக்ஷவிற்கும் இடையிலான சந்திப்பின் போதே அவர் இதனைக் குறிப்பிட்டுள்ளார்.

ஐநா பொதுச் சபைக் கூட்டத் தொடரில் கலந்து கொள்வதற்காக அமெரிக்காவின் நியூயார்க் நகருக்கு விஜயம் மேற்கொண்டுள்ள ஜனாதிபதி, ஐநா தலைமையகத்தில், பொதுச் செயலாளரை நேற்றைய தினம் (செப்டம்பர் 19) சந்தித்து கலந்துரையாடல்களை நடத்தியிருந்தார். Colombo, Sri Lanka. 7 mai 2020. Les prisonniers quittent la prison de  Welikada à Colombo, Sri Lanka, le 7 mai 2020. Plus de 250 prisonniers ont  été libérés jeudi grâce à une

இந்த சந்திப்பின் போதே அவர் இந்த உறுதிமொழியை வழங்கியுள்ளதாக ஜனாதிபதி ஊடகப் பிரிவு தெரிவித்துள்ளார்.

»»  (மேலும்)

9/16/2021

சமூக நீதிப் போராளி நந்தினி சேவியர் மறைந்தார்






எமது மதிப்பிற்கும் மரியாதைக்கும் உரிய நந்தினி சேவையர் ஐயா அவர்கள் காலமான செய்தி எம்மை துயரத்தில் மூழ்க வைத்துள்ளது.

சாதிய ஒடுக்குமுறைக்கு எதிராக தீண்டாமை ஒழிப்பு வெகுஜென அமைப்பின் ஊடாகவும், படைப்பிலக்கிய ஆளுமை வீச்சுடனும் நந்தினி சேவையர் ஐயா நீங்கள் மேற்கொண்ட பணிகள் எமக்கு இன்றும் நினைவில் தேங்கிக்கிடக்கிறது. உங்கள் ஞாபகங்கள் ‘நெல்லிமரப் பள்ளிக்கூடத்தோடு’ தொலைந்து போகவில்லை. உங்கள் சமூகப்போராட்ட நினைவுகளும், ஞாபகங்களுமே உங்கள் மறைவிலும் எங்களை முன்னோக்கி நகர்த்திச் செல்ல தூண்டுதலாக என்றும் நிலைத்திருக்கப் போகிறது.

“கடுகரென்ற நோஞ்சான் கிணத்துக்கட்டில ஏறி துலாக்கயித்தைப் பிடிச்சிட்டான் என்றதை அறிந்த பஞசாச்சர வாத்தியார் பிரம்பு தும்பு தும்பாக முறியும் வரை அடித்தானே” அன்று! அப்போ உங்களுக்கு வந்த கோபம்தானே ஐயா ‘நெல்மலிமரப் பள்ளிக்கூடம்’.

அந்த உங்கள் கோபத்தின் விதைகளை எங்களுக்குள்ளும் நீங்கள் விதைத்து வேர்கொள்ள வைத்தே உங்கள் வாழ்வின் பயணத்தை நிறுத்தி விட்டீர்கள்.

எமது சமூகத்தில் மேற்கொள்ளப்பட்ட சாதிய ஒடுக்குமுறைப் போராட்டத்தையும், தீ மூண்ட நாட்களையும் காண்பதற்கான இரண்டு கண்கள் சிறுபான்மைத் தமிழர் மகாசபையையும், சீனக் கொம்யூனிஸ்ட் கட்சி சார்ந்த தீண்டாமை ஒழிப்பு வெகுஜென அமைப்பும். நீங்கள் சீனக் கொம்யூனிஸ்ட் கட்சி சார்ந்த தீண்டாமை ஒழிப்பு வெகுஜென அமைப்புடன் மிகத் தீவிரமாக செயல்பட்டவர். அந்தவகையில் அவ்விரண்டு அமைப்புக்களையும் நினைவில் ஏந்தி நின்று உங்களை வழி அனுப்பி வைக்கின்றோம்.

உங்கள் பிரிவால் துயருற்றிருக்கும் உற்றார் உறவினர் நண்பர்களுக்கும் எமது ஆழ்ந்த இரங்கலையும் அனுதாபத்தையும் தெரிவித்துக்கொள்கின்றோம்.

 இலங்கை தலித்சமூக மேம்பாட்டு முன்னணி


»»  (மேலும்)

9/04/2021

நியூசிலாந்து தாக்குல் பயங்கரவாதி காத்தான்குடியைச் சேர்ந்த ஆபில் சம்சுதீன்?

நியூசிலாந்தில் தீவிரவாத தாக்குதல் நடத்திய இலங்கையர் தொடர்பில் திடுக்கிடும் தகவல்கள் வெளியாகி உள்ளன.

அந்த வகையில் குறித்த நபர் காத்தான்குடி - 01 ஐ சேர்ந்த ஐ. எஸ். ஐ.எஸ் இனால் ஈர்க்கப்பட்டவர் எனவும் இவரே குறித்த தாக்குதலை மேற்கொண்டதாகவும் குறிப்பிடப்படுகின்றது.
கடந்த 1989 ஆம் ஆண்டு பிறந்த இவர்இ தனது 7 வயதில் வெளிநாடு சென்று பின்னர் 2011 ஆம் ஆண்டு நியூசிலாந்து சென்றுள்ளார்.
இவர் கொழும்பு இந்துக்கல்லூரியில் கல்வி கற்றுள்ளதாகவும் ஆரம்பக்கட்ட விசாரணையில் தெரியவந்துள்ளது.
4 சகோதரங்களை கொண்ட குடும்பத்தில் கடைசிப் பிள்ளையாக பிறந்துள்ளார் என்பதும் தெரியவந்துள்ளது.
இவருடைய ஒரு பெண் சகோதரியும் தந்தையாரும் கனடாவில் வசிக்கும் நிலையில்இ ஏனைய இரண்டு சகோதரர்களும் கட்டார், சவுதியில்  வசிக்கின்றனர் எனவும் தெரிவிக்கப்படுகின்றது. 





»»  (மேலும்)

8/26/2021

காபூல் விமான நிலைய தற்கொலை தாக்குதலில் 11 பேர் பலி

காபூல் விமான நிலையத்துக்கு வெளியே தற்கொலை குண்டுவெடிப்பு தாக்குதல் நடந்தபோது காயம் அடைந்தவர்களை உள்ளூர் மருத்துவமனைகளுக்கு அழைத்துச் செல்ல நடவடிக்கை எடுக்கப்பட்டுள்ளதாக உள்ளூர் தொலைக்காட்சியான டோலோ நியூஸ் தெரிவித்துள்ளது.


அங்கு இரண்டு தாக்குதல்கள் நடந்ததாக தகவல்கள் வருகின்றன. ஆனால்இ அதை பிபிசி இன்னும் சுயாதீனமாக உறுதிப்படுத்தவில்லை.

சம்பவம் நடந்தபோது நூற்றுக்கணக்கான மக்கள் விமான நிலைய வாயில் பகுதிக்கு எதிரே நின்றிருந்ததாக கூறப்படுகிறது. அவர்களை வாயில் பகுதியில் இருந்த தாலிபன்கள் உள்ளே செல்லுமாறு வற்புறுத்தி வானை நோக்கி துப்பாக்கியால் சுட்டபடி இருந்ததாகவும் தெரிய வருகிறது.

இந்த தாக்குதலை நடத்தியது யார் என்ற விவரமும் இன்னும் உறுதிப்படுத்தப்படவில்லை.
»»  (மேலும்)

2000 ரூபா கிடைக்காதவர்கள் முறையிடலாம்

2,000 ரூபா கொடுப்பனவு கிடைக்காதவர்கள் முறைப்பாடு செய்யலாம்...!

2,000 ரூபா கொடுப்பனவு கிடைக்காதவர்கள் அது தொடர்பில் பிரதேச செயலாளர்களிடம் முறையிட முடியும் என பொருளாதார மறுமலர்ச்சி மற்றும் வறுமை ஒழிப்பிற்கான ஜனாதிபதி செயலணி தெரிவித்துள்ளது.

கொவிட்-19 தொற்றைக் கட்டுப்படுத்துவதற்காக நாட்டை தற்காலிகமாக முடக்க நேரிட்டமையால் வாழ்வாதாரத்தை இழந்த குடும்பங்களுக்கு 2,000 ரூபா கொடுப்பனவு வழங்குவதற்கு அமைச்சரவை அனுமதி வழங்கியிருந்தது.

இந்நிலையில், நாட்டின் பெரும்பாலான பகுதிகளில் வருமானத்தை இழந்த குடும்பங்களுக்கான 2000 ரூபா கொடுப்பனவு வழங்கும் செயற்பாடு முன்னெடுக்கப்படுவதாக ஜனாதிபதி செயலணி தெரிவித்துள்ளது.

இதேவேளை, இதுவரை கொடுப்பனவு கிடைக்காத அல்லது கொடுப்பனவிற்கு தெரிவு செய்யப்படாதவர்கள் பிரதேச செயலாளரிடம் முறையீட்டை சமர்ப்பிக்குமாறு ஜனாதிபதி செயலணி அறிவித்துள்ளது.
»»  (மேலும்)

8/19/2021

தமிழ் மக்கள் விடுதலைப் புலிகளின் மகளீர் அணி தலைவி காலமானார்


தமிழ் மக்கள் விடுதலைப் புலிகள் கட்சியின் தலைவர் பணிக்குழு உறுப்பினரும் மகளீரணி தலைவியுமான திருமதி செல்வி மனோகர் அவர்கள் இன்று காலை மரணமடைந்தார்.

இவரது மரணம் குறித்து தமிழ் மக்கள் விடுதலைப் புலிகள்  கட்சியின் தலைவரும் மட்டக்களப்பு மாவட்ட பாராளுமன்ற உறுப்பினருமாகிய கெளரவ சந்திரகாந்தன் அவர்கள் விடுத்துள்ள அறிக்கையில்

கட்சியின் மூத்த தலைமைகளின் ஒருவராக இருந்து கட்சியை வளர்த்தெடுத்தமையில் செல்வி மனோகர் அவர்களின் பங்களிப்பு என்றும்  எம்மால் மறக்க முடியாதது. 

ஒரு கட்சியின் மகளீரணி செயற்பாடுகள் என்பதைத்  தாண்டி   பெண்களை அணிதிரட்டுவதிலும் அரசியல் மயப்படுத்துவதிலும்  செல்வி அவர்களின் களப்பணிகளும் கடின உழைப்பும் என்றும் போற்றத்தக்கன.

வருடந்தோறும் இடம்பெறும் மகளீர்தின நிகழ்வுகளை மக்கள் மயப்படுத்தி கிழக்கிலங்கை   பெண்களின் விடுதலை குரல்களை உலகறியச் செய்த அவரது அயராத பணியானது கனதிமிக்கது . 
 
குறிப்பாக 'நல்லாட்சி' காலத்தில்  எமது கட்சி எதிர்கொண்ட நெருக்கடிமிகுந்த சூழலில்   கட்சியை பாதுகாப்பதில்  அவர் காட்டிய பிரயத்தனங்கள்   எமது கட்சியின் வரலாற்றில் என்றும் நினைவுகூரத்தக்கன.

செல்வியக்கா என்று எங்களனைவராலும் அன்பாக அழைக்கப்பட்ட செல்வி மனோகரனது இழப்பில் மீளாத்துயரில் உழலும் அவரது கணவர்,குழந்தைகள் உள்ளிட்ட குடும்பத்தினர் அனைவருக்கும் கட்சியின்  மகளீரணியினர் மற்றும் உறுப்பினர்கள், தொண்டர்கள் அனைவருக்கும் தமிழ் மக்கள் விடுதலைப்புலிகளின் தலைமைப் பணிக்குழு சார்பில் எனது ஆழ்ந்த  அனுதாபங்களை பகிர்ந்து கொள்வதோடு செல்வியக்காவுக்கு எனது கண்ணீர் அஞ்சலியை காணிக்கையாக்குகின்றேன். என்றும் தெரிவித்துள்ளார்.





»»  (மேலும்)

எளிமையாக நடந்த பிள்ளையானின் பிறந்ததின நிகழ்வுகள்

கிழக்கின் தலைவனின் பிறந்தநாளை முன்னிட்டு ஆடம்பரமான நிகழ்வுகள் தவிர்த்து சமூக நலப்பணிகள் பல  இடம்பெற்றுள்ளது.

 இரத்ததான நிகழ்வு, சிரமதானங்கள் மாவட்டம் முழுக்க 10,000 மரக்கன்றுகள் நடும் திட்டம் என்று பல நிகழ்வுகளும் சிறப்பு பூஜைகளும் மட்டக்களப்பு மாவட்டம் முழுக்க நடைபெற்றுள்ளன. 

 அதனடிப்படையில் பேத்தாழை பொது நூலக வளாகத்தில் மரக்கன்று நாட்டும் நிகழ்வு கோறளைப்பற்று பிரதேச சபை தவிசாளர் மற்றும் புதுக்குடியிருப்பு கிராமிய மட்ட குழுவின் தலைவருமான திருமதி சோயா ஜெயரஞ்சித் அவர்கள் தலைமையில் இடம்பெற்றது.

»»  (மேலும்)

8/14/2021

சீற்றங்கொண்ட பிள்ளையான்


 நேற்று வியாழனன்று  மீன்பிடித்துறை இராஜாங்க அமைச்சர் கௌரவ கஞ்சன விஜேசேகர  மட்டக்களப்பு மாவட்டத்திற்கு விஜயம் செய்திருந்தார். அவருடன் இணைந்து மாவட்டத்திலுள்ள வாகரை, பனிச்சங்கேணி, கொக்கட்டிச்சோலை, கிரான்குளம் உள்ளிட்ட இடங்களுக்கான கள விஜயத்தினை மாவட்ட அபிவிருத்திக் குழு  தலைவர் சந்திரகாந்தன் மேற்கொண்டிருந்தார். 

நீரியல்சார் வளங்களை பயன்படுத்தி உற்பத்தி மற்றும் ஏற்றுமதி நடவடிக்கைகளை முன்னெடுத்தல், புதிய துறைமுகங்கள் மற்றும் இறங்குதுறைகள் போன்றவற்றினை அமைத்தல்  என்பன தொடர்பாக  இவ்வேளையில் ஆராயப்பட்டது. 

இதன்போதே பிள்ளையானது மாகாணசபை ஆட்சிக்காலத்தில் பிரதேச பொதுமக்களுக்கென பிரித்துக்கொடுக்கப்பட்ட 'வட்டவான் இறால்வளர்ப்புத்திட்டம்' தற்போது பெருமுதலாளிகளின் சொந்தமாகியிருப்பதையிட்டு அதிருப்தி தெரிவித்ததோடு கடந்த நல்லாட்சி அரசில் தனது மக்கள் நலத்திட்டங்கள் பண முதலைகளுக்கு தாரைவார்க்கப்பட்டமைக்கு யார் காரணம் என அதிகாரிகளை கடிந்து கொண்டார். அவற்றை ஏழைகளுக்கு மீள வழங்க நடவடிக்கை எடுப்பதாகவும் தெரிவித்தார். 

அவர்  சிறையிலிருந்த காலத்தில் நடந்த மேற்படி சம்பவங்கள் பற்றி  அவரது சிறைக்குறிப்புகளுடன் வெளியான நூலில்  அவர் ஆதங்கப்பட்டு எழுதியிருந்தமையும் குறிப்பிடத்தக்கது. 
»»  (மேலும்)

8/13/2021

மாகாணங்களுக்கிடையிலான அனைத்து வீதிகளும் முடக்கம்

மாகாணங்களுக்கிடையிலான அனைத்து பிரதான மற்றும் குறுக்கு பாதைகளும் முடக்கப்பட்டு போக்குவரத்துகள் கடுமையாக கட்டுப்படுத்தப்பட்டுள்ளதால் மாகாணங்களுக்கிடையில் பொது மக்கள் அத்தியாவசியமற்ற பயணங்களை மேற்கொள்ள வேண்டாமென பொலிஸ் ஊடகப்பேச்சாளரும் சிரேஷ்ட பிரதி பொலிஸ் மாஅதிபருமான அஜித் ரோஹண தெரிவித்துள்ளார்.

பொலிஸ் தலைமையகத்தில் நேற்று வியாழக்கிழமை நடைபெற்ற ஊடகச்சந்திப்பில் உரையாற்றும் போதே அவர் இவ்வாறு கூறியுள்ளார்.

கொவிட்-19 தொற்றுப் பரவலை கட்டுப்படுத்தும் நோக்கில் மாகாணங்களுக்கிடையிலான போக்குவரத்துக் கட்டுப்பாடுகள் மீண்டும் கடுமையாக அமுல்படுத்தப்பட்டுள்ளன. பொலிஸார் மற்றும் இராணுவத்தினர் இணைந்து இந்நடவடிக்கையை முன்னெடுத்துள்ளனர்.

போக்குவரத்துக் கட்டுப்பாடுகள் கடுமையாக்கப்பட்டுள்ளதால் பொது மக்கள் அத்தியாவசியமற்ற எந்தவொரு பயணத்தையும் மாகாணங்களுக்கிடையில் மேற்கொள்ள வேண்டாம். மாகாணங்களுக்குள் உட்புகும் பிரதான மற்றும் குறுக்கு வழிகள் அனைத்து முடக்கப்பட்டு அத்தியாவசிய தேவைகளுக்காக மாத்திரமே போக்குவரத்துக்கு அனுமதிக்கப்படும். தனிப்படுத்தல் சட்டத்தைமீறி எவரும் மாகாணங்களுக்கிடையிலான பயணத்தை மேற்கொண்டால் அவர்கள் கைதுசெய்யப்படுவர். அத்துடன் அவர்கள் பயணிக்கும் வாகனங்களும் பொலிஸாரின் கட்டுப்பாட்டில் பெறப்படும் என்றார்.

»»  (மேலும்)

8/12/2021

எத்தனை பேரை இழந்தோம்?




இலங்கை அரசியலில் – குறிப்பாக எனது ஊடக பணியில் இந்த ஓகஸ்ட் மாதம் முக்கியமான மறக்கமுடியாத மாதங்களில் ஒன்று.

#ஞாபகங்கள் 2005ஆம் ஆண்டு ஓகஸ்ட் மாதம் 12ஆம் திகதி வெள்ளிக்கிழமை ஒரு மாலைப்பொழுதில்தான் கொழும்பின் கறுவாக்காட்டுப் பகுதியில் முன்னாள் வெளியுறவுத்துறை அமைச்சர் லக்ஸ்மன் கதிர்காமர் சுட்டுக்கொல்லப்பட்டார்.  

2006 ஆம் ஆண்டு ஓகஸ்ட் மாதம் 4 ஆம் திகதி மூதூரில் பிரான்ஸை சேர்ந்த தொண்டு நிறுவனமான அக்ஷன் பாம் (ACTION CONTRALA RAIM AGAINST HUNGER) என்ற நிறுவனத்தைச் சேர்ந்த 17, தொண்டர்கள் படுகொலை செய்யப்பட்டனர்.

இதே 2006ஆம் ஆண்டு ஓகஸ்ட் மாதம் 12ஆம் திகதி ஒரு சனிக்கிழமை இரவு 9.30 ஆளவில் கேதீஸ் என்று அழைக்கப்படும் அப்போதைய அரச சமாதான செயலகத்தின் பிரதிப் பணிப்பாளர் கேதீஸ்வரன் லோகநாதன் சுட்டுக்கொல்லப்பட்டார்.

இதே 2006ஆம் அண்டு ஓகஸ்ட் மாதம் 28ஆம் திகதி காலை 4.40அளவில் அலுவலகத்திற்கு எனது வாகனத்தில் புறப்பட்டு சென்ற வேளை நான்  காணாமல் போனேன். 

சமூக வலைத்தளங்களில் வெளிவந்துகொண்டிருக்கும்  முன்னைய சம்பவங்கள், என் வாழ்வில் கடந்து வந்த கரடு முரடான பக்கங்களின் ஞாபகங்களையும் மீண்டும் நினைவில் கொண்டு வருகின்றன. அவையே இந்தப் பதிவின் வெளிப்பாடு.

2005 ஓகஸ்ட்டில் லக்ஸ்மன் கதிர்காமர், அவரது வாசஸ்தலத்தில் நீச்சல் தடாகத்தில் ஸ்னைப்பர் தாக்குதலுக்கு உள்ளான ஒரு சில நிமிடங்களிலேயே  அன்று நான் பணிபுரிந்த சூரியன் எவ்.எம்மின்  செய்தியில் Breaking news ஆக ஒலிபரப்பினோம். 

வழமைபோல் நம் செய்திப்பிரிவே முதலில் இந்தத் தகவலை ஒலிபரப்பிய ஊடகங்களில் முன்னிலை வகித்தது. அன்று பணி முடிந்து நான் வீடு சென்ற சில மணித்தியாலங்களில் இந்த சம்பவம் குறித்து வந்த தொலைபேசி தகவல்களை உறுதிப்படுத்தி செய்தி வெளியிட்டோம். அது குறித்து மேலதிக தகவல்களை அறிவதற்கு  நிறுவனத் தலைவரிடம் இருந்தும் எனக்கு  அழைப்பு வந்தமை 16 வருடங்களின் பின் ஞாபகம் வருகிறது. 

2006 ஆம் ஆண்டு ஓகஸ்ட் மாதம் 4 ஆம் திகதி மூதூரில் பிரான்ஸை சேர்ந்த தொண்டு நிறுவனமான அக்ஷன் பாம் (ACTION CONTRALA RAIM AGAINST HUNGER) என்ற நிறுவனத்தைச் சேர்ந்த 17, தொண்டர்கள் படுகொலை செய்யப்பட்டு 15, வருடங்கள் பூர்த்தியடைந்துள்ளன. 
இந்தக் கொலை இடம்பெற்று ஒரு மிகக் குறுகிய நேரத்திலேயே சூரியன் எவ்.எம் செய்தியில் Breaking news வெளியானது. 

அதுமட்டுமல்லாது அந்தப்பகுதியில் இருந்த ஒருவர் (பெயர் ஞாபகம் இல்லை) கடுமையான தாக்குதல்கள் தொடர்ந்த அந்த சூழலில், கையடக்கத் தொலைபேசிக்கான சிக்னல் குறைவாக இருந்த நிலையிலும், ஒரு கட்டடத்தின் கூரையில் இருந்து தந்த தகவல்கள் நேரடி ஒலிபரப்பாக கலையகத்தில் இருந்த அறிவிப்பாளருடன் (யார் என்பது நினைவில் இல்லை) இணைந்து நான் மேற்கொண்டிருந்தேன். 

ஆனால் ஒரு கட்டத்தில் இவ்வாறு கொல்லப்பட்ட ஆண்கள் பெண்களின்  சடலங்கள் இருப்பதனை உறுதிப்படுத்தி இருந்தோம். ஆனால்  அவர்கள் அக்ஷன் பாம் தொண்டு நிறுவன ஊழியர்கள் என்பது பின்பே தெரிய வந்தது. இந்த செய்தியும் சூரியன் எவ்.எம்மிலேயே முதலில் வெளிவந்தது.

இவ்வாறே 2006ஆம் ஆண்டு ஓகஸ்ட் மாதம் 12ஆம் திகதி ஒரு சனிக்கிழமை இரவு 9.30 ஆளவில் அப்போதைய அரச சமாதான செயலகத்தின் பிரதிப் பணிப்பாளர் கேதீஸ் என்றழைக்கப்படும் கேதீஸ்வரன் லோகநாதன் சுட்டுக்கொல்லப்பட்டார்.

உடனடியாகவே தெஹிவளையில் இருந்து வந்த தகவல் ஒன்றி அடிப்படையில் இந்த தகவலை உறுதிப்படுத்த தெஹிவளை காவற்துறைக்கு அழைப்பெடுத்தேன். அவர்கள் துப்பாக்கிச் சூடு ஒன்று இம்பெற்றதை உறுதிப்படுத்தினார்கள் மேலதிக தகவல்களை தெரிவிக்கவில்லை. பின்னர் தெஹிவளையில் இருந்த சிங்கள, தமிழ் நண்பர்களிடம் மேலதிக தகவல்களை பெறக் கூடியதாக இருந்தது. அதத்துடன் அலுவலகத்தில் இருந்தும் இது குறித்து சிங்கள செய்திப்பிரிவும் கூடுதல் தகவல்களை பெற்ற்று இருந்தனர். இவை நடைபெற்றுக்கொண்டிருந்த வேளையில் நான் நினைக்கிறேன் 9.45 – 10.00 மணிக்கு இடையில் சூரியனில்  Breaking news ஆக ஒலிபரப்பினோம். 

எனக்கு கவலையை ஏற்படுத்திய மரணங்களுள் கேதீஸின் மரணமும் ஒன்று. இவரது மரணத்திற்கு சில வாரங்களுக்கு முன்புதான் எமது அலுவலகம் இருந்த உலக வர்த்தக மையத்தின் ஒரு மாடியில் இருந்த சமாதான செயலகத்தில் இவரைச் சந்தித்து இருந்தேன். அதன் பின் வானொலியில் ஒரு நேர்காணலையும் செய்திருந்தேன். புலமைசார் மட்டத்தில் அப்போது இருந்த புத்திஜீவிகளில் முக்கியமானவர். 

இவ்வாறான சம்பவங்கள் இலங்கையின் எப்பாகத்தில் இடம்பெற்றாலும், முதலில் சூரியன் செய்தியிலேயே Breaking news  வரும் என்பது பலராலும் ஏற்றுக் கொள்ளப்பட்ட ஒன்றாக இருந்தது. இதனை இலங்கையின் ஊடக பரப்பினரும் அன்று அங்கீகரித்திருந்தனர்.

ஆனால் துர்ப்பாக்கியம் என்னவெனில் இதே 2006ஆம் அண்டு ஓகஸ்ட் மாதம் 28ஆம் திகதி காலை 4.40அளவில் அலுவலகத்திற்கு எனது வாகனத்தில் புறப்பட்டு சென்ற வேளை காணாமல் போன என் செய்தியையும் இதே சூரியன் எவ்.எம் செய்தியே முதலில் ஒலிபரப்பியது. அன்றைய காலை 6.45 ற்குரிய செய்தி ஆசிரியர் காணாமல் போனதை Breaking news  ஆக காலையிலேயே ஒலிபரப்பாக்கி இருந்தனர்.

நன்றிகள்*முகநூல் நடராஜா குருபரன்
»»  (மேலும்)

8/10/2021

இன்று ஆதிக்குடிகள் தினம்.


இன்று ஆதிக்குடிகள் தினம். அதற்குப் பொருத்தமாக கனகசபாவதி சரவணபவன் எழுதிய கிழக்கின் பழங்குடிகள் (Tribes of the East) நுாலை நண்பர் சிராஜ் மஸ்ஹுர் அனுப்பியிருந்தார். அதனை நண்பர் கவிஞர் அலறி சேர்ப்பித்திருந்தார். கிழக்கு மாகாண ஆதிக்குடிகள் பற்றிய நுால். கிழக்கு மாகாணத்தைச் சேர்ந்த பழங்குடிகள், வேட்டையாடிகள், காப்பிரிகள் பற்றி உரையாடல்களாலான நுால். LES VEDDAHS DU SRI LANKA - 1arcencielpourlesrilanka.com
கிழக்கின் ஆதிக்குடிகள் (வேடர்கள்) பற்றி மூன்று தசாப்தங்களுக்கு முன் கலாநிதி சி.வி. தங்கராஜா பல ஆய்வுகளை செய்திருந்தார். கலாநிதி சி. ஜெயசங்கர் குழுவினர் கிழக்கு வேடர்களின் அரங்க, இலக்கியச் செயற்பாடுகளை வெளியுலகு அறியச் செய்ய பல்வேறு செயற்பாடுகளை செய்து வருகின்றார்கள். பேராசிரியர் கிருஸ்ணராஜா, கலாநிதி சி.வி. தங்கராஜா, நான் உட்பட நரிக்குறவர்களில் சில முன்னெடுப்புக்களைச் செய்திருந்தோம். இதனையும் பல்வேறு ஆய்வுச் செயற்பாடுகள் அதிகம் நடந்திருக்கலாம்.
நண்பர் கமல் பத்திநாதன் கிழக்கின் வேடுவர்கள் பற்றிய ஆய்வில் ஈடுபட்டு, அதனை நுாலுருவாக்கும் முயற்சியிலும் ஈடுபட்டு வருகின்றார். இது உள்ளிருந்து தன் வரலாறு காணும் முயற்சி. என்னிடமும் சில, பல விடயங்களை அவ்வப்போது பரீட்சித்துக்கொள்வார்.
இதனைவிடவும், உதிரியாக பல்கலைக்கழக மாணவர்கள் ஆய்வுகளுக்காகவும், புள்ளிகளுக்காகவும் செய்த பல ஆய்வுகள் வெளிப்படுத்தப்படாமல் கறையான்கள் அரித்த கதைகளும் இருக்கின்றன.
உயிரியல் பல்வகைமையில், ஒரு முக்கியமான மட்டம், கலாச்சார பல்வகைமை. இது  மனிதர்களின் காணப்படும் வாழ்க்கை முறைகளின் பல்வேறுபட்ட தன்மைகளுடன் சம்பந்தப்பட்டதுடன், பாரம்பரிய மனித குழுக்கள், பழங்குடிகள், அவர்களின் தாவர, விலங்கு, மருத்துவ, காலநிலை போன்ற பல்வேறு சுதேசிய அறிவுகளுடன் ஆராய்ந்து, அதனை பயனுள்ள முறையில் உபயோகிக்கின்றது.
கலாச்சார பல்வகைமை:
உலகில் 200 மில்லியன் பழங்குடி மக்கள் காணப்படுகின்றனர். உதாரணமாக அமேசன் காடுகளில் காணப்படும் மக்கள், அவுஸ்திரேலியாவிலுள்ள பழங்குடி மக்கள், இலங்கையிலுள்ள வேடர்கள். நாம் பழங்குடி மக்களை, அவர்களின் வாழ்க்கை முறைகளை உயிர்ப்பல்வகைமையின் ஒரு அங்கமாகவும் நோக்கலாம்.
உயிர்ப்பல்வகைமை போன்று, பழங்குடி மக்களும் அவர்களின் வாழ்க்கை முறையும் நவீன மனிதர்களின் நடவடிக்கைகளால் பாதிக்கப்பட்டுச் செல்கின்றன. உதாரணமாக அமேசன் பகுதியில் காணப்பட்ட 6 மில்லியன் பழங்குடி மக்களில், தற்போது 200,000 கும் குறைவானோரே எஞ்சியுள்ளனர். இலங்கையிலுள்ள வேடர்கள் சிங்களவர், தமிழரிடையே தன்மயமாக்கப்பட்டுள்ளனர். பூகோளமயமாதலின் விளைவாக உலகில் காணப்படும் 6000 மொழிகளில் அரைவாசி அடுத்த 100 வருடங்களில் அழிந்து விடலாம் என எதிர்வு கூறப்படுகிறது. பழங்குடி மக்களிடையே பாரம்பரியமாக உபயோகிக்கப்பட்டு வரும் பயிர்ச்செய்கை இனங்களும் இறக்குமதி செய்யப்பட்ட இனங்களால் அழிக்கப்படும் அபாயமும் உண்டு. எமது கிராமங்களில் பாரம்பரியமாக உபயோகிக்கப்பட்ட பயிரினங்கள், புதிய கூடிய விளைவுகளைக் கொடுக்கக் கூடிய பயிர்களிற்கு இழக்கப்பட்டு வருவதும், பல வகையான கோழி, ஆடுகள் போன்ற பண்ணை விலங்குகள் வர்த்தக ரீதியான இனங்களிற்கு இழக்கப்பட்டு வருவதும் நடைபெற்று வருகின்றன.
பழங்குடி மக்கள் முக்கியமாக உயிர்ப்பல்வகைமை கூடிய இடங்களிலேயே, அதாவது காடுகள் போன்ற இடங்களிலேயே காணப்படுகின்றனர். அதனால் தொன்று தொட்டு இவர்கள் உயிர்ப்பல்வகைமையுடன் சேர்ந்து வாழ்வதற்கு, அவற்றை அழிக்காமல் உபயோகிப்பதற்கான வழிமுறைகளை அறிந்தவர்கள். பழங்குடிமக்கள் பற்றிய அறிவு எமது தற்போதைய உயிர்ப்பல்வகைமையின் பாதுகாப்பு தேவைகளுக்கு முக்கியமானது.
உயிர்ப்பல்வகைமையை பேண்தகு முறையில் உபயோகிப்பதற்கான முறைகளை அவர்களிடமிருந்து நாம் அறிந்து கொள்ளலாம். உதாரணமாக, நாம் இருபதிற்கும் குறைந்த தாவரங்களையே உணவிற்காக பயன்படுத்துகிறோம். ஆனால் ஆபிரிக்கா நாட்டைச் சேர்ந்த Efe pygmies  100 க்கும் மேற்பட்ட தாவரங்களை உணவிற்காக பயன்படுத்துகின்றனர். ஒரு இனத்தில் காணப்படும் வான் வகை (wild strains) பல்வகைமை தன்மையின் அறிவு எமது பயிர்ச்செய்கை நடவடிக்கைகளிற்கு முக்கியமாகும்.
விஞ்ஞான முன்னேற்றமடைந்த மனிதன் கண்டுபிடிக்காத பல மருந்து வகைகள் பழங்குடி மக்களிடையே உபயோகத்திலுள்ளது. உதாரணமாக 3000 கும் மேற்பட்ட தாவரங்கள் கருத்தடைக்காக பழங்குடி மக்களிடையே பயன்படுத்தப்படுகிறது. நமது நாட்டில் காணப்படும் ஆயுர்வேத வைத்திய முறையில் பயன்படும் மூலிகைகளும் இதற்கு மற்றுமொரு உதாரணமாகும்.
இவை போன்ற பல்வேறு காரணங்களால் பழங்குடிகள் பாதுகாக்கப்பட வேண்டும். பழங்குடிகளை பாதுகாப்போம். அவர்களைப் போற்றுவோம். நன்றி முகநூல் *அம்ரிதா
»»  (மேலும்)